ﺋﯘﻳﻐﯘﺭﯨﺴﺘﺎﻥ ﺋﺎﺯﺍﺗﻠﯩﻖ ﺗﻪﺷﻜﯩﻼﺗﻰ Doğu Türkistan Birligi e.V. VR / 203858 __________________________________________________________________________ Uyghuristan azatliq teshkilatining nizamnamisi 1.Bap Teshkilat heqqide omumi chüshenche 1-Paragraf Teshkilat qurushtiki asasi meqset : Yekkiliktin teshkillinish, teshkillinish arqiliq birlishish insaniyet jemiyitining eneniwi adetlirining biridur. Teshkillinish - yetmekchi bolghan meqset-muddi'agha qarita oxshiship kétidighan dunya qarash we qimmet qarishigha ige bolghan melum bir éqimdiki, siyasi ghaye tereptin oxshiship kétidighan xaraktirge ige insanlarning birliki asasida royapqa chiqidu we shu yönülüshte dawam étidu. Künimizde - weten sirtida pa'aliyet qiliwatqan nurghun teshkilatlar mewjut. Bu teshkilatlarning siyasi ghayiside bir- birini chetke qaqidighan ötkür ziddiyetler yoq bolup, ularning hemmisi «sherqi türkistan »dep atalghan téritoriyesi 1 milyon 828 ming 418 kuwadirat kilométir kélidighan bésiwélinghan bir döletning azatliqi üchün küresh qiliwatidu. Sherqi türkistan teshkilatliri dewa jeryanida rayon xaraktérliq siyasi ziddiyetlerning, xitay basmichilirining bizge qaratqan hile- neyrenglirining we teshkillinish jehettiki ichki nizalirimizning sewebidin muntizim bir séstim ichide heriket qilalmighanliqtin zor ziyanlar körülüwatidu. Shu wejidin teshkilat we merkezi teshkilatlirimiz bir bolsa öz aldilirigha qoyghan nishan, ghaye tüpeyli yaki melum bir mewjut kishining nopuzi, shexsi arzusi tüpeyli öz-ara bölünüp, yaki öz- ara birliship, türlük ötkünchi éqimlarni shekillendürüp kelmekte. Bezide addi bir ishlarmu teshkilatlarning bölünüshini keltürüp chiqarghan bolsa, bezide bu teshkilatlar pilanliq yaki istixiyelik halda birliship kétidighan hadisilermu özlüksiz körülmekte. Teshkilatlirimizda yüksek siyasi ghaye tereptin birlik bar bolsimu, konkirtni xizmetlerde her türlük ijtima'i sewepler tüpeylidin jiddi hel qilish kérek bolghan bir qatar mesililer otturigha chiqmaqta. Xéli zor netijiler otturigha chiqqan aldinqi 10 yil ene shundaq «özlüksiz »liklerge shahit boldi. Eger eqil we idi'ologiye kürishi boluwatqan mushundaq bir murekkep xelqara weziyette dewrige yarisha islahat we yéngilash tedbirlirini otturigha qoyalmisaq kéyinki 10 yilmu (hazirqi dewa uslubining ichki tereqqiyatidin qarighanda) perqliq birer netije körsetmeydighandek qilidu. Eksiche oxshimighan qutuplargha parchilinip, öz- ara ziddiyetlishish arqiliq waqit, zéhin we iqtisad israpchiliqi kélip chiqip tesewwur qilghusiz ziyanlarni élip kélidu. Nöwette tashqi we ichki jehette yandap ötüp kétish qiyin bolghan bu meseliler musteqilliq üchün yéngi qan, yéngi tepekkur asasida zéhni küchimizni urghutup, zamanisigha yarisha taktéka we sitiratégiye belgülep qelbte, ishta, iddiyede bir bolushni heqiqi rewishte emelge ashurushni telep qilmaqta. Xelqimizning waz kechmes milli iradisining mehsuli bolghan musteqilliq kürishini qanat yaydurushqa angliq, pilanliq we ilmi inkasni shekillendüridighan bir neziriyiwi séstimni berpa qilish teshkilatimizning xizmet obyéktidur. Yoqurqi iddiyeni ölchem qilghan ammiwiyliqqa ige birlikni asas qilip musteqilliq basquchlirini paralél yönülüshte qandaq bésip ötüsh, qandaq qilip öz- ara hemkarliqni emelge ashurush we inqilawimizning neziriyesi we siyasi programmisini ilmi we neziriyiwi jehettin mukemmel otturgha chiqirishta bir qatar xizmetlerni ishlep, 1 ﺋﯘﻳﻐﯘﺭﯨﺴﺘﺎﻥ ﺋﺎﺯﺍﺗﻠﯩﻖ ﺗﻪﺷﻜﯩﻼﺗﻰ Doğu Türkistan Birligi e.V. VR / 203858 __________________________________________________________________________ teshkilatlar we merkizi teshkilatlirimizning xizmetliridiki boshluqni toldurush, ularning xizmetlirige hemdemde bolush, shu arqiliq qanuni , ilmi , siyasi jehettin mukemmel asasqa ige birlik barawerlik, qa'ide nizam we intizam bilen dewa élip bérish séstimisini berpa qilish yetmekchi bolghan büyük nishanlirimizning biri süpitide partiye sheklide idare qilinidighan ushbu teshkilatimizning zimmisige yüklenmekte. Biz teshebbus qiliwatqan teshkilat siyasi jehette keskin, muddi'a jehette üzül-késil, muressesiz musteqilliq dewasi qilidighan idi'ologiyewi mesililerde ilmi , neziriyiwi tereplerdin musteqilliq témisigha alahide ehmiyet béridighan we sherqi türkistan dewasining musteqilliq telep qilidighan gholluq liniyesige siyasi we neziriyiwi jehettin yétekchilik qilidighan hoquqluq bir organdur. Teshkilat yoqurqi jenggiwar xizmetlerning jawapkarliqini üstige alalaydighan, musteqilliq yolini bashqa teshkilatlargha iddiye jehettin ülge yaritidighan emeli qedemler bilen bésip mangidighan, musteqilliq dewasining barliq éqimi bilen we ulargha yétekchilik qiliwatqan herqandaq shexisliri bilen melum bir sewiyede kélisheleydighan, musteqilliq herikitimizge paydiliq yollarni échishta bashqa éqimdiki teshkilat shundaqla teshkilatchilar bilen özining siyasi mewqesi asasida birlikni wujutqa chiqiralaydighan we ötkünchi dewride ular bilen nispi munasiwet ornitalaydighan, öz- ara ittipaqliqni ilgiri süridighan, merkizi teshkilatlargha jümlidin herqandaq bir teshkilatqa we her qandaq bir shexiske qarshi emes eksiche ijabi munasiwette boludighan, eng muhimi dewayimiz érishken tejribe sawaqlar asasida mukemmel bolghan siyasi , neziriyiwi we qanuni jehettin dewa asasini pishshiqlap ishlep chiqidighan bir ulughwar qedem bilen otturigha chiqidu. 2-Paragraf Teshkili aparat toghrisida chüshenche Teshkilatning teshkili aparatliri A. da'imi komitét B. meslihetchiler komitét S. re'is we mu awin re'isler D. dini ishlar komitéti É. teptish komitéti F. maliye bölümi G. Istixbarat komététi(ichki ishlar bölimi, tashqi ishlar bölimi) X. Ijra'iye komitéti _ Qatarliq organlardin terkip tapidu. 3-Paragraf Teshkilatning nizamnamisi toghrisida chüshenche A. Teshkilatning qurulushi toluq pishshiqlap ishlengen nizamnamige asasen ishqa ashidu. B. Teshkilatning nizamnamisi bash re'istin bashlap herbir ezaghiche boysunush belgilimisi bolup qobul qilinidu. S. Teshkilat ijra qilidighan her qandaq ish-heriket nizamnamige oyghun bolushi telep qilinidu. 2 ﺋﯘﻳﻐﯘﺭﯨﺴﺘﺎﻥ ﺋﺎﺯﺍﺗﻠﯩﻖ ﺗﻪﺷﻜﯩﻼﺗﻰ Doğu Türkistan Birligi e.V. VR / 203858 __________________________________________________________________________ D. Nizamnamining maddiliri omumi yighinda qarap chiqilidu, özgertishke toghra kelse awazgha qoyulup yighin qatnashquchilirining 50% din artuq maqullishi bilen özgertilidu, toluqlinidu. Xizmet jeryanida nizamnamige tüzütüsh kirgüzüsh zörüriyiti tughulup qalsa, da'imi kommitétning yighini échilip, köp sanliq ezalarning awaz bérishi bilen özgertilidu. 2.Bap Teshkili aparat we xadimlarning wezipiliri toghrisida chüshenche 1-Paragrap Re'is re'is teshkilattiki eng yoquri hoquqluq shexs bolup hésaplinidu. Yeni qereli toshmighan ehwaldimu da'imi komitét yighini chaqirish tekliwini béreleydu, wezipilik xadimlargha buyruq chüshürüp öz wezipisini öteshke mejburliyalaydu, wezipisini ada qilalmighan tarmaq we xadimlarni almashturush, boshutush tekliwini béreleydu, re is da'imi komitét, teptish komitéti, ijra'iye komitéti, dini ishlar komitéti, istixbarat komététi we maliye bölümining xizmetlirini biwaste qol tiqip tekshüreleydu. 2-Paragraf Mu'awin re'isler Birinchi mu'awin re'isning qoshumche konkirt wezipisi bolushi we bolmasliqidin qetinezer bash re'isning qoshulushi bilen weyaki bash re'is xizmet üstide bolmighan, bolalmaydighan ehwalda bash re'isning wezipisini öteydu. Bashqa mu'awin re'isler teshkilatning orunlashturishigha asasen alahide wezipilerni üstige alidu. 3-Paragraf Da'imi komitét Da'imi komitét teshkilatning eng yoquri hoquqluq orginidur. Da'imi komitét teshkilatning nizamname, programma, saylam qatarliq teshkili xizmetlirige munasiwetlik omumi ehwallargha a'it qararlarni maqullaydu we omumi yighinning rohigha asasen nizamname, programmilarni tüzüp chiqish, özgertish, bikar qilish, qarar élish we maqullash ishlirini béjiridu. 4-Paragraf Dini ishlar komitéti Teshkilatning dini ishlar komitéti xelqimizning dini étiqat mesililirige a'it omumi ishlargha yétekchilik qilidu. Dini telim- terbiye, teshwiqat- terghibat we dini mu'emmalarni yétekleydu we teshkilleydu. Dini ishlar komitéti barliq bölümlerdin hörmet jehette yoquri orunda turidu. 3 ﺋﯘﻳﻐﯘﺭﯨﺴﺘﺎﻥ ﺋﺎﺯﺍﺗﻠﯩﻖ ﺗﻪﺷﻜﯩﻼﺗﻰ Doğu Türkistan Birligi e.V. VR / 203858 __________________________________________________________________________ 5-Paragraf Teptish komitéti Teptish komitéti bash re'isning xizmetliridin tartip barliq merkez we xadimlarning xizmetlirigiche bolghan qanungha we nizamnamige munasiwetlik barliq mesililerni sürüshte qilidu we nazaretchilik qilidu. Bolupmu teshkili, iqtisadi munasiwetlirini qanun- belgilime we nizamname rohigha asasen qoghdash wezipisini öteydu. 6-Paragraf Maliye bölümi Maliye bölümi teshkilatning maliye ishlirini béjiridu. Teshkilatning jan tomuri bolghan bu xizmetni béjanidilliq bilen orunlaydu, öz mejburiyitini nazuk siyasi mesile qatarida étirap qilidu. Maliye bölümi teshkilatni maddi jehettin küchlendürüsh yolliri heqqide obyéktip xizmetlerge yétekchilik qilidu we qol tiqip ishleydu. 7-Paragraf Istixbarat komététi Istixbarat komététi aldi bilen teshkilat ezalirining siyasi istilige munasiwetlik mesililerge, musteqilliq heriket éqimidiki teshkilat we xadimlarning siyasi istilige da'ir mesililerge qaraydu. Andin weten, mi'illet mesilisige a'it axbarat, uchur, alaqe, intizam ishlirigha mesul bolidu. 8-Paragraf Ijra'iye komitéti Ijra'iye komitétining wezipe da'irisi bir qeder kengri bolup, özige qarashliq bir qanche teng derijilik bölümlerni öz ichige alghan halda teshkilatning kündülük xizmetlirini yürgüzidu. 3.Bap Teshkilatning omumi nizamnamisi 1-Paragraf Teshkilatning omumi ehwaligha alaqidar belgilimiler 1.Madda : teshkilatning nami: Uyghuristan azatliq dep atilidu. 2.Madda : teshkilat qollinidighan til- yéziq uyghur til- yéziqidur, teshkilat ezaliri yashaydighan jaylardiki yerlik tillar yerlik resmiyet béjirish we yerlik alaqe ishlirida ishlitilidu. 3.Madda : teshkilat ana wetiminimiz ning üzül-késil musteqilliqi üchün heriket qilidu, teshkilat ijra qilghan her qandaq heriketning jawapkarliqini üstige alidu, hemde mesililerni xelqara qanun we ehdinamilerge oyghun halda bir terep qilidu. Wetenning azatliqi üchün élip bérilghan, xelqimizning milli kimlikini, igilik hoquqini, wetinimizning zimin pütünlükini, maddi we meniwi bayliqlirini, til- yéziqi we dini étiqadi qatarliqlarni qoghdash üchün élip béri'iwatqan heriketlirini qanuni heriket dep tonuydu we uni xelqara sorunlarda himaye qilidu. 4 ﺋﯘﻳﻐﯘﺭﯨﺴﺘﺎﻥ ﺋﺎﺯﺍﺗﻠﯩﻖ ﺗﻪﺷﻜﯩﻼﺗﻰ Doğu Türkistan Birligi e.V. VR / 203858 __________________________________________________________________________ 4. Madda : teshkilat wetinimizdiki ahalilerni mundaq 3 türge ayrip qobul qilidu: 1) Yerlik xeliqler- yeni wetinimizde ezeldin yashap kelgen uyghurlar we uyghurlar bilen til, étiqat, örpi-adet, ortaq milli menpe'et, ortaq jughrapiyilik makan qatarliq jehetlerde oxshashliqi bolghan we uyghurlar bilen ortaq siyasi teqdirge ige «yerlikler »dep atashqa sherti toshidighan barliq étnik xelqler. 2) Muhajirlar- yeni wetinimizge türlük sewepler bilen qanunluq halda kirip olturaqliship qalghan, xitaylarning tajawuzchiliq jinayiti bilen shérikchiliki yoq bolghan chetellikler. 3) Qanunsiz köchmenler- yeni wetinimizge tajawuz qilip kirgen basmichi qoralliq küchler we ularning mejburi yötkep kélip orunlashturishi bilen, wetinimizning bayliqlirini talan- taraj qilish üchün olturaqliship qalghan we tajawuzchilargha hemtawaq bolghan herqandaq kishiler. 5.Madda : teshkilatimiz qoshna eller bilen bolghan wetinimizning tupraq ölchimi mesilisini shu heqtiki xelqara ehdinamiler asasida ténchliq we diplomatiye yoli bilen hel qilishni teshebbus qilidu. 6.Madda : teshkilatimiz yéqin kelgüsidiki azat wetinimizde démokratik jumhuriyet tüzümini berpa qilishni, qanun bilen bashqurulidighan musteqil dölet bolushini arzu qilidu. 7.Madda : teshkilatimiz yéqin kelgüsidiki musteqil dölitimizning dunya ténchliqigha, rayon ténchliqigha, insaniyet ténchliqigha töhpe qoshidighanliqini xelqara jama'etke ochuq jakalaydu hem qoshna ellerge béqinmaydighanliqigha, qoshna ellerge kéngeymichilik qilmaydighanliqigha ishinidu. 2.Paragraf Teshkilatning asasi qurulma we xizmetlirige alaqidar belgilimiler 8.Madda : teshkilatning xizmiti teshkilat resmi saylam ötküzüp, rehberlik aparatlirini tesis qilip chiqqandin kéyin bashlinidu. Teshkilatning qurulush jeryani we saylimi ashkare, démokratik usul bilen élip bérilidu. 9.Madda : teshkilat: A. Da'imi komitét B. Meslihetchiler komité'iti S. Re'is we mu'awin re'isler D. Teptish komitéti É. Dini ishlar komitéti F. Maliye bölümi G. Istixbarat komététi X. Ijra'iye komitéti _ qatarliq komitét derijilik orunlardin terkip tapidu. 3.Paragraf Teshkilatning omumi xizmetlirige alaqidar belgilimiler 10. Madda : bash re'isning xizmet ehwali: 1) Bash re'is teshkilattiki eng yoquri hoquqluq xadim bolup, omumiy yighin we da'imi komitét yighinida élinghan qararlargha asasen her qaysi aparatlargha wezipe tapshuridu. 5 ﺋﯘﻳﻐﯘﺭﯨﺴﺘﺎﻥ ﺋﺎﺯﺍﺗﻠﯩﻖ ﺗﻪﺷﻜﯩﻼﺗﻰ Doğu Türkistan Birligi e.V. VR / 203858 __________________________________________________________________________ 2) Bash re'is her qaysi tarmaqlarni öz wezipilirini öteshke mejburlaydu, wezipisini yaxshi ötigenlerni teqdirleydu, wezipiside passip bolghanlarni tenqitleydu we agahlanduridu. Zörür tépilghanda wezipilik xadimlarni waqitliq ishtin toxtitalaydu. 3) Bash re'is chet elliklerge bayanat béridu, ular bilen öz aldigha munasiwet ornitalaydu, lékin herqandaq bir bayanat bérishte yaki alaqe ornutushta teshkilatning siyasi pirinsipliri we qa'ide- nizamlirigha xilapliq qilmasliqi, alahide jiddi mesililer körülgende bash re'is meslehetchiliri heyitining muzakirisidin ötküzüshi kérek. 11. Madda : da'imi komitétning omumi ehwali: Da'imi komitét teshkilattiki eng yoquri hoquqluq organ bolup, teshkilatning omumi saylam yighinidin bir derije töwen turidighan, qarar maqullaydighan, belgilimilerni qarap chiqidighan, teshkilatning nizamnamilirini, pirinsip we programmilirini özgertip, yéngilap, toluqlap békitidighan hoquqlargha igedur. Da'imi komitét ichide bash re'is özining meslehetchiliri heyitini tesis qilidu. 12.Madda : da'imi komitét ezaliri: teshkilatning bash re'isi, da'imi komitét re'isi, ijra'iye komitéti re'isi, maliye bölümi mesuli we dini ishlar komitéti re'isi qatarliq xadimlar ( shertsiz bolghan) din sirt teshkilatta wezipisi bolmighan qabilyetlik, aktip ezalardinmu teshkillense bolidu. Da'imi komitét ezaliri teshkilatning omumi saylam yighinida namzat körsütülüp saylap chiqilidu. Saylamdin ilgiri-kéyinki waqitlarda da'imi komitétigha kéngeytip eza qobul qilishqa ihtiyaj tughulghanda, mewjut da'imi komitét ezalirining 50%din yoquri awazi bilen toluqlap saylansa bolidu. Ezalalirining sani teshkilatning omumi ezalirining sanining azköplikige qarap köpeytilishi mümkin, eng az bolghanda 9 kishidin kam bolmasliqi kérek. 13. Madda : bash re'is meslihetchiler heyiti da'imi komitét ezaliridin tallinip békitilidu. Meslihetchiler heyiti da'imi komitét ezalirigha ashkara uxturilidu. Eger bash re'is meslihetchiler heyitining maqullighisiz birer bayanat élan qilghan bolsa, yaki tashqi munasiwette birer alaqe ornatqan bolsa, selbi aqiwitige özi jawapkar bolidu. 14.Madda : mesle hetchiler komité'iti: musteqilliq heriket sépide aktip rol éliwatqan shexsler, teshkilatchilar we dini zatlardin terkip tapidu. Teshkilatning siyasi ishlirida teklip we meslehetlerni béridu. Shu arqiliq dewa yétekchilirining teshkilatimizni nazaret qilishigha, xizmetlirimizge yétekchilik qilishigha we teshkilatlarning teshkilatimiz arqiliq musteqilliq idé'ologiyisige a'it yéngi chüshenchilerge ige bolup, teshkilatlar ara hemkarliq we büyük birlikning otturigha chiqishigha qolayliq yaritidu. 15. Madda : dini ishlar komitétining xizmet ehwali töwendikidek tertip bilen élip bérilidu : 1) Xelqimizning dini itiqat ishlirigha yétekchilik qilidu. Teshwiqat bölümi, teshkilat bölümi, tetqiqat bölümi, ana- balilar bölümi qatarliq bölümlerning hemkarlishishi bilen dewa sépimizde dini telim-terbiye, teshwiqat- terghibat ishlirini élip baridu. 2) Teshkilatimizning musulman eller bilen bolidighan munasiwetlirini béjiridu, 3) Din bilen millitimizning arisidiki ayrilmas birlikni, din bilen wetinimiz ottursidiki baghlinishlarni, islam bilen gheyri islam arisidiki insani munasiwetlerni xelqimizge eng toghra rewishte chüshendürüsh xizmitini öteydu, 4) Teshkilatning omumi nizam we pirinsiplirini yaqlighan halda, xizmetlirining téximu önüm bérishi üchün ayrim pa'aliyet nizami tüzüp chiqip, da'imi komitétqa tesqitlitip xizmet béjirse bolidu. 16.Madda : teptish komitéti: teshkilatning teptish komitéti bash re'isning buyruqigha béna'en herqaysi tarmaqlarning xizmet ehwali, da'imi komitét ezaliridin körülgen gheyri normal hadésiler, shuningdek barliq ezalarning üstidinmu tekshürüsh élip baridu, igiligen 6 ﺋﯘﻳﻐﯘﺭﯨﺴﺘﺎﻥ ﺋﺎﺯﺍﺗﻠﯩﻖ ﺗﻪﺷﻜﯩﻼﺗﻰ Doğu Türkistan Birligi e.V. VR / 203858 __________________________________________________________________________ melumatlarni peqet bash re'iske tapshuridu, bash re'isning buyruqisiz öz béshimchiliq bilen héch kimge köz-qulaq bolalmaydu. Nawada bash re'istin xataliq sadir bolghanda, da'imi komitét teripidin qarar chiqirilip teptishning éniqlishigha tapshurulidu, bash re'isning üstidin igiligen melumat mezkur da'imi komitétqa tapshurulidu. 17.Madda : maliye bölümi: teshkilatning maliye bölümi teshkilatning we teshkili pa'aliyetning jan tumuridur. Shuning üchün bu tarmaqning xizmitige pewquladde ehmiyet bérilishi kérek. Maliye bölümi teshkilatning maliye mesilisini hel qilish üchün töwendikidek chare- tedbirlerni ishqa ashurushi lazim: 1) teshkilat ezaliridin qerellik bedel puli yighidu, 2 ) teshkilat siritidin i'ane toplash pa'aliyti élip baridu, 3 ) teshkilatning siyasi - nizam we pirinsiplirigha xilap bolmighan halda tijaret yollirini échip, teshkilatning maliye ishlirini janlanduridu. 18.Madda : istixbarat komététi: 1) Istixbarat komététi aldi bilen teshkilat ezalirining siyasi istilige munasiwetlik mesililerge, musteqillq heriket éqimidiki teshkilat we xadimlarning siyasi istilige da'ir mesililerge qaraydu. Andin weten, mi'illet mesilisige a'it axbarat, uchur, intizam, alaqe ishlirigha mesul boludu. 2) Her qaysi merkezler élip bériwatqan wezipilerning milli menpetimizge ziyanliq aqiwitining bar- yoqliqini igileydu. 3) Teshkilatimizgha pewquladde kélidighan, tuyuqsiz yardemlerning menbesini, yeni xitay menbelik, yaki xitaygha hemkarlishidighan dölet, teshklat menbelik bolup-ghbolmighanliqini igileydu. 4) Xitay tajawuzchilirining xelqimizge séliwatqan zulum ehwalining pakitlirini igileydu. 5) Xitayning stratégiyesi, taktékisi üstide izdinish élip baridu. 6) Xitayning bizge yardemchi boliwatqan dölet we xelqara teshkilatlargha qaysi usulda taqabil turush pilanlirini igileshke tirishidu. 7) Xitayning gomashtilirining chet- eldiki heriketlirimizge suqunup kirip, buzghunchiliq qilishigha orunushlirini igileydu. 8) Weten ichi we siritidin musteqilliq herikitimizge kéreklik bolghan her türlük uchurlarni toplash, tetqiq qilish ishlirini béjiridu. Toplighan barliq melumatlar teshkilatning bash re'isige tapshurulidu. 19. Madda : ijra'iye komitéti teshkilatning kündülük xizmetlirige mesul bolidu. Bu orun da'imi komitét yighinliridin töwen derijilik barliq yighinlarni chaqiridu. Bash re'isning buyruqigha asasen teshkilatning omumi saylam yighinining küntertiplirini békitidu. Ammiwiy pa'aliyetlerni teshkilleydu, yétekchilik qilidu. Qarmiqidiki her qaysi teng derijilik bölümlerning xizmetlirige qolayliq yaritidu we hemkarlishidu. 20. Madda: ijra'iye komitét qarmiqida tarmaq bölümler tesis qilinidu: 1)Teshwiqat bölümi 2) Teshkilat bölümi 3) Ana- balilar bölümi 4) Katibat bölümi 5) Terjime-tetqiqat bölümi... Zorür tepilghanda yene bezi bölümler tesis qilinidu. 21. Madda : ijra'iye komitét qarmiqidiki tarmaqlarning xizmet ehwalliri: 1) Teshwiqat bölümi: musteqilliq herikitni , siyasi we axbarat ishlirini teshwiq qilidu, teshkilatning organ matiryallirini neshir qilip tarqitidu, teshkilat xizmetlirige a'it türlük siyasi, ijtima'i xewer, uchur we matiryallarni hazirlashqa mesul bolidu. Intérnét sehipisi, intérnét radi'o-télwiziyesi we gézit qatarliqlarning xizmetlirini béjiridu. 2) Teshkilat bölümi: eza qobul qilish, ezaliqtin bikar qilish ishlirini béjiridu. 7 ﺋﯘﻳﻐﯘﺭﯨﺴﺘﺎﻥ ﺋﺎﺯﺍﺗﻠﯩﻖ ﺗﻪﺷﻜﯩﻼﺗﻰ Doğu Türkistan Birligi e.V. VR / 203858 __________________________________________________________________________ 3) Ana- balilar bölümi : wetenning azatliqi emelge ashqiche bolghan ötkünchi dewirde anilirimiz we balilirimizning insaniy heq-hoquqlirini xelqara qanun we ehdinamiler we milli enenilirimiz asasida qoghdash üchün emeli pa'aliyetlerni élip baridu. Ana- balilar xizmitige mesul bolidu, cheteldiki yash- ösmürlerge til-yéziq, dini étiqat, örpi- adet, edebiyat- senet, tarix- jughrapiye saheside telim-terbiye ishlirini qanat yayduridu. 4) Terjime wetetqiqat bölümi: musteqilliq herikitimizge a'it meselilerni tetqiq qilidu, pishshiqlap ishleydu, ichki we tashqi siyasi weziyet üstide izdinish élip baridu. Biz üchün paydiliq bolghan uyghurche muhim matériyallarni chetelchige, chetelche muhim matériyallarni uyghurchigha terjime qilish ishlirini béjiridu. 5) Katibat bölümi teshkilatning pütük ishlirini béjiridu. Uxturush, iltimas, chaqiriq ishlirini béjiridu. Ichki _ teshkili alaqe ishlirini béjiridu. 22. Madda : teshkilatqa qabiliyetlik kesip ehliliri teklip qilinidu. Pilan, taktéka we stratégiye tüzüsh ishliri alahide kün tertipke qoyulup muzakire qilinidu, qol tiqip ishlinidu. Bu teshkilatimizning eng zörür xizmetlirining biridur. 23. Madda : teshkilatimiz nopuzluq zatlirimizni himaye qilidu, qoghdaydu, lékin teshkilatning abroyini östürüsh meqsidide nopuz qoghlashmaydu, eksiche xizmet qilish, netije qazinish arqiliq nopuz yaritishqa tirishidu. 24. Madda : teshkilat resmi ishqa kirishkendin kéyin herqaysi bölümler xizmet ihtiyajigha qarap, teshkilatning tüp nizamnamisige oyghun halda qoshumche, waqitliq belgilime tüzüp chiqip, da'imi komitétqa testiqlitip xizmet béjirse bolidu. Da'imi komitétqa testiqlatmay, öz aldigha, öz béshimchiliq bilen béjirgen herqandaq shekildiki xizmetliri qanunsiz bolup hésaplinidu, bundaq hadisini sadir qilghan xadim yaki bölüm özini tekshüridu we intizam jazasigha tartilidu. 4. Bap Teshkilat ezalirining hoquq we mejburiyetlirige alaqidar belgilimiler 1.Paragraf Teshkilat ezalirining hoquqliri 25. Madda : teshkilatqa eza bolup kirgen herqandaq bir kishi: 1) Teshkilattin sewepsiz chiqiriwétilmeydu. 2) Alahide gumanliq ehwal körülmigiche üstidin tekshürüsh élip bérilishqa bolmaydu. 3)Herbir ezaning saylamgha qatnishish, özi xalighan birige ewaz bérish, özini layaqetlik orungha namzat körsütüsh, bashqilarni namzat körsütüsh erkinliki dexli- terüzge uchrimaydu. 4) Bashqilarni teshkilatqa eza bolushqa ündiyeleydu. 5) Herbir eza wezipilik kishilerning üstidin nazaret qilalaydu, teshkilatning nizamnamisige xilap yolsizliq qilmishlirini bayqighan haman shikayetlirini bash re'iske yetküzeleydu. 6) Teshkilatning wezipiliri , pa'aliyetliri seweplik yashash, ishlesh hoquqliri, rohi erkinlikliri, jismani qoghdinishliri dexli-terüzge uchrimaydu. 2.Paragraf 8 ﺋﯘﻳﻐﯘﺭﯨﺴﺘﺎﻥ ﺋﺎﺯﺍﺗﻠﯩﻖ ﺗﻪﺷﻜﯩﻼﺗﻰ Doğu Türkistan Birligi e.V. VR / 203858 __________________________________________________________________________ Teshkilat ezalirining mejburiyetliri 26. Madda : teshkilatqa eza bolup kirgen her qandaq bir kishi : 1) Ezaliq bedel pulini shertsiz öteydu. 2) Qerelsiz toplinidighan i'anige aktip awaz qoshudu. 3) Teshkilat oyushturghan türlük pa'aliyetlerge aktip qatnishidu. 4) Teshkilatning nopuzini shertsiz himaye qilidu. 5) Ezalarning öz- ara hoquq we izzet- nepsini qoghdashta ching turidu. 6) Wetinimizning namini, millitimizning namini özliri yashaydighan jaylarda toluq we toghra atap tonushturidu. 7) Herqandaq weziyet astida özini «men xitayliq »déyishi meni qilinidu. 8) Öz- ara, yaki a'ile ichide xitayche sözleshmeydu, atalghularni xitayche qollanmasliqqa alahide küch chiqiridu. 9) Söz- atalghularni özliri yashaydighan jaylardiki yerlik til bilen atimastin ana tilimiz söyümlük uyghur tili bilen atashqa tirishchanliq körsütüdu. 10) Özliri yashaydighan jaylarning tilini yaxshi ögünüshke, yerlik xelqning örpi-adetlirige hörmet qilishqa tirishidu we özliri yashawatqan döletlerning asasi qanun we yerlik siyasetlirige ri'aye qilidu. 11) Öz eqide we milli kimliklirini muqeddes bilgen shert astida özliri yashaydighan döletlerdiki «yerleshtürüsh »qanunlirigha aktip awaz qoshudu. Teshkilat xizmetliri heqqide qoshumche belgilimiler 27. Madda : herqandaq bir eza: 1) Ezaliq bedel puli ötimise, 2) Özi yashaydighan döletning qanunlirigha xilap qesten jinayet ishlise, 3) Teshkilatning we musteqilliq heriketlirimizning mexpiyetlikini düshmenge ashkarilisa, 4) Öz béshimchiliqi bilen heriket qilip teshkilatqa, millitimizge türlük shekilde haqaret we ziyan keltürse, 5) Teshkilatning nopuzini töküshke orunsa, 6) Qayta- qayta idiye xizmiti ishlensimu passipliq mewqi'eside ching tursa _ ezaliqtin qoghlap chiqirilish toghrisida eyipname turghuzulup muzakire qilinidu hemde teshkilatning ijra'iye komitéti da'iriside her qaysi bölüm bashliqlirining qatnishishi bilen jiddi yighin chaqirilip, teshkilattin chiqirilghanliqi élan qilinidu. Teshkilattin chiqiriwétilgen sabiq eza naraziliq erzini 5 hepte ichide da'imi komitétqa tapshurup, mesilige qaytidin qarap chiqishni iltimas qilsa bolidu. 28. Madda : aktip ezalar : 1) Maddi buyumlar bilen teqdirlinidu, 2) Meniwi jehettin rohi östürülüp sherep guwanamisigha na'il bolidu, 3) Teshkilattiki wezipilerge teyinlinidu. 4) Dewada qolgha keltürgen netijiliri royixetke élinidu. 5.Bap 9 ﺋﯘﻳﻐﯘﺭﯨﺴﺘﺎﻥ ﺋﺎﺯﺍﺗﻠﯩﻖ ﺗﻪﺷﻜﯩﻼﺗﻰ Doğu Türkistan Birligi e.V. VR / 203858 __________________________________________________________________________ Teshkilatning ichki tertiplirige alaqidar belgilimiler 1-Paragraf Omumi saylam toghrisidiki belgilimiler 29. Madda : teshkilatning omumi saylam yighini 4 yilda bir qétim chaqirilidu. 30. Madda : da'imi komitétning yighinliri yilda bir qétim, pewquladde ehwal astida qerelsiz chaqirilidu. Meslihetchiler komitéti ezaliri da'imi komitétning yighinlirigha qatnishalaydu. Da'imi komitét yighinigha teptish küzetküchi bolup qatnishidu, lékin awaz bérish hoquqi bolmaydu. 31. Madda : aq: ijra'iye komitéti yighini her pesilde bir qétim, pewquladde ehwal astida qerelsiz chaqirilidu. Ijra'iye komitéti yighinini da'imi komitét ezaliridin belgilik kishiler küzitidu. 32.Madda : da'imi komitétning siritidiki bashqa komitét we her qaysi bölümler yighini, xizmet ehwaligha qarap qerelsiz chaqirilsa bolidu. 33. Madda : eger teshkilatni emeldin qaldurushqa toghra kelse, teshkilatning omumi yighini chaqirilip ezalarining köplük awaz bilen emeldin qaldurulidu. Nizamname sinaq layihe nusxisi Nizamname tüzüsh heyiti: Abdurehimjan abdureshid Osmanjan tursun Alimjan memet Turghunjan alawudun Hesenjan qasim Eskertish: pikir teklipler qubul qilinip, nizamnamining maddiliri kéngeytilidu we tuluqlinidu. 2009- Yili 2- ayning 23-küni 10
© Copyright 2024 Paperzz
