close

Enter

Log in using OpenID

Descripziun per Chesa Planta

embedDownload
Descripziun
Prüm’eivna dal cuors (7-11 lügl 2014):
Cuors I: Per quist cuors nu vegnan pretaisas üngüns cugnuschentschas preliminaras da
rumauntsch. Mez d’instrucziun: In lingia directa, puter 1, lecziun 1. Cuors III: In lingia
directa, lecziun 3. Cuors V: In lingia directa, lecziuns 6-7. Cuors VII: In lingia directa, puter
2 (prümas lecziuns). Cuors IX: Rinfras-ch e conversaziun.
Seguond’eivna dal cuors (14-18 lügl 2014)
Cuors II: In lingia directa, puter 1, lecziun 2. Cuors IV: In lingia directa, lecziuns 4-5.
Cuors VI: In lingia directa, lecziuns 8-10. Cuors VIII: In lingia directa, puter 2,
cuntinuaziun.
Seminar culturel
Modul 1: La catastrofa da Plür
Ün seminari cun Lurench Degen
Che es capito als 4 da settember 1618, cur cha tuot la
vschinauncha da Plür/Plurs/Piuro giosom la Val Bergiaglia es
svanida suot la grippa?
Ho il Segner vairamaing chastio il cumün? E perche?
Lündeschdi, ils 14 lügl, vulains nus incler perche cha Plür eira
ün « cas speciel », nus vzains che funtaunas chi descrivan la
bouda enorma. In speciel vulains nus ler ed analiser tschertas
parts our dal cudesch « La ruina da Plür » dad Andri Peer (
Uniun dals Grischs, 1982).
Mardi, 15 lügl, fains nus ün’excursiun cun tren ed auto da posta a Piuro. Nus giains sün
las ruinas veglias e visitains il pitschen museum cun chats archelogics.
Modul 2: Descripziuns dal Grand Hotel
Ün seminari cun Valeria M. Badilatti
« Ün hotel ha per uschè dir ün cheu ed ün chül » (Cla Biert)
Il Grand Hotel fo part da l’Engiadin’Ota ed uschè eir da diversas ouvras litteraras scrittas
in Engiadina. Ma cu vain el rapreschanto illa litteratura rumauntscha? Scu clap chaistun,
trid mobel u pütost scu paradis? Insembel ans vulainsa dedicher ad ün corpus da texts
rumauntschs per scuvrir differentas descripziuns dal Grand Hotel. Al listess mumaint dess
mincha partecipantA pudair profiter per praticher ed approfundir sias cugnuschentschas
da la lingua fand riassunts, traducziuns u baderledas. Grazcha a l’atmosfera familiera dal
seminar culturel saro eir pussibel da resguarder giavüschs individuels. La visita d’ün tel
palazi dess finelmaing cumpletter noss’eivna cumünaivla suot l’insaina dal Grand Hotel.
Il seminar ho lö dals 15 als 17 lügl 2014.
Spüerta 2014
Per indigenas ed indigens – ed oters chi discuorran e scrivan puter
Cuors da trais sairas cun Chatrina ed Andrea Urech
Chi da nus, chi drouva il puter in sieu minchadi, saja que per l’adöver privat u per la
lavur, nun es adüna darcho confrunto cun melsgürezzas druvand nossa lingua?
Bgers haun imprains pür zievatiers a discuorrer e scriver rumauntsch e varsaquauntas
indigenas e varsaquaunts indigens nun haun daspö lur temp da scoula pü gieu occasiun
da scriver puter ed haun già cò u lo penso cha füss bun da rinfras-cher l’ün’u l’otra regla!
Tuot quistas persunas sun invidedas da’s parteciper a quist cuors chi vain organiso quist
an düraunt trais sairas à duos uras. Spordschand differents impuls e mezs d’agüd
vulessans musser cha la sfida da scriver e da discuorrer puter nun es üngün striögn!
Las datas: marculdi, 9; gövgia, 10 e venderdi 11 lügl 2014; 19.00-21.00.
Termin d’annunzcha: 14 gün 2014
Author
Document
Category
Uncategorized
Views
0
File Size
935 KB
Tags
1/--pages
Report inappropriate content