SURSELVA GIEVGIA, ILS 24 DA FANADUR 2014 Bunas premissas ■ LUMNEZIA Ina guida litterara silla Greina Tut plaida pil reussir digl Open Air Lumnezia da giubileum (cp) Ils 23 e 24 d’uost meina ina tura guidada sur il Pass Diesrut sils fastitgs dil «Cavalè della Greina» screts da Toni Halter. Cun ses raquens paleisa il guid Guido Caviezel, giugadur dil teater «Il cavalè della Greina» daus a Vrin 2009 dallas stads dil cavalè, da sia gronda enconuschientscha dalla Greina e dil misteri dil cavagl alv da Blengias. La tura pren si’entschatta a Vella/Palius per lu serender culla posta enta Vrin tochen si Puzzatsch. Naven da leu a pei silla Greina cun pernottaziun ella camona dil Terri. L’auter di retuorn giu Vrin nua ch’il film dil teater «Il cavalè della Greina» vegn presentaus en halla plurivalenta. Per la fundaziun da cultura Lumnezia ed il comite 100 onns Toni Halter DA GIUSEP VENZIN / ANR ■ Buna musica, buna prevendita e bialaura. Tut quei drova igl Open Air Lumnezia pil reussir. Norbert Cavegn, dapi il 1996 schef dil comite d’organisaziun, ei plein optimissem. Cun raschun: Per la dretga mischeida da musica ha Sergio Loretz procurau, la prevendita numna el buna e paregliabla culs davos onns e la prognosa dall’aura ei empremettenta. Damaun allas 10.00 arvan las portas dil festival da musica a Degen ed il suentermiezdi cuort avon las treis arva la gruppa «Plasma» cun Manuel Jacomet, Carlo Lardi e Mauro Büchler l’aventura musicala che va alla fin la notg silla dumengia culla gruppa englesa «Placebo». Ulteriurs acts da muntada ein «Vitalic Live», «Kaiser Chiefs» e «Bligg». Nominaus pil premi Terra Grischuna Norbert Cavegn ei ina da treis persunas nominadas pil premi Terra Grischuna 2014. Ei dat negin dubi dils merets digl um da 45 onns. Gleiti 20 onns eis el alla testa dil comite d’organisaziun dil pli grond open air el cantun Grischun. Il fiduziari ei garant pil success. El ei buca mo seprofilaus cun grond engaschi e creativitad, el ei medemamein seprofilaus cun perseveronza e mudestadad. La perseveronza drovi en scadin cass per organisar igl Open Air Lumnezia. Rodund 400 voluntaris ein en acziun e prestan varga 10 000 uras lavur per dar damogn als 15 000 visitaders dil festival. 30 000 francs Pigl emprem open air en Lumnezia han ils organisaturs cun Mathias Derungs alla testa duvrau 30 000 francs. Igl open air da giubileum 30 onns pli tard ei calculaus cun 1,5 milliuns francs. Mathias Derungs era avon 30 onns president dall’Uniun da giuventetgna Vella. A caschun d’in viadi dall’uniun han ils Lumnezians visitau ella Svizra centrala in concert d’Angy Burri e ses indians Apaches. Il musicist morts il december vargau ha fatg impressiun als giuvens ed ei allura ■ TIR Delegaziun grischuna ad Innsbruck (anr/hh) La davosa fin d’jamna han las concurrenzas da tir dalla cuminonza dall’Arge Alp giu liug ad Innsbruck. Dalla partida ein stai tiraduras e tiradurs dalla Lombardia, Trentino, Tirol dil sid, Tirol, Salzburg, Baviera, Vorarlberg, S. Gagl, Tessin e Grischun. Rodund 200 participontas e participonts han sittau cun buis e pistola sin differentas distanzas. Dil Grischun ein 15 tiraduras e tiradurs semesirai. Gia la participaziun ad ina tala gronda occurrenza da sport ei in eveniment per in e scadin. Las concurrenzas ein stadas sin in fetg ault nivel. Pil Grischun ei resultau in plaz da podest ed entgins ulteriurs fetg buns resultats. Menziun speciala mereta il tierz rang dall’equipa d’elita el match en venter cun Claudio Roffler (613,7), Lars Färber (611,6) e Ruedi Schwendeler (609,1). Il sisavel rang ha la juniora Valentina Caluori contonschiu el match en venter e medemamein sisavel ei Lars Färber daventaus ella concurrenza cun buis d’aria cun in program da 60 siets. El classament total contonscha il Grischun cun siu cau da match Hubert Tomaschett alla testa il sisavel rang. En quella ha S. Gagl gudignau avon Baviera ed il Tirol. Per las giuvnas participontas ed ils giuvens participonts dil Grischun ein las concurrenzas stadas ell’enzenna dallas experientschas. La caschun da semesirar cun tiraduras e tiradurs dalla classa mundiala sepresenta buca mintga di. 3 Roman Weishaupt Annunzia obligatoria tochen ils 31 da fenadur tier: [email protected] ni 081 931 18 58 Informaziuns detagliadas suondan suenter l’annunzia. ■ MUNDAUN «Il péz sil péz» – exposiziun da fotos Norbert Cavegn ei dapi 1996 alla testa dil comite d’organisaziun digl Open Air Lumnezia. Sut sia direcziun ha il festival contonschiu ina excellenta qualitad. LQ era staus in dils hosps digl emprem Open Air Lumnezia igl onn 1985 a Davos Munts. Dalla idea tochen alla realisaziun han ils giuvens Lumnezians pia duvrau sulet in onn. Sper ils «Apaches» ein era ils indigens «Hades» ed «Alexi e Marcus» stai avon 30 onns ina dallas attracziuns. Agl open air da giubileum drovi acts da muntada internaziunala per carmalar ils hosps a Degen. Il secund Open Air Lumnezia ha dumbrau 800 visitaders. L’euforia ei denton tschessada in onn pli tard. L’aura catastrofala ha lavagau la fiasta. Mo 200 persunas han visitau il festival. La consequenza ei stada ina ruosna ella cassa. Perseveronza ei ina qualitad lumneziana. Per fierer la faultsch en canvau drovi dapli ch’ina ruosna ella cassa. Tochen igl onn 1994 han las uniuns da giuventetgna organisau igl open air che ha dumbrau quei onn 2000 visitaders. Da Cuschnaus a Degen Pigl open air digl onn 1996 ha il comite d’organisaziun stuiu tschercar in niev dacasa. Davos Munts, il liug idillic sur Vattiz, ei vegnius duvraus pil lag da bogn. La midada ha buca fatg donn, anzi. Igl open air ei carschius, quei denton buca senza obstachels ella fuorma d’in collaps finanzial. Quei obstachel ha la Banca cantunala gidau a surmuntar cun in engaschi generus che cuoza tochen il di dad oz. Cun Norbert Cavegn alla testa dil comite d’organisaziun ha igl Open Air Lumne- zia survegniu structuras professiunalas ed ina reputaziun che tonscha lunsch sur ils cunfins. Il festival sut tschiel aviert ei carschius e carschius e per motivs topografics ha Cuschnaus buca supportau quei augment da visitaders. A caschun dil 22avel Open Air Lumnezia ein Patent Ochnser e Silbermond sepresentai igl onn 2006 ella planira davos la caplutta da Degen. Leu sappi il festival crescher qualitativ, ha Norbert Cavegn detg da lezzas uras. Il diember maximal d’aspectaturs ei 15 000. Quei diember ei gleiti contonschius, mo il success ei buca garantius senza engaschi extraordinari. Persuenter drovi la perseveronza lumneziana e Norbert Cavegn ha ina buna purziun da quella perseveronza. Producziun da caschiel d’aulta qualitad Sennaria Surselva Mustér ■ (anr) Il «Migros-Magazin» da questa jamna porta in rapport ordvart positiv dalla Sennaria Surselva a Mustér. Cheu vegni ei – denter auter – produciu caschiel da muntogna bio d’aulta qualitad. Vitier vegnan aunc specialitads grischunas da caschiel d’emprema classa. La Sennaria Surselva ei vegnida erigida 2009. Igl october vargau eis ella vegnida fittada da Bergsenn SA. Quella ha slargau la capacitad da producziun per saver corrispunder alla damonda carschida. Menader dil menaschi ei Andreas Wild, in zun experimentau meister-sig- nun. Siu team cumpeglia diesch persunas. Vegnir vitier cun latg en regiuns da muntogna drovi bia temps e seigi car. Cun surprender la Bergsenn SA tras la Mifroma ha ei dau midadas. Pils collaboraturs seigi denton bia restau tuttina. Ins profiteschi dil grond know-how dalla Migros. Era la collaboraziun partenaria cun la Migros ella Svizra orientala secuntinui. En quei connex intervegnan ins era che la Migros posseda ina vasta paletta da 18 interpresas en Svizra e treis egl exteriur. Quellas produceschan ensemen pli che 10 000 products ed occupan 11 000 persunas. Ella Svizra orientala dat ei ina industria dalla Migros – sco per semeglia la Bergsenn SA. Quella ei vegnida fundada els onns 70 ed ei sespecialisada sin caschiel da muntogna. Produciu vegn a Mustér ed a Savognin. La sedia principala secatta ad Ennetbürgen (NW). Dapi l’entschatta da 2013 s’auda la Bergsenn tier la Mifroma – ina interpresa dalla Migros. Quella surpren la gronda part dils products dalla Bergsenn SA. In ton vegn denton era exportau. (mc) Ils ustiers dall’ustria alpestra dil «Péz Mundaun» Marlis e Hansi Derungs procuran adina puspei per attracziuns sil «Rigi Grischun» cun sia magnifica vesta. Lur ustria alpestra ei genuina ed emperneivla. Il Péz Mundaun san ins dil reminent contonscher tgunschamein a pei, cun velo da muntogna ni secapescha era culla pendiculara. Quella ei en funcziun mintga ura naven da las 09.30 entochen las 15.30. Sco adina ha era liug uonn la davosa dumengia da fenadur (27 da fenadur) ina fiasta alpestra sil Péz Mundaun. Per divertiment musical vegnan quella gada la gruppa «Haldengleiter» ed il choret da sgugialaders a procurar. Priu che l’aura lubeschi dat ei era in survetsch divin e magari schizun in ni l’auter batten d’affonets. Per deletgs culinarics sco la legendara petta d’izuns ei medemamein procurau. Ils 2 d’uost ha la vernissascha dalla exposiziun da fotografias «Dr Piz uf em Piz/Il péz sil péz» da Yolanda Gürtler (*1954) liug allas 10.45 ell’ustria dil Péz Mundaun. Ella vegn a presentar ina selecziun da 21 fotos en colur ch’ella ha fatg el decuors dils onns sil Péz Mundaun ed en sia vischinonza. L’exposiziun vegn a cuzzar entochen ils 19 d’october. La fotografa oriunda dad Allschwil (BL) ei fetg attaschada alla regiun dil Mundaun ed ei stada engaschada en differents secturs, denter auter era sco scolasta da skis. Sia tatta ha numnadamein giu acquistau a Platenga la mesa casa digl anteriur pictur-artist Alois Carigiet. Dapi sias empremas vacanzas a Platenga avon 40 onns ein sia amur e sia fascinaziun per la regiun dil Mundaun carschidas permanentamein. Quellas sereflecteschan uss era a moda visuala en l’exposiziun da fotografias dalla cuntrada entuorn il Péz Mundaun, sia muntogna preferida. ■ ARTG PERSUNAL Gratulaziun a Mustér: Cara Damaris Manetsch. Da cor gratulein nus sin tiu excellent examen sco assistenta da dentist cun la nota 5,5. Bia cletg e success pil futur giavischan a ti tat e tatta Hans e Frieda. La Sennaria Surselva a Mustér ei uss affittada alla Bergsenn SA. MAD
© Copyright 2024 Paperzz
