close

Enter

Log in using OpenID

1/ 14.09.2014 RADUNONZA GENERALA sonda, ils 26-10

embedDownload
RADUNONZA GENERALA
sonda, ils 26-10-2013 en sala communala a Ruschein allas 20.15 uras
Tractandas:
1. Beinvegni
2. Elecziun d'in dumbravuschs
3. Approbaziun dil protocol
4. Rapport dil president
5. Rapport dil cau G+S
6. Rendaquen dalla cassiera e rapport dils revisurs
7. Contribuziuns annualas
8. Elecziuns
9. Informaziuns giuventetgna e sport G+S
10. Program annual 2013/14
11. Occurrenzas
12. Runal enta Crestas
13. Varia
___________________________________________________________________________
1. Beinvegni
Il president Gieri Arpagaus beneventa ils 30 presents alla 54-avla radunonza generala.
Perstgisau han 15 commembers. Liliane Vinzens e Gian Marco Menzli han medemamein
spertgisau. Las tractandas vegnan approbadas.
2. Elecziun d'in dumbravuschs
Pieder Coray vegn elegius sco dumbravuschs.
3. Approbaziun dil protocol
Il protocol, ch’ei vegnius publicaus sin la pagina d’internet www.clubdaskisruschein.ch, vegn
approbaus unanim.
4. Rapport dil president
 La davosa radunonza generala ha giu liug ils 20-10-2012 cun 21 presents. Spertgisau
han 13 commembers.
 Il cuors da giuventetgna e sport ei vegnius menaus atras navend’igl uost 2012 tochen
il zercladur 2013 cun diversas occurrenzas.
 La cuorsa Menzli Sport SST Mini Cup, organisada dil club da skis Ruschein, ei vegnida
menada atras ils 6 da schaner 2013 cun 157 participonts. L’aura ei stada detg buna.
Sulet la damaun ha ei giu el final leva tschaghera che ha procurau per empau
schischuris cun las cellas da mesirar temps. La nebla ha dau impuls falli. Aschia ha ei
dau cuortas interrupziuns. En tut priu eis ei stau in grond success. Cunzun la tombola,
sponsorada generusamein da Menzli Sport, caschuna mintgamai a tuts ina gronda
tensiun e silsuenter fatschas cuntentas.
L’organisaziun ha funcziunau fetg bein. Muort la gliesta da gidonters, ch’ei vegnida
repartgida duas jamnas avon l’occurrenza cun exactas indicaziuns tgi che fa tgei, ein
tuts stai orientai sur dil pensum.
In grond engraziament va allas pendicularas dall’Arena Alva per lur sustegn.
 Ils 12-01-2013 ha il di da skis dallas dunnas giu liug.
1/ 14.09.2014
 Ils 25 da schaner ein ina gruppa da curaschus semess ensemen e caminai a Crap s.
Gion a tschenar e silsuenter ir cun skis da glina pleina tochen a Ladir e Ruschein.
 Ils 09-02-2013 ha il di da skis dils umens giu liug. En quei connex vegn giavischau dils
umens da far quei di da skis el futur gia el schaner.
 23-02-2013 ei la cuorsa dil club vegnida menada atras si Gonda cun 84 participonts.
La categoria da curom, lenn e fier vegl ha caschunau grond’ attracziun e spectaculars
muments da tensiun. Pli tard ha la rangaziun giu liug en halla plurivalenta cun
tscheina e producziuns dils “Supertalents” cun la giuria Natalie, Romana e Ryan. Els
han procurau ensemen cun ils talents per ina atmosfera da Hollywood.
 Ils 03-04-2013 ha ina radunonza extraordinara giu liug en casa communala. Las
tractandas: Runal enta Crestas e monduras novas da skis.
 Il camp a Tenero ha giu liug ils 31 da matg tochen ils 2 da zercladur.
 Ils 08-06 ha il “clean up day” giu liug ell’Arena Alva. 10 carschi e 15 affons dil club da
skis Ruschein han segidau cun schubergiar planiras.
 Ils 02-08-2013 han las nozzas da Stephan Hänggi e sia spusa giu liug.
 Ils 18 d'uost ha l'occurrenza "Summer Trophy" giu liug a Glion cun numerus gidonters
ed atlets dil club da skis Ruschein.
 La tura d'atun dils 31 d’uost ha menau nus dils Fops sur il pass Pigniu giu ell’alp
Renasca e vinavon a Pigniu. 33 persunas han priu part a quei bellezia viadi.
 Ils 7 da settember ha ina lavur cumina giu liug en favur dil camp a Tenero. 12 carschi
e 20 affons han priu part a quei di da lavur.
5. Rapport dil cau G + S
Cristian Caderas sa dar il suandont rapport:
Igl onn 2012/13 han 30 affons priu part alla purschida da giuventetgna e sport. Ils numerus
trenaments ein vegni menai atras igl atun en halla ed igl unviern sin skis.
La sesiun ei vegnida terminada cun negins gronds accidents. Ils menaders han constatau,
ch’ils affons ein vegni punctuals als trenaments. Tier ils minis ha ei dau neginas arbagias,
denton menziunescha Cristian ch’il far cun ei pli impurtonts ch’il gudignar. L’equipa dils minis
ha denton pli paucs participonts ch’egl vargau.
Cristian exprima differents buns resultats dils atlets JO 1 e 2.
Il camp da primavera a Tenero ei puspei staus fetg bials. Grazia l’equipa da cuschina e da
menaders e menadras ha el schau dir, che tut ha funcziunau grondiusamein.
La rangaziun da “truffels” vesa ora suandontamein:
3. plaz:
2. plaz:
1. plaz:
Noé Pia Strimer, Larissa Cadruvi e Matteo Arpagaus
Ronny Caduff
Corina, Sarah ed Andreas Deflorin
In grond applaus per ils victurs!
La sesiun 2013/14 ha entschiet cun 3 novs commembers. Numnadamein Rebecca
Camenisch, Ismael e Virginia Klaiss.
En tut prendan 28 affons part alla purschida.
La Summer Trophy ei stada l’emprema occurrenza egl onn niev. Leu han duas gruppas
d’atlets minis saviu sequalificar per il final a Turitg ed egl Alpamare. In’equipa da minis ha
gudignau ed in’ equipa ei vegnida tratga ora sco “Happy Loosers”. Gieri e Roger han
accumpignau ils minis a quels dus dis da staffetas.
2/ 14.09.2014
Il di da sport digl SST a Flem ei era staus in success per ils 25 atlets da Ruschein. En tut han
257 affons priu part al di da sport.
Ils buns resultats dils atlets ein:
Mini 1:
6. Nina Kreuz
Mini 2:
3. Kai Strimer
U-14:
2. Matia Coray
U-16:
3. Dominic Cadruvi
Sco finiziun engrazia Cristian allas menadras ed als menaders per lur grond engaschi, als
geniturs presents per la confidonza sco era alla suprastonza dil club da skis per la lavur davos
las culissas.
6. Rendaquen dalla cassiera e rapport dalla revisura
Catrina presenta il quen 2012/13 suandontamein:
Entradas netto cuorsa dil club SST a Laax
(quei gudogn ei muort il generus sponsur
Menzli Sport: premis gratuits: crema da sulegl)
Entradas netto cuorsa dil club cun tscheina
(quei gudogn ei relativ pigns muort las custeivlas
e bellezia medaglias)
Fr. 2'730.—
Fr. 937.65
Entradas
Expensas
fr. 35'475.50
fr. 39’716.65
___________
Surpli d’expensas per ils 13-10-2013
fr. 4'241.15
===========
Cumpregliaziun da facultad:
10-10-2012
13-10-2013
fr. 17'877.40
fr. 13'636.25
___________
Sminuaziun da facultad per ils 13-10-2013
fr. 4'241.15
===========
Fr. 10'000.00 ein vegni pagai egl october 2013 a Menzli Sport sco a-conto per las tenutas
novas da skis che vegnan furnidas il davos da november 2013.
Ils revisurs Yvonne Strimer e Hubert Capaul han revediu il quen tier la cassiera Catrina
Cadruvi. Tut las quittanzas ein avon maun. Ils saldos ein gests. Ils revisurs constateschan che
la contabilitad dil club da skis ei vegnida menada exemplaricamein. Yvonne Strimer propona
d’approbar il quen 2012/13. Quei succeda unanim e cun in ferm applaus.
Gieri engrazia alla cassiera Catrina ed alla revisura Yvonne. Hubert Capaul ei spertgisaus!
3/ 14.09.2014
Norbert Coray menziunescha, che per material da sport, statgnas etc., sa vegnir fatg ina
damonda da sustegn tier il Sportfonds.
7. Contribuziuns annualas
Las contribuziuns annualas restan sco tochen dacheu:






activs BSV + Swiss Ski
commember singul
commember famiglia
contribuziun G+S per affon
contribuziun G+S mo gimnastica en halla
emprestar mondura G+ S incl. lavar chemic
fr. 51.-fr. 20.-fr. 40.-fr. 80.-fr. 30.-fr. 90.--
(La contribuziun da Swiss Ski per menaders e la suprastonza vegn purtada dil club da skis.
Quella decisiun ei vegnida approbada alla radunonza generala dils 25-10-2008.)
8. Elecziuns
Nossa cassiera Catrina ha demissiunau siu post da cassiera. Negins presents han mussau
interess e la bunaveglia da surprender quei uffeci. Aschia declara Catrina ch’ella ei promta da
cuntinuar cun la contabilitad dil club da skis per in ulteriur onn. Ils presents reelegien la
cassiera cun in ferm applaus.
Liliane Vinzens e Cristian Caderas han demissiunau lur posts. Per Liliane e Cristian vegn Roger
Vetsch elegius cun in ferm applaus en suprastonza. El surpren il post dil cau da giuventetgna
e sport (anteriur: Cristian) e pren medemamein sedia en suprastonza (anteriura: Liliane).
Ils ulteriurs posts en suprastonza vegnan confirmai cun in ferm applaus.
9. Informaziuns da giuventetgna e sport
Gieri informescha, ch’ils atlets dall’annada 2002 e pli vegls basegnan ina licenza per ir alla
partenza dallas cuorsas da skis digl SST e BSV. En quella licenza ei la segirada da
responsabladad integrada. Ils geniturs vegnan supplicai da ponderar sch’els giavischan ina
licenza per lur affon.
10. Programm annual
 La gimnastica da giuventetgna e sport ha entschiet fin uost 2013
 La Summer Trophy ha giu liug ils 18-08-2013
 Il final, nua che duas gruppas dils minis ein vegnidas da sequalificar, ha giu liug a
Turitg ed a Schwyz ils 14 ed ils 15-09-2013.
 La cuorsa digl SST Menzli Cup U-12 – U16 ha liug ils 05-01-2014
 Il di da skis dallas dunnas vegn publicaus el fegl ufficial el meins schaner.
 Il di da skis dils umens vegn previus da medemamein vegnir fixaus el schaner.
 Cuorsa dil club si Gonda cun rangaziun e tscheina en casa Gonda: ils 22-02-2014.
 Finiziun culs affons da G+ S: il datum ed il liug vegnan publicai.
 Camp a Tenero culs affons da G+S: ils 19 – 22 da zercladur 2014.
 La spassegiada d'atun vegn publicada el fegl ufficial.
 Radunonza generala egl october 2014
4/ 14.09.2014
11. Program annual 2013/14
La tractanda ei vegnida menziunada sut “program annual 2013/14”.
12. Runal enta Crestas
Ils 03-04-2013 ha ina radunonza extraordinara giu liug en casa communala per erruir igl
interess vid in manteniment dil runal enta Crestas. Deplorablamein han negins geniturs
d’affons da scoletta ni pli giuvens giu priu part a quella radunonza. Aschia para igl interess
vid in manteniment dil runal davart dils indigens pigns. Ei vegn aunc inaga fatg la tscharna ed
ina votaziun per tuttina tschentar si il runal. Igl interess dalla radunonza generala ei
medemamein buc avon maun. Aschia vegn decediu da buc prender en moviment il runal per
la sesiun d’unviern 2013/14.
13. Varia
 Il president engrazia en num dalla suprastonza zun fetg a Franca Cajochen, che
ha creau nossa pagina d’internet ed actualisescha ella regularmein cun gronda
premura. La pagina vegn visitada stediamein ed ei fetg interessanta e biala cun
fotos, rangaziuns e publicaziuns.
 Franca e Sonja fan la proposta da far capetschas novas per ils affons. Ellas
informeschan ils geniturs ed intressents sur dil datum ed il temps.
 Ei vegn engraziau grondamein davart dils geniturs presents per la gronda e
nunpagabla lavur dils trenaders en favur dils affons da giuventetgna e sport.
Sco finiziun engrazia Gieri zun fetg als partents Cristian e Liliane per lur gronda lavur
prestada en suprastonza e sco chef da giuventetgna e sport. Legreivlamein resta Cristian sco
menader da giuventetgna e sport. A tuts presents vegn engraziu per il cumparer e prender
part alla radunonza generala sco era als numerus gidonters tier las occurrenzas duront igl
onn ora. Era engrazia Gieri grondamein allas trenadras ed als trenaders da giuventetgna e
sport sco era a ses consuprastonts per lur engaschi.
L’actuara :
Cornelia Coray-Tschuor
5/ 14.09.2014
Author
Document
Category
Uncategorized
Views
0
File Size
232 KB
Tags
1/--pages
Report inappropriate content