Plata dla Cöra - ValBadiaOnLine

L'ombolt, la junta y i aconsiadus inviëia ales incuntades cun la popolaziun
San Martin: en domënia ai 23/11 do mëssa dales 10.30 tl salf di stödafüch.
Lungiarü: en domënia ai 7/12, do mëssa dales 9.15 tl salf dla scora.
Döta la popolaziun é dër bel inviada da gnì ala incuntada y da tó pert ativamënter
ala discusciun. Vignun po portè dant sües domandes y propostes.
PLOANIES DA SAN MARTIN Y LUNGIARÜ
Al vëgn recordè la secunda incuntada de introduziun al Vangele de San Merch
en lönesc, ai 17 de novëmber tl salf dla calonia dales 20.00.
I/les letur/ies à na funziun dër importanta tles zelebraziuns de dlijia. Porchël esi dër
bel invià ala formaziun por leturs/ies cun siur Ulrich Fistill en jöbia, ai 20 de
novëmber, dales 20.00 a La Ila tl salf de calonia cun chisc contignüs: la Parora de Dî;
la “vocaziun” dl letur/dla leturia; danter teoria y pratica y d'atres chestiuns.
Prëibel s'anunzié pro [email protected] o por tel/sms 339 63 88 484.
SAN MARTIN
Intratant éson rovà cun les fosses nöies ćina jö tl'ultima ligna sura la dlijia. Al é gnü
baié tl consëi de cöra de jì cun les fosses nöies ma plü n toch inìa y de lascè lëdia
l'atra lerch. Deache les fosses vedles é dailò plü de carant' agn, vëgnel dër bel perié
de les tó bel plan demez ch'al sides insciö plü lerch por les sopoltöres. I familiars di
defunć dles fosses che vëgn tutes demez é dër bel perià de se tó les crusc y por
condüje demez les zorghes de tó sö contat cun Angel Moling 0474 523 231.
LUNGIARÜ
La Uniun di Stödafüch da Lungiarü lascia al savëi che n dé dl'edema dal mercui
19/11 al mercui 26/11 jaral la sirena por na proa di stödafüch de nöt.
Les jones Milena, Angelica y Noemi surantolarà le sorvisc de animadësses dla
schira jonila che mët man ai 22 de novëmber - Prëibel y dilan!
La Uniun dla Jonëza ne sciafia en chësta ota nia da fà les gherlandes d'Advënt, mo
spera ch'ara garetes indô n'atra ota. Fóssel mo zacai d'atri che les fajess?
-------------En jöbia ai 20/11 dales 15.30 s'incunta indô le grup de tëmp lëde "Atmosfera" por
ëres y ëi cun problems psichics tla sënta dl Raiun Sozial a Picolin. I fajun reflesciuns
sura tematiches dla vita y porvun da ciafè fora ći che se renforza. Info pro Siglinde
Erlacher 0474/524519 - [email protected]. Düć é bel invià.
Incuntades cun Susanne Steidl tl Raiun Sozial a Picolin: En vëndres, ai 21 de
novëmber, dales 19.30 söl tema „Ciafa fora ći che te fej bun y te dà forza“ y
en sabeda, ai 22 de novëmber, dales 9.00 ales 17.00 él n workshop dal titul: „N dé ma
por mè! Ciafa fora ći che te fej bun y te dà forza“ cun la marëna laprò. An po jì inće
ma a öna n'incuntada, le cost por la sabeda é de 45 € cun la marëna laprò.
Prenotaziuns 0474 524 552. Düć é dër bel invià.
Co funzionëia pa la cura y l'assistënza tla Ćiasa de Palsa? Co é pa metüda adöm la
reta che i ghesć paia? Resposta ciafa i familiars y les porsones interessades en
vëndres, ai 21/11, dales 19.00, tla entrada dla Ćiasa de Palsa a San Martin.
Yoga & Ernährung cun Kathleen Röher en dedemesaledema, ai 19 de novëmber,
dales 13.45 ales 15.15 dl salf di stödafüch a San Martin: La sanité vëgn dër daidada
cun yoga y inće la dërta nudriziun dà n gran sostëgn. Le cost é de 15 euro - se tó
impara na cutra y guant lisier. S'anunzié por telefonn 345 35 97 192.
Zenzo Obwegs: Le sonn de mi orghi da man. Presentaziun dl CD ai 19 /11 a San
Martin tl Ciastel de Tor, ai 4/12 a Lungiarü/Ghestan y ai 10 /12 a Antermëia/Al Bagn
16.11. - 23.11.2014 - nr. 51
termo por publiché: jöbia dales 20.00
Plata dla Cöra
de San Martin y Lungiarü
33a DOMËNIA IA POR L'ANN A
Matî 25,14-30
Te chël tëmp
ti à Gejù cuntè a sü discepui chësta parabola:
14
Cun le rëgn dl cil
éra sciöche cun n ël che é jü a fà n iade:
Al à cherdè sü sorvidus y ti à afidé so avëi.
15
A un ti àl dè cin’ talënć,
a n ater dui, indô a n ater un,
a vignun do sües facoltês.
Spo s’un él jü.
Chësta n'é degöna parabola por iustifiché y menè inant l'incremënt economich,
tres deplü y deplü, por trà fora ći ch'al é meso.
Y ara n'é gnanca insciö che chël sorvidù ne n'orô nia se lascé menè ti torchi.
Al plütosc tëma y â na stleta imaginaziun de Chël Bel Dî, so patrun, al â imënt n
Dî da temëi.
Gejù ô nes splighé cun chësta parabola:
Chël che ne vega y ne laora nia por le rëgn de Dî y sta cun les mans te gofa
dala pôra de fà val' de falè, ne vir nia do la intenziun de Dî.
Inultima röiel cun les mans ötes dan da Idî dijon: "Ćiara mies mans é nëtes,
i n'à fat nia de tort."
Dî deperpo ti dijarà: "Tües mans indere é ötes, tüa vita é stada por püch.
I ne t'à nia cherié ma por evité fai. I t'à metü tl monn che te t'infides y veghes
y che te portes ion pro al rëgn de Dî cun le früt de to talënt." (K.M.B.)
Chël che se taca al vedl, chël che ne se deura nia a mudaziuns,
chël che ne vega nia de nü, chël che n'ô nia risćé y ne s'imbasta nia l'am
a chël pol ti sozede ch'al ćiaves ite sü talënć tan sot
ch'al ne s'i ciafa nia plü. - - - - - - - - N talënt valess incö apresciapüch 410.000 euro, tan grana é la crëta y la
confidënza che Chël Bel Dî ti à inće a chël ultimo sorvidù.
Almanco un n talënt ài inće iö ciafè da d'ël, insciö spérel ch'i ti ais inće iö crëta.
Ploan: siur Iaco Ploner [email protected] Redaziun: T. Gasser [email protected]
tel.: 333 48 32 765 / 0474 453 003
tel: 348 27 44 517 / 0474 523 194
SAN MARTIN
16.11.14
33a DOMËNIA - A
Domënia dla
Caritas
9.00
Corona
9.30 Gran Mëssa dla comunité
Oferta por la Caritas
LUNGIARÜ
16.11.14
Domënia
8.00
Corona
8.15 Gran Mëssa - Festa dla Comunité da Lungiarü
Oferta por la Caritas
dedô Presentaziun dl liber sura la dlijia da Lungiarü
tl salf dla scora
17.11.14
Lönesc
17.11.14
Lönesc
Florin da Matsch
18.10.14
Dedolönesc
9.00 Mëssa sö Ju
benefaturs vis y ++ dla capela
families dl Cir
+ Stina Conrater (dla Uniun)
Segra dles Basiliches
S. Pire y S. Paul
19.11.14
Dedemesaledema
18.11.14
Mertesc
19.11.14
Mercui
7.30 Mëssa
familia Pire y Renate Clara (de rengr.)
+ Paul Daporta
+ Ludmilla Costa
Elisabeta da Thüringen
20.11.14
Jöbia
7.30 Mëssa
familia Paul Sorà
+ + Frieda y Paul Vantsch
+ + fam. Albert Costabiei
Corona por vocaziuns
Edmund
21.11.14
Vëndres
19.00
Adoraziun chîta
19.30 Zelebraziun dla Parora de Dî
20.11.14
Jöbia
21.11.14
Vëndres
7.30 Mëssa
familia Angel Sorà (de rengr.)
+ + Nisio y Milia Clara
+ siur Heinrich Videsott
S. Maria da Ierùsalem
22.11.14
Sabeda
Zezilia
23.11.14
FESTA DE CRIST
Zezilia - patrona dla
musiga sacra
15.30
Mëssa tla Ćiasa de Palsa
18.30 Mëssa prefestia
aniv. Martin Moling
+ Maria Unterweger
+ Vico Pedevilla
9.30 Gran Mëssa ćiantada dla comunité
por le Cor de dlijia
14.00 Bato de Jenny Pedevilla
22.11.14
Sabeda
23.11.14
Domënia
20.00 Mëssa prefestia di jogn ćiantada dai jogn
+ Emma Pezzei Rubatscher
+ Anny Schanung
8.00
Corona
8.15 Gran Mëssa ćiantada dla comunité
por le Cor de dlijia
(50 agn de sorvisc dl orghelist Pio Pescoller)

Download Report