Saunoaga Faataupou Sui USufono 19861-2011
PALEMENE X
1988-1990
Afioga Hon AEAU PENIAMINA:
Itumalo Faaalalafaga:
Falealupo
Filifilia:
22 Mati 1988
Tofia ma Fofoga Fetalai:
7 Aperila 1988
Faatauto:
7 Aperila 1988
Uluai Lauga faa-Fofoga
Fetalai:
7 Aperila 1988
A o le i tuuina atu le fesili, ou te talitonu ua tatau ma
onomea i lenei taimi le taumafai atu o le Nofoa i se upu
aua e faigata ua paia Tiafau nei, le Malae o le
Faautugatagi a Samoa. Ia ee ia i vaatapu ou paia Samoa,
e le soona veveteina e se tasi, pe ou te vevete foi ou paia,
aua afai ou te utuvai sagisagi, e le tupua nai Avalua. E
faigata le paia o le Aiga Sa-Malietoa. Pe ou te asia foi
Mulivaito ma Mulivai Fagatoloa, e faigata ou paia le
Aiga Sa Tupua. Pe ou te fia paia foi le vai o le tama nai
Anapapa, e faigata le paia o le sui o le Fono a Sui Tofia,
le Afioga ia Mataafa. Pe ou te moomoo foi i le
Fogamataiva, aua ou paia i le Tuiaana, ona ou faapea
lea, ua ou vevete, veveteina, ae seia e moe i mauga o ao
moomooga o Salafai. O lea ua utu ai nei le fagunifo a le
ositaulaga, ma ua sausauina ai le Maota i lenei taeao, i le
vaipuna o le ola. Le vai na momoo i ai le fafine Samaria.
O le vai na uluai alagaina i Fili ma Puletuu ae taliaina i
Sapapalii ua ao ai nei Samoa. O le vaipuna o le ola, lenei
ua tatou talisapaia.
A o ou paia Samoa, o le uu logologo. Aua afai ou te
paepaeina ou paepae ona ou faapea lea: Manua, e Paepae
Tootoo. Tutuila, e Paepae Pau Tootoo. Upolu, Paepae
Tumua. Aiga i le Tai, Paepae Valu. Savaii, e Paepae
Pule ma Paepae Toa. Ae afai ou te paepaeina le Paia
lasilasi o le Maota i lenei taeao, ona ou faapea lea ona
paepae. Tama a Aiga, Paepae Sisina. O le Au
Ositaulaga, Aufaigaluega paia a le Atua, e Paepae
Tanona. Tapuaiga a Samoa, i le Aufai-uta ma le Aufaitofa, Paepae Puga. Paepae loa i sui mamalu o Malo mai
fafo.
A o le mamalu o sui mamalu o le Palemene, i lau
Afioga i le Taitai, o le tatou Paepae, o le Paepae foa. O
le a le Paepae Foa? Fai mai le talatuu a Eperu, a o alu ifo
Tavita i le alia e filifilia ana maa i le la taua ma le Toa o
Filisitia o Koliata, na o le lima lava maa na ia filifilia. A
o le filifiliina o ia maa, sa ia muamua ona ta, tulou, sa
taia i lona tootoo nifo elefane leoleo mamoe, ma a ta atu
le maa e nuti, ona tiai lea. Ona faataatia ese lea. Ona
faaleaogaina lea. Ae a ta atu le maa ae emo le uila, o le
maa ola lena. O le maa e anagata, aua ua oia puapuaga.
Le mamalu e o sui o Samoa, o outou o maa ola, tulou.
O outou o maa na taia i puapuaga e emo le uila e ola pea.
Aua na filifilia mai e o outou Itumalo i le faautaga loloto
ma le tofa saili malo, e i ai le taeao lenei.
Ia o outou mama na. I le ma lea, o le nofoa lenei ua
outou filifilia i ai ma outou tofiaina i ai se sao o
Falealupo aua le Maota o Samoa, na ona ou toe
faamanatu atu, faataatia ane i ina. O le nofoa e i ai ona
tapu e puipuia i Tulafono Tumau a le Maota.
Ina ua tofia ituau i Lotopue i Aleipata i le taua i le
tuliga o Toga, na pae uo ai Tuna ma Tapuloa le Toa o
Aleipata. Ae ituau Fata ma Ulumasui, o alo o lo la
tuafafine. Fai mai le latou mavaega ina o le a sauni, o le
ituau e muamua ona paia Fatuosofia i Mulifanua ona toe
foi mai lea, foi mai e fesoasoani mai. O lona uiga ia
fesoasoani ai. I le ma o le agaga foi lena o le Nofoa. Ia
tatou fesoasoani ai. Afai tatou te fesoasoani ai, o le a le
pine ona malo afua, malo lelei, ailao ua maua, ae to
manu mo Samoa ma lana tapuaiga. Ona liliu mai lea o se
matou leo, o le a ou le toe vaea le falaooto i le paia tele o
le Auvalaaulia i lenei taeao. Ae ia avea ia au ma sui o le
afioga i le alii Palemia ma lana Kapeneta ma le mamalu
o sui a faipule o le Palemene. E momoli atu ai so matou
agaga faafetai ua malo taupati. O lo outou afifio mai ma
lo outou talaaao mai ma maliu mai ma le lefulefua mai,
ua maualuga ai lenei taeao. O lona tatala aloaia o lona
sefulu o Palemene, talu ona tatou Tutoatasi. Faafetai.
Faamalo.
Faafetai i lau Susuga i le Toeaina lana Susuga Gafa
Tuatagaloa, ma le mamalu i le Ekalesia ma le Aufaipese
i Mataututai. E faapea foi Taitai o Au-tuufaatasi a Tama
o Samoa i Sisifo. Viiga ma pesepesega i lenei taeao.
Faafetai. Faamalo. I le ma o a matou upu taumavae, afai
o le a tuuama le fua ma tatala le Filialii, o le tau, ia
faataufeta-fai, ae sulamuaina. Ia talia le fetu taimatagi.
A uia ala i le fogaeleele, ia i ai le ao faaniutu e mua ai
ma muli ai. A uia ala i le vasa, ia aua nei i ai se galu e
fati. Ia mamao se ia e oso ane. A ia uia ala o le ea, ia toa
liilii ao o le lagi, ma ia toa le matamatagi. Ia aua nei to le
timu i le Ao mamalu o le Malo. Aua nei aea le olo i le
Sui o le Fono a Sui Tofia, le Afioga i le Mataafa. Ia
mama le mata o le masina i le Au Ositaulaga Paia i so o
se Fata Faitaulaga. Ni ao gasolo i le paia o Aiga o Nofo,
Aiga o Papa. Aua nei soloa le fue pe tulolo le tootoo, ia
Tumua ma Pule Faleupolu o Tofiga ma Samoa. Liliu mai
le vai o Sina i le Maota nei. Ia, ia to i le tuavao ni ao
gasolo i lau Afioga i le Palemia ma le mamalu o le Aiga
Kapeneta. Aua nei taape papa i lau Afioga i le Tama a
Aiga, lau Afioga Tupua Tamasese Efi, le Taitai o le Itu e
Agaia le Malo. Ni gasegase ma ni lagilagia i lau Afioga i
le Tama matua o le Maota, Vaai Kolone.
Ia tafea i tafailagi ni ao gasolo ma ni tootoo taulia i Sui
Mamalu uma o le Palemene. A taape lenei aofia, ia fatasi
pea le alofa o le Atua i le aofia atoa i le puipuiga a le
Agaga Paia. Soifua.
Saunoaga Faataupou Sui USufono 19861-2011
Afioga AFAMASAGA FATU VAILI
ItumaloFaaalaalafaga:
Aana Alofi Nu.3
Filifilia:
22 Mati 1988
Faatauto:
7 Aperila 1988
Lauga Faataupou:
20 Iuni 1988
Ou te faafetai tele mo le
avanoa. E muamua ona
ou faatulou atu i lau Afioga i le Fofoga Fetalai o le
Maota, lau Afioga Aeau Peniamima.
O le a ou le ta‟ele i le taisa i ou Paia ma ou Sa. O tulaga
faalupeina i lau Afioga faapea foi i lou Itumalo. Taoto ia
alao‟o, ae matua le tuu ia Tumua ma Pule ma le latou
fatuaiga tausi. Ou te faatulou atu foi i lau Afioga i le
Palemia o le Malo Tutoatasi o Samoa i Sisifo, ae faapea
foi le paia i lau Kapeneta i Afioga i Minisita. Ou te fia
faatulou atu foi i paia eseese o sui usufono taitoatasi ma
lenei Faigamalo ua amataina nei mo le isi tolu tausaga.
Ou te faatulou atu foi i le Tama a Aiga, Afioga Tupua
Tamasese Efi o le Taitai o le Itu Agai poo le Itu e
Atia‟eina le Manuia o Samoa. E faapea foi ona ou
faamalo ma faatulou atu i le Ofisa o le Fono, aemaise foi
o le paia eseese lea e afifio atu i Faauluuluga o
Matagaluega eseese a le Malo. Ou te faatulou foi i le
paia i le tapuaiga a Lana Afioga Mamalu O le Ao
Mamalu o le Malo Tutoatasi o Samoa, Susuga Malietoa
Tanumafili II. Ou te faatulou foi i le Sui o le Fono a Sui
Tofia, Afioga Mataafa Faasuamaleaui Patu Puela. Le
Paia i Tama ma o latou Aiga, Aiga foi ma Tama, e
faapea foi ona ou faatulou i le mamalu ia Tumua ma
Pule, Ituau ma Alataua, Aiga i le Tai ma le Vaa o Fonoti.
E faapea foi ona ou faatulou i le tapuaiga a Ulu ma
Taitai o Ekalesia eseese po‟o Fata Faitaulaga e fia o loo
tapuai ai Samoa. O outou lava o auauna a le Atua, o lo‟o
outou molimauina le finagalo o le Atua ina ia manuia
Samoa ma lana faigamalo ma ona tagatanuu. O la outou
tapuaiga ma la outou tatalo o le a manuia ai le alofaiva o
lenei Palemene i upufai o Malo i lenei foi vaega ma lenei
tolu tausaga ua amatalia.
Ou te fia faatulou foi i le tapuaiga a Samoa i Sasae, le
Malo o Amerika Samoa. Lau Afioga i le Kovana Sili
faapea le paia o le Senate ma le Maota o Sui. Le mamalu
ia Sua ma le Vaifanua, Fofo ma Aitulagi, Ituau ma
Alataua faapea foi Saole ma le Launiu na Saelua. Le
paia i le Motusa i le afio aua le Laaunamotasi, le afio o
le Faatui ma alii Faalagi ma Tootoo o le Faleula o le Tui
Manua. E ui lava ona ua ta‟ele magavai Samoa ma ana
faigamalo, ae ou te talitonu e tumau lava le paia e mai
lava i le amataga e oo i le gataaga.
I lenei itula, e le mafai ona faagaloina lo‟u Itumalo
peleina o Aana Alofi Nu 3, i e na latou filifilia a‟u e fai
ma auauna aua se sao o le Itumalo. Le paia i Aiga ma
Aloalii e faapea foi Ponaoo o Faleupolu o Tofiga, Le
tapuaiga i Auauna Paia a le Atua i soo se Fata Faitaulaga
o loo nofo tatalo mo le manuia aua le Itumalo aemaise le
Malo o Samoa i Sisifo. E talitonu lava lo‟u tagata a sii se
faiva ae tapuaia, e manuia. Ou te lototele foi i la outou
tatalo, lou Itumalo e, o le a mafai ai se manatu aua se sao
o lo tatou Itumalo.
Lau Afioga i le Fofoga Fetalai o le a taumafai atu se
manatu ma o le a taumafai atu se sao. I le faalogologo
mai i tausaga ua mavae, atonu ai o matau mai e fou le
ave ama sui, ae e le fou ai le faalogo. O lo o opea i ia
fatia ua sola le faasolo mai o lea faigamalo ma lea
faigamalo. O iina e maua ai foi se manatu ma se sao aua
le tatou faigamalo. O le matau, e tele lava i le fefinaua‟i.
I lou foi talitonuga e tetele a pesega ae matua i o o. Ona
ou avatu ai lea o le faamalo i le faigamalo ua mavae. Lau
Afioga i le Aloalii ma le faigamalo i ia tausaga ua
mavae. Faamalo fai o le faiva. Faamalo faatoatoa,
faamalo galulue. O lea ua tulai mai foi lea Malo, ou te
manatu afai e moni lo tatou iai e auauna mo lo tatou
atunuu, pe togi sa tatou ma‟a. O le a leai se femataua‟i.
Afai foi o a ni mea na aliali mai i ia fatia ua fano, sa fai
ma lape faigamalo, ia faapea ea e asa se faiva ma se
maumau. E moni e le‟i atoatoa, ae sa iai lava nisi mea
lelei. Ou te faamalo ai ma faafetai. Faamalo fai o le
faiva. O a ni mea sa faalē lelei, o le a fai lena ma aoga
tele i lenei faigamalo aua le aga‟i i luga ma le tatou
galuega fai nei mo le manuia o tagata nuu o Samoa.
Ou te avatu i le taimi lenei le faafetai ma le faamalo.
Lou Itumalo o lo o faafogafoga mai. Ou te le fia tautala
fapito i lou Itumalo aua o mea ia e talau e sui fapile, o
mea foi ia e aafia ai lou Itumalo. O le auala, o le eletise,
o le vaipaipa, o le eleele o le Falemai o loo pagatia uma
ai lava le atunuu. Aua foi e le eseese manaoga o lou
itumalo ma manaoga o isi itumalo. Pau lava lea, lau
afioga i le Fofoga Fetalai e ala atu ai se talosaga i le
faigamalo ua tulai mai nei, a iai ni outou alofa ia faatino
mea e manuia ai le tatou atunuu atoa, o mea o loo vaivai
ai lea Itumalo ma lea Itumalo. Ou te manatu e tatau lava
ona silafia e lau Afioga ma lau faigamalo. Ia faasoasoa
tatau le atiina a‟e o le tatou atunuu. Ua matau atu i le
Tala Faaopoopo o le Tupe lea ua aumai nei ua tulaga
manuia le atiina a‟e o Samoa. Manuia faapefea? Manuia
le Malo ma ua tele ni a latou tupe. Afai e moni lea, afai e
moni ua manuia le tamaoaiga o le talosaga, faasoasoa
tatau, nei manuia se vaega, nei manuia tagata ao la lava e
le o manuia le lautele o le atunuu e i ai foi ma lou
Itumalo. O le agaga vavai ia faasaoasoa tatau. Ia
faasoaoa tatau tatou tamaoaiga ia oo lava i ona ooga. O
le tama, o le teine, o le upu, tulou ia te au o si toeaina ma
si loomatua oi tua ia maua sona vaega. E faapefea ona
maua. Lau afioga i le Palemia ma le mamalu o la outou
faigamalo e ala i le Nofoa o le Maota lenei. Faasoasoa
tatau. E pei ona taua e nisi sui, a lelei le tau o le soifuaga
ua inu uma tagata. A lelei le tau o le mamoe, lelei le tau
o le suka, lelei le tau o le fasimoli, lelei le tau o le
masima. O mea na soo se tasi lava o le atunuu lenei, ua
maua lana faamanuiaga. Ae afai na ona tatou alalaga,
alalaga ua lelei le tamaoaiga faapito ai i se faaputuga
tupe a le atunuu ae le o mafai ona tufatufa le tamaoaiga i
Saunoaga Faataupou Sui USufono 19861-2011
le tagata, talofa ua tatou eleelea. O le talosaga la,
faasoasoa tatau le tatou tamaoaiga lea ua faamanuiaina
ai. O le a le mafai ona natía i lou loto le agaga
faagaeetia, ona ua fia oo lea i le Ofisa o Aoga.
Lau Afioga i le Palemia ma le mamalu o le Malo, e
faapea foi lau afioga i le Minisita o Aoga ma le
Faatonusili ma le Matagaluega o Aoga. O se faagaeetia
malosi lea ua iai. Ina ua tulai mai folafolaga sa fai, ua
tepa i ula le atunuu ua tagai i ula. Aisea? Ana e saunoa i
le taualumaga o fonotaga ua mavae, e ui lava ina le tapa
le finagalo o le faigamalo sa iai i lea taimi ae na e tulai
mai afai o le a le tali o le faiga palota ma lenei
faigamalo, o le uluai mea e ave iai le faamuamua, o le
Kolisi o Avele. Ua a nei? Se faamalo. Faamalo aua e le o
se mea faigofie. Na oo mai lava i le Maota le matou
fanoga, O le a ou le tautala la e fai ma sui o lou Itumalo,
ae o le a ou tautala ia e fai ma sui o le asosi o le
faalapotopotoga o Avele ma le asosi o matua ma faiaoga
lea sa asa le tafa lea. Na oo lava ina oo mai iinei ona
ooga, i le agaga lava e tasi ia manuia Samoa ma ana
faigamalo ma le mea e tua iai. E le o auro se faiaoga, ou
te faamalie atu foi. Ou te le faalavelave lava i se faiga o
se aoga e alo o lo tatou atunuu. Pau lava le atugaluga na
iai, alofa le Malo tatala le Kolisi lea. E le mo au, e le mo
le Asosi, e le mo le Faalapotopotoga a matua ma faiaoga,
ae mo le atunuu atoa. Ina ia maua ai lava ni avanoa ona
faitalia ai lea o le Ofisa o Aiga in ma aoao le fanau. Ao
le avanoa na utiuti loa na mafua ai. Tofilau lau afioga i
le Palemia ma lau afioga i le Minisita o Aoga ua ou
manatua nei e le tatau ona avatu se faafetai, leaga o lea
ou te manatua le malaga Isaraelu lea na omai mai
Aikupito. Na taitai mai e Mose i le tele o toafa ma ui mai
ai. E tele faafitauli ma mea na puapuagatia ai le nuu o le
Atua. Ua oo ina ua feiloai ma le Ositaulaga o Mitiana ma
ua talatala iai mea na tutupu i le nuu.
Ua talatala i ai le tele o faafitauli, faapea lava Mose ai a
faafetai atu le Ositaulaga ia te ia. Fai mai le tala a le
toeaina lenei o Ietera. Ia faafetaia le Atua e ona Isaraelu,
o Ia na faia mea ia. E le o oe. Lau Afioga i le Palemia
ma le mamalu o le Kapeneta, ia faafetaia le Atua, le
Silisili Ese na mafua ai ona taunuu o lenei faamoemoe.
A uma ona outou faia o se galuega ua lelei, ia outou
faapea ane e auau le aoga i matou nei. Ou te manatu e
faatepa pea le tatou Maota nei atoa le faafogafoga a le
atunuu. Lau afioga i le Fofoga Fetalai, a uma ona fai o le
galuega e aoga le tepa i tua. E faatonutonu ai, ae a
amania tele mea o tutupu i tua ua le aoga foi le lumanai.
O le $200,000 lea e aumai nei i le Tala Faaopoopo o le
Tupe lea e manaomia ina ia faamaonia. E faaleleia ai ma
toe tatala le aoga i Avele. Lau Afioga i le Fofoga o le
Fono, o le faaiuga o le 1986, na matou talosagaina ai se
suesuega maeaea a le Ofisa o Galuega faatasi ma le
Ofisa o Aoga pe fia se mea e manaomia ina toe tatala ai
lenei Kolisi. Ina ua uma ona faia o suesuega,e $116,800.
E le atoa se $117,000. Ana fai la e fai i le taimi lena e
faasaoina le $83,000 a le Malo. Ona ou manatu ai lea ua
vale tuulima i lea taimi aua o lea lava ua fai. Ae ua fai
atu nei, $83,000 semanu e faaopoopo i le tamaoaiga sei
tufatufa atu i tagata faaleiloga ma tagata e leai se
tamaoaiga o i ai i le auala lae na ou fai atu ai. A pau le
tau o le soifuaga na pau le mea e ola ai Samoa, e leai
lava se isi mea, o le manuia lena.
Faitalia ia le Malo po o le a nisi galuega atina a‟e e fai,
pau lava lea a manaomia nei maua lelei ae tau e mafai
ona foia. O lea la o le aoga lena o le tepa i tua. Ma lou
lava taofi a lelei se tagata ua lelei le atunuu atoa. A lelei
se faaiuga e fai e se vaega o tagata po o le malo i lea
taimi, ua lelei le atunuu atoa. Ae a sese la, ona oi lea ma
pagatia le atunuu atoa. Silasila la i le faamaoniga o au
upu. Ua faasalaina Samoa i ni nai tagata, o lea o lo o
aliali i le tele o mea. Ona alu lea i Niu Sila. O ai na
mafua ai? Ta te le fia vaai e pei ona saunoa i ai nisi sui.
Tutu mai i le taeao ta te le iloa laina uumi e fia maua ni
pemita, ua faafaigata ai ma pologa au lenei atunuu ma le
lautele o tagata ona o ni nai tagata amioleaga o lo o i Niu
Sila nei vae atu lau afioga ma le paia o le Fono. O le sese
ma le leaga o nisi, ua oo ina oia ai le mea atoa. Ua oo ina
faasala fua isi tagata ona o ni nai tagata. Lau afioga i le
Fofoga o le Fono, o le ata foi lena i le tatou faaiuga. A
tonu ma sao se tatou faaiuga, ua manuia le atunuu atoa.
Ae a vale tuulima ua oi le atunuu atoa. O le mea lea lau
afioga i le Fofoga Fetalai ou te fia fesoasoani i lena mea.
Lau afioga i le Fofoga Fetalai ma le faigamalo, a lelei se
tagata, a lelei ni tagata, a lelei ni vaega tagata ua manuia
le atunuu atoa. Alo alo ese neis ese se faaiuga.
Ia o lea ou te manatua le saunoaga a Fuimaono, e pei o
lea tau foliga e moi ona ua amanaia fua lau saunoaga ma
lau tautalaga kea e fau atu. Ou te le o tauaina se Malo. O
lau tatalo ia moni le faaiuga, afai o le tonu lea aua o le
mea lea na ou loto i ai. O le avanoa lea ua maua e Avele,
o au na ou nofo ma le masalosalo. Ia silasila, o le aso
lava na tatala ai le Aoga i Avele e 130 tamaiti na i ai, ma
le isi 50 tamaiti na tau faaofi i le aso lea.
Ia e pei o le faaaliga o le Minisita o Aoga ua lata ina
tolu selau. O fea la semanu e o i ai tamaiti nei? Afai ona
o le agaga lea sa i ai e uunai pea i le Kolisi, tuu i isi aoga
ma faamoemoe i Aoga a le Ekalesia, o le a la le mea ua
toe omai ai? Talofa i nai matua ma nai fanau. Ia e
faamaonia lau upu, o le tele o tamaiti sa i ai i le Kolisi e
tiga ona taugata le togina a le Kolisi ua leai ni a latou
tupe pe na totogi ai foi o latou pili ae na toe ae lava i le
aso lea i Avele ma le toniga. Ae faapefea ona fai, o le
faaaliga o le fiafia ma le lagolago. O le mea lea e i ai lou
taofi, o la e faafetai au e nisi o matua ona o lenei
mataupu e le mo au mo latou. Afai la e sao, le faaiuga ua
faia ia e avatu lau faafetai aloaia, ae ou te lagona lava, e
le mafai foi ona taofia i lou loto ma sau tala, taofi ma
finagalo eseese, leaga e tonu lava le tagata i ona manatu.
E leai foi sau faamatalaga i le Iunivesite, leaga o le mea
ua uma ona i ai le faaiuga a le Maota lenei, ona pau le
tatou galuega e tatau ona fai o le faataunuu na tapue ina
ia ola. O lau fautuaga i lau afioga i le Minisita o Aoga,
sei tautuana. Afai ua luga ma lalo lenei Mataupu ona o ni
faamoemoe ma ni finagalo o le a iloa lona faamaoni ina
ua faataunuu le tiute o le Ofisa. O le uiga o lea mea, o le
galuega patino lava o le Ofisa o Aoga, e pei ona maua i
Saunoaga Faataupou Sui USufono 19861-2011
le taimi ua fano, na ala ona tapuni ona o le lipoti a le
Ofisa o Falemai ua leaga mea e tua i ai le Aoga, ona ua
nonofo ai le au lakapi. O a ia mea?
O le galuega patino lava lena o le Ofisa o Aoga, a le
lelei faafoe ma le lelei v\aaia, e toe mala foi, e toe tapuni
foi. E le se galuega la a le atunuu ma matua le omai e
faalelei ma vaaia le Aoga. O le galuega a le Matagaluega
o Aoga. A leaga ana meatotino o le Ofisa o Aoga, a
leaga faiaoga o le Ofisa o Aoga, a leaga tamaiti aoga o le
Ofisa o Aoga. Aua nei toe amoina se vaega e le Malo, e
toe fofo atu ai ona o le faatamala o le Matagaluega. E le
avea lena ma mea e faasea ai i le Matagaluega ma le
aufaigaluega, leaga o le saunoaga a le Faatonu Sili i lea
vaitaimi e fai mea faalogo i le0 Malo.
Lau Afioga i le Fofoga Fetalai, po o le a le malosi o se
faigamalo latou te le faataunuuina ai ni faaiuga e faia i le
Maota lenei. O le a le malosi o i ai le tofa o le Maota
lenei. O le mafuaga o lenei mea, ona o toe saunoaga lava
nei o le taitai o le Itu o le faigamalo na uma atu nei.
Afamasaga o maia i aina foi, e pule lava le Malo ia ui ina
ua pasia e le Maota o le Palemene, e pule lava le Malo
ia, pe fai pe le faia pe togi foi i le ato lafo lea e i ai le ato
lafo i le Maota o le Pamene. Lau afioga o fea o ai le ato
lalo lea?
Faamolemole lau Afioga i le Fofoga Fetalai o le Fono
ua tau galo atu foi le mea. E faamalulu atu, afai se
finauga i lau lauga e sili ai pe a tuu. Aua e iu ina faapea
ai nisi ou te pepelo. Ao upu nei, o upu mai lou gutu vae
atu le paia o le Maota nei. O saunoaga a nei a le Taitai o
le faigamalo talu ai. O la e silasila le Atua na matou foi
mai ma le loto nutimomoia ma o le faamaoniga o lena
upu na ou fai atu lava i le Taitai o le a matou o matou te
tapuai i le HRPP, ma o au o le a ou alu. A tali le Atua i
le mea lenei o le mea moni. Lea ua ou tulai mai. O lau
fesili la o le a fai atu…….
Ia o lea ua faatu mai lou finagalo e aveese le ato, ao lea
na ou fesili atu ao lea ua aveesea le ato.
Ou te faafetai tele lava i le sui o le matou Itumalo o
Aana, e leaga o Aana e lototasi. O le mea lea e faafetai
tele i le sui a faipule ma le foi na lagolagoina. O lea la o
le a ou oo atu i Kamupani lea a le Polenisia. E le o po se
lilo i lau afioga i le Fofoga Fetalai ma le mamalu o lenei
Maota ou te faigaluega iina ma e 30 tausaga o ou
faigaluega ai. Ma e pele foi la i lou manatu e pei ona i ai
foi auaunaga i le tele o sui mamalu o le Malo.
O le Kamupani lenei o le Polenisia, ua umia toatasi e le
Malo o Samoa i Sisifo i lalo o tuutuuga o loo i ai nei, e
faafoe ma vaaia galuega a le kamupani Ausetalia o le
(ANSETT). I lena tuutuuga o loo i ai le feagaiga faapea
a gau le Polenisia e totogi e le ANSETT e eseese la ma
isi tuutuuga a le Malo o i ai nei ma isi Faalapotopotoga e
pei o le Faletupe o le Atiina ae, o le Faletalimalo o le
Tusitala i ama le Falegaosi ava malosi. O lea foi ua aliali
mai i le Tala Faatatau o le Tupe lenei ua aumai ina ia
pasia se vaega tupe tele lava e ave e faatumu ai tupe
maumau i le Faletupe o Atiina a‟e. O galuega na faia e le
Faletupe o Atiina a‟e ma tupe faaune atu i fafo, a gau e
totogi e le Malo. O tuutuuga a gau e totogi e le kamupani
lea latou te faafoeina. O lona uiga o le atiina a‟e o le
Malo o Samoa i Sisifo lea e i ai nei e saili ai se manuuia
o Samoa i Sisifo. Ou te fia tuuina atu se fesili i lau afioga
i le alii Minisita o i ai lea Matagaluega, o le a se
fuafuaga a le Malo o loo i ai lea kamupani. O lona lua, o
le a se sao a le kamupanio lenei mo le atiina a‟e o le
tamaoaiga o le Malo i tupe mai fafo) Foreign Exchange)
tau o le fesuiaiga o tupe, o lona tolu poo mulimulitai le
faafoeina o le kamupani lenei e tusa ai ma le feagaiga
ma le Ansett. O le a se tuutuuga a le malo, o afea e mafai
ai ona pulea e Samoa lava ia lana kamupani. O lenei e
galulue nei, o tamalii ma failauga o alo o le atunuu o loo
galulue i le ao ma le po e ati ae lenei atiina a‟e a le malo
o Samoa i Sisifo. Ae ua ou faanoanoa lava i nisi o
saunoaga. Fai mai e tuulafoai iai e fai se tauvaga pe, pe
ai pea ae aua nei aafia le malo. Lau afioga i le Fofoga
Fetalai, ou te manatu o le a malamalama pe a maua mai i
se taimi le tali lea o lau fesili, pe iai se sao o le kamupani
lenei i le atiina a‟e o le malo o Samoa i Sisifo.
Ou te faafetai atu i lau afioga i le Fofoga Fetalai ma le
mamalu o le Maota. Ua tatau ai foi ona tatou ave le
Viiga i le Atua, ona o lenei ua faataunuuina lo tatou
faamoemoe i lenei ituaso, i le tatou galuega e pei ona
filifilia ai i tatou mo le tatou atunuu. O le faafetai la i le
Atua aua e ui lava i faitau itula taimi o a tatou malologa,
ia ae tele lava puapuaga ma mala ma faigata, e ono aafia
ai lo outou soifua ma le tatou ola. O lea la ia faafetai i le
Atua ua mafai ona tou afifio mai ma tala mai aao e
faaauau la tatou galuega i lenei po.
Lau afioga i le Fofoga Fetalai, na tuua le galuega
analeila ua faataatia atu au fesili e fa, i le afioga i le
Minisita o Vaalele mo Femalagaiga. Mao u te manatu, ia
o le a tau avatu ia e leaga ua galo ia te au pe na faalau
atu muamua. O le a se fuafuaga a le Malo mo le faaleleia
o le Kamupani lenei, le Kamupani Vaalele lenei o le
Polenisia? O lona lua, o le a se Sao o le Kamupani lenei i
le atiina ae o le Malo, i lona tamaoaiga i tupe mai fafo
poo le Foreign Exchange? O lona tolu, poo mulimulitai
lenei Kamupani i tuutuuga na faafoe ai, tuutuuga a le
Malo ma le Kamupani lea latou te faafoeina ma vaaia
„management‟ e pei ona i ai le Anasett? O lona fa, o le a
se silasila a le Malo, poo afea e oo mai ai se taimi, e
pulea ai lava e Samoa ia lana lava Kamupani?
Lau afioga i le Fofoga Fetalai, e pei a ona ou avatu i le
amataga, o le aofai o tamalii ma failauga atoa ma alo o le
atunuu o loo auauna nei i lenei Kamupani, e le itiiti ifo i
le 300 tagata. I latou ia o loo faafoeina nei ma galulue ia
auauna i le po ma le ao, o auauna ai i le atunuu atoa. E le
faatauvaa la le latou galuega. O le galuega ua tuuina atu
atoatoa i ai, aua, ia e leai a se isi o e le silafia lenei mea.
E manaomia le galulue faamaoni o nei tagata. O le fesili,
o silasila la le Maota lenei i le faafoeina o nei galuega?
Ma ou te molimau atu, o le ao ma le po, o le galuega
lea o loo faafeagai nei. I le agaga ina ia saogalemu le
atunuu. Aua nei i ai ni faalavelave e tutupu, ona o le
faafoeina o le galuega. Afai la o le a le matau a lo tatou
atunuu, i mea a e pei ona aliali mai e mafua ai ona tetee
ai nisi, po o le taugata o le pasese, po o le lelei ona fai.
Saunoaga Faataupou Sui USufono 19861-2011
Lau afioga i le Fofoga Fetalai ma le mamalu o le Maota,
e ono tupu mea na. A taugata le pasese, e ono le fiafia i
ai se isi. Ona ua taugata, aua o le mea moni a, o le
atunuu lenei, o le mea aupito sili ona fiafia i ai, pe a
maua ma le filemu se mea. Ia pe afai foi e faigifie. E le
faatupu fiafia la le taugata o le pasese o le vaalele. Ia ae
ou te maitauina foi, le tele o taimi o faigamalaga lau
afioga i le Fofoga Fetalai, o se galuega fita ua tauau ina
oia ai le soifua o i latou o loo galulue ai. Aua foi o le
masani lava a le tatou atunuu, e tasi la tagata malaga ae
sefulu umu, vae atu le paia o le Maota lenei. Afai la e
tausi pea le Tulafono mo le saogalemu o le tagata, e le
tatau ona avea. Ia le liliuga lava lena, leaga le Polenisia.
A o galuega ma aiaiga, ina ia saogalemu, se a le aoga
pea afai o le a tupu ai se faalavelave ona o nei mea? O
itu na e ono mafai ona tupu ai so o se isi ua le fiafia i se
kamupani ma le fiafia i se aufaigaluega.
Lau Afioga i le Fofoga Fetalai, ou te talitonu, e pei ona
aumai e se tasi Sui, o le lelei o le faafoeina o galuega ma
le taugofie o femalagaiga faatoa maua a ina ua f ai se
tauvaga. Lau afioga i le Fofoga Fetalai, ou te matua
teena lea taofi i itu nei. O le galuega patino a lena a le
Malo. O le galuega patino lena i le afioga Minsita o loo
faafegai ma lenei galuega ma lenei matagaluega. Silasila
totoa i ai. O le galuega lena a le Malo. Aua o le pule le
Kamupani le i le siiina i luga o a latou pasese. Leai, o
tuutuuga uma ma mafuaga o alagatatau ai, o i lumamea o
le paia o le Malo. Ona iloilo totoa ai lea po ua talafeagai.
So o se atiina ae la i le atunuu lenei, e lua lava mea taua
e tilotilo i ai. Muamua poo olaola lea atiina ae ma mea
na mafua ai ona fai. O lona lua, poo aoga i le atunuu lea
atiina a‟e? Afai la o se atiina ae a le Malo le Kamupani
pea pe ua alagatatau ea ona tapue ina ia ola? Ia lau
afioga i le Fofoga Fetalai, afai la o le tauvaga o le a
mafua ai ona lelei, le tasi la lenei itu ou te teena ai. E
lelei la pe a fai o se vaalele o le sui lea. Se kamupani foi
i totonu o le atunuu, ina ia tauva ma lenei foi Kamupani i
totonu o le atunuu, ae afai o mafua ina ia faapea, ia
faaofi mai nisi o Kamupani mai fafo e tauva na ke tatou
lava Kamupani o loo galulue ai o tatou tagata, a o le
Kamupani lea o le Kamupani tele, ona ou alofa ai lea.
Fa‟i o le a mate lea Kamupani a tatou, mate atu ai ma le
tatou atiina a‟e, ia tulou lava o le upu e to ia te au, leai ai
ma le aufaigaluega. Ou te lagona la, o se agaga faapito
lea agaga, ona e 300 tagata, 300 o tamalii ma failauga
ma alo o le atunuu o galulue. Amata nei la, o fea a o i ai?
Ona leai foi lea o ni galuega. Aua o le mea moni lava
afai e fai se tauvaga a le CPA lea ua onoono mai nei ma
le Hawaiian Air lea ua sau nei, ma le Air New Zealand,
o Kamupani tetele uma, o ai e mate? E mate le Polenisia,
leaga e tasi lo tatou vaalele. Leaga o le Kamupani lea e
tau faatu ma tau faanofo. Afai la o le a mate le Polenisia,
o fea a alu i ai tupe nei? Afai e ola le Hawaiian Air, ola
le GPA lea ua onono mai nei, ola le Air New Zealand, o
tupe uma lava a le atunuu lenei e totogi ai o latou pasese,
o le le nofo nonofo i totonu o le atunuu. O le a mauoloa
ai ia Kamupani, ma o le a mauoloa ai ma atunuu. Ae a
faapefea lo tatou atiina ae? E faapefea le lumanai o le
tatou atiina ae? Afai e faamanuiaina………
Faafetai lava i lau afioga i le Fofoga Fetalai ma le
mamalu o le Maota. Afai la o le galu o le Kampani lea,
ua gau atu foi ma le atiina ae o le Malo, ua gau ai ma
tagata o loo galulue ai. Oi se talofa, auauna i le ao ma le
po, ao ma le po i le saogalemu ma ia faataunuu finagalo
ma manaoga o le atunuu ae tau tape, e na o le gata lava e
na fasia a o pulapula. Ma o le taofi, afai ae iai le faiga lea
o le faia o se tauvaga, e sili nei pe a tape le Polenisia i lo
le fai. E masani ona ou vaai i le tagata ua gasegase. O isi
gasegase o gasegase tua lava. E masani foi la ona ou
faalogo i ai e sili pe ana uma le ola o se tagata lea, i lo le
faatauga umi. E masani foi ona ou vaai i se lavea ua
matuia, o se lavea ua matua tigaina ai lava se isi. E
masani a ona ou faalogo i faaupuga na. Sa sili pe ana
maliu i lo le tigaina umi o lea tagata. Ae o lea a le mea o
le a fai ai faapea? Ua le aoga ea le naunau ma le galulue
o nei auauna a le atunuu mo le atiina ae. A manuia, e
manuia uma ai le atunuu. O le tulaga i le fesiitai i le tau
o pasese, o lea ua ou fai atu, e le o se mea lea a le
Kamupani. O se mea lava faapea, e i luga lava o le Malo
ia mea. E pei foi ona ou fai atu, e le seiloga e fai se
tauvaga ona faatoa lelei lea, e leai, o le faailoga lena o le
mataala o se Matagaluega ma se Minisita, ma le Malo e
fautuaina ai e faapau pasese pe afai e alagatatau le
service lea e faapea e manaomia e siloga e fai se
tauvaga. O le matafaioi lena a le Taitai o le Malo ma
Taitai o le Malo ma Taitai a le Matagaluega. Ave i ai le
fautuaga, ave i ai o tatou manao, ina ia faalelei galuega o
loo feagai ma ia tagata. O lona lua, ou te talitonu o le
faapogai lea o le le saogalemu e tiga lava ona leaga se
vaalele, ae a fai e fai se tauvaga, o le leaga, leaga o la e
tauva ma le isi. O le mea moni, o lea ua tupu nei
faalavelave i le Samoa Air, ma o lea ua sau nei i
Faasalalauga, ua gaulua. Aisea? Ia tailo, ae mafai ona ou
fai atu, o le tauvaga (competition). O la e tauva ma le
SPIA iina i Manua. O lona uiga ua taua lava u ua
kamupani, ia alu lava i le taimi o lea uma faasalalauga.
Ae faapefea le saogalemu? E tiga lava ona leaga le tau,
ae leai lava, a le alu loa le Air Samoa, o lona uiga ua o
uma le pasese i le SPIA, o lea le mea lena o loo aliali
mai. O le mea moni o le a tupu o le a le lelei le puipuia o
le saogalemu. Ona o le tauvaga lava lenei. Atonu o le a
pau ai le pasese, ia e le auma ia tupe ae maumau ai le
ola. Ou te matua tetee ai la i lea taofi, faapea seiloga e
fai se tauvaga, ona faatoa lelei lea o le faafoeina o se
Matagaluega.
Lau Afioga i le Fofoga Fetalai, e pei lava ona ou fai
atu, afai o i ai se isi i totonu atunuu e fai se tauva ma lea
kamupani, tatou o e atiina ae, aua e manuia ai le atunuu.
Ao le tauvaga a le kamupani a Samoa ma kamupani mai
fafo, ona ou popole ai lea, aua o tupe uma lava o le a alu
i fafo ma o le a toe maua e Samoa lena faamanuiaga sa i
ai.
Ou te fia fesili i lau afioga i le Minisita o Vaalele, e
uiga i le Vaalele lea ua tatala nei. O le tuutuuga e sau le
Hawaiian Air, sau i Faleolo, toe foi ai lea i Hawaii. Afai
Saunoaga Faataupou Sui USufono 19861-2011
e faaauau lana malaga i Tutuila, na te le auamai se
pasese mai Tutuila iinei. O le mafuaga, o aiaiga o
fesuiaga faapea, ona o le fesuiai o a tatou aia tatau, alu le
tatou vaalele i Tutuila, sau le vaalele mai Tutuila. Alu le
tatou vaalele i Niu Sila, sai le vaalele mai i Niu Sila. Ao
i ai la ni a tatou vaalele o o i Hawaii? O le mea ua
atugalu ai nei, ua ofi mai i totonu ma o lea lava ua fai le
tauvaga. E moni ua pau ai le pasese, ae silasila totoa i le
saogalemu o le atunuu. E le o tutusa faia ia. Tasi le
SPIA, tasi le Polenisia i le la itu. Tasi le Samoa Air, o lea
ua toe i ai ma le Hawaiian Air, ae tolu kamupani e
fesuiai aia, a alu atu sau, ma ua le talafeagai lea
fesuiaiga. O lea e lelei a Niu Sila. O lea tatou te fesuiai
lava aia, a alu atu le tatou vaa, sau le Air New Zealand,
ae o le mea lea ua tupu nei, ia o le a la le mea o le a ave i
lo tatou atiina ae i Tutuila pe afai e lau uma e le
Hawaiian Air. Afai foio la e lau uma mai e le Hawaiian
Air iinei, o lea ua ou fai atu, afai e faatusatusa i le
pasese, o le a la le mea e le faapauina ai a tatou pasese.
Lau afioga i le Minisita e auala atu i le Fofoga Fetalai,
silasila totoa i ai. Afai e manuia ai pea le kamupani,
tuutuu i lalo, ma ia faafetauiai ma ia fuafuaga, ona ou ioe
lea i ai. Ae afai tatou te faalagolago ina ia faia se tauvaga
i ia mea, ou te matua tetee ia ia itu. O lea ua nono mai le
isi kamupani, ma o le mea moni, ou te iloa le sui o le
Maota lenei ua mafua ai. O lea ua i ai nei le GPA lea ua
sau. Ma o le fesili la i lau afioga i le alii Minisita, e
faapefea ona ave le faatagana i ai e sau ai ana malaga o
Chartered Flights ia ua sau nei i Aso Gafua i totonu o le
atunuu nei mai i Hawaii. Ma o lea ua lua vaalele. O le
Hawaiian Airm toe sau ma le GPA e le pasia e le FAA
vaega e faafoeina mea tau vaalele a Amerika e lau
pasese o le Carrier.
E ese le laisene e ave i le Chartered Carrier, togipau lea
e sesea i le sui, e ese le laisene e ave i le Commercial
Carrier e alu ai ana malaga, e alu ai lana Time Table. Ia
silasila i le mea o le a tupu……
O le mea e fia faasao, ia o lea la ua ioe, ma o lea la ua
aliali mai nei, ia masalo e i ai se faia a le sui lea ma ou te
faamalie atu foi, e leai o lau lava lauga e fai sao.
Afai la o le a ave i ai le faatagana, latou te aumai ai le
pasese iinei, o afea la e ave i aile faatagana, pe ave ai foi
pasese iina, o lea ua onoono mai nei i totonu, ma o lea
foi ua amata ona galulu ai foi ma le tatou atiina ae. E
eseese mamao lava, o le sau e aumai se chartered,
seiloga e tumu le pasese faatoa sau, a leai foi se pasese
ua leai foi se chartered, Ae o le mea lea e maua ai le
tatou Kamupani, e tusa lava pe leai foi se pasese e alu
lava, leaga o lea e alu i ona itula faatapulaaina. O le
eseesega la lena, a fai la se tauvaga i se taimi o lumanai,
e alu le vaalele la i le taimi e faatumu muamua lana
vaalele faatoa ave le chartered. Ae o tatou e ave le
pasese i le afa ae sau e leai. Aua o lea ua ave uma i le isi
vaalele. O le mea la lea, ou te manatu ai ma fesili atu ai i
le Minisita e ana ia Matagaluega pe na faapefea ona
faataga. Pe ua le lava ea nei vaalele e tautuaina le tatou
atunuu. Afai ona o le taugata, afai e leaga le tautua a lea
Matagaluega ma lea Kamupani ina faatonu i ai. O le
matafaioi a lena Matagaluega ma le Minisita le faafegai
ma ia mea.
Lau Afioga i le Minisita, ua ou faalogo i le faasalalauga
lea e i ai, o loo ua fua fanua i lalo o le Malae Vaalele, ma
le faamoemoe e lisina atu i ni tagata. A ua i ai foi
popolega iina o fea e tua i ai le Malae Vaalele ma le
faafoeina o le galuega pe oo foi ina aliali mai ai
faafitauli, ia ou te tatalo atu ave le avanoa lenei i le
itumalo lenei o le Aana Alofi Nu.3. O e lava o loo patino
tonu i ai le eleele lea ma le atiina ae lea, aua o le mea
moni masalo foi e lisi atu i le au maumea ma le tele o e i
fafo. O le talosaga la a le sui lenei, ia faamuamua le
itumalo lenei, ona o a latou meatotino moni lea o i ai, ma
o le Itumalo foi lenei o Aana Alofi Nu.3 o lea e patino i
ai mea ia. Ona ou tatalo atu ai lea ia alofa ia faamuamua
le Itumalo o Aana Alofi Nu.3.
Ona ou oo mai lea i le Falemeli, e ala atu i le Fofoga
Fetalai ma le mamalu o le Maota, ua ou fia talanoa i le
Telefoni ia, telefoni lea e tu nei i Faleasiu, po o ;e a ;e
faiga faavae na faasoasoa ai lenei ala manuia e oo au i
lou Itumalo, pe n atufa ea i tulaga faale-malo, pe na
faasoa ea i tulaga faale-nuu ma alalafaga, pe na faapea
faale-aiga, pe na faasoa ea i Itumalo faa-faipule ona o nei
lava mea o le Palota. Ou te fia malamalama i lona itu. O
le mafuaaga o nei lava i le afiafi, ua uma le matou fono
ou alu sao lava iina, ia faafofoga mai, e amata mai i
Faleasiu e tau i Satapuala, o Faleasiu e ono telefoni la e i
ai, o Fasitoo-uta e 13 telefoni la e i ai. O Nofoalii na o le
4. O Leulumoega e 10 telefoni la e i ai. Telefoni i
Fasitoo-tai i le nuu lea ou te sau ai na o le 2 lava telefoni.
I se vaega tutusa lava la ia te au, e 19 telefoni lae Aana
Alofi Nu.1. O Aana Alofi Nu.2 e 14 telefoni la e i ai. O
isi Itumalo o Aana Alofi Nu.3 o la e pito i o na o le 10
telefoni. E faapefea ona fai le faasoa? Po o faasoa tutusa
pe faasoa faale-aiga, pe faasoa faale-malo foi i ona
tulaga pe faasoa faa-alalafaga, faa-Itumalo, faa-Palota.
Ona i ai lea o le atugaluga o au, lau afioga i le Fofoga
Fetalai ma le mamalu o le Maota. Masalo o lea ua tatou
malamalama uma lava i le faasoa faale-malo foi i ona
tulaga pe faasoa faa-alalafaga, faa-Itumalo, faa-Palota.
Ona i ai lea o le atugaluga o au, lau afioga i le Fofoga
Fetalai ma le mamalu o le Maota. Masalo o lea tatou
malamalama uma lava i le faasoa lea. E pei foi o le mea
lena i o outou finagalo, ua faasoa le paga tutusa ai, ae a
pe a faasoasoa tutusa, 3 i lea nuu ma le 3 i lea nuu. Sei
oo i o i le Malae Vaalele la e o lo o i ai nei se telefoni. O
le Falemai o le mea aupito i sili ona taua, ua aveese mai
ai le telefoni sa faaaoga o tagata taitoatasi. Ae le faasoa
lea, ia tali ia le tagata ia i lona silafia vae atu le paia o le
Maota. O se faasoa le tutusa. O se faasoa faaituau, ua alu
ane le isi loomatua ia te au fai mai, si ou Itumalo
Afamasaga o le a ea se faiga o le a faia ai sau telelfoni ua
ou fiu e talosaga ua uma ona totogi lau $20 tala ae leai
lava sau telefoni. Ai seiloga ou te ui atu i se faipule pe
ou te alu e ave se tupe i e o faapogai i lea mea. Talofa e,
e tutusa lelei lava tatou faafitauli, o le taimi lava ma fai
ai lau faasoa lea na i ai foi lau talosaga i se telefoni. O le
mea lea, alu ia e sue se faipule e i ai sana telefoni e oo
Saunoaga Faataupou Sui USufono 19861-2011
foi ia te au e leai foi sau telefoni. O le mea lea lau afioga
i le Fofoga Fetalai, ua ou talosagaina ai foi le Minisita
lea, o lea ua uma le Faa-Samoa uma le Faa-Palagi, ua
uma le Faa-Siamani ae o lea o le a ou Faa-Saina loa, pau
lea oe faapipii kelefogi makou, ia ua leai se isi gagana.
Ia ua talosaga atu ma le loto maualalo o mea e aoga. Ua
ou manatu e avatu lava i luma o le Maota le talosaga a
lenei Itumalo i le telefoni i le Malae Vaalele e pei ona
taua e se tasi o sui. Ua leai foi se telefoni i le Falemai i le
mea e aupito i sili ona taua, a e alofa faataua nei taofi ma
manatu mo le mamalu o le Itumalo.
Lau Afioga i le Fofoga Fetalai, ua ou fia oo atu i le
Matagaluega o Galuega. Afai e le o se au, ia o le a avatu
pea, poo le afioga i le alii Minisita lea e ona le Mataupu
ia ae afai e elai nei le manino ia te au, e faamolemole atu
ia o lea o le a outou faafofoga mai, o le kamupani lea o
le Fletcher o le Kamupani fau fale lea mai fafo. O lau
fesili o afea e uma ai le Kamupani lea iinei i Samoa. O le
Kamupani lea e umoa atoa e tagata mai fafo, ma o se
Kamupani tele i Niu Sila. O a ni tuutuuga e faagata ai le
Konekarate lea na o mai e fau le fale poo le Bank. O le
isi au fesili, o ana fea na ave i ai laisene latou te tusia ai
ma vaai ai galuega. Ua mafua ia fesili ona o atugaluga
lea e i ai nei. I le faaiuga o le 1986, na maua ai e le
konekarate lea mai Niu Sila se avanoa latou te fausia ai
le Bank of Western Samoa. I se vaega tupe e
6.75miliona. Ma o le ofi mai o le kamupani lea ua
alagatatau foi ona iai, aua o se galuega tele lea, ona latou
fausia ai lea o le Faletupe lenei, ao lona fuafuaina ma
lona tusiaina o le ata, sa tuu atu lea i se kamupani Samoa
moni lava i totonu o le atunuu. E tusi e tatou, ae fau e
Niu Sila. Ou te manatu e le i lalo ifo o le 50% tupe
Samoa lea ua alu i fafo i le kamupani lea, ae a fesili poo
fea e aumai ai nei tupe, e mai le NPF, o tupe a ai, a lailoa
tagata faigaluega e tau totofi lafoga, o tupe a le aufailafoga. A ua totogi atu i Kamupani i fafo, o le fesili la
lena, poo afea e faamuta ai le avanoa o lenei kamupani o
loo omai ma sue le latou tamaoaiga iinei ma lau atu i
fafo ia atonu e leai lava se mea o lilo. O loo faigaluega ai
tagata Samoa, ae ailoga o alu ai se miliona? Ae o
galuega ia e aupito totogi gata. Ua oo nei la ina ua le
gata i le galuega na ala ai ona o mai, ae o le la ua o latou
faia foi le fale o Aggie Greys, i se tupe e $5miliona.
Talofa e, i nei uso. O tupe nei a le ai fai-lafoga, tupe a le
Faalapotopotoga o le Lumanai manuia, o tupe a tagata o
loo atiina a‟e lo tatou atunuu, ae o lea foi ua totogi ai le
Kamupani lenei. O le mea la ou te ofo ai, o lea ua latou
maua le laisene latou te faia ai le fale lenei, ua tusi e
latou le ata, toe fau e latou ae na aumai i totonu o le
atunuu lenei na o le faatinoina lava o le galuega. O le
fesili, o ana fea na maua ai le laisene lea ua fai ai e le
kamupani lea se galuega i totonu o le atunuu? Ae o gafea
o tuu ai a tatou kamupani e agavaa mo lea galuega. O lea
le mea ua maua ai e lenei kamupani ae faapefea alo ma
fanau a le atunuu? Le fanau lea tatou te alaga e putiputi?
Ia a putiputi lea e aumai le kamupnai mai fafo ae nonofo
kamupani a tagata Samoa? Masalo le $5miliona lena e
alu uma lava i fafo. E le gata i lena o le la ua latou fausia
le fale Mamona i Faleasiu. Fausia le fale teu oloa a
Makesi. E le o le mea ea lenei e ala ai ona fai atu i le
tauvaga a le Polenisia ma kamupani mai fafo? O le mea
moni e le mafai ona faia se tauvaga a tatou lava
kamupani fau fale ma le kamupani lea. Leaga e le o se
kamupani laititi, ua matua ma malo ma tele i Niu Sila. O
le matua tina tina ua lava le mea lea e fai nei. O afea la e
faagata ai le avanoa lea? O afea e ave ai le avanoa i o
tato lava tagata, ma nofo ai le tamaoaiga la i totonu o le
tatou atunuu? Tuu ia o le a le maua ni galuega a tagata o
le atunuu. O le a mafai ona faaaoga le tomai o tatou
tagata i le tusia o ata ma fausia o fale.
O le a ou oo atu i auala. O lea o le a lua fesili i le mea e
tasi ia ae o le a le afaina, na ou fesili atu foi o lou fia
malamalama. O le laisene o lea ou te mautinoa o le
faufale. O le pau lea o le avanoa ae le tusiina se ata, poo
le vaitaimi la lea o le 1986. Afai e sese au ia ona faasao
lea e le Afioga i le alii Minisita. Ae o le mea sila la lea
ua iloa atu, aua na faapea ai o le Susuga a Leiataua e fai
atu iai le fesili. Faamalie atu foi Leiataua. Ia lau Susuga i
le alii Minisita, ia e silasila totoa ane i lena mea. O le
aufaigaluega foi a le Fletcher, masalo o le tau sueina ni a
latou galuega iinei, aua masalo o tagata faigaluega na a
kamupani Samoa. Ai na o le nonofo o kamupani a tagata
ma tatalo i le Atua ina i ato mai se tali o lenei mea.
Lau Afioga i le Minisita o Galuega, ua uma ona tolau
atu e isi alii faipule le tulaga lenei o auala. Ma e tutusa
pau lava ma manaoga o lou foi Itumalo. O auala
faamilomilo, o auala galue ma isi lava auala. E le
mamafa tele lou manatu i se auala galuega ona o lea e i
ai le polokalame, pe avatu nei ma amata atu nei ia ae ai
seiloga lava ua oo mai le faasolo latou. O le talosaga a
lou Itumalo, e le o lava aso ia e lima e tuu mai mo le nuu
e tasi. E pei ona taua e se tasi o sui, o isi nuu e aea
mauga. E uma aso e tolu i le mauga lena e le i oo i le isi
itu. Ia e faapena la le matou Itumalo. Fai ia maea se
galuega ae aua le faia e pei na ona faataunuu. O nuu nei
o Fasitootai, Vailuutai ma Satapuala, ua tele i ua ona o le
tau atiina a‟e o faatoaga. O uta foi o loo soosoo lelei lava
o latou fale. Ae e i ai le auala le la e i Fasitootai ua
matua le mafai ona alu ai se taavale i uta ona ua leaga
tele. Ae o le anoano o le tamaoaiga o loo lau mai ai iina
ia ou te leiloa faatusa. O le mea o nonofo ai tagata. O le
mea o loo galulue ai, tautua ma pologa ai tagata. Alolofa
ane, o le Malo o le Malo o tagata. E talosaga atu atu ai ia
faata le auala lena. O le auala e faataamilomilo i totonu o
le nuu. E le gata i lena o le auala lena o loo pogisa lava e
oo mai i le aso. Pe mafai ona tuu i ai ni moli. Silasila ane
iai ma mafai nei loa ona fai faamolemole. Ai ona o le
leaga o auala. Aisea ea ua leaga ai faapea a tatou auala?
A oso atu i Tutuila, e ese le manaia o a latou auala, o Niu
Sila, ese le manaia, ae o le a le mea ua faapenei ai tatou?
Ua le gata ina leaga auala ae o le teuteina o auala. Ou te
faafetai ai i le polokalame lea ao o le faalavelave ua
feaiaai ai mea ia e lua. Ua oso le malosi e avea ai ma
taofi i le teuteuina o nuu ma afioaga, ae ua galo foi le
tulafono o le auala. Ia o isi mea, toeitiiti lava oo ane i le
mea o le auala. A alo atu le taavale nei fetoai ae tau mai i
Saunoaga Faataupou Sui USufono 19861-2011
le mea. E le o le mafuaaga ea lena ua tele ai nisi
faalavelave i luga o le auala? Ae a faapefea se isi faiga e
tatau ona fai?
E matauina lava ma le faanoanoa le aso o fono i Malua.
Masau mai lava le isi taavale laitiiti fou lava, oso i le
maa, pau i le sami, masalo ua faapea uma lava tagata o
le saoasaoa. Ae o le mea moni lava, o le auala lena e
puipuia ai faalavelave o le saoasaoa ona tuu lea iai o le
maa. Ua faatupu tele ina ia faalavelave. O le tiute o le
Malo o le saogalemu o ona tagata. Afai o le agaga lea na
ala ai ona tuu ai mea na i le auala, o loo saogalemu lava
o le soifua o tagata. E iu ina maliliu ai nisi. Ou te fai atu
e ao ona tatou puipu le tutupu mai o faalavelave, e le o
se puipui le mea lena. E leai lava se isi e le o silafia, o
nisi nuu ua tuutuu i tua, ae o isi ua tuutuu ane i luma. E
le o manaia ai foi nuu ma afioaga, na o le tupu ai o
faalavelave. O le a faapefea ona valivali maa ae o loo
vaoa tuamaota? E ala foi ona leaga vave auala ona o le
mamafa o taavale o loo feoai ai. E le taitai ona mafaia e
le auala le mamafa o taavale ma masini. Ae o loo totogi
laisene o taavale. O ia laisene e totogi i luga o le
mamafa. Aisea la e le ave ane se tupe e faaputu mai le
laiseneina o ia taavale e fai a‟i le auala? E pei ona maua
e se tasi sui, o ai e toe fia faatau se taavale fou, e tasi
lava lua malaga ae le aoga. A oo ina timu ona momomo
ai lava lea o le loto. O le matua leaga faia lava o le auala.
Aisea ua le faia ai se f aiga ina ia foia ai faafitauli? O le
pioga lea e i Taufusi ia o le tau faamatalaina atu. A oo
ina tetele timuga ua le faia ae a la ua fai. Aisea ua le faia
ai se faiga iai. Afai ua leaga le aufaigaluega, ia sui le
aufaigaluega. Afai o masini ia faatau mai ni masini. Ua
fai faafia lena pioga, timu toe fai, timu toe fai ma toe fai
ma toe fai. E sili ona faaigoa le pioga lena o le puiga o le
toe fai. E faapea foi i luma o le maketi, o le timu lava ma
fai. Ia faaioga foi o le luma ma toe fai.
Masalo e mafai ona molimauina e le sui o Salega le
galuega manaia lena o loo fai i auala o Salega, o le
SPDC. E leai se mea e afaina, tusa lava pe timu e tumu
lava le lelei. Ae o fea nei ua iai le SPDC? O le
Faalapotopotoga lena sa i ma tua iai le Malo i ana
galuega fai. O fea ea le SPDC? Sa na o le faalogoina foi
o le talosaga mai o tupe mo lea faalapotopotoga, o soo se
Tala Autu lava o Tupe e iai lava le vaegatupe mo lea
faalapotopotoga. O lea ua maua ua faatau, ae o le mea e
faanoanoa ai ona ua faatau atu ai ma le aufaigaluega. Ua
ave nea faigaluega ae taape le lafu mamoe. Talofa e,
tautua i le ao ma le po e tautua le atunuu ae faatau ese
atu. Aumai nei se faamalamalamaga po o ai na faatau iai
ae fia foi se tupe na maua mai ai, ae aisea ua toe aumai
ai nei i le Tala Faatatau Faaopoopo o le Tupe le vaega
tupe lea. O se Faalapotopotoga aoga.
Na ma talanoa ma le tasi tagata e nofo i Palisi. O le tala
a lea tagata na fai i le auala, ae o le mea ua tupu ua leaga
le auala. Sa alu ai i le taavale i le amataga, ae ua oo ina
leaga le auala, ma ua foi e sue se taavale lau pasese. Ua
mumusu uma ave taavale. Ae o loo iai foi isi faafitauli i
le fasi mea lena. Ua le a‟e le vai, leaga le auala, telefoni
mai alu atu le taavale vai. Alu alu le taavale vai fai mai,
e sili ai pe a toe foi mai i te‟i ua pau. Ae o le a faapefea
le mamalu o le atunuu o loo nonofo ai iina? E iai foi o
latou agavaa ma sao i le atunuu ae ua pagatia nei, le
auala le vai. Talofa.
Telefoni mai ua pepe paipa, alu atu le taavale vai, lua
aso ae toe pepe foi paipa. Ou te le fai atu na o nuu i tua,
e oo lava i le potu lea e i tua atu nei. O le ala e pe ai le
paipa ua oo lava i le Maota lenei, e pepe ai paipa. Lau
Afioga i le Minisita, sei silasila totoa i mea o atugalu ai
le atunuu. O mea e manaomia e le atunuu. Afai e faatali
sei uma le laina lea e faapea o loo fai nei, ia tailo. Na fai
mai le isi loomatua ia te au, se ua ta keukea telefoni ua
pepe paipa, tali mai ua lelei, ae leai, toe telefoni atu fai
mai ua lelei ae e leai lava nisi e oo atu. A oo foi ina fai e
tasi lava le aso toe pe. Toe telefoni mai foi o le mea lava
e tasi. Fai mai le loomatua, se ua leiloa tama pe iloa ea
fai paipa pe ai e mananao i ni tupe ona faatoa fai lea ia
lelei. Na sau lou atalii i le aoga ae alu atu fai mai o le
palapala ia o matou paipa. Talofa e, pe le o le ala lea o le
toto maualuga ma nisi faamai. O le a fai ai lava le toe fai
ma toe fai ma toe fai ma toe fai ai lava i aso uma? E
tatau ona faaigoa le Matagaluega lenei o le Matagaluega
a le toe fai. Aua ai seiloga e leaga ni mea iba faatoa o atu
lea e toe fai. Lau Afioga i le Minisita sei silasila ane i
lenei saga toe fai pea. Ia le gata ina e silasila nei ae ia e
silasila foi i tua atu, ina ia manino ai le vaai, ma ia
manuia nei, manuia foi a taeao.
Moli o auala, matou omai ma le isi tagata tafao mai i le
vaalele i le po. Sau loa le vaalele ae fesili mai lenei
tagata, o le mea ea lenei e nonofo ai tagata? E mumu o,
mumu le isi itu ae leai atoa le isi itu. Ona ou fai atu lea
iai leaga o lea e pepe moli, ona fai mai lea o le alii, o lo
latou atunuu e iloa lava mea e nonofo ai tagata e mumu
ai moli, ae o mea e le nonofo ai ni tagata e le mumu ai ni
moli, ma ai lava o faapea lea tagata ai e leai nisi o
nonofo i le mea lea, ae o le la e i ai le mamalu o le
atunuu le mamalu o le afioaga. Ae faapea le alii e leai
nisi aua o la e pepe moli. O lea ea le faiga faavae lea e
fai ai moli? E pipii moli i le isi nuu ae matua leai lava le
isi nuu. Aisea e le fai ai ia vave seia soo le tatou atunuu i
le eletise. Fai mai le molimau a tagata o le nuu lea o
Satapuala i lo matou Itumalo, e leai lava ma se moli e
tasi i lo matou nuu. Ae na oo ina tulai mai se tasi o a
matou faipule, ona i atu loa o tagata faapipii moli i Satui.
E lua aso na mumu ai le moli, ae o atu le aufaigaluega
toe tatala mai le moli ae aumai i le mea e afio ai le alii
faipule. Fai mai lea ia te au ai seiloga e toe talosaga e le
faipule ma toe avatu se isi moli. E le o se galuega lea a le
faipule, o le tiute lea o le Matagaluega o le faasoasoa ina
ia tofu le atunuu. Afai na faapipii le moli lea ona o le
faipule….faapena la lou faipule. E le toe fao mai se isi
moli e aumai i lou nuu aua e tutusa lava lou nuu ma isi
nuu. Ia tutusa tagata uma o le atunuu, fai ua o latou le
maua ni mea taugata o tafili saunoa ai le tóatele o le au
maimoa, ae sei tofo foi i ia mea e mafai ona oo iai le
latou malosi. O nai tagata matitiva nei, tulou o le upu e
to ia te au. Ou te mativa foi au. O le la e faatalitali mai i
se vaega o faamanuiaga i le mea e mafai ona maua i lo
Saunoaga Faataupou Sui USufono 19861-2011
latou malosi, e pei ona fai atu o tagata lava le malosi o
isi i sina apa eleni, ae afai foi o le a siitai ia ona le oo foi
lea iai o le malosi.
O le mea lea tatou te naunau moi iai ina ia atiina a‟e o
outou alo ma tatou fanau. Ae talu lava ona fai le faleaoga
lea e i Satui e le i oo lava iai se moli. Le mea e aupito sili
ona tau amo le atiina a‟e o soo se atunuu. E tele ni
masini ma ni mea faigaluega e fia faaaogaina i aoga a
tamaiti ae o le faalavelave e le‟i oo iai se eletise, ae toe
lua lava pou tau iai i le aoga. E i ai se mafuaaga ua le
faaoo atu ai nisi poumoli se lua e faaoo atu ai le eletise?
O loo faagata le moli i le aai, aisea? Aisea ua le oo ai i le
faleaoga se i tofo nai tamaiti i le manaia o le manino o le
laupapa i lalo le moli?
Lau Afioga i le Fofoga o le Fono, ou te fia tautala i
taligalu. Ou te vaai ma le faanoanoa i le mea lea e tupu
ia i matou. Toe itiiti oo le sami i lo matou faleaoga.
Maimau pe ana iai se malosi ia te au ou te lauina ai ni
mea e tanu ai le mea lena. Ma se i foia ai lea faafitauli o
le ata o nuu. Se‟i silasila ane iai. O atu i le Ofisa o Aoga
ae fai mai o le galuega patino lea a le Itumalo. Ae o le
mea tonu lava lena o lea fai. E tagi-i-lima, fau lava i lima
o matou faleaoga aua alo ma fanau a le Itumalo. Ae o le
fesili la, e toe fau foi i lima o le Itumalo taligalu? Lau
Afioga i le alii Minisita e iai lou matafaioi i lena mea.
Ua lava ia ia galuega ma avega a lailoa le Itumalo, i le
fau ma faalelei faleaoga mo ana fanau, ae oo le a toe fau
foi ma le taligalu? Ua toeitiiti tafi ese atu e le sami lo
matou faleaoga. Ou te fautua atu ai i le afioaga i le alii
Minisita e auala atu i le Nofoa ina ia vaai mea e ave iai
le faamuamua. Fetufaai le tamaoaiga o lea ua tau mai ua
lelei. O lea e aumai i le Tala o le Tupe ua lelei le
tamaoaiga. Ma ua leai se malosi ile Itumalo e f aia ai
taligalu. Faatoa iloa lava le lelei o le tamaoaiga pea afai
e faataunuu talosaga i nai itu laiti ia. O le matou talosaga
ia silasila ane i ai ma e pei ona ou fai atu ua matua
momomo lou loto i le mea lea e tupu nei i le talafatai lea
tatou te ui mai ai. Lau Afioga e iai le tulafono e faapea o
le mea e te tanuina i le sami o lou lava lea eleele. E aafia
i le Tulafono lena mea ae faasao mai pe a ou sese. I lou
talitonuga o le mea lava e gata mai ai le malosi o lou
eleele lava lena.
A tanu tanu mai e Nauru le gataifale lea, sau se tausaga
ia pulea e Nauru Samoa. Ua uma ona tuu iai le fanua o le
a fai ai le faletalimalo. E le se matafaioi a le Malo lea le
faimai e aumai se tulaga faapitoa mo taavale aua ana
malo e faaaoga le faletalimalo. Aua o lou iloa lena iai i
le mafuaaga o le tanu o le itu i tai. Ae o atunuu i fafo e
iai Niu Sil ama Ausetalia, e fai paka mo taavale i luga po
o lalo ifo foi o le faletalimalo. E le se matafaioi la lea a
le Malo o tatou, tuu iai faitalia latou. Pau lava le mea
afai ua faamatuu iai se eleele e fai ai le faletalimalo ua
lava lena. O le a manino le vaai i le taimi nei ao o le
matua nonofo lava i le lumanai. O ai la e pagatia? O le
atunuu lenei e amoina. E lelei lava se eseesega o iai i
totonu o le tatou taulaga i le taimi nei, sei vagana ai le
eleele foi lena o le mea na tanu e le Malo, ae o Apia lava
lenei mai anamua, aemaise o le penisula i Mulnuu.
Lau Afioga i le alii Palemia ou te matua tetee lava i le
faaleagaina o foliga o le taulaga o Apia o se mea e
mitamita ai le Samoa moni i lana galuega mai e vavau
masalo e oo i le faavavau. Silasila totoa ane nei manino
le vaai mamao ae nenefu nei pe manino le vaai nei ae
nenefu nei pe manino le vaai nei ae nenefu mo a taeao.
Ua ou fia oo atu i le falemai. Falemai i tu ama falemai i
totonu o Motootua. Ou te fia momoli atu le faamalo i lau
Afioga i le Alii Minisita mo le Soifua Maloloina aua ua
ou iloa le tele se suiga i galuega mo le soifua maloloina
o tagata. Ua e asiasi foi e le gata i Upolu nei ae faapea i
Savaii ma Manono. Masalo o se faailoga taua lea o se
auauna galue, sei silasila i le tulaga i le tulaga o i ai le
gluega. O le a la sau silasila i Leulumoega? E leai se
telefoni, leai se fomai. Faafetau ua e silasila iai. Taugata
lena atiina a‟e. Talosagaina ai se fesoasoani mai atunuu i
fafo e fausia ai ni falemai lelei mo le mamalu o le
atunuu, lea la ua iai ma iai ma masini manaomia, ae paga
lea e leai se fomai. O le a la le aoga o ia mea manaia ae
leai se fomai e togafitia tagata gasegase? E le faapea e sii
mai le mai ona malosi lea i le matagofie o le falemai.
Aisea ua faapea ai? Ona ou lagolagoina lea o nisi taofi.
Fai mai ua leaga tele totogi o fomai. Ia e sao. A lea nao u
taua i le amataga. Ua leai se faataua o le auaunaga ae ua
i ai le agavaa. Afai o le totogi ua leaga ave i ai nisi mea e
faamalie ai e le na o ni totogi e faamalie ai le tagata. Ae
afai o le leai laba leai laba, ia e toe o laba i fafo a tatou
fomai, ma o tatou faalagolago ai lava i fomai mai fafo.
Ua tatau nei i le Malo Tutoatasi o Samoa ona taumafai e
foia ona ia lava faafitauli. Ou te matauina e iai nisi fomai
ua uma tausaga faatapulaaina mo le latou galulue, ae o lo
o laba pea le agavaa e mafai ai ona faatino le galuega. E
sili lena i lo le leai. O tagata na ua afu a latou tautua.
Aisea e le toe valaau ai e galulue sei maua nisi fomai, e
le gata mo le falemai i Leulumoega ae faapea i isi
falemai i nuu i tua. O le matau i le falemai i Motootua,
talofa e, le tele o le tamaoaiga ma le tigaina i le tauanau
mai o ni gesoasoani mai fafo e fai ai se falemai tutotonu.
Ae o le a lelei ona vaai.
Na tatou talosaga atu nei mo ni fesoasoani, ae a alu se
asiasiga i le taimi lenei, e le o toe iai le falemai lena i le
tulaga na tuuina mai ai. E le o lelei ona vaai. E moni na
iai nisi mai na taooto ai na o ma ave aluga ma ieafu ma
solo ae a faatusatusa i nei po o le a le pasene o na tagata
ma le atunuu, o lea le mea o le a faasala ai le atunuu
atoa? A sese le toatasi ia lava ni mea? E le alu ane lava
oe ma au aluga ma au ieafu. O lea le mea e le faia ai se
isi faiga. Ia ailoga e silafia e le Alii Minisita aua ailoa e
alu ane i fafo ma lona Ofisa. Ae a e silasila i nei mea, ia
o mea na o lo o i ai nei. Ae e le tofu tagata uma ma ieafu
fou ma le mama. O nisi tagata e mama e aumai ona o le
tutusa ma mea a isi tagata. Ua tusa lava le pe tigaina i le
fale ae leaga ua le maua mea e tatau ona ave i le falemai.
Ou te manatua ai le atunuu lea o Papua Niu Kini. E
sosola tagata i vaomatua e nonofo ai e le fia omai i le
aai. Ia ona o atu lea o tagata Ausetalia ma talo tagata ona
o le alolofa i nei tagata. Ia ona fai ai loa lea o se fale
faalapotopoto, tuu iai ni faitotoa se lua. A uma ona fai o
Saunoaga Faataupou Sui USufono 19861-2011
lea fale ona tuu lea iiai ma ni moega taitoatasi, tuu i ai
ma ni ieafu ma ni aluga ma ni meaai, ona tatou o lea ae
toe asi mai poo le a le tulaga e oo iai tagata ia. Ia a le o
lena, ona tapu‟e mai loa lea o tagata ia e tuu i totonu o le
fale lea. Oo loa lea i le po ua asi, e asi atu e leai lava ma
se isi o moe i se moega, o falaoa na avatu e taumamafa
ai e le i taumafaina foi. Ae o atu o le la e momoe mai i
luga o le mutia i fafo. E leai lava ma se isi na taumafa i
falaoa. Ae iloa mulimuli ane e mumu uma laba o latou
laugutu se vae ane le paia o le Maota i mea foi nei o niu
laiti. Ona faapea lea o le aualii, e le tatau ona nonofo
tagata nei iinei, u asese le mea lea ua fai, u asese le
amataga. Ma o le faafitauli e tasi lava le vaifofo. Aoao
tagata ia faamasani. Aoao iai e lelei le moe i le moega,
fai iai e sili le afu o le ieafu, fai iai e lelei falaoa i le tele
o na tamai niu.
E faapena le tulaga lea lau afioga i le Fofoga o le Fono
ma le mamalu o le Maota, e le o le matua tipi ese o le
atiina a‟e, ae o le foia o le faafitauli o le aoao lea o tagata
ina ia iloa faaaoga, ina ia iloa tausi. A iloa ia ona mafai
lea ona mautu lea atiina a‟e. Tafefe ae vaai iai tagata na
aumai ai nei meaalofa. O le auro le mea, sa tatou
mananao i le auro, sa tatou mananao i le mea e sili ona
lelei, ia aae toe a si mai nei ua le auro masalo o le ulo.
Lau Afioga i le Fofoga Fetalai ma le mamalu o le
Maota. Ua ou fia oo atu i le Matagaluega o le
Femalagaiga, o le Matagaluega lea a le Alii Palemia.
Masalo e ao ona ou amata mai i Faleolo i le mae o loo
manino ai lau vaai. E tolu tagata faigaluega, o le ofisa o
le falemai, faatoaga ma le Ofisa o le Femalagaiga, ia ona
fa lea i le Ofisa o le Tiute. Ua ou maua i lau saunoaga e
faigaluega ta‟i 24 itula i le vaiaso atoa, aua foi o vaalele
e 24 itula o feoai tusa lava poo le a le tuga o le taimi e
taunuu mai ai se faigamalaga, o le la e iai. E galulue ai
iina e galulue ma tautua i lo tatou atunuu. Ae o le mea
lea e iai e e le o ovataimi tagata ia, e leai se ovatimi e
maua e le Ofisa o Femalagaiga leai se ovataimi e maua e
le Falemai, leai se ovataimi a le Ofisa o Faatoaga, ae o le
mea e sili ona faigata ai, ona e tutu toafa mai ma le Tiute
o lea e faigaluega ovataimi. Ou te fia fautuaina lau
Afioga i le Alii Palemia, se‟i silasila totoa iai. Aisea ea o
le a fai ai faapea tagata faigaluega o loo tautua mo le
atunuu. Ona ou fesili lea iai, afaio e leai sou ovataimi o
le a la lau mea e fai? Ae fai mai e iai lou alauni. E na o le
$1,500 i le tausaga. A uma la ona tipi isi mea ona oo mai
lea ia te au o le $17.00 i le vaiaso, tusa lea o le $35.00 i
le vaiaso. Ua matua le talafeagai. A faapefea ona fale? A
vavae le $17.00 i aso e 7 ia talofa. O le a faapefea ona ai,
afai e ulaula o le a faapefea? Afai o le mea ai taugofie i
le Malae Vaalele e $2.00 ma le faguinu oii se ipu kofe e
$1.00 ona $3.00 la lea, o le a faapefea la ona lava. 3
faatele i le 7 ua $21.00 ae o le alauni e na o le $17.00.
Ae ala foi ona galue ona o le auauna i le atunuu. E le o
se mea lea e maua pe ana ovataimi. Afai e vaai faatasi ia
Ofisa o le Komisi o Tagata Faigaluega a le Malom aisea
la ua eseese ai faamauniaga? E le o tutusa. Tufatufa ia
tofiu lelei. Afai foi la e taunuu mai le vaalele ae faalefiafia atu le aufaigaluega lea, ia sala ina faapena. O
tagata ola foi e pei o tatou tagata. O lona uiga o le a fai le
galuega ma faataunuu ona o ia o se tagata faigaluega. Ae
o le naunau ma le fiafia e faatino, ia tailo. Ua tatau ona
fai se faiga ina ia le gata e atiina a‟e ai le fia galulue o
nei tagata ae ia lelei ai foi ma faamaoni le faiga o le
galuega.
Ou te fia fesoasoani atu foi i lenei lava Matagalega. Na
maua i se tasi o sui vaega ia o loo atugalu ai nei le
atunuu. Alu atu nei e fia maua se pemita mo Tutuila, ae
fai mai le Ofisa, alu i le Falemeli e fai sau telefoni i le
Ofisa o Femalagaiga o Tutuila, ma e fai i ai pe mata e
maua sou pemita. A uma ona fai o lau telefoni ona toe
totogi lea o le isi telefoni, ma aumai le lisiti, o le lisiti la
lena e te alu e ave i le Ulu o le Matagaluega lea o
Femalagaiga e telefoni ai ia i o, pe moni ua e fai atu i
sou pemita. Tafefe, afai e $4.00 le telefoni, toe $4.00 le
isi telefoni e aumai faa-telefoni ai le pule o le
Matagaluega, oka oka. Afai la e sau i le tamai taavale i le
Falemeli, e 80 sene totogi telefoni, is pe afai foi o sau loa
fai, aua e tooe sau foi tu i le laina, ae a uma ona fai lana
telefoni, toe totogi ma le isi telefoni, toe oso laia i le isi
80 sene, ia e sili ai pe a aua le alu i Tutuila. O le a se
faiga a fai i lea mea. O le a sau faiga a fai lau afioga i le
alii Palemia ina ia oia ai le faafitauli ia afai e 8 gafa le
umi o le laina, lea o le a tu ai nei i le Ofisa o
Femalagaiga, ae taunuu atu i le tausiuga o lea laina ae fai
mai e toe sau e fai se isi telefoni, sau loa tu i le laina i i i
le Falemai, toe foi atu toe tu foi i le isi laina,o le a le umi
o le taimi lea ua alu. E le gata i le taugata i le tupe ae ua
taugata foi i le taimi. Ae a pe a fai se isi faiga. O le a le
mea e le fai ia uma ai e le Ofisa o Femalagaiga. O le
matafaioi lena a le Ofisa, o le pemita. Ae o le mea lea ua
tupu na o le faafafa ma le avega. Aemaise o nai tagata
mai tua, e sau o le utiuti o le taimi ae o le fetuliai. Toe
alu ai ma isi tupe e tele ae a pe a fai se isi faiga. Se tuu is
lea mea. Talosaga atu i lena Malo pe le mafai ia ona tuu
lea mea ina ia faasao le avega o tau amo nei ona o faiga
faapenei a le Malo.
E le taumate foi na amata ia mea ona o se tagata se
toatasi, i lou lava taofi amuia se tagate e manuia se
atunuu ona o ia, ae afai o le tagata e toatasi ae faasalaina
uma ai le atunuu ia talofa e. E le o se galuega a le atunuu
le togisala. O le galuega patino lava lena a le Ofisa o le
saili e i latou ia o solitulafono ae le o le faasala uma ai le
atunuu. Sei silasila totoa ane i mea e manuia ai Samoa,
ae soia le toe aumai o nisi faafafa, ma nisi avega i le
atunuu o loo tua mai i le Malo. Ou te lagona lava e
mafai, e leai se mea o le mafai pe afai o silasila totoa i ai
lau afioga i le alii Palemia ma le Kapeneta.
Ou te faafetai atu i lau afioga i le Fofoga Fetalai ma le
mamalu o le Palemene ona mafai foi ona tauaofia le
tatou fonotaga ina ua uma foi se faasiliga malosi i lenei
vaega o le po.
Ou te manatu a umi tele se lauga ua oo ina le fia
faalogo se isi. O le mea ou te faamalulu atu e le gata o
lou sui fou, ao la e faafogafoga mai lou itumalo. E
faigata se sao o le itumalo i le faiga upu o le malo, ae ia
fai foi ma aoga o lou tagata. E le o toe umi, ua alofa foi
Saunoaga Faataupou Sui USufono 19861-2011
nei pao papa so matou leo ona le tusa ai foi lea ma se
faafofogaaga.
Lau afioga i le alii Palemia. O le mafuaaga o le faia o ni
kilia a ni tagata e malaga ese mai le atunuu, ona e iai ni
faafitauli tutupu. Le mea lena o loo atugalu iai lou sui.
Ou te masalo o le mafuaaga o lea mea ona o ni aitalafu
io nisi vaega o le atunuu ma nisi Matagaluega. O lea e
ala ai ona alu atu e fia maua se pemita ae fai mai le tala e
alu e fai sau kilia. Ona taamilo lea e fai se kilia. O le
faafesili atu, se vaega lea o le Matagaluega o
Femalagaiga? O le alu atu e aumai se pemita ae fai mai e
alu e totogi le aitalafu. Aua o le agaga moni lena. Afai o
isi sau aitalafu i le falemai e le mafai ona maua ma
sainoa lau kilia. Afai e i ai i le Fale Tupe o le Atiina a‟e,
e le mafai foi ona faamaonia lau kilia. O le a le faia o
mea ia e lua? Na alu i le Ofisa o Femalagaiga e aumais e
pemita ae tuli e totofi le aitalafu. O le matafaioi a ia a le
falemai. A le lelei ona ao le latou aitalafu e leai se feau
iai a se isi. A faapea foi e iai sana nogatupe i le Faletupe,
o le mea moni lava e leai se nogatupe e aunoa ma se mea
e faamau ai. E le gata i le saino o le isi tagata ae ua iai
foi se mea ua faamaonia ai. O la e i ai au mea sa faamau
ai lau aitalafu, ao le a taofia ai pe o se faalavelave tatau
lea e mafua ai ona manaomia se pemita.
Ou te talosagaina ai lau afioga i le Palemia ina ia fai ni
tuutuuga e toe liliu se tulafono ina ia mafai ona
faafaigofie, taugofie ma le alu ai se taimi tele. O loo i ai
se tulafono e faapea; E taulia le aia a le tama e faaipoipo
i se teine o se isi atunuu, o lana fanau e fananau i fafo e
okomeki kava. Na ona o mai lava sitiseni loa i le atunuu
lenei. Ae o le mea e faamomoi loto, afai o sou afafine e
nofo tane i se tagata ese mai i Samoa i Sisifo, e le mafai
ona sitiseni le fanau a lou afafine. O le a le mea ua
faapea ai le tulafono? Afai o iai se tulafono o puipuia ai
ia mea, ou te talosaga atu liuliu nei le tofa. O le a le
eseesega o le afafine ma le atalii. Ao le mea o loo
atugalu iai talofa e i afafine o lo tatou malo, o la e
nofotane i nisi atunuu. O a latou fanau uma lava iina e
leai se avanoa e sitiseni ai. Sei vagana lava tuutuuga ma
avanoa e tuu i se tane. Pe le o le faaituau lea mea, ua
tatou apoapo ai na o le tama tane ae faapefea le aia a le
tama teine. Sei silasila totoa i lea vaega.
Ou te fia avatu sou manatu i le Matagaluega o
Felauaiga. Lau Afioga i le Minisita o loo vaaia ia mea,
ua matauina ma le faanoanoa se faafitauli tle o loo
faafeagai nei ma le atunuu. Ma o lea mea e le o se mea
fou. Pasi ia e lau mai ai nei le atunuu i le taulaga.
Faafetai tele lava i le Ofisa o Leoleo i le latou lapatai i
lea taimi ma lea taimi, e lapatai ai i latou o loo aveina
taavale aua nei ova ma ia aua nei saosaoa. O le mea
moni lava. Silasila la iai pe moni ia mea. O le taimi lava
o le taeao, amata mai 6:00 e tau i le 9:00 i le taeao. E le
mafai ona ofi taavale. E sii le isi tagata i luga o le isi
tagata. Ou te le faitioina avetaavale. Faafetai o le latou
galuega alofa. Aua foi e le gata i tamaiti aoga ao tagata
faigaluega. O le mea moni lava i taavale o loo o mai nei
e amata i le 6:00 i le taeao i le 9:00 i le taeao i le amata
mai Falelatai i lau matau. E oo mai iinei e leai lava se
ave pasi o usitai i ia mea. O le a tuuaiina ave pasi, ao le a
le mea lea e fai. E tatau ona aooga. O le alofa i le
aufaigaluega e tatau ona faigaluega. Ao le faalavelave e
le lava pasi. Mai le 3:00 e oo i le 6:00 i le afiafi o le mea
foi lena e tasi. A silasila iai e matua momomo le vaai iai.
O le a se faiga a fai iai? Lau afioga i le Minisita sei
silasila totoa i ia mea. O le a se mea a fai iai? Ua tai tupu
se faalavelave ma maliliu ai le tóatele o tagata ona
tuuaiina lea o le avepasi, ae leai o le alofa.
A ta le 6:00 i le afiafi o lea e fau le aufaifaatoaga, fau le
aufaigaluega, ua iai ma nisi tamaiti aoga, e tasi le mea e f
ai talofa e, o le ave, ave pea i lau taavale a ou sala sala
ai. E le o se galuega alofa lea mea? Ao le a tuliloaia ai,
ae mafuaa mai o le le magafagafa o le Matagaluega. O le
a la se faiga o le a fai i lea mea. Afai e fesili mai ia te au,
ia o lau faiga lea. I le taimi o aoga ua tatau ona ose ni
taavale ma ni pasi a tamaiti aoga. A fai lena mea i le sao
lena ia Samoa. O le sao lena o la tatou faigamalo e
fesoasoani ai, ua tai tupu se faalavelave ona maliliu ai
lea o se toa fia o ni tagata, ao se faafitauli e mafua i le le
magafagafa o le malo.
I le talosaga la ma lou agaga vaivai, silasila totoa. Fai
ni pasi e aumai ai tamaiti aoga leaga o le ute lea o lo
tatou faamoemoe ma le lumanai o le Samoa, aoao fanau,
aoao tupulaga o le atunuu. A faapefea ona aoao o la e ta
le 8:00 o la e sau o i le pasi. O nisi taimi e taunuu mai ua
maanuminumi leaga lavalava vae atu le paia o le fono.
Lau afioga i le Fofoga Fetalai, ou te matua fautuaina ina
ia silasila totoa i mea e manuia ai. Faasoasoa tatau le
tamaoaiga, afai e manaomia ni pasi, pasi a le nuu, ia ae
le lava foi. O le talosaga, silasila i fanau aoga. A fai ona
pau lava ia o aoga o ia pasi, ae aoga lau mai, toe tuua
aoga tuu atu pasi. Ae leai se faafitauli, ua le fenumiai ai
le aufaigaluega, aemaise le aufaifaatoaga, ae maise
tagata femalagaai o le atunuu. O lau fautuaga silasila fai
se faiga, e le aoga ona tatou faatalitali sei tupu se
faalavelave ona faatoa migoi lea o le malo. O le a le
aoga. E sili le puipuia i lo le tau togafitia.
Lau afioga i le Fofoga Fetalai, ou te fia oo atu i le Ofisa
o Faamasinoga o Fanua ma Suafa. Faafitauli o loo aliali
mai nei e leai a se isi e faafiti ai. Silasila lau afioga i le
Palemia o lau Matagaluega lea i faaiuga ua fai nei
Faamasinoga. O measina a le atunuu. Ou te le tuaiina la
ua sese ona fai se faamasinoga. Ao le molimau ua tele
faamasinoga ma faaiuga ua toe soloia e le Peresetene
papalagi. Ua sau le auauna mai atunuu mamao faatonu,
faamasino i le Matagaluega ma le atunuu lenei i le faiga
o a latou galuega. O le molimau lena. Ua tele talosaga o
la ua toe faamanuiaina, ua le talia e le Peresetene
papalagi le iuga na fai e le Samoa. Ua mafua aisea? O le
talosaga silasila totoa lau afioga i ia mea.
Ou te fia oo atu i lau afioga i le Minisita o Tupe. O lea
e aumai nei i le Tala Faatatau Faaopoopo lea ua aveesea
le $16,000 ona o le le lava o le tupe e aumai ai uila afi a
leoleo. E moni, aua e leai se aia a le Komiti o faaopoopo
ai se tupe i totonu o le Tala Faatatau ma le Tala
Faaopoopo o le Tupe i le tausaga lenei ua amata. O le ala
lea ua aveese ai. Ana faapea e iai se paoa i le Komiti e
Saunoaga Faataupou Sui USufono 19861-2011
faaopoopo ai, e faaopoopo. Aua o le mea moni lava e le
mafai ona faafoe galuega a alii leoleo pe aunoa ma ni
taavale ma ni uila afi. Ae ua ou talosaga ai lau Afioga i
le Minisita o Tupe, ana fai e aveese tiute o taavale ia, e
maua ai nisi uila afi se tolu. Ao le faiga foi o lea tiute, na
o le faateleina ai o tupe maua a faleoloa e okaina taavale
ia. Aua foi o le faiga o le tiute, e faaopoopo faatasi le tau
o le taavale ma le aumaiga o le taavale, ma le inisiua
atoa ai ma le tiute o le taavale, ona faatoa fai ai lea i luga
o le pasene a le e okaina le taavale. O lona uiga ua
faafafa mai le isi avega i luga, talu a le tiute lenei.
Afai o ni oloa a le malo, ou te le iloa na o pepa aua e
totogi atu e le malo le tiute lena i o, toe totofi mai e le
tiute i le malo. Na ona taamilomilo ai laba iina e leai se
mea e alu ese. Na o le mea ua iai ua tili taugata ai le
taavale, Ana fai la e aveese tiute o taavale e lua a leoleo
ia e okaina nei, semanu e maua ai ma uila afi. Ou te
talosagaina sei silasila i na mea. E na ona faaupu ma
taamilomilo ai iina e totofi e le malo le tiute i o toe
totogi mai e le tiute i le malo, o le tupe lava e tasi lea. Ou
te talosagaina ai lau afioga sei silasila i ia mea.
O loo tatou sapi nei ma tatou faasea i se taofi faapea,
atina ae le eletise, atina ae mea lelei mo le atunuu.O lau
molimau, o loo ua molimauina le lelei o le eletise lea e
maua mai le ia, lea e faaaoga ai maa taavale. Ao le
faalavelave, o le itute o mea manaomia, e 50%. Afai e
$1,000 le tau o mea e faaaogaina o lona uiga e totogi le
tiute e $500 tala, ua faaopoopo iai. Ao le fesili, o ai e
ana? O le galuega a le tagata ia, ua faasaoina ai le malo
mai le toe aafia i se isi polokalame e toe faaeletise ai ia
tagata. O lou taofi ia matua aveese lena tiute. Faafetai i
se tagata e meafai ona ia faatauina, ma atiae e ia lava ia i
le itu tau eletise. Ao le faalavelava lena e 50% le tupe e
totofi e tiute ai soo se oloa o oloa ia e atiae ai le itu tau
eletise a le tagata lava ia.
I lenei vaega o lau tautalaga, ou te fautuaina ai lau
afioga i le alii Minisita. Ua ou matau ma le faanoanoa i
le taofi o se tasi o afioga o alii faipule. O loo ua taua ai le
tupe faatauvaa lea e totogi i nai tagata pito totogi
faatauvaa o le atunuu lenei. E $5 i le aso. O lea ua aumai
nei le Tala Faaopoopo o le Tupe mo le toe faaleleia o
totogi o isi foi tagata maualuluga. Ae a faapefea e
faatinoina galuega lea na molimauina e se tasi o sui. O
tagat ia e tatau ona matua faatauaina e le Malo, e $5 tala
i le aso. Afai la e sau i le pasi mai o e .50sene, oo mai
iinei toe alu i le $2 ua $3. Afai e iai ma nisi mea pe
taumafa tapaa, pe taumafa foi i se vai poo se fagu
suamalia. O le mea moni e totoe na o se $1 tala. E $1 lea
o lea a ave ma le ava ma le fanau. Pe le o le tatou itutino
ea lea ua tatou le tagai iai ma le totoa. Ae a pe a sii i luga
i le $8 tala i le aso sei mafai e nei tagata ona maua se
faamanuiaga e tusa ma le latou tautua i le atunuu ma le
latou sao i le atunuu.
Lau Afioga i le Minisita o Eleele ma lau Afioga
Palemia, ou te fia avatu foi se lafona i mea tau eleele. O
le matou itumalo o loo pagatia nei. Ua malamalama uma
lava iai le atunuu i faafitauli sa tutu mai e lavea ai se tasi
o iai le atunuu i faafitauli sa tutu mai e lavea ai se tasi o
nuu o itumalo. Sa faalumaina, sa faatigaina, sa
faamatagaina, ona o la latou aia tatau, o le a le mea na
tulai mai ai. Foi ma loimata, fai le finagalo o le tulafono
leai se mea na maua. Na talosagaina, e tua i le papa ae
lumafale i moana. Sei silasila la i ai, o la e i ai fanua o le
Esetete, o la e i ai, tuu se latou taofi ma le latou talosaga.
Ae a pe a fai la i ai, tuu se latou matū-palapala, afai ona
o le Tulafono ua mafua ai, o lea ou te fautuaina ai, sei
silasila totoa mo le manuia o ia tagata o le atunuu.O le a
tatou mataitu la i lena, ae faapefea le tatou eleele lea ua
ave nei, lau afioga i le Minisita, tafefe. E faatau i tupe, o
lea e tagi mai lea itumalo e a latou eleele. E le taua lena i
le faigamalo aae ua taua le va i fafo ma tupe a isi tagata e
leai se latou aia i le atunuu lenei. Ona i ai lea o lau
talosaga, sei silasila i le faasoasoa mea lelei lenei, poo
tofutofusia le atunuu i le faasoainao le Tamaoaiga.
Ia o le matou nuu, o la e i ai le 100 eka na talosagaina i
uta i le Ili, na talosaga i ai i se mea e tua i ai i tuamaota
o le matou nuu, lena e faasino tonu i ai lena vaega, peitai
na avatu ae lua vaiaso ua leai se mea ua uma. Toe
talosaga mai i se 400 eka e tusa ma tagata o loo galulue
ai. Ae fai mai le faaupuga a le Malo i lena vaitaimi ia tuu
atu la le isi 100 lea e faaopoopo i le 100 lena, lau afioga
i le alii Palemia ma lau afioga i le Minisita o le fasi mea
lea na tuu atu o le isi 100 eka o le vai atoa. O lea foi e i
ai puipuiga ia aua nei taina se laau, aua e faaleagaiga ai
le vai, o le mea o loo tua i ai tagata galue. Ao le
faaupuga na avatu i lena taimi, o le a mafai ona moni
faamaoniga pe afai e tusa ai ma le finagalo o le Malo, o
loo i ai le 100 ela lea e i luma mai o le fanua, ua tuu lava
le nuu i tua, o le tagata e toatasi lea na te fauina le eleele.
E 400 eka, fai mai le faaupuga ia malilie ia sei faaaoga
mea toto a sia tagata ona vaevae lea e tai 20 eka mo le
tagata e talosaga mai. I le faaaliga aupito mai nei lava ua
ou maua o la e ua lisi i le 5.00 i le eka. E lisi i le tagata e
toatasi pe na faapefea ona fai o lenei mea, pe na
faasalalauina foi, e faapefea le nuu la e i ai pe fia ni selau
o ona tagata o loo tatalo mai e fia atiina ae le Malo i so
latou foi sao, e leai se eleele lelei. O le mea lea lau
Afioga i le Minisita o Eleele, ua matou tatalo atu i se 400
eka mo le atiina ae o le nuu ma le atiina ae o le itumalo
ma le atiina ae o le Malo, o lena foi e i ai iina le talosaga
a le Itumalo lenei. O le mea lea e tu ai le falaoga o le
itumalo e le se eleele o le Itumalo, ma e tatalo atu ina ia
faamatuu mai se 5 eka mai le fanua o le Esetete e fai ai
le aoga a le Itumalo. O le taimi lenei, e le o maua se tali i
ai. Lau Afioga i le alii Palemia. Ona o lou vaavaai i le
faiga-palota, e pei ona saunoa se sui, tafefe, ua toeitiiti
ona maliliu lea o nisi i nei mea, afai o loo puipuia i le
faavae. O le a le mea lena e fai e le fai se iloiloga o le
Faavae. Aua nei o tatou naunau faapea e faa-vaega le
faia o iloiloga, o lou taofi, o le mea lena e fai e le Maota
atoa, afai tou te finagalo o le mea atoa lea e iloilo ina ia
faasaoina ni puapuaga ma ni faalavelave, ia iloilo le
faavae ma toe silasila i le Tulafono, i lou taofi i le
Tulafono lea e 45 aso e va ai le Palota ma le see atu o le
Malo o se mea e le talafeagai. Pe le o iina ea lea e i ai le
faapogai ma maua ai le avanoa e fai ai tu eleelea ma
Saunoaga Faataupou Sui USufono 19861-2011
faatosina solo ina ia maua ai lea ma maua ai lea ina ia
mafai ona maua le manumalo. Lau afioga i le alii
Palemia, tatou faasaga e iloilo lo tatou Faavae i le mea
tatou te manuia ai, afai o ai le faiga-Palota poo ai e tulai
mai i asee loa iai. Aua nei toe i ai se avanoa e fematauai
ai, ma oo ai ina faasinosino lima ma fai ma mea e vevesi
ai. E le gata i lea ae ua taua e se tasi o sui, o le Palota o
le 21.
Ma ia silasila lau Afioga i le alii Palemia, silasila le
mamalu o lenei Palemene, pe ua alagatatau lea mea, pe
mafai ona foia ai, ia ua fia selau matai o le isi nuu. Ua
sili ai lava pe ana palota uma le 21. Ma ou te faatuina atu
foi e au sou taofi, pau lava o lea ia aua nei matai se
taulealea, ao se latou leo foi atoa ai foi ma tina, ua tatou
aia tutusa lava i le faiga o le tatou Malo, i lou taofi ia
silasila i le galu, o fea le mea e manuia ai, e le alo le upu
moni, o la e foi ua fai ae le 29 matai o le isi ae fai ae le
29 matai o le isi. O lea foi e tupu ai nei le vesiga ona o le
leiloa poo fea e sau ai isi matai. O le agaga la lena, ia
silasila i le tatou Faavae, ia tatou silasila totoa i lenei
mea.
Lau afioga i le alii Palemia, o le vaega o le Pulenuu, o
le a se faiga faavae o iai, o le a tonu laba le malosi ma le
tiute o le Pulenuu. O te matua fesiligia lava le mea la e i
ai le Pulenuu. O le a lona tiute e tatau ona faatino i se
nuu. O le a lana galuega e tatau ona fai, o le a le malosi o
i ai le Pulenuu. Ona pau lava lea, ona na o le Pulenuu
lava, ae leiloa e tatou. Ou te talosagaina ai ina ia
faatinoina le itute, ia tofu ma iloa uma e tagata, o le
Pulenuu o lana galuega lea e fai e tasi, lua, tolu, fa, aua o
le Taitaifono o le Komiti o Pulenuu e o latou e saili. I le
agaga la lena ou te talosaga ai foi ina ia faamatuu mai se
lisi o a latou tiute. E le taitai ona lava le latou Tupe lea e
i ai. E le mafai foi ona naunau tagata i le faataunuuina o
o latou tiute ma a latou galuega pea afai e leai se
faafiafia, ma op le faafiafia ua aupito i sili ona ou iloa, o
le sii o le totogi o Pulenuu.
Lau Afioga i le Fofoga Fetalai ma le mamalu o le
Maota, ona ou see mai lea i le tulaga o Taaloga ma
Aganuu, ua ou matauina ou te leiloa lava po o le a le
aoga o lenei Faalapotopotoga. Na o Apia lava o lea e
lelei ai, ao tua, e leai se mea. Ae seiloga e saili mai se
fesoasoani ona maua lea. O la e foi e fai taaloga i tua, o
le a le mea a le Malo o loo fai mo le atiina ae o a tatou
Taaloga. Na o le avatu o a tatou ai ia Taaloga e leai se
mea, avatu Olimipeka (Olympic) leai se mea. Aisea, na
atinae lea atiina ae o le atunuu. O la e i ai i lo matou
Itumalo le malae lelei, o la e matou te taumafai lava
matou i ai. Lau afioga i le alii Minisita sei silasila, o le
matou manao mo le lelei o le atunuu. Aua tatou te fiafia
pe a faapea mai, ua maua oine auro i lea taaloga ma lea
taaloga, a ua le fiafia e faasoa le manuia ina ia manuia le
atunuu.
Lau Afioga i le Palemia ma le Fofoga Fetalai, ma le
mamalu o le Maota, e pei laba na ou fai atu, a umi se
lauga ua leai se fiafia. Ma e i ai foi le taofi o lenei
itumalo, o le a foi so matou leo, afai o le a se
faafofoaaga a lau afioga ma le mamalu o le Maota, a i ai
se fati ua sala, e leai lava se faiva e le asa ma se
maumau. Ma o matou moomooga o lena ua lafo atu. O
mea o loo manaomia mo le atunuu atoa faapea foi ma
lenei itumalo. Ia manuia le Fono a lenei Palemene o
Samoa.
Afioga FUIMAONO LOTOMAU
Itumalo Faaalaalafaga:
Falealili
Filifilia:
22 Mati 1988
Faatauto:
7 Iulai 1988
Lauga faataupou:
20 Tesema 1988
Faafetai lava i lau Afioga
i le Fofoga Fetalai ma le
paia o le Maota, e i ai lava le taofi e fia fai foi se manatu
e ui lava i le taimi ua mavae, a‟o le a le toe oo i ai ona ua
talia lelei lau faatonuga.
O le tulaga o loo i ai nei ia i matou o sui usufono fou, e
i ai le fuaitau a Samoa e gagana ai le Atunuu e faapea, o
lenei Maota o lo‟o fili ai le tofa, o le auafa mau a Tupu o
le Atunuu ma Tootoo o le Atunuu. O le aufai tonu o le
Atunuu lea e aofia i totonu o lenei Maota. Ona i ai lava
lea o so‟u manatu, o le filifilia mai o sui usufono o
Itumalo faaalaalafaga, ou te taofi foi e faapena le tofa i le
mamalu o Itumalo e saili mai o latou sui ina ia afifio mai
ma tala mai aao aua le faamoemoe lea e pei ona i ai le
muagagana a le Atunuu, o le faalagamaea a le Atunuu. O
le Maota o le Palemene o le Fono Aoao Faitulafono, o i
ina tonu e saili i ai le tofa, le tofa toamalie e pei lava ona
ou tautala atu i le taimi ua fano.
O le mea la lea lau Afioga i le Fofoga Fetalai, ua ou
manatu o lenei lava mataupu i le Tulafono e pei ona
tuuina mai, e i ai lava ia te a‟u le agaga faaaloalo ou te
matua fiafia e talia le Tulafono Tau Faaofi. O le agaga
moni lava e fia faamautuina, o fuafuaga tatau aua se
manuia agai i luma o lenei Faigamalo. O le Paeaiga atoa
e le faapito i se Itu, ae ou te matauina ua agai mai
finagalo o le Itu Agai i le totogi faapitoa o lē e fai ma
Taitai.
Sa fetuunai se lagona ma se taofi pe tatau ona ou
tautala i ai i lenei Tulafono Tau Faaofi pe leai foi. Ua ou
nofo ma mafaufau pe aisea lava ua lagalaga ai le Maota.
E fiu e fealofai i lenei mea ae ou te manatu ifo ai o le
finagalo lea o le atunuu. O le agaga moni ua tatau ona
sosoo faatasi Itu uma o lenei Maota. O lea ou te
mautinoa nei e matua tetee le Itu Agai i le totogi aua o le
mea e le fealofaia, o Tupua lea e fai ma Taitai, e pepelo
uma la upu ia e fai e le Itu lea. Ona ou maantu lea, talofa
i ia tulaga ua fai aua na o le gata e fasi ae pulapula mata.
Sa ou manatu lava aua o lea sa saunoa Tupua, na
saunoa aloaia ma o le upu moni foi i le tulaga faatamalii
e fau faatamalii. E pei ona ou fai atu o ia tulaga ia tatou
o i le mea moni, e le sailia ni o tatou tulaga i ia tulaga
leaga o le atunuu e mamala.
Saunoaga Faataupou Sui USufono 19861-2011
O le mea lea lau Afioga i le Fofoga o le Fono, ua ia te
a‟u lava le agaga faanoanoa ma le mafatia foi o loo i ai.
Ona faapea lea o lo‟u taofi, e tele lava ni manatu ma e
malosi foi le agaga o lo‟o i ai, ona faapea lea o lo‟u taofi
lau Afioga e, aumaia le fesili lau Afioga i le Fofoga
Fetalai.
Soifua ma ia manuia le Fono.
Mr HANS, JOACHIM KEIL
Itumalo Faaalaalafaga:
Palota Taitoatasi
Filifilia:
22 Mati 1988
Faatauto:
7 Aperila 1988
Lauga Faataupou:
8 Tesema 1988
Faafetai lava mo le
avanoa. Lau Afioga i le
Fofoga Fetalai o le Maota
Fono, lau Afioga Aeau Peniamina. Lau Afioga i le
Palemia o le Tootooalii, Afioga Tofilau Eti Alesana, le
mamalu i Minisita o le Kapeneta, le mamalu i sui
usufono o le Fono Aoao Faitulafono o Samoa i Sisifo.
Lau Afioga i le Taitai o le Itu Agai le Tama a Aiga,
Afioga Tupua Tamasese Efi. Le afio o Lana Afioga
Mamalu O le Ao o le Malo Tutoatasi o Samoa i Sisifo,
Susuga Malietoa Tanumafili II. A oulua Afioga i Tama a
Aiga, Afioga Mataafa Faasuamaleaui Puela Patu ma lau
Afioga Tuimalealiifano Vaaletoa Eti. Afifio le paia o
Aiga ma a latou Tama, o Tama foi ma Aiga. O le paia
lava lea ia Tumua ma Pule, Ituau ma Alataua, Aiga i le
Tai ma le Vaa o Fonoti. Afifio le paia i le nofo a
Tapuaiga a Ekaleisa e fia i Samoa. Afifio foi le paia
maualuga i le faafofogaaga a Samoa aoao – ia tapuai
maia ma le manuia.
E muamua ona viia le Atua ona o faamanuiaga ua
mafai ai ona tatou faatasi i lenei taeao i le soifua maua
ma le lagi e mama. Faafetai i sui usufono uma ua uma
ona sausaunoa, faafetai i upu lelei ua mafai ona tuuina
mai tatou te mafaufau i ai. E faatulou atu i le mamalu o
sui usufono uma pe afai e i ai se upu e sasi pe sese a
lenei Itu. E pei ona outou silafia, o le Gagana Samoa e le
o se gagana ou te malosi ai. Ua outou silasila mai o lo‟u
pa‟u e enaena, o lo‟u igoa o le igoa Siamani, a‟o lo‟o ia
te a‟u le agaga ma le loto o le Samoa moni.
Lau Afioga i le Fofoga Fetalai, o le mataupu muamua
ou te fia talanoa i ai i lenei taeao, o le mataupu lea i le
faletalimalo o le Royal Samoan Hotel. O lo‟o taua e
faapea ia Fepuari i le tausaga nei sa pasia ai i le
Kapeneta se $10miliona e fesoasoani ai i le fausiaina o
lenei faletalimalo, ina ua tulai mai le Malo fou o lo‟o
tumau pea i lea feagaiga. O se fesili ua oo mai ia te a‟u
po‟o fea o le a sau ai lea $10miliona? Ua 17 tausaga o
tautau le faletalimalo o le Royal Samoan. Sa tautau foi i
le 1985 ma le 1986, sa pisa ai foi, a‟o lenei ua tatou toe
pisa ai foi i le 1988. E 50% le aofai o tagata Samoa i lalo
ifo o le 15 tausaga. O lona uiga o le afa o nei tagata e
soifua mai i Samoa ua leva ona tautau le Royal Samoan.
A tatou silasila i tai i Taumeasina, o le a le mea tatou te
vaaia? O lo‟o i ai le faletalimalo o le Royal Samoan. Poo
fai le faletalimalo pe ua o ese? O le faletalimalo o Nauru,
faletalimalo o le Tusitala, faletalimalo o Aggie Greys ma
le faletalimalo o le Royal Samoan. Sa latou maua uma
lava faatosina mai le Tulafono o Faatosina, ae na o le
faletalimalo o le Royal Samoan o lo‟o faatagisia le tupe
tele mai le Malo o Samoa e fesoasoani i lenei
faletalimalo.
A tatou silasila i tai i le faletalimalo o Aggie o lo‟o fai
ai le galuega. O lo‟o fai le fogafale tolu, ua faaopoopo ni
potu se selau. E le‟i faatagisia e le faletalimalo o Aggie
Greys se tupe tele e fesoasoani ai i lenei faletalimalo mai
le tatou Malo. Fai mai nisi o tagata tafafao maimoa mai
fafo, o le lumanai lenei o Samoa, ae ou te fai atu e leai.
O tupulaga fai a‟e o le lumanai lena o Samoa. Ave lenei
tupe tele e faaalu ai i luma a tatou atinae o le suavai
taumafa, eletise, aoga ma auala ma le omai o Turisi o atu
i o tatou auala e leaga, ina ne‟i te‟i ua faapea mai ua
leaga se tuasivi o se Turisi i le leaga o o tatou auala.
Ona oo mai lea lau Afioga i le Fofoga Fetalai i mea tau
Aoga. Ou te faafetai i lau Afioga i le Minisita ma le
Palemia mo le toe tatalaina o le Aoga i Avele. O lo‟o
moomia i aoga uma i Samoa le faaleleia. Aisea ua le ave
ai lenei tupe tele o fesoasoani i a tatou aoga aua le
faaleleia o Vasega i le Kolisi o Samoa, Vaipouli ma
Avele? Ou te faaluaina se manatu o le sui usufono mo
Falelatai ma Samatau e faapea, e tatau ona faaopoopoina
pe toe faafoi atu le Vasega 3 ma le Vasega 4 i le Kolisi o
Samoa.
I le tulaga lea ua i ai nei Leifiifi i le toniga, e ese le lanu
o le toniga i le Vasega 3 ma le 4. E te alu atu i le Kolisi o
Samoa ia ua ese foi le lanu o le toniga. Pe aisea? O le a
le mea ua le tasi ai? E faigata i matua ona su‟i toniga i
tausaga uma. Ou te faafetai foi i Ekalesia ona o le
fesoasoani mai i le Malo e ala i a latou aoga. E leai se
tupe a tatou e mafai ona totogi atu i Ekalesia e tusa ma le
latou sao i le tatou atunuu i le aoaoina o alo ma fanau mo
ni o tatou Taitai i le lumanai.
Lau Afioga i le Fofoga Fetalai, ona ou see atu lea i le
Afioga i le Minisita mo Galuega, Afioga Leiataua.
Faamolemole lau Afioga i le Minisita, ou te talosagaina
le auala i Aleisa. Ua faaaogaina nei auala e le gata i
Aleisa a‟o Faleasiu-uta, Lepale, Fasitoo-uta, Leili e pasi
ma loli mai Safata ma Lefaga, o le feaveaiina o turisi
aemaise taavale a le Malo ma le WSTEC, ua latou
faaaogaina nei auala e momoli mai ai fua o faatoaga i le
maketi. Faamolemole fesoasoani i tagata o lenei
alaalafaga, se‟i fai faalelei ni o latou auala aemaise o le
suavai. I Aleisa lava ia ma Tapatapao e oo i Leili, o lo‟o
i ai ni vaitafe e tua i ai le mamalu o le atunuu i Aleisa
aemaise pe a oo i taimi e mugala ai ma leai ni vai.
O le tausaga lea ua mavae sa omai uma i Apia e ki vai
atu ai. E le gata i vai taumafa a‟o vai mo le fuiina o fua o
faatoaga mo le faaleleia o atinae tau togalaau aina i
Aleisa mo le faatauina atu i le Maketi. O Aleisa e le‟i i ai
Saunoaga Faataupou Sui USufono 19861-2011
se eletise. Mai Apia i Tapatapao e na o le 4 maila, a‟o le
mamao mai Apia i le falesa LMS i Aleisa na o le 6
maila, a‟o le sau mai Apia i Falefa e 15 maila, mai Apia
i Mulifanua e 25 maila. E fa, lima, ono maila i Aleisa ae
leai se moli eletise. O lo‟o i ai tupe a tagata Aleisa e
totogi ai pili o moli. O lea la ua faatau fua o a latou
faatoaga i maketi, faamolemole lau Susuga Leiataua pe
mafai ona suesue i ai i lea mataupu.
Ou te fia tautalagia foi le auala laupapa i Vaimoso. I
aso a‟o ou laitiiti sa maualuga lea auala laupapa, a‟o le
taimi nei ua afaina ai meatotino ma pisinisi a tagata
Vaimoso ma Pesega ona ua toe tuu i lalo le auala
laupapa ma ua lolovai ai le eleele. Pe mafai ona toe tuu i
luga lea auala laupapa? Masalo ua tatou silafia uma uso
a sui usufono aemaise le Minisita lea vaega sa fuafua mo
le tausaga nei, e talosagaina ina ia amata loa ia fuafuaga
i le auala laupapa lea.
Lau Afioga i le Palemia, ou te le o mautinoa po‟o ai e i
ai le mataupu lea tau fanua. Ou te talosaga atu i le
alaalafaga lea o Talimatau, Sogi ma Aele, ua matua
manaomia lava ni fanua e mafai ona latou o e galulue ai.
Faamolemole pe mafai sau fesoasoani i lea mataupu, ae
faapea foi i nisi o tagata Aleisa.
Lau Afioga i le Minisita o Tupe, o lo‟o faapopoleina
nei sui usufono i le mataupu lenei i le Faletupe o Samoa
(BWS), po‟o le Faletupe o Samoa i Sisifo, PCB ma le
Faletupe Tutotonu. A alu atu se tasi i nei faletupe e
manaomia se loan, ae faapea mai o lo‟o taofia i matou e
le Faletupe Tutotonu. A alu atu i le Faletupe Tutotonu ae
fai mai, e leai o lo‟o taofia outou e le faletupe o le PCB
(Pacific Commercial Bank). Ua le iloa po‟o ai a talitonu
i ai. A maua foi se loan, o le maualuga o le tului ua
faigata ai ona toe totogi se loan. Faamolemole lau
Afioga i le Minisita o Tupe, se‟i fai se faatatau i lenei
mataupu. Sa fesiligia e nisi o sui usufono mamalu o le
Palemene le itu e uiga i le lipoti lea a le Komesina o
Lafoga lea sa fai i le tausaga ua mavae. O a‟u le isi sui
usufono sa i ai i lenei Komisi. Ia Fepuari o le tausaga nei
sa tuuina atu ai lenei lipoti i le Afioga i le Palemia, Vaai
Kolone. O lo‟o tele ni mataupu taua o lo‟o i totonu o
lenei lipoti.
Lau Afioga i le Minisita, afai o lo‟o ia te oe se kopi o
lenei lipoti, ae a leai e mafai ona avatu la‟u kopi e te
faitau ai. A‟o lo‟o tele ni mea aoga o lo‟o i totonu o lenei
lipoti e tusa ai ma le tulaga i Tiute ma Lafoga i le tatou
atunuu.
Ona sosoo mai ai lea lau Afioga i le Fofoga Fetalai ma
le mataupu i le Falemai ma Telefoni. Masalo ua silafia e
lau Afioga i le Minisita, Jack Netzler le faaletonu o
telefoni i lo tatou atunuu aemaise lava i Apia. O le tele o
taimi e le ola telefoni, a‟o lo‟o maua pea pili o telefoni e
fia totogi. O se faataitaiga ia Ianuari o le tausaga nei sa
maua atu ai la‟u pili telefoni e totogi, ae e le‟i ola atu
la‟u telefoni i lea masina atoa. I le lima minute e te‟a ai
le itula e 2.00 i le Aso Faraile o le masina lava lea sa ou
alu atu ai e totogi le matou pili o le telefoni i le mea lea e
totogi ai pili o telefoni i lalo o le NPF. Na ou alu atu ua
poloka mai le faitotoa faapea ua faaletonu le „ea malulu
(air condition) i inei i le Falemeli i Apia ma ua tapuni ai
le Ofisa e totogi ai pili i le NPF. Ou te fia iloa pe aisea
ua oo i ai lea faaletonu. E leaga le „ea malulu o le
Falemeli i Apia ae tapuni ai fua le Ofisa e totogi ai pili i
le Ofisa o le NPF.
I le Aso Gafua i le ta o le itula e 9.00 i le taeao, na ou
alu ai e totogi le pili o le matou telefoni, malama le taeao
o le Aso Lua ou faalogo atu ua tatagi le telefoni, na tali
ma lo‟u fiafia ona ua ou iloa ua ola la‟u telefoni. E tali
atu le telefoni ae fesili mai le tagata po‟o ua ola le matou
telefoni. Ona ou fai atu lea i ai faafetai, o lea ua ola mai
le matou telefoni. Na tau oso maualuga lo‟u toto ona e
le‟i umi ae toe tipi mai foi, e faafetai ona na tau mai le
telefoni a le tagata lea o le Ofisa o a‟u o se tagata filemu
lea na tali atu, aua ana o a‟u o se tagata e saua meamanu
ou te alu atu i tai vali ai le tagata lea na telefoni mai.
Lau Afioga i le Minisita, o a‟u o le tagata faigaluega, ia
taumafai ona fesoasoani mai i le mamalu o le atunuu ae
aua le saua aua e le manaia lea mea o le ta tipi o telefoni
ae ua uma ona totogi pili. O lo‟o manaomia lau Susuga
Jack Netzler se telefoni mo le lautele (public telephone) i
le Malae Vaalele. O le taimi nei o lo‟o i ai se telefoni i le
Malae Vaalele po‟o se telefoni mo le lautele (public
telephone).
Ou te faitioina Kamupani Vaalele o lo‟o i ai aua a
faanoi atu se tasi e fia faaaogaina se telefoni ae le mafai
ona e faasaina, aua e le o se telefoni faitele ona o i latou
e totogiina le pili o le telefoni. Ua tatau ona i ai se
telefoni i Faleolo. O le sui usufono mamalu o Tauialo na
faapapalagi atu e uiga i se teléfoni i le latou alaalafaga.,
a‟o lo‟o musumusu mai le alii lea ia te a‟u ou te faaSiamani atu i lau Afioga i le Minisita. A faa-Siamani atu
la ona ou faapea atu lea faa-Siamani. E le mafai la ona e
toe soisoi aua o le a tolu gagana e ta‟u atu ai i lau Afioga
ia fai ni telefoni.
Ona ou see mai ai lea i le tulaga………..
Faafetai lava. Ou te manatu ua malamalama lea
mataupu. Ona ou see mai lea i mea tau vaalele. Ou te
faafetai i lau Afioga i le Palemia. O le fesili a le Palemia
pe na ou vaaia se tasi o le Itu Agai i le tatalaina o lenei
Malae Vaalele. O le tali, ou te le iloa leaga e faigata ona
iloa mai luga o le vaalele poo ai tagata ia o lo‟o i lalo o
le Malae Vaalele. Na ona ou iloa lava e afe ma afe
tagata, ae ou te le‟i iloa atu faapea o Jack lale, o Simi
lale, o Lafai lena. E leai, e faamalie atu ai i lau Afioga i
le Palemia.
Ou te faafetai ua maua e i tatou se Malae Vaalele lelei i
lenei vaitaimi. O lo‟o faafoeina e se tasi o alo o le tatou
atunuu le Susuga ia Grant Percival. Ou te faamalo atu i
lea alii mo galuega lelei ua fai mo le Malae Vaalele. Ou
te faafetai atu i le Palemia ma le Susuga Jack Netzler mo
le toe faaleleia o le feeseeseaiga lea sa i ai i le va o le
Polenisia ma le Ea Niu Sila e uiga i le aveina atu lea o
uta a i tatou e faaaogaina ai le vaalele B767. Ua atoa nei
le tausaga talu ona femalagaai lea vaalele i le va o Niu
Sila ma Samoa, ae sa faasaina ona aveina ai ni uta, ae e
sefulu tane e mafai ona aveina i lea vaalele. I le vaiaso
ua mavae na mafai ona faatagaina le aveina o uta ma e
Saunoaga Faataupou Sui USufono 19861-2011
ono tane na aveina i le malaga muamua i Niu Sila. A‟o
le vaiaso nei ua fuafuaina e sefulu tane e aveina. Ua atoa
le tausaga o misi e i tatou lenei sefulu tane i vaiaso uma
e le avea i Niu Sila. E le afaina ai le Ea Niu Sila, e le
afaina ai foi le Polenisia, a‟o tatou Samoa e afaina ai i
lea mea. Ou te faafetai atu ai i le toe faaleleia o lea mea
poo lea feeseeseaiga.
Lau Afioga i le Minisita, na taua e se tasi o sui usufono
mamalu i le vaiaso ua mavae le taugata o pasese i le va o
Samoa ma Niu Sila. E faamoemoe atu lava o le a
suesueina lea mataupu. Na taua e se tasi o sui usufono i
le vaiaso ua mavae e faapea e aumai uma vaalele e feoai
i inei i Samoa a lea kamupani ma lea kamupani. E tuu
lava i le tagata malosi, o le tagata lava e malosi e malo,
a‟o le tagata lava e vaivai poo le kamupani e vaivai, e
gau. Ou te le auai i lea finagalo e faapea a gau lava gau
ai pea. Faafetai pe a gau i inei i le fogaeleele, ae talofa e
pe a gau i luga o le ea. Ou te faamolemole atu se‟i e
suesueina le tulaga o i ai le pasese i le va o Niu Sila ma
Samoa. Ua oo mai ia te a‟u se faamatalaga e faapea, o
lo‟o i ai se falepia i le uafu i Mulifanua. Faamolemole
lau Afioga i le Minisita, se‟i silasila i ai pe moni lenei
tala. Afai e moni ou te aioi atu ia tapē lea afi a‟o le‟i
sosolo. O lo‟o faasaina ava malolosi i luga o vaa, ae
faigofie lava ona oo atu ava malolosi i luga o vaa ma
tupu ai se faalavelave, ae ia tapē le afi lea i le vaiaso nei
po‟o le vaiaso lea o lo‟o lumanai.
Lau Afioga i le Fofoga Fetalai, o le isi lenei mataupu
ou te fia tautala i ai. E le taumate ua mausali Samoa i
mea nei o faiga-Vaega. I le taimi faatoa Tutoatasi
Samoa, sa leai ni Vaega Faaupufai, ae ua maua nei i
Samoa faiga-Vaega. O i ina e iloa ai le alualu i luma o lo
tatou atunuu i le faa-temokalasi. Aua o le mea o lo‟o i ai
Niu Sila, Amerika, Ausetalia ma Peretania o atunuu ia e
malosi ai le faa-temokalasi, o lo‟o i ai foi faiga-Vaega i a
latou Upufai. O Itu faa-Vaega Faaupufai nei o lo‟o
amanaia ma faaaloalogia. E manatu lo‟u sui usufono e
tatau ona i ai se fuafuaga e maua ai se alauni o le Taitai o
le Itu Agai. Silasila foi tatou, e le tumau ai se tasi i lea
tulaga e pei foi o le sa avea ma Taitai o le Itu Agai i lena
tausaga, a‟o lea ua avea ma Palemia i lenei tausaga.
Atonu pe i ai foi se isi o tamalii i totonu o le Maota Fono
e i ai se aso ona avea foi lea o ia ma Taitai o le Itu Agai.
Ona ou see mai ai lea i Faiga Palota Lautele. O lenei
mataupu masalo na talanoaina foi i Paeaiga a Palemene
ua mavae atu, o lea foi la ou te toe laga ona ua tatou iloa
le tele o faamasinoga ua faia ona o le faaletonu o le
tulaga lea o loo tatou i ai nei. Faamolemole ia toe fai se
Komiti e toe suesueina lea mataupu pe fai se palota. O le
mea lava e finagalo i ai le Palemene o le mea foi lena ou
te auai. O le tulaga lea e i ai nei masalo o lo‟o lelei. E
tatau ona fai se fuafuaga i le mea lea ona tuu mai lea i
totonu o le Maota lenei tatou te talanoa i ai.
O le mataupu lea i Failautusi Faa-Palemene, ou te auai
ai foi. I le 1962 sa 117,000 le faitau aofai o tagata soifua
o Samoa, a‟o le 1988 e 168,000 tagata soifua o Samoa.
O lona uiga e sili atu i le 40% le alualu i luga o le faitau
aofai o tagata Samoa. E tatau foi ona fai se faatatau i
Minisita o le Kapeneta pe afai e faigata ona sui le
Faavae. Ou te lagolagoina le fai o ni Failautusi FaaPalemene. E le umi foi se manatu o lo‟u sui usufono. E
tele foi nisi mataupu ou te fia tautala i ai, ae ua uma ona
saunoa i ai nisi o sui usufono na saunoa i le taimi ua
tuanai, ae ou te le‟i nofo i lalo, ou te faafetai atu i lau
Afioga i le Fofoga Fetalai mo le avanoa. Ou te faapa‟i
mālū atu foi pe afai o le a se faafofogaaga a le Maota i se
tala po‟o se upu ua sese, faamolemole ia toe faafoi mai
ia te a‟u.
Ia alofa le Atua ia faamanuia atu i lau Afioga i le
Fofoga Fetalai faapea le mamalu o le Kapeneta ma i
tatou uma lava i totonu o lenei Maota Fono. Faafetai
lava mo le avanoa, ae ia ola lenei sui usufono.
Afioga LEAUPEPE UILI
Itumalo Faaalaalafaga:
Aana Alofi Nu.1
Filifilia:
22 Mati 1988
Faatauto:
7 Aperila 1988
Lauga Faataupou:
15 Iuni 1988
Lau Afioga i le Fofoga
Fetalai faapea le mamalu o
sui usufono o le Palemene o Samoa i Sisifo. E faapea foi
ona ou faatulou atu i le tapuaiga a le Afioga i le Ao
Mamalu o le Malo o Samoa i Sisifo, lau Susuga
Malietoa Tanumafili II. Ae le gata foi i lea, o le paia
maualuga i le afio o le Afioga i le Tama a Aiga, le Sui o
le Fono a Sui Tofia.
Ou te faatulou foi i le faafofogaaga a le nofo a
Faafeagaiga i Ekalesia e fia i totonu o Samoa. Ma ou te
le toe soona fofoeina le paia o Samoa. O le paia i le Aiga
Sa Tupuā ma Sa Malietoā ua usu potopoto, Aiga o Tupu
ma Aiga o E‟e, Aiga o Nofo ma Aiga o Falealili. Ia ae
laaloa ia le fetuao pupula i le mamalu i le Usoga a
Tumua ma Pule, tulou, tulou lava.
Ou te fia faalatalata atu foi i le tapuaiga a lou Itumalo o
Aana Alofi Nu.1. I le paia o Sa Tuala, le afio o le afioga
i le Aiga Sa Leaupepe o loo e‟e ma papaaao i Tapulaaia
aua le faafeagai ai o Aiga ma a latou Tama poo Tama foi
ma o latou Aiga, Susu le Taofia a Sa Aiono, o le Laau na
Faufausia, afio Toleafoa ma le Taauso, Susu Sua o le
Maopu o Nafanua, le tapuaiga i le mamalu i le Falefitu,
le Tuua faapea le fetalaiga i le Matua ia Tauauve‟a.
Lou nuu peleina o Faleasiu, le tapuaiga i la outou
afioga Maiava, Maiava ma Maiava, o le paia lava lenei i
le Faauluuluga i Aiga o Mavaega. Afio lau afioga Mailo
o le Tamaaitu ma le Maugafa na falevalu ia te Oe le
Aiga o Mavaega. E‟etai le paia o Sa Tuala, Leaupepetele
ma Leaupepetele, afio Alo o Tamaalelagi. Lau afioga
Tuitama ma Tuitama, ae tainane foi le paia o le Taulagi i
le Aiga Sa Peseta. Le tapuaiga a le mamalu o le Faletolu
i lau Fetalaiga Apulu ma le taupulega faapea le vagana i
lau Tofa Fesolai, tulouna foi Oe le mamalu i le Tofa ia
Saunoaga Faataupou Sui USufono 19861-2011
Sauvao o le na faleagafulu i ai le Maota o le Aiga o
Mavaega, a o e‟e foi le fofoga taumolimoli o le afioga ia
Tupua poo le afioga i le Tama a Aiga, Tupua Tamasese.
Ia mamalu maia le tapuaiga ia te Oe le Fuaifale, faagafua
i lau Fetalaiga Tauliaimau, lou vaa aemaise foi le vagana
i lau Tofa Talamaua ma Sili, tulouna le tapuaiga i ou
matua faaleagaga i Ekalesia e fia i totonu o le tatou
itumalo.
I lau afioga i le Fofoga Fetalai, e avea foi lenei avanoa
e molimoli atu ai se agaga fiafia ma nai moomooga
faatatau i lau afioga ona o le filifili o lau afioga e avea
ma Fofoga Fetalai o le Palemene o Samoa i Sisifo i lenei
foi Paeaiga.
E talitonu le agaga e ui lava o loo e tulai mai i lou suafa
Aeau i ou paia ma ou itu taulagi, ae o le mea moni lava,
o Oe o le Sa Tuala aouliuli, sei tulou poo le Aiga o
Mavaega aouliuli. O le agaga fiafia lea ma le agaga
faafetai e momoli atu ai moomooga alofa ma
faamanuiaga mai i le tatou Itumalo. Ia faamanuia le Atua
e tusa ma lou alofaiva i lenei Paeaiga.
I lau afioga i le Fofoga Fetalai e muamua lava ona faaui
atu i lau afioga ni faatalosaga ma ni fautuaga poo ni
moomooga foi o lenei Itumalo. Atonu ua maea ona
saunoa lou uso a faipule le Tofa ia Tauauvea e momoli
atu nisi tulaga o loo avea ma faafitauli i totonu o lou
Itumalo. Ae ao lava ina ou toe taua ina ia saga faamanatu
atu pea, e auala atu i lau afioga, i mea o loo moomia ona
fia faataunuuina i totonu o lenei Itumalo.
Muamua, o le Vaipaipa. E le o po se lilo i lena tausaga
sa amatalia lea atiina a‟e e pei ona auala atu i Aleisa,
peitai ane o se vaaiga faavaivai loto i le tele o lenei
Itumalo, aua ua pei o le emo o le mata le aveeseina o
paipa, leai ma ni masini na galueaiina ai lea tulaga. Ae
sa faatalitali mai ma le agaga fiafia ma le faafetai o le a
foia lenei faafitauli ua leva ona faafeagai ma le vaega
tóatele o lenei Itumalo o loo nonofo i uta.
O lea foi na ou oo atu i le Ofisa o le Minisita o Galuega
ma ua faatoai i ai se talosaga i lana Matagaluega mo lea
atiina a‟e ma ia alofagia ina ia faaauauina aua o loo
moomia tele le suavai i lenei Itumalo. Ma ou te momoli
atu ai le faafetai aua ou te lagona ma ua silafia foi o lenei
Itumalo, ua maea ona fofoga atu i le fofoga o Samoa, le
2AP. Pe faalua pe faatolu ona avatu i le ea o le a
faataunuuina ia ma sa taua lava lenei Itumalo o Aana
Alofi Nu.1 ma Aana Alofi Nu.2. O lea la e lagona ai le
agaga fia faafetai atu pe afai e moni ia felafolafoaiga ua
avatu i le ea.
O le a le toe tele foi la sou manatu i lea mataupu aua ou
te talitonu e le tei tei avatu i le 2AP, ua finagalo malie le
Minisita ma lana Matagaluega o le a faaauau lea atiina
a‟e mo lou Itumalo.
Lau afioga i le Fofoga Fetalai, ou te fia tautala i Auala
Galue. Atonu o le aiaiga o lenei Polokalame o loo taua
faapea e 4 aso i le nuu ma matou te le iloa poo fea aso
ma le vaitaimi o le a oo atu ai le faasologa i lenei
vaitaimi. Matou te fiafia e faatalitali pe o le a le umi ae
matou te talitonu o le a oo atu. Ae avatu ai ma le
faatalosaga ma le agaga vaivai lava i lau afioga i le
Minisita o Galuega, e tele faafitauli o loo i totonu o lenei
alaalafaga o Faleasiu ma ua faapena foi Fasitoouta i ala
galue. O le nuu lenei o Faleasiu e fa ona pitonuu e
faapena foi ona fa ala galue.
O le tulaga la o loo i ai o se tasi o ala galue ua le o taua
nei o se ala galue a ua taua lava o se auala o le Malo.
Ona o lenei itu ua uma ona laiseneina pasi e o i uta i
Faleasiuuta. Ae paga lea, e tele le faafitauli o loo tulai
mai. Ua sii pasese o le pasi, ua $1.50 le pasese mai uta i
Apia, a alu atu iinei e 50 sene i Faleasiu ae $1.00 le alu i
uta ona maua lea o le $1.50. A o lea siitaga e ui lava ina
mafatia le tele o lenei Itumalo ae o loo fiafia pea e
faataunuuina aua ou te faafetai i lenei faipisinisi pasi ona
o loo faaauauina pea ona alu atu e la‟u mai lenei
Itumalo, o e galulue i uta aemaise le anoano o fanau a
lenei Itumalo o loo aooga i Apia poo isi aoga i le
Tuamasaga. O lea ou te tatalo atu ai i lau afioga i le
Minisita sei alofagia pe mafai ona faaopoopo se lua
vaiaso mo lenei nuu.
Ou te talitonu ma ua ou vaavaai ma matamata i le
tulaga o lenei auala, e malie le matou nuu pe o le lē faia
o nisi auala o loo i ai, ae o le auala lava lenei e fia ave i
ai le faamuamua i totonu o lenei alaalafaga, ona ua
faigata tele ona felauai e galulue ma fanau aoga a lenei
Itumalo aemaise a latou faaeleelaga. O lea matou te
tatalo ma ou te talitonu o se aso o muamua o le a oo atu
ai se matou talosaga tusitusia e tusa ma lea auala.
O le Eletise. Ua faafetaia e lou uso a faipule le tofa ia
Tauauvea lenei faigamalo sa feagai ma le vaaiga o le
Malo i lena tausaga ona o le eletise ua lelei Fasitoouta i
le alu lea i uta. A o lenei lava nuu o Faleasiu e aunoa ma
se eletise e alu i uta. Ae ou te tau atu ma le faaaloalo i
luma o le Fono mamalu, o lenei nuu ua toetoe lava soo
fale le alu atu i uta e tau i le tea mai o Aleisa. E ala lava
ona valavala nofoaga ona o atiina a‟e niu ma koko ma
nisi lava faatoaga. Ua faapea foi ona faatupulaia pea le
tóatele o e nonofo i le talafatai i uta o lenei alaalafaga,
ma ua faapena foi ma Fasitoouta.
E faamaonia lena tulaga ua tele Ekalesia ua faatuina ma
atiina a‟e i uta o lenei nuu. Ua i ai falesa tetele ua fausia
ai ma ua faapena foi ona fuafuaina se tasi falesa tele o le
Ekalesia Metotisi i Faleasiuuta. O lea ou te avatu ai ma
le faaaloalo se lagona, ina ia alofagia lenei nuu ua leva
ona pasi atu le eletise ma oo i uta o nisi Itumalo aemaise
lenei nuu.
O Eleele. Atonu o lena ua uma ona saunoa lou uso a
faipule ma talosaga e tusa ai ma eleele o le Malo poo le
Esetete Tausi o loo i tuamaota poo tualaoa o lenei
Itumalo. O le upu moni pe tusa o le 370 ma ona tupu eka
o eleele o le Esetete Tausi o loo i gauta tonu o lenei nuu
o Faleasiu. E talitonu lava le agaga a lisiina atu mo lenei
Itumalo, o lona uiga ua foia le tele o faafitauli i nai aiga
ua le lava eleele o galulue ai, aua o le tele ua galulue i
lalo o niu, sei tulou. A uma se maumaga ua fai ai se isi
ituaiga atiina a‟e pei o fualaau aina. O le mafuaaga ona
ua le lava eleele. E faatalosaga atu ai i lenei faigamalo i
lenei vaitaimi i lau afioga i le Alii Palemia sei silasila
alofa ane i lenei Itumalo.
Saunoaga Faataupou Sui USufono 19861-2011
O le popo ma le koko. Atonu o le ivitu lenei o le
Tamaoaiga o Samoa. O le tamaoaiga o atunuu i fafo, e
maua totogi o tagata uma. O lona uiga e maua e tagata
uma seleni. E amata mai lava i le pepe sei faatoa fanau
mai seia oo i le toeaina ua matua, ua tau le mafai ona
savali e maua lava lana seleni. A faatusatusa atu la isi o
tatou atunuu, ou te manatu pe na o le 1/7 o le aofaiga o
le faitau aofai o Samoa e maua galuega ae o le 6/7 ou te
manatu e leai ma se galuega.
O lenei la 6/7 o loo faalagolago i le tausiga o latou o
loo vaaia latou i nuu i tua. E amata mai lava i nai fanau
iti ma nai matua tausi, o i latou ia o loo afaina i le tulaga
o loo i ai le tamaoaiga o Samoa. I aiga taitasi i nuu i tua,
e i ai aiga o loo faamanuiaina pe atoa le lua eka o se
fanua faaleaganuu o loo galulue ma atiina a‟e ai mo le
manuia o lona aiga. Ae e i ai nisi aiga pe na o le tai ½
eka ae o e o loo lagolago ai lo latou soifua e pei o le
tama, tina, o fanau, ma fanau a latou fanau.
Ona ou manatu lea lau afioga i le Minisita o Faatoaga, e
lagona le fiafia aua o lea ua matau atu o loo i ai se tupe
faaopoopo mo le tau o le popo ma le koko i lenei
tausaga. Ma e ui lava ina le lava, ae faafetai ua i ai, aua e
sili le i ai i lo le leai.
Ou te fia oo atu i Aoga. Ou te talitonu e le o feauautai
le faasoasoa e faaleleia ai matata eseese a lenei
Matagaluega ona ua faanatinati naua le toe tatalaina o
Avele. Atonu e leai se tasi e le lagona le fiafia o le a toe
tatala Avele, ae sa ao ona fai faagesegese teisi ona o le
fuafua atu i seleni o le a toe tatalaina ai le aoga o ni nai
seleni tetele lava.
Ma e talitonu lava lou sui e le na o le pau lea o ni seleni
e moomia mo le faaleleia o lea Kolisi. O le fesili la e
faapefea le Kolisi o Samoa? E faapefea le Kolisi o
Vaipouli? E pei o lou manatu, o Kolisi ia e ao ona ave i
ai le faamuamua mo le faaleleia atili. I lou lava lagona
toatasi, sa tatau lava ona taua loa Vaipouli o se tasi o
Kolisi o Samoa ina ia lua Kolisi o Samoa: Kolisi i Upolu
nei, Kolisi i Savaii, aua ou te talitonu o le faanaunauga o
matua uma e oo foi i tama ma teine aoga e tatau lava ona
manulauti i se latou faamoemoe le fia oo i le Kolisi o
Samoa.
Ona ou manatu lea ana fai faapena se tulaga ona tele
lea o avanoa e maua, afai o le Kolisi lea o loo i ai nei o
le tuu pea iinei i Upolu o le Kolisi o Samoa o le a mafai
lava e lenei Kolisi ona talia le faaulufaleina mai o le tele
o alo ma fanau. Ua tatau ona oo i ai i tulaga i lenei
Kolisi.
E faapena foi i le Motu tele i Salafai. O lau fautuaga i
lea tulaga e ao ona silasila totoa i le tulaga lea. E ui ina
tele tupe ma mea tapena ae o le mea e mafai ona fai. Aua
e ao ona muamua aoaoga aua o le manuia lea o si o tatou
atunuu i aso o i luma. O ia foi Kolisi o le a mafai ona
latou faasolo atua tamaiti mo le Iunivesite poo le
Foundation a Samoa lea ua i ai nei.
O se mitamitaga lava i lou agaga le i ai o se Iunivesite
faapitoa mo Samoa. O lona lelei e tapenapena ma saga
faaauupegaina ai alo o Samoa a fai ai e ui iinei e mafai
ona toe oo atu i fafo i nisi laasaga. Ou te talitonu o iina
faatoa maua ai ni polofesa o le tatou atunuu ma mafai ai
ona foia nisi faafitauli o le tau aami o e mai fafo e o mai
e tautua Matagaluega taitasi ae o mai o tatou.
I lau afioga i le Minisita o au fautuaga lava ia e taatia
atu i ou tafatafa e te silasila totoa i ai. E fia fai atu sou
lagona i le Royal Samoa Hotel ma e le umi sou manatu i
lea foi faletalimalo. O le $10miliona lea o loo taua e ave
i ai, pau lava le fesili, poo le $10miliona lenei e mumusu
le SPEC e avatu “faa-loan” faa-nonogatupe, a ia avatu
faasea o le Malo?
O le tulaga lena e i ai si ou lagona afai e mumusu le
SPEC e avatu le faatulagaga o le nogatupe, o lona uiga e
pei ua fai atu le Malo o le a avatu faasea i totonu. E tulai
mai nisi faafitauli tetele aua afai ae gau lenei
faletalimalo, o fea a tatou toe maua mai ai lenei
$10miliona?
E na o ni nai motugaafa e avatu. E le mafai ona avatu
loa lenei $10miliona mo le Itumalo lea o Vaimauga i
Sisifo e fai ma o latou Sea e faataunuu ai lea faamoemoe
ae togitogi malie e lenei Itumalo e toe totogi ai lenei
tupe. E pei na o ni nai manatu e faataatia atu e fai i ai le
faautautaga.
O le Soifua Maloloina, e le tele sou manatu e avatu i
lenei Matagaluega. E pau lava o le toe faamanatu i lau
afioga i le Minisita o le Soifua Maloloina. O ni faafitauli
ua leva, ma ua leva foi ona tatau ona foia. O taumafataga
a gasegase ua le manuia. O ieafu e oo i ie moega, sei
tulou ua matua mataga ma le talafeagai.
O lou manatu e fautua atu i lau afioga i le Minisita, sei
faamuamua ia mea taua. Aua tatou te pupu tele i nisi
tulaga ae muamua ona foia mea e vaai ai mai.
O lona lua o fanua ma fale o loo i ai. O se vaaiga sili
ona mataga. E fai o le vaoa ae o le fale o loo i ai, ou te le
iloa faamatala le mataga o nisi fale o loo i ai. E moni
lava e leai ni tupe e faaleleia ai ia mataga, ia ae tau lava
ona avatu iina aua ou te manatu e tatau lava ona maua le
tupe pe afai tatou te feoai tatou aisi tupe i nisi atunuu aua
lea faamoemoe lelei. Aua tatou te mama ai, aua o le upu
moni e leai ni a tatou atiina a‟e tele e faataunuu ai
fuafuaga o loo tatou faamoemoe e faia mo le lelei o le
tatou atunuu.
I le Minisita o le Soifua Maloloina, e pau lava lau
faatalosaga atu mo le falemai o lenei Itumalo e fia
moomia lava ia se fomai nofo tumau. O loo matagofie
ma lelei le vaaiga o le matou falemai ae ia silafia e
tóatele tele lenei Itumalo aua e le na o Aana Alofi Nu.1,
ae faasolosolo atu i le la itu. Faamolemole alofagia se
fomai nofo tumau.
E faaiu atu ai se manatu o lenei Itumalo ou te fia tautala
i le Pili o Failautusi faa-Palemene poo Sui Minisita foi ia
e toavalu ua i ai le fuafuaga ma le faamoemoe o le a
tofia. E otooto atu tulaga ou te matua teena ai lenei Pili,
o lenei tofiga fou ou te talitonu e leai ni tupe maua leai
ni tupe sefe a le atunuu e maua ai ae na o tupe alu. Ou te
talitonu e aafia ai le soifua fia galulue faamaoni o Ulu o
Matagaluega atoa ma e o i lalo o latou vaaiga.
O faafitauli na ou te talitonu e ao ina tupu ma ou te
talitonu e tutupu. Ua faatusatusa a tatou faigamalo i
Saunoaga Faataupou Sui USufono 19861-2011
faigamalo a Niu Sila e tusa ma nei tofiga ma ou te fai atu
e tele le eseesega. Atonu e tutusa tau o igoa o
Matagaluega a o galuega o loo faia ma le galueaiina o
Matagaluega e matua vala i Sini le eseese.
A fuafua atu i le faitau aofai o tagata soifua i Niu Sila e
tóatele naua. O si o tatou atunuu e le taitai ona o‟oo‟o
atu i le kuata o e o loo nonofo i Niu Sila. O le tasi itu e
itiiti tupe o loo galueaiina ai Matagaluega nei ae i Niu
Sila e latalata lava i le faitau miliona, faitau afe, selau
miliona ia tupe o loo tausia ai se Matagaluega e tasi ma
ua ono tatau ai ona faia ia filifiliga ma ia tofiga i totonu
o faigamalo tetele, aua o loo matua tetele galuega ma
atiina a‟e i Matagaluega taitasi. I le tatou atunuu e le
taitai oo i se $100miliona a se Minisita e vaaia. Ou te
manatu e le oo foi i se $30miliona a se Minisita e vaai. E
i ai la lou talitonuga e mafaia ma ua gafatia e Ulu o
Matagaluega ua leva ona galulue, faatasi ma e o loo i
lalo o latou pulega ona vaaia ia tulaga.
O nei ea filifiliga o le mamalu foi o nei alii faipule o le
a tofia i nei tulaga, o lona uiga ea o le a o atu e aoao le
latou faa-Minisita i nei tulaga. E tolu tausaga o le
nofoaiga ae a le mai le faipule ua maumau le taimi na
afio ai ma talaaao i o e aoao ai?
O toe manatu ua na o se fautuaga. I le tatou Malo aua
nei tatou sailia ni o tatou tofi i le faamalilieina o se vaega
toaitiiti lava i le faaaluina o seleni o tupe a le atunuu
atoa. O ia lagona ma manatu e fia oo atu i le mamalu o le
tatou Fonotaga.
Ia manuia le Fono.
Tofa LEAFA VITALE
Itumalo Faaalaalafaga:
Sagaga le Usoga
Filifilia:
22 Mati 1988
Faatauto:
7 Aperila 1988
Lauga Faataupou:
15 Iuni 1988
Lau Afioga i le Fofoga
Fetalai, lau afioga le alii
Palemia, afioga i alii Minisita, le mamalu o sui usufono
o le Palemene faapea le tapuaiga a le Ao Mamalu o le
tatou Malo o Samoa i Sisifo. Lau Susuga i le Malietoa
Tanumafaili II, le afioga i le Tama a Aiga, lau Afioga
Mataafa Faasuamaleaui II, le paia i Aiga ma a latou
Tama, o Tama foi ma o latou Aiga, le mamalu i Tumua
ma Aiga i le Tai ma le Vaa o Fonoti. Ae avea ia lenei
lenei taimi e momoli atu ai lau faafetai i lou itumalo o
Sagaga le Usoga, le afifio o Aiga ma Tulatoa i le latou
faaeaea mai ua mafua ai lou tulai atu i le aso e avea ai au
ma o outou auauna e molía so outou finagalo aua le
Fono Aoao Faitulafono a le Malo o Samoa. Ia pauai
maia ma le manuia, tau lava inaia maua sou manatu aua
so tato Sao i Upufai o Malo.
E muamua ona ou tautala i nisi o tulaga o loo fia
faaleleia o lou itumalo, e pei ona maua i nisi o sui, i
tulaga i ala galue, vaipaipa, eletise, telefoni, falemai,
aemaise le utiuti o le eleele o lenei itumalo. O lea ou te
talosaga atu ai i le faigamalo ua tulai mai nei, i lau
afioga i le Tootooalii, ia outou faautagia mai le talosaga
atu a lenei itumalo ona o mafatiaga ma faafitauli o loo
faafeagai nei ma lenei itumalo. O ala galue nei ou te ma
e tau atu le tulaga o i ai nei alagalue a lenei itumalo. Ua
le toe sao se pikiapu poo se tamai taavale i le taimi lenei.
Ae sei vagana au ni loli tetele o loo mafai ona latou uia
nei auala.
O le tulaga tau i le Vaipuna, a mugala aso ua pepe o
matou vai, a timuga o le mea foi e tasi, o le mea lea e
talosaga ai lenei itumalo, poo a ni faafitauli, e mafai lava
ona foia.
Ua maua atu tau faasoo le eletise i Samoa nei, aemaise
le talafatai i Upolu nei, a o lenei itumalo pe na o le 7
maila le va ma Apia. A o le upu i le eletise ou te masalo
e lei taitai ona oo le eletise i lenei itumalo. Ua ou silafia
lelei ua tupu tele lo matou itumalo, ae o le eletise e gata
lava i tala ane o le auala, a o le upu o le tuutuu atu i tua i
le mea ua tala atu nei i ai tua maota o lenei itumalo,e
matua le o taitai ona talafeagai ai e tusa ai ma lenei
taimi.
O le tulaga tau i le Falemai i le matou itumalo, e
manaomia sa matou telefoni aua e leai se alii fomai a lo
matou falemai, ua na o teine fomai, a fia faafesootai mai
Apia e tau o e sue le pasi e o mai ai i Apia. O lea e
talosaga atu ai i le alii Minisita, sei e alofagia lenei taimi,
ua 26 tausaga talu ona tatou Tutoatasi mai i le faigamalo
a Niu Sila. Ae o loo fata pea le telefoni i le va o Faleula
ma Malie e oo mai i le aso. O lea e manaomia ai se
fesoasoani mo lenei itumalo i le tele o nisi o atiina ae o
loo fia faaleleia, ae talu ai e le o maua e matou se
telefoni. E talosaga atru ai ia outou alofagia lenei
itumalo.
O le tulaga i le utiuti o eleele i gauta tonu i tuamaota o
lenei itumalo, ou te masalo e le o po se lilo i le Fono
Aoao Faitulafono aemaise o nisi sa galulue o lenei
Maota o le tasi lenei itumalo o loo maua i ai le faafitauli
o le utiuti o eleele. Ua matua tumu tua o o matou tua
maota, ma ua matua le mafai ona faataunuu atiina ae o
loo fuafuaina. O lea ou te talosaga atu i le Fono Aoao
Faitulafono ina ia outou alofagia lou nei itumalo.
O le a faaavanoa sou taimi ou te fia tautala itiiti atu ai i
mea e faaleleia i totonu lava o Samoa. Ua maua atu le
tele o saunoaga ua mavae atu i nisi o taitai o lenei
Maota, o le auau ma le tautua o le tatou faiga malo o fua
ia o faatoaga. E leai se isi o tatou faamoemoe o iai, e pei
o nisi o atunuu mauoa o le lalolagi o maua ai le suauu,
eli ai le auro ma nisi lava o tulaga faapena e maua mai le
tupe. A o le tatou Malo afai lava o le tatou poutu lea o
fua o le faaeleeleaga e tatau nei la ona lava se taimi e
tuuina atu i ai e le taiulu o le Malo, poo taitai. Silasila foi
sa tatou galulue mai i le popo, pasio, fai, talo, koko ma le
popo. E 26 tausaga e le o taitai ona tulaga manuia mai a
tatou faatoaga. Aisea? E vaivai taiulu o le Malo, aumaia
se tala faataitai, aumai le pasio sa fai atu i le aufaifaatoaga ia galulue, sa faaalu i lalo le tele o mea aoga, o
Saunoaga Faataupou Sui USufono 19861-2011
le a le tulaga na aliali mai. Nao o ina ua leaga le fu aina
ua taofia mai fafo, solomuli le Malo, ae tiai ai le
faifaatoaga e faitalia i ama le mea e faatau ana pasio. Ae
ana lava le taimi, aumai ni tupe mai nisi vaega tupe e
faasoasoa atu i le aufai-faatoaga ua fiafia o latou loto. Pe
le talafeagai a o loo faauau pea le galulue o le aufaifaatoaga, pe afai o le tatou poutu lea. Ona oo lea i le
taimi ua toe lelei ai le fua o faatoaga mai fafo a o loo
fiafia foi le atunuu e galulue.
O le mea lea ua tupu nei ua vaivai le tatou taiulu. Aua a
tupu mai loa faafitauli nei, solomuli mai loa le malo ae
tiai ai le faifaatoaga. O le mea lea, ou te manatua foi i se
tala faataitai le vaitaimi i le 1982 i le 1983 ma le 1984 sa
matua lelei ai le siisii o le fua o le popo. O le a le mea ua
oo i le vaitaimi lenei, ua matua lalau le popo. Ai seiloga
e faalogo atu le faifaatoaga ua leai se seleni e faatau ai se
suka ona faatoa tau gaoioi lea e ave se popo i le faleoloa.
O le a le mafuaga, ua leaga fua o faatoaga, le fetaui le
taimi ma le tigaina.
O le mea la lea lau afioga i le Tootooalii, lau afioga i le
Minisita ma le Fono Aoao Faitulafono ia outou alofagia,
e tatau ona tatou sui nei, tatou agaigai atu i luma le faiga
o le tatou faigamalo.
O nisi o tulaga ou te fia taua manu o maua lou avanoa
ou te tautala atu ai, o tulaga nei tau i le tiute. O tiute
faameaalofa o loo aumai mai fafo, ua sialfia e le mamalu
o le Fono Aoao Faitulafono o le tele o o tatou
faamoemoaga o loo i ai nei, tatou te faamoemoe i tupe
maua mai i alo o le atunuu o loo papa aao i atunuu
mamao, ona o le a? O le sailiga malo a Samoa, e
fesoasoani mai i le tatou lima vaivai. O le mea ua tupu a
uu mai le leitio a le toeaina mai Niu Sila poo Ausetalia e
oo mai i Faleolo ua faatoluina le tau o le tiute o le leitio
lea. Aisea? E le o se leaga o le Fale Tiute. O loo
faataunuu o latou tiute, i so o se oloa e taunuu mai i
Samoa. E tatau ona tiute, ae tatau ona fai se tatou fua i le
au vaivai. Fai se tatou fua i le au vaivai e le malolosi
uma le tatou atunuu. Poo ai le toeaina e fia fai leitio ae
afai o tulaga ia e oo i ai, o le faatoluina o le tau o le tiute
o le leitio i Faleolo. Ou te masalo ana i ai se auala ua
faauma ai iina le ola o le leitio.
E taugata tele le tiute, ia poo ni pusa apa mai Tutuila
poo ni nai paelo, o le mea e maua e faaoso o le meaalofa
a le atunuu mai fafo. A o le a le mea o tupu? Tiute. Afao
e 6 leitio o lona uiga o le a fai lona fale leitio, ma e tatau
la ona tiute, pe sau e 30 pusa apa e tatau ona tiute. E tatai
ona tiute uma so o se oloa faaofi mai i totonu o Samoa.
O le mea lea ou te talosaga atu ai i le faigamalo ma le
Fono Aoao Faitulafono, ina ia maua e le au vaivai se
toomaga aua e le tutusa le tatou malosi. O lea ou te
talosaga atu ai, ia outou alofagia sei outou vaai i le
tulaga o loo faafeagai nei ma le atunuu.
O le isi tulaga ou te fia tautala i ai, o le tau lea o le
soifuaga i Samoa. E matautia le mea o i ai nei le tau o le
soifuaga i Samoa, ma e le o toe po se lilo i le mamalu i le
faafofoga mai o le atunuu, aemaise le Fono Aoao
Faitulafono i le tau o le soifuaga i Samoa, ua matua
siisii. Ia o le aoga lena o le tatou nonofo iinei ma sei foia
nei faafitauli, ma le talitonuga i kebeu syu, e mafai ona
tatou foia, i le tatou galulue faatasi. O le mea lea ou te
talosaga atu ai i le Malo afai o le 15% o loo tiute ai nei
taumafa o loo faaofi mai i totonu o Samoa e i ai pusa
apa, mamoe ma nisi o taumafa a le atunuu ua mafua ai. E
tatau la ona i ai se tatou fua i i. Afai e talafeagai le tiute,
ua lelei ma mautu le tiute sei toe vaai la i Faleoloa tetele
o loo latou tusiina pusa apa ma nei oloa, poo lava le
latou faatau mai i le atunuu. Afai e sailiili atu e faitau
miliona ni a latou tupe maua, o lona uiga e le o lava le
taugofie latou te avea ai le tau o nei taumafa i le atunuu.
E le o taitai ona lava. A i ai se Komiti sei vaai manino i
lenei tulaga. Silasila le mamalu o le Fono Aoao
Faitulafono o le tatou atunuu ua ola i faalavelave, o
faaipoipoga, saofai ma maliu sei tulou. E toatasi le aiga e
mafai ona latou faatau le 100 pusa apa i le aso. E lei tua i
ai le faatau a le atunuu, e lei tua i ai le faatau a faleoloa
laiti mai nuu i tua. Ae o le a le mea ua tupu, ua matua
mafatia le atunuu i le taugata o le soifuaga. O le mea lea
ou te talosaga atu ai i le Fono Aoao Faitulafono, sei
outou alofagia tatou foia le faafitauli o loo faafeagai nei
ma itumalo. O le tau o le soifuaga ua matua siisii, vaai
manino i kamupani o loo faafeagai ma le atunuu. Aua foi
o tulaga ia o faatau ava i aso uma, taatia le tatou o i tu
ama suesue le 10sene ma le 20sene o loo sii e le faatau
oloa i nuu i tua e le maua ai se miliona tala. A foia
muamua, iloilo i le mea e mafua atu ai le tau o oloa. A
mafai ona foia ia iloilo i le mea o loo mafua atu ai le
taugata o oloa ona faigofie lea o nuu i tua ma taugofie. O
Samoa o se atunuu vaivai, a alu atu i le faleoloa e
taugata i le 10sene e alu vaai le isi faleoloa. O Apia nei
le mafuaga o le taugata o le soifuaga i Samoa.
O le mea lea ou te talosaga atu ai lau afioga i le Fofoga
Fetalai ma le mamalu o le Fono Aoao, sei o tatou tagai
manino i ai i le tau o le soifuaga ua i ai nei i Samoa.
Afao e $48.00 le tau o le pusa apa o i ai nei, ae faitau
miliona tupe maua ma tupe maua a nei Faleoloa tetele e
tatau ona faatau i le $40 le tau o le pusa apa. Sei tuutuu i
lalo, aua ua matua mafatia le atunuu i le taugata o le
soifuaga.
O nisi o tulaga e fia faamamafa i ai lau tautalaga i le
aso, o le tulaga lea i le saogalemu i ala tetele o le tatou
atunuu. Silasila le mamalu o le Fono Aoao Faitulafono, a
e mulimuli atu i tua o se pasi, e tei lava ua tu le pasi, tu i
le moa o le auala, ae saili se auala e te alu ai agai i luma.
Ua faitau afe le tele o taavale ua i ai i Samoa. Ia pe oso
atu ae oso mai le isi taavale lua fetoai. E tele ni
faalavelave o loo tutupu i luga o le auala ma e tatau ona
toe aiaia la tatou Tulafono. O le Tulafoo lava lea na tuu
mai ai e tataou te o i Niu Sila mai le 26 tausaga ua tea, o
lenei lava tatou te tausisi i ai. E le faapea ua leaga alii
leoleo poo ua vaivai le vaaiga a leoleo. E le o le mafuaga
lena, ona ua vaivai le tatou toe aiaia o le Tulafono. E
vaapiapi o tatou auala, matua tuu i tua maa o le auala ae
tuu le taavale i tua ae faaavanoa le auala e faaalu atu ai le
isi taavale. O le talitonuga o lou sui, ua tele ni soifua ua
maumau, ona ua a? Ona ua vaivai le Tulafono, ua matua
leai ma se puipuiga o lenei Tulafono. Ua tatou faaaoga
Saunoaga Faataupou Sui USufono 19861-2011
ma alii faipule sei vae ane lo outou paia ma lo outou
mamalu. E le mafai e si leoleo laitiiti le la ona taofi le
taavale. Tufa pine a leoleo i faipule, afai lava e inu pia le
avetaavale a ave le taavale, ia faasala. Afai e soona alu
saosaoa ia taofi. A ia puipui le mamalu o le tatou atunuu
o loo feafioai i luga o o tatou auala. Ele o toe i ai ni a
tatou tupe e faatele ai ni a tatou auala e pei o atunuu
mamao o i ai ia auala o atu fia laina e mafai ai ona tatala
ai taavale e o saosaoa. Ia tatou vailiili i totonu o Samoa i
faafitauli o loo tutupu mai i totonu o Samoa, e tele ni
faafitauli ua tutupu ona ua vaivai le Tulafono., E mafai
ona faaaoga faipule, tufa i ai pine leoleo e mafai ai ona
foia faafitauli. Aua e le oo le leoleo i tua i Falealili, ae a
tietie mai le pulenuu poo le faipule i tua o le pasi ae ona
le ave pasi, taofi iina, ma o iina e mafai ona tatou
puipuia ai le Tulafono. Ua le lava la tatou seleni, le lava
le tatou tupe e faatino ai taumafaiga a alii leoleo. E tatau
ona tatou galulue faatasi nei ma tatou fuafua lelei le
mamalu o le tatou atunuu o loo feafioai i luga o auala. Ia
o nisi o taavale a e mulimuli atu i tua o se pasi, e mumu
mai i luga le moli taofi, ae o oe lea e te tilotilo i lalo o le
pasi ae faapefea la ona e iloa ua tu. E tatau ona toe fai se
fua o tuu i lalo moli o taavale, ina ia iloa e le o mulimuli
atu o le taavale lea o le a tu ona fuafua lea i ai o le o
mulimuli atu o le taavale lea o le tu ona fuafua lea i ai o
le o mulimuli atu mo le saogalemu o le atunuu.
Lau Afioga i le Palemia ma le Kapeneta sei toe tagai
ane i nei tulaga o loo mafatia ai nei le atunuu. Ou te fia
faaamamafaina foi i lau tautalaga i le aso, o le tulaga lea
i le faasalaina o le ave taavale, poo le moliaina ma le faa
falepuipui. O se mea tatau i se ua soli le Tulafono, ua
tatau ona nofo sala pe faasala o le Malo. A o le auau o
lou manatu, e tusa ai ma le Fono Aoao Faitulafono, e
tatau ona toe aiaia lenei Tulafono. Silasila foi, a sala le
ave taavale ia po o le tausaga, faatoa sau lona tsi e nofo
sala. E tasi a le sala a lafo mai a le 200 pe 300 ma le
faaupuga a ta le 4:00 e lei maua le tupe lea ia ua ave i le
falepuipui. Ou te le o popole la i le ave o le taavale o le
ua falepuipui poo le ua na soli le Tulafono ae sei vaai i le
fafine ma le fanau ma le uiga atoa o loo faamoemoe i lea
tulaga. E tausi e le Malo nei tagata, e leai se tatou tupe, e
moni ua solitulafono le ave taavale ae tatau ona fai se
tatou fua i le tatou Tulafono. E tatau ona toe aiaia. E
mafai e le Malo ona fetuunai ma lana pule e tai $20 mai
le masina, e tele auala e mafai ona fai ai. Ae tatou vaai
manino i le aiga atoa o loo faamoemoe i le galuega a
lenei ave taavale, vaai i le fafine ma le fanau ma aoga a
tamaiti. E fai o le nofo sala o le ave taavale, a o le
pagatia lea o loo i ai nei tatou, e leai ni polokalame
fesoasoani mo aiga iinei i Samoa e fesoasoani atu i aiga
vaivai. O le mea lea, sei fuafua tatau nei tulaga e tusa o
le faasalaina o le ave taavale ma avatu i Tafaigata, ae
tele ai nisi tulaga e aliali mai ai.
O se tasi o mataupu ou te fia tautala i ai, o taavale o loo
faafaigaluega e le Malo. I lau sailiiliga ma lau suesue
atu, a tagi atu Matagaluega a le Malo i ni tupe e faaleleia
ai lea mea ma lea mea. Pau lava le tali a le Minisita poo
le Malo ua leai se tupe. Ae faitau miliona le tupe o loo
maumau i tulaga ia tau taavale. E tasi le alu a le taavale i
le aso atoa, ae totogi e le Malo le 8 itula, o talafeagai lea
tulaga? O iina o loo pu ai ma mama ai le tele o tupe a le
atunuu. Ia pe masani foi se isi ma se isi tagata, ia o
tulaga lava ia o le a i ai, pe tasi, lua alu, ae ao ma po e
totogi. O tupe ia e mafai ona tatou laveaia mai lenei
anoano, e mafai ona faatau ai lava ni taavale totino a le
Malo. Pe le foia i lenei tausaga, ae oo atu i lea tausaga
ma le isi tausaga ua lava taavale a le Malo. E le se mea
leaga le aumai o taavale o le atunuu, e fesoasoani foi i
nisi o vaivai. A o le mea o loo tulai mai ma le fia
faamamafa i ai lau tautalaga o taavale o loo talafeagai
ma le totogi e le Malo le 8 itula ae o loo tutu i le fale poo
fea lava le mea o loo tu ai ae o loo maua lana tupe. O lea
la ou te faapea atu ai, ia vaai manino i lea tulaga. Ia tatou
vaai lautele i le atunuu, ae aua nei o tatou vaai i lea
tulaga. Ia tatou vaai lautele i le atunuu, ae aua nei tatou
vaai i se vaega itiiti o le atunu e faaleleia. Lau afioga i le
Fofoga Fetalai sei alofagia ma sei tagai ane i lea tulaga o
loo mafatia ai le tatou Malo.
O nisi o mea o loo fia faamamafa i ai lau tautalaga o
taavale ua uma ona pasia i le 5%. E le o se fia suesuevale
o se isi poo se fia leo lagona i totonu o le Maota lenei, ae
o iinei lava e sese iuga o mea uma pea afai o le tulaga lea
o le a tatou i ai. Silasila i le tele o le au faifaatoaga sa
tusi talosaga mai i nei avanoa, ou te fai atu ua le tusa ai,
e tatau ona ave i ai le taavale i le 5%. Ae a e vaai nei i
nisi o taavale e 5% o loo feoai nbei i le taulaga i Apia,
ailoga ua oo lenei taavale i se faatoaga ma Savaii. Ou te
masalo e lei oo lava le tele o taavale i ni faatoaga. O nisi
o taavale ua lau pasese, o nisi ua toe faigaluega i le
Malo, ae na ala ona aumai i Samoa taavale nei ona o le
faifaatoaga vaivai o loo talosaga mai mo se manuia o fua
o faatoaga.
O nisi o mea e fia faamamafa tele i ai lau tautalaga i le
aso, o le tulaga lea i mea tau eleele. Silasila le mamalu i
le Fono Aoao Faitulafono, lau afioga i le Fofoga Fetalai,
lau afioga i le Palemia ma le Kapeneta, toe pau lava lea
o le measina o loo totoe i le tatou atunuu, toe o tatou
eleele. Ae paga lea le faanoanoa i le vaai atu i o tatou
eleele o le a uma ona faatau atu i fafo. E lelei pe ana
faapea e lisi ae afai nei e faatau motu, ua taunuu ai le
upu a le Tusi Paia e ai e matua le vine moto ae magiagia
ai nifo o le fanau. Aisea? A sese tatou taitai o le Fono
lenei, talofa e i alo o loo lalovaoa. O le mea lea e
talosaga atu ai sei toe tagai manino i eleele nei, ia
taofiofi o tatou eleele. Afai e o mai ni kamupani tau tupe
mai fafo poo ni malo mau tupe mai fafo, e manao e fia o
mai iinei e sue atu ni a latou tupe, lisi a tatou eleele, ma
ia fuafua i ai la tatou fua. O le taulaga i Apia e maua atu
o le a faatau nisi o faleoloa tetele i Apia i fafo.
O le mea lea, o loo i ai nei ia Nauru ma le faletalimalo
o Nauru, e faapea o le a toe tanu atoa lea ogasami atoa. E
i ai le taimi tatou te fai atu ai i atunuu nei poo kamupani
nei e o ese, ae faapea mai e le maua se fia selau o ni
miliona e le mafai ona matou o ese ua uma ona faatau
motu fanua. O le mea lea, sei vaai a tatou eleele. Tatou
te putiputi ma tatou iloa o tatou o Smaoa e alofa le
Saunoaga Faataupou Sui USufono 19861-2011
Samoa, ia tautuana ua toe pau lava lea o le measina o loo
totoe ia Samoa o eleele. Sei tagai manino i ai pe
talafeagai lenei tulaga ile taulaga i Apia, e fai uma mai i
ai Upolu ma Savaii. Ae a o mai nei ua pule ai nisi malo
po o ni kamupani mai fafo, oi talofea e i le atunuu ma
lenei tulaga o le a oo i ai. O le mea lea sei vaai manino
lea tulaga pe ua talafeagai. O se fautuaga lea ile Fono
Aoao Faitulafono. Sei outou silasila totoa i nei tulaga o
loo i ai nei.
O se tulaga ou te fia faamamafaina i lau tautalaga i le
aso, o le tulaga i le Maketi Fou o loo i ai nei. A tatou
fuafua atu i se poloka laitiiti o loo i ai nei pe tala ea ma
sene. Talofa e i le mamalu o le aufai-faatoaga. Ua tutusa
faifaatoaga malolosi ma aufaifaatoaga laiti, ae le tutusa
malosi. E tala mas ene le poloka i le Maketi fou. Atonu e
talafeagai ma se malolosi o nisi, ae a fuafua atu pe futu
ea le lautele pe a, ona alofa ai lea i le aufaifaatoaga. Afai
la e le toe mafai ona feutagai le totofi o le maketi, e tatau
la ona toe fai faalelei le tatou maketi. O se tasi o po sao u
ui anea i iina, a oo ina timuga po, e pei o fafo totonu o le
maketi. Talofa e i le mamalu o le atunuu e faapupuu solo
i tulimanu o le fale. Ao lea lava e totogi. O le mea lea, a
ua le mafai ona toe tagai i totogi o loo i ai nei, ia sei
taumafai la e fai faalelei le tatou maketi. E faigata o loo
afifio ai le mamalu o le aufaifaatoaga aua lava fua o
faaeleeleaga o le atunuu. O lea ou te talosaga atu ai i lau
afioga i le Palemia sei alofagia e le mamalu o le Fono
Aoao Faitulafono. Lau afioga i le Palemia ma alii
Minisita, sei outou tagai manino i lenei tulaga ma
faafitauli, o loo i totonu o Samoa. Atonu e tele nisi o
saunoaga e agai i fafo, ae sei foia muamua la totonu o
Samoa, ona tatou laa atu ai lea i fafo. Lau afioga i le
Fofoga Fetalai, afioga i le Palemia ma le Kapeneta, le
mamalu o sui mamalu o le Fono Aoao Faitulafono, a i ai
se leo ua sala poo ua lagavale, ia o timaiga lavaia tatou
maua se faigamalo malosi, tatou maua se Malo lelei. Ou
te faapea atu ai, e le asa lava se faiva ma se maumau. Ia
manuia le Fono.
Susuga Hon LEIATAUA VAIAO
Itumalo Faaalaalafaga:
Aiga i le Tai
Filifilia:
22 Mati 1988
Faatauto:
7 Aperila 1988
Lauga Faataupou:
28 Iuni 1988
Lau Afioga i le Fofoga
Fetalai, e muamua pea ona
ave le viiga i le Atua ona o le tumau pea o lona alofa ma
lona auai i le ta usuina o le Fonotaga a le Palemene mai
le amataga seia oo mai i lenei itula. E moni lava sa tele
ni feeseeseaiga i le faiga o fuafuaga ma faiva o
mafaufauga, ae peitai o loo toafimalie pea le Fono a le
Palemene, o le viiga lea o le Atua.
Lau Afioga i le Fofoga Fetalai, ou te muamua lava ona
ou fia faatulou i le paia o lau Afioga, le Palemia ma lenei
Maota i afioga i alii faipule. Ou te fia faatulou foi i le
paia maualuga O Lana Afioga Mamalu O Le Ao o le
Malo, Susuga Malietoa Tanumafili II, e faatulou foi i le
Sui Ao, Tama-a-Aiga, Afioga Mataafa Faasuamaleaui. I
le paia maualuga o le faafofogaaga a Samoa, o le paia
lea i Aiga ma a latou Tama o ama foi ma o latou Aiga, le
mamalu ia Tumua ma Pule, Ituau ma Alataua, Aiga i le
Tai ma le vaa o Fonoti. Ou te fia faatulou foi i le
faafofogaaga i le Faigamalo a Amerika Samoa, aua o loo
toatele lava tagata o lo tatou atunuu o Samoa i Sisifo o
loo alaalala ma afifio ai.
O le paia i le Afioga i le Kovana ma lana autaupulega,
le Maota maualuga ma le Maota o Sui, faapea le vaega o
Faamasinoga. O paia lava ia o le nofo a Matua a Tumua
mai le motu aemaise upu i le Faleagafulu, Sua ma le
Vaifanua, Ituau ma Alataua, Fofo ma Aitulagi, Saole ma
Saleaaumua, le Maoputasi ma le Launiunasaelua,
aemaise le fetalaiga ia Tuaolo na Faleagafulu i ai le
motu.
Ou te fia faatulou foi i le paia i le Motusa o loo afifio ai
Faatui. O loo i ai foi le mamalu o Tootoo o le Faleula ma
upu i le Manuatele, o Sa ma paia o Samoa ia nuunuu atu
ia la ia paia ia i latou e ona lea matafaioi, Pule ma
Tumua, Nofo a Matua ma le Nofo a Tootoo, ae sei ou
liliu ane sei fai lava sina au faafetai i lou itumalo o Aiga
i le Tai. Lou Itumalo pele, le paia maualuga i le Toafa
ma le Lua o Tulafale, le paia o Alo o Malietoa, le Paia i
le Fale Manono, le paia lea i Aiga e lua o Malietoa,
Fuaolefau faapea le paia i le Aiga Sa Sau, Tooa ma
Lofea faapea le nofo a Faleupolu. O paia ia o lo tatou
Itumalo, ae faapenei, ee maia i outou paia ae sei ou liliu
ane sei fai se sao o lo tatou Itumalo e ui atu i le tulaga ua
ou tu ai nei ua avea ai au ma Minisita o Galuega se tali
fanoga o sui filifilia o itumalo ua opea nei i le Maota.
Lau Afioga i le Fofoga Fetalai, ua faamalo faafetai, o
lena ua e tulai mai i lou tofi sa filifilia ai oe e faafoeina
lenei Fonotaga, e faapea le tulaga ua i ai le fuafuaga o le
a ou amata ta atu i lea tulaga o mea tau auala. E ao lava
ona ou faapupula atu e faapea, o lau Matagaluega e aofia
ai auala, eletise, moli, vai taumafa, e peiseai o mea taua
tele nei. E faapea la le tulaga o i ai auala, sa fai sau
asiasaiga i le vaitaimi ua tuanai i Savaii, sa ou alu ai ma
ou taamilo atu i le itu o Tane toe ui mai ai i le itu o
Salega seia oo mai ai i le Faasaleleaga. Sa maua ai au i le
lagona alofa mutimutivale i le tulaga ua i ai ala o le Itu o
Tane ma ala o loo i ai i le Faasaleleaga. O le auala ta i le
Faasalelega afai o le a leai se isi auala e fuafuaina i le isi
fa tausaga o le a uma le tulaga e tatau ona i ai o le toe
faalauleleiina a ua tatau ona i ai se faaupuga o le toe
fauina. E amata atu i Puapua seia oo i Asau ua i ai i se
tulaga faaletonu i ia ala. O le tulaga ua aliali mai ua tatau
lava ona i ai lea upu o le toe fauina o ia ala aemaise lava
le alu atu i Sasina seia oo i Aopo. I le taimi na ou oo atu
i ai ua le mafai e pasi ona o ai i Aopo, o e fia malaga mai
i Apia e omai i pikiapu poo le tausavali mai ona o auala
ua matua leaga tele. o lea la sa oo mai ai se agaga ua
Saunoaga Faataupou Sui USufono 19861-2011
tatau ona fai i ai se fuafuaga. O lenei fuafuaga e le o se
fuafuaga fou o le fuafuaga ua uma ona faataoto i le
polokalame a le HRPP i le latou pepa na faasalalauina e
faapea o mea o le a muamua uunai e i latou o mea tau
ala, o mea tau eletise, o mea tau vai taumafa i le itu lea e
i ai lau matata.
O le ala foi lea na ala ai ona oo mai i le agaga ina ia ou
alu e taamilo i ia ala ia Savaii ma Upolu. Ona o le agaga
lava ia faatino lea tulaga. O le tulaga la lea ua oo mai i ai
i fuafuaga mo lea auala e tusa ma aveaina o ala o se tasi
lea o (priorities) a le Malo, i le ala lea o le Faasaleleaga
mo outou ia e tovalu o Savaii na saunoa i alatetele o le
Malo, o le tulaga ua i ai o lea sa talosagaina Ausetalia
ina ia taumafai se fesoasoani mo ia ala. O lea la ou te
fiafia e faailoa atu le vave aloaia e Ausetalia o lenei
talosaga ma o le a oo mai ai i le aso 4 o le masina fou i
inisinia se toalua la te faia le mea lea e taua o le (design
studies) o le auala, i le itu o Tane. O lea foi vaega o le a
aafia ai i le la galuega le design study o Aleisa, mo outou
la sa saunoa mai i ala i Aleisa o lea ua i ai le tulaga lea.
Faafetai lava i le sui faipule ae faapea foi i lau Afioga i
le Fofoga Fetalai mo ia tulaga. E faapea le tulaga o loo i
ai le fuafuaga i ala ia e pei ona saunoa i ai le sui. E
faapea foi ona ou faamalamalama atu e pei o ala ia e
omai ai Inisinia, e muamua ona fai le mea lea ua taua o
le design study, a maua ai le tulaga lea ona iloa ai lea o
le tau tonu o le auala ona fai ai loa lea o gaoioiga mo le
faatinoina.
O le tulaga i auala ia e pei ona ou taua atu o le auala ta,
e lei i ai se tulaga i le vaitaimi lenei e fai se study
muamua ina ia iloa tonu poo le a le tulaga i le vaitaimi
lenei e fai se study muamua ina ia iloa tonu poo le a le
tulaga e tatau ona i ai. ao loo i ai le agaga o se aso lata
mai o le a mafai ona oo atu i ai lenei Ofisa ina ia faia se
fuafuaga poo le a se tupe e faatupe ai. Afai loa o le a
maua lea fuafuaga, o le a oo foi i luma o le Kapeneta e
pei ona masani ai le faasologa i mea e tatau ona fatupe ai
ia galuega. Afai loa la o le a oo i ai lea tulaga poo le
tausaga nei o le a oo ai lea tulaga ona aumai foi lea i
luma o lenei Maota i le afai o le a pasia i lenei Maota se
tupe mo sea fuafuaga ona faatoa mafai lea ona faatino.
O lea la e peiseai e taua atu faapea lea tulaga e pei foi
ona outou silafia o lea foi faatoa papale mai lo tatou itu e
lei lava se taimi e fai ai faasolosologa o loo faafegai ai
ma lenei Ofisa. Ae le mafai ona faapea o le a le oo i ai, e
oo lava i ai le tulaga e tusa foi ma fanoga o a outou
afioga i ia talosaga ua oo mai i auala. O lau tali atu lea i
ia mataupu, faamolemole le sui mai Satupaitea ua
muamua tali atu i le isi sui ae lei tali atu i lau afioga. O le
tulaga i le auala ua e saunoa i ai, o lea lava ua i ai i le
fuafuaga lea pe a oo mai i le faiga o auala o Savaii.
Atonu lava o le a maua se tulaga i se aso oi luma i se
faamatalaga pe tau mai e fai pe tau mai e le faia. Afai e
le faia i le fuafuaga a latou atonu o le a taumafai atu foi i
ai i se fuafuaga e mafai ai ona fai. Afai e le o le nofoaiga
lenei ao le nofoaiga atu i ni aso oi luma, ou te tau atu
lava o le a taumafai ina ia faatinoina i le nofoaiga lenei.
O le mea taua lava lea.
Faamalo faafetai, lau Afioga i le Fofoga Fetalai masalo
sa tatau lava ona ou tau atu muamua oi latou e lei saunoa
i mea o auala i a latou saunoaga faalauaitele, sa le tatau
ona tali mai ia te au aua o lea o loo tusi iinei i lau pepa o
le Afioga ia Le Tagaloa Pita, Afioga aualiitia Pinati,
Afioga Fuimaono, Afioga Tupua, Afioga Asi Faamatala,
Tofa Faasootauloa. E peiseai o suafa ia o loo tusi i lau
pepa e lei i ai sa latou upu ua saunoa mai ai ai ia latou
lauga faalauaitele e fai ni auala, ae talu ai la ona o le le
lava o au foi e fou mai i lenei Maota sa sa ou maua atu i
se tasi vaitaimi i se tulafono (ruling) a le Afioga i le
Fofoga Fetalai, e saunoa ma faauilavea na o i latou na
saunoa i mataupu......
Ioe, o loo i ai pei o faafofoga mai le sui ou te le o taua
atu lona suafa i le tulaga lea o auala. O le mea la lea o le
toavalu lea e tasi o au ia o i latou lava ia latou ia e lei
saunoa i se mea tau auala ia latou lauga faalauaitele. O le
ala lea.
Lau Afioga i le Fofoga Fetalai o le tulaga lea ua saunoa
i ai le sui faipule mai Saleaula sa taua ai le auala lea sa
faapea lava ia o lana ia lava auala e ui atu i le auala tele e
alu i Saleaula i lona nuu. Ae le o le auala lea, aua o
Salamumu lea e ui ai ou te le iloa pei a alu i tai, pei la o
le mea lea na ou maua atu. O lea la na le tusia ai lona
igoa i le tulaga o lona suafa i le tulaga lea ao lea ua
saunoa ai le sui ai ona o ala galue.
Malo faafetai lava le faamanatu mai. O le mea lea poo i
ai se sui o Savaii o loo maua sana saunoaga i mea o
auala ae ou te lei see atu i le isi mataupu. Ae ou te le i
see atu i le isi itu aua nei aumaia auala galue e lei oo i ai
lau tautalaga, o auala tetele ia o loo alu i ai. E toe
faamanatu atu i le tulaga lea e pei ona saunoa atu le
Minisita o Tupe e moni e tonu lava lenei tulaga i auala i
le amata mai i Asau seia oo atu i Salelologa i le isi itu. E
pei foi ona saunoa i ai nisi o sui o le tulaga foi lea afai e
le faia se fesaosoani i nei auala mo le isi 4 tausaga ona
oo lea ua i ai nei le auala lea i Faasaleleaga. Ua na o
Faasaleleaga o lena ua tau atu ma sa ou le manao e tau
vave atu lea tulaga aua o lena ua tau atu le tulaga o le
tatou le manao e tau vave atu lea tulaga aua o lona ua tau
atu le tulaga o le tatou masini o loo faaletonu. O le mea
lena na ala ai ona le taua atu i lenei taimi se tulaga o lena
sa pei ona e saunoa mai sa ou faaeteete ina nei mea ane
ua faapea mai foi lau Afioga ma le tele o le mamalu o
Faasaleleaga ua ou olegia a outou afioga. Sa ou faaeteete
i nei mea ane ua na o ni folafolaga ae le faataunuuina, o
le ala lea na ou le fai atu ai aua i se taimi o i luma ona
avatua lea o le ata o loo i ai masini e faatino ai nei
galuega. A ia malu lava le vai i la outou faafofogaaga o
le a ou aumaia auala tetele nei mai Upolu. O le ala lea e
pei ona taua i le auala lea i Falevao seia oo atu i Lemafa
ma alu ane ai i Vaifou alu atu ai i Amaile agai i Saleipata
o le ala lea ua uma ona i ai le fuafuaga. Ua uma foi ona
fai le faaupuga lea o le design studies o le fuafuaga la lea
e iloa ai le aofaiga o le tupe ma mea uma faapena ma
ituaiga faafitauli e faafeagai ma lea ua uma ona i ai le
tulaga.
Saunoaga Faataupou Sui USufono 19861-2011
O le a ou le toe tautala i ai aua ua uma ona i ai fuafuaga
a i latou e faapitoa i lea tulaga masalo o le tausaga fou o
le a faatino ai lea tulaga pe a tusa ai ma le finagalo o le
Atua. O tulaga foi o le tau aemaise foi i latou ua tu tonu i
ai lenei matata, o le auala lea e sau ai Vaipu e alu atu i
Lotofaga ma sau mai Sapoe e alu i Matautu lea i le
matafaga ua uma ona fai faatelevave. O le fuafuaga e toe
talosagaina se isi design studies, ao le fuafuaga lea pe a e
tagai i le poto faalemafaufau ua ia i latou ua sinia e
faapea, o Lemafa e alu atu i Lotofaga, tusa e
$3.3miliona. O Sapoe e alu atu i Matautu e oo atu i
Tapaga e $5.4miliona, o le aofai o le tupe alu i lea auala
pe a faapea e mafai ona maua se tupe i le lumanai e
$8.7miliona. O lena ua taatia le ata faalemafaufau ma le
faatelevave e pei ona faasilasila i ai alii Inisinia e galulue
agai i ai, pe tino pe le tino ao lea ua i ai le sini e galue
agai i ai mo le savaliga agai i le lumanai.
O le isi auala o lea ua masalo o le a vave ona faatino
mai o le auala lea e sosoo atu lona faatina e alu i
Apolima i le mea na faapau ai le faataina seia oo i
Falelatai. Malo faafetai o le tulaga o le auala o le lea e
pei ona saunoa i ai le sui faipule e taua tele ia te au lea
auala, aua o le auala ou te alu soo ai i lau faatoaga. Sa i
ai foi le agaga e tatau ona fai i ai se fuafuaga i lea auala,
peitai ane o loo vaavaai atu lava i le tupe e utiuti, o le
tulaga e i ai le tupe lea ina ia mafai ai ona faatino auala e
tusa o le $3miliona le tupe e mafai ona faatino ai auala.
E tusa ai ma le lipoti ao loo iloa lea matata, ae peitai ane
o le tulaga lea o le a oo atu lava i ai i se taimi o lenei
tausaga ina ia mafai ai oan iloa le tau o le a faaleleia ai le
mea e tatau ona faaleleia ona logo mai foi lea i luma o le
Fono mamalu pe latou te pasia pe afai latou te finagalo i
ai, atonu lea o le a maua ai le tulaga o loo finagalo i ai le
alii faipule ma lou nei foi tagata ae faafetai lava mo le
faafesili.
O le ala la lea e amata atu i Apolima i le mea o loo pau
ai nei le ta sei alui Falealatai o lea ua i ai le fuafuaga ua
tatau ona faatino lea auala aua o le mea na tulai mai ai
pei o ni moea ua uma ona fuafuaina ae lei faatinoina. O
lea la o loo i ai sina tupe o le a faaauau loa, ona pau le
tulaga o le faafitauli masalo e le lava lea tupe mo le
tulaga e oo atu ai i Falelatai. Lau Afioga Misa ou te
faamalulu atu afai lava o le a alu atu le auala o le mea
lava e uma ai le tupe lea ia o le mea foi lea o le a pau ai
seia oo ina ta sueina se isi tupe mo le lumanai e faaauau
atu ai i Falelatai.
Faafetai atu lava i lou uso o le ma itumalo i le ma faaitu
na i ai lava le agaga e faapena e tatau ona muamua mai i
o, ae ua toe fesiligia le au Inisinia a tupu le faalavelave i
le mea lea o le a oo mai ai le ta, o lona uiga o le a le
mafai ona toe repair i le mea lea pe a faata muamua aua
o le a le sao atu i ai masini e repair. O le mea lea e ui ina
faanoanoa i le faigata o le tulaga ao le a taumafai atupea,
o le mea lea e faamalie atu ai e amata atu ia i lenei itu
ona faasolosolo atu ai lea iina atonu e oo atu i le tausaga
lea ona faaauau atu ai lea i lo ta nuu.
E faapea le tulaga e i ai, o le fua na aumai e le inisinia
afai e manaomia se ala lelei ma le mautu, masalo pe na o
le ¾maila e mafai ona fai i le tupe lea e i ai e 40,000, ae
afai e fai i se auala foi lea na ona faata ona tuu atu foi lea
na ona silasila i ai o le au palota o lea ua fai le mea lea,
ae oo atu i le tsuaga lea timu toe tafea, e mafai lava ona
fai atu sei oo i le pito o Falelatai. O le agaga la lea oa te
au, o faiga a le atunuu lea o Siamani e matua mautu, e
fai lava fai lava ia lelei, pe laitiiti le mea na te faia ao le
mea autu. Ou te le toe tau atu aua o oe o le Siamani o
lena e te silafia le auala na fai e Siamani o loo manuia
lelei, ona o le fai mea manuia faapea. O le ala la lea ua
ala ai ona ou fai atu ai faapea ona o lau afioga e tele
finagalo i se mea faapasee, o le ala lena na ona ou tau atu
faapea lea tulaga. O le mea lava e taua o le auala lelei o
le mea lena e taumafai ona iloa ai foi lea o le fua mo le
lumanai tatou te toe talosaga mai ai ie toe avatu. O lau
tau faamalamalamaga lea i lau Afioga i le Fofoga
Fetalai.
Faafetai lava, taatia maia o le a mafaufau lava i ai i le
po ma le ao seia oo ina faasino mai se auala e aumai ai
se tupe ina ia faaauau le tatou auala. Malo faafetai lava i
lau Afioga i le Fofoga Fetalai, faafetai atu foi i le sui e
tusa ma le faafesili. o le taimi lenei a ou vaai atu i tupe
nei sa pasia e miliona ma ona tupu auala ae ou toe vaai
atu i le faufuaga i le tupe e mafai, na ona tausi, ae le o le
fai ai o faatagana o le $5miliona ma ona tupu, ona i ai
lea ia te au le popole i lenei vaitaimi, e le o i ai se
fuafuaga i lou nei tagata, e tau atu pea mo lenei tulaga.
Atonu e oo mai i le faaiuga o le tausaga poo i ai se
fuafuaga ona tuu atu foi lea i o outou luma ia pasia lea
tulaga pe a outou finagalo i ai, pe a i ai foi ma se seleni
ua i ai i le Maota, ma ua i ai foi ma mea faigaluega e fai
ai galuega. O le mea la lea e tautino atu lava i le taimi
lenei, ua uma la le mea lea ao la ua faatonuina le
aufaigaluega e toe fai se vaaiga mo le faaleleia e pei la o
le tulaga lea ua e saunoa nei i ai. E lei maua la se tulaga
ma se tali atu i lenei taimi, atonu e te toe fesili mai i lea
tausaga, ou te taua atu se isi fuainumera poo le
$20miliona, ona faitalia lea o le Maota lenei ia pasi se
tupe faapena e fai ai galuega. O lau faatalatala atu lea.
O Savaii, o tulaga i ala galue o Savaii e toasefulu i
latou o e na saunoa mai e fia faia ni ala galue, o le a ou
le tau atua ina nei tei ua ou tau atua ni suafa foi o nisi,
ona faalemalilie la lea, faapea ua le logo maia e o latou
itumalo. O i latou ua manaomia ma sa saunoa ia latou
saunoaga lautele e faapea, o le tulaga o i ai le faataotoga
mai o lenei polokalame ou te fia ave foi le faamalo i le
faigamalo ua mavae atu nei i le faataotoina o lenei
polokalame. E faapea le taotoga o lenei polokalame, e
lima aso o le pulenuu a uma le lima aso o lea pulenuu
ona sii mai la lea ua oo i le isi nuu. O le faafitauli ua
amata ona oso le faagaulemalie mai ma ou te le faitio foi
i ai ona ua sii mea e tusa ma le faataotoga o le
polokalame, e lima aso o le nuu. O lea la ua i ai se
faagaulemalie ma ua oo mai ai foi se manatu i le latou le
fiafia i le polokalame. O lona lua, o alatupe na faatupe ai
lenei galuega na fuafua i le Budget talu ai, ua le lava lea
aua o le tulaga e oo mai i le faaiuga o Iuni nei ua leai se
tupe. O lea la ua faapea le fuafuaga ua i ai ona o le tele o
Saunoaga Faataupou Sui USufono 19861-2011
le le malilie o nei nuu afai ua i ai se nuu ua le uma o
laotu aso na tuuina i ai ona o le tau, ia alofa ia faauma. O
lona lua, afai ua silasila i ai ua le o manuia lelei i ala, a
ua uma aso, ona toe alofa lea o le aufaigaluega ma
faauma le mea ua uma ona sua ae lei lelei mo taavale pe
toe faaopoopo ni aso mo lea galuega.
Ae masalo ou te talosaga atu sei uma ona ou
faamalamalama atu ona tuu mai lea o tou fesili aua o lea
o le a ou toe fefoifoiai faapea ae lei uma atu faafitauli ma
nei fuafuaga faapea atonu e foia ai faafitauli. Ou te leiloa
poo sao lea fofo pe leai, ao le upu foi lea faa-peretania
(time will tell) o lona uiga o le taimi o le a na tau mai, o
lea la ia outou malilie ai o le faafitauli lea ua ou taua, o
tulaga lava ia pea timu. Ona i ai la lea o le mea lea ua toe
faatonuina tagata faigaluega o nuu sa timuina o latou aso
a ua aveese le masini e toe faafoi e teuteu ia lelei, o le
mea muamua lena e tau fai atu ai lea faafitauli.
O lona lua o le isi faafitauli o nuu foi ia e tasi le pulumu
ae tetele pe lua o latou auala galue, pe uma le auala
galue e tasi i le 5 aso ao le a malaia le isi itu o le tasi lea
faitioga ua aumai i afioaga ma alaalafaga e tusa ma lea
tulaga, o lea foi la ua taumafai atu i ai ao alofagia afai ua
tetele ia taumafai e toe faaopoopo atu ni nai aso poo le
lua poo le tolu ina ia faamalieina ai finagalo o afioaga
ma alaalafaga aua nao le tasi lo latou pulenuu. O le
tulaga sa i ai pulenuu ua aveese ona totoe ai lea na o le
toalua, o lona uiga o le 10 aso ae malaia ai le isi matou
auala ua le faia. O lona uiga ua na o le 10 aso ao lea ua
malaia ai le isi a matou auala ua le faia. E faapena foi la
le lagona ina ua oo mai i afioaga ma alaalafaga i le
faafitauli ua feagai ma i latou. O lea la ua faapea atu i ai
e lima lava aso o le pulnuu e alu lava le polokalame e 5
aso ae a tau atu lea i le tulaga ua aliali mai le faafitauli
lea, fai ao le polokalame e 5 lava aso, ae oo atu loa i le
tulaga o faafitauli aua o le tutusa pea ia afioaga ma
alaalafaga. Ona o nisi lava alaalafaga e faigofie o latou
ala, lea e uma atu le tai 5 aso, ua maea le latou galuega.
O nisi o alaalafaga e faigata o le mea la lea fai le fuafua
lelei ao le mea e tasi ia lelei le faiga o auala o nuu ma
alaalafaga ina ia malilie. O le agaga la lea ua tuu atu i ai
mo lea faafitauli i mea o nuu tetele.
Faafetai atu lava i lau Afioga i le Fofoga Fetalai
faafetai atu foi i sui mo fesili. Ona o le uiga lava lea a
faaali atu se manatu ae pei o le mea foi lea e tau ile faaPeretania o le “Chain reaction” ua maua ai foi finagalo
ma mafaufauga o sui e saunoa mai ai. O le mea la ua
tulai mai sa taumafai e oo atu i ai lau tautalaga i lea
tulaga ae leaga o lea ua aumai le fesili o le a tali loa.
Lau Afioga i le sui e i ai le agaga e le lava. O le tulaga
lea ua taatia mai e oo atu i le tupe lea pe afai o le a outou
alofagia ina ia pasia le $100,000 lea ia oo atu i le
fuafuaga ia Setema ua leai nma ua uma. Poo le faaiuga o
Setema e pau mai ai le malosi o lenei tupe, ae sei vagana
la ona ua faapea e tasi le vaiaso faamisi le isi vaiaso toe
tasi le vaiaso toe faamisi le isi vaiaso ona faatoa oo ai lea
o lenei tupe i le tulaga lea ia Tesema i lenei tausaga. O le
agaga moni lava ia uunai lava aua e pei foi ona fai atu o
le tasi lenei mea ua avea ma mea e faamuamua i le agaga
o le Malo lenei ina ia faatino le tulaga lea. Ae peitai ane
o loo i ai se fuafuaga i le lumanai.
Faamalo faafetai i lau Afioga i le Fofoga o le Fono
faapea foi i le alofa o le Atua ona ua toe faataunuuina le
faamoemoe tatou te te toe feiloai i lenei Maota o Samoa
i lenei itula. Faafetai ua maua pea e lau afioga ma le
afioga i le alii Palemia ma itu galue o e Maota le soifua
maua ma le lagi e mama ua mafai ai oan tatou fesilafai
ma faaauauina a tatou galuega e pei ona faamoemoeina i
le aso.
I le afai o loo sao lou mafaufau masalo o le taimi na
faamuta ai tatou taualumaga i le itula e 1:00 i le aoauli
analeila o loo i ai le fesili e uiga i le 801 e tusa o lea
fesili na ala mai ona o lau faaupuga na tuu atu i luma o le
Fono ua uma le tupe sa fuafuaina mo auala galue. Ou te
lei oo atu i lea tulaga ae ua pau ia te au le fesili a
Leaupepe e tusa ma le latou ala lea e i Saleimoa o loo
fealuai ai le pasi e fesootai ai ma Aleisa. O le ala ua i ai
le fuafuaga e pei ona taua atu analeila o lea ua i ai
inisinia e toalua lea o le a omai. Faafetai atu lava mo le
fesoasoani mai a le sui. O le mea ua outou iloa ai ou te
tau le oo lava i lea ogalalolagi ma o le ala foi lea ua
faaletonu i le igoa. O le mea lea e iloa ai o le tatou Fono
tatou te felagoalgomai a fai e sase se mea tulai mai
faatonu ma tatou talitalie o mea faatamalii, ae faamalo
atu.
O le mea la lea o le a omai ai inisinia ona latou faia lea
o le study a uma Savaii ona liliu mai lea fai Aleisa e
lavea atu ai ma le vaega lea o le ala lava lea e tasi e ui
atu ai. Atonu lava e omai ua sui foi e latou le faiga lava
lea o tulaga o galuega faapea. Ona oo mai lea i le fesili
lea a le sui o Palauli o le uiga o lau faaupuga lea ua maea
le tupe ma o lenei $840,000 o le vaevaega o lenei tupe e
i ai se vaega e alu i le eleele fou, e i ai se vaega e alu i le
ala lea i le Mafa, ae i ai foi se vaega e alu i le Sinamoga
bridge. E pei e faapena la le tulaga lea ua i ai ae tuu ane i
le tupe sa faaagaga mo auala e na o le $200,000 lea ua
maea.
O lea e ala ai ona ou faapea atu ua uma le tupe, o lea ua
toe talosagaina mai se isi vaega e faaauau ai. O le
faaupuga lea i le tulaga lena, ua uma la lau faamtalaga ao
le a ou liliu mai i auala o Upolu. Faafetai lava i lau
Afioga i le Fofoga Fetalai, o le tulaga lea o ala i Savaii
ma mea faigaluega ua oo nei i ai, o lea ua avatu le
faatonuga a uma loa Fogatuli ona faasolo mai lea i le isi
nuu lea na i ai ona toe faasolo mai lava lea. E pei o le
tulaga mamafa lava e pei ona ou tau atu ia aua nei o ese
e lei manuia lelei le auala.
Ae talu ai ona o le Faasaleleaga lea o loo tulai mai ai ao
mea faigaluega o la o loo i le isi itu o le motu o Salafai,
oute le o iloa poo fea le vaitaimi e oo mai ai ona o le
tulaga lenei o loo i ai mea faigaluega e na o le tasi lava le
unit seti o mea faigaluega e faaaoga. Ana faapea e tolu
pe fa maslao e i ai le tulaga lena e vave oo mai, o le ala
lea e faaaloalo atu ai ona o nei mea uma e faalagolago i
le lava o mea faigaluega e fai ai, o lea lava la e faasolo
malie mai ai. O le a lava le taimi e oo atu ai i le
Saunoaga Faataupou Sui USufono 19861-2011
Faasaleleaga ia e na o le Atua na te silafia ae ta te musu
e folafola atu se mea ao lea vaiaso le taunuu.
O ala o faatoaga o Upolu o tutusa lava le faafitauli i
Savaii ma Upolu, mo se faaaoaoga ua tea atu masini mai
Safata ua oo atu o le a oo i Siumu ae peitai ane ua toe
omai nuu ia na le manuia o latou auala ona e le tumu, o
lea la na toe ave i ai masini. E faalalolalo atu i ai i lau
Afioga Tupuola nei e saea mai foi i lea tulaga ao le ala
lena. Ua toe faafoi i nuu e i ai Taelefaga ma le nuu e
sosoo ai o Safata oan o le manao sei toe tau teu le ala ua
le manuia i aso tumu ae masalo la ua oo mai nei masini i
Maninoa ona faasolosolo mai ai lava lea.
O le tulaga foi e pei ona e saunoa i ai o lea lava ua
taumafai ona o Siumu ou te le iloa pe fia pulenuu o
Siumu e pei ona faatusa i aso ua mavae. O le agaga o le
taumafai e fesoasoani atu i o outou mafatiaga e tusa ma
auala o faatoaga. Ua uma atu la sau faaupuga i auala e
agai i faatoaga. E ese ae talu ai sei maea le mea ona ou
toe see mai lea i le auala laupapa. E ese le mea ua i ai ao
le a toe foi mai. Ona ou alu atu lea e pei ona ou fai atu ua
i ai paipa ua taatitia ae leai se vai. O vai eli, ua i ai vaieli
a ua gaui masini o loo i ai. Sa ou fesili pe aisea ua ala ai
ona gau mea o le masini ae aisea foi ua le faia ai se auala
vave e mafai ai ona faalelei masini. O le tali mai ua leva
lava ona gau ao le faalavelave ua le maua parts poo
totoga e faaleleia ai masini. Ona maua ai lava lea i le
faanoanoa ona o ia faaletonu aua o nei masini e tatau ona
pamu atu ai vai mai le vaieli. Ona ou nofo lava lea ma ou
mafaufau i se pese sa masani ona ou pese ai i aso ao ou
laitiiti i le tausaga 28-30 i le va o Gataivai ma Salelologa
e faapea “e tali i lagi vai o Aopo”. O lona uiga na tali i
lagi ai lava i lena vaitaimi, sei oo mai i lenei taimi o la
lava “o loo tali i lagi” vai o Aoo atoa ai ma nisi nuu.
Lau Afioga i le Fofoga Fetalai, ou te le iloa poo le a le
tulaga e tatau ona fai ai ia mea ao loo taumafai se faiga.
Sa fesili pe na mafua i se a ona faaletonu pea tane ao le
tali e vaivai pamu e tauave ai vai i luga o le tasi lena tali,
ua le maua parts o le tasi lena itu, o le isi tali ua vave gau
le masini aua ua le faia lelei le tulaga o pamu. O le isi
tali o vai o Asau ma nuu na e maua i le faasualua ma ua
avea ma mea e vave elea ai totoga ma vave gau ai
masini. o lena ua tau atu lipoti mai i e popoto i ia mea ao
loo lava agaga masalo o faufuaga sa fai mai ai ia mea, sa
tatau ona toe agai lava i vaipuna mai luga. O lea e i ai le
isi fuafuaga sa tau fai i le vai o Sili masalo e mafai ai ona
faavai atu ai le Faasaleleaga ma Satupaitea ma na nuu
ma alu atu ai i le isi itu. E le i i ai se ua fai i ai ae ou te le
iloa sei toe vaavaai i ai pe tatau pe le tatau ae poo le a foi
le mea na ala ai ona le lelei nei fuafuaga ua uma ona fai.
E pei la ona aumai le fautuaga a le afioga Seve e faapea
e masalo e le leaga o le tausiga tane o lea ua tupu ai le
faafitauli faapea, ae lelei lava fautuaga ua aumai e ao ona
ave e tausia e le kamupani laau o loo i Asau.
E pei ou te maua atu o se fautuaga e lelei ona tausia e le
Ili Laupapa ae masalo o le sese o le upu ao lea lava e i ai
le mafaufau. Ae taatia mai pea lau fautuaga o le a suesue
i ai le Matagaluega, a saili atu e mamafa i le lelei o le a
fuafua i ai ae a mamafa i le le lelei ia masalo o le a le
faatinoina. E i ai foi le talitonuga e le faatoa tupu lea o ia
faafitauli, ae na tupu muamua ma ai foi sa i ai ni
fuafuaga faapena ae ua le faatinoina. ua uma la vai o
Savaii ao le a ou liliu mai....
O le tulaga lea i le mea e i ai lava le agaga ina ia
faatinoina aua o le lipoti ua oo mai i le vai lea e i ai le
vai i le mea lea ao le faafitauli o le pamu ua gau. Ua gau
i lalo ao loo taumafai e avane i luga. Masalo e ao ona ou
faapea atu o le tulaga lena e pei ona ua oo atu i ai o loo
tupu ai se faafitauli ona o le leai o se vai ma ua leai foi
se vai mai le faatanoa. O loo taumafai ona tau sue le mea
e vili ai le pamu iina i Falealupo ona mafai lea ona maua
le vai iina, ao le faatanoa lea i luga ua le o maua lelei e
au le tulaga o i ai lea vai mo le faatumuina o le faatanoa
lea ao le talitonuga lava o le a tuu mai lou finagalo o le a
sei ou toe vaai i ai i tulaga o la matou Matagaluega ona
logo mai lea.
Lau Afioga i le Fofoga Fetalai, e taua ia te au lea tulaga
ma ua ou talitonu aua ou te alu atu ua matua lepa lava le
autafa o le pamu i le suauu ao gai ane o loo i ai le
faatanoa lea. Ua faaoo mai foi le faaupuga lea e pei ona e
saunoa i ai, e alu atu lava le tagata ia ma si ana suauu e
fai ai le pamu. O le fuafuaga la ua i ai, masalo ua taatia
atu i le matou vaega ina ia toe vaaia atili ma le totoa i le
tulaga ua ala ai ona faaletonu lea itu. Ao le faaupuga
mai, fai mai ua le lava le avatu o le suauu i Apia nei, ou
te le i matua iloa tonu la poo le a le tulaga tonu lea o loo
taoto ai lea tulaga. Atonu ua uma ona fai i ai suesuega ao
le tulaga o i ai o loo tau suesue atili poo le a le mea ua na
o le fai ai o suesuega a ua le sue pea le tali, e le o iloa
poo se mama poo se a se mea ua tupu mai ai. O le mea la
lea ua ou faapea atu ai sei vaai totoa lava i ai poo le a
tonu lava le mea ua tupu mai ai lea faafitauli, afai o se
mea ua faaletonu i le faataoto mai o paipa poo se mea o
loo faaletonu i se mea o tane o le a taumafai ona fai i ai
se togafiti e pei o le ala lea o loo i ai.
Faafetai, e pei ona ou fai atu o Aperila i le aso 24 na alu
ai le taamilosaga ma ua ou iloaina ai loa le mea lea ua
tupu, o lea la ua tuu atu i ai le tulaga lea. Ae faafetai foi
la aua ua e saunoa mai o lea ua uma ona faia suesuega
muamua ma ua faatino mai ai lea tulaga, o lea la ou te
faapea atu ai sei ou toe siaki i ai aua e le faapea ua oo
mai se lipoti ia te au i le faaupuga le na ou faaupua i ai i
le vaega e toe tagai lelei i pamu ia o loo faasua ai le vai o
loo i ai, afai foi ua oo mai le lipoti o le tulaga lena o le a
i ai poo le a tonu le tulaga ua i ai le vai. E le faapea
faatoa fai ina ua ou fai atu nei, leai na fai lavai le aso na
ou oo mai ai i lau taamilosaga lea na faatulaga loa i ai
mea e tagai ma silasila totoa i ai, ia ai poo le lava o le
taimi o inisinia e toe vaavaai i ai aua e pei ona ou fai atu
o loo tupu le faafitauli i le vaieli lea e i Sataua o le vai
lea o loo fuafua e faaoso mai ai le vai e faasua ai le paipa
i le faatanoa lea ma le paipa lea e alu ai le vai a
Falealupo. O le faamatalaga malamalama lena.
O le $17,000 malie le finagalo o le alii faipule ou te lei
toe vaai nei i ai i le tupe lea o loo alu i ai i le $17,000, ou
te tautino atu o vaieli ua i ai iinei o le tupe ua alu i paipa
ia ua gau soo. O paipa ma vaieli e matua maoae a le
Saunoaga Faataupou Sui USufono 19861-2011
tulaga ua i ai ao lea sei ou vaai lelei poo alu tonu lava le
$17,000 i taumafaiga o le avane o le vai ia sua ai le mea
lea poo le alu i se isi mea ae ou te talitonu o tupe ia o loo
alu i le taumafaiga o le suavai ma le pamu lea o loo i
Sataua e matua maoae lava le tupe o loo alu ai i lenei
vaitaimi.
Malo, faafetai atu mo le saunoaga poo le faauilavea a le
sui lea mai Satupaitea, ae sei muamua tali le fesili mai o
i le tulaga o le pamu, e pei lava ona ou fai atu ua uma
ona ou vaai i ai ma ua faatonuina ina ia silasila totoa i ai
ma fai vave i ai se fuafuaga i lea tulaga. Afai la e lei oo
atu lava faafetai mo le taulogologo mai afai o le tulaga
lnea sa i ai ou te leeiloa poo ua i ai pe lei faia ao le a ou
toe siaki agai i ai pe ua faatino lea galuega. aua e fai foi
sina mamao o Savaii ma Upolu ae ui o lea o le a
taumafai lava ina ia faatino lea tulaga.
O lau Afioga Tuimaseve e leai ou te lei faapea o le a ou
see ese ae lei maua se tali o lau fesili, o lea sa ou fesili
atu lava poo i ai se isi e toe fia saunoa mai i lea tulaga,
peitai o lea ua e saunoa mai nei ia ae leai o lea o le a
taumafai e tali atu. Faafetai aua o lea faatoa ou mauaina
le faamatalaga ua pala paipa o lou Itumalo o lea la o le a
taatia mai lou finagalo o le a ou toe tuu i luma o le matou
Ofisa ma alu vave se isi e siaki le tulaga o loo i ai paipa
o lou itumalo ma fai ai foi lea fuafuaga. Ona pau lenei o
se tali e mafai ona ou tuu atu aua o lea faatoa ou faalogo
atu nei i le tulaga o paipa o lou itumalo ao lea la ou
taumafai ina ia faatino lea tulaga.
Faafetai atu lava i le Fofoga Fetalai faapea foi le sui na
saunoa. O le tulaga lea i Faasaleleaga e pei ona ou taua e
fai foi lele o le mafatia ma ua i ai foi le agaga e pei foi
ona taua muamua o le mea foi lea ou te faapea atu ai o
vai uma o le motu. Ia tagai lelei i ai le au faipaipa i le
vaega lea a matou ina ia logo lelei mai poo fea tonu le
tulaga e tatau ona oo i ai le fuafuaga o vai ma faafitauli o
loo faafeagai ai. E i ai le agaga atonu pe a maea lelei
fonotaga ona ou toe taamilo lea faatasi ma le inisinia o
vai seia paia le mau faafitauli o loo folafola mai i luma o
lenei Maota ona taumafai lea i ai o se fuafuaga mo le
lumanai. O le agaga lea o loo i ai ae aua ua uma ona ou
taamilo ma ou talanoa foi i le matou vaega ma ou
faatonuina ina ia alofa pe mafai ona silasila totoa i ia
tulaga o loo faafitauli i mea tau vai e le gata i
Faasaleleaga ao le Motu atoa. O lea foi ua tuu loto i le
agaga ma fautuaga e tusa ma mea o isi vai e le o
faamaeaina sei o atu e vaai i ai, e maua ai se fuafuaga e
aoga mo faafitauli ua tulai mai. O le faaupuga lea ua tuu
atu e tusa ma le fesiligia foi mai afioga i alii faipule.
O le a ou oo mai loa i vai o Upolu, o le tulaga ua i ai
vai o Upolu peiseai e aliali mai o loo i ai lava faafitauli i
nisi o afioaga ma alaalafaga ao loo lelei foi isi afioaga
ma alaalafaga. O le tulaga lea i apia o lena lava o loo
silafia o le toatele o i tatou e matua tigaina ma mafatia o
lenei vaega o le tatou Motu aemaise lava iinei i le
taulaga. O nisi taimi ua leai se suavai e sau o nisi taimi
ua sau ua palapala, ae peitai ane o lea ua i ai le fuafuaga
ua toeitiiti lava 85% le mea uma o lenei fuafuaga o loo
faatino e Siamani o loo i ai le fesoasoani lea o loo faia i
le vai i le taulaga i Apia, lea e tau o le Apia Water
Project. o le tulaga lea e faapea o le tausaga fou e maea
ai ona maua ai lea o le suavai e le gata ina tele ao le
suavai mama e maua se avanoa e lelei ai ona outou o atu
e silasila i ai i lea tulaga e maeu lava le matagofie
aemaise lava outou faipule mai Salafai aua tou te silasila
i ai i le manaia o le faiga o lea vai, atonu o se faiga
faapea o loo outou finagalo i ai ma outou galulue ai foi
mo aso oi luma ina ia faia se mea faapea e foia ai
faafitauli o loo feagai ma outou. O le manaia o lea tulaga
i le vai e leai se tupe e alu ai o le mea e tau o le gravity
flow o lona uiga foi lele e sau a mai le malosi o le unai o
le vai ae leai se mea e pamu ai i luga, o le isi mea taua e
le mama lelei vai, e le faapea ua ave i ai se vailaau ae
mama ona o le mea le la ua vaimama ai o le oneone. I le
vaitaimi lenei e matagofie lava le silasila i ai pe a faapea
o le a maua sou taimi avanoa i lenei tulaga o loo i ai. O
loo i ai foi ma isi vaega i lenei tulaga e uiga i Alaoa o
loo i ai le tasi, o Fuluasou o loo i ai le tasi, ma le isi o loo
faapea e fia fai i Magiagi ma le isi foi i le mauga lea o
Vaea. O le isi tulaga i le vai lea o loo faia mai i le
fesoasoani a Saina, o lea e alu atu i Aleisa ma ua toeitiiti
maea lea tulaga. Ua uma ona alu atu tane ma paipa ma
faaalu atu ai i luga sei faaifoifo atu i Malua i le mea o
loo i ai le atiina ae a le Ekalesia Faalapotopotoga a
Samoa nei. Ona o loo i ai le isi tulaga e toe fia faaauau
atu i o i le itu i Sisifo o lea tulaga pe a oo i le aso oi luma
latalata mai, ona faatino ai loa leama ia oo atu ai le vai
malosi foi aua faafitauli o loo feagai ma ia afioaga ma
alaalafaga o loo i le itu i Sisifo atu o malua. O le tulaga
la lena o loo i ai vai o loo i ai nei i Apia i lenei faaitu. O
loo i ai foi se tulaga e pei ona fesiligia foi au e le afioga i
le faipule mai Siumu e tusa ma le vai o loo fia alu atu
aua le fuafuaina mo le faletalimalo mo lea tulaga, o lea
ua ou faapea atu e taatia maia o le a fai atu i ai se
fuafuaga ma fai atu i ai se suesuega pe fia ni kalone e
maua i lea vai aua le fuafuaga mo le lumanai mo la
outou Itumalo. O le tulaga la lea o loo i ai i mea tau
suavai i lenei vaitaimi.
O le tulaga lea e pei ona saunoa i ai le afioga i le alii
faipule mo Mapuifagalelei, o lea ua faatoa ou maua atu o
loo i ai se faafitauli ao le vai lea o loo sau mai i
Luatuanuu ma le vai o loo sau mai Laulii e peiseai o le
vai lea o loo fafaga mai ai le faaitu lea e tau mai Letogo
ma oo mai ai i Fagalii. O lea foi la ua tau fai i ai se
fuafuaga ina ia faamalosia le vai talu ai le ma talanoaga
ma le alii inisinia ina ia alofa ma ia vaai le vai lea aua ua
i ai foi le finagalo o Luatuanuu latou ia aua le aumaia lo
latou vai. O le vai sa fai lava e latou e taumamafa foi ai i
latou ae a taumamafa ai foi se isi e tatau ona totogi le
latou vai o lea la o loo tau fai atu i ai se fuafuaga e pei
foi ona ou fai atu o lea faatoa maua mai nei i lea tulaga o
loo i ai le faafitauli i Mapuifagalele ao le mea taua e
tatau leaga o le mea o loo nonofo ai e o loo matutua. O
lau tali atu lea i lenei itula.
E pei o le tulaga o loo i ai e faapea lava le agaga o loo i
ai ae peiseai i tulaga i le West o Apia poo le itu i Sisifo o
Apia malosi le supply atu a le vai lea i Fuluasou. Ao le
Saunoaga Faataupou Sui USufono 19861-2011
East Apia e supply e le vai lea i Alaoa. E pei la o le
agaga la lea o loo i ai le tulaga i mea tau suavai, ae na
talanoa ma e o loo i Aleisa o lea e i ai tonu ai a le paipa i
aleisa i le paipa lea a Saina. O le agaga e faapea o vai ia
e supply atu ai le itu lea i Sisifo o apia o vai lava na. O
lau api lea e i ai e pei e le o maua mai ai se faaupuga e
faapea o loo i ai ni mea tau suavai. E leai se vai o loo i ai
i Letiu, o le mea la lea ia Letiu o le a fesili tonu atu lava
ia i latou o e na maua mai a latou saunoaga faalauaitele i
le tulaga o vai. E ui o lea afai o le tulaga lea o loo i ai lea
foi afioaga e faamalulu atu pea aua o lea faatoa ou iloa e
tusa ma le tulaga o loo i ai, o loo maua lea afioaga i le
faafitauli. O mea foi a e tatau ona fai aua o le faapea o le
a toe saunoa mai nei e aumai le faafitauli e pei o le
faaupuga foi lea e i ai le magic wand na ona tatalo atu a
e faapea…...
Lau Afioga i le fofoga Fetalai o lea o le a ou oo atu i le
mataupu tau eletise. E pei foi ona ou taua i le taimi ua
tuanai o loo faamamafaina pea lava e pei ona alu foi i le
plan fou foi a le HRPP ma faamamafaina foi e le Itumalo
poo le Faigamalo ua tatau ona faatinoina lea tulaga i mea
tau eletise, aemaise lava le eletise mo nuu i tua i afioaga
ma alaalafaga i tua, e pei foi la ona ua taumafai le Malo
ia latou fuafuaga o le a tuuina mai se pepa i le Kapeneta
ina ia faamaonia i le faaeletiseina o nuu i tua. E aofia i ai
i nuu uma o Upolu e le o i ai le eletise ma nuu i Savaii e
lei oo i ai le eletise, faafetai lava o le a faatinoina lea
tulaga ae masalo poo le tausaga nei ua maua se
faatulagaga lelei o lenei fuafuaa.
Lau Afioga i le Fofoga Fetalai ma le mamalu o le Fono,
o le tulaga la lena i mea tau eletise. O le agaga lava ina
ia faatinoina aua e le o i ai se tulaga sa fuafuaina foi e
Siamani i aso ua mavae mo se eletise mo Aleipata. Ua
uma ona fai a latou fuafuaga ae peitai ua le mafai ona
faatinoina ae ua na ona tutu pou a Aleipata atoa ai ma a
latou uaea. E pei la ona faataatia mai le mataupu, sei toe
vaai totoa i ai poo le a le mea ua le faaauau ai lea
polokalame na taumafai i ai Siamani.
O loo i ai foi fuafuaga faalauaitele e pei ona saunoa atu
ai lo matou Taitai le afioga i le Palemia, o le tulaga e
uiga i talosaga ia ua oo mai e tusa o moli o auala ma
moli e fai i nuu i le taulaga nei ma nuu ia ua oo i ai le
uila, o loo fuafua e fia faaauau ai nei moli tau auala, pe
fia a ni moli auala e mafai e lena tupe ona fai o le a
faapea lava ona fai. Ae a faapea o le a le uma ai ona
onosai mai lea o le a toe talosaga atu se isi tupe e faatino
ai nei mea ua outou saunoa mai ai, ae a leai ua pau lava
o le malosi o le fasi tupe ua tuuina mai. O le tulaga lena i
moli e le faapea e i ai se agaga e le amanaia ai o outou
manatu e pei ona aumai. O le agaga lava ina ia taumafai
ia faatino e tusa o le malosi ua i ai la tatou tupe, o le a
faagata ai i lau faaupuga sau faamatalaga i le mataupu
tau eletise.
O loo i ai le fuafuaga ae pei ona ou taua o loo fua lava i
le seleni ua faaupuina mo lenei fuafuaga. Afai o le a
talafeagai o le a taumafai lava ina ia faatino e le gata i
Upolu nei ae faapea ia Salafai. O lea ua iinei talosaga e
pei ona oo mai le talosaga a Faasaleleaga, e pei o
Salelologa ma faasolo atu ai faapena. O lea ua i ai foi le
talosaga a Unasa mo le faasolo atu faapea. E pei foi ona
ou fai atu o le a taumafai lava poo le a se malosi e oo atu
ai le faasologa o moli i vaegatupe ua vaevae mo Savaii
ma se vaegatupe foi ua vaevaeina mo Upolu, e faapena
le agaga lea o loo i ai.
Lau Afioga i le Fofoga Fetalai, o le mea moni lava e
tatau ona tau atu e lei i ai se fuafauga ona o le itu lenei
ua maua nei o loo i ai le faafitauli lea ua tulai mai. Afai
la ua faatoa oo mai nei le faafitauli lea ua tulai mai nei
ao loo mafaufauina lau Afioga o le a fai vave atu i ai se
tali e faamalie ai le finagalo ona avea lea o au ma tagata
ua sese. E pei foi ona taua atu e le oia te au se laau foi
lea e na ona fai atu lava ona tu mai lea o le mea e
manaomia, ou te faafetai ona ua logo mai lea faafitauli,
aua o le faafitauli la lea foi ua ou talosaga atu e taatia
mai o le a sei ou feiloai ma i latou o e oloo faia lea
matata ona faataunuu lea i ai e tusa ma le fanoga ua oo
mai, ona sikai foi lea e latou ona maua mai ai foi lea o se
lipoti. Aua e faapena le faasolosologa o a tatou mea, e le
faapea o le a outou saunoa mai nei ona ou faapea atu loa
lea ia o lea, ao lea faatoa faalogo i ai i lenei taimi. O le
mea taua o lea ua oo mai ae taatia mai laia o le a
taumafai i ai se fuafuaga i lea tulaga. Faamolemole lava
lau Afioga i le Fofoga Fetalai, e faafetai atu i lau Afioga
e tusa ma le taitaiina o le tatou fonotaga nei, ua ou le iloa
poo fea tonu o fesili nei..........
Faafetai atu lava i lau afioga i le Fofoga Fetalai,
faafetai atu foi i le sui mai Salafai e tusa ai ma le
faafesili. E pei foi lava ona fai atu e tatau lava foi ona tau
atu na o ni nai fuafuaga aua o lena ua uma ona saunoa
atu le Palemia i le tulaga mai fuafuaga ae le o se aua o
lena ua uma ona saunoa atu le Palemia i le tulaga ua i ai
le agaga ina ia faasoo le atunuu i motu e lua e faapea foi
i nai motu laiti o loo tu i le va o Upolu ma Savaii i le
eletise. O le mea e faasolosolo vaega e taitaia le EPC ina
ia tagai totoa i ai ma ia fai poo le a se tulaga e ao ona
fautuaina ai le Malo mo le faaeletiseina o le uitu o Tane,
o le tulaga ua i ai lea faamoemoe. O le tulaga e i ai le
fesili i le afioga i le faipule ia Tafaese, o lea foi ua i ai
fuafuaga mo le faatinoina o lea tulaga ae le mafai ona
matua maututu lelei aua e tatau ona aafia uma talosaga
ua tuuina mai ona iloa ai lea pe talafeagai ma le tupe ua
faatagaina mo le faatinoina o ia talosaga. O le tali atu
lea.
Faafetai atu lava masalo ua oo foi la i le taimi e tatau
oan ou oo atu ai i le vaega lea e pei ona taua mai e sui o
le Sweage. O le tulaga i le mea lea e matua taua tele, o le
tulaga lea e i ai se fuafuaga o vai a maea lea ona i ai foi
lea o le fuafuaga mo se mea e faaalu i ai vai leaga. Ona
pau le faafitauli lea ua tulai mai ona o le fuafuaga i
Faletalimalo ua amata sauni nei ma gaoio e i ai le
Faletalimalo o Nauru. O le latou faufuaga ua i ai o le
latou sewage e alu alu atu alu i le aloalo i luma o Apia.
O lea la e i ai le talosaga ia alofa ia fai se fuafuaga i le
mea e alu i ai le vai leaga ma ia fai se faasologa lelei o
lea tulaga. O le sewage lea e na o le mea e tau o le
primary treatment, o lona uiga na o mea lava e tasi lava
Saunoaga Faataupou Sui USufono 19861-2011
le faaaogaina o le fale ona alu atu lava lea alu i le aloalo,
o le mea o le a aliali mai o le a aafia le lelei o le taele a
tatou i lea tulaga i le gataifale. O lona lua, o le a aafia
figota o le sami ma mea uma faapena. O lea la ua i ai le
talosaga a le matou Ofisa ia toe fuafua lelei le latou
fuafuaga ina ia lelei le faaaluina o lenei vai ma ia
taumafai e tau tuu i tuaau. O le sewage treatment lea ua
talosaga i ai ina ia fai e latou o lona uiga o le vai lea e
alu atu e sau ua mama, e mafai ona faasusu ai le mutia ae
le mafai ona taumafa. E ui o lea tulaga ae i ai le maantu
e tuu pea i tuaau aua a faaletonu ma aafia ai le gataifale o
Apia ona le manuia lea. O loo faapena foi le tulaga i isi
faletalimalo, ao le agaga ia taumafai i le sewage
treatment ina ia maua le tulaga a uma ona faaalu ae o loo
maua mai ai le vai mama aua le puipuia o le soifua
saogalemu o tatou i Apia i le taulaga nei. O le tulaga ua i
ai lea mea e pei ona fesiligia e le afioga i le sui mamalu,
o lea ua i ai ni faatalanoaga ma i latou e agavaa i lea
mataupu. O lea la ua i ai fuafuaga a oo ina faatino ia o le
a maua......
O loo i ai le agaga faapena e pei ona tau atu o lea ua
amata ona faatalatalanoa ma i la tou mai fafo o e ua
silafia ma maua le tomai e tusa ai ma ia tulaga. O lea la
ua taumafai ina ia faia se lipoti maeaea lelei o ia
talanoaga ona ave foi lea i luma o le Malo ona tuu mai ai
foi lea e le Malo pe afai e aafia ni tulaga tau tupe.
O le a ou oo atu loa i le uafu lea i Aleiapta, o lea ua
mamafa le lui ua oo mai a Letiu ae faapea foi le
saunoaga a Sagapolutele i le uafu lea i Aleipata. Ae ai
foi ua outou faafofoga i le tali ua tuu atu i le agga o le
uafu lea, o le mea ua tupu mai ia te au sa ou nofo i fafo
peitai ua fai atu se tala ata na avatu e se tasi tagata mai
Tutuila na faapea atu ai ia te au, e i ai alii le mea ua tupu
i lo outou motu. E tau atu le mea ua tupu e faapea o mea
faigaluega na avatu e fai ai le uafu lea ua ua goto i le
sami, sa ou lagona le mafatia o lou loto ona e peiseai e
fai atu le faaupuga a lenei tagata ma se agaga faatauemu.
Ua oo mai la le lui lea e tusa ma fuafuaga o mea ia e i ai
le uafu ma moli uila ona oso loa lea o lou manatu i le
tulaga lea, pe faapefea oan avatu nei masini tetele nei toe
tupu mai ai se faalavelave ae poo ai foi la o le a pau i ai?
E peiseai o le mea na fuafua mai i lea vaitaimi ai o le
tagata sa tu i lea tulaga ou te le iloa poo ai lea tamalii na
tu ai i le taimi lea na faia lea tulaga. Sa ou faanoanoa ona
o le tulaga lea ona poo ai o le a pau i ai le totogiina o
mea faigaluega ua alu i le sami. Ona i ai foi lea o le
agaga ou te fiafia tele i lea tulaga ina ia fai le uafu ao le
mea lena o loo ou atugalu ai ona faape ai lea o le amnatu
ia taatia ia le uafu ae sei fai muamua auala e mafai ona
avatu ai ni masini se tele ma ia aua ai nei toe goto i le
sami. o le agaga la lea ua i ai ao le uafu ua i ai le agaga
faapea ao lei faia se galuega e tatau ona maua se mea lea
e taua o le environment facility study ma le social
feasibility study. O ia tulaga e le faapea ina ia avea ma
mea e taofi ai le galuega. Ona pau le faamatalaga aua o
lea ua taua mai ei ai se talosaga ia fai lea ma vaega ma
mea o Entry Board. O fuafuaga lava ua tuu mai i luma
ao le faatinoina e pei lava ona fai atu taatia maia nei
fuafuaga lelei sei maua sina toa lelei ona maua ai foi lea
o se tulaga e tatau ona faatino ai. O le tulaga lea ua ou
fia oo nei i ai o le SPDC. Ona o lea ua maua uma i le
saunoaga a le Afioga i le Palemia le agaga o loo i ai, o
lea ua faapea ai ua uma oan avatu le tasi maumaututu e
le Afioga i le Palemia i lea tulaga. O le tulaga lea i le
SPDC ua i ai aua o le tasi lea matata taua e i lalo o lau
Matagaluega, peitai ane ua ou oo mai ua faaiuiu le tulaga
i fefaatauaiga i mea a le SPDC. Ua i ai foi la ni
kamupani mai fafo ua latou faatauina ia mea, o lea la ua
i ai le agaga faapea masalo e tatau lava ona toe fai lea
Faalapotopotoga aua peiseai e i ai le taua tele o lenei
vaega mo le atiina ae ma le faiga o faufuaga a le Malo
ma le atiina ae o le atunuu. Ae peitai ane ua leai ni mea e
fai ai galuega, ona i ai lea o se agaga e faapea e tatau ona
toe faatulagaina lea Matagaluega mo le faiga o ia tulaga.
O mea faigaluega lea ua le o toe po se lilo o lena ua
faatau atu i tagata i fafo, ao loo i ai foi i lenei vaega le
overdraft e $1miliona ma ona tupu. Ou te le o mautinoa
lava e finagalo le Malo e totogi lea aitalafu. O le agaga
ua i ai ia toe faaolaolaina lenei Matagaluega o loo i lalo
o le vaaiga a le Minisita o Galuega.
Faafetai atu i lau Afioga i le Fofoga Fetalai, ou te tau
matau atu e fai le tatou malologa ua faataoto mai le fesili
a le Taitai o le Itu Agai, ua ou iloa lipoti ia ua faataatia
mai e tusa ma le agaga sa faaali atu ona o le agaga ina ia
toe faaolaolaina le SPDC i le tulaga lea ua i ai nei. O le
tulaga lea i le lipoti lea na taua e le Taitai o le Itu Agai, o
le lipoti lea a le ADB e pei sa sue lava poo fea se mea o i
ai aua ua le o maua e au i le faila poo faamaumauga lea
lipoti. E peiseai na ona taua i ni tusitusiga e taua ai o le a
faia se lipoti mo lea tulaga. O lau tali atu lea e tusa ma le
faafesili mai i le tulaga lea i le lipoti a le ADB. O loo i ai
foi tusitusiga o se fautuaga a le Treasury ma o ia
fautuaga e tonu lava ao le mea e tasi ua vaai i ai o le fia
faatinoina o fuafuaga o loo fia taumafai i ai le Malo ae le
o lava le tulaga o i ai le Ofisa o Galuega i le atiina aeina
o auala ma mea e faaaoga i ai e i ai masini, ma le tulaga
na ala ai ona faatuina lea Matagaleuga.
O lea sei tau saili ia lipoti ao le agaga lena o le vaai atu
e pei ona talosaga mai sui faipule mo a latou galuega e
fia fai a ua leai se mea e tua i ai le Malo. Ona ou oo mai
ai lea i mea faigaluega a le Malo, lau Afioga i le Fofoga
Fetalai e pei ona taua atu le faigata o le tulaga o loo i ai
mea faigaluega a le Malo, ua le lava mea o masini
mamafa heavy equipment, e faagaoioi ai galuega. E pei
foi la ona i ai le agaga alofa e tusa ma le talosaga mai o
alii faipule i mea faigaluega mo galuega e fia fai i auala
ae vaai atu e na ole lua lava masini (bulldozer), o loo fai
ai galuega o loo i ai i le Matagaluega na o masini ia o loo
fai ai auala. O D77 e lua ma le D6 e tasi, o le tulaga lea
ua i ai meafaigaluega a le Malo e faapea a outou afioga i
faipule o lenei Maota, o loo faaeteete ona avatu se tali
mautu e pei ona outou naunau mai i ai i ala ma isi mea e
ao ona le vaai atu i le tulaga faaletonu o meafaigaluega.
O le masini D6 bulldozer e tasi o loo lelei e ono ua le
aoga, e fitu le aofai D7 e fa sa i ai, e lua mea o loo aoga
lua mea e le aoga. O masini nei ou te taua e aoga tele mo
Saunoaga Faataupou Sui USufono 19861-2011
auala. E lua graders o loo aoga, e iva e le o aoga ona
maua ai lea o le 11. O loaders e 10 mea ua le aoga, e 3
mea o loo aoga ona maua ai lea o le 13. O mea o rollers
e 8, e 6 mea o loo aoga ae 2 e le o aoga. E faapea lava le
faasolosologa mai seia oo mai lava i lalo seia oo mai i
lalo o mea ia e tau o taavale lau uta e 32 le aofai, e 21 ua
le aoga ae 11 o loo aoga. O le aofai o meafaigaluega atoa
e tusa e 108 mai lenei 108 e 69 masini ua le aoga ae 39
masini o loo faaaoga.
Lau Afioga i le Fofoga Fetalai ma le mamalu o le Fono,
o le naunautai mai o sui i galuega ina ia faatelevave atu,
e faigata lava ona fai i ai se faiga pe a leai ni mea
faigaluega. o mea ia e tau o D7, e lua ona pau ia o mea o
loo fai ai galuega o auala o faatoaga. O le tasi le D6 o lea
e fai ai ala tetele o le Malo ma nai isi auala i tua i
alaalafaga o loo maua ai faafitauli. E aliali mai la i lea
tulaga o loo i ai faafitauli le faigata tele ona faatelevave
galuega tau auala i faatoaga. o le mea la lea e tau atu ai
ua oo mai loa ma ua vaai i le tulaga o mea faigaluega.
Faafetai i lau Afioga i le Fofoga Fetalai, o le tulaga ua i
ai le auala laupapa talu ai e i ai le fesili lea na tuuina mai
e le afioga i le faipule o Joe Keil, o le auala laupapa lea i
Vaimoso. E pei foi lava ona tuu atu se agaga ile taimi ua
tuanai e faamoemoe nei mea uma i mea faigaleuga ma
tupe faagaoioi ai. Ao lea lava e i ai le agaga ina ia
faatinoina mea e ao ina fai e pei ona tuuina mai e alii
faipule, na o se agaga ae taatia maia se fanoga sei fai i ai
ni fuafuaga atonu o le a maua mai lava se faatatau i le
vaitaimi o i luma ma ua leai nei la se mea ua uma atu lau
tautalaga. O lea e faamalulu atu ai foi i lau Afioga i le
Fofoga Fetalai.
Faafetai i lau Afioga i le Fofoga Fetalai, faafetai atu foi
i le fesili, masalo ua pau i lau faamaumauga le fesili lea,
ae taatia mai o lea o le a tagai i ai lenei vaega ma vaai i
ai i le faafitauli lenei i le maga fa lea na e taua i Saleufi.
Lau Afioga i le Fofoga Fetalai faafetai atu lava ae
faapea foi ona faafetai mo fesili sa laga. E pei ona fai atu
e taatia mai o lea o le a fai i ai se fuafuaga i ia tulaga. E
pei lava ona foi ona ou fai atu e mamao lava i ai le loto
ao le tulaga i mea faigaluega e faatino ai ua le talafeagai.
O le tulaga o mea e fia fai e le faaitiitia, ao le agaga sei
taatia mai sei oo atu le Matagaluega e vaai lelei i ai ona
faia ai lea o se fuafuaga. E faapea foi se tulaga i taligalu.
O lea lava o le a oo atu i ai o le a faamaumau iinei o le a
oo atu lava foi i se taimi e vaai tulaga ua faatagisia e
afioga i alii faipule.
O lea la ou te faamalulu atu ai foi la i le paia o le Maota
ma lau Afioga i le Fofoga o le Maota ma le Afioga i le
alii Palemia ma le vasega foi o alii ma faipule, ua maea
se tali atu a lenei Matagaluega e tusa foi ma se fanoga
mai a outou afioga e ala ia outou lauga faalauaitele. Afai
ua i ai se upu ua sala ia alofagia faatafea i nuu le aina, ao
le agaga lava ia taumafai malosi ina ia faatino mea e
lelei ai le atunuu mo aso o i luma. O lau upu lea ae ia
alofa le Atua ina ia fesoasoani mai i galuega o totoe o
lenei po, a sau se taimi taape le filialii ia fesoasoani le
Atua ma ia taunuu ma le manuia i aiga o loo faamuli mai
ae viia ai le alofa o le Atua.
Soifua ma ia manuia.
Afioga LEOTA LU II
Itumalo Faaalaalafaga:
Gagaemauga Nu.3
Filifilia:
22 Mati 1988
Faatauto:
7 Aperila 1988
Lauga Faataupou:
15 Iuni 1988
Lau afioga i le Fofoga
Fetalai, lau afioga i le alii
Palemia faapea sui mamalu o le Kapeneta, faafetai foi i
sui mamalu o le Palemene i ama le Malo o Samoa i
Sisifo.
Lau Susuga i le Ao Mamalu o le Malo, lau Susuga
Malietoa Tanumafili le II, lau afioga i le Fono a Sui
Tofia, lau afioga Mataafa Faasuamaleaui, faapea foi le
tapuaiga ia Pule ma Tumua, Ituau ma Alataua, Aiga i le
Tai ma le Vaa o Fonoti. Ae tainane foi se faafofogaaga
ia Samoa i Sasae, aemaise foi le tapuaiga ia Samoa i ona
fatafaitaulaga e fia. E faapea foi le tapuaiga i lou Itumalo
o Gagaemauga Nu.3. E amata mai lea i Safa‟i,
Sato‟alepai, Fagamalo, Lelepa, Vaipouli, Avao ma
Salei‟a. Le paia lava lea i le nofo a ituaiga i le Faleiva
ma le igoa o le Matautu. E faapea foi le aiga Sa Peseta
ma le latou Maopu.
Lou Itumalo pele, tapuai maia ma faamanuia maia, ae
sei ou liliu ane e molimolio‟o atu so outou finagalo e fai
lea ma sao o le tatou Itumalo i le faiga filifiliga ma faiga
manatu mo se lelei o le Malo o Samoa, aua le tulai mai o
le faigamalo a le HRPP mo le faafoeina o le tatou Malo i
lenei tolu tausaga.
Muamua, atonu ua tele nisi sui o uso a faipule na latou
molimoli atu le agaga lava lenei e tasi, ae peitai, e le foi
ai se manatu e tatau pea ona ou talanoa atu. Muamua, o
alatele o le Malo. A silasila i le talafatai i le amata atu i
Salelologa sei oo atu i Pu‟apu‟a. Atonu e le o afaina tele
ia ogaala. Ona amata atu ai lea i le va o puapua se i oo
atu i le Itu o Tane, faasolo atu sei tau i Aopo le Itumalo o
le afioaga ia Polataivao, o le mafatia ia o ia itumalo i le
leaga o auala. Ou te le o maea ta‟u atu. Toetoe lava tupu
mai se faalavelave ona o le leaga o nei ogaala. Matou te
le o faapea atu la i le Malo poo le afioga i le alii Minisita
ina ia faia ae ia alofa silasila toto‟a i lea vaega o loo
lamatia ai le soifua o tagata i ia Itumalo o loo feoa‟i i le
alatele o le Malo.
E momoli atu foi le agaga faamalo ma le faafetai i e
uma e fai a latou taavale aemaise latou o loo umia
laisene pasi ma loli mo le latou tautua i le atunuu ona o
le lē manatu i le leaga o le auala ae peitai o loo fai pea le
latou tautua e ala i le feavea‟iina o tagata o le atunuu.
Faamalo i faipisinisi uma o e fai pasi mo lea tautua. A
o ou i ai lava i le Matagaluega o Galuega e ao lava foi
ona avatu se sao o lenei itumalo e molimoli atu ai le
agaga vaivai ona o matou vaipaipa, sei tulou. Atonu e le
Saunoaga Faataupou Sui USufono 19861-2011
o afaina tele e pei o nisi itumalo, ae ou te talitonu e
mafai ona faaleleia atili le vaitaumafa o lenei itumalo. O
le fautuaga lea i lau Afioga i le Minisita, lau Afioga
Leiataua.
Toe foi atu lau tautalaga i le isi vaega o mea tau eletise.
E pei lava ona silafia, o le mamalu o le motu e tusa o le
2/3 o le motu ua ola uma latou i le eletise lea e tusa ma
le 24 itula o ola pea. Ae paga lea le Itu o Tane, sei aumai
so outou finagalo pe aisea ua outou le fiafia ai i ia tulaga.
Afai foi la ua le oo i ai sa outou faasoa ma la outou pule
i se eletise ina ia faauiina atu i Saleaula e oo atu i Aopo.
Ou te lagona ona o le utiuti o tatou tupe, ae o le silasila
atu o le Maota Fono ma lo‟u va‟ava‟ai atu ua feoloolo
sia tupe ua faatatauina mo lea tulaga. O le a le talosaga a
toe avatu pe tuuina atu ona ua silia nei i le sefulu ma ona
tupu tausaga o mu eletise le 2/3 o Savaii ae faagalo le Itu
o Tane. O lea le talosaga mo lau afioga i le Minisita o
Galuega.
Atonu e le o po se lilo i e femalagaa‟i i le va o le
Itumalo o le Itu o tane seia oo mai i le Faasaleleaga i le
tulaga pagatia i le itu tau taligalu, se‟i tulou. A outou
silasila i ai ae louloua le gataifale, ou te le fai atu sa‟u
faamatalaga. A o‟o ina timuga, tafe mai le vai mai
Vaipouli, ae a o‟o ina afā ma fati atu le galu; o le a le
mea a tagata o lenei itumalo e fai? Ia na o le afisi lava o
tamaiti ma o agai i le a‟ega, sei vaeatu le paia o le Fono.
O lea e talosaga atu ai sei silasila toto‟a i lenei mataupu
ina ia alofagia taligalu o lenei itumalo. A silaila foi i ai
ua toetoe lava alu le alatele o le Malo i fale o aiga ona o
le faaletonu o taligalu. Ae taatia atu pea i lau afioga a le
Minisita ma le Pule o lenei Matagaluega mo se faatatau.
O le a ou see atu i le Ofisa o Femalagaaiga faapea vaa
lau pasese. Atonu sa i ai se sui na saunoa i se taimi ua
mavae faapea e alu atu le pasi mai Salelologa e o‟o atu i
Iva ua tau maua i le pu‟eia. E sao le sui, ae afai la e te
malaga mai i le Itu o Tane e taunuu mai i Salelologa ou
te iloa ua toeitiiti oti.
Ona oo mai lea i Salelologa i le mea e faamautu i ai i
vaa, o le tasi lea vaaiga e matua sili ona faanoanoa ai le
agaga. E faanoanoa ona o le vaai i le tulaga faalemanuia. Atonu ua tulai mai ni fale lelei na gaosia e nisi
uso agalelei mai fafo, ua faaleleia la lea. A o le faasolo
atu lea agai i le vaa o iina tonu lava e faasino foi i ai lau
faamatalaga, a outou silasila foi e ese ona usu mai i le
vaveao saofai ma nonofo i totonu o le pa tulouna, a oo la
ina feteenai pe a tumu e te silasila i ai o le pa lea i lau
faatusa ma lau vaai e faatusa i le sikotia a manupapalagi
vaeane le paia o le Fono. E vaaia ma le faanoanoa ni tina
matutua ma ni tama matutua tamaiti, sei vaeatu lava le
paia, e lagona ai le faanoanoa.
O nisi la taimi ua manaomia ai fale‟ese vaeatu lava le
paia, o lou lava sui e tautala sa‟o, aua foi ou te lei sau e
nofonofo i le nofoa, leai nao u sau e ta‟u atu i le Malo
tulaga o loo vaivai ai le gaoioiga o le soifua maloloina. E
i ai nisi taimi poo le ta o le 4:00 poo le lei taina o le 4:30
i le vaveao ua i ai tagata e sauni malaga mai i Upolu nei
ia ae a outou silasila i ai e le tatalaina faleese ia i matou.
Ia a o fea la o le a tuu iai nei tagata vaeatu le paia pe afai
ua fia faaaogaina le faleese. Ou te tau atu lava ma le
amiotonu ma le faamaoni e le tau poia foi ni upu faapea
aua o mea lava ia e tatau lava ona ta‟u atu i le Malo ma
le atunuu.
O lea la le talosaga i le vaega o loo vaaia lea tulaga ia
silasila totoa i ai ma ia faatonu e latou te vaaia fale ia ina
ia tatala mo le faaaogaina o le atunuu i le 4:00 poo le
5:00 aua tagata ua leva ona malaga mai e sauni mo le
vaa.
Ona ou oo atu ai lea i le malaga i vaa. O le vaaiga
faanoanoa foi lea, ma le olaga pologa, ae atonu ai ua tai
faamanuiaina lo tatou pologa, aemaise lava le motu i
Salafai o loo fai ma latou faimalaga mai i Upolu nei.
Atonu ai ua tai aumai se faamanuiaga mai le lagi e
aumai ai ni vaa lelei. Ae afai foi pe sau se taimi
faamanuiaina aumai se fesoasoani poo se vaa, ia e ave
atu ai ma le talosaga vaivai a lenei lava sui. Ia tau lava o
le va o upolu ma Savaii e feoai ai nei vaa pe afai lava o
iai se vaa e faamoemoeina ina nei ave ave foi tei foi ua
alu i Tutuila. E faapaia lava vaa uma i le va o Savaii ma
Upolu ae emo ifo lava le ata ua alu i le va ma Tutuila.
Afai la ae manuia lea taumafaiga, ia aua foi nei fai fai
toe faatau pei o lea vaa na faatau atu nei. O le talosaga
lea i lea vaega, poo lau afioga i le Minisita o loo vaaia
lea vaega ma lea Matagaluega, tautuana ma oe ia ea le
pologa o e faimalaga mai Savaii. Ia aemaise foi Tumua
nei, lea foi o loo femalagaai i vaa vaeane lava le
faafofogaaga a le atunuu.
O le a ou see atu i vaalele. Tasi lenei vaaiga matagofie
o le malae vaalele. Atonu foi e lei faigofie le faafoeina o
se malae vaalele. Matagofie mea uma, leai se mea o
faaletonu, na ona toe teuteu lava. Ae o le agaga e sili o le
fia talosaga atu i le afioga i le alii Minisita e i ai nisi
taimi e malaga mai ai matou i le motu i Salafai ma
suavai vaeatu lava le paia ma le faamoemoe o le 3:00 i le
afiafi e malaga ai le Polenisia. Ae tei ane ua faapea mai
o le 3:00 i le vaveao, ona oo atu lea i le vaveao ae fai
mai faatoa alu i le isi aso. Sei silasila totoa lava i taimi o
vaalele. Poo le a faapefea o le a leaga ai lava iina. Pe leai
se tulafono e afaina ai vaalele pe a le tausi i lena taimi.
Ae o lea foi ia a faatusatusa atu ma atunuu i fafo, a le
alu le vaalele i le taimi na faatonuina e alu ai, e totogi e
le kamupani vaalele le faletalimalo e nonofo ai tagata.
Afai lava o le Polenisia, e totogi lava e le Polenisia, aua
foi ua ala ona faaletonu o le Polenisia ae le o tagata.
Ia ona o Samoa lava ia e ese ana faiga, e maua ai le
feavata‟i. Ae masalo ai ana o atunuu mamao, ia masalo
ai ua leva ona le toe i ai se Polenisia, i le tele o nei
faafitauli e tulai mai. Ou te talitonu o le a oo ane i ai se
finagalo o le afioga i le alii Minisita e faafeagai ma lea
tulaga.
E momoli atu lau faamalo i lau afioga i le Minisita, lau
Susuga Jack Netzler, ona e lei leva ona e tulai mai, ae ua
foia nisi o faafitauli sa i ai i le va ma Tutuila. Ua vaaia le
matagofie ua pei vaalele laiti ia e i ai o ni vaa
faatonutonu mamao, na ona pau mai lava o le SPIA lele
atu le Polenisia. Faafetai atu ai, ona ua molimauina lou
mataalia i tulaga uma e pei ona i ai.
Saunoaga Faataupou Sui USufono 19861-2011
O le a oo atu sau faamatalaga i le Fale Meli ma
Uaealesi. Atonu o lenei mataupu o se mataupu e
faafaigata. Au asa ou maua mai ma ou talatalanoa lautele
i le amataina o le Fale Meli fou poo le Fale Meli tuai ua
na ona tuu i ai o ni nai teuteuga e faamanaia ai. Ua
matou omai foi e ese le manaia. Maeu foi le sogasoga o
le sa tulai mai i le tofi a Minisita i lea foi taimi. Sa ou
maua foi i ni faamatalaga e faapea na amata mai i se tau
maualalo ia ae mulimuli ane ua i se tau maualuga tele. E
faapea se tala e $5miliona se tau na fuafuaina e tatau ona
maea ai ae uma ane ua $7miliona ea pe a.
Ona sosoo mai ai lea ma le faafitauli o loo feagai ai nei
ma lau Susuga Netzler, i le tulaga lea o moli. Ioe, ou te
talitonu ua tofu silafia le atunuu i faafitauli e feagai ai
ma oo i ai a tatou meli. Ae a outou silasila totoa ma
mafaufau vaeatu le paia o le Fono, talofa i alo ma fanau
o o latou valevalega ma o latou alofaaga. E fai se tusi ae
momono i ai i totonu sina seleni mo faalavelave o nai
aiga. O se tina ua tusi atu mo le peleti o le faifeau ma
mea faapea. O fea la e iu i ai ia mea? Ia o loo mauoloa ai
se tagata se toatasi. Ua leva foi ona faia nei faiga faagaoi
i totonu o lea Matagaluega, ia ae o lea lava e vaavaai atu
e pei lava e leai se mea o faia i ai. Ae ou te talitonu ua
sagai atu nei le Minisita mo se Komisi Suesue e faasino
tonu lava i tulaga o loo faaletonu ai tulaga ia ma le
aveesea o moli. Afai ae fai suesuega ae maua poo ai na
tagata o loo latou faia nei amioga ou te tau atu aua nei
fefe e falepuipui. A maua o nisi o i totonu o le
Matagaluega, sui mai nisi tagata ina ia faafoia ai lena
pologa. Talofa i matua, alo ma fanau o loo auvasa
mamao ae aumai o latou alofaaga e auala mai i se tusi
ma sina tupe pe $10 pe $20 ia ae aumai le iloa ai iina.
O le mataupu o le a ou tautala i ai, o Faasalalauga ma
Uaealesi. Atonu o le a le afaina tele i sau talanoa ae pau
lava le fautuaga ma sau talosaga, ua faale maua atu le
Minisita o tausia le Matagaluega. Ia, o le afioga a le alii
Palemia. Sa i ai se vaitaimi ina ua uma mai le faiga
palota sa ou lagona, o upu a ia o upu sasa‟o, ma o le
Maota foi lenei e faaali ai mea moni lava na tutupu. Ina
ua fia avatu se faasalalauga a lau afioga ma le Vaega
Faaupufai a le HRPP, ae tali mai e le mafai ona
faasalalauina. O lea e fia faafesili atu ai pe aisea ua le
mafai ai lea vaega. Poo tatou ea e tau faa-komunisi a
tatou mea? Ia e talosagaina lea tulaga ina ia aua nei toe
vaaia lea tulaga i lau faatautaiga. Sa taumafai e ave se
faasalalauga a lenei Vaega Faaupufai e ave se
faasalalauga i Pagopago e faasalalau mai ai ona ua le
maua se avanoa i lo tatou Ofisa Faasalalau. Ui i lea, ua
faataunuuina mea uma i le filemu ma le faatasi mai o
Iesu Keriso.
E talosagaina foi lau afioga i le Palemia ona e oo lava ē
e faatautaia i tulaga tau moli. Silasila ane i le pologa o
loo i ai le Itu Faasaleleaga i le tatalaina o le Ofisa mo a
latou meli, ona e na o le tasi le aso o le vaiaso. E te
talosagaina ina ia tatala i aso uma. O lenei foi itumalo o
loo i ai lo latou falemeli se talosaga ina ia faasao mai ai
foi i le tele o le gaoi i nei ona po. Nei tupu mai se
gaoioiga ona o le faatamala ma le le faia ia lelei o ia
falemeli. Silasila ane i ai lau afioga ina ia faaleleia lea
tulaga ina ia faafaigofie lava fesootaiga mo aiga i fafo e
auala i meli ma tusi.
O le mataupu lea sa ou faalogologo atu i ai i se taimi, o
le mataupu tau tagata tafafao maimoa mai. Sa ou maua
atu e faapea, e pei ona saunoa i ai Leleisiuao, e ao ona
maketiina lea atiina ae i fafo. Atonu e le o se mea leaga,
o se mea lelei tele lea vaega. O le avatu lea o tala o
Samoa i fafo o le lolofi mai foi lea o tagata tafafao
maimoa mai. Ae a lolofi mai nei la o fea a nonofo ai? O
le itu lea ou te lagolagoina ai le atiina ae o le faletalimalo
o le Royal Samoa Hotel. Aua afai ae lelei a tatou
faletalimalo ona faigofie lea ona maketiina le atiina ae i
fafo. E pei ona saunoa i ai Leleisiuao ina ia faia lelei so
tatou ofisa i se atunuu o Asia e faatau atu ai Samoa i
atunuu o Asia. Ae ou te leiloa poo fea o le a momono
solo ai tagata pe afai e le lava faletalimalo. O atu i le
Tusitala, ia e le taitai ona lava potu, o atu ia Aggies e le
o lava foi potu. E le o lava atiina ae tau faletalimalo. O
lea e talosagaina ai ina ia fesoasoani ia i latou e talosaga
mai mo atiina ae tau faletalimalo poo faletalimalo laiti
(Guest House). E fai fale e faia i luga o matafaga.
Se‟i ou toe me‟i tasi atu i le Fale Meli. Ou te fia fesili
atu i le alii Minisita poo fea ua oo i ai le Kapeta lea e
faapea e $52,000 lona tau sa faamoemoe mo le Fale
Meli, poo fea ua oo i ai? Poo teu e se tasi se‟i toe aumai i
se isi taimi?
O le a se‟e atu la‟u faamatalaga i le Ofisa o
Femalagaaiga. Ou te talitonu pau lava lenei o le atiina
a‟e a Samoa i Sisifo leai lava ma se pene e fai a‟i. Aua
na ona aumaia lava i le uso i fafo o le pasese o le uso
iinei, ia ona totogi lea ma malaga. Ae paga lea, o sina
talosaga i le Afioga i le Palemia, se‟i toe silasila ane lava
i lea vaega o le Tulafono. Afai ua faataga mai e Niu Sila
le afe ma le selau i le tausaga, ua tatau la ona faia se isi
fuafuaga. E i ai le faauo o Niu Sila ma Samoa ua leva,
leva tausaga o fai pea. E ao ona silasila i le tulafono.
Aua foi nei toe tuuina atu ni tagata e faaono faaleaga ai
le igoa o Samoa i Niu Sila poo se isi lava atunuu. O lea
foi e i ai le tulafono, a falepuipui le tagata e le toe mafai
ona oo atu i Niu Sila sei vaeatu le paia. Ae ua ou vaai ua
tele le anoano o ia tagata sa soli le tulafono ua malaga
atu i Niu Sila. E le gata foi i lea, e tatau ona silasila ane
Ofisa o Leoleo i faamaumauga poo se tagata lelei poo se
tagata le lelei, poo se tagata maitaita gofie, e ono tupu
mai ai se faalavelave.
O lena sa outou faafofoga atu i ai i se vaitaimi e le i
mamao atu ou te le ma e tau atu, talofa ia Samoa o loo
taumafai e faaleleia lona igoa i Niu Sila. Ia a o lea ua tau
sapelu ai vaeatu le faafofogaaga a le atunuu ma le
mamalu o le fono. O le vaega mo le itu tau femalagaaiga
mo se faataitaiga sa tupu mai i le vaiaso poo se masina
talu ai, e i ai se tamaitiiti na malaga mai i Amerika o
matua o Samoa ae oo mai ua fai si faaletonu ua uma le
aoga o le tusi folau. Ona taumafai lea o se faiga i le va
fealoaloai aua o le tamaitiiti o le Samoa e na o le 13 ona
tausaga. Ae o le tali a le ofisa e toe faafoi i Amerika, ia
paga lea o le tagata o le Samoa o lea e aumai iinei i
Saunoaga Faataupou Sui USufono 19861-2011
matua. Afai foi ua faatamala i le vaaiga o le tusi folau, o
nai mea ia e mafai lava ona fai i luga o le va lelei. Lau
afioga i le Palemia, faufautua ane i lau Matagaluega.
O le Ofisa o Fela‟uaiga… Faafetai i lou uso a faipule
na faatuina le lafo ma lē foi na faaluaina. Atonu ua tele
ni sui ua saunoa ma fetalai i le vaega o se vaaiga
faanoanoa i itu e aafia ai le soifua o le tagata ola. O le
vaaiga i pasi, a fia tu a le pasi ua tu ai lava, poo le mea e
piki ai le pasese e tu lava i le moa o le auala. Lea sa taua
e le Tofa ia Leafa Vitale, ou te matua lagolagoina lea
tulaga. Ia silasila foi i le laiseneina o taavale lea foi na
taua e Tuimaseve. O la e nofonofo mai Savaii ua faafia
ona o ane i le Ofisa o Leoleo e pa i ai taavale ae o lenei e
le‟i malaga atu le alii pasi taavale mai Apia nei. Ae a pe
a i ai ni tagata i Savaii lava ina ia foia ai le maimau o le
taimi ma penisini e alu.
O le Ofisa o Leoleo e manaomia le faamalosia o le pule
o i leoleo. Ua vaaia ma le faanoanoa ua tauau ina fefefe
leoleo i tagata ae o le mea ua tatau ona fefefe tagata i
leoleo aua o loo i ai le pule faale-tulafono. O le agaga e i
ai e taumafai ona fesoasoani tagata lautele i galuega a le
Ofisa o Leoleo. Soo se auala poo soo se taimi e vaaia ai
se faafitauli e ono tagatavaleina ai alii leoleo e ao lava
ina fesoasoani i ai.
O le Ofisa o le Soifua Maloloina. Ou te talitonu o le
tusi lenei o itu sili i le soifuaga, o le soifua maloloina o
le tagata. Muamua, sa ou iinei i le 25 tausaga talu ona
tutoatasi le Malo o Samoa i Sisifo, sa vaaia ma le
faanoanoa i totonu o le taulaga pei a ona ou taua i le
taimi ua mavae i mea lava nei o faleletaua. Ua le lava o
tatou fale ia. Sa vaaia ma le faanoanoa ona ua leaga uma
tatou ma‟a i le apitagalu, ou te le ma e ta‟u atu vaeatu a
le paia o le Fono. E tatau lava ona fai se faiga ia matua
faatele faleuila vaeatu a le paia o le Fono aemaise o
vaitaimi faapea e i ai le Tutoatasi, o lea e talosagaina ai
lau afioga Polataivao o oe o le taitai o loo taiulu i lea
Matagaluega, ia e asiasi pea ma vaaia le taulaga i lea
tulaga ina nei maua mai nisi faama‟i e sili atu le leaga i
lo le AIDs.
Ia ma e talosaga atu ai i lau afioga i le alii Minisita sei e
silasila atu i falema‟i o lenei itumalo. O le falema‟i i
Tuasivi, ia, o Tuasivi o le falemai aupito tele lea ia
Salafai e faanoanoa ai lava le agaga ona o le tulaga o i ai
ua fai lava si faale-lelei o le vaaiga.
Ia ona ou oo atu ai lea o sa‟u tautalaga atonu ua tele foi
nisi o sui sa taua lenei itu tau tiute. Pei ona sa ou maua
atu, sa faaalia e se sui sa taua lenei itu tau tiute. Pei ona
sa ou maua atu, sa faaalia e se sui usufono o le Palemene
i tulaga lava ia tau i meaalofa e aumai i fafo e pei o leitio
a aumai le leitio lea i totonu o le atunuu e uma ane ua
faatoluina le tau o le leitio ona o le tiute, pau lava le mea
o le samala loa ia malepe ua uma foi le fia fai leitio. O
lea e talosaga atu ai i le alii Minisita o loo faafeagai ma
lea tulaga pe le mafai ona tuuina atu se vaegatupe poo se
$250 ona faatoa tiute ai lea ina ia maua ai se toomaga
mai tiute.
O le agaga lena ma le taofi o lou nei sui usufono.
Faafetai pe a ua faamalieina la outou faafofoga i se
agaga vaivai o lenei sui usufono. Ia manuia le Fono.
Afioga MISA TELEFONI
Itumalo Faaalaalafaga:
Falelatai & Samatau
Filifilia:
22 Mati 1988
Faatauto:
7 Aperila 1988
Lauga Faataupou:
17 Iuni 1988
Lau Afioga i le Fofoga o le
Fono, lau afioga i le alii
Palemia, afioga i Minisita ma Sui mamalu o le Maota. E
fia avatu lau faafetai i lau afioga i le Fofoga o le Fono
ona o lenei avanoa ua e tuuina mai i le sui o Aiga ma
Leulumoega e fai ai so matou sao. Ae ou te faatulou atu i
lana Afioga i le Ao Mamalu o le Malo, le Susuga ia
Malietoa na faalogo i ai Samoa, lana afioga i le Sui o le
Fono a Sui Tofia, le afioga i le Tama a Aiga, le afioga ia
Mataafa Faasuamaleaui Puela, le paia maualuga i Aiga
ma a latou Tama, Tama foi ma o latou Aiga, Tumua ma
Pule, Ituau ma Alataua, Aiga i le Tai ma le Vaa o Fonoti,
Faleupolu o Tofiga, Masiofo, Faletua, Tausi ma Saoao
aemaise foi le tapuaiga a auauna a le Atua i soo se
fatafaitaulaga. Ae tainane foi o tatou uso i Amerika
Samoa.
Lau afioga i le Fofoga Fetalai, ia e muamua lava ona fia
avatu le faamalo a lo ta itumalo. Sei avatu lava lou suafa
o A‟eau, o lau afioga o le tino faale-Aiga o le tino faaTuimalealiifano. Ua avea foi lou tulai mai i lenie tofi i
tiute maualuga o le Malo ma mitamitaga i le Aiga
Tauaana ma le latou Tama, ia manuia lau afioga, talosia i
le alofa o le Atua ia maua lou fesoasoani aua lou
tauaveina o ou tiute. Ia avea ai lau afioga ma Fofoga
Fetalai o le tatou Palemene.
Lau afioga i le alii Palemia ma le mamlau o le
Kapeneta, ou te manatu o au lava le sui na muamua
avatu lau tusi e avea ai au ma sui o le matou itumalo, e
avatu ai le matou faamalo ma le faamanuia talu ai lo
outou tumai mai e pulea Samoa i lenei taimi. O outou
mama na. Ma e faapena foi ona avatu ai i lena tusi le
mataupu o loo avea nei ma mafatiaga o lenei itumalo i
aso taitasi. Ou te manatu i lau afioga i le Fofoga Fetalai
ma le mamalu o le Maota e tele ni auala faaletonu poo ni
auala leaga sei vae atu le tatou atunuu. Ae ailoga e i ai se
isi e ioe i le auala e aupito i leaga o le auala lea e taua lau
afioga i le Fofoga Fetalai, o le auala a le Itumalo o Aiga
ma Leulumoega. O le mea moni lau afioga ona o au nei
o le sui fou, pau lava le upu ou te tau avatu o le mataupu
o la ou te iloa ua leva ona tatau ona fai, ou te le fesiligia
poo ai e tatau ona tuuai i ai. Ona pau lava o lea, o lea e
silafia e Saoa atoa, Aiga ma Leulumoega le itumalo lea o
Samatau e numera tasi, e numera tasi. E leai se vaa e alu
ese ma Samoa mmo Niu Sila i le tele o le fia sefulu pusa
Saunoaga Faataupou Sui USufono 19861-2011
tetele o talo. Ou te masalo pe 520 pauna le popo. O le
aofaiga o tagata lau afioga i le Fofoga Fetalai e 19,595.
A o le mea moni foi, e lagolago e le matou Itumalo le
Sao ua taua faapea o le Sui Faaopoopo, a o le mea moni,
e tatau foi ona i ai se Sui Faaopoopo o lenei itumalo, talu
ai le tóatele o tagata ma lona tamaoaiga. Aua o sou
manatu vaivai, o le tamaoaiga e tua i ai poo le a se Sao o
le atunuu e tatau ona ave i se itumalo. E tele naunau pusa
talo o le vaa ae ui i lea lau Afioga, e leai, ua lava le
faatuatua i le Susua ia Leiataua. Ia avea ia foi lenei
avanoa e avatu ai le faamalo a lenei itumalo i lau Susuga
Leiataua, atonu o se mea na faia e le Atua, ia avea lau
afioga ma uluai Minisita o le Aiga i le Tai, ona ou
faamuamua ai lea i le ta auala. Ou te manatu Leiataua ou
te le tau fai atu i lau Susuga i le alii Minisita, atonu o
taeao o le a taavavale ai masini ma amata ona faaleleia le
ta auala. Aua o le mea moni, o le mea o le fafine foi lea
ua faatiga sei vaeane le mamalu o le Maota, ua tau
augatata le matou itumalo e o mai i le falemai lea i
Motootua. Ae leaga foi i le alii Minsita o le isi lea paolo
e faamoemoe i ai Aiga o le afioga ia Polataivao, e
mitamita ai foi Aiga.
Ia lau afioga i le Fofoga Fetalai, ua tau augata le matou
itumalo e aumai fafine foi nei o loo faatiga i le tatou
falemai i Motootua. O lona faalavelave, e lei oo mai le
taavale i Samatau, ua fanau le fafine sei vaeatu le Fofoga
fetalai ma le mamalu o le Maota. Leai, o le mea e ala ai
ona faigata le mataupu ia matou lau afioga, ona o aso
taitasi, e le fia faataua se taavale fou a le itumalo lenei,
aua a faatau le taavale fou, e lua pe tolu malaga ae
malepe le taavale. Ia lau afioga i le alii Palemia, aemaise
lau afioga i le alii Minisita, o le vaega lea i le ta auala, e
tatau lava ona amata atu i Mulifanua i le uafu sei tau i o i
le mauga. Ae afai lava o le a tau atu se auala e tau i o i
Lefaga, ia masalo o le auala lena o le a omai ai Lefaga i
Apia, e ui mai i le mauga ae oso mai iina i le matou
auala.
Faafetai atu i lau afioga i le Minisita, aua sa tau asa fai
lau asiasiga i le tatou falemai, ma o le mea moni, o lenei
falemai e lei alu ai se sene e tasi a le malo. E fai ma
faitioga a lenei falemai, e leai ma se sene e tasi na ala ai
ona faatele lenei falemai aua sa i ai le folafolaga a le
malo o le a fai le fomai tumau. Ioe, o le folafolaga a le
Malo, a oo mai lava i le aso o le faafouina, o a lava nisi
mea o loo fai i le matou falemai, o la lava e punou lava
le itumalo ma fai faalelei.
Ia e talosaga atu i lau afioga o le paolo e mau ai Aiga, i
le Minisita o Falemai, ia tau lava ina manatu e tatau ona
fai se tatou fomai tumau. Aua a tuu i se isi itu, ia e ova i
le 19,000 le matou itumalo. E faigata ona aumai ia ma‟i
tigaina i lo tatou Falemai Tutotonu i Apia. Lau afioga i
le alii Minisita, lau Susuga Jack Netzler, ia e avatu foi le
faamalo i le alii Minisita, ia ona o le itumalo e pei ona ou
taua na o le tasi lava le telefoni. Ma o le telefoni lenei o
loo i ai i Siufaga. Ia ma e talosaga atu ai e tatau ona i ai
nisi telefoni se 4 e faaopoopo i ai. Ia ma fai nisi telefoni
se lua mo Samatau aua o le tasi lenei nuu tele. Ia e
faapena foi se telefoni i Pata ma Matautu, aemaise lava
taimi o faalavelave, e faigata tele. Ia aemaise la pe a
faapea ua maliu se isi vaeatu le mamalu, ia o loo fia
maua se telefoni i Niu Sila e logo atu i ai aua e mamao
atu tele Siufaga. A talia le talosaga a lenei itumalo,
manaia tele. O lea ua i luma o lenei Maota lau faafetai.
Lau afioga i le Fofoga Fetalai ma le mamalu o le
Maota, e tatau ona faamuamua ni ou manatu i le
Matagaluega lautele o loo pulea le Aufaigaluega a le
Malo poo le PSC. Aua foi e mafai ona o ulaga le tele o
ona faafitauli e fitoitonu i le aufaigaluega a le Malo e
aafia tele ai nisi Matagaluega.
Ma lona lua, o le totogi o le aufaigaluega a le Malo. O
le mea moni, e le taitai ona lava totogi o le aufaigaluega
a le Malo. Ailoga o i ai se sui e faatuiese i lea manatu, e
le taitai ona lava totogi o le aufaigaluega a le Malo. Ae o
le fesili pe faapefea ona fofo lea faafitauli. Aua o le mea
moni e faigofie ona faalele faapea o le faafitauli, ae
faigata ona sue se fofo. Sa i ai lava si manatu vaivai i si
ou lava manatu na o au, ou te manatu o le faigata o le
mataupu ona ua sese le fua e fai ai totogi. Aua o le mea
moni e mafai ona ou faatusa o se pisinisi. E faapefea ona
fua i le fua a le faipisinisi ia totogi o lana aufaigaluega?
O le mea muamua, e le tatau ona fua i le tele o tausaga o
le tagata faigaluega, o le mea moni, e le tatau ona fua i le
tikeri. O le mea lona lua e le tatau ona fua i na mea a o le
mea e tatau ona fua i ai poo le a sona Sao i le pisinisi.
Aua foi a i ai se isi e mafai ona e faafaigaluegaina ae
maua ai se tupe fou e $50,000 o le pisinisi e lei maua
muamua, aisea o le a le fua i ai le $45,000. O le $50,000
lea ua ala mai i lenei tagata faigaluega, ua maua ai lenei
tupe e te le i maua muamua. Ae i lou lava manatu vaivai,
e mafai ona tatou tuuina atu i le Malo ma le aufaigaluega
a le Malo le fesili e pito i faigata lava lea ma e ala ai ona
faigata ona avea le totogi lelei, o le faafitauli lea i le va
ma le poto masani. A faapea o le a alo atu nei le Malo e
faaleleia na o i latou latou te faia totogi o le a faapena
ona tetee i le aupoto masani. Ma o le mea moni ou te le
faitio i ai, aua o lou manatu o le Sao lea e i ai le aufaitikeri, ma le sao lea o i ai le aupoto masani ua tali tutusa
lava. O le mea la e tatau ona agai i ai le Komisi e Pulea
Galuega a le Malo e fua i le Sao.
Lau afioga i le Fofoga Fetalai ma le mamalu o le
Maota, a mafai ona ou toe faia se isi faatusa, ia e faatusa
i lou nei tagata. Ma ou te faatulou atu foi i tamalii o le
atunuu o le a ou faatusaina i lou faatusa. O le faatusa e
faatatau i le faavasegaina o Manu Papalagi i ona ituaiga
eseese (master) se i vaeatu le paia o le Maota. O au a
faavasega au Manu Papalagi e i ai ma le fomai manu le
Susuga Faafetai Parker, ia e i ai foi ma le Sui o le
Itumalo, le afioga ia Patu le afioga i le Aoee le Tama lea
o Taisali. O le Susuga ia Faafetai na te tuiina le toto o le
povi, e saili aii pe maua i le faama‟i foi lele e aafia ai
povi (brucellesis). Ae o le Susuga Taisali e masani foi i
uiga o povi ma faavasegaina ituaiga o povi. E eseese o la
tiute i le faiga o le galuega. Ia ma ou te manatua ai se
mea na tupu i lou tama. Sa i ai se tagata masalo o le
Polofesa poo se tagata foi ua aoaoina faapitoa i mea tau
atiina ae povi, sa asiasi atu i le matou faatoaga. Ona oo
Saunoaga Faataupou Sui USufono 19861-2011
atu lea talanoa ma le toeaina talatalanoa, talatalanoa ona
fai atu loa lea o le polofesa, o oe la Amani, o i ai sou
tikeri? Pe na o aoga faapitoa i mea tau lafumanu. Ae fai
atu le toeaina, e leai, o au ia nao u ola mai lava ii faatasi
ma si ou tama ma maua ai sina atamai i lea foi matata.
Toe fesili foi lea o le tamaloa lea, e faapefae la ona e iloa
le vao leaga? Ou te manatua lava le tali a lou tama na fai
i ai, fai mai, o a‟u ou te lei aoga i na mea, ae ou te iloa le
vao leaga e le aia e povi. O le mea lena e ala ai ona ou
tausisi atu e tele le aoga o le poto masani. E aoga foi le
tikeri ae sei toe fo‟i atu lau faamatalaga i le galuega lea e
faia o le tuuufaavasegaina o povi eseese ma suesuega e
fai i ai. A ou fesili atu ia Faafetai poo le a lana vaai po ua
to le povi? Ae tali mai Faafetai, sei fai ana suesuega e fai
mai Faafetai sei fai le suesuega ae oso mai Taisali, se o
lena ua leva ona to le povi lena, o le povi lena e to e le
tau faia i ai se suesuega. O lena e iloa mamao atu lava. O
le isi faatusa lau afioga i le Fofoga Fetalai ma le mamalu
o le Maota o le povi foi lea o le Pulu, a fesili atu i le
fomai manu pe faapefae ea ona iloa le povi lea pe lelei,
ae tali mai ia e tatau ona faia i ai ni suesuega, leaga le
mea e faigata. Ia o lea o le a avatu nei le povi ma tau
faafoli polo ae se‟i mai le su ama ave e suesuue i le potu
suesue. Ia a o lau fesili i si ou tama a o ola ou te fai i ai, e
faapefea ona iloa tama pe lelei le Pulu.
O lea la ou te fai atu lau afioga i le Fofoga Fetalai, e le
faapea ua ou fai atu a togi le siusiu o le povi fafine ona
iloa lea o le a maua se tamai povi i lena feusuaiga sei
tulou. Ae o lea ou te fai atu e taua tele ma maualuga le
malamalama o le poto masani.
Afai ta te alu atu e avatu so ta tama ia poo ni outou alo
foi ma ni a latou fanau, ailoga o i ai se isi o tatou e
popole i le totogi o le falemai. Pau lava le mea taua ia i
ai le fomai ma ia i ai se fomai lelei ma se fomai e
malamalama i le agaga faa-Samoa. O le mea la lena e le
aoga ai fomai ia e aumai e le Faalapotopotoga o Malo
Aufaatasi e le faapea ua ou fai atu e le aoga, e i ai lau uo
fomai manu na fai mai ia te au e faigata mamao galuega
faa-fomai manu i lo galuega a fomai ia e feagai ma
tagata soifua. Ona ou fesili lea i ai pe aisea, ae fai mai e
te iloa foi Misa e le mafai ona e fesili atu i le solofanua
poo le taifau poo le a lona ma‟i e le mafai. Ae o le
galuega a fomai ia, e feagai ma tatou e mafai ona fesili i
le ua gasegase. O le mea lea e ala ai ona talosaga atu e
toe aumai a tatou fomai ia ua o atu i fafo, o alo ma fanau
a Samoa. O loo taua e tai $50,000 le totogi fale ma le
taavale ae toeitiiti toasefulu a tatou fomai lea ua laki ai
nei ma manuia ai o tatou uso i Amerika Samoa. O le
fesili la o le a ea le mea o le a tatou augatata ai e tuu i ai
na faamanuiaga? Ave i ai le $25,000 Amerika ma se
taavale ma se fale pe afai o lena. E leai lava se isi o na
alii fomai ta te lei fesili atu i ai poo le a tonu le mafuaaga
ua o ese ai ae pau lava le tali e tuuina mai, se Misa o ita
nei e tumu i le lotonuu Samoa e fia foi atu i Samoa e fia
tautua ia Samoa, ae peitai, o le a faapefea ona fai se
faatatau aua lou aiga ma faaaooga nei tamaiti pe ana fai
na o le $9,000 poo le $11,000 i le tausaga lou totogi. E le
mafai ona totogi ai se taavale. O lona uiga e alu atu i le
faletupe ae faapea mai le faletupe o loo lava lou totogi e
totogi ai le nogatupe. O lea la ou te talosaga atu ai aisea
ea o le a lotoleaga ai le isi pe afai e $35,000 o le a ave i
le fomai. E tele le sao o le fomai, ou te foi lava i le
faatusa, o le sao e fua i ai le totogi. E pei foi o alii
faiaoga, a avatu nei la lata fanau ae le pasi mai, ia o le a
faapefea la? Ou te le popole pe $5,000 le tau o le
mataupu, ae o le mea taua ia pasi o outou alo ma a matou
fanau, ia pasi. Afai la o le faiaoga e foi mai ma le M.A
ma lona totogi na maua i Niu Sila e $40,00 ia afai e toe
foi mai totogi i ai le $40,000 lena. O lona sao e sili ona
aoga, e faapena foi i alii Suetusi, o le tasi lena
Matagaluega taua a le Malo. E ave le $17,000 e le
Kamupani Suetusi o le Price Waterhouse i le Suetusi
faatoa amata e leai se poto masani, ia o totogi na e tatau
ona amata ai le Suetusi. O ai la le Suetusi ua pasi a le
Malo e fia faigaluega i le Malo pe afai o totogi nei e tuu i
ai? E leai se isi. E le faapea o le lē lotonuu, e leai. E le
faapea ua le manatu i le atunuu. E leai uma lava e sese
na manatu. Pau lava le mea o loo manatu i ai, pe
faapefea ona ola ia ma le toalua ma le fanau. E lelei i le
tagata e le i faia sona aiga.
O le Ofisa lea sa ou taumafai foi e faafoe mo le 2
tausaga, o le Ofisa lea o le Loia Sili. Avea ia lenei
avanoa ou te avatu ai le faamalo ma le faamanuia i lou
uso loia o loo tatou faatasi, lau afioga ia Tiavaasue
Falefatu, o loo tatou faatasi ai. Ia o ou mama na, talosia i
le alofa o le Atua ma ia fesoasoani atu i ou tiute tauave.
Ae o le mea moni, ou te le ma e tau atu, o le Failautusi i
le Ofisa o Loia e sili ona tele lona totogi e maua i lo Loia
amata o le Ofisa, e na o le 9,000. E le faapea o sou alofa
faapito i Loia. O le mea e faigata ai ona o le tatou
atunuu, e tau loa le Loia, pau lava le mea e oo ane i le
mafaufau, se o le milionea le tagata leaga Loia. Ia ua foi
mai nei ua pasi le faa-Loia, ia o le aiga atoa ua sauni atu
o lea o le a tua i ai. Ae sau faigaluega i le Ofisa o le Loia
Sili, e na o le 9,000 lona totogi. E tasi lava le tagi atu a le
toeaina i le faalavelave, ae tali mai le Loia, se faamalie
atu o lou totogi na o le 9,000 i le tausaga. E tau le maua
foi se mea e ola ai le Loia latou. E na o le lulu o le ulu o
le toeaina.
Ua i ai le mea foi lea o le vaaiga a tagata e faigata ai la
ona talia le ituaiga olaga lea. Ia silasila foi, e faamalie foi
i le faaaogaina o lona suafa lea o loo sikolasipi nei i le
Iunivesite o Harvard, o le Iunivesite e aupito tautaua o le
Malo o Amerika, le susuga lea ia Tasi Malifa o ia lea sa
Numera Lua ia te au a o ou i ai i le Ofisa lea. Ae na o le
$14,000 lona totogi. E le i i ai lava se tupe e maua ai se
taavale. E leai se isi e lotonuu e pei o tasi Malifa, ae pau
lana tala na fai mai ia te au, o ia ua tau ma e pue le pasi.
E leai se mea o i ai i lona pueina o le pasi, ae e nofo atu
lava ae muimui ane e tagata. Ma le faaaloalo lava, se pau
foi lea o le vaivaiga o le tatou atunuu. Ia o le la e oso atu
i le pasi ae muimui ane, se o le Loia le tagata lea, ae o
lea e sau i le pasi. Aua foi o le manatu lava o le atunuu
latou a foi mai loa ua tatau ona i ai se taavale, ua tatau
ona i ai le fasi eleele, ma ua tatau ona i ai le fale. Ia ae le
mafai. O Loia lelei uma lava sa i ai o le la ua fai lava a
Saunoaga Faataupou Sui USufono 19861-2011
latou pisinisi faa-Loia aua e maoae totogi ma tupe e
maua ai. Atonu o se tasi auala e mafai ona fofo ai le
faafitauli lea, o le faa-Tutoatasi lea o le Ofisa o le Loia
Sili ma e le i ai i lalo o le Komisi e Pulea le
Aufaigaluega a le Malo. Ua toe la o lana aufaigaluega.
Lau afioga i le Fofoga Fetalai ma le mamalu o le Maota,
afai foi ua i ai se upu ua paopapa, ia lafo i nuu le aina. O
manatu ia e tuu atu ona o le naunau lava ina ia lelei atili
le tatou atunuu, ma lona faafoeina. Ou te manatu afai e
fua totogi o le aufaigaluega a le Malo i lo latou sao, poo
le poto masani poo le Tikeri, ia o iina e tatau ona fai i ai
le fua. Aua o le mea moni, afai ua i ai nisi ua le fia
faatinoina lo latou sao, ma ua le faia ma le faamaoni a
latou galuega ona o le lē lelei o latou totogi ia e i ai lava
foi auala e foia ai na faafitauli. I Matagaluega taitasi, e
muamua ona fia faaalia se manatu i le Ofisa lea o
Faatoaga.
Ou te muai faafetai i le vaega o Fomai Manu, ona e
taua tele le galuega o loo latou tauaveina, aemaise lava o
le taumafai ina ia foia lea faamai matuia o le
(Prucellosis). Ma o le faamai lea a maua ai loa se povi
fafine, e le mafai ona ola se tamai povi e fanau mai ai. O
lona uiga, o le matua faaleaogaina lava o ia
manupapalagi sei tulou. Ma o le mea moni e faigata tele
ona taofia lea faamai pe afai e le faia lelei le galuega. O
le o atu i tu ama siaki uma nai manupapalagi. O le Aso
Gafua lava foi o le vaiaso nei, ma matou faatasi ai foi ma
fomai manu e siaki au manupapalagi. Ia e momoli atu
lava foi le faafetai ona e feoloolo lava foi nai atiina ae
manupapalagi o loo i ai i le itumalo lenei. Ta te popole
lava i tei ua pisia atu i tua, e le o iloa tonu pe na faapefea
ona oo mai iinei lenei faamai. Ia e tatau ai lava ona faia
se togafiti ae lei faatetele naua lenei faamai.
Lau afioga i le Fofoga Fetalai ma le mamalu o le
Maota, e aupito i sili ona faatamaoaigaina le faia faatasi
o le atiina ae niu ma le atiina ae o manupapalagi. A
faaletonu le tau o le popo, ia e mafai ona faalagolago le
faifaatoaga i le lafu manupapalagi. O le isi aoga tele lava
o manupapalagi sei vaeatu le paia o le Maota, e aina le
vaomatua. E faafaigofie ai foi ona tufi le popo.
E momoli atu lava le faamalo i le motu tele i Salafai
ona o le taimi lea mulimuli nao u oo atu ai i Savaii, nao
u vaaia le tele o atiina ae niu fou. Ae o le faalavelave e
tele le vaomatua e ola ai, ma o le mea e tupu o le augata
o le faifaatoaga e tufi le popo. E tatau lava ona tele ni a
tatou atiina ae o manupapalagi. E fautua atu ai i le alii
Minisita e tatau lava ona fai se fuafuaga a le Malo e toe
aumai ai ni manupapalagi pe selau afe ma ona tupu e
faasoasoa i le aufaifaatoaga. E tasi lea atiina ae taua mo
le atunuu. Ae o le faalavelave e le o lava ia
manupapalagi.
Ou te fia tautala foi i le tau o le popo ma le koko. O se
manatu vaivai o lou nei sui, e aupito sili ona taua le
mataupu lea nai lo se isi lava mataupu aua le atiina ae
manuia o Samoa. O le tau o faaeleeleaga o le atunuu e
aupito sili lava ona taua i lo se isi lava mataupu. Ae
peitai, o loo aliali mai, e le o faapena ona ave le
faamuamua e isi faigamalo ua tuanai i le mataupu lenei.
O le pine faamau, ia silasila foi o le upu lea o le
STABEX. O le tupe lea e faameaalofa mai e Malo
Tuufaatasi a Europa. O lou iloa i ai, a faapea e
faapuupuu le upu lea o le (Stabilization of Exports), o le
faatumauina lea o tau o oloa e auina atu i fafo. O lona
uiga o le tupe lea e faaleleia atili ai le tau o faaeleeleaga
pe afai ua i ai se mea ua faaletonu ai. Ae talu lava ona
aumai nei tupe e lei avea atoa lava i le mea na mafua ai
ona aumai. Ua ese le faaaogaina ua le iloa nei mau mea e
faaaoga i ai. O lea la e faatali mai le aufaifaatoaga ia
latou tupe. O lea e aumai e auala mai i le Malo. E le
aoga ona avatu e na o ni vaega, aua o tupe o tupe a le
aufaifaatoaga. O le upu foi la faapea e faasoa ona e ave e
faatupe ai le Ofisa o Faatoaga ia e le fetaui. O lea e
manino lava foi le upu papalagi latou aumai le tupe e ave
e faaatoa ai le tau o faaeleeleaga. O faatoaga, e pei e
aumai e oleole ai, o le upu e to ia te au le aufaifaatoaga.
E leai, matou te mananao i le tupe atoa, aumai atoa le
tupe atoa a le aufaifaatoaga ia. O la e i ai isi tupe, ae o
lea o le a ave le $10,000 i le Faletalimalo.
Lau Afioga i le Fofoga Fetalai ma le mamalu o le
Maota, e avatu lau faafetai i lenei itumalo, ma ou te talia
lava poo le 45 pe tasi le minute avatu lava le faafetai a
Aiga ma Leulumoega mo lenei 45 minute ua tofia e
faaopoopo ai sa matou lauga.
Lau Afioga i le Fofoga Fetalai ma le mamalu o le
Maota, ou te faamalie atu foi, o le mea a faaali atu ni
naunauga, o le ala lea o le naunau ona o le mea moni. O
le mea mo le lelei lautele o le atunuu, e lelei mo tagata
uma o le atunuu. Ma o lea ou te faapea atu ai ana
faapena ona aumai atoa le tupe a le STABEX, ma tului e
maua ai semanu o faapenei e $2,400.00 i le tone le tau o
le popo, i le $6,200.00 le tau o le popo, poo le STABEX
atoa ai ma lona tului. Pe ana tuufaatasi, ae aumai le
mafuaaga lea na ala ai ona aumai.
Ia sei fesili ia i le aufaifaatoaga poo fea na ave i ai le
tupe lea a le STABEX, ma ou te le faitio aua o le
vaitaimi lea sa pulea ai tatou e le alii foi lea o Alisa, ia
atonu o Alisa sa pulea le mea e ave i ai le tupe lea a le
STABEX, ae ui i lea, lau Afioga a le Fofoga Fetalai ma
le mamalu o le Maota, o le a le avea lea mea i se taimi ua
fano ma mafuaaga o le a ala ai ona tatou faia ai se mea le
sao mo le lumanai. O se talosaga vaivai, e avatu ma lou
agaga maualalo, e le gata i lenei Itumalo, ae o le
aufaifaatoaga uma o le atunuu lenei. Faamolemole
aumaia le matou tupe, le tupe lea a le STABEX.
Lau Afioga ma le mamalu o lenei Maota e leai, e
faigata ia te au ona tuuaiina se isi o le atunuu lenei, ia
afai o le naunauga lena o le atunuu ua ala ai ona sasi atu
le faamatalaga, ia faamagalo mai.
Lau Afioga ma le mamalu o le atunuu, o le manu ainiu,
o le taimi lenei faatoa ou vaai lava talu mai le aso o ou
laitiiti ua toe felelei manu ainiu. E lata mai nei lava nao
u toe vaai ai foi, ae o au nei ua fai sina leva o le taimi
talu ona ou le toe vaai i se manu ainiu. Aua foi o le
manu, a ta le tago i ai ma aumai sei mimilo le ua sei
tulou, e fiu e tau tape, ma ou te talosaga atu ai ma le
agaga vaivai i le alii Minisita, e tatau ona toe aumai le
Saunoaga Faataupou Sui USufono 19861-2011
Fomai Manu lea o Doctor Marshall, ou te masalo a
fesiligia le aufaifaatoaga o Doctor Marshall lava e pito i
talitonuina, se i toe aumai Marshall e fai lana galuega.
Ua avea le feteenaiga o Marshall ma le isi au Siamani foi
ia sei tulou, aua o au foi le isi toto Siamani, le vaega lena
na omai ma aumai mea o masini, ae leaga ou te le
masani ai leaga ou te le fealuai i se masini. Ae pau lava
le mea o loo manino ia te au i lou tu atu faafaifaatoaga e
le mafai ona fealuai se masini i lalo o se toganiu e sue ni
manu ainiu. Ma o le mea moni, e leai, e tau lava o lou
talosga atu ma lou agaga vaivai, aua o le mea moni a oo
ina toe tele le manu ainiu, talofa i le aufai atiina ae niu. E
ta te alofa i ai, masalo e vaeluaina le aofai o fua o niu o
le a maua pe afai o le a toe tele nei manu, ma lea
faafitauli.
Lau afioga ou te fia see atu i le Matagaluega o Aoga. O
le mea muamua ou te fia faatu atu o lou lava sui ou te fia
faatau atu o lou lava sui ou te lagolagoina le toe tatalaina
o Avele. O le mea moni ou te le lagolagoina le mea lea
ua sui ai le Faavae o le Kolisi o Samoa i le amata i le
Vasega 5 tetele. O se manatu vaivai i lou nei sui ua tatau
lava ona toe foi le Kolisi o Samoa i le faavae sa i ai.
Amata tamaiti i le Vasega 3 ae fai faalelei Avele ia
tutusa lona tulaga ma le Kolisi o Samoa. O lou manatu
foi ua tatau ona amata ona tapena le Malo ia i ai foi se isi
Kolisi i le amataga o le 1990. Aua o lo aliali mai o le
faavae na ala ai ona fuafua le Kolisi o Samoa, e talia na
o tamaiti i le Vasega 5 ona ua le lava tamaiti e mafai ona
o atu i le Kolisi o Samoa, ae o lona faalavelave e omai
nai tamaiti mai nuu i tua o atu i le Kolisi o Samoa i le
Vasega 5 ua le mafai ona toe foia pe afai e lei lelei le
latou aoaoina. O le aoga o le amata atu i le Vasega 3 o le
Vasega 5 e fai ai le S.C. e avatu la le tamaitiiiti i le
Kolisi o Samoa i le Vasega 5, o le tausaga lava lena o le
S.C. Afai e lei lelei lana aoaoga ma vaivai, e faigata e le
mafai ona fofo le faafitauli i se tausaga e tasi. Aua o se
manatu vaivai ia te au ia faatele ni alo ma fanau a le
atunuu e mafai ona o atu i le Kolisi o Samoa aua o le
tatou Kolisi tautaua lea. E pei ona fetalai le tofa ia Letiu
o la lava e silafia e matua o le atunuu. O le Kolisi e maua
ai pasi o le Kolisi foi lena e fia ave i ai a latou fanau. E
le mafai ona tatou faamalosia o o latou alo ma fanau i
nuu i tua, e le mafai. A o lona faalavelave e oo atu le
tamaitiiti i le Vasega 5, afai e le i lelei lona aoaoina mai
le Vasega 3 ma le Vasega 4, e le mafai ona toe foia le
faafitauli lena. O le isi mea ou te fia tautala i ai lau
afioga i le Fofoga o le Fono, ma le Maota ua ave nei i
Aoga a Itumalo e aoaoina le Vasega 3 ma le Vasega 4 ae
le o i ai ni faiaoga lelei. E le tutusa ni mataupu e aoao i
le Vasega 2 ma le Vasega 1 ma le Vasega 3 ma le
Vasega 4. O le mea moni lena lau afioga. Pau lava le
faatonuga lea ua alu atu nei i le Ofisa o Aoga, ao loa e
outou le Vasega 3 ma le Vasega 4. O fea faleaoga o le
muamua lena. O lona lua, o fea faiaoga e aoaoina
Vasega 3 ma le Vasega 4.
O le tali e leai ni faiaoga e aoaoina vasega ia. Lau
Afioga i le Fofoga Fetalai ma le mamalu o le Maota, o
au ou te naunau tele i lea atiina ae. Aua e pei ona taua o
lou uso a faipule le tofa ia Toi, e iloagofie lava aiga lelei
e lelei foi aoga a ona tagata. Ua faamuamua lava lea
atiina ae o lea aiga ua ala ai ona manuia. o le a la le
eseesega o le aiga na fetalai i ai le tofa ia Toi ma lo tatou
atunuu atoa? E tutusa lelei Samoa ma le aiga lea, e leai
se eseesega. A lelei le aoaoina o ni outou alo ma ni au
fanau o le atiina ae sili lena o Samoa. E leitioa naunau
matua o le lumanai lenei o le atunuu. Ao le a le mea o
loo tupu nei? E o atu o loo ua fai polokalame faataitai i
le Kolisi o Samoa, o lea ua alu atu nei e sue le School C,
o le malamalama i le Igilisi ao le Igilisi o le ki atoa lena
o le mea. O le talaaga o le lalolagi (history), o le
mataupu lautele tau le soifua (sociology), mataupu faaSaienitisi (Schience) o a uma na mataupu a le iloa
faaupuina o le iloa fai le suega. Aua foi o loo iloa e le
tamaitiiti le mea ae le mafai ona tusi i lalo, e vaivai le
Igilisi, ia ao lea ua taua mai nei ua fai polokalame
faataitai i le Kolisi o Samoa.
Lau Afioga i le Minisita toe foi ia le Kolisi o Samoa i le
Vasega 3, e amata fai Avele fai faalelei amata i le
Vasega 3 toe faamoemoe ma se isi Kolisi e amata i le
1990 se isi Kolisi e amata i le Vasega 3 i le 1991. Lau
Afioga i le Fofoga Fetalai ma le mamalu o le Maota, o le
mataupu lenei mo aoaoga mo faiaoga e aoga i isi atunuu
aua o le mea moni o le aoga mo faiaoga o na te aoaoina
metotia. O se manatu vaivai i lou nei tagata e fanau nei
lava le Samoa ua iloa fai aoga. O le meaalofa a le Atua,
ao le mea lea e vaivai ai nei o le mataupu, e alu atu le
faiaoga ua tumu le mafaufau i metotia ae le lava se
malamalama i le mataupu lea e aoao. E sau faapea ua
pasi mai i le Kolisi Faafaiaoga ona ua iloa le metotia. O
le auala e fai ai le aoga, ae a fesili atu i le mataupu lea e
faapea e alu e faiaoga ai e faalelava le malamalama. O le
mea lea ou te fautua atu ai i lau Afioga i le Minisita o
Aoga, ina ia taumafai le Kolisi mo faiaoga e le gata i le
metotia ao le mataupu e taua tele.
Lau Afioga i le Fofoga Fetalai ma le mamalu o le
Maota o loo silafia lelei e le alii Komesina ma le Ofisa o
Leoleoao ou tulai mai i le tofi Loia Sili, sa ou
lagolagoina malosi siitaga o o latou totogi. A silasila foi
e ui lava o loo talafeagai ao le mea e sili sa fai le siitaga,
ou te fautua atu e tatau ona toe fai se isi siitaga pe 20% e
amata atu i le amataga o le tausaga fou. Aua o le mea
moni ua ova atu ma le 15 tausaga talu ona fai le Komisi
Suesue foi lea na fai e le tamaloa o Angus Sharp, ae oo
mai i le aso nei e lei faatinoina le fautuaga aupito i taua o
lena Komisi, o le mea e manao i ai le faiga Malo e
faaaoga o le Kolisi pe faaaoga sao poo le faaaoga sao foi
ao le fautuaga muamua lava a le Kolisi soo se isi o sui
mamalu o le atunuu ua tagai i lea iuga a le Komisi o le
fautuaga muamua a le Kolisi ia sii totogi o Leoleo. O
iina e lelei atili ai lenei Matagaluega.
Lau Afioga i le Fofoga Fetalai ma le mamalu o le
Maota, o tiute ma Lafoga o le tasi lea Ofisa aupito taua o
le Malo. Ou te manatu o e tusa e 55% o tupe maua a le
Malo e auala mai i le Ofisa o Tiute ao le isi vaegatupe
maua a le Malo o maua ai i le Ofisa o Lafoga ma ua
tatau lava ona fai lelei ni taavale ma ni fesoasoani tatau a
Saunoaga Faataupou Sui USufono 19861-2011
le Malo i nei Ofisa, aemaise lava sui o le Ofisa o le tiute
o loo tiute i le po i itula uumi. E le gata i le tatou uafu i
Matautu ae faapea foi ma le Malae Vaalele i Faleolo, e
tatau lava ona ave se fesoasoani a le Malo i le faatinoga
o a latou galuega.
Lau Afioga i le Fofoga Fetalai ma le mamalu o le
Maota, o le a tatou see atu i le Ofisa o le Palemia. O le
mea moni ua tatau ona fai ese lava se Failautusi a le
Palemia ma ese le Failautusi a le Kapeneta, fai ese le
Failautusi a le Va-i-Fafo. O le mea moni e taua uma na
Matagaluega ma ou te manatu ua tatau lava ona tofu le
Matagaluega ma lona Faauluuluga ma tauaveina tiute
fita o na Matagaluega tetele e fesoasoani atu ai i lau
afioga i le alii Palemia. Ou te manatu ana faapena oan fai
lena fuafuaga e le tau ane le uso-a-faipule le tofa ia Toi i
le po lea na tuanai nei i se faafitauli na aliali mai.
O le Ofisa o Faamasinoga, e leai se taua tele iate au o le
2 tausaga sa ou i ai i le tulaga tofi o le Loia Sili. Sa ou i
ai foi i le Komisi o Faamasinoga ma ou te manatu o loo
silafia lava e nisi o tamalii ma failauga o le atunuu sa
tofia i le tofi Faamasino i lena taimi le tauaveina o lona
tiute e lou nei tagata. E faapena foi ona i ai taimi foi sa
matou faafouina ai, tau ina ia tau atu pea le suafa o le
afioga i le alii Faamasino ia Semau. E ui lava ua 68 ona
tausaga ae sa matou maua lava se feutagaiga ma lea
tamalii o le atunuu ma o loo lava ma totoe lona malosi e
tauave ai lenei tiute.
Lau Afioga i le fofoga Fetalai ona o se mataupu sa laga
e lea e fia avatu ai sau faafetai i le alii Palemia e pei o
lana faaalia aua o se tasi o faaaloaloga o lenei itumalo sa
taua. O le alii foi ua leva ona ia tauave lenei tofi faigata
o le Faamasino ma o lana afioga foi o se Tiakono
Toeaina i le Ekalesia o loo Taitaifono ai nei le alii
Palemia, ou te faafetai i lea avanoa ua ave i lena tamalii
o lenei itumalo.
Faafetai lava i lau Afioga e leai o lea foi ou te iloa le
Fofoga Fetalai ma le mamalu o le Maota, sa tapuai lava
le Aiga Tauaana ma le mamalu foi o lenei Itumalo o
Aiga ma Leulumoega. Lau Afioga i le Fofoga Fetalai ma
le mamalu o le Maota, ou te fia see atu i le fale talimalo
o le Royal Samoa.
Lau Afioga i le fofoga Fetalai, o se manatu e fia tau atu
manatu ou te manino i ai, aua o au foi a ou tulai i le tofi
Loia Sili sa aafia ai le talanoaina poo feutagaiga i lenei
mataupu. Lau Afioga i le Fofoga Fetalai ma le mamalu o
le Maota sa tatau lava ona silafia lelei e le Ofisa o Tupe i
le taimi na aumai ai i luma o le Palemene lenei mataupu
e le talia o le OPEC. Lau Afioga i le Fofoga Fetalai i lou
tuali atu i le 1986 ua leva ona manino mai i le OPEC e le
toe mafai se nonogatupe ae na o Sea aua o le Faavae na
faaalia mai e le OPEC o le 2/3 o lenei galuega e fai mai e
latou o le aitalafu. Ae a le maua la le Sea o le tasi
vaetolu (⅓), e le mafai ona faatino le galuega. Na ona
faaali atu la o se manatu pe afai la o le mea moni lea ua
tupu, leai la aua o lea ua ou matau atu nei ua maua le tasi
lea o Iuni lea ua taua o le Taitaifono ma sui o le Komiti o
Tupe. O lea ua maua le tsui mai le OPEC, o lea la ua tau
mai i le lipoti o le aso 9 o Iuni na maua mai ai le tusi mai
le OPEC, e faapea e le mafai ona avatu sa tatou
nonogatupe mo lenei galuega aua o latou e aumaia le ⅔.
O lona uiga a le faia le tatou saofaga, e le faatinoina le
galuega, afai sa manino i le Matagaluega o Tupe e le
mafai ae aumai pea ona pau le mea ou te ilitata ai atonu
na faaseseina lenei Maota poo sui foi o le Kapeneta. Sa
tatau lava ona manino i le Ofisa o Tupe e le mafai ua
leva ona tau mai le faaiuga a le OPEC, o le mea moni lau
Afioga i le Fofoga Fetalai ma le mamalu o le Maota, ou
te matua lagoalgoina le faaiuga lea ua sau i le lipoti a le
Komiti o Tupe. O lea o le a ou faitau atu, e
faamamafaina e le Komiti e faapea o le $3miliona o loo i
ai nei i totonu o le Tala Faatatau Faaopoopo o Tupe e
nonoina atu i lenei atiina ae. O se isi mea e ese mai ai,
ona o lenei vaega tupe o le a toe manaomia ai se
faatagaga a lenei Palemene mo ni vaegatupe e fuafuaina
i lalo o mea taitasi mai le atiina ae.
Lau Afioga i le Fofoga Fetalai ma le mamalu o le
Maota, afai au talia le fautuaga lea ou te tau atu ma lou
agaga vaivai o iina ua uma ai foi le galuega. Aua foi o le
mataupu lenei ona ua le mafai lava e se isi Faletupe ona
faatupeina ma na tapa ai loa le Malo. Ua soo faletupe ma
atunuu o le Lalolagi o tauave i ai e le susuga ia Hadley
lana mataupu.
Lau Afioga i le Fofoga Fetlai ma le mamalu o le Maota
o le tusi lea sa taua i se taimi ua fano e le alii Minisita e
faapea o se faiuga a le Kapeneta i le aso 8 Fepuarii le
tausaga lenei. O le mea moni lenei o le a ou tau atu ona o
au sa tulai mai i le tofi Loia Sili i lena taimi, sa ave le
fautuaga a le Ofisa o le Loia Sili i le Kapeneta, e le
mafai e le Kapeneta i lona taimi ona fai se faaiuga
aemaise o se tupe tele faapenei a ua taape le Palemene,
O Lana Afioga Mamalu O Le Ao o le Malo. O le faaiuga
lena sa ave i luma o le Kapeneta, ae peitao o le Susuga i
le alii Loia o le galuega lenei sa ia avatu se tusi o sainia
aloaia e le Palemia e lagolagoina ai e lana afioga ma le
HRPP lenei galuega. O le upu lea na tau mai na ala ai
ona fai pea le faaiuga lenei, ona ua lagolago atu le Itu
Agai i lenei taimi e faatino le galuega. Ua faapea mai nei
la le Kapeneta ua faaleaogaina a outou fautuaga na
aumai ua faleaogaina leaga o lea e aliali mai e tiga, ona
ua uma ona faataape le Palemene ae leaga o le mea lenei
ua tasi i ai le Palemene, silasila foi o lea ua i ai le tusi i le
Afioga ia Tofilau o ia o le Taitai o le HRPP, o le Itu
Agai.
Lau Afioga i le Fofoga Fetalai ua ala ona ou laga lena
mataupu ona ua tau soo tele le afioga i le Minisita o
Tupe i lenei faaiuga ae ua uma ona faataape le Palemene
ua ave le fautuaga a le Ofisa sa ou i ai.
Lau Afioga i le Fofoga Fetalai, e leai e faamalie atu foi
i le Palemia o lea lava ou te tautala i le mea sa tau mai ia
te au aua leaga e faigata o le fautuaga sa avatu o le mea
moni sa i ai foi sina ilitata i lou nei tagata i loan vaitaimi
ona o au sa Loia Sili ae ua le talia le fautauga. E
matautia lenei mataupu, o le tupe e tele ae silasila foi ua
faataape le Palemene e le mafai ona ave i le Kapeneta i
lena vaitaimi ni faaiuga faapenei e ono aafia ai se tupe
tele. Lau Afioga e leai, o le mea ou te fia faaalia e lou
Saunoaga Faataupou Sui USufono 19861-2011
nei tagata ou te lagolagoina ua tatau ona faatino le fale
talimalo o le Royal Samoa, a silasila foi ua oo i le
$30miliona le tatou tupe na alu i le faiga o le Malae
Vaalele ae a taunuu mai le vaalele tele e 360 i le 500
tagata e aumai ai, e le o lava ni faletalimalo. O le mea
moni i le atiina ae lenei o tagata tafafao maimoa sa tatau
ona fai so tatou manatu e faifailemu lenei atiina ae i le
taimi na ave ai le tupe tele lea e fau ai le Malae Vaalele.
O se manatu vaivai i lou nei sui o le taimi lava na soo ai
le tupe lea i le Malae Vaalele o iina sa tatau ona leai loa
so tatou avanoa, ua tatau loa ona tatou o e faatino le
Turisi. O le mea moni ua tatau ona faatino le
faletalimalo, e lagolagoina e lenei itumalo le faletalimalo
o le Royal Samoa, pau lava o lea ua uma faatosina ona
ave i ai ma o lea e aliali mai e le mafai ona faataapeina.
O le mea muamua, o lona lua pe faapefea la nisi
faletalimalo aua e manaia tele foi le isi ogasami i lou
itumalo. Ua maua atu e pei o Salamumu, Lefaga e
toatele naua. O lea foi e musumusu mai nai uso a faipule
o la foi foi e tele ni avanoa i o latou itumalo e fai ai ni
fale talimalo. O le fesili afai e ave le $10miliona i le
palagi e faatino ai lana faletalimalo, aisea o le a le aumai
ai le $10miliona ia matou. O le fesili faigata lena e ala ai
ona i ai le popole i lou nei sui mo le lumanai. O le a
faapena ona tulai mai alo ma fanau a le atunuu e faia
tulaga faapenei, aumaia se tupe a le Malo e faatino ai.
Lau Afioga i le Fofoga Fetalai ua matau atu ua tau oo
atu ina tau faaiuiu lou taimi ao le mea moni e avatu ai foi
le faafetai i lau afioga. Sa ou amata lava i lau faafetai i
lou itumalo, ou te manatu e tatau lava ona faaiu i lau
faafetai i lou itumalo.
Ou te avatu lau faafetai aloaia e leai se isi na manatu o
le a outou faasee i lenei tagata faatauvaa e avea ma sui o
le Palemene aua se sao o Aiga ma Leulumoega i faiga
upufai o le Malo. E avatu lau faafetai, sa i ai foi se
popole i lou nei tagata ona ou te masani i amio a lenei
itumalo e ala lea i faatoaga ae talosia o i ai nisi, tiga lava
o loo punonou e vele vao ao loo i ai letio e faalogo mai
ai i le sao o le tatou itumalo i faiga Upufai o le tatou
atunuu i lenei vaitaimi, e mulimuli lava ona avatu lau
faafetai i Aiga, faafetai Leulumoega mo lo outou faaeaea
ma le aumai o lou nei tagata faatauvaa e fai se sao.
Lau Afioga i le Fofoga Fetalai, e avatu lau faafetai
aloaia foi i lau afioga, faafetai i lau afioga i le Palemia
ma afioga i Minisita, e faamalie atu pe a faapea e i ai se
upu o paopapa i lau faafofogaaga, leai afai foi ua ta sala,
sala ona o naunauga o le mea e lelei ai lenei atunuu. E le
faapea la e i ai se isi auala e ala ai ona ta naunau, leai, o
le manatu ia lelei tagata lautele aua o le mea moni lava e
leai se isi e fia nofo i se nuu e le manuia tagata lautele ae
mulimuli lau afioga i le Fofoga Fetalai ona e fia avatu
lau faafetai i le Atua ona ua tatou aulia lenei vaitaimi i
lana pule alofa.
Ia manuia lava le Fono.
Afioga SAGAPOLUTELE SIPAIA
Itumalo Faaalaalafaga:
Aleipata Itupa i Luga
Filifilia:
22 Mati 1988
Faatauto:
7 Aperila 1988
Lauga Faataupou:
16 Iuni 1988
E muamua ona ou
faafetai i le filemu ma le
toafimalie e faaopoopo atu i le taulaga na e siitia i lenei
taeao. Ae ou te ioe ma lou loto talitonu o le agalelei o le
Atua e leai se Polofesa e mafai ona fuaina le lautele,
loloto ma le latalata mai. Lau afioga i le Fofoga o le
Fono, lau afioga Leavai, ua e seei i ou laei ma le
faatuatuaga o le Malo o Samoa aemaise le Palemene i le
faafoeina o lana galuega i lenei foi tolu tausaga.
Lau afioga i le alii Palemia Tofilau Eti Alesana, a outou
afioga i alii Minisita mamalu, ua ia te outou le
faamoemoe tele e pei ona logo i ai le atunuu. O le
mamalu i Sui mamalu i sui a faipule filifilia mai i
itumalo faafaipule i itumalo o i ai e fia o Samoa.
Lau afioga i le Itu Agai lau afioga Tupua Tamasese
Tupuola Efi, lau afioga i le Ao o le Malo, e‟e ia i ou
mamalu ma le paia o le faatumutumuga o le Malo o
Samoa.
Lau Susuga Malietoa Tanumafili II, lau afioga i le Sui
Ao Mataafa Faasuamaleaui Puela o le Tuiatua, lau
afioga Tuimalealiifano. O le paia lava lea i Aiga ma a
latou Tama, aemaise o faleupolu o tofiga, o le usoga a
Tumua ma Pule, Ituau ma Alataua, Aiga i le Tai ma le
Vaa o Fonoti, faapea le Too o le Fua. E le faagaloina foi
i o tatou agaga nai o tatou uso o loo tapuai mai i lea
motu i upufai o Malo. Lau afioga i le Kovana Sili, lau
afioga a le Lutena, lau afioga i le Sui Kovana Sili o
Fofoga o Maota e Lua. Ae faapea le loaloa ma le paia o
Sua ma le Vaifanua, Fofo ma Aitulagi, Saole ma le
Launiu na Saelua, e faapea le maualuga i Faatui o le
Motu ma Tootoo. I taitai o le aufaigaluega a le Atua i
fatafaitaulaga e fia o e o loo tatalo ma tatalo aua se
manuia o Samoa. Mai i lona amataga e oo mai i lona 26
lenei o tausaga. Ua faamalo tatalo ma galulue ia outou
galuega, ou te soso ane e siosiomia le tou maualuga i
faauluuluga o Ofisa ma e foi o galulue faatasi faapea ma
le aufaipisinisi, aemaise le maualuga o le atunuu o loo
outou faatinoina lenei galuega fita, o loo outou fitaituga,
pe faamalieina o outou finagalo i tiute pe leai, a o loo
silsila le Atua i galuega taitasi i o outou faiva na, ma
outou mama na.
I lenei taimi e faia i ama avanoa ou te faatalofa atu ai i
lou itumalo pele o Aleipata Itupa i Luga. E ui lava ina o
loo faalagi i le vao, o loo i ai se faamoemoe i se taeao o
muamua Tagaloa tusi oe le Atua, o le Taitai o nuu uma
lava, ia maua se gafa o le fale aua le Suafa Fuataga, lau
afioga i le Tuiatua Faanofonofo. Lau Tofa i le Matua, o
le Ao o Atua, o le maualuga o le Falefia o Alii,
Saunoaga Faataupou Sui USufono 19861-2011
Amituanai ma i laua Suafa le taotao, tofa i le Tootoo ma
Saleaaumua. Lau afioga Saumalu o le Sao Fetalai ma le
Toalima o le paia lava lea i Alaalamalae, Saleleaalii ma
Tualemoso, ma le mamalu i si ou nuu. Lau afioga i le
Matua o Falanaipupu, Falanaipupu ma Falanaipupu,
Taofia ma Usoalii ma lo outou Nofo Alataua o
Saoluafata, aemaise le mamalu i lau Afioga Taiai ma ou
Tei, Tuala ma Sala ma le Aualuma. Tapuai maia sei
taumafai se tatou sao. Na o nai fautuaga e le o upu ia o le
a faia ai. Ae faalagolago pe afai o le a ulumea atufala.
Ma faasolosolo ane le faasoasoa afai o le a taulia,
faafetai. Lau afioga i le Minisita o Galuega, lau Susuga
Leiataua, e le itiiti le galuega, afai e alo i lau faasoa ,e
tele le mau lagona ma le mau manatu, e le faigofie lau
galuega.
E muamua ona ou faapenei atu ou te faanumera
muamua, e le fautuaina foi e lou sui lau afioga, ae peitai,
a o se taimi o avanoa e mafai ai ona matou tuuina ni o
matou manatu i tafatafa ane o vaitafe.
Muamua, o le alatele. E le mamao Aleipata pe tusa na o
le 40 maila. Ua maua o loo i ai le fuafuaga mo le
faataina o auala, e le faapitoa le manatu ia na o le agai i
le itu i Sasae, ia faapena uma lava, a o le talosaga ae a pe
a faamuamua le faataina o le alatele o Aleipata. Ona o
mafuaaga nei, o se tasi lenei o vaega o Samoa o loo
fiafia e agai atu i ai Turisi ma tagata tafafao mai. Ae fai
mai se isi faamatalaga, o se tasi lenei o ivitu o tupe, e pei
o nisi o malo ua fai ma a latou Tupe Faavae, tupe o loo
maua mai i nisi o tafafao mai, ae peitai la, talu ai le
naunau e agai atu i Aleipata ua faateia ai au anapo ua
telefoni mai se fomai, paga lea o loo i ai le turisi o loo i
ai nei i le Falemai. A ua afaina le Spinal o le mea la lea o
le lipoti ona talu ai le leaga o le auala. Ia o le manatu ua
maumau nei tupe.
O le mea lea ua i ai le manatu, ai lava se aulelei ae
faamuamua le auala ta o Aleipata, pe taga ona ou soso
atu e faasoosoo e faigofie. Afai foi e gasegase se tasi i
lau afioga i le Minisita o le Falemai, ia o le Atua la e i
luga, ua tuuina mai lo tatou ola e vaai e tatou. Afai o le
soifua o se tagata o loo manuia ua ttuuina atu nei i le
Falemai e leai se fomai e nao se teine fomai. E leai se
upu e fai ua na o le galuega lelei o loo faia e teine fomai.
Peitai o tatou tiute muamua, o le auala e lua itula o sau
aua foi e leaga le auala e leai se fomai, afai la o lea
tagata e aga mai le faipule ae ua vave ona faaumaina
lona soifua. O ai a tuu i ai le agasala? E tasi lena vaega
taua ua mafua ai ona ou talosaga atu, pe tusa ma ni a i
lou finagalo i lou faasoa ia taofia ia faalavelave o tutupu
i le 40 maila i tala atu o le taulaga. A faasolosolo atu
faamolemole lava, e agai atu i le tuaoi o lou uso a faipule
e le o auai mai ma lo matou itupa o loo i ai iina se vaega
eleele e pei lava o se tupua u ata poo se tatau u ata ae le
uma, o lona uiga, fai mai tagata o le uafu ae fai mai au, e
toetoe lava ina mama uma lama o le tatau, e lua mea e
maua o le afaina ai o le soifuaga o nei tagata, e ui ina
faasala e le Ekalesia e aua le taina, ae u ata ona o le laei
o Samoa. O le mea ua maua ua fai nei ma ona luma aua
ua le uma lana tatau. A o le isi vaega o le kamuta na ia
faia lana tatau, matua leaga. Ae pei lava o le Malo, i lou
lava talitonuga a oo le Malo i se vaega e fai e le toe tatau
ona solomuli aua e faitau afe tupe na e alu ai, ae aisea ua
tuu ai, e tele mea o le mataga o le tagata na taina le tatau,
o lona lua, ua afaina tufuga na latou faia le tatau, a uma
loa ua afu. E le toe faaigoaina o ai, o le Uafu o le Va o
malo. E sili ona lagolago tele i tagata e vaivai a latou
tupe. Aemaise lava i matou e faaaoga aua o auala ia sa
masani ona ui ai le atunuu i aso ua mavae. O le folau i
vasaloloa, e ui ina e le o toe taualoa ae ua latou malaga
faapena ae puupuu, nai lo le taumafai atu iinei e 8 itula.
Ae afai ae tafa le finagalo o le Malo, e faaauau ua toe o
se aga, o lona uiga e 4 itula e alu ai, ae le gata i lea o
atiina ae. Sa faigofie ona tuuina atu a tatou oloa, ma
tuuina atu i Amerika Samoa, sao u faalogo atu o
taumafai mai le Kovana Sili ina ia faia se sootaga e
laulau atu a tatou oloa faapena ma latou tufatufaina atu i
le Malo tele ae maua mai ai sa tatou seleni. O le isi
vaega, ina nei ou laa atu ae ave ama lape lau afioga i le
Fofoga Fetalai, ua fia oo lau tautalaga i Afulilo, o
Afulilo e pei e foliga mai e amata atu i le 500 i le 700
eka o loo aafia ai. O lea vaega eleele ou te le tau fai atu
ua fuafuaina e tau fai ai se atiina ae, aua se manuia o
Samoa ae leai se faatuiese. Ae pei lava a tilotilo atu i se
tasi itu, a uma ona faia o le vaega o loo teu ai le vai.
Tulou o le upu e to ia te au, ma faasolosolo malie mai ai
seia paia mai le vaipuna ona alu atu ai lea o ona paipa
sasao, ma faatu atu i le mauga i se mea e aga i Fagaloa,
ona aga loa lea i lalo ma fai ai iina, ia poo le Power
House. O le fesili o le a le mea ua fai ai i lalo ae le faia i
luga i le mea na maua ai le vai ma maua ai le eleele.
E le faatonuina mea faapena o loo i ai Tulafono a le
Malo aua le manuia a lautele. Ae peitai, a tau
manatunatu atu i ai i lenei mataupu masalo pe ua 5 pe 6
tausaga o liuliu i ai le tofa ona oo lea i lalo i Fagaloa o le
faamanuiaga muamua mo na foi uso. Ona toe aga mai
lea e faafesootai mai i Sauniatu, e toe fafaga le tatou
Power, ae faagalo Aleipata.
A uma poo se fia tausaga ona faatoa agai atu lea o le
moli ua fefe i le taugata. Ua manatu i se mea faigofie e
sao ai le Malo, ae faagalo. Sa i ai le manatu ae a pe a ave
le faamuamua ia Aleipata. Ai lava se aulelei o Aleipata,
sosoo atu ma le afioga o le alii Minisita o loo fesoasoani
ia tatou seleni e oo mai ai i Lotofaga e faasolosolo mai
ai. Ia a o ia lava mea o le a le faia ai.
Faafetai mo lenei avanoa, atonu ua maua foi se suiga o
le malosi i le maualuga i le Palemene. Ia ae ou te
taumafaia ona taumafai atu se matou mau i le avanoa ua
maua. Sa saua i lau faamatalaga i le taimi ua tuanai. Lau
afioga i le Minisita o le Soifua Maloloina, o se tasi lava
lenei o Matagaluega e sili ona taua. Aua o i o loo i ai lo
outou soifua ma le ola o i tatou vaeatu lo outou mamalu.
O lea e talosagaina ai lau afioga i le Minisita, e momoli
atu le faafetai i nisi o vaega e tele, o loo mataulia i le
asiasi atu i lea taimi i lea taimi, le saunia lelei o i latou sa
le mafai ona matauina e na o ni mea e le o lelei, ae tatau
ona aumai ni mea e lelei, ia ona molimoli atu lea e
faatupu fiafia i e o galulue. A o se tasi o mafuaaga ua
Saunoaga Faataupou Sui USufono 19861-2011
mafua ai ona tuuina atu ma talosagaina e a pe a toe
silasila totoa poo le a le faiga faavae, i le totogi o le
aufaigaluega. E lei mamao atu se faasalalauga a se tasi
tamaitai o loo i ai se tomai faapitoa o le fomai, o loo
faapea ua tusa nei ma le 50% o alo o le atunuu ua uma
ona fagogota mai fafo aua atunuu, ua aga atu nei e saili
lava so latou manuia. O le auala moni lea ua ala ai ona
toe faalatalata au ma le faaaloalo lava, ina ia toe liuliu
malie i ai lo tatou atunuu, o lea o loo i ai le malosi ma le
manuia o alo ma fanau aua Samoa mo a taeao. Tatou te
le taumafai ina ia faamalie, aua e le mafai, le mafai ona
atoatoa. Ae peitai, pe i ai lava se isi faiga, ina ia toe
faaopoopo atu ma faatosina atu i alo ma fanau, ina ia
mafai ona toe foi atu e galulue, ae le gata i lea, o nisi
faiga ina ia noatia ai ē o loo malaga atu i fafo i luga o le
Malo, i ama foi mai ua pule a latou. O lau afioga i le
Palemia, o se tasi lenei o vaega o loo ia te au lava le
popoe, poo ua talafeagai ona ou tauina atu pe leai, sei oo
i ona taimi talafeagai.
Lau afioga i le Palemia ma le Kapeneta, o le vaega
lenei ua leva ona ou manatunatu i ai, o le fia faatauina o
le pule mamalu a alii ma faipule, pe a e toe silasila ae i le
Faavae, pe afai e le o aafia i le Faavae le pule a alii ma
faipule. O taimi lava ou te matauina i lea tausaga ma lea
tausaga, o ai lava e agai mai i upufai ma e o le a
faatautaia lea sa o Samoa, e toetoe lava ina a leai se sui
mamalu o Faipule e saunoa, i le pule mamalu a alii ma
faipule, o le la o loo faafofoga mai. Ae paga lava lea, a
oo ina faafeagai ma le Tulafono, e leai se ai, e le
amanaia, ae ou te talitonu o lenei maualuga ma lenei
mamalu, e fanau mai iina i le pule mamalu a alii faipule.
O le agaga la o le talosaga, pe tusa ma ni a faiga faavae,
ia silasila totoa aua le maualuga o le pule mamalu a alii
ma faipule ma o iina foi o loo faatagisia i soo se
faalavelave, o a ni tulaga faigata ma fita atoa ai foi ma le
Minisita lena o Atiina ae, ia e faatalosagaina le pule
faamalumalu i alii ma faipule, aua le puipuia o le
saogalemu o tatou uso asiasi ma tafafao mai fafo, peiseai
o le tasi lena o agaga e ala ai ona talanoa atu.
Lona lua, lau Afioga i le alii Palemia, ona o le vaega o
le Pulenuu, i le tau matau atu i le 500 selau agai i luga, e
tusa e 200 le tatou totogi lea e i ai, atonu ou te sese, ia e
le o se mea e afaina ai ae ia maua mai le uiga o lau
talosaga.
I le agai ifo i lalo poo le 200 e foliga mai na o le $73.00
le totogi o le Pulenuu o loo i ai i le masina. O le ala lea
ua mafua ai ona ou tuuina atu le mamalu e o le Fono o le
Palemene i a outou afioga i Minisita i le afioga i le
Palemia i lenei 3 tausaga o le talosaga lena. O ai lava se
faipule e fai mai e leai, o la e faafofoga mai. Ua i ai iina
outou tauau, ua i ai iina la outou faatuatuaga, ma le
faamoemoe e pei ona filifili mai lo outou mamalu o iina,
ae paga, a tala atu o soo se Malo mai i lea Matagaluega i
lea Matagaluega ia avatu lava, ona o le gagana e ao ona
faamalamalama, a tali ni sua i le taeao o se Aso Gafua,
fuafua i se nuu e tusa e 100 ma ona tupu ni saofaiga aua
e le matai uma ni tama ma ni fafine, o lona uiga e tali le
sua i le malu i le taeao o le taumafataga ia ma faapena, o
lona uiga a tatou fua i le tulaga o loo i ai, ia peiseai o le
talafeagai, o se tasi o pulenuu. Ina ia toe mafai se isi
faiga ina ia toe silasila totoa i ai ma vaai agai i ai ina ia
toe faaopoopo le totogi o tatou alii pulenuu.
Lau afioga i le alii Minisita o Femalagaaiga, sa i ai le
aso e le mamao atu, sa ou asiasi ai i le Motu i Salafai, sa
i ai foi le matafefe. Na matou taunuu i ai e lei taitai lava,
faatali, faatali, ae oo i le taimi o le a alu le vaa, ae faatoa
oo atu le Tusi Pasese, aemaise lava lou tagata ua
taumafai atu nei e uunai solo ua oo lava i le taimi o le a
alu ai le vaa ae lelei isi tama matutua sa talaaao atu lava
latou e tietie i le vaa, ai ona ua masani. O lau talosaga ua
le na o se manatu faapito aua o le tulaga lava lea o sui a
faipule, o lea lava ua ou talosagaina i latou o e faia lea
Matagaluega ina ia vavevave ona le nunumi ai lea ae o le
a maua lelei nofoaga o le mamalu o le atunuu e agai atu i
Salafai.
O le isi vaega ina nei ou sese, poo fea tonu o loo
faasaga agai i ai. O le Royal Samoan Hotel. O lea ua
tatou sausaunoa pea i lenei mataupu o le Faletalimalo.
Ua uma ona fesuaai le tofa ma le faautautaga, o se mea o
loo i ai le manuia. Talu ai i le tausaga ua tuanai atu i le
25 sa autovaa mai ai le lalolagi sa autovaa mai ai malo
sao u faalogo e le lava Faletalimalo. Sa tau soosoo atu o
fea o i ai se tamalii o fea o i ai se Failauga, o i ai sona
laoa poo i ai sona Maota. A siligia atu e le alii Minisita
ia aua tatou malo ina ia avatu le talalelei, e le gata i le
tatou Malae Vaalele, ae ia lava saunia mea faapena. O le
uiga la o lou manatu ma lou taofi, e leai lava se mea o i
le lalolagi nei e atoatoa. I le isi itu, e faapena, o le natura
o le soifuaga. Ou te talitonu lau afioga i le alii Palemia,
ia taumafai nei oe e uli le sa o Samoa. O ou faiva na. E
masani i nuu ma alaalafaga i aso ua mavae, a alu ni vaa
pe aga i Malu poo Apia, e iloa lava tagata tuua poo
tamalii e lelei a latou faauli, a o nisi latou te feseuai i
taimi uma lava le vaa, e alaalaga ai le aumaga. O lona
uiga la e masani ona faapena. A siisii le gataifale, o lona
uiga ua lagalaga mea uma o le fesili pe aisea? Ua le o le
au tapuai, ua le o le tautai a o le matagi a le Atua. Ua
folau le vaa i le taimi a o le fuafuaga sa i ai o le tautai, o
le tautai e saogalemu ai a ua lele le vaa o le mea ua tupu
sa latou loto fiafia ina ua saunoa atu le taitai fai le la, o le
a fesoasoani e mapu ai mai le aloína o foe, vaeatu le paia
o le Maota. O le a le mea ua tupu ua saoasaoa foi le la ua
popole ua le toa ua le mau manatu ua faapea loa e sala le
la, a o le faalavelave e sala loa le la, goto loa ma
nofotaia. Atonu o le mea tatau ona faalogo pea i ai le
taitai, tuu i lalo le puni ona tuumamaina lea o le alu a le
vaa, o le a taunuu lelei. O si o tatou atunuu pei ona ou
talanoa atu i lenei mea leai, e au i le tauola e au i le
fagota. E a le finagalo o le Atua mo lea tolu tausaga poo
le a le mea o i ai, o le mea sa saili i ai la outou tofa.
Atonu nei ou sese ona ou te fou o lea ou te talanoa atu, o
lea ua na ona toe faataunuu, o iina e iloa ai e nonofo
fealofani, o iina foi e iloa ai lo tatou fetuutuunai i mea sa
outou faia ua le i atoatoa, ia atoatoa nei o ni mea foi e le
i faia ia amata loa nei ae tatou tapuai ma vaavaai lo tatou
vaa, a agi mai se matagi pau lava o le natura o le lalolagi
Saunoaga Faataupou Sui USufono 19861-2011
e faapena. Atonu e le umi, e tele atu ae na o sau tala e
faaiu atu ai, ae e i ai nisi Minisita e le i oo i ai sou leo ia
o lou pulou lena ua to atu. O outou faiva na, ae ao ona oo
atu sau faafetai i lau Susuga i le Aloalii lau Susuga Vaai
Kolone ma lau kapeneta ma lena Itu o le Malu. Ua outou
tulai mai nei tou te lagolago ma outou faufautua o le tasi
lena o taleni, o le tasi lena o faiva e faatamalii lena ua
tuuina atu, e le mama ae mamafa. E momoli atu lau
faafetai, faafetai galulue, faafetai faatoatoa, faafetai mo
le tele o mea lelei sa outou faia, afai foi ua i ai ni mea ua
le atoatoa, o le natura o le lalolagi, a o i ai se tasi o
manatu ane e faapea e lelei, ia togi le maa. Ou te talitonu
tou te masani i laei, tou te masani i faiva, ua outou
masani e galulue lo outou soifua tautua i le atunuu. Ua
ou talitonu i ai ae tatou o i le Atua e tapuaiina lenei tolu
tausaga ina ia solosolo manuia lo tatou atunuu. Ia faatai
lea o le leo ma le tautalaga, ou te faamalulu atu, afai ua i
ai se upu ua le tusa i le faafofogaaga ia vai malu ma ave i
fale. Ia faatumauina pea le tofa i lau afioga a le Fofoga
Fetalai, aua le faafoeina o le tatou Malo. Lau afioga i le
alii Palemia ma sui filifilia i le Kapeneta, atoa ai ma sui
usufono mamalu o faipule aemaise le tapuaiga a le
atunuu o tapuai mai ia manuia.
Susuga SAPAU LOLESIO
Itumalo Faaalaalafaga:
Sagaga le Falefa
Filifilia:
22 Mati 1988
Faatauto:
7 Aperila 1988
Lauga Faataupou:
20 Iuni 1988
Lau Afioga i le Fofoga
Fetalai ma le mamalu o le
Maota. Lau Susuga i le Tapaau Faasisina, le afioga i Sui
o Fono o Sui Tofia. Aiga ma o latou Tama, Tama foi ma
o latou Aiga, le mamalu maualuga ia Tumua ma Pule,
Ituau ma Alataua, Aiga i le Tai ma le Vaa o Fonoti. Le
paia i failauga o Fata faitaulaga e fia i totonu o Samoa, i
totonu o Samoa, le tapuaiga a lou Itumalo pele o Sagaga
le Falefa, le afifio a Toetaufanua, le afifio o Maiava ma
le Papaliitele, le afifio i le Maopu o le Tui Aana, le susu
o Alo o Malietoa, le mamalu maualuga o le Tapunuu
faapea le Faletolu ma le tagata fou. Le afifio i Aiga e
Tolu, fetalaiga Luatua, faapea foi i le tapuaiga a o tatou
uso i Sasae. Lou itumalo e, ia tapuai maia ae o le a sei
taumafai la outou auauna aua faiga upufai a le Malo o
Samoa.
E muamua ona ou momoli atu le faafetai ma le faamalo
i le Komiti o Tupe, ona o le fautuaina ina ia sii totogi o
tagata faigaluega. E momoli atu foi le faafetai ona o le
galuega fita sa feagai ai i le taimi ua tuanai. Ae tasi lava
sina faanoanoaga o lou nei sui ona o le tulai mai o le
Ofisa o Leoleo ma Falepuipui, ona ua soloia se vaega
tupe e $16,000 mai le vaega tupe na talosaga o lea
Matagaluega. O loo talosagaina e lea Matagalega ni
taavale se lua, faatasi ma le taavale mo le saogalemu ae
ua teena le talosaga mo le uila afi, ae na o le tasi le uila
afi o loo talosagaina. O loo taua mai i le Lipoti sa teena
le $16,000 o le tau o uila afi e lua.
O lea la ua soloia nei le vaegatupe lea, ma le faaaliga o
le a i ai se taimi e toe maua ai se tupe e $58,000 ona
faataunuuina lea o le manaoga o le Matagaluega.
O uiga ia e pei ona taua e sili ona aoga mo le faatinoina
o tiute o alii leoleo. O taavale e sili ona taugata, ma e sili
atu ona manaomia nei uila afi mo le faatinoina o o latou
tiute. O le uila afi e faafaigofie ai galuega, ma e sili foi
ona taugofie. O se isi itu taua, o le faafeaoina lea o le Ao
Mamalu o le Malo poo ni sui foi o Malo tetele e autovaa
mai aemaise o sauniga mamalu ma le faamanatuina o le
Tutoatasi. O lona lua, i lau matau atu i le Lipoti lea o loo
taua mai ai le 10 miliona tala mo le faletalimalo o le
Royal Samoa, ona pau lava le fesili ou te fia fesili atu ai i
le Minisita o Tupe ona ua maua i lau faalogo faapea e le
10 miliona tala lea o loo ave ma faamatuu atu (faa-nogatupe) ma o loo taua foi e se tasi sui o le Komiti e faapea
o le tupe lenei e $16miliona o loo teu faafaigaluegaina.
Peiseai o lau fesili lea ma le faaaloalo lava, poo lenei
tupe e $16miliona pe faa-noga-tupe teu faafaigaluegaina.
Lau afioga i le alii Palemia e faatalosagaina ai lava lau
afioga, ina ia fausia se Tulafono, mo le faatutuina o
taavale afi i luga o auala tetele, e pei ona maua atu i le
tele o nisi o sui sa saunoa i faafitauli o loo tulai mai nei i
luga o ala tetele. O le faamoemoe ina ia saogalemi
femalagaiga i luga o ala tetele.
Lua, ina ia faia ni feutagaiga i le va ma le afioga i le alii
Palemia faapea le tatou Motu i Sasae e uiga lea i pemita
o femalagaiga a tatou nei ma le Motu i Sasae. E pei lava
ona silafia i nisi o faafitaulu o loo tulai mai i nisi o
faalavelave o loo tulai mai i le Motu i Sasae, pe a fia
malaga i ai nisi o tatou i Samoa i Sisifo nei. E
faatalosaga atu ai aua ou te talitonu o loo vavalalata le
afioga i le alii Palemia ma nisi tofi maualuga i le Motu
Sasae.
Tolu, e talosaga atu i le afioga i le alii Palemia ona o le
fia maua o se sui faaopoopo i le Palemene o lenei
itumalo. E pei lava ona silafia ua faatupulaia lava le
aofaiga o lenei itumalo. E pei ona faaalia mai i lipoti o le
Ofisa o Fuainumera Faamaumauina le tusiga igoa i le
tausaga e 1981 o loo taua mai ai e 7,472 le aofai i lenei
itumalo, ma o lenei ua taunuu mai i le tausaga e 1988 ua
7 i le 8 tausaga le tusiga igoa lenei. O lona fa, ina ia toe
faaopoopo ni tofi i lenei itumalo talu ai e i ai nisi o le tofi
pulenuu talu ai lea ua maua le faaaligaia e soloia se taimi
mulimuli ane ai. O lea e avatu ai le talosaga vaivai lavam
ua maua atu o loo i ai nisi o vaegatupe e toe faaopoopo
mo le tofi Pulenuu, ma e toa 27 tofi o pulenuu faaopoopo
o loo maua atu i le Lipoti o le a toe faatulai mai i le tofi
Pulenuu. O lea e faatalosaga atu ai lava ma le faaaloalo i
lau afioga mo ni tofi Pulenuu o lenei Itumalo.
Lona lima, sa vaaia ma le faanoanoa l;ava e pei ona
taua e nisi o sui, le taimi ua tuanai at usa vaaia ai le
mafatiaga sao u vaaia sal aina ma timuia mai i luma o le
Ofisa o Niu Sila ma sa ou vaaia le tumu o luma o le
Saunoaga Faataupou Sui USufono 19861-2011
Ofisa seia paia le itu i Sisifo o le Maota Faamasino i
Apia. E talosagaina ai lava lenei faigamalo ina ia
alofagia, i ni fuafuaga e tusa ma le faamoemoe mo le
lumanai.
O le Fale Meli, e talosaga atu i lau afioga i le alii
Minisita i tulaga tau Telefoni, ua loaloa foi aso o
faamuta le Telefoni i le afioaga i Malie ma e oo mai lava
i le taimi nei. Ou te talitonu o loo faagasolo mai ai foi i
le itu i Sisifo o Faleasiu. Ou te talosaga ai foi lau afioga
mo ia faaletonu. Sa i ai se taimi na fofoga ai foi le
atunuu i sui o afioaga taitasi inaia faafeiloai ma le Ofisa
o le Malo aua le faatutuina o ni Telefoni i fale o Komiti
o Tina i afioaga i le itu i Sisifo. E oo mai i le taimi nei e
lei faatutuina lava ni telefoni.
Lau afioga i le Minisita o le Soifua Maloloina, e
talosagaina e toatele lava nisi o sui mamalu o loo
talosagaina ni alii fomai. Ou te talitonu i le utiuti o le
aufaigaluega i lenei vaitaimi. Ou te talosaga atu ai mo se
alii fomai mo le matou Itumalo i Afega. E pei lava ona
silafia e lua Itumalo tetele o loo aofia i lenei Falemai o
Sagaga le Falefa ma Sagaga le Usoga. O lea e talosaga
atu ai lava ma le agaga faaaloalo lava. Ua matauina i
lenei vaitaimi le tele o nisi o Komiti o Tina ua
faamaamulu, ma ua faavaatuia o le latou taumafai talu ai
ona o le faafetai mo tamaitai poo Komiti o Tina o loo
taumafai mo le faatinoina o tiute faa-fomai o lenei
Falemai.
Lau afioga i le Minisita o Eleele ma Fuaga Fanua, e
faatalosaga atu ai lava foi i lau afioga e faapea, o
Faatoaga a le Esetete Tausi, i tuamaota o le afioga i
Faleula. E talitonu e toatele nisi o sui mamalu sa saunoa
lava i le tulaga lenei i le fia manaomia o ni fanua. E
matau atu i lenei vaitaimi i le afioaga i Malie o looo i ai
le fanua poo le faatoaga a le Esetete Tausi o loo faalava
tonu lava i tuamaota o lenei afioaga. E tusa lea pe maila i
le maila ma le afa le mamao mai le alatele agai i le
Malae Vaalele. Ua faatalosagaina mai lava e lenei
afioaga se talu ai pe ua fefoiai pea i latou i galuega o
galueaina lalo o koko ma niu, sei tulou mai i le tausaga
ua mavae, talu ai ona ua utiuti lava le fanua poo eleele o
galulue ai ia nei afioaga. E pei lava ona silafia a alu atu
faatoaga a Faleula agai i uta, e poloka mai e le faatoaga
lenei a le Esetete. E sosoo le Esetete ma fanua nei ua
taua o Nuu o loo atiina aeina e nisi o Malo mai fafo e pei
o Ausetalia, Saina ma nisi malo. E faapea ma faatoaga i
Nuu, Lafi ma Tafaigata, o lea e faatalosagaina ai le
Minisita o Eleele ma Fuaga Fanua ina ia alofagia lenei
talosaga a lou nei Itumalo.
O tuamaota o Saleimoa, ma le faaaloalo lava atonu ua
silafia e le mamalu o lenei Palemia le tele o nisi o
faatoaga, o faatoaga e umia saoloto i tuamaota i lenei
afioaga o Saleimoa. Ou te talitonu, o loo taumafai pea
lava ni fuafuaga e toe faamatuu atu i lenei fanua poo
eleele tau i lenei afioaga. O lea e faatalosagaina ai le
Minisita o Eleele ma Fuagafanua i se talosaga vaivai a
lenei Itumalo. E pei ona silafia o faatoaga o loo i ai nei i
tuamaota o Saleimoa, o le faatoaga a le tamaitai o Tele,
ma ou te talitonu ua umia nei e se tasi o alii faipule. O
lona lua o Faatoaga o le susuga lea i le alii o Alaelua
Saleimoa, o le faatoaga a Tuimalealiifano o loo umia e le
Kamupani a Molesi, ma le faatoaga Cobcroft faatoaga
nei, e fa o loo amata nei e lenei Itumalo. E
faatalosagaina ai lau afoga i le alii o Eleele ma
Fuagafanua, ina ia silasila totoa lau afioga e tusa ai ma
lenei talosaga.
O le Minisita o Galuega, ou te talitonu ua tele ni
talosaga ua tuuina atu e nisi o sui faipule e aofia ai auala
galue, vai paipa moli uila ma vai taele. O le auala galue,
i le afioaga i Faleula, ia e pei lava ona silafia e le
mamalu o le Maota o loo faaaogaina, e pasi, mo Faleula
uta ma Aele. E le gata i nei pasi ao le mamalu lautele o
le atunuu. E faapea Ofisa o Malo mai fafo o loo atiina ae
tuamaota o Faleula. O lea e talosaga ai le Minisita mo
auala galue o Faleula. O le mea sili ona faanoanoa i ai,
ona o lumafale tonu lava o atiina ae nei poo faatoaga a
le malo mai fafo ua uma ona faataina, ae nao lumafale
lava. Ae tusa po o le 2 i le 3 maila le va lea mai le alatele
o le Malo agai i le Malae Vaalele. O le va o le alatele
agai i le Malae Vaalele na faatoaga nei ua atiina ae e
malo mai fafo e matua leai lava ma se ta ae sui vagana ai
lava luma tonu lava o faatoaga nei o loo atiina ae e malo
mai fafo. O lea ia alofagia ia auala galue o lenei afioaga.
O auala galue o Levi ma Alamutu faapea foi Lotosoa,
Salepouae, Nonoa, Malua ma Utualii, e pau mai i
Tufulele. E faatalosaga atu ma le agaga vaivai lava ina ia
alofagia le talosaga vaivai a lou itumalo. Ou te talitonu o
loo i ai fuafuaga a le faigamalo mo le atiina aeina o auala
galueg. E faatalosagaina ai ma le agaga vaivai lava ina ia
silasila totoa i ai le Minisita o Fuagafanua ma Eleele. O
loo silafia se tasi o auala leaga o loo i ai nei i lenei
Itumalo. Atonu o le a mafai ona faamaonia mai e se tasi
o alii faipule o lenei Maota.
O vaipaipa, atonu ua tele ni talosaga ua tuuina atu e sui
mamalu ma o lenei lava le tulaga o loo mafatia uma ai
lava itumalo, i se vaitaimi talu ai sa galueaina ai e lenei
itumalo le vaipaipa lea na faataatia atu i tuamaota o
Leauvaa, ma e ui mai le alavai lea i Fiaga, ma agai atu ai
i Sisifo. Atonu pe na o se 1 i le 2 masina na faaaogaina
ai le suavai mai i lenei vaipaipa. E oo mai i le taimi nei e
lei toe maua lava se suavai. E talitonu o lenei vaipaipa
mo lenei Itumalo. O le vaipaipa mai Aleisa i Malua, o le
vaiaso na mavae nei, na maua ai se faaaliga sa galueaina
ai ia vaipaipa nei mai Aleisa agai mai i Malua. E
maitauina lava ma le faanoanoa ona e i ai nisi o afioaga
o lea itu, e i ai Faleasiu, Tufulele, Tufulele o loo toatele
lava le mamalu o le atunuu o loo nofoia Faatoaga i
tuamaota, e le maua ai se avanoa e tai ai ni paipa mo
latou mai i le paipa lea o loo tai mai Aleisa agai i Malua.
O lea e faatalosaga atu ma le faaaloalo lava.
O le itu i vai taela, muamua, o le vai taele i Levi. O
lenei vaitaele o loo faaaogaina lava i le tele o aso, ma o
aso o mugala ma e tele lava ina le maua se vai, na o nai
afioaga lava e tuaoi o loo latou faaaogaina le vai. Aua e
le gata ina faaaoga e faamalu ai ae maua ai foi le vai
taumafa. O tuamaota o Levi ma Alamutu ma Lotosoa, e
5 ni vai o loo i ai nei, ma o nei lava foi vai o loo i ai foi
Saunoaga Faataupou Sui USufono 19861-2011
lava ma vai taumafa. Ae peitai la ua punitia nei le
fetafeaiga i le vai lea mai le suasami i le tulaga sa i ai le
vaipaipa muamua i le afioaga i Lotosoa. Ua le mafai ona
fetafeai lelei le vai ona ua see ese le tulaga o le mea sa i
ai le auala laupapa i le tulaga lea ua iai nei. Ua faatafe i
paipa o loo tanumia i lalo o le alatele e le mafai la ona
maulu tonu le suasami poo le vai i le mea ton usa tafe ai
le vai. Ua tulaga faaletonu ai nei vaitaele ia poo vai foi o
loo maua ai vai taumafa a lenei itumalo, ona talu ai, ua
toa le vai ua le mafai ona fetafeai le vai i tai ma uta. O
loo i ai foi nisi o vai i tuamaota tonu lava o Salepouae
ma Noa. O se tasi o vai, o le vai o loo i ai nei i se tasi o
Laumua o le Ekalesia Faapotopotoga Kerisiano i Malua,
o le Tofu ia Ola le igoa o le vai lena, a faapuupuu o
Tofuola. O se tasi o vai o loo i le afioaga o Tufulele, o
lenei foi vai o loo tele lava ina faigofie mo le afioaga e
faapena foi i nuu tuaoi i aso o mugala o loo faaaogaina
lava nei vai, e pei ona tau atu, i aso o mugala e faaaoga
ai nei vai, e pei ona tau atu, i aso mugala e faaaoga lava
nei vai. I ama e faatalosagaina ai lava lau afioga i le alii
Minisita inaia alofagia lea vaega. Aua o loo maua o loo i
ai se vaegatupe mo vaitaele, ina ia maua se fesoasoani
mo nei vaitaele e pei ona taua. E lua, tolu vai o loo
fesootai ma le sami i le ituala i tai ma vaitaeale e 7 o loo
i tuamaota.
O moli auala. Ou te talitonu o lo o i ai se vaegatupe mo
moli auala. O lenei foi itumalo e na o le fitu lava moli
mai Faleula faasolo atu ai i Levi seia paia Tufulele. E
fitu moli o lo o mumu i le taimi nei. A faatusatusa i se
tasi o afioaga i le itumalo o Tuamasaga, e tasi le nuu ae
14 moli o lo o mumu ai i le taimi nei. A faatusatusa la i
lou itumalo e valu i le iva afioaga o lena ua silasila i ai le
mamalu o le Maota. I le afioaga o Faleula e matua leai
lava ma se moli i le taimi nei. I Levi e 2 moli o lo o i ai.
O Lotosoa ua leai se moli. O Lotosoa ua leai se moli. O
Malua e matua leai lava se moli o lo o i ai nei i le
Laumua o le Ekalesia. O Utualii e faapena foi, e faapena
foi le leai o se moli i Tufulele. Sa ou talosagaina le Fono
Tele i Malua ina ia alofagia ni moli o le auala i le amata
atu lea i Salepouae seia paia Malua i le agaga lava sa i ai
ina ia faamalamalama alatele a le atunuu i aso tumutumu
i le Fono Tele i Malua aemaise o le Tutoatasi o si o tatou
Malo. Ae peitai ane atonu ua fai foi sina pisi i lea
vaitaimi ma e talitonu o se taimi i le lumanai o le a
faatino ai lea faamoemoe.
Ou te toe talosaga atu foi ma le agaga faamaulalo lava i
lau afioga i le Minisita o Galuega, e manaomia lava ni
moli uila mo e o lo o nofo mau i tuamaota o lenei
itumalo e amata atu i Faleula seia paia Tufulele.
O le tulaga faaletonu o le auala o lo o i ai nei e pei lava
ona silafia le tele o faalavelave o lo o tulai mai i lenei
vaitaimi ona o le faaletonu o le alatele aemaise le alatele
lea agai i le Malae Vaalele. Ua matauina na pei u agoto i
lalo se isi vaega o le ogaala lea agai Sisifo, ma nao u
matauina ai a oo atu le taavalea lea o le alatele, ua pei ua
seu i le vaega lea ua saogalemu. Ae pei foi ua matau atu
i se fautuaga a se tasi sa i ai i le vaitaimi o le faafouina o
lenei auala, o le vaitaimi lenei ua ao lava ona toe faafou.
O se faaaliga faapea ole tai fitu tausaga ma ao ai ona toe
folasia se ta fou e toe faamalosia le alatele lea, ae peitai
ane atonu o le tulaga faaletonu foiu lea o le auala i le
vaitaimi nei ona o le tele o taavale mamafa ia o lo o
faaaogaina pea i le tele o aso e oo mai i le vaitaimi nei.
Ma le faaaloalo lava e pe isa taua e nisi o sui le taugata
o tiute o mea nei mai fafo e pei ona maua atu i le Malae
Vaalele e faapea ma le uafu i Matautu tai.
Ou te talitonu o lo o faia lava tiute o Alii Ofisa, o le
Tiute, ae o lo o i ai lava le avanoa e fetuutuunai ai lava e
alii tiute aemaise o le mamalu o le atunuu o lo o faasea i
tulaga faapenei, ina ia vaaia alii ofisa sinia.
I ama ou te talitonu lava o lo o uia lava e nisi o le
mamalu o le atunuu. Ae o nisi lava e le o silafia e latou
se auala e tatau ona uia i lea itu. Atonu o lo o
faataunuuina lava tiute o alii ofisa, ae paitai ane, e pei
ona ou faaali atu o lo o i ai laba auala e maua atu ai le
fesoasoani mai le alii ofisa sinia o lea tiute.
E pei o se faataitaia e faapea atu ai, e pei o tulaga ia i
mea ia o pasi ova. O le tele o nisi pasi, e faaooina atu i le
Ofisa o Leoleo ma talosagaina mo le faatagaina o se ova
o se pasi ua le mafai ona tatala e leoleo. Sa fetuunai foi
leoleo ia, aua e le mafai e leoleo ona tatalaina se
tulafono. O le mea lava e masani ai pasi i taimi ua tuanai
sa vaaia lava lava ia susuga i alii faafeagaiga ia po o
tama matutua foi o le atunuu e talosagaina le Ofisa o
Leoleo mo se avanoa e tatala ai se pasi e fia ave ai se
pasese ua sili, po o ni pasese ua obva i ama o le tulaga
lava e i ai e faapena lava ona fetuutuunai le Ofisa o
Leoleo ma faatulaga ai se tulaga ina ia sailia ai se isi
pasi, po o le taumafai foi ia faanonofo lelei le mamalu o
le atunuu i totonu o le pasi, ma lapataia foi le avepasi ina
ia faaalualu lemu.
Ia pei o uiga lava faapena, e fetuutuunai lava. E pei ona
taua e se tasi sui o le fia maua lava o se pule o alii
faipule e pei o leoleo. Ma lou faaaloalo lava, o tatou uma
lava e felagolagomai i le tausia ma le puipuai o le
tulafono. E pei lava ona silafia o lo o i ai lava aiaiga
faale-ofisa e manaomia lava le mamalu o le atunuu inaia
lipoti atu ni solitulafono e le o silafia e leoleo. Pei o se
faataitaiga o le tulaga lea i pasi e silafia e leoleo. Pei o se
faataitaiga o le tulaga lea i pasi saosaoa po o nisi lava
ituaiga taavale. Afai ua maua e se isi o le mamalu o le
atunuu ua saosaoa, e masani lava ona faapea e toso le
logo, tu lea o le pasi, ua talosaga anei le pasese i le
avepasi sei faamolemole sei faaalualu lemu le pasi, se
tasi o avepasi ua alualu lemu lava le pasi e pei ua sili atu
ai le savali i le alu a le pasi.
A o nisi pasi ua sili atu lona saosaoa i lo le saosaoa lea
na mafua ai ona taofi le pasi. E pei o itu la ia e
talosagaina ai le mamalu o le Maota, leai o lo o i ai lava
avanoa e talafeagai ai ina ia faafesootai loa lava le Ofisa
o Leoleo e faatoai i ai ia ituaiga solitulafono faapenei.
Sa taua foi e se tasi sui e lagona ai lava le faanoanoa e
faapea sa i ai se misa na tupu i se faafiafiaga foi a lenei
itu i se tasi foi aso ua tuanai. O le upu moni lava e le i i
ai se misa na tupu, i le Tusitala i le faafiafiaga lenei. Na
maea lelei lava le faafiafiaga e aunoa ma se faalavelave
Saunoaga Faataupou Sui USufono 19861-2011
na tupu ma atonu o le po lea na tupu ai le faalavelave lea
i le Tusitala sa taua ai se au lakapi mai le afioaga i
Fagalii. E tupu la lenei faalavelave ua leva lana ona
malolo lenei itu ua maea le faafiafiaga. E peiseai o le
faamalamalamaga lea ma le faaaloalo lava.
O lo o taua foi e nisi sui tusi valaaulia, ma lou faaaloalo
lava o lou nei sui e ese ma le faaaloalo i tusi valaaulia.
Sa maua foi i se taimi talu ai ni tusi valaaulia foi i se
taumafataga po o se faaafe foi a le afioga i le alii
Palemia ma le Faletua i Matagofie i le aso muamua o le
masina nei, o lo o taua ai na o e lava e valaaulia, ona o le
le i maua o sou tusi ae le mafai ona ou taua.
Sao u auai foi i le faafiafiaga lea sa fai i le po i Vailima
ona sa maua tusi valaaulia. Ae o se itu foi e faanoanoa i
sa valaaulia aloaia lava e lenei foi itu le afioga i le
Palemia ma le Kapeneta i le tatalaina o le Ofisa o lenei
itu faaupufai o Malo, ae peitai ane, sa le auai le afioga i
le alii Palemia atonu po o sa i ai ni tuatuagia. Sa afio ai
foi le afioga Patele Tovio ma nisi o faafeagaiga sa faatasi
ai, ae toe tolopo lava le taimi o le tatalaina o lenei
sauniga ona sa faatali le afioga i le alii Palemia. E pei ua
ala ona ou taua nei itu ona ua faasea mai foi nisi o le la
itu i lenei itu, na o ni itu lava e fia faamanino atu ma
faamalamalama ina ia faasaoina nei tulaga faapenei o le
fevesiai i le Maota.
Lau afioga i le Fofoga Fetalai, lau afioga i le Palemia
ma le Kapeneta le mamalu i sui usufono o le Palemene, e
ui lava ina eseese a tatou vaega faaupufai ae talitonu e ao
lava ona tatou galulue faatasi. O se faanoanoaga lava ia
te au, i lau matau mai i taimi ua tuanai, i tulaga faalemanuia o lo o aliali mai pea i totonu o le Maota, lea la ua
oo mai i le taimi lenei ua ou talitonu ma ou mautinoa
tulaga e auina ai lava se fautuaga ina ia alofagia. O lenei
ua tatou taumafai i se lumanai manuia o si o tatou malo,
ma e maua lava tulaga e auina ai lava se fautuaga ina ia
alofagia. O lenei ua tatou taumafai i se lumanai manuia o
si o tatou Malo, ma e maua lava tulaga lelei uma i le
tatou va fealoaloai. O le tele lava o lau matau i lenei
vaitaimi, ona o nisi lava o saunoaga lava e taufaaleaga i
se tasi uso a tagata.
E pei o le mea sili lava lea ona ou faanoanoa ai. O fea
ea o i ai le ava fatafata ma le va fealoaloai? O le
faatamalii ma le faapalepale. Na o ni manatu lava e
faaali atu ma le faaaloalo lava, e talironu o le a tatou
taumafai faatasi ma tatou galulue ma faapena ona
fesoasoani mai le Atua aua le lumanai manuia o si o
tatou Malo.
O le tau o le soifuaga e pei ona taua e se tasi sui, e toe
faaopoopo atu lava i le Malo o tulai mai nei ina ia
alofagia le tau o le soifuaga pe mafai, ona faapau po o le
soloia o le tiute aua le fofoga taumafa o le atunuu
aemaise lava i taumafa o lo o faaaogaina i aso taitasi po
o aso uma lava.
O tulaga tau Faamasinoga. E lagona lava le faanoanoa i
lea taimi ua tuanai. Ou te le faapea ou te faasoa i faaiuga
o faamasinoga ua tuanai atu sei oo mai i le vaitaimi nei,
ma e lagona lava le faanoanoa i faamasinoga sa tulai mai
i taimi o faiga palota. Ona o lea lava vaitaimi sa aafia ai
foi lou nei sui i faamasinoga. E le afaina ia te au pe afai
lava ua i ai se tasi sui e fia faatoai se talosaga ona o ni
tulaga le aloaia e tusa ai ma le ala o le tulafono.
E pei o le faapalota o nisi, e lei lesitalaina, po o le
faapalotaina e nisi o lo o i fafo, po o tulaga uma faapena
aua leaga o aia tatau i le agata lava i ama lona
faamoemoe. Ao le faatosina atonu e aafia uma lava sui
mamalu i lea solitulafono. Ae petai ane, o le a se tofa foi
po o se faautaga i le Maota pe afai e 47 sui mamalu o
lenei Palemene ae faatoai faatasi lava le tagi, a lea
faasaga i lea, i se taimi o lumanai, o le a se mea o le a
tulai mai. O le a leai ni sui, o le a matua leai ni sui e
faatautaia le tatou Malo.
Ia na o se agag lava e fia faaali atu ma le faaaloalo lava
e pei lava ona silafia o lenei lava e taputapuai lava lenei
itu o le faigamalo. Ae ui i lea e pei ona maua atu i le
afioga i le alii Palemia. Leai, ua tuuina atu lava i le
filifiliga a le sui i le molía o se tasi sui, e pei ona tulai
mai i lenei vaitaimi.
Faafetai lava mo le avanoa. E maua atu ia toatele foi
nisi sui na pauu ona o le faatosina ae pei e maua atu foi i
le saunoaga sa faauilavea i lea vaega, pe aisea na le fai ai
sau faatosina, o le a le afaina lea itu pe aisea na le fai ai
sau faatosina, ia o le a le afaina lea itu ma lou faaaloalo
lava. O lenei taimi ou te faamallu atu i lau afioga a le
Fofoga Fetalai faapea lau afioga i le Palemia ma le
Kapeneta ma le mamalu o sui usufono, o le a lava se upu
ma se gagana ua sala ma pao papa i le faafofoga a le
Maota ma tapuaiga a le atunuu ia faafoi mai ni sese o le
sui auauna. Pau lava ia muaau, muliau le Atua e tusa ma
le faamoemoe o le tatou fonotaga aua se lumanai manuia
o si o tatou atunuu. Ia soifua.
Tofa SEVE ROPATI
Itumalo Faaalaalafaga:
Vaisigano Nu.2
Filifilia:
22 Mati 1988
Faatauto:
7 Aperila 1988
Lauga Faataupou:
17 Iuni 1988
Lau Afioga i le Fofoga
Fetalai, ae ou te le i tuuina
atu se manatu i le Tala Faatatau Faaopoopo o le Tupe ua
faataatia nei, e muamua ona fia momoli atu lau faamalo i
lou tulai mai i le Nofoa. Ae tainane foi le e‟e i le afioga i
le alii Palemia ma le mamalu o le Kapeneta, faapea sui
usufono mamalu o lenei Palemene. Ae tainane foi le e‟e
mai o le paia o Ulu o Matagaluega a le Malo, o loo
tautua ma galulue aua le manuia lautele o Samoa. Le
tapuaiga i le Ao Mamalu o le tatou Malo, le Susuga a
Malietoa Tanumafili II, faapea le Sui o le Fono a Sui
Tofia, ae tainane le paia o le aufaigaluega a le Atua o loo
nono manu ma tatalo aua se manuia mo Samoa. Le paia
ia Tumua ma Pule, Ituau ma Alataua, Aiga i le Tai ma le
Vaa o Fonoti ae tainane Tutuila ma Manua.
Saunoaga Faataupou Sui USufono 19861-2011
O lau faafetai e ui atu i le Nofoa ma Malo mai fafo o
loo fesoasoani malosi i le tau atiina ae o le tatou atunuu.
E pei o atiina ae o le Malae Vaalele, Suavai Taumafa,
Eletise ma isi lava galuega. Ou te fia faafetai i le Malo o
Ausetalia ma le Malo o Niu Sil ama le Malo o Siamani i
Sisifo, Iapani, Amerika ma isi Malo, faapea foi ona
faafetai atu i Faletupe o le Lalolagi, le IMF, Faletupe o
Asia ADB, ma le Faletupe o Europa.
Lau afioga i le Fofoga Fetalai ae ou te lei tautala i le
Tala Faatatau Faaopoopo o le Tupe, ou te fia momoli le
faafetai i le tapuaiga a lou Itumalo. I Papa ma
Vaivaimuli, o oe o Sataua, le paia lava lea i Aiga, Aiga o
Nofo, Aiga o Tupu, Aiga o Papa, le Falefa o Sataua ma
lau Fetalaiga Lealuga. O ou paia na, o ou sa na. Le paia
tele ia Fagasa o loo afifio ai Luapitofanua ma Ufagalilo
ma le Maopu. Le fetalaiga ia Aumua ma Maninoa ma le
mamalu tele ia Fagasa, ae tainane foi le aufaigaluega a le
Atua o loo galulue i totonu o lo tatou Itumalo aua se
manuia i le itu faaleagaga. O lau faafetai lea.
Ae o lenei taimi, o le a muamua ona ou tautala i
Matagaluega ma mea o loo manaomia e lou itumalo. Lau
afioga i le Fofoga Fetalai, e avatu i le Nofoa lau faamalo
i le tulai mai o le Minisita o Galuega, lau Susuga
Leiataua Vaiao. Ou te fia tautala i le pamu o loo i
Sataua, lea o loo aveina atu le suavai i Fagasa, Vaisala
faapea foi le Falemai. E masani ona tulai mai faafitauli i
lenei pamu ona o le lē lelei ona vaaia e le Matagaluega.
Ona o lenei pamu e vaavaai atu i Salelologa. A i ai se
mea e faaletonu, e faatalitali mo le 2 poo le 3 aso ona
faatoa taunuu atu lea o le inisinia e fai le pamu. O le
talosaga i lau afioga, pe le mafai ona tuu atu lenei pamu
e vaai e le Ili Laupapa i Asau. O le pine o lau
faamatalaga, sa i ai se pamu i Asau lea ua i le Komiti a
le Ili Laupapa. Sa masani ona faaletonu le Ili Laupapa
ona o le faaletonu o le vaaiga o le pamu lea e i Asau e le
Matagaluega. Ona talosaga loa lea o le Kamupani i le Ili
Laupapa i le Matagaluega ina ia tuu atu le vaaiga o le
pamu ia i latou. O nei la ua le o toe i ai se mea e
faaletonu.
O le vaega e lua, o se galuega tele e le o toe galueaiina
e oo mai i le taimi nei, o le faatanoa vai lea. Ma o lenei
faatanoa vai e alu ai le vai i Sataua-uta, Papa-uta,
Falealupo-uta, Falealupo-tai, Tufu, Neiafu ma Falelima.
E aoga tele lenei faatanoa vai, e le gata i tagata soifua ae
o le mea lea o loo naunau i ai le Malo o le atiina ae lea o
faatoaga. Aua o lenei itumalo faafaipule, o le isi itu e
taua o le itu Asau, o le atiina ae lava o le koko e
tamaoaiga ai. E manaomia tele la le lelei o le suavai i le
itu lenei. Lau afioga i le Minisita sei e toe tagai lava i ai
ma sei e toe faamalamalama mai i lou nei sui poo le a le
tulaga ua oo i ai. O lea ua i Falealupo-uta le paipa, ae ua
leai se suavai e alu ai.
Sa taua e se isi sui mea tau eletise. Faafetai atu mo lea
atiina ae taua, ae o lona lave, o le pe soo. Ou te talosaga
atu ai i lau afioga i le alii Minisita, pe le mafai ona maua
mai se isi afi e avatu mo matou i le Itu Asau.
Ona ou oo mai ai lea i le Matagaluega o Faatoaga. Lau
afioga i le Fofoga Fetalai, e faamalo atu i le afioga a
Pule ma lona tulai mai i lenei tofi. E le o se tagata
faifaatoaga, o ia o se Suetusi. Ma ua faaalia lona fiafia i
lenei itu o le faifaatoaga, i aiaiga o le Tala Faatatau
Faaopoopo o le Tupe, lea e aliali mai e tele se vaegatupe
ua faaagaaga mo faatoaga. O lenei itumalo, faapea foi le
itumalo o lau afioga i le Fofoga Fetalai faapea foi ma le
itumalo o le afioga ia Nonumalo Faiga, o nei itumalo e
tamaoaiga lava i le koko. O le faalavelave lea ua tulai
mai, ona o le ave solo o faamanuiaga a le Malo ma le
Matagaluega i isi itumlao, ae le ave tonu i itumalo ia e
ola ai le koko. Pau lea o le tamaoaiga o loo galulue ai
tagata o o matou itumalo, o le mea lea e tatau ona
faamuamua i le faiga ponesi, lea o le a alo atu le Malo e
tufa i tua.
O le isi itu lau afioga i le Fofoga Fetalai, pe le mafai ni
nonogatupe laiti ona faamaonia mai e le Komiti o Koko.
E tuuina atu lenei talosaga ona o faifaatoaga laiti. E
amata mai ia Ianuari, Fepuari, Mati, Aperila, o nonofo
matitiva lava. O lea faatoa tau lelei mai le fuata i lenei
vaitaimi. E fa masina o nonofo matitiva lava. Pe le mafai
ni nogatupe laiti mo faifaatoaga laiti ia ae faamaonia mai
e le Komiti o Koko. O le isi mea lau afioga, o le isi
tamaoaiga o lea itumalo o le moli taumafa. Ua i ai nei le
faamai lea ua faatamaia ai le fuata moli. Pe leai ni
vailaau ma ni fesoasoani e mafai ai ona foia lenei
faafitauli? E tusa o le 90 pasene o le fuata moli ua
faatamaia e lenei faamai.
Lau afioga i le Fofoga Fetalai, faafetai ua maea se
taligasua a lau afioga, faapea foi le alii Palemia ma le
mamalu o le Kapeneta ma Sui Usufono mamalu, faapea
Ulu o Matagaluega. Ma se i faaauau lau faamatalaga i
mea ua o ulaga ou te manatu e aoga mo le lumanai o
Samoa. O le a oo lau faamatalaga i mea o loo i lalo o le
vaaiga a le alii Palemia. Lau afioga i le Fofoga Fetalai, e
ala atu i lau afioga lau faafetgai i le tulai mai o le alii
Palemia i le tofi.
Lau Afioga i le Fofoga Fetalai, ou te fia tautala
muamua i le Matagaluega a Leoleo. Ua aliali mai pea i
lenei vaitaimi aemaise tatou tupulaga talavou i le ulaina
lea o le laau faasaina (marijuana). Ma o se vaaiga le lelei
lea ua maua ai tatou tupulaga talavou. Ma ou te
mautinoa o loo lava le aufaigaluega a Leoleo aua le
vaaiga o le saogalemu ma le puipuia o o tatou tagata. O
le mea lea ou te faapea atu ai i lau afioga, pe lei oo lava i
le Afioga i le alii Palemia se tofa ia galulue faatasi leoleo
ma le mamalu i alii faipule, ina ia foia faafitauli. O le isi
aoga o loo galulue faatasi o alii leoleo ma faipule, o le
vaaiga lea o le tatou sami, i le faatamaia i le ava Niu
Kini, fanai‟a ma isi vailaau oona.
Lau afioga ona ou oo mai lea i le Faalapotopotoga a le
Esetete Tausi, o le tasi lenei Faalapotopotoga a le Malo
ua faitau miliona tupe a le tatou atunuu o loo alu ai. Ma e
amata mai i le 1981 o loo faaletonu pea. O lou talitonuga
lau afioga i le Fofoga Fetalai, o le suisui soo o le
faigamalo ma le suisui soo o le Komiti Faatino o le tasi
lena pogai.
Lau Afioga i le alii Palemia, ou te momoli atu
moomooga lelei i lau Komiti Faatonu Fou mo le galulue
Saunoaga Faataupou Sui USufono 19861-2011
faamaoni ma le amiotonu ma le alolofa i le auga o lenei
Faalapotopotoga tele a le Malo.
O le a ou tautala i le Ili Laupapa i Asau. O le tasi lea
Kamupani Laupapa o loo i ai lona Sea i le Malo, e 98%
o loo umia e le Malo. Ma o loo faatupuina tele tupe a le
Malo o loo aitalafu ai i Faletupe. Ma e tasi lenei
Kamupani aoga ia Salafai. O loo maua ai galuega a
tagata, ma le eletise, o le mea mai le suavai, o le eletise
taugofie. Ma o loo faasaoina (safe) mai ai le suauu mai
fafo ma faasaoina mai ai a tatou tupe.
Lau afioga i le Fofoga Fetalai, ia tautuana ma le alii
Palemia lenei Ili Laupapa, e ao lava ina lelei ona faafoe.
O le Komiti o Pulenuu ma Pulenuu o lou lagona lau
afioga i le Fofoga Fetalai, o le tasi lenei Komiti e aoga
tele mo le atiina ae o Faatoaga, o le atunuu. O le tulaga
lea i faatoaga. Ma e ao ona lelei le faiga mo totogi o
Pulenuu, e fesoasoani ai i le Ofisa o Faatoaga mo le
faatinoina o faatoaga. Lau afioga i le Fofoga Fetalai ona
ou oo mai ai lea i le Ofisa o Aoga.
O lea ua afea i le tele o saunoaga a Sui nisi o mataupu e
laga mai i lenei Matagaluega. Ma e lua nai mea ia ou te
fesili atu ai i mea tau faleaoga pe i ai se fesoasoani a le
Malo mo le fausiaina o faleaoga o nuu ma itumalo. O
lona lua o le Iunivesite o Samoa pe fia se tupe e alu ai a
le Malo i le tausaga e tasi. Poo le a foi lona maualuga i le
tulaga tau aoaoga o loo i ai nei i le Iunivesite.
Lau Afioga i le Fofoga Fetalai, ona ou toe oo mai ai lea
i le Ofisa o Faatoaga, Faigafaiva ma le Vaomatua. Ma e
ui atu lau afioga lau faafetai i le afioga i le alii Minisita o
loo tulai mai nei. O loo taua e nisi o sui ia pole fagota. E
ao ona faatinoina lenei matata aua e faigofie ai e le
aufaifaiva ona sue le mea o i ai i‟a.
O le isi itu lau afioga, o mea tau masini, aua mea tau
faatoaga. E pei ona taua e nisi o Sui mea nei o palau. O
lea ua ave le 5% i taavale a le aufaifaatoaga i le tausaga
ua tuanai. Pe le mafai foi e lenei faigamalo ona aveese le
5% mai tiute o nei masini. Aua e sili atu le aoga o masini
nei i le aufaifaatoaga i le taavale. Aua o le tele o auala
galue e le mafai ona sao ai taavale. Ae i lou lagona e sili
atu le aoga o le palau i lo le taavale.
Lau Afioga i le Fofoga Fetalai, ona ou oo mai lea i le
totoina o le Vaomatua, o lou lagona e ao ina faaauauina
pea lea galuega o loo faatino i le taimi lenei. O loo i ai le
Ili Laupapa ma ua tele se sea o lenei Ili Laupapa e ao
ona faaaoga i ai nei laau toto.
Lau Afioga i le Fofoga Fetalai, ou te faapea atu i le alii
Minisita ina ia faaauau lenei galuega lelei. O le isi
faafitauli i totonu o le Matagaluega o Faatoaga o le
fesootaiga lea o le aufaifaatoaga ma le Matagaluega. I le
taimi lenei, na o le tasi lava le mea lea e fesootai ai, na o
le ala-leo a le uaealesi, ae tatau ona i ai se nusipepa a le
Matagaluega e faailoa atu ai i le aufaifaatoaga le tau o
vailaau, le tau o meafaigaluega ma le tau o fua o
faaeleeleaga i fafo, e pei o le esi, koko, mago ma isi mea
faapena e tatau ona nonofo malamalama le aufaigaluega
i tau o faaeleeleaga i fafo. Ma e faagaeetia ai foi le latou
fia galulue i nei faaeleeleaga aua le avatu i fafo o lenei
lava seleni. O le isi mea lelei e tatau ona faaalu i luga o
nusipepa o le uiga o faama‟i eseese ma lona fofo.
E faafetai foi i le Minisita o Faatoaga ona o lea ua a‟e
le tofa i le alii Minisita o loo faaopoopo le $240,000 i le
$100,000 lea na pasia e le Malo talu ai aua le faiga faaponesi o le Popo ma le Koko. A o le fesili la poo afea la
o le a maua ai nei ponesi? Lau afioga e ao ina
faamuamua le atiina ae o le koko, aua o se atiina ae e sili
ona faigata e sili foi ona taugata. Ou te fautua atu i le alii
Minisita ina ia aua nei toe oo tufatufaga o lenei ponesi e
pei o le mea lea o le nogatupe faamagalo (suspensory
loan) sa i ai talu ai. Aua o le faiga o lenei faaunegatupe
toe faaola, ua soona tufa i itumalo e le o lelei ai lenei
atiina ae. Ma o lea ua aliali mai e le o lelei. E tatau ona
tufa i itumalo e sili ona lelei ai le tamaoaiga lenei o le
koko, e pei o Aana ma se vaega o le Tuamasaga, o
Savaii o le Itu Asau seia paia Falelima, ma se vaega o
Falelima. Lau afioga i le Fofoga Fetalai, o se fautuaga
mo le Matagaluega o le aufaifaatoaga, ona ou oo mai lea
i le Matagaluega o Tupe.
Lau Afioga i le Fofoga Fetalai, e ala atu i lau afioga le
faafetai i le Minisita ua tulai mai i lenei tofi. Ma e
faafetai foi i le Tala Faatatau o le Tupe o loo opea nei i
le Maota.
Lau Afioga i le Minisita o Tupe, o lena ua folasia atu e
nisi o sui, manaoga o o latou itumalo. Ua avatu i
Matagaluega a le Malo ia mea tau tupe e faatino ai
galuega. O lea la ou te faapea atu i lau afioga i le alii
Minisita e ao ona soalaupule lelei mea tau tupe a le tatou
Malo. Aua o tupe a le Malo lenei e tele ni tupe e nono
mai fafo, i le tupe e maua i lenei atunuu. Ma e ao ona
lauama tootoo, aua lau afioga i le Minisita o mea tau
Tupe e leai se isi e soona vavevave ai le faasea. Aua o
nei aso ua tatou iloa le faigata, o sina mea sese, e faitau
afe lona tau. O lea e avatu ai lau fautuaga i lau afioga i le
alii Minisita sei toe tagai ae lava i le tupe lea o le a ave i
le Royal Samoan Hotel. Pe le tatau ona faamalie finagalo
o Sui mamalu nei i mea o lo o manaomia e o latou
itumalo. Lau afioga i le Minisita o Tupe o lo o ia te oe le
faasoasoaga o mea tau tupe a le tatou Malo. Ia
soalaupule lelei mea tau tupe. Lau afioga i le Fofoga
Fetalai, ona pau ia o nai manatu ou te avatua i lenei
taimi. Ma ou te faapenei atu i lau afioga, ia manuia lou
tauaveina o le fonotaga a le Palemene a Samoa i Sisifo,
faapea foi le alii Palemia ma le mamalu o le Kapeneta
ma sui mamalu uma o le Palemene. Soifua.
Saunoaga Faataupou Sui USufono 19861-2011
Susuga Hon TANUVASA LIVIGISITONE
Itumalo Faaalaalafaga:
Aana Alofi Nu.2
Filifilia:
22 Mati 1988
Faatauto:
7 Aperila 1988
Lauga Faataupou:
27 Iuni 1988
Lau Afioga i le Fofoga o le
Fono e muamua lava ona
see lilia ma ou taia le tafaitoa e pei o le fetalaiga i le ava
na i Utumalama. Sei lia foi ma ou matautia faatulou i le
tapuaiga i le afio o Le Ao Mamalu o le tatou Malo le
Susuga i le Tapaau Faasisina faapea foi le Sui o le Fono
a Sui Tofia le afioga Matafaa Faasuamaleaui Puela
faapea foi Aiga ma a latou Tama, Pule ma Tumua, Ituau
ma Alataua, Aiga i le Tai ma le Vaa o Fonoti, le paia i le
aufai tatalo i Ekalesia uma o le tatou atunuu, o latou o
loo punonou i po ma ao, ao ma po. Ua avea foi a latou
tatalo ma punavai o faamanuiaga ua lelei ai ma manuia
ai a tatou Faigamalo, na i le malosi o matagi ma afa. E
faatulou atu foi i le tapuaiga a Amerika Samoa i le afio o
le Kovana ma le Kovana Lutena faapea foi le Fofoga
Fetalai o Maota e lua, ma tulaga faalupelupeina ia
Tutuila ma Manua.
Lau Afioga i le Fofoga Fetalai faapea foi le afio o le alii
Palemia ma Minisita o le Kapeneta tainane foi le afifio o
Sui mamalu o le Fono Aoao Faitulafono filifilia mai
itumalo e fia o le tatou atunuu. Le paia o faauluuluga o
Matagaluega ua tatou faatasi o loo lima taumatau i ai le
tatou Malo i le tauaveina o tiute tauave. Ae ou te faanoi
atu foi i lau Afioga e fia faapai atu i le matou itumalo
pele, i Leulumoega faapea foi lo matou nuu o Nofoalii.
Tulouna lava oe le Faleiva ma le Matuanatogi lau
fetalaiga Alipia faapea foi le afio o Sooaemalemalgi,
afifio foi Tuioti ma Taualofai o alo o Tamalelagi, le
mamalu ia te oe le Tumua faapea foi le afio o le Aiga
Satuala o le Aiga faalagilagi ma le latou Tama, le afioga
Muagututia. Susu foi lau Susuga i le Aiga o Sa Tanuvasa
faapea le mamalu i laau na fausia. Alaala foi lepaia lava
ia o si o tatou itumalo. E le mafai foi ona faagaloina pe
laaloa le manatu. E avatu foi le faamalo i le afioa Tupua
Tamasese o le sa tauaveina lo tatou tofi i ia fatia e tele ua
tuanai. E le laaloa foi le silasila a lo tatou Itumalo ma le
tatou matau atu foi i fatia ua ua tea. Sa mafai ai ona aoga
lona soifua mo nisi o atiina ae o si o tatou itumalo,
faamalo faafetai tau ina ia manuia pea ia tulaga
maualuluga ua faaeetia i ai.
O lenei foi taimi e faigata foi ona laaloa atu ni manatu i
nisi upufai faamalo aua e pei laba foi o nisi saunoaga a
sui ua maea ona saunia ma faapea ifo o matou o Sui fou.
E moni lea taofi ma lea manatu ae ui laba i lea ona ua
valaaulia i tofi ma tiute e tatau ona faatino e tatau foi ona
oo atu i ai fuafuaga uma. O lea o lea o le a taumafai atu
ai e tali atu i saunoaga ma fetalaiga ua opea i le Maota
nei.
Ae ou te lei tautala atu la i ia mea uma lo tatou itumalo,
e leai lava se mea o ia mea ua taua e sui mamalu o loo
moomia mo le fia atiina ae o lo tatou atunuu. Ia lafo
maia o loo tau fuafua lava e le Malo se taimi paganoa e
tatau ona faatino ai lea faamoemoega.Talosia ia alofa le
Alii ia solosolo manuia fuafuaga o le alo atu i ai o le
Malo.
Ae fia laa atu loa le tautalaga ma ni nai manatu e tusa ai
ma matupu sa lagaina ai. O saunoaga foi a Sui ua maea
ona saunoa i le Maota, le afioga i le Faasisina Leleisiuao
mai le itumalo o Palauli sa ia siligia pe aisea ua le toe o
mai ai ni vaa Turisi i lo tatou atunuu. Peitai o le tali ua
maua mai e i tala atu o le tatou mafai ona faatino lea
mea. E faalagolago i le lava o pasese e femalagaai mai, a
lava pasese e agai mai i lo tatou faaitu ia ona faapena foi
lea ona oo mai.
O lona lua o Mataupu sa laga lava e Leleisiuao sa
faapea le fesili aisea ua tauvalea ai le tatou Expo e tusa
ai o tusitusiga i nusipepa. O lau tali atu i ai ia o le uiga
lava ia o pepa. Fai lava o le a sina mea laitiiti e aliali mai
ma tupu ia o le latou lava lea matafaioi, o le latou lipoti
atu. Ao le mea na tupu i le tatou ausiva na avea o a tatou
siva faa-tatoum a oo la ina ave ave le po siva ua lalata le
taualuga. Ia pei o iina na mafua ai ona tupu se
faalavelave laititi lea na lipoti mai e le Pepa. Ae silafia
foi o lenei Maota faapea le faafogafoga mai a le tatou
atunuu, a oo laba ina fai taualuga e masani laba foi nisi
matutua ma e masani i poula ona faapea o le a sei matua
sasae lava le mata o le aitu, tulou o le upu e to ia te au. O
ni nai uiga la faapena po ua i ai sina aleul ua mafua ai
ona tusitusia ia mea ma lipoti mai i le Pepa…….
Faafetai lava i le faauilavea i le Sui Mamalu. O le
maketiina o a tatou tagata tafafao i fafo. Faatoa foi mai
nei foi le isi malaga analeila. E le mapu pe faamalolo
lenei Ofisa i le faamoemoe lava lea e tasi, o le taumafai e
faatosina ai o tatou tagata maimoa ina ia fesoasoani mai i
le tatou tamaoaiga ma le atiina ae. O le ala foi la lea o le
tatou luga, lalo, ma avatu, aumai, e pei ona tatou fetufaai
i mea tau fale talimalo, o le agaga leava lena e tasi. O loo
iinei foi se tasi malaga mai Iapani ma o le latou mea foi
lea o lea e fia o mai e talatalanoa mai ai, o loo faatali foi
le isi malaga mai Austelia i le vaiaso o lumanai nei. O le
agaga lava lea e tasi o loo o mai ai. Ae manatua foi le
mamalu o lau afioga ma le mamalu o le Palemene e le
soona uuinaiina tele foi lo latou faamoemoe. E pei ona
maua mai ai i se tasi o tuleiga saunoaga tautuana le tatou
agaifanua. O le mea lava lena o lea e ave i ai le
faamuamua, e auma mea tatou te naunau nei i ai, ae nei
tei ua maumau le tatou agaifanua o loo ave ama mea
pele ma mea e faamuamuai ai o outou finagalo ma o
tatou taofi o le mea tonu lava lena. A o le fautuaga ia e
matua lagolagoina ma le loto faafetai. O le upu foi la o le
ave o se matou tusi e ave i se Nusipepa e faamama atili
ai, ua faafofoga mai le atunuu mai le atunuu i lenei po i
le tatou felafolafoaiga. O lea foi ua fai atu le tautinoga o
au o loo faauluulu i ai lenei Matagaluega atonu ua mama
lelei lava. O le mea moni lena na le fia a isa matou tusi e
ave, ana fetausiai e oo mail aba i le taimi lenei o faapea
Saunoaga Faataupou Sui USufono 19861-2011
lava le avatu, aumai. Ia a ua sao lou manatu ua sao le
togafiti na matou faia o la e lava ua gase ifo lava. O le
tali atu lea ma le faaaloalo e tusa ai ma lea Mataupu.
Ua lavea ai la ma le mea lea sa fautua mai ai le Sui
mamalu o Aleipata Itupa i Lalo. O lea la ua ou tali atu i
ai faafetai lava i lea tama matua o le Maota nei o loo
taua pea i lona finagalo le tatou agaifanua. O le mea
moni lava lena o loo faapelepele i ai ma puipui i ai lenei
foi Matagaluega ina ia le fesopoai. A ia e lelei ina ia
tumau pea o tato tagata i le agaga faaaloalo ma le
finagalo Kerisiano.
O le sui mai Palauli i Sisifo le Susuga Tauialo Palepo
sa ia taua faapea e i ai se tafaoga sa taeele i le vaitaele i
Piula ma sa latou faaaogaina ai ni laei faale-manuia. E
momoli atu le faafetai a lenei Ofisa aua o le tatou tiute
uma lava lea, e le na o le Minisita ma le Ofisa e vaaia itu
faapea ae poo ai lava poo se alii, poo se tulafale, poo se
faipule foi, po o so o se tagata na te silasila i ni itu
faapea, o le mea lena e iloa ai le tatou ato o loo tausoa
faatasi. Tatou felogonai i ama ou te tautino atu o le aso
na e saunoa ai iinei, o le aso na sosoo ai na alu ai le tusi
faamailo a le Ofisa lenei ia tatou Ofisa uma lava o loo
feaveaia a tatou tagata maimoa. E mafai ona faamaonia
lea upu i soo se Ofisa o tatou o loo feavaia tagata
maimoa e te maua i ai le tusi a lenei Ofisa na ave lava i
le aso e sosoo ai. Ua lapatai i ai laei ina ia faaleleia,
lapatai i ai ia tatou tu ina ia taofiofia ma ia lelei ona
faafoe. O le mea lea e momoli atu ai le faafetai e tusa o
lea faamoemoe.
O le saunoaga i le matua usoalii le afioga Afamasaga le
Sui o Aana Alofi Nu.3 e le o se faitioga tele ae faafetai
atu foi ona e faapea ua feteenai tolo maa o loo teuteu ai
le auala ma na fai foi e teuteu ae fai ma mea ua faalemanuia i le saogalemu i le fegasoloai a le atunuu. Ae
moni lava lea manatu. Ae e i ai foi isi taimi e teuteu lava
le ala foi ua po, a o la e teuteu le auala ona taatitia lea ua
galo i le au-teuteu ala maa, i afioaga foi i tua ona toe
faatulaga elei maa. Ao lea ua faafofoga mai si o tatou
atunuu, o le atunuu foi e fai mea lelei ma faamama tafaala, ia outou alolofa faatulaga lelei maa ma ia vali
paepae aua le maimoa a si o tatou atunuu.
Faafetai lava i le saunoaga a le afioga Afamasaga. O le
faamoemoe lava e tasi na fai ai nei mea, ina ia e asiasi.
Ae leai ma se faatonuga po o se mea na alu atu se
faasilasilaga a lo tatou Mao a mea o maa ia e fai ma
auupega e tagolima i ai pe a oo ina tutupu mai ni
faalavelave faapea. O le upu moni foi tainane aveese
maa ia, ae o o tatou tagata lava ia e tupu ai le faalavelave
ia e sulu lava i le mea o i ai le paepae. Tiga foi lo tatou
mananao e aveese mea ia e faamanaia ai o tatou tafa ala
e maua lava maa, o iai foi taavale e feoai lava ma ave
mea.
Faafetai lava o le a taumafai lava i ai se isi faatatau a ua
ou vaai atu i le mataupu lea o loo pito ane i ai o le
mataupu lea a le Sui mai Vaimauga Sasae o Tafaese
Uili. O a tatou faailoga foi nei o loo faia i le ala tele. Ioe,
o nei mea o loo matua pologa matagaluega e tutusi fai o
le tusitusiga o suafa o nuu, ina ia faamatagofie e tele
tagata mai fafo latou te laaloa ai Fasitootua e laalaa mai i
Faleasiu. A o le faalavelave foi ua tupu o ia foi faailoga
ia ua masani foi ona faaleaga e le toatele o tagata. A o le
mea tonu lea e taumafai i ai lenei Matagaluega, e tiga
ona faaleaga ao fai lava, ona o le a? O le taumafai lava e
faamatagofie. O lea la ua tulai mai foi ma le mataupu
mai faailoga e tau atu ai i le atunuu o maa ia i tafa ala
mo le faamatagofieina ae le mo ni misa.
Ona ou oo ifo lea i le saunoaga a le Sui mai le
Vaimauga Sisifo, le afioaga i le Aoee. Faafetai atu lava i
fautuaga ina ia faaleleia galuega taulima faalelei ma toe
fai nisi aoaoga e faalelei atili ai lea itu. Ia faafetai tele o
le mea tonu lava lea ua oo nei i ai le fuafuaga e taumafai
e faalelei lo tatou fale oloa ina ia maua i ai mea lelei ma
lea numera tasi.
Faafetai foi i le fautuaga mai le afioga ia Faasootauloa
ua taua ai faapea ua lelei le Malae Vaalele taugata foi, a
o le sini na fai ai ia mea ua le mafai ona faatino, ona o le
a? Ona o le leai o ni fale talimalo ia le mea tonu laba
lena o lea tatou te avaavau ai nei. Tatou te naunau lava
ina ia ati ae ni o tatou faletalimao ua fia masaa mai i
totonu o le tatou atunuu ia e tafafo mai fafo. A o le mea
lava lea o loo fai ma lape i lenei vaitaimi ia o ni mea e
afifio ai pe a oo ina taunuu ai. Ae ui o lea ia tatou
faamoemoe ia mo a tatou atiina ae o loo fai nei ma atonu
lava o le a vave se taeao e foia ai lea faafitauli. E ui ina e
le o iinei le alii matua le afioga i le Tupufia le sui o
Faleata i Sasae sa ia alosaga mai ai ina ia toe fai nisi
tauvaga o teuga mai. Ia ese se tauvaga i Savaii ese se
tauvaga i Upolu nei. E faafetai tele atu mo lea fautuaga.
Pau laba lea na aumai le matou fuafuaga mo sina seleni
se teena e le Ofisa o le Tupe ia o loo tu‟itu‟i pea atonu
lava o le a i ai se taimi e maua mai ai se tupe ma faatino
ai lea faamoemoe. Ia o lea a faafofoga lava i ai le paia o
le tatou atunuu.
Sa ou faamauina foi le saunoaga a le afioga Tupuola le
Sui o Siumu e uiga i le mea lea e faatiga fofoga i le
vaaiga i o tatou fale ia i le Eleele Fou. O lea ua uma ona
saunoa atu i ai le afioga i le alii Minisita o Eleele e
faapena foi le afioga Leota Lu le Sui o Gagaemauga
Nu.3 o le talosaga lava i faletalimalo e faatasi ai ma le
afioga Sagapolutele. O le mea lava lena e pei ona ou
tautala atu i ai. O le sui lea o Tauau mai le itumalo o
Aana Nu.1 le tofa i le matua o Tauvaea. Sa ia faapea mai
ai ua siitia le tau o le pi aina ua siitia atigi fagu. Ou te
faasilasila atu ma lou agaga faaaloalo e leai se fuafua
faapena o i ai i le Kamupani lenei o le Fale Ava Malosi.
O le siitia o le atigi fagu o lau tupe lea e totogi mai a toe
aumai le atigi fagu. Aua pe lima sene le tau o le atigi
fagu oe 30sene e pei ona i ai nei e leai lava se mea e tasi
o aafia ai fua le tau o le pia ia. O le tau lava sa i ai le pia
o le tau foi lena e tatau ona faatau ai.
O le saunoaga foi a Tupuola Siaosi sa taua ai lea sa
avatu i le Tala Faatatau o le Tupe mo le faaopoopoina o
Sea o le tatou fale ava. Ua i ai le faamoemoe e finagalo
malie o le a tuuina atu lea i le afioga i le Minisita o Tupe
e avatu ai le faamalamalamaaga tonu o lea mea ona o
mea e aafia ai mea tau tupe.
Saunoaga Faataupou Sui USufono 19861-2011
O le tuleiga a le afioga Tuaopepe sa ia fesiligia ai le
$50,000 lea na talosagaina mo le tatou faamoemoe lea o
le tatou Expo 88 i Ausetalia. O le tali atu i le tupe lea sa
talosagaina o le tupe e tele pasese mai ai le tatou ausiva
lea sa i ai i o. Ua oo i le taimi ua tatu ona faafoi mai ai,
ia ae ua le gafatia e lo tatou Malo ona tauave le iai pea i
Ausetalia i le tatou ausiva. O lea la e talosaga ai le tupe
lea e faafetai ua maea ona pasia ma ua iinei foi le tatou
ausiva. O le ala lena na faatuai mai ai le tatou ausiva ona
ua le lava tupe e faatno ai le latou faamoemoe.
O le afioga foi a Tuaopepe sa ia fesiligia a tatou Sea i
totonu o le Fale Ava Malosi poo ai uma le aufai Sea o
iai? O le tulaga lenei o loo iai Sea o le a ou faalaulauina
atu. E 52.3% o tatou sea o iai, ole isi Kamupani Siamani
e taua o le DEG e 12.7%, o le Malo o Nauru e 10%, o
Brauhasse e 7.8%. O le aofai o Sea ia o loo faatatauina
atu i tagatanuu o si o tatou atunuu e 7.2%. O le isi
Kamupani lea e igoa o le Neptunia i Hong Kong e 5%. O
le isi Kamupani Siamani lea o le Meridith Brockwolt e
4.5%., ma le isi Kamupani lea o le Hoertelmann Project
e 0.5%. Ona maua ai lea o le aofaiga o pasebe o loo
faatamoe ai le tatou faleava e 100%.
O le itu tau Management fee (tau o le pulea) ia ua ou
talosaga atu i le afioga i le Minisita o Tupe na te
faamalamalama atu aua o mea ia o loo i totonu o le
Treasury.
Sa fesiligia foi poo i ai se Master Plan (ata o le
fuafuaga autu) i le mea e uiga i tagata tafafao maimoa
mai, o le tali atu o loo iai ma o loo i le matou Ofisa. A
faapea e fia silasila iai o le a mafai ona faaoo mai poo
taeao poo se isi aso fono o loo lumanai nei.
O Shares o le tatou Tusitala sa fesiligia foi, ia ua lafo
atu foi i le Minisita o Tupe na te faasilasilaina atu.
Ona pau ia o mea o loo ua faamaumauina e tusa ai ma
saunoaga a sui mamalu na saunoa i lenei Matagaluega.
O le mea lea na saunoa iai le afioga Unasa. Ua uma, sa
fono nei le Komiti lea a matou tali ai nei. Ua maea lelei
ona fuafua ma e tumau lava. Pule o le Tiute, Pule o le
Atiina ae, Pule o le Ofisa o Lafoga, o sui mamalu o le
Palemene o loo iai o le afioga Tauialo Palepoi ma le
Tofa Toi Aukuso. O le sui o le au-faifaatoaga o le
Afioga Lealiiee Luti. O le Komiti lea.
Faafetaui lava i lau afioga. Ina nei laa loa foi i le
silasila a le sui mamalu afai ua faatuatusa mai le tausaga
ua tuanai i le tausaga lenei ae o lea faatoa 6 masina o
lenei tasuaga. O le mea foi lea sa tatou fetauai ai nei i le
Expo 88 lea fai nei i Ausetalia, e tasi foi lea mea e
taumafai e atiina ae ai a tatou Turisi. O le ala tonu lea o
le auai o tatou i lea faamoemoe. E tau atu ai iina o loo
galulue pea le Ofisa mo le tiina ae ma le faamoemoe. E
le faapea o le a tutusa uma taimi. O se taimi ua lelei o se
taimi foi ua faale lelei.
O le faatosina mai foi o tagata, e le o ni oloa. O tagata e
fai o latou finagalo a fia o mai lava ua o mai a mumusu
foi i o mai e pule lava latou. O le mea la lea e tatau foi
ona tatou manatunatu i lea itu. O le ala foi lea o le avatu
o le matou tali ile itula ua mavae o loo taumafai pea e
pei ona faasilasila atu e le o mapu lenei Matagaluega i le
taumafaiga o lea itu e pei ona malie mai i le saunoaga. O
lau tali atu lea.
Ua le o toe umi lau tautalaga, o le faamoemoe o loo i ai
pea a tusa ai ma se finagalo o le Malo ina ua fesiligia pe
o le a le mea e tatau ona fai i Sea nei o le Malo o loo i le
Vailima. E lei maua se finagalo o le Malo ae ua iai se
fuafuaga e pei ona fautuaina e le Komiti sa latou vaaia le
Tala Faaopoopo o le Tupe ina ia faamatuu malie atu o
tatou tagata. E ui ina e lei iai se tofa i le Palemia ma le
Kapeneta ae atonu lava o le a liliu iai afai e talafeagai lea
mea ia o le mea lava lea o le a oo iai.
E tele faasea agai i le tatou Fale Ava Malosi. Ina nei tei
ua tatou vaavaai i le isi itu o le tupe ae tatau lava ona
tatou vaai i itu e lua. E tatau foi ona ou taufaapulapula
atu nisi o seleni o loo mafai ona maua mai ai e tusa ai o
le tulaga o loo i ai le tatou Fale Ava. O loo maua mai i le
tatou Fale Ava a tatou lafoga e aumai i totonu o le Malo
i tupe maua. Ae ou te lei taua la lea mea ou te fia
faasilasila atu foi atonu poo le tasi lea mea na ala ai ona
faatu lea atiina ae a le Malo. E ama i le isi itu ae o le itu
o loo sili ona tatou vaai foi iai, i le taimi lenei e 129 le
aufaigaluega o loo galulue ai. O Samoa o loo lafo a latou
lafoga, o loo totogi a latou NPF, o loo totogi a latou Taui
mo Faalavelave Faafuasei. O loo aumai i totonu o le
Malo na tupe uma, faatasi ai ma le maua o galuega a i
latou na.
E le gata i lea o faamanuiaga foi o loo maua mai ai i
mea tau tiute, i le tausaga e 1987, e $3,617 le Excise Tax
sa totogi mai e le Vailima i totonu o le Malo. O le
fuafuaga mo le tausaga lenei, ua ono nei masina ae o le
fuafuaga e mafai ona maua maua mai i totonu o le Malo
le $3,718,000 le tupe o loo fuafuaina e le Faleava ua leva
ona iai, e lei matua matua mautinoa foi pool le a foi le
faamoemoe na ala ai ona fai. Ae le tasi foi poo le a foi le
faamoemoe na ala ai ona fai. Ao le tasi itu nei tei ua laa
loa ai le silafaga a lenei Maota ma le faafofoga mo
fefaatauaiga. Silasila foi i aso ao lei iai se Faleava e tele
lava i suavai vae atu le paia o le Maota ma le
faafogafoga mai o le atunuu. Ao le vaitaimi lenei na o
mea foi nei o gaosia ai ae le suavai ua faaaogaina iai le
suavai manaia o si o tatou atunuu. E pei o nai itu la ia ou
te faasilasila atu ai ina nei o tatou toatamai tele i si o
tatou faleava ao loo fesoasoani malosi mai mo nisi itu
mo le tau atiina aeina o si o tatou Malo. O nai tali atu ia
mulimuli e tusa o fesili ua aumai.
Lau afioga ma le paia o le Maota, o fesili ua ua toe tulai
mai ai le afioga Tuaopepe, o fesili foi ia na ou fai atu ai
analeila e tuu atu le avanoa i le Minisita o Tupe na te
faamalamalamaina atu. Ua ou tuuina atu i le Minisita o
Tupe ina ia maua mai ase faamalamalamaga lelei e
faamalieina ai le sui mamalu.
O le mea lea ua tou tulai mai ai le Tofa Tafaese, o talo
ma popo ma mea na, o mea na e i le Matagaluega a le
Minisita o Faatoaga. O le a faamalieina lelei lava pe a oo
atu iai ma saunoa ai le Minisita o Faatoaga.
Ua faamalo atu faafetai tele i le avanoa sa tuuina mai e
fai atu ai foi se leo o lenei Matagaluega. E le fia tuuina
ifo ai lava le fia faafetai atu i le tatou atunuu. Ona o la
Saunoaga Faataupou Sui USufono 19861-2011
outou lagolago i ia foi tausaga ua tuanai. E ui lava i mea
uma ao le teuteuina o a tatou aai. E ui lava i mea uma ao
le teuteuina o a tatou aai. E ui la ina ua ou tulai atu foi i
lenei tulaga ua ese ai nai le Minisita talu ai, ae o lo outou
fingalo lagolago ua faafaigofie ai mea uma. E
faamoemoe o le a tatou galulue faatasi, e le ona o se taui
ae ona o le faamatagofieina o le tatou atunuu.
E le tau tulia e faapea ona o e e tafafao mai ae a
matagofie i la outou silasila ma la tatou vaavaai, o le
matagofie aupito sili lena, ina ia tatou nonofo ai i se mea
e aupito i sili ona matagofie. Faafetai atu foi i le tapuaiga
a lo matou Itumalo, e ui lava ina puupuu le taimi na fai
ai lo tatou sao ae atonu lava o le a maua nisi avanoa mo
le lumanai. Ae faafetai le tapuai mai.
Ia manuia ia lau Afioga i le Fofoga o le Fono. Ia lagi e
mama i le paia i lenei Maota ae tainane foi le tapuaiga a
le atunuu. E faamoemoe ia maua se malologa flemu i
lenei po, ia tatou maua fiafia se aso fou a taeao. Ia foi le
viiga i Le e ono ma tatau ai. Ia manuia lava lau Afioga
ma le Palemene.
Tofa TAUAUVE’A PESETA MOLI
Itumalo Faaalaalafaga:
Aana Alofi Nu.1
Filifilia:
22 Mati 1988
Faatauto:
7 Aperila 1988
Lauga Faataupou:
15 Iuni 1988
Ua ou tulai atu i le paia
ma le mamalu o lenei Fono
Aoao Faitulafono ma le faaaloalo lava. Ma ou te faafetai
atu mo lenei avanoa ua tuuina mai mo le sui o Aana
Alofi Nu.1.
Ou te faatulou atu i lau Afioga i le Fofoga Fetalai,
faatulou atu foi i lau Afioga i le Alii Palemia, lau afioga
Tofilau Eti Alesana, faapea foi le mamalu i le Aiga
Kapeneta. Faatulou atu foi i le mamalu o sui usufono o
le Fono Aoao a Samoa i Sisifo. E faatulou atu foi i le
afioga i le Ao Mamalu o le Malo, le Susuga ia Malietoa
Tanumafili II, le afioga i le Sui Ao, Mataafa
Faasuamaleaui, faatulou i Aiga o Tupe, Aiga o Nofo,
Aiga ma a latou Tama, o Tama foi ma o latou Aiga.
Tumua ma Pule, Aiga i le Tai ma le Vaa o Fonoti. E
faatulou atu foi i le paia o le aufaigaluega a le Atua o loo
tala faauto i itu e fia o Samoa o loo latou tauasuina le ipu
o le ola ma nono manu aua upufai o le Malo ma le
manuia lautele o tagata uma o Samoa. Ou te faatulou atu
foi i le paia o le Malo i Sasae ma le afioga i le Alii
Kovana ma le Maota o le Senate ae tainane le paia lava
lea ia Sua ma le Vaifanua, Fofo ma Aitulagi, Ituau ma
Alataua, Saole ma le Launiu Saelua. Tainane foi le paia
maualuga o le Tama a le Manuatele ma le Tootoo o le
Faleula. Ou te faatulou atu foi i lou Itumalo, o lou
Itumalo e pele ia te au, o Aana Alofi Nu.1. I le paia o sa
Tuala, Aiono ma Leaupepe, Sua ma Toleafoa ma le
Taauso. Le mamalu i le Falefitu ma le Fetalaiga i le
Matua o Tauauvea ma upu i lenei nuu o Fasitoo. Ae
tainane foi le paia i le Aiga o Mavaega, Taulagi ma Alo
o le Tamaalelagi faapea foi le Tamaaitu ma le Maugafa,
e polapuipui i le faletolu ma upu i le fuaifale. Ia tapuai
maia ma le manuia se i faaali se manatu aua se manuia
lautele mo le Itumalo.
E muamua ona ou faafetai atu i faigamalo ua tuanai atu.
Nisi o le lelei o mea ua uma ona faatinoina, e momoli
atu le faafetai tele i le sa avea ma Taitai, i nisi o mea ua
uma ona fai ae e lei atoatoa. O le ala foi lea ua filifilia ai
e lenei sui ina ia faaali atu ina ia faaleleia atili ai.
O le mea muamua ou te talosaga atu ai i lau afioga a le
Fofoga Fetalai mo se avanoa ou te fia tauutala i le itu
lava lea e faatatau i eleele, ona o lenei Itumalo masalo e
le o po se lilo lau afioga i le Alii Palemia faapea foi i le
Aiga Minisita. O le tele o eleele o lenei Itumalo o loo
umia e le Esetete Tausi. O lea la e i ai le talosaga atu e
auala atu i lau afioga i le alii Minisita o Eleele pe e lei i
ai sau fuafuaga e faamatuuina mai ai se isi vaega o eleele
o le Malo ina ia faaaogaina e lenei nuu? Silasila le
mamalu o lenei Maota Fono, o le galueaiina o fanua o isi
atunuu o le lalolagi, e i ai masini e mafai ona faalelei
atili ai le eleele, ae peitai ane le latou atunuu e le gafatia
o se tasi ia masini. A silasila foi la a tele le faaaogaina o
le eleele, e fiu lava e tuu atu mea toto, sei vae atu le paia
o le Fono o le ola lelei. O le a tauau lava e le toe suia.
Ma e le mafai foi ona oo i le malosi e tatau ona
manaomia e le soifuaga o le tagata i lenei vaitaimi ua i
ai. O le mea lea e talosaga ai lau afioga i le Minisita o
Eleele pe i ai sau fuafuaga, sei e alofa i lenei Itumalo? Pe
e lei mafai lava ona faamatuu ai nisi vaega o eleele o loo
i le Esetete Tausi mo le Itumalo o Aana. O lea e auala
atu ai lau talosaga e pei o le eleele sa ia Ausetalia o lea
ua tóatele nisi o Itumalo ua mafai ona latou faaaogaina
lea ogaeleele. A o le mea muamua sa i ai le faamatuu e
sa tatau ona faamatuu mai i le Itumalo o Aana Alofi
Nu.1 aemaise Fasitoouta ma Nofoalii. Ae peitai ane ua
faamatuu mo nisi o tagata eseese e le o ni tagata o le
Itumalo ma ua afaina ai lenei Itumalo. O lea ou te
talosagaina ai lau afioga i le Minisita o Eleele sei silasila
totoa i lea vaega pe talafeagai ona faaaogaina e ni tagata
ese, e le o ni tagata o le Itumalo o lavea ai la ma le
Itumalo o Aana Alofi Nu.2.
O le tulaga i le Vaipaipa, ua uma nisi galuega lelei ona
faatulagaina e nisi o o matou sui e pei ona i ai i le isi tolu
tausaga ua tuanai. E pei lava ona ou fai atu e momoli atu
le faafetai tele mo galuega lelei uma e atiina a‟e ai mo le
manuia lautele o ona tagata.
Ae peitai ane ua uma foi lena vaitaimi ae lei mautu ma
faaleleia. O lea la e talosaga atu ai i lau afioga i le
Minisita o Eleele ina ia faaauauina atu le paipa lea i
gauta i Saleimoa ma Utualii ina ia tau atu i gauta o nei
Itumalo ina ia faaleleia le vai ma le soifua lautele e le
gata ia i latou i le aai ae faapea foi i latou o loo i le vao.
O i latou ia o loo taumafai e galueaina le eleele mo le
lelei o tagata e auala mai i le atiina a‟e o le popo ma le
Saunoaga Faataupou Sui USufono 19861-2011
koko ma maumaga. O lea ou te talosaga atu ai lau afioga
i le Minisita o Galuega ina ia e silasila totoa i ai.
O nisi foi o galuega ua uma ona faatinoina ae lei
taunuu, o lena ua i ou luma lau afioga i le Minisita o
Galuega. Ia e silasila totoa i ai e pei ona avatu la matou
talosaga e tuusao atu mo le atiina a‟e o nuu ma
alaalafaga. O le itu i vaipaipa, e i ai lava nisi faaletonu i
tai i le aai. O le paipa o loo i ai nei, masalo e faalemalosi le suavai. E ao ona faaleleia i se tulaga
faaonaponei. E faalelava le suavai mo le lelei o le soifua
o tagata aemaise o le soifuaga o lea ua i ai nei le tatou
atunuu e pei o atunuu i fafo. O lena ua faataoto atu i
luma o lau afioga i le Minisita o Aoga e pei ona
manaomia e lenei Itumalo.
O se tasi vaega o le itu lea i vai ua uma ona faataoto
mai e tuaa ua mavae atu. E momoli atu le faafetai tele
ona o le polokalame na i ai i lena tausaga aua le faaleleia
o vai e taeele ai le mamalu o alaalafaga. E pei ona i ai le
polokalame a Saina.
Ae peitai ane la e lei faataunuuina i se tasi vai o le
matou nuu, o le ala lea e avatu ai lau talosaga. E le iloa
pe o le matagaluega a lau afioga i le Minisita o Galuega
e tatau ona avatu i ai le talosaga. A e lafo atu i luma o
lau afioga i le alii Palemia ma la outou Kapeneta ina ia
silasila totoa i ai ma ia faataunuuina se tasi o vaitaele i le
matou nuu e le o oo i ai le polokalame. E talitonu le
faamoemoe o le a faapea ona silasila totoa i ai a outou
afioga mo le agai i luma o le lelei lautele o tagata.
O se tasi vaega e talosagaina ai lau afioga i le Minisita
o Galuega o a matou moli. E matauina pea e lou sui ua
tele nisi o alaalafaga ua atoatoa moli o le auala, ae peitai
ane lenei Itumalo, a silasila i ai lau afioga i le alii
Minisita e le o atoatoa. I lou lava talitonuga faa-sui ia
lelei ona laugatasia alaalafaga ma nuu ma ia iloa ai e
lelei se faasoasoaina e se o loo taitaia lea Matagaluega.
E avatu la matou talosaga ma le agaga faamaulalo i lea
itu ae momoli atu foi le faafetai ma le faamalo i nisi o
nuu o lenei Itumalo na faataunuuina le moli agai i uta i le
mea o loo i ai faatoaga. Ua ala ona moomia lea vaega
ona o le tóatele o le mamalu o le atunuu ua faasolo i uta i
le vao. Ua lelei nisi vaega o le matou nuu ae o le pitonuu
lenei o Satui ua na o se vaega ua faatinoina. Sei silasila
totoa ane i ai ia tuuina atu le lautele o le eletise i e o loo
galulue i uta i le vao, e pei foi ona manaomia le vai. O le
tóatele o nisi o alaalafaga ua faasolo i uta i le vao e
nonofo ai. O se tasi lea o vaega e fia tauina atu i luma o
le tatou Malo.
E momoli atu le faafetai tele i lau afioga i le alii
Palemia ma lau Kapeneta mo fuafuaga uma e pei ona
faatulagaina mai i le Tala Faatatau o le Tupe. Poo a lava
fuafuaga uma o lea ua faataoto mai ua silasila i ai lo
tatou Malo mo le sologa lelei o le manuia lautele o
tagata e talitonu lava le faamoemoe tatou te fetautauai.
Poo le a lava se mea ua faatuina o se Malo e ao ina ia
tatou lagolagoina ma sapasapaia.
I le tulaga i fautuaga, laua afioga i le alii Palemia ma le
Kapeneta, o le a lava se mea matou te fautua atu ai e
tatau ona faatuatuaina se fautuaga. O le matou fautuaga i
lou lava sui e tusa ma lau faitau i le Tala o le Tupe ua
talafeagai e le gata i le totogi o le aufaigaluega a o nisi
mea e faaleleia ai faleaoga mo le manuia lautele o tagata,
aua le pulega e le Malo e i latou o loo taitaia le Malo. Ae
o le manuia lautele foi lea o le faafofoga mai a le Ao o le
Malo ma le Sui Ao o le Malo aua le galuega o loo
fitaituga i ai sui mamalu o lenei Maota Fono.
O tulaga foi e pei ona i ai i le lagolagoina o le
faletalimalo ua faatuina mai lenei tupe tele e tuuina atu i
ai, ou te talitonu lava o se atiina a‟e mo le manuia lautele
o tagata. E pei ona tatou moomia tagata tafafao mai o le
tasi lea o atiina a‟e e sili ona taua. Aua a tatou mananao i
le atiina a‟e leai ni faletalimalo e le taunuu le sini o le
faamoemoe aua o le isi lea o atiina a‟e aupito sili ona
lelei i lau lava matau faa-sui. Aua o le tóatele o tagata e
tafafao mai o le tele foi lea o le tupe maua a le tatou
Malo e aunoa ma se galuega tatou te faia mo sea seleni
tele, e maua ai.
O se tasi vaega ou te fia fesili i lau afioga i le Minisita o
Tupe ma le mamalu i la outou Kapeneta e auala atu i le
Fofoga o le Fono, e fia malamalama lou sui i le aofaiga o
tupe maua mai i alo ma fanau a le tatou atunuu o loo i
fafo. E fia maua foi e lou sui se tupe maua mai fau o
faatoaga a le atunuu o loo auina atu i fafo. O isi lava
vaega e ao ona tatou silasila totoa i ai i le tupe e maua
mai alo ma fanau mai fafo ma tupe o loo maua o le tatou
tamaoaiga mai fua o le eleele o loo auina atu i fafo. O ia
vaega e maua ai se toomaga o lou sui poo le fea mea e
taua. Pe taua le sailia e le palemia ma le Kapeneta o nisi
foi fesootaiga ma fafo e mafai ona auina atu i ai nisi o
alo ma fanau a le atunuu e maua mai ai se fesoasoani mo
i tatou. Aua o le tatou atunuu e talitonu lava o nisi o le
ma fanau e auina atu i fafo e tele lava sa latou fesoasoani
mai i le mafatiaga o loo i ai le atunuu.
E pei ona taua e se tasi sui, e vaivai tele le tamaoaiga o
le tatou atunuu o le ala lea o lou fia malamalama i lea
vaega i tupe mai fafo aemaise foi o vaegatupe e maua
mai fua o le laueleele. Aua o le mea lea e i ai nei e
talosagaina lava e i tatou mai i fafo mo fesoasoani mo
atiina a‟e e i ai falemai, faleaoga ma isi galuega moomia.
O lea ou te talosaga atu ai afai e auina mai fesoasoani
mai fafo, ia outou silasila totoa i ai. Ia faasoasoa tatau
ina ia maua le manuia lautele mo le atunuu.
O se tasi vaega e fia taua i lau tautalaga o tatou vaalele.
E tuuina atu se talosaga i lau afioga i le Minisita ia faia
se fuafuaga mo le femalagaaiga o vaalele i le ao. Silasila
foi le mamalu o le tatou atunuu, o le tóatele e mamao i
tua, e le gata foi i lea o Savaii. Afai e femalagaa‟i i le po,
o le a fai ma avega mamafa le tau malaga mai i le po i le
malae vaalele. Aemaise o le tatou atunuu a malaga le
toatasi, e omai ai uma lava le aiga atoa. E na ona
talosaga atu ai pe mata e i ai se isi fuafuaga e toe suia ai
ina ia faia femalagaaiga a vaalele e faatatau i tagata o le
atunuu e malaga atu i fafo, ia poo e foi e malaga mai i
totonu o le atunuu. O se tasi vaega, atonu foi o le a
faasaoina ai se vaegatupe o loo faaaluina i Ofisa o Tiute,
Ofisa o Femalagaaiga, Ofisa o le Falemai ma le Ofisa o
Faatoaga.
Saunoaga Faataupou Sui USufono 19861-2011
E le gata foi i lea e faasao mai ai se isi vaegatupe a le o
faaaluina i moli. O le isi lea vaega e ono silasila totoa i ai
lau afioga i le alii Minisita. Atonu o le a faigata ae afai e
tumau pea ona malaga vaalele i le po, ia e silasila totoa i
e galulue i Ofisa i Tiute, Femalagaaiga, Falemai ma le
Ofisa o Faatoaga o loo latou faia lea tiute i le po atoa e le
o se mea faigofie. E ao ona silasila i ai mo le saogalemu
o tagata lautele aemaise o tagata faigaluega.
O le tasi vaega ou te fia talanoa atu ai, masalo e agai lea
i le Minisita o Eleele ua ou matauina o lea ua amata ona
tanu le itu lea i tai o Tiafau nei, i le mea lea ua i ai
Nauru. Lau afioga ma le paia o le Fono, e auala atu i lau
afioga i le Fofoga o le Fono, o se mea ua aupito sili ona
matuia. Vagana o se atiina a‟e a le atunuu o le a faasafua
i ai lenei ogaeleele ona tatau lea ona faaaoga i ai. O lea
ou te talosagaina ai le alii Minisita ina ia silasila totoa i
ai i lea vaega. A oo nei ina faatino lea fuafuaga, e
faapefea la ona toe maua mai meatotino a le atunuu? O
lea o le a aveeseina o nisi o loo taumafai e pulea le
tamaoaiga o le atunuu. Ou te le tetee i fuafuaga a le
Malo, ae ou te tatalo atu i le alii Minisita ina ia vaavaai
le manuia o le atunuu.
Afai o le a sala taulima i le tatou taimi, e oo i se taimi o
lumanai o le a le mafai ona faataunuuina nisi o fuafuaga
ma faamoemoe a alo ma fanau a le atunuu. E le o ni
manatu e faaleaga i se tasi poo le faaleaga o se mea e fai,
ae o fautuaga e lafo atu ia te outou o taitaia le Malo mo
le agai i luma.
O se tasi foi vaega o le Tiute. O lenei galuega e tatau
ma e ao lava ona fai. E pei foi ona faaalia e nisi o sui, o
tiute ia e fai e le gata i le uafu ae faapea foi i le Malae
Vaalele, e tatau ona outou silafia, e ese lava tagata
faipisinisi, ese le mamalu lautele o le atunuu.
O nisi o aiga i Tutuila o loo alolofa mai ia i tatou ma
aumai ni faaoso ae le gata i lea o ni TV poo leitio
faameaalofa. E ui lava ina eseese auala o aumai ai, ae o
loo tutusa lava tiute e faaee atu i ai. O loo ia te outou le
fuafuaga i tulaga tau tiute. E ao ona silasila i ai poo le a
se faiga e maua ai le sologa lelei o tagata. Na o ni
manatu ae lafo atu pea ia te outou. O le a lava se faiga e
ono fuafua e Malo e ao ona fai ina ia tutusa uma le
lautele o tagata.
I le fale ava, ua fuafuaina e fale ava le tau o le atigifagu
i le 30 sene. A fuafua i fagu e lau mai fafo, e tele tele le
tau o le fuafuaga la lea ua faia e lea foi atiina a‟e ma ia
sii le tau o le atigifagu ina ia mafai ai ona
faamaopoopoina mai ai ma faasaoina mai ai le tupe, ae
peitai ane, ua avea foi le tau o le fagu, ua faaopoopo foi i
ai e le faleoloa poo le tagata o ona faatauina atu le ava le
tau. E le o talafeagai, ma sei silasilas totoa i ai lau afioga
i le Minisita ina ia aua le afiana ia tagata lautele, ma
faapea mai ua sii foi le tau o le ava.
I le tulaga la i le falemai, o le tele o lo matou Itumalo o
Aana, e pei ona i ai sui mai Itumlao e pei o Aana Alofi
Nu.1 ma le Nu.2 ma le Nu.3, ia e auala atu i le matou
falemai ia sei silasila totoa ane aua ua tele foi tulaga ua
moomia, ia a o le fomai lava e pei e faataunuuina ia
fuafuaga. Ia sei silasila totoa i ai lau afioga i le alii
Minisita o le Soifua Maloloina, ina ia tutusa galuega a
alii ma tamaitai fomai fuafua i le tóatele o ona tagata.
O se tasi vaega ou te fia tuuina atu i luma o le Fono ina
ia silasila totoa i ai lau afioga i le alii Palemia, aua
mataupu mo le lelei lautele o tagata.
Ua ioe lou taofi i le Tala Faatatau o le Tupe aua ia
totogi o le tagata faigaluega. I lenei foi tausaga ua outou
fuafuaina, ia e momoli atu lau faafetai tele i lau afioga i
le Palemia, le Tootooalii ma le Kapeneta i le Tala
Faatatau o le Tupe. E oo foi i nisi taualumaga agai i
luma, aua le faamalilieina e e o loo galulue i Ofisa taitasi
o Matagaluega a le Malo o le atiina a‟e foi lena mo le
lelei lautele o le tatou Malo. A tatou vave tuulima foi ia i
latou, ia e faapea foi ona lagona le pagatia e i latou o loo
fautuaina le tatou Malo. O ia lava vaega e tauina atu i lau
afioga ina ia faamanatu atu pea mo le agai i luma, mo le
lelei lautele o ona tagata. Pei ona sa i ai le Malo ua
tuanai, sa lagolago lau afioga i le Taitai o le Itu Agai,
fautuaga mo le lelei lautele. E le o se fautuaga tetee, a o
se fautuaga ina ia lagolagosua i e o loo latou galuegaina
le Malo talu ai. E momoli atu le faafetai tele, o ia
galuega lelei uma, e le o se manatu faapito poo se
manatu faaituau, ae ona o le galuega ina ia manuia le
lautele o le tatou Malo, e pei ona filifilia ai sui ua tuanai
atu, pei ona afio mai le afioga ia Vaai, ae avea foi lau
afioga e fai ma Taitai o le Itu Agai, sa lagolago i mea
lelei uma, i le atiina a‟e mo le manuia lautele mo tagata.
E talitonu foi o le a faapena lenei nofoaiga. E le feteenai
ona o ni manatu, e le feteenai ona o le atamai ma le
tomai, leai, tatou te galulue faatasi ma felagolagomai mo
le manuia lautele pei ona avatu ai foi le fautuaga. O mea
lelei uma e pei ona faatuina mai mo le atiina a‟e, e
momoli atu le faafetai tele.
Ia alofagia e le Atua, fesoasoani atu i lau afioga i le
Fofoga Fetalai. Ia maua sou manatu e faatoafilemuina ai
le tofa ma le faautaga, aua le matagofie o le Fono aua le
faafofoga mai a Samoa. Ia alofagia e le Atua ma tului le
soifua o lau afioga i le Fofoga Fetalai, Tofilau Eti
Alesana, ia maua sou manatu mai le Atua, ina ia taitaiina
ai le atunuu i auala o le amiotonu e manuia ai le lautele o
tagata. Ia maua se tofa maualuga i a outou afioga i alii
Minisita ma lo outou lagolagosua i le afioga i le alii
Palemia, i ni manatu lelei uma aua le atia‟e ma le manuia
lautele o le tatou Malo. Ia alofagia foi e le Atua le Itu o
loo Agaia le Malo, lau afioga Tupua Tamasese Efi ia
maua sou manatu e lagolagosua i le afioga ia Tofilau Eti
Alesana faapea foi lena Itu i le Taitai ia Vaai, malo le fai
o le faiva. Vaai, ia faaopoopo atu pea e le Atua le soifua
matagofie i lau afioga, ia tatou maua pea le galulue
faatasi o le viiga lava lea o le tatou Matai. Ia manuia lena
Itu o le tatou Fono, manuia lenei Itu, ae maloloina atu
Tauauvea i le alofa o le Atua.
Saunoaga Faataupou Sui USufono 19861-2011
Afioga TAUIALO LANUIMOANA PALEPOI
Itumalo Faaalaalafaga:
Palauli Sisifo
Filifilia:
22 Mati 1988
Faatauto:
7 Aperila 1988
Lauga Faataupou:
16 Iuni 1988
Lau Afioga i le Fofoga o
le Fetalai, afioga i le alii
Palemia ma le Kapeneta, le mamalu o sui faipule o le
Palemene. Ou te momoli atu le faafetai i le avanoa ua
tuuina mai i le sui faipule o Palauli Sisifo. E molimoli
atu ai se manatu o lenei itumalo ina ia avea ma sao o le
Palemene o Samoa. A o lei tuuina atu se manatu, e tusa
ma le galuega o loo tatou sauni i ai pe o lo o tatou sauni i
ai ina ia maua se fesoasoani a le Malo mo lou itumalo
atoa ma le atunuu E muamua lava ona ou faatulou atu i
le paia sautuafafafa o Samoa, aemaise le tapuaiga i le Ao
Mamalu o le Mao, le Susuga i le Taapau Faasisina le
Susuga Malietoa na faalogo i ai Samoa. Le afioga i le
Sui Tofia, le afioga i le Tama Aiga, Mataafa
Faasuamaleaui. Le tapuaiga a Ekalesia Kerisiano e fia o
lo o i Samoa ae tainane foi le tapuaiga a Aiga ma a latou
Tama, o Tama ma o latou Aiga, le mamalu tele ia Pule
ma Tumua, Ituau ma Alataua, Aiga i le Tai ma le Vaa o
Fonoti, aemaise foi le tapuaiga a si ou itumalo pele o
Palauli Sisifo.
Le afio Faatupuinati, le afio o le matua o Tauavamea
ma ou alo e toalua o Mailata ma Moefanonoa, le afio o
le Usoga, le afio o le afioga Leaupepe, le afioga o
Letelemaana, le mamalu ia te Oe le Gagaeimalae. Ae
tainane foi le paia o Aiga, le mamalu ia oulua Matua
Fetalai o Tuato ma Tolovaa ma Sa le Muliaga. Susu le
Sa Laulu ma oulua suafa, le mamalu i le nuu faigata ma
lau fetalaiga Faatoafe, tainane foi le paia o le Aiga Sa le
Valasi, Faiumu ma lau Tautala, ma le mamalu ia te oe Sa
le Muliaga. Ia to maia lau faamanuiaga, ina ia maua sou
manatu e momoli ai le tofa ma le finagalo e pei ona
outou filifilia ai au e fai ma sui faipule i lenei tolu
tausaga i le Palemene o Samoa i Sisifo.
Lau afioga i le Fofoga Fetalai, o le a ou tuuina atu ni
manatu i ni vaega se lua. E muamua ona tuuina atu ni
manatu aua ni mea e aoga i lou itumalo. O lona lua o ni
fautuaga ma ni manatu ma ni fautuaga aua le manuia o
Samoa ma lona Malo.
O mea nei e manaomia e lou Itumalo. O auala galue,
atonu ua uma faafofoga le Maota lenei i sui ua uma ona
tulai atu ma faaali o latou finagalo i galuega o alagalue.
A o lenei itumalo e amata mai i Taga e oo atu i Foalalo,
o lo o manaomia lava le faaleleia o auala, aua na amata i
se isi faigamalo pe na amata i se isi vaitaimi ona
faaselemutu lea ua le uma le galuega. Ae paga lea, e
manaomia tele e lou itumalo, aua e toatele o tagata i ona
po nei, e pei ona silafia e lau afioga i le Fofoga Fetalai,
ua le toe mafai ona savali aua ua mamao le talaloa, sei
tulou o le upu e to ia te au. O le ala lea ou te talosaga atu
ai i lau afioga i le alii Minisita, lau susuga Leiataua, i lou
talitonuga ua na o oe lava le susuga o lo o Minisita i le
taimi lenei. O lea ua avatu ai le talosaga a le itumalo o
Palauli Sisifo, sei e silasila ane lava i ala galue o lenei
itumalo. O lona lua, o moli eletise. Lau afioga i le
Fofoga Fetalai, ua i ai nei uaea ola i totonu o le itumalo
lenei, o lo o i ai uaea ola i totonu o le itumalo lenei, o lo
o i ai pou, ae i ai faafitauli ua tulai mai, o le tele o moli
ua uma ona uaea, e fiu e tatali le faaola uaea, e le i oo
atu. Ua talosaga atu foi la i lau Susuga Leiataua ina ia e
fesoasoani i lenei itumalo, aua o nisi na totogi o latou
moli ia e fesoasoani i lenei itumalo, aua o nisi na totogi o
latou moli i le 1987, ae oo mai i le aso e lei mumu moli.
E pei foi ona outou silafia, e faafaigata i toeaiina i Savaii
ona iloa tonu po o fea le Ofisa e maua ai le faaola moli.
O le mea lea e talosaga atu ai i lau Susuga o lo o feagai
ma lea Matagaluega, pe mafai lava ona e silasila ane i ai
e fia maua se toomaga o lenei itumalo.
O le isi foi vaega o le eletise, o lenei itumalo, o le
toatele o failauga ma tamalii ua tala i tua maota ma tua
laoa, ua i ai foi se manaomia o le eletise, aua ua uma ona
saini lima le faaola moli, po o se asiasiga a le
Matagaluega o le Malosi Faa-Eletise.
O se tasi vaega e manaomia e lou itumalo o le koko ma
le popo. Lau afioga i le Minisita o lo o feagai tonu ma
lenei mataupu, ou te talitonu lava o le a tetena i lou
finagalo i lau faafofoga, le tuitui atu pea e sui faipule
mai lea itumalo ma lea itumalo, aua o se mea e sili ona
aoga. O lea ou te iloa sa i ai le polokalame i le pepa lea
na tufa atu e le HRPP le fesoasoani malosi i le popo ma
le koko. I lau vaai i ai i aso ia a o ou laitiiti, sa fai le sali
popo, sei tulou, faala ma ave fua i le faleoloa lea e i
totonu o Foaluga, Satuiatua, Foalalo, Salailua ma Taga.
A o le mea ua tupu nei ina ua matua, ua sui o le Komiti,
ua manao e aumai le popo mai le nuu lea poo nuu ia e
aumai i Salelologa. E pei ua ou manatu e eseese tausaga
ma tau a tagata, e pei e fiafia le isi Samoa e faapologa le
isi Samoa, aua o le mea lena na tupu sa le pologa le
atunuu, sa sali le popo ave i le faleoloa lea e i ai, ao le
taimi lenei, ua manao e aumai i Salelologa ae mamao. O
le ala lea o le talosaga e ave le tupe i faleoloa ia ina ia
mafai e tagata lautele o lou itumalo ona faigofie ona
avane le popo ma le koko e fua ma maua seleni.
O se tasi vaega e manaomia e lou itumalo, lau afioga i
le Fofoga Fetalai, o se telefoni, sa taua e se tasi sui e
tuaoi o ma itumalo, le afioga Leilua. Lau afioga i le
Minisita, le Susuga Jack Netzler, o le mataupu lenei e
fitoi tonu i lau afioga ma ou te talosaga atu, e manaomia
se telefoni mo Foalalo, Foaluga, Satuiatua ma Salailua.
Ou te talitonu, afai e le tetena i lou finagalo, ona ou
faapea atu lea, o lou suafa o le suafa papalagi, ae ou te
talitonu e te loto Samoa, aua e te malamalama i mea
tutupu i nuu i tua, e mamao tele ma le telefoni i Taga. A
tupu se faalavelave po o ni mai faafuasei, manaomia se
auala, leai se pasi e savali mai Taga ae ua mamao tele.
Afai o se mai faafuasei, e foi atu ua le aoga le mai, ua
uma le mai. O le mea lea faamolemole lau afioga i le
Saunoaga Faataupou Sui USufono 19861-2011
Minisita, sei e tagai ane lava i ai i se telefoni mo le
matou itumalo i nuu ia ua ou taua,. Ina nei i ai se tulaga
faapea e te tau le malamalama i le gagana Samoa, o le a
ou avatu i le gagana Peretania. O lo o manaomia tele se
telefoni mo Gagaemalae ma Salailua (a telephone is
urgently needed for Gagaemalae and Salailua). Ua leai
nei se mea e te alo i ai aua ua tuuia atu ia te oe i gagana e
lua.
O le Falemeli, lau afioga foi Jack Netzler aua e te
toatamai leai ou te lagona o oe o se sui a lenei itumalo.
Ou te lagona a e susu atu i Savaii o le a faia sou suafa
matai pe a tusa ai ma lou finagalo. Faamolemole sei e
toe silasila ane lava i le falemeli i Salailua, pe o le a le
mea ua i ai, ua le o lelei le tulaga. Afai ua aveese, pe le
mafai lava ona toe faia aua si o matou itumalo.
O se lala o le Faletupe, lau afioga Tuilaepa, pe le mafai
lava se lala o se Faletupe ona fai i totonu o lou itumalo.
Sei silasila foi, o le Faletupe lea e latalata atu i le itu i
sasae o Salelologa, o le isi Faletupe e sosoo ai pe a to
manatu i ai o Samoa i Sisifo (BWS) po o le Faletupe
PCB (Commercial Bank) ae ia fesoasoani mo lenei
itumalo.
O se tasi vaega e manaomia e fia talanoa i ai lou
itumalo, o le Falemai. Lau afioga Polataivao, o oe o se
Minisita e sili ona ou alofa i ai, o oe o se tagata e alofa i
le atunuu. Sei e silasila ane lava pe aisea ua le tatalaina
ai le matou falemai. Na fai le falemai i le tausaga lea, ao
le mea ua tupu a mai le tagata o le matou itumalo e ave i
fafo, i fale o lo o i fafo e pei o ni fale Samoa ao lo o loka
le falemai. Pe le i oo lou finagalo ina ia oo atu se
asiasiga sei fesoasoani i le falemai o lenei itumalo. Afai
foi la e lei faia sau suesuega (research), o au ua uma ona
fai lau suesuega o tagata soifua o ola nei i Palauli i Sisifo
ma Salega, e amata atu i Taga e oo atu i Fagafau, 7,447.
O le falemai o lo o i Foalalo, e fia maua se fomai pasi
(qualified doctor). O lo o i ai le tamaitai tausimai ma ou
te faafetai i lenei foi tamalii o Samoa i le fesoasoani
malosi i lo matou itumalo, ae fia maua se fomai. O lo o i
ai se tamaitai e pei ona ou taua, ae leai se matou fomai.
O le isi vaega ua faafaigata ia matou, o le leai o se
matou taavale. O le fesili lava faamolemole lau afioga i
le Minisita, o fea le taavale lea na aumai e fai meaalofa
mai ai le tamaloa lea na sau mai fafo ona fai lea o le
matai a lo matou itumalo, ona alu lea aumai le taavale?
Na aumai faapitoa mo le falemai i le Itu Salega ma
Foalalo. O le mea ua faigata ai, ua uma ona fai le ofo a le
tamaloa i lo matou nuu, fai faalelei lona matai, tali
faalelei, ae aumai le taavale, ua selesele ai le isi vaega,
ae lei i ai ma pepe ni a latou puaa e totogi ai le taavale
lea. O le mea lea se faamolemole lava sei e silasila totoa
ane i ai, po o fea ua fai i ai le taavale lea a Palauli Sisifo
ma Salega. Afai lava o loo i ai sina ola i le taavale,
faamolemole o le upu to ia te au, toe fai faalelei ona
avatu lea faitalia matou ma faapenisini, sue se ave
taavale. O lo o e silafia foi, a oo ina ia i ai se faalavelave
faafuasei e tupu mai i ia nuu, o le leai o se fomai, leai se
taavale, leai se telefoni, o lo o ola tagata ia. O le mea lea
e faatuatua ai tagata o le nuu, ua na o le Ata o lo o
faalagolago i ai. O le mea lea e taatlo atu ai i lau afioga i
le Minisita, sei silasila totoa ane i ai. A faatusatusa foi la,
e le faapea ua ave leagaina le falemai o le Itu i Sataua, i
lau tilotilo i le numera faamauina lea (statistics) na
aumai ia te au na o le 6,000 ma ona tupu, ae o le fale e
sili ona lelei e tusa ai ma le talanoaga ma se tasi o fomai
i Foalalo. O le talosaga atu la i lau afioga ina ia maua sa
matou fomai poo se taavale foi.
Ona ou see mai lea i Aoga. O aoga i lo matou itumalo i
Palauli Sisifo, e i ai le Aoga Laiti i Taga, Salailua ma
Gagaemalae. O nei Aoga, o lo o fia maua se fesoasoani
tau tupe, fesoasoani i le faatotogaina o faleaoga. O lo o
fai nei faleaoga i Taga ma Salailua. I sau sueusuega na
fai pe tolu vaiaso talu ai, na oo ai lau suesuega i le Ofisa
o Niu Sila, Ofisa o Ausetalia na ou oo foi i le Ofisa o le
Va i Fafo (Foreign Affairs) i le Ofisa o le Palemia, ona o
le fia maua lava o se fesoasoani i mea tau seleni. Sao u
maua ai iina ni faamatalaga lelei, o lo o i ai fesoasoani e
maua ae pau o lea, na o Aoga ia ua taua o Aoga FaaItumalo (Junior Highs) e mafai ona ave i ai le
fesoasoani, pe afai o lau afioga i le Minisita o Aoga, ona
outou faamaonia lea, (endorse) ao aoga laiti e le mafai.
Na ma talanoa ma se tasi alii ofisa o la outou Ofisa, pe
aisea ua ala ai ona le maua mai se fesoasoani mo aoga
laiti? O le saunoaga a le alii fai mai, ua tele tele aoga
laiti. I lau tau to manatu i ai pe 142 ea pe 144 le aofai o
Aoga Tulagalua (Primary Schools) i Samoa. O le ala lea
ua fai ai le filifiliga ua lava Aoga Itumalo e ave i ai e
mafai ona outou faamaonia ma maua mai ai se
fesoasoani tau tupe e aumai i aoga laiti. Masalo pe na o
sina mea itiiti, e manaomia le vaega o Mea Tau Pulega
(Management) po o (Administration) e faataatitia lelei
ma faataoto ni fuafuaga lelei a le Malo ma le
Matagaluega. Afai e 144 aisea e le fai faasolosolo ai pe
ua lava se 15 pe 20 aoga o lenei tausaga, aua a fai se
faleaoga e sili atu i le 10 tausaga,po o le a foi se seleni e
maua mai ai, pe maua ai ni laupapa, pe na o ni kesi ma
isi vaega faapena. Ae le o le tipi motuina faapea e le
mafai ona matou fesoasoani atu i ai leaga o aoga laiti. O
lau talosaga atu lea i lau afioga i le alii Minisita ina ia
faamolemole sei silasila ane i lea finagalo o le faaiuga
(policy) ua oo i ai le Matagaluega.
Ona ou oo mai lea i se tasi vaega e manaomia e si ou
itumalo o mea ia o pole fagota. Faamolemole lava ua le
maua po o fea le Minisita aua e talafeagai ma fitoi tonu i
ai lenei mataupu. Ua le iloa lelei e le au tautai o le matou
itumalo po o fea a saili i ai aua ua le iloa po o fea le pole.
Ae sa fesoasoani malosi lenei nuu aua le au fai faiva. E
masani ona tuua le nuu ona alu loa lea o le vaa afi, sei
tulou, alu sao i le mea e maua ai le ia, po o le atu. O nei
ua taamilomilo solo e tau saili aua o lo o silafia le
taugata o le penisini. O lea e avatu ai se talosaga
faamolemole lau afioga Pule pe mafai ona faaleleia pole
fagota.
Ua maea atu le vaega muamua, i mea e fitoi tonu i lo
matou itumalo, ae afai foi e i ai nisi mea tou te silafia e
silisili ona lelei e manaomia ai le manuia o lenei itumalo,
faamolemole matou te manaomia. O le vaega lona lua o
Saunoaga Faataupou Sui USufono 19861-2011
lau tautalaga, e faatatau lea mo le manuia lautele o tagata
Samoa.
Ona ou fia talanoa lea i le Ofisa lenei, le Ofisa o le
Fono, i tagata faigaluega. Ua ou mau tala, e le i ai latou
nei i lalo ifo o le Pulega a le PSC. Sa ou faalogologo ua
maua se siitaga o totogi o le aufaigaluega a le Malo. Ou
te talosaga atu i lau afioga o lo o fitoi tonu i ai, pe le
mafai ona maua se fesoasoani mo nei alo o le atunuu? Po
o ua maua sa latou siitaga o o latou totogi po o se suiga o
o latou totogi? Ua outou silasila i ai i le faigata o le
galuega. O le po, o le ao, e le mafai ona faatamala. O
lona lua, o le Maota lenei, i fafo, sei tulou o ananafi ina
ua timu, o le matua tutulu o fafo. Ou te talosaga atu
faamolemole si fai vave se fuafua a le Malo, ina ia aua
nei afaina le Maota Fono o le Malo. Aua a umi ona tuu
ona tele lea o se tupe e faaalu i le faiga o se fale fou i le
le foia o le faafitauli ao la e laitiiti. O lena tou te silafia,
aua e manaomia le faatumauina o le lelei o le tatou
Maota. E leai lava se Fale Fono faapenei ua ou vaai au
iai ile Pasefika aua ou te le malaga tele atu. Ae e matua
mitamita lou loto i lenei Maota. O le mea lea e tuu atu ai
sau fautuaga ma sau talosaga ia te outou o loo fitoi tonu i
ai lenei mataupu sei outou silasila iai ina puipuia le
Maota lenei.
O le Ofisa o Lafoga. Lau afioga i le alii Minisita atonu
ua uma lava foi e faafofoga iai i le tulaga o lafoga. Ae ou
te lei talanoa atu i mea tau lafoga, ou te fia faafesili atu
lava poo fea o iai le lipoti nao u mautala e faapea ba iai
se Komiti sa tofia poo le tausaga ea lea ua mavae latou te
iloiloina lafoga a tagata faigaluega. Poo iai se lipoti, ao
fea o iai lea lipoti? Sei tuu mai sei outou silasila iai ma
sei o matou faitau iai. Ia te au lava ia, e maualuga tele le
lafoga. Aua e pei ona e silafia sei tulou, a $10,000 loa le
totogi pe sili atu foi i luga ona faaopoopo loa lea o le
50%. O lau fautuaga, sei e toe silasila totoa ane iai aua o
oe e te poto tele i mea tau tupe ina ia fai ma faamama
avega i alo o Samoa. O lea e pei ona taua e se isi sui o le
tele o alo o Samoa ua le foi mai, pe foi mai foi
faigaluega ma toe o i fafo. O le tasi lea vaega ona o le
tetele naunau o lafoga.
Ou te fautua atu faamolemole, o le a le mea e le siisii ai
le $10,000 lea aua i le vaitaimi o fai le $10,000 lea i le
tapulaa, sa toaitiiti lava tagata Samoa sa au iai lo latou
maualuga i totogi. I le taimi nei ua feololo. O le a le mea
e le sii ai i luga i le $25,000 poo le $30,000 ona amata ai
loa lea ona fai le 50% lena. Ae na ona fautua atu pea iina
aua o loo ia te oe pea le tofa mamao ina ia mafai ai ona
fesoasoani i tagata faigalyega o le tatou atunuu. O nisi
foi taimi e pei a ta nofo ma mafaufau e pe e aliali mai ai
ua faasala e le Malo le tagata e ave e faa-faigaluega, pe
ave i le aoga. Ona sau laia ma sona tikeri ma faigaluega
leleim ona ave lea iai o lenei sala mamafa.
E lei mamao atu le fono lea na fai i Malua sa aou alu
atu ai i le maketi, ia e tolu talo i le $10.00. E le o totogia
ni lafoga au-faifaatoaga, e le faapea la ua ou fai atu nei e
le o totogia ni lafoga a le aufai-faatoaga, e le faapea la ua
ou fai atu nei e le o totogia ni lafoga a le aufai-faatoaga
ae o le mea e faapaleni faapena. Fai se filifiliga pe
faapefea ona fai ni lafoga, ae le o le tigaina o isi tagata e
totogi lafoga mamafa nei ae filemu isi tagata, pe
nofonofo foi sei tulou o le upu e to ia te au. E le o paleni
le tatou lafoga lea. O le mea lea ou te talosaga atu ai pe
iai se auala e mafai ai ona toe iloilo lelei ia poo le a foi
se mea na maua mai i le lipoti lea atonu o loo iai ni
manatu ma ni latou fautuaga ina ia mafai ai ona toe
fetuunai le tatou lafoga.
Ona ou see mai lea i le Ofisa o le Tiute. Lau afioga i le
Fofoga Fetalai ma le mamalu o le fono. Atonu foi ua
uma ona talanoaina e isi sui. I lou lava iloa o loo
mulimulitai lava le aufaigaluega i upu ua uma ona fi le
Maota. Pau lava o lea, pe lei oo lava ina tofa le tauala, ae
silasila ane lava pe le mafai ona fai se fuafuaga e
fesoasoani ai mo i latou ia na taua e sui, ni meaalofa mai
nuu i fafo, poo ni mea taumafai mai Tutuila ina ia
faamama aveaga aua e leai lava se tupe na alu ai. Mo se
faataitaiga, a malaga se isi i Amerika, a aumai se video
ave i Salailua, ua iai le eletise, faaaoga ma avatu le pili
totogi, o mea uma faapena o lena e maua mai ai le tupe a
le atunuu. Ae i le totogiina lava ma le faatauga o le
video, e leai lava ma se tupe a Samoa i Sisifo na alu ai,
sa faameaalofa ifo o aiga o lea tagata soifua.
Ona ou see mai ai lea i le Ofisa o Pulenuu. O lau
talosaga i le afioga i le alii Palemia poo le Minisita o loo
fitoi tonu iai le Ofisa o Pulenuu. O lea na saunoa atu
le……
Lau afioga i le Fofoga Fetalai, lau afioga i le alii
Palemia, afioga i Minisita o le Kapeneta ma le mamalu o
sui faipule o le Fono Aoao o le Malo o Samoa i Sisifo,
ua ou lagona le faafetai i le Tama o i le lagi, ina ua ia
taitaina mai lo outou soifua ma le manuia mai le po ma
lana malologa. Ae tatou tuu atu i le Atua i lona agaga e
fesoasoani mai i lau afioga i le Fofoga Fetalai aua le
tautaia o le Sa o Samoa.
E fia momoli atu foi lau faafetai tele i le alii faipule o le
na ia faatuina le lafo ina ia toe faaopoopo sou taimi e
faaauau ai le lauga a le sui mai Palauli Sisifo, e le gata
foi o lea o le a ia faaluaina. O le a le galo foi ia te au a
outou afioga i alii faipule ona o le tou taliaina o le lafo. E
mai i le taele o lou agaga ou te faafetai atu ai.
E pei ona tuuina atu i le poa napo lau afioga i le Fofoga
Fetalai, e lua ni vaega sa tuuina atu ai le tautalaga a lenei
sui, vaega muamua, o le vaea lea e faatatau tonu i lou
Itumalo i mea o lo o manaomia. O le vaega lona lua le
tuuina au lea o fautuaga a le sui mai Palauli Sisifo aua
tagata lautele o le Malo o Samoa. E maea la le tatou
Fono anapo ua uma ona tuuina nisi o vaega o le vaega
lona lua o lau tautalaga. Ou te fia amatina la lenei taeao i
le Ofisa o Pulenuu. E pei ona saunoa i ai nisi o sui
mamalu o lenei Palemene i le taua tele o lenei Tofi o le
Pulenuu. E pei ona saunoa i ai nisi o sui mamalu o lenei
palemene i le taua tele o lenei faafetai tele i le alii
Palemia faapea le Kapeneta ona ua toe liuliu le Tofa e
tsa ai ma le taliaina o nisi o Pulenuu sa faamaloloina i
lea tausaga. A ou manatunatu i le fita o galuega a
Pulenuu, ona ua lagoana ai lea o le tatau ma le onomea e
tatau lava ona i ai Pulenuu. Ae manatu atu foi pei ona
Saunoaga Faataupou Sui USufono 19861-2011
saunoa le Taitai o Pulenuu i le Fono nei i le tele o
galuega e feagai aemaise o galuega e faaaluina ai tupe, o
le tofi Pulenuu. Ou te lagolagoina e lou lava sui le
talosaga ina ia toe liuliu le tofa e tusa ai ma totogi o
Pulenuu. O lona lua, ou te talosaga atu ma le faaaloalo
pe ua le alagatatau ona tai lua vaiaso ma totogi Pulenuu,
pe afai e mafai. Ae ou te lagona lava o mea uma lava e
mafai ona fai. Lau afioga i le Minisita o fitoi tonu i ai
lenei mataupu pe mafai ona totogi tai lua vaiaso.
Ona o sao atu lea i le Ofisa o le Suetusi, e le tele lau
tautalaga i lenei Ofisa. Ae pau lava lea, ou te fia
malamalama pe na i ai se lipoti a lenei Ofisa ua tuuina
mai i le Palemene e fia malamalama i ai. Aua o lenei
Ofisa o se Ofisa e sili ona siliina tupe a le Malo ma o
latou e vaavaia po o fea e alu i ai seleni, a le tatou Malo.
E tuuina atu ai fautuaga ma se talosaga pe ua le
alagatatau i lenei taimi ona Tutoatasi le Ofisa lea o le
Suetusi ona o mafuaaga nei, afai e Tutoatasi le Ofisa
lenei ona i ai lea o le latou aia, e mafai ai ona faatino le
latou galuega o le a leai se isi e pei e faamalumalu mai
ma e pei e faateitei mai, tulou o le upu e to ia te au. Ae
mafai ona latou faia ni faiga ma tuuina atu ni tupe e saili
ai nisi o alo o le atunuu atoa foi ma nisi o galulue nei i
lea Matagaluega.
I lou lava sui o le tasi lenei o Matagaluega ua tatau ona
oo i si se tulaga faapea ina ia aua nei tutaia le latou
galuega, mai i se isi Faatonu Sili, a ia matua fai le latou
galuega ma le amiotonu ma le faamaoni. Ona ou see mai
ai lea i le Ofisa lenei o le New York, i lou lava talitonuga
o se Ofisa Sili e aoga ia tatou, e le faapea la ua ou fai atu
e faapea ua ou faamele le galuega a le o lo o i ai nei, ae e
i ai lava lou talitonuga, a oo loa ina leva faapea ona
galue se tasi i se Ofisa, e tatau ona tatou toe iloilo ina ia
avatu se isi alo foi i Samoa o loo galue iinei i le Ofisa o
le Foreign Affairs e aoao ma vaavaai ma matau i lea foi
Ofisa. Aua o le natura faa tagata faigaluega ma le
soifuaga o tagata sei tulou, a umi ona faigaluega se isi i
se Matagaluega ona i ai loa lea o le upu foi lea faaPeretania o le “burn out” e pei ua leai se naunau e toe
galue e lipoti lava ona o la e maua mai ai tupe. I lou la
iloa i le 10 tausaga lea i Niu Ioka, ua tatau ona fai se
filifiliga ua tatau foi ona avatu se alo o Samoa o loo iinei
i le Ofisa lea o New York.
Ona ou see mai lea i le Ofisa lea o Tagata Tafafao mai
Fafo poo Tourism. Lau afioga i le alii Minisita ou te
lagona ma ou iloa e fou foi lou tulai mai i lenei tofiga ma
lenei Matagaluega. Ae o se tasi lenei o Matagaluega e
matua taua i le atiina ae o le atunuu o Samoa. Ou te
lagolagoina tele lenei atiina ae aua o se atiina ae ua uma
e le toe tau faia se (feasibility study) ma ua taatitia
atunuu e tele ua iloa ai le tele o tupe. O lena ua outou
silasila atu e i ai Hawaii, ua iloa ai iina le manuia o lenei
atiina ae o tagata e asiasi mai i Samoa. Pau lava sau
fautuaga e tuuina atu i lau afioga i le Minisita e auala atu
i le afioga i le Fofoga Fetalai sei silasila totoalava ia i
latou ia e malaga mai fafo. I le aso 28 o Me sa alu ai sa
matou tafaoga a le Autalavou a le matou aulotu e 15 i le
18 tausaga o tama ma teine. E tusa e 25 minute talu ona
taunuu la matou tafaoga i Piula i le vai o le Kolisi, ae
taunuu loa ma le pasi. Masalo o i latou ia e vaaia tagata
turisi e 25 le aofai o le malaga lea o loo faatautaia atu e
se alo tamaitai o Samoa. O nei alii mai fafo, o alii Sapani
e malaga mai Iapani. O le mea na faateia ai lou nei
tagata i le taimi ina ua taeele nei alii Sapani e leai ni o
latou ofu taele tamaloloa sei tulou na o ofu laiti, ma o le
Maota lenei e avatu ai mea moni. Afai la o le faiga lea o
le a fai ai le atiina ae lea, o le tuu saoloto o i latou ia mai
fafo e pule i ofu e taeele ai. Ia e le au la lou sui i le
ituaiga atiina ae lea. Aua nei avea le fiafia pe manao i le
i‟a e maumau ai le upega, sei tulou lava. Aua nei o tatou
naunau tele i tupe e maua mai i turisi ma mea e afaina ai
le tu ma le aganuu a Samoa. O lea ua taeele nei Sapani
tamaloloa ou te toe tala atua le tele o le mataga na i ai.
Sa faamuta loa le taelega a le autalavou lea o tama ma
teine Samoa ma toe foi. Sa i ai lava i latou na faatautaia
atua le malaga lea. O le faafesili la ia te au pe ua logo i
latou i le Ofisa lea pe o se travel agent poo ai i latou nei
le taua o le tau atu ia i latou ma malo faaaloalogia o
latou laei e tatau ona faaaoga i totonu o Samoa. O isi
atunuu e mafai ona tuuina atu ai se Tulafono. O Samoa
lava e le o toe po se lilo, o isi afioga o loo faasalalau mai
i le ea e sa le laulu uumi, sa le ava, sao fu vae uumi o
tamaitai ma tulaga faapea. O loo taumafai afioaga i tua e
puipui ma liolio i le tatou aganuu ma le tatou againfanua.
Ae a tatou faataga i Apia le amio lea mai fafo, ia ou te
popole ai aua e i ai se isi taimi e o mai ai e taeele ua leai
ni lavalava sei tuolou o lou gutu ma le afi.
O lea la ou te talosaga atu ai i lau afioga i le alii Minista
sei e silasila totoa ane ina ia lofo atu ia i latou o loo i ai
ia ituaiga pisinisi latou te faafesootaia tour trips ia e ave i
fafo. Muamua e tatau ona fai se orientation e logo atu i
ai ia i latou o le Sui lea a Samoa o ofu ia e mafai ona
outou faaaoga, o ofu ia e le tatau ona tatau ona outou
faaaoga. Ae le o le tau saoloto o tagata maimoa mai fafo.
O isi taimi ou te malaga mai i Apia ou tilotilo i isi
tamaitai papae e tau leai ni ofu e savavali i le auala. Ona
oso lea o lou manatu o le mea ea ua taga i Samoa le
ituaiga ofu lea. O le ala lea ua ou talosaga atu ai o auala
atu i le Fofoga Fetalai sei toe iloilo le tofa, le tatou
aganuu aua o le tatou pale lea. Aa le avea lo tatou manao
i tupe ma mea e faataga ai i latou ia mai fafo e tafili
saunoa ai ma fai le mea e loto i ai ae maumauai le
aganuu, maumau ai le tatou agaifanua. O lau talosaga atu
lea i lau afioga a le Minisita o lo o gafa tonu ia i latou ia
e malaga mai fafo.
Ona o see atu lea i le Ofisa o Aoga. Lau afioga i le alii
Minisita e momoli atu lau faafetai e tusa ma lou tulai
mai e tusa ai foi ma le faafoeina o le Ofisa. E le gata ina
avatu lau faafeai i lau afioga ae faapea foi le Ofisa latou
o lo o galulue i le aso ma le po i le taumafaiga o le
manatunatu i le fusia o le Curriculum aua le faafoeina o
aoga a le atunuu.
O le suiga lea ua i ai nei o se suiga ua talafeagai ma o
se suiga ua lelei. Sa fai le fono a Pule Aoga sao u auai
ma o iina na ou iloa mai ai o lo o lagolagoina e Pule
Aoga le suiga lea ua i ai nei le Curriculum. Pau lava le
Saunoaga Faataupou Sui USufono 19861-2011
faafitauli ua tulai mai ona ua tuai ona aumai a ua vave le
faatino ma ua vave le manao o le Malo ina ia faia aoga
po o se suega ia. Lu aina ua aumai le Curriculum foi lea
ae lei i ai ni tusi o lomia ona e lei pasia, le tupe lea na
manaomia fou lea ae lei i ai ni tusi o lomia ona e lei
pasia, le tupe lea na manaomia e lolomi ai le Curriculum.
Ou te auai foi i le saunoaga a le sui mai le Aleipata Itupa
i Lalo le tofa Letiu sei o tatou silasila totoa i a tatou aoga
foi nei e tau o Matata Eseese (Vocational School) pau
lava lau fesili i lou uso a faipule peiseai na mátele faapea
o i latou nei o pen pushers po o tulei peni e faale aoga
tele. Ou te lagona lava pei ua galo i lou uso a faipule so
o se tagata soifua i luga o le fogaeleele e lua vaega o
lona olaga, o le faiai tulou o le right brain ma le left
brain po o le faiai i le itu tauagavale. O le itu agavale o
le faiai o le tagata tulou……….
Ia o le a ou le faatautee pe faaali foi se manatu leaga o
lea ou te iloa o lou uso a faipule o le fomai. Ia ae a tatou
talanoa loa i hemisphere po o itu o le fiai ia na o le lua
lava,. O lo o ia te au sailiiliga o lau talanoa lea ou te
talanoa i ai, ou te faafetai atu lava mo le aoaoga o le
tagata. O le left hemisphere o po o le itu tauagavale o
lana lava galuega na tofia ai o le magafagafa (think) o le
right hemisphere po o le itu taumatau o le faiai o le
faatino. O le au tulei peni ia e pei ona ou taua e aoga tele
ia i tatou aua o latou ia o lo o faia le mafaufau. Ona tusi
lea o ata ma tuu atu ia i latou o lo o i ai le poto masani e
faatino ai. O lea la na taua i lau tala e aoga tele la le aoga
lea o le Matata Eseese ma le Academic side po o le
Atamai salalau o aoga. E le tatau ona faapea e le aoga le
au tulei peni aua ana leai le tulei peni aua ana leai le tulei
peni e le mafai ona fuafua lelei……….
Faafetai atu i le Fofoga Fetalai e faamalulu atu foi i le
sui mamalu ona ua ese lou talitonuga ese foi lona
talitonuga, e le mafai lava ona aveesea lou talitonuga.
Aua o lea lava ou te iloaina e au le mea o lea e i ai e tusa
lava o le faiai o le tagata sei tulou lava. O le ala lea o le a
ou le foi mai ai ae pei o le ala lea na ou nofonofo ai
anapo ma o lea ua ataata mai i saunoaga a le sui faipule
le tofa Letiu, lelei e pei lava ona ou faalogologo e pei ua
faaleaogaina i lato ia e tau o pen pushers po o galuega
tusitusi.
Ona ou see atu lea i le Iunivesite. Ou te lagolagoina le
Iunivesite lenei. O se moomooga ma le fiafiaga sili ia te
au ua i ai se Iunivesite o Samoa i Sisifo. O ona taitai ma
ona faiaoga o le toatele o alo o le atunuu, ua
faamanuiaina mai i a latou taumafaiga i fafo. E pei foi
ona outou silafia o lenei Iunivesite na pasia e le Maota
lenei ona o le tofa na liuliu, ona o le moe sa i totonu o le
Maota lenei. Ua oo nei i le taimi ua tati ai ona fai se
Iunivesite o Samoa. A ou malaga atu i fafo ma matou
talatalanoa ma sui mai Toga ma isi atunuu ma ua i ai so
latou lagona faafuafua sei tulou ia Samoa ona o lea ua
fai so latou Iunivesite. O lou talitonuga ua tatau nei ona
tatou faamaopoopo, ua uma ona faia ma ua i ai nei le
Tulafono o le Iunivesite lenei. Ua uma ona i ai ona taitai,
ua uma ona i ai le aufono, ua uma foi ona i ai faiaoga. Sa
auai sui o le Iunivesite mai Aukilani, Ausetalia ma Fiti i
le Iunivesite o le Pasefika i Saute, Iunivesite a Hawaii,
atoa ai ma sui o le Iunivesite o loo i totonu o Samoa nei.
I lea fono na malilie faatasi ai le aufono lenei i tofiga o
le Iunivesite e pei ona i ai nei. E i ai faiaoga ma ona
polofesa, e i ai foi le Polofesa lea o le gagana Samoa. Sa
i ai uma sui o le Iunivesite i le fono e pei ona aiaia i le
Tulafono.
Ou te tau atu i lau afioga i le Fofoga o le Fono ma le
mamalu o le Fono, o se tasi atiina ae o e auptio sili ona
lelei ma o e mitamita ai tatou. Aua foi o lea ua faatu tonu
i Samoa. Afai ua i ai se faaletonu ia tatou fanau ma
outou alo ua ave ni a latou vasega muamua i le
Iunivesite lea, ae avatu ae toe ta toai mai ona ua
faaletonu o lou lava talitonuga aua tatou e faapea ia
leaga le Iunivesite, leai o loo i ai lava alo o samoa sa i ai
i le Iunivesite lea o loo lelei lava a lato aoaoga. E i ai foi
isi alo o Samoa ua tuua aiga ae o atu i fafo i isi atunuu e i
ai Niu Sila, Ausetalia, e aooga ai, ia o le mea lava e tasi
a le faia loa meaaoga ma le suesue, ia fai loa le suega ua
le pasi. Afai la ua le pasi lou atalii po o lou afafine sa
aoga i i i le Iunivesite ae suesue pe ua mafua aisea. O
lona uiga o lou atalii ua le pasi ona o le faatamala. Ou te
fautua atu ai ma lou agaga fia taumafai e taua tele le
Iunivesite. I lona faamoemoe o i ai atoa ai ma le suiga ua
i ai i le polokalame aoao a le Matagaluega lenei, e matua
taua ia te au.
Lau afioga i le alii Minisita, ou te talitonu e tatau ona
tuu ni avanoa ia i latou o e ua i ai le poto masani i mea
tau aoga, sei faatino mai la latou polokalame lea. Ave i
ai ni tausaga sei fattino mai mai le suiga o le polokalame
(curriculum) lea. E tatau ona tuu lea avanoa i le Faatonu
Sili ma i latou o e o lo o galulue i le fauina o le
polokalame lea, ina ia tatou toe vaai i ai mo ni nai
tausaga po o talafeagai, ia te au lava ua tatau nei. Aua o
lea o le a toe faaaogaina suega ia na faia e Niu Sila, e i ai
le Tusi Pasi a Niu Sil ama le Suega ulufale i Iunivesite.
E le tatau foi ona tatou faalagolago tele i fafo, aua ua
tatau nei ona faia lava sa tatou pepa, ua i ai foi tomai
faapitoa i alo o Samoa e mafai ona fesoasoani mai i le
faafoeina o le itu tau aoaoga.
Afai foi o i ai nisi e fautuaina lau afioga e uiga i le
Iuniveste po o le polokalame e aoga lea e i ai nei, ia ou
te talosaga atu pea, ia toe liuliu le tofa ma sasaa le fafao,
sei o tatou soalaupule lelei. Aua o le isi foi fautuaga e
faia i luga o le loto mataua, ia ae o isi foi fautuaga o
fautuaga lelei. Ia te au lava ia, ou te manatu e ao ona ave
pea le avanoa ia i latou o e o lo o i ai le poto masani sei
faatino mai la latou galuega.
Ona soo atu loa lea i le Fale Meli. Lau afioga i le
Minisita, o le Ofisa lenei o le Fale Meli, e matua tele
lona sao i le atunuu. O le a le mafai foi la ona ou toe
nofo umi ai i i aua ua uma ona saunoa iai le toatele o sui.
Pau lava lea, o lau talosaga, ona sao u maua ni
faamatalaga e faapea, o lo o iai tupe a le Malo e lei aoina
mai, mai pulu o telefoni e lei uma ona totogi. O lea tatou
te saili seleni i fafo, afifio atu le mamalu o le atunuu i
fafo e saili mai ni tupe, o lea lava o i totonu o Samoa a
tatou seleni. Pe mafai lava lau afioga i le Minisita sei
Saunoaga Faataupou Sui USufono 19861-2011
saili ane, aua ua ou faalogo e faitau afe po o ua miliona
ea pili o telefoni e lei totogiina. O lau fautuaga saili mai
ni tupe e mafai ona fai ai ni atiina ae a Samoa. O lea e
talosaga mai sui mamalu, tagi atu lou nei sui mo le fia
faaleleia o telefoni, ma auala, o eletise ma iai lava mea e
manaomia ae o lenei e lei aoina nei seleni pe afai lava e
sao le tala na ou faalogo i ai.
Ona ou soso ane lea i le eletise. Ua uma ona ou taua le
eletise aoe o mea mo lou itumao, ae o le mataupu lea o le
a ou talanoa i ai e mo le atunuu atoa. Faamolemole lau
afioga i le alii Minisita, ou te talosaga atu mo le aoga lea
a le Mamona o i Vaiola, o lo o manaomia ai tele le
eletise. O lo o i ai foi le aoga a Logoipulotu ma le toatele
o le mamalu o le atunuu i lona itu e manaomia ai tele le
eletise. Silasila a oo le eletise i Vaiola ou te iloa e sili atu
ona tele tupe a le Malo e maua mai i le aoga lava lea i lo
le seleni lea e maua mai i le alu atu lea i Falelima e sau i
Salailua aua i le tele lava o le vaomatua. O le pili a le
aoga lea e i Pesega e totogi i le masina e tasi e $13,000.
O lou lava manatu a maua se eletise i Vaiola o se tasi
lena tupe tele a le Malo e maua mau ai. Aua o lo o i ai le
aoga nofo tumau. O mea lava ia tou te silasila i ai i le
aoga i Pesega ua maua uma lava i le aoga lea e i Vaiola.
O lo o taatitia seleni ae o loo atiina aeina. O lea la ou te
talosaga atu ai pe le o talafeagai ma galuega faataatitia a
le Faalapotopotoga o le Malosi tau Eletise, aua o lea ou
te faalogo o lo o tau silia ni tupe. A oo atu lava la eletise
o Vaiola, ou te tau e le umi ae oo atu le pili a le aoga lea
e totogi i le masina e tasi i le sili atu atu ma le $10,000.
Ona ou oo atu lea i le tatou Ofisa o Felauaiga. Ou te
avatu lava lau faamalo ia i latou o taitaiina lenei
Matagaluega. Atonu foi o le a le tetena i finagalo po o le
faafofoga a i latou o taitaia ia Ofisa, sau tautalaga i nei
Matagaluega. O le agaga ina ia tuuina atu se fesoasoani
atonu e faaleleia atili ai le faatinoina o galuega. E i ai
lava lou faanoanoa i le taimi foi lenei e laisene ni
taavale. A oo nei ia Mati ae sei tumu atu ave taavale, e
fiu e tu. E tu ai lava, tu ai lava. O nisi e na ona fia faafou
o le laisene ave taavale. E le faapea ua ou fai atu ua le
lelei le faafoeina o le Matagalyega. E leai, ae ona o le
auala o lo o faaaogaina. E tuu lava seia oo ia Mati faatoa
laisene le tele o taavale, ae pe le talafeagai nei lea ua 26
tausaga talu ona tutoatasi Samoa, ona fai se isi fuafuaga,
pe amata mai i le numera, laisene ia Mati, o le isi
numera, laisene ia Iuni, o le isi vaega e laisene ia
Setema, ma faasoasoa faapena ina ia aua nei toe tupe le
mea lea e tupu ia tausaga uma o le fiu e tu.
Sao u iai i le Ofisa i se vaitaimi e lei mamao atu ona e
fia faafou lou laisene, ma o lo o i ai se tamaitai, o se alo
lava foi o Samoa. E lua ma le afa itula o ou tu ae le maua
sou avanoa, ae ou vaai atu o le pisi lava o le Ofisa i le
taumafaiga ona faafoe. O le ala eale fia fesoasoani atu ai
pe lei alagatatau ea ona sui auala tau pulega, ia faavasega
ai a tatou auala e faaaogaina e pei o atunuu o lo o i fafo.
E le tau tuua ia Mati. A oo lava i le masina o lau taavale
lea, ou alu laisene. Faatoa ou toe sau foi ia Mati i lea
tausaga. Ona mafai ai lea ona taofiofi le toa lea e toa ai
le Ofisa lea. Ta te alofa i ai, ia i latou o faafoeina le
galuega. O le talosaga atu lea i lau afioga i le alii
Minisitga e auala atu i le Fofoga Fetalai.
O le isi vaega, pe e lei tatau ona toe manatunatu ia tatou
pasi. Ua toatele sui ua saunoa i ai i pasi ma faiga ave
pasi. A oo lava i le taimi e finagalo ai le ave pasi e tu ona
tu lava lea i le mea o le auala. Pe lei talafeagai ona
sailiili pe ua tatau ona oo i le taimi e fai ai ni a tatou
tulaga faapitoa mo pasi. Pe tofu lava le nuu i ama le
tulaga faapitoa e tu ai le pasi. Aua e faigata foi i tamalii
o le tatou atunuu ona savali atu i le isi nuu e faatali ai le
pasi. Aua a tu soo foi le pasi, ia ua afaina foi vaega o le
pasi. O lena lava e te silafia, o oe foi e fai au taavale, o le
taimi e tu ai ma le taimi e faaola ai. Atonu e lelei lava le
i le tausaga muamua ae a tolu lea tausaga ua afaina foi le
taavale.
O le Ofisa o vaa. Sa taua e isi sui le faafitauli lea e i ai i
vaa mo Savaii. Ia ou te le faapea e tau le pua ma lafo atu,
ae na ona tuu atu pea i lumamea ma e faafofoga mai i ai,
o atugaluga nei e tuuina atu e sui a faipule.
O le faatauina o pepa mo pasese, e le i talafeagai ona
faia se faiga ina ia vave ona faatauina tickets ao le i alu
le vaa i lo o le fatali sei toe 15 pe 10 minute ae faatoa
tatala. Ona oo lea i le taimi o le a alu ai le vaa ae fetuleni
le atunuu mo le fia maua o ni pepa mo pasese i le vaa. Ia
o le isi aso na pisi ma susu uma le mamalu o le atunuu i
fafo, i le vaega foi lea e i ai nofoa, ae e leai se isi e
mafai ona alu e faatali i totonu o le potu la e i ai nofoa
aua o lo o loka. Po o le a la le aoga o lea potu faatali
pasese ae o lea e le o faaaogaina e nisi nei tei ua
palapala. Ae na ala ona fau fale ia ona o le atunuu o lo o
femalagaai. O le tele o taimi ou te alu atu ai e momoli
atu ni malaga i Savaii ia o le la e tofafa mai le atunuu i
fafo, o nai loomatutua, tina ma tama matutua. E tofafa
mi luga o le sima i f afo o le fale faatali pasese, aua o le
la e loka le potu. Aisea e le tatala ai mo le atunuu. Ae
faatoa tatala lava i le taimi ua faapea mai ai, ia afio
mmaia o le a malaga lo tatou vaa. Ae pe ua faapo lima
foi lea o itula e faatau le mamalu o le atunuu ma le sau
ma timuga, e laina ma timuia lava i fafo, ae e le o
faaaogaina potu na ala ona fau ona o le malolo i ai o le
atunuu. O lau talosaga lea i lau afioga i le Minisita.
Lua, o se vaaiga faanoanoa lava ia te au, o fale ia e i le
uafu, o fale o le Malo, ae o lea ou te talanoa atu i le
vaega lea o vaa, aemaise fale le uia sei tulou. A ulu atu i
ai se tasi ai faapea ni fale ua 20 tausaga le tuai, ae leiloa
o fale e lei atoa se tolu tausaga talu ona fai. O lau
talosaga, pe le mafai ona faa-konekarate le faamamaina
o fale ia, aua o lea foi e i ai tagata ua popoto faapitoa ma
iai vailaau ma masini e faamamaina ai fale. Ae o le mea
lea e fai nei, na ona alu au lava ma le mea solo fale solo
le fola ole fale, ae o lo o palapala lava le tino o le fale
latou. Tatou manumanu i nei fale, o mea na foai mai e a
tatou uo i fafo, ae a toe omai nei ma silasila i ai ona
faape lea, o Samoa e le maua le agaga e talia fiafia ai ni
fesoasoani ua aumai. E oo foi i le malale vaalelel lau
afioga o le mea lava e tasi. Ou te talosaga atu, afai ua le
mafai ona e tagata faigaluega a latou tiute, ia pe le mafai
ona faaaogaina pisinisi faapitoa teu fale, o lo o i ai a
Saunoaga Faataupou Sui USufono 19861-2011
latou masino ma vailaau e faamama ai e le gata i totonu
ae faapea foi i fafo o le fale. Pe le i ai se polokalame foi
lea e faapea, ia o mea ia e fai i le aso, solo faamalama
ia./ O mea nei e fai tai masina, o le a fufulu le puipui o le
fale. E le garta i le uafu ae faapea foi i fale o le Malo. E
talanoa atu ai ona o le alofa i le atunuu. Ou te faafetai atu
ai i le Malo i le tofa mamao aua o lea ua matua mautu
mea uma. Na matou malaga atu foi i Savaii, ia, ua leai se
toe laina i fafo aua o lea ua i ai fale. E faapena foi ia
tatou faleese sei tulou, lea na taua e se tasi o sui o le tele
o taimi e loka.
Ae ou fai atu lava o se mea na tupu ia te au. Sao u fia
alu ou te asiasi iai ua lagona foi le valaau a le tino. Ae ou
alu atu ae fai mai le alii lena sa i ai ua leai se vai.
Ia ae ou te faalogo atu i tua, o le la e pai mai le mea e
pei se vai lena na alu ane, ae ou te leiloa la pe ua mafia i
se a ona le oo ane le vai.
Ona oo mai ai lea i le Faaputuga Tupe mo le Lumanai
Manuia, po o tupe foi nei o lo o tipiina mai le totogi mo
le taimi e malolo ai. Pe le i ai se Tulafono foi lenei e
fesoasoani ai ia i latou o le a faamalolo litaea. E le gata
ia te au ae faapea le mamalu o le atunuu. Lua, ua ou vaai
i ai ma ua ou faalogo foi e i ai nisi o alo po o tamalii foi
ma failauga o le atunuu, ua litaea ona o atu lea e aumai a
latou tupe mai le Faalapotopotoga ae ua toe vaeesea ai
foi e isi lafoga. A tonu e afaina ai foi la ma le Ofisa o
Lafoga i lau mataupu lea. Silasila lau afioga i le alii
Palemia, ao faigaluega le tagata, e tipi le tupe lea ona
avea lea faaputu, ae a oo i le taimi e faamalolo litaea ai,
ae alu atu ua toe tipi foi le isi lafoga. O lona uiga ua
faalua ona fai lafoga a le tagata lea. O lea sa tipi le
lafoga ao faigaluega ae oo foi ina litaea ae aumai lana
faaputuga tupe pe $10,000. Ua toe aveese foi le isi
lafoga pe oo lava i le $4,000. Sei iloilo ane la le mataupu
lea tau lafoga ma le NPF. Ou te le lafo le faasea pe faitio
i le Ofisa o Lafoga aua o lo o fai le latou tiute oe
faalagolago i luga o le Tulafono. Ae na ona ou faaepa
atu, afaio o lea e tatau ona toe iloiloina ma toe suia le
Tulafono, sui loa nei faamolemole.
O lea foi sa manatunatu ma fiafia le tagata faigaluega
lea o le a malolo, ia ae sau lana faaputuga tupe, ua tipi le
$4,000, fai mai o le lafoga.
Ona oo mai lea i le Ofisa o Faamasinoga o Fanua ma
Suafa. Lau afioga i le Palemia ona o lau afioag lea o lo o
Minisita i le vaega lea. E i ai lava sau fesili e fia avatu i
le tulaga lea. Ou te le fia faitio e leai e faatau mamao
lava ma lona itu o le faitio i galuega faa-faamasinoga o
Fanua ma Suafa. Ae o se fesili faamolemole, ona o ni
faaiuga ua leva ona fai, pe na fai i le 10 pe sili atu foi
tausaga ua tuanai, ae ua toe sui nei. E fia malamalama
lou sui pe mafai le peai foi. Ae afai fou ia sui, o le a le
mea e faavae ai le toe suiga lea, aemaise ua faafia ona
faaaoga i nisi faamasinoga i luma mai, ae oo mai i faiga
palota ua toe tasui.
Pe le mafai oan fai se Komisi Suesue i le Ofisa lea o
Fanua ma Suafa, sei saili uma lava le gaogaosa lea aua e
lavea ai foi lou itumalo i le tulaga lea i Matai Palota. Sei
sailiili ane pe aisea le mea ua ala ai ona aumai taofiga a
tagata i saofai na fai, ae fai le palota toe avatu ai igoa ia?
O lau talosaga lena faa-sui i lau afioga i le alii Palemia
pe le mafai ona fai se Komisi Suesue, saili uma lava
gaoioiga a lea Matagaluega ma nei mea e tutupu ai i
totonu o le Ofisa. O le talosaga lea ma le agaga
maualalo.
Ona ou oo mai ai lea i le Ofisa o Pulega o Galuega a le
Malo, le PSC. O le Ofisa lenei, o se ofisa e sulufai i ai
tagata faigaluega a le Malo. O se Ofisa tele o loo
faafoeina galuega tetele uma a le Malo. Ae i lau vaai i ai
e peiseai e leai se avanoa o i latou o e o taitaia le galuega
lea o faaaoga ai lo latou tomai. E pei e leai se saolotoga
o i latou o taitaiina le Matagaluega lenei, e faaaoga ai le
latou agavaa, e fai ai ni fuafuaga e faafoe ai le
Matagaluega lea. Peiseai e noatia le Matagaluega, ma
saisaia o ni Tulafono poo policy. O lau lava lea vaai i ai.
E leai la se alualu i luma o le Matagaluega aua foi e pei
ona outou silafiaina, e tolu ituaiga o Supavaisa poo latou
o vaaia vaega taitasi i Matagaluega. O le isi Supavaisa e
tau o le supavaisa (autocratic) e le faalogo i se isi, o le isi
o le supavaisa e tausisi lava i le Tulafono (bureaucratic)
a o le isi supavaisa o le supavaisa e tausisi e fetala‟i lona
mafaufau (democratic). A ou alu atu la ma lau tagi ma
ou te fia vaai i le Komisi o tagata faigaluega, tusa o le 90
o le 100 pasene o le tali o le a tuu mai o le Tulafono po o
le policy, e le supavaisa lea e tau o le (bureaucratic), po
o le Supavaisa lea e tausisi lava i e Tulafono, ae ua leai
lava se taimi e faaavanoa, ai sei faalogo mai ai ma
faaaoga lona lava tomai pe mata e mafai ona fesuiai e ia
le Tulafono, ma faaaoga lona atamai na ala ai ona nofo i
le tofiga lea. Leai lava ma se gaoioi ae ua saisaitia o le
Tulafono.
O se Matagaluega tele ma le taua, pe le mafai ona ave i
ai ni avanoa e faafoe ai. Oi a fai atu tagata faigaluega a
le Malo e sii totogi, ae fai mai leaga o le Tulafono. E
aoga foi le isi taitai e sisio i ai e fai ma tali pupuni e lafi
ai. O lou lea lagona. O le Malo o tatou o le Malo faaTemokarasi. E tatau ai ona ave le avanoa i taitai o
Matagaluega e faaaoga ai lo latou tomai. Ina ia tatou
talotonu ma faaaoga auala faa-Temokarai. Fai le faaiuga
e le taitai ma faaaoga lona tomai e taitaiina ai ai le
galuega ia lelei. Aua a lelei ia ua manuia ae a saisai loa e
le Tulafono, ua le gaoioi. Leai lava se isi e gaoioi. O lon
uiga tatou te fiu lava e pepese atu e fai le mea lea ma lea,
o la lava e nonofo tagata faigaluega ia. O tagata ua tatau
ona litaea ai le o malolo, sau ma le tali ona o le tulafono.
Aua foi o lea ua i ai le mea e lafi ai. Lua, o le Tulafono
lea o tagata litaea, o loo i ai nisi alo o Samoa o loo
galulue i nisi o Matagaluega e i lalo o le vaavaaiga a le
Komisi, ua tatau ona siisii atu i luga i tofiga maualuluga
e i ai le avea ma Faatonu Sili. Ae peiseai a uma tausaga
faigalega ua litaea, ae toe aapa atu foi i ai, ae leai lava se
avanoa sei tuu atu i le isi tagata ua loa tausaga o tautua.
O le Ofisa lea e faaoo i ai tagi a fina foi nei ua sosola a
latou tane. Ua sosola tamaloloa ae tu una o le tina ma le
fanau. Ou te faafesili atu, o le Ofisa lea ou te iloa sa i ai
se tamalii Samoa, sa faafoeina le Ofisa lea. Atonu o le a
ou faaaogaina lona igoa pea afai e faamagalo mai au o le
Saunoaga Faataupou Sui USufono 19861-2011
uso lea i lou faaaogaina lona igoa pe afai e faamagalo
mai au le uso lea i lou faaaogaina o lona suafa i luga o le
ea. Ae ia e malie lau Susuga Gene Uhrle ua ou faanoi atu
o le a ou faaaogaina lou suafa leaga e taua lau mataupu
lea e fia tuu atu i le afioga a le alii Palemia. E i ai ni tina
o lo matou itumalo na o mai ia te au ma fai mai, Tauialo
na matou o atu i le Ofisa lea, se ua alu ese le tama lena
na i ai, e ese le lelei, e matua sao lana faaiua ma e lelei
foi le faafoeina o a matou mataupu. E mata fiafia ma na
te iloa fou foi le itu e fesoasoani mai ai. E le faapea la ua
ou ave leagaina se tamalii ua i ai nei i lea Ofisa, ae na
ona logo atu pea le mea lea e tupu. Ona ou fai atu lea i ai
ua ou le iloa le mea o i ai le tamaloa. Ae fai mai le fafine
o le ua faigaluega i le falemai. O au la lea ua ou le
mautonu, na fai mai foi ua faamalolo Gene Uhrle, a o lea
e i le falemai. O la e solo lava pea i ai le toatele o tina. E
le faapea la e solo i ai ona o le fia noonofo ia Gene
Uhrle. Ia e malie a Gene Uhrle o lea e tau
faamalamalama lau mataupu. E ala ona gasolo i ai, ona o
loo iloa e tina o lenei alii o Gene Uhrle e fai maeaea ana
suesuega. E finau malosi mo tima. E fesoasoani foi i
tina.
Ou te iloa o loo i ai nisi ua tatau ona litaea e tusa ai ma
le Tulafono. E le faapea e tauleagaina nisi tamalii o le
atunuu, e leai. Afai ua ave le avanoa ia i latou ua faalima
ma faaono ona talosaga ane ma talia lava, aisea la ua le
aveina ai le avanoa i lenei foi alo o Samoa. Aisea ua
faamalolo ai? Sei vagana ai le ua i ai nisi o le Ofisa lea,
ai ua tagi nai o latou taitoalua muamua, o atu ia Gene
Uhrle, fai e Gene Uhrle se faaiuga, ua ala ai ona le fiafia
e faafou le laisene lea o Gene Uhrle. O le mea la lea ou
te talosaga atu i lau afioga sei silasila ane i le ituaiga o
mataupu ia, poo ai le tama e afisi a o ai le tama e toso.
Aua afai o se Tulafono, e tatau lava ona litaea ia lelei, a
e o lea ua uma ona fai le faataitaiga leaga lea, o loo i ai
lava tagata o loo faigalyega lava e ua leva ona tatau ona
litaea, litaea muamua, toe litaea, ma toe litaea, masalo ua
faalima ona litaea. O lenei tamalii o Gene Uhrle e fiafia
tele i ai tina. E le faapea ua ou tauina atu lenei mea ona
faapea ai lea o iina na maua ai lou faletua o Gene Uhrle.
E leai, o le tala lea ou te tuuina atu ona ou te talitonu o
loo tele le faafitauli i le Ofisa lea ona ole alu ese o Gene
Uhrle. Sei silasila totoa ane i ai.
O le a faaiuiu lau tautalaga. Ona oo mai lea i le atiina
ae lea o le faletalimalo o le Royal Samoa. Ou te matua
taliaina ma faafetai i le tama matua o le Maota, le afioga
ia Vaai Kolone, ona o le fesoasoani lea na ave i ai. Aua o
loo silafia o lenei sui mamalu i latou na taliaina le
fesoasoani na ave i ai. O se atiina ae e manuia ai le
atunuu. O se atiina ae lelei. O le ala lea o lou
lagolagoina. Ua ave i ai le silasila totoa ma le tofa a i
latou sa taitaia le atunuu. O lea ua tulai mai foi lau
afioga Tofilau, ua e tauaveina le talia lea na talia ai. Pau
a o lea...
Faafetau atum e faamalulu atu foi i sui ona o le suiga
fou, ia ae pei o le ala lava lea ua taumafai ai e avatu se
manatu aua o lenei atiina ae o ni atiina ae lelei e manuia
ai le atunuu. E aoga e maua ai galuega e maua ai tuipe a
le atunuu. Ae o i matou nei e fou mai matou te fai mea
faalogologo i e ba mua mai i malae. Ioe, o upu a le
atunuu e muamua fesili muli mai, ia mua mai. O lea foi
la e ese atu ai ma tuuina atu se matou lagona ia i lato una
mua mai, aemaise lava o le tama matua lea. O lea foi ua
ave lau lagolago i le atiina ae lea ona na maua mai na
ave foi i ai lana lagolagosua. Ae tei foi ua faalogologo
atu i le isi aso ua tulai mai ua totoe. Ia, o le mea foi la lea
ua faaletonu ai lou mafaufau. Afai e faaletonu lenei
atiina ae ia o lenei ua maua le avanoa o le Malo e sagai
atu ai i ai, ae ua leai lea atiina ae.
O lea foi ua faalogo atu e i ai foi nisi kamupani mai
fafo faapea ua toe taliu ese atu ni o latou sui sa asiasi atu
i Siumu e vaavaai ma le faamoemoe e fia fai foi so latou
faletalimalo i tua. O le faatupeina o le faletalimalo lea, e
leai se tupe a Samoa e faaaluina ai. Afai o lea sa maua
feagaiga faapea, ia e sili atu lea. Ae o atiina ae o loo
faaletonu i lou lava talitonuga faasui sei toe sasaa le
fafao poo se atiina ae e ola ai le atunuu poo se atiina ae e
oti ai Samoa.
Ia ona ou faapea au lea i lau afioga i le Fofoga o le
Fono ae ou te lei nofo i lalo, e momoli atu le faafetai ona
o le avanoa ua tuuina mai i lou sui. E faamalului atu i sui
mamalu o le Palemene, afai ua pa‟opapa se upu ia faafoi
mai ia Tauialo. Ona o le agaga lava ina ia tuuina atu
faafautuaga ma fesoasoani atu se manuia o le tatou
atunuu.
Ia manuia le Fono.
Tofa TAFAESE UILI
Itumalo Faaalaalafaga:
Vaimauga Sasae.
Filifilia:
22 Mati 1988
Faatauto:
7 Aperila 1988
Lauga Faataupou:
20 Iuni 1988
E muamua ona ou faafetai i
le Atua i Lona alofa ma
Lona agagalelei ua tatou aulia mai ai lenei itula
toafilemu.
Lau Afioga i le Fofoga o le Maota, lau Afioga i le
Palemia, Afioga i Minisita, Afioga i sui usufono o le
Fono Aoao Faitulafono, Afioga i Ulu o Matagaluega ua
tatou faatasi ai i lenei itula afiafi. E muamua ona ou
faatulou atu ia te oe Samoa aua o oe o le i‟a iviivia. I lau
Afioga i le Ao Mamalu o le Malo o Samoa i Sisifo,
Susuga i le Malietoa, Afioga i le Sui o le Fono a Sui
Tofia, Afioga Mataafa, le paia maualuga i Tama ma o
latou Aiga, Aiga ma a latou Tama. Aiga o Nofo, Aiga o
E‟e, Aiga o Papa ma Aiga o Tupu. Le mamalu tele i le
tapuaiga a Faleupolu o Tofiga ia Tumua ma Pule, Ituau
ma Alataua, Aiga i le Tai ma le Vaa o Fonoti, aemaise
foi le tapuaiga a Fata Faitaulaga e fia o loo nonoina
manu aua se manuia o Samoa mo a taeao.
Saunoaga Faataupou Sui USufono 19861-2011
Lau Afioga i le Fofoga o le Fono, e avea lenei itula e
momoli atu ai le faamalo i lau Afioga, ua ou tau
manatunatu i nisi o uputuu a si o tatou Atunuu, i o tatou
tuaa ma matua, na saunoa mai ai e faapea Nafanua,
“Samoa, ia tali i lagi sou Ao”. Aeau, o lea ua e tu i le Sa
o Samoa ma ou te tatalo i le Atua mo lou tauaveina o le
Maota ma lenei Paeaiga ma le Nofoaiga.
Samoa e, e‟eta‟i maia i o outou seetaga malu, ae se‟i
taumafai se manatu aua le faafogafoga mai a lo matou
itumalo e pele i le agaga. Afio le Sa‟o na Faapito lau
Afioga Leniu ma ou Alo, Afio Taliulu o le Matua o
Tofiga faapea le Aiga Paia o Salevalasi. Alaalatai le
mamalu ia Tuisamau ma Ituala e fia. Afio le Fofoga o
Alataua, Afioga Tuliaupupu faapea le Usoalii ma Alo o
Malietoa. Le matua o Atuaia faapea upu ia Manutaua ma
Tuisamau.
Lau Afioga Tuisugaletaua ma Luamanuvae. Le
Fetalaiga ia Pulemagafa ma le Faiga ma le mamalu ia
Saleupolu. Afio le Faatifetalai, Afioga Samoa. Afio le
Falefia o Alii, Afioga a le Taufagaafa, lau Afioga
Teomatavui, le Maopu, Savaiinaea ma le Gataiala ma
Tofele. Ia oulua Nofoa, Lefau ma Tupuanai ma upu ia te
oe Saleupolu.
Le tatou Itumalo e, e le o po se lilo e vaivai la outou
auauna, ae ou te faamoemoe i la outou tapuaiga. E le
mafai foi ona faagalo ia te a‟u se tautua a se tasi foi o
tamalii o le tatou itumalo. O le sa tu i le foe o le tatou
itumalo i ia tausaga ua tuanai atu - Fuataga, ua faafetai
tau. Ua silafia e lo tatou itumalo ma Samoa lau tautua. E
ui ina vaivai a‟u lou uso, se‟i tulou, ae ou te faamoemoe
i le mea e gata ai lo‟u mafai ma ou te faamoemoe i lau
talosaga e mafai ai ona ou tauavea le tatou pitolaau aua
le tautuaina o Samoa ma ona Upufai.
Lau Afioga i le Fofoga o le Maota, e faamalulu atu se‟i
taumafai atu sina manatu vaivai i ni nai vaega o loo
talosagaina e lenei Itumalo, ona taumafai atu ai lea o
sina manatu vaivai aua le faafofogaaga a Samoa.
Atonu ua lautogia uma lava itumalo i saunoaga a sui
usufono mamalu. O le mea lava e tasi lea o le a matou
pepese atu ai foi i laueleele e pei o nisi o saunoaga. O le
isi lenei itumalo e talafeagai foi i ai lea faalupega e
faapea, “E lumafale i moana ae tuafale i papa”. Lau
Afioga i le Minisita, e tatalo atu se‟i alofagia, aumai uma
eleele la o loo totoe nei mo si o matou itumalo. Ua
matou le iloa poo fea o le a matou o i ai ona ua tupu foi
le itumalo faamolemole. O le talosaga atu lea ma le
agaga vaivai. Amata atu i Laulii, Letogo, Fagalii ma
Vailele, lau Afioga i le Minisita se‟i alofagia, tautuana ia
alofagia le matou itumalo leaga o lo matou itumalo e lua
mauga lea e va ai - e le laugatasi e pei o isi itumalo. O le
talosaga lea ma le agaga faaaloalo.
Lau Afioga i le Minisita, e pei ona matau atu i o matou
auala galue, ua fai sina umi ma tausagā e le‟i
faamanuiaina lava i matou i le taamilosaga o auala galue.
O lea e tatalo atu ai faamolemole se‟i tautuana o matou
auala galue. E pei lava ona silafia o se isi lenei itumalo o
lea foi o loo tautua i lo tatou maketi fou. E le o po se lilo
e ui lava foi i isi taimi, a‟o lena lava tou te silafia le
taumafai a si o matou itumalo aua le tatou maketi.
O le isi vaega matou te talosaga atu ai o le matou
taligalu. E pei lava ona e silafia, a e afio i le itu lea i
Atua amata atu i Fagalii, Vailele, Letogo ma Laulii, toe
toe lava oo mai i le auala ta le sami i lenei vaitaimi. E le
gata i lea o lo matou afioaga i Laulii, ua toetoe lava a oo
i maota ma laoa, se‟i tulou le faafitauli lea.
O le E.P.C., faafetai mo galuega lelei o loo taumafai e
lea Faalapotopotoga. O le isi lenei itumalo e latalata mai
i le taulaga, ae paga lea o le tele foi o nisi o le mamalu o
lea itumalo e le o maua lea faamanuiaga talu ai o loo
gata lava le eletise i le aualatele. Faamolemole ou te
masalo e le tele se tupe e alu ai, ae fia moomia le avatu o
le moli i tua i nisi o aiga o le matou itumalo.
E talosaga atu foi i telefoni: e le mamao Vaimauga
Sasae. O lea e gata i Letogo faamanuiaga o telefoni, ae e
le o mamao lava i le isi itu o le mauga Laulii ma faapena
ona agai atu ai i le itu Atua lea faamanuiaga. E talosaga
atu ai ma le agaga faaaloalo.
O se isi vaega e talosagaina e lenei itumalo. E tele auala
ua i totonu o le itumalo lenei, e pei lava ona iai nisi o
saunoaga e faapea a matagi ua pefu. E talosagaina le fia
faaleleia, e talosagaina foi le fia faataina. Na o le
talosaga lava ma le faamolemole, ae atonu lava o le a tali
mai i se taimi o muamua. O se isi vaega lau Afioga i le
Minisita o loo feagai ma tulaga ia, o le fale fasimoli. O le
fale fasimoli i le taimi nei, o la o loo faaalu lona vai agai
i luga o lo matou gataifale.
E pei ona silafia o se isi lea tulaga o loo faamoemoe iai
le matou itumalo, o le matou gataifale. O lea la e
talosaga atu ai ma le faaaloalo faamolemole, ia taumafai
se faiga ina ia aua ne‟i toe faaalu le vai lea agai i le
matou gataifale ma taumafai ina ia faaalu i se isi mea.
Aua o le gataifale o loo tua i ai lenei itumalo. O le isi
lenei itumalo o loo iai se Maota taua o le Atunuu. E pei
ona silafia outou tuaa ma o tatou matua ua matutua, o i
latou nei o la o loo i Mapuifagalele. Paga lea, a outou
silasuila iai i le faafitauli o loo faafegai ma Tamaitai Sa
pe a oo ina faaletonu le suavai, aua e ui lava foi i lea
vaega ae amata mai i le 6:00 i le taeao seia paia le 4:00 i
le afiafi ua matua leai lava ma se suavai. Ua matua fita
lava le galuega o loo feagai ma Tamaitai Sa ia e i
Mapuifagalele.
Lau Afioga e tele lava le lisi ae ua matau atu foi ua vela
le fale, ao le mea e sili lea ua maua atu. Matou te
faamolemole atu, na o le faamolemole lava le mea e
mafai atu e lenei itumalo. Lo tatou itumalo e, ia tapuai
maia lo outou paia ma lo outou mamalu ae sei agai se
manatu aua lau tapuaiga ma le faafogafoga a Samoa.
Lau Afioga i le Fofoga o le Malota ma sui usufono
mamalu o le Palemene, e matauina i malelega ma tulaga
i saunoaga a sui usufono mamalu o le Palemene lenei, ua
toetoe lava leai se vaega e le‟i oo iai. Amata mai lava i
paipa, eletise, auala galue, falemai ua oo uma lava iai.
A‟o le a ou taumafai atu ia e faapuupuu atu se lagona i
lenei taimi. Ou te faamalulu atu foi Samoa i lau
faafofogaaga, afai o le a se matau mai i se manatu, ona
Saunoaga Faataupou Sui USufono 19861-2011
ua pau o se manatu ua maua i lenei taimi. O le sini o
so‟u manatu e faapea: “Muai fesili lava le faipule i sona
sao”. Ou te faaopoopo iai le manatu, ia faafou.
Lau Afioga i le Fofoga o le Maota ma le Palemene, e
pei ua ou taua ia tulaga ona e iai sina mafuaaga laititi. O
lona mafuaaga laititi, o la‟u tau matau atonu ne‟i te‟i ua
sese i Uputuu ma le Tala Faasolopito o le Palemene o
Samoa i Sisifo. O se uluai taimi lenei ua tóatele ai ni sui
usufono fou ua ofi mai i totonu o le Palemene. O lea la
ou te fesili ai pe o le a le mafuaaga. I la‟u lava tali na o
a‟u, atonu ai o se finagalo lea o Samoa ia faafouina loa
le Palemene o Samoa i Sisifo. Ia tatou faafouina. Aua i
la‟u matau, e faatulou atu aua o lo‟u taimi muamua lenei.
E masani ona ou faalogo o saunoa mai lea, saunoa mai
lea, faalelei le mea lea, ua leaga le mea lea, ua faapea le
mea lea. Ae paga lea, e faapefea ona tatou faalelei? Ae
paga lea, e faapefea ona tatou faaleleia? Ae a pe a malie
lau Afioga i le Fofoga o le Maota, ae tatou taumafai e fai
se Samoa fou?
O sina ata faataitai. I le aofaiga o nai fuainumera pupuu
sa ou maua. O le aofaiga o tagata soifua lea o loo soifua
nei i Samoa i Sisifo i le taimi lenei, e 159,000. I la‟u tau
matau i ni nai fuainumera ua ou maua, i le Tala Faatatau
mo le Tupe i le 1988, e $153,000,000. A ou vaevaea la le
159,000 tagata agai i le $153,000,000, ona tulai mai ai
lea e $9,622 a le tagata soifua e toatasi. Afai la e $9,622
a le tagata soifua e toatasi, ae a vaevae la i le 260 aso
faigaluega mai le Aso Gafua seia oo i afiafi. Ona tulai
mai lea e $4.62 sene i le itula.
E pei ua ou aumaia lenei faataitaiga lau Afioga i le
Fofoga o le Maota, se‟i mataitu ma muai fesili lava le
faipule i sona sao. Atonu e faapena foi ia Samoa. E fesili
foi i Ulu o Matagaluega mo ni o latou sao - le
aufaigaluega mo sona sao - Samoa mo sona sao. O lea
ou te matauina i fuainumera lata mai, e faamalie atu pe
afai e sese. Afai e $4.62 sene i le itula le tupe o lea e
galueaiina le tatou tamaoaiga, ou te manatu e ese le taua.
E ui lava foi ina vaivai le tatou tamaoaiga, aua i le matau
atu i le fuainumera i a tatou fua o faaeleeleaga i fua o le
laueleele sa ave i fafo o faatoaga i le 1986, e $23.49. I le
1987, e $24.16. A silasila la, ou te matua ou faafetai i o
outou tuaa ma matua, uso ma tuafafine o loo i atunuu
mamao i o latou sao. O le 1986 i se fuainumera latalata
mai e $63,500,000. I le latou sao i le 1987, e
$77,200,000. Faafetai i o outou matua ma ni uso ma
tuafaine ma o tatou aiga i fafo i le latou tautua toto.
Samoa e, tatou fesili lava tatou ia tatou. O le a la se tatou
sao o fai? E faigofie, o lenei lava mea o lea matou te
tatalo atu ai. Lau Afioga i le Palemia, faalelei auala, lau
Afioga i le Palemia faalelei le mea lea ma le mea lea. Ae
paga lea, e pei o se tasi o muagagana, “E malie le alaala,
ae le‟i faigofie le ati afi”. Samoa e, o loo ia te oe le tali.
O le a le tali? O sa‟u tala faatusa.
O se uso o loo ma mafuta na fai mai ia te au, “Tafaese,
malie o le a ou le faigaluega i le taeao lenei ae sei ou alu
i i le......” Ona ou fai atu lea, o fea a e alu iai? “O la sa ta
mai le logo anapo”. Oo i le afiafi ma feiloa ma fai mai
lana tali ia te a‟u, “Paga lea, ua faale paleni foi le mea ua
fai sina gau”. Ona ou fai atu lea, “O le a le gau”? Fai mai
lana tali, “Ia, o lea na o le „ietoga e tasi ma le afa
pusaapa a‟o lea ua alu le aso”. Na ou fai atu, paga lea, e
moni o le aganuu e pele i o tatou agaga, aua o le tele lava
o o tatou aiga ua tatou feagai ma nei mea. Silasila foi, a
faatusatusa i le itula le tatou taimi, ia o lena. Aua ou te
matauina, e tele le meaalofa a le Atua lea e ia Samoa amuia foi Samoa. I le faatusatusa i nisi atunuu i fafo,
latou te le o maua le faamanuiaga lea e maua e tatou. Na
o le pau lava le mea lea e tulai mai ia i tatou, ma e
faapenei le fesili, o ai Aiga a‟o ai Faleupolu? O ai na
tautua, a‟o ai e le‟i tautua, o a isa tautua i le Mau a‟o ai e
le‟i tautua i le Mau? O le a le uiga o lea mea? Ae maua
ai se tatou mea? E maua ai so tatou lumanai Samoa?
Tatou agai i luma. Afai o le iuga lenei o le palota ua tulai
mai sui usufono maoa‟e i lenei Paeaiga, faatonu finagalo
o Samoa, tatou taumafai e sui? Ia muai fesili lava le
faipule i lona sao.
Ou te manatu o i tatou uma lava taitasi e ao ona fesili le
tagata ia te ia, o Ulu o Matagaluega ma Faalapotopotoga;
po‟o e galue ma le faamaoni? O loo ia te a‟u lava le tali.
O lena e te silafia pe na o le faapena ai lava, tia‟i ai lava
na o le aufaigaluega ma faapena ai lava. Silasila, ua
matua faigata le tulaga o le taimi lenei.
O le isi vaega lau Afioga, a tagai i se isi tulaga i le tatou
tamaoaiga ma le fuainumera o loo tulai mai. Afai e
$153,000,000 le tulaga lea i se fuainumera lata mai, ae a
faapea ua alu alu foi ona faapena lea ona fesasia‟i le tofa
ma le faautaga ua le ma iloa i le tulaga o Upufai o Malo
ua faapea atu i le isi Itu ma tuua‟i ane i le isi Itu, ua le
silafia la e le atunuu poo agai i luma poo agai i tua. A‟o i
le tau matau i le $153,000,000 lea, a vaevae i le 366 aso,
e tulai mai i aso uma lava taitasi e $41,000. O lona uiga
a alu ai, alu ai ua sui atu i ina le Malo i le isi Itu, sui mai
i inei i se isi taimi, paga lea ua le iloa e Samoa po‟o le a
le mea o le a fai. I aso uma taitasi, aso uma taitasi e
$41,000 i le aso. O lona uiga a sefulu aso ua $500,000. O
lea la Samoa e, ou te faamalulu atu i sina o‟u lava
manatu vaivai, o i tatou lava e atiaeina i tatou. A‟o le
mea lea ua tatou i ai, ia e faapena lava ona tatou
faamoemoe i o tatou aiga i atunuu mamao, ae ou te
talitonu e tele o tatou laueele.
Ou te talitonu e tele le tamaoaiga o ia Samoa, a‟o le
tatou le galueaiina lava e tatou. Ua mativa lava i tatou o i
tatou lava.
Na o sina manatu puupuu ne‟i tei ua umi naua leaga ua
vela foi le fala, ae se‟i taumafai atu ni nai sao agai i
Matagaluega taitasi.
O le Matagaluega ou te fia tautala muamua i ai, o le
Matagaluega lea o le Suetusi Sili a le Malo. Ua matua ou
manatu lava a‟u na o a‟u, ia tutoatasi le Matagaluega
lenei. Aisea ua ala ai se manatu e tutoatasi? Ia aveese ai
ia i latou le fefe. Fefe i le a? Fefe e lipoti mai mea moni
ma mea sa‟o. Afai lava e alu ai, alu ai iloa o lea ou te
gaoi a‟u, se‟i tulou le faafofoga a Samoa, aumai le lipoti
ae ave Tafaese i le falepuipui. Aua foi o le taumafai i le
faamaopoopoina o le tatou tamaoaiga, e tatau ona
mataitu auiliiliga o lipoti a le Suetusi Sili, aua e faapena
Saunoaga Faataupou Sui USufono 19861-2011
ai foi ona matua faaleleia atoatoa le tulaga e lipoti mai ai
Matagaluega a le Malo. O le tatou Malo e leai se ami
(army), e leai se ea fosi (air force). O Ulu o Matagaluega
aemaise le Maota lenei, a mataala le autau lena a le Malo
ma mausali i latou, o i ina foi o le a faaleleia ai totonu o
Samoa. O le a faapena foi ona faamalieina finagalo o le
mamalu o le atunuu mai lea Matagaluega ma lea
Matagaluega. O lea la ou te faatu atu ai se manatu vaivai
i le Ofisa o le Suetusi Sili ina ia tumaoti.
Ona ou see mai lea i le Ofisa o Faatoaga. Ou te faafetai
ona o se tasi lenei o Ofisa e ese le taua o lana tautua ia
Samoa. O le mea masani lava, ou te tatalo atu foi ma
faamolemole atu i la outou Faigamalo, ia taumafai se
faiga e mafai ai ona tumau le tau o le koko ma le popo.
Aua ne‟i alu atu i le isi aso ua $30 poo ua $50 i le 100
pauna, ae ia tumau i se mea e tasi. Pei ona saunoa se tasi
o faipule o lo‟o i ai le vaegatupe foi lea mai le STABEX.
Ou te manatu e ao ona taumafai se faiga fou. Aua o lea a
fai nei loa isi faatosina ia, ua tia‟i loa toga koko. Ae pe
fai se isi faiga a matagofie lea ma lelei, ia ona sau loa lea
e avatu le pikiapu.
I le Komisi e Pulea Tagata Faigaluega a le Malo le
PSC, ou te faamalo atu ona o galuega fita o fegai nei ma
le PSC. E tele nisi vaega ua uma ona saunoa i ai isi sui
usufono mamalu, ae o la‟u talosaga pe e le mafai ona sii
le totogi aupito maualalo mai le $5.00 i le $8.00. I la‟u
matau o le tóatele o tagata faigaluega a le Malo ua o ese
ma Ofisa o le Malo ona o totogi. E faigofie lava ona
faapea atu, sii totogi, sii totogi, ae e tatau ona i ai sina
faiga e fesoasoani atu ai. Leai, ou te le poto ae na o sina
fesoasoani atu i le PSC. Ae a pe a fai se faiga foi lea
faapea, afai e afio ese se tasi o le aufaigaluega, ia toe
aumai la le totogi o le tagata lena ua alu ese ma nisi
vaega o totoe e totogi uma loa i ai. E moni lava o tupe e
faatino ai, ae tau ina silasila ane i lea tulaga.
O le Ofisa o le Fono Aoao Faitulafono. E muamua ona
momoli atu le faafetai i le Failautusi faapea le Failautusi
Lagolago, aemaise o le mamalu i le aufaigaluega o lenei
Ofisa taua tele. E pei ona silafia le tele o a tatou
tauaofiaga, pe tatou te manava i le 10:00 i le po, ae toe o
atu le Ofisa e faatino a latou galuega. O lea e auala atu ai
i lau Afioga i le Fofoga Fetalai le faafetai i le
Matagaluega. Faamalo le tautua, faamalo atu i la outou
matafaioi, ae paga lea. Sa lagona lava le vaivai o le taofi
i se tasi aso, sa ou oo atu i le Ofisa o le Fofoga o le Fono,
ia sa lagona lava le maasiasi ona o le tulaga o i ai le
Ofisa ma le Maota. O lea e talosaga atu ai ina ia faia lelei
a tatou meatotino i le Ofisa ma le Maota nei atoa ma nisi
itu ua maea ona saunoa i ai nisi sui usufono, aemaise o a
tatou fale mamao, e talosaga atu ma le faaaloalo lava ia
vaaia ia lelei. Ma le tasi itu, se‟i silasila ane i le tulaga o i
ai o latou totogi pe fai se faiga foi lea ia laugatasia ai ina
ia faaleleia ai lava lenei Ofisa.
Ou te fia avea foi le faafetai i le Ofisa o Tiute. O se tasi
lenei o Ofisa e taua tele lo latou sao. O lea lava e pei ona
taua mai i inei i fuainumera. Ia ma e avatu ai le faafetai.
Ae tasi lava le mea e talosaga atu ai i le Ofisa lea ona o
mea foi nei o tiute, o le 1987 e $97 miliona. Ae a pe a
faamalie pea le Tulafono ae ia alofa a omai nei o tatou
aiga o lo‟o i fafo ma ni nai mea alofa e i ai leitio, ae a
pea a aumai fua? Ae a aumai o i matou nei e faipisinisi,
afai e tolu au leitio, ia fai pea le tiute. Ae faamama avega
i nai o tatou aiga i fafo. Ou te tatalo atu, ua tele le sao o
nai o tatou aiga i fafo, ae ona pau lea o le faamanuiaga e
mafai ona maua e i latou.
O le Ofisa o le Atiina ae o le Tamaoaiga. E momoli atu
le faafetai ma le faamalo. O i latou e latiti ia tuu i ai
avanoa e agai ai i luma. Ae taumafai ina ia toe saili nisi
maketi i fafo ia tele a tatou maketi e ono maua mai ai
nisi tau lelei o le popo ma le koko.
O le Ofisa o le Va i Fafo. E faafetai atu foi ona o la
outou matafaioi. E i ai le agaga ia aumai o tatou uso o
talavou e ave e faamasani aua o latou ia o lo‟o tuputupu
a‟e, aeaise o tatou Ofisa o lo‟o i fafo.
Lau Afioga i le Fofoga Fetalai o le Maota, o se matau i
lenei taeao. E pei ua ese le lagona i lenei taimi. E pei ua
agai ina galo le lauga, e pei ona matau atu i lenei taeao o
se tamai fasi pepa lea na ou sau ma a‟u, o lea ou te
faatulagaina ai o le sui usufono mo Vaimauga Sasae e
tatau ona faatuina se lafo mo le tatou faamoemoe i lea
Ekalesia.
O le mafuaaga lau Afioga e le o po se lilo i le faafofoga
mai a Samoa, o se isi lenei o taeao taua lava o lenei
itumalo, le taeao lea o le Mamona i Niniva ma
Punialavaa, po‟o le taeao o Saleupolu, ae matau atu
faafetai, faamalo o lea ua atagia i le Maota, ae se‟i tau
agai se taofi i le faamoemoe i lenei taeao. Lau Afioga i
le Fofoga o le Maota, e pei o le tatou uluai tatalo i lenei
taeao, e i ai so‟u talitonuga po‟o le a le umi o saunoaga
ma fetalaiga ma a tatou tatalo, e le taitai lanu le alofa o le
Atua.
Ou te talitonu lau Afioga, i le matagofie o lenei
toafilemu i le susulu mai o le mata o le la, e faapena ona
matagofie le matagi, atonu o le a faapena le faamoemoe
o lenei aso ma a tatou galuega. O le po anapo sa ou oo
atu ai i le Soifua Maloloina. O le tele lava o nisi itu ua
saunoa i ai sui mamalu. Pau o lea ou te fia faaopoopo atu
faapea, e talosagaina lau Afioga i le Minista, ia taumafai
e faalelei le vaavaaia ma le tausiga o o tatou falemai
taitasi i totonu o Motootua ma isi afioaga. E le faigofie le
galuega, ae faamoemoe lava i lau Afioga. Ou te lagona
ua lava lou soifua i le Palemene o Samoa, ua lava lou
silafia. O se isi vaega aua e pei ona matauina i le tele o
finagalo, e sii totogi, faalelei totogi. Ae paga lea, e pei
lava o se isi upu na ou maua, e malie le alaala a‟o ae le
faigofie le ati afi. E faigofie lava ona tatou faalagi, sii sii,
ae paga lea ua faigata ona faatino ona o le tulaga utiuti o
lo tatou tamaoaiga. Na o ni fautuaga e avatu ma nai
metotia e avatu i tafatafa o lau Afioga i le Minisita o le
Soifua Maloloina, e ao ona talosagaina le Soifua
Maloloina a le Lalolagi (WHO) ma le Faalapotopotoga a
Malo Aufaatasi (UNO) po o i latou ia o lo o ofoina mai
la latou tautua mai Malo Aufaatasi mo se fesoasoani. E
faatalosaga atu e auala atu i lau Afioga i le Fofoga o le
Maota o sina faataitaiga lea, ae a pe a taumafai e
talosaga ina ia aumai ni fomai msi isi atunuu ae ofo mai
Saunoaga Faataupou Sui USufono 19861-2011
e latou ni seleni e totogi ai. Aumai tupe atonu o i ina o le
a faigofie ai ona faaleleia tulaga e pei ona faamoemoeina
ma matou tatalo atu ai.
O le isi vaega lau Afioga i le Fofoga o le Maota, i lau
Afioga i le Minisita, e pei lava ona matauina o le agaga
lea ia faaleleia. Aua o se isi lenei Ofisa o lo o tautua ma
e taua foi, se‟i silasila totoa faamolemole se‟i tagai ane
ina ia aua ne‟i toe alu alu leai ni vailaau. O se isi lena o
itu taua na ona tuu atu i tafatafa o lau Afioga. O vailaau
e taua tele aua lava le manao ma le faamoemoe o le
atunuu mo lona soifua maloloina. O le tele o isi vaega ou
te le fia oo i ai ona ua maea ona saunoa i ai sui mamalu o
le Palemene ua maea ona saunoa.
Ona oo mai lea i le Ofisa o Faamasinoga. A‟o le‟i agai
se manatu i le Ofisa o Faamasinoga, e le faaitiitia la‟u
faafetai i le Ofisa o le Soifua Maloloina. Faamalo lava le
tautua ia Samoa. O le Ofisa o Faamasinoga, ou te
faafetai atu i galuega faigata o lo o feagai ma i latou ona
e le faigofie lea galuega. O le tele o isi vaega ua saunoa i
ai sui mamalu e taua uma lava. Pau se vaega ou te fia
avatu i tafatafa o lau Afioga i le Minisita po o le Palemia
o lo o feagai ma lau Afioga i lenei Matagaluega le tulaga
foi lea i le mamalu o le atunuu.
I lenei taeao ou te matauina o lo o alo atu ai le Ofisa i
Alii Peresetene, Alii Faamasino ma Faatonu i le latou
agatonu. I nisi taeao, o la‟u lava matau e leai o le tatou
aganuu e pele i o outou finagalo ma o matou loto. A‟o
lo‟u agaga foi lea aua a faapea o lo o i ai le mamalu o le
atunuu ae saunoa mai ia faamolemole se‟i outou mapu
atu se‟i fai le agatonu. E pei o nai vaega na ou te manatu
ai na o a‟u lava. I so‟u lava manatu faavalea, afai o le a
agai i le agatonu, ae a pe a taumafai e auai faatasi ma i
latou o lo o i totonu o le Maota? Atonu o le isi lena auala
e masuiga malie ai finagalo pe a agai i le agatonu, aua o
le tatou aganuu e taua lava ia i tatou uma.
E pei o le mea lena e fautua atu ai, afai o le a se
finagalo ae fai i tua o le latou Ofisa, ae le o le fai i luma
a‟o lo‟o alaala le mamalu o le atunuu. Na o ni nai
manatu vaivai e tau ina tuu atu i ou tafatafa. O le tele o
nisi o manatu o le Maota lenei ua outou fofoga ma silafia
o lena ua momoli atu faatasi ma le faafetai ma le
faamalo i galuega fita o lo o feagai ma le Ofisa ma e taua
lenei Ofisa o le Malo aua se lumanai o Samoa.
Ona ou oo mai lea i le Ofisa o Leipa. E momoli atu foi
le faafetai ma le faamalo i lenei Ofisa. O lenei Ofisa e
galulue malosi aua le puipuia o aia tatau a o tatou uso
faigaluega. E taua la aua le tautuaina o Samoa faapena
tagata faigaluega, e momoli atu ai pea le faafetai ma le
faamalo. O le tele o nisi vaega ou te iloa e fia manaomia
le faaleleia, ae paga lea o le tupe lava. E momoli atu le
faafetai ma le faamalo i le Ofisa o Leipa.
O le Ofisa o Fuagafanua. O lau Afioga le Minisita e
auala atu i le Fofoga o le Maota. O se isi lenei o
Matagaluega taua lava, aua foi e pei ona taua amuia
Samoa, amuia tatou i o outou tuaa na tauasa mai i faigata
i aso ua mavae. Ae paga lea i le matau i o tatou eleele, e
foliga mai ua i ai nisi uso mai fafo ua omai faatau. A‟o
lau matau atonu o i ai se Tulafono vagana tagatanuu
moni e faapena ona faatau atu i ai o tatou eleele.
E talosaga atu ai e auala atu i lau Afioga i le Minisita,
se‟i silasila ane i lea tulaga po o lava puipuia. O le isi
vaega ou te fia taua pei lava ona ou taua amuia i tatou i
si o tatou laueleele tatou te mitamita ai. I lau Afioga i le
Fofoga o le Maota, se‟i e tagai i Togitogiga ma isi eleele.
O la‟u matau ua agai ina le lelei ona faaleleia, e le gata i
lea a‟o nisi o afioaga o i ai vavau a lo tatou atunuu. Ou te
talosaga atu ai e ui lava ina leai ni tupe, ae taumafai sina
fuafuaga mo le taumafai e tausia ma faaleleia. E le gata i
lea e fia oo so‟u taofi agai i le tatou Ofisa lava lenei o
Fuagafanua ma Eleele i totonu o le tatou taulaga. E
matagofie ona taatiaga, ae paga lea e pei o se isi vaega
na saunoa i ai nisi sui i luma i le mea sa i si le Tiafau. O
lena e le o po se lilo i le faafofoga a le atunuu ma la
outou maimoa, e talosaga atu se‟i tagai i tulaga ia aua le
puipuia o a tatou eleele faasaoina, pei o ni vaega o le
atunuu o tatou mitamita ai.
A‟o i ai lava i lenei Matagaluega taua, ou te fia tautala i
le Eleele Fou. Lau Afioga i le Fofoga o le Maota, o le
Elele Fou o lo o i totonu o le lotoifale o le taulaga. Ou te
tatalo atu ai i totonu o le eleele fou ia matua faaleleia i ni
fale e fai ai pisinisi. Ou te talosaga atu foi e ala atu i lau
Afioga le Fofoga o le Maota i nei pisinisi, ia ave le
faamuamua ia i latou o i ai nei ma tautua i le taimi nei.
Ou te talitonu atonu ua na o le pau lea o se avanoa i o
tatou tagatanuu e vaivai, e mafai ai ona maua se avanoa
e tatau ona fai ai se pisinisi i totonu o le lotolotoi o le
taulaga, se‟i tulou. O lea e avatu ai se talosaga, e tuu atu
i lau Afioga le Fofoga Fetalai i le tulaga lea.
Lau Afioga i le Fofoga o le Maota, ou te fia tautala i
nisi vaega i Eleele lava ma Fuagafanua i le tulaga lea aua
na ou taua i le matou itumalo, ua tóatele foi le mamalu o
le itumalo ua soifua. Ou te talosaga atu i eleele ia e totoe
nei, faamolemole aua le toe faatauina. Ua lava eleele ua
maea ona faatau. O le mafuaaga ou te le fia taua i totonu
o le Maota lenei, vaeatu le faafofoga a le atunuu. Ua i ai
nei faafitauli ua tulai mai i le mamalu o le atunuu lea o
lo o nonofo latalata ane i nisi o afioaga o le itumalo
lenei. O se tala faataitai e pei o Vailele; o lea e talosaga
atu ai faamolemole aua nei toe faatauina nisi eleele i
totonu o lenei itumalo. O lea foi ua ou maua o lea ua i ai
le faamoemoe i fanua maliu i totonu o le itumalo lenei.
O gauta i tua o Letogo lea e faamoemoe mo le fanua
maliu, a oo i le po sei vaeane le faafofoga a le Maota ma
lau Afioga ma le faafofogaaga a Samoa, a oo i le po e
sau le sau mai uta. A sau la le sau lena, ou te le fia
tautala i le sau lena, ae afai o le a se fuafuaga i lau
Afioga i le Palemia ma le Malo mo lea faamoemoe, ia
ave pea ia mamao i uta pe toe fuafua se isi mea e
talafeagai ai. O le talitonuga e taua lea faamoemoe, ae
matou te tatalo atu faamolemole saili se isi laueleele e
ave mamao i ai aua e afaina ai le soifua o lenei itumalo.
E fia avatu foi le faafetai ma le faamalo lau Afioga i le
galuega fita o loo feagai ma le Faatonu aemaise foi lenei
Matagaluega taua a le Malo, o le puipuia o o tatou
laueleele ma fanua.
Saunoaga Faataupou Sui USufono 19861-2011
Lau Afioga ona ou oo mai ai lea i le Matagaluega o
Felauaiga. O le isi lenei Matagaluega taua foi. Aua e tele
lo latou sao i le atunuu aua lava le puipuia o tulaga o
femalagaiga ma isi vaega e pei ona lautogia ai le latou
tautua ia Samoa, o le Matagaluega o Felauaiga.
Muamua, ou te fia tautala lau Afioga agai i pasese o
taavale laiti ma pasi. Lau Afioga i le taimi ua tuanai atu,
ua agai i le lima poo le ono tausaga, a‟o lea lava e gata
mai ai le siitaga o totogi o taavale laiti ma se isi vaega o
pasi. E ui lava ina fita se lagona i lenei taimi ae ao pea
ona avatu i tafatafa o lau Afioga i le Minisita. O se tala
faataitai o le tau o taavale laiti ma pasi i le lima i le fa
tausaga talu ai, ua agai ina faaluaina pe faatoluina pe
faafaina foi. O le mea lea e talosaga atu ai ma tuu atu i
tafatafa o lau Afioga, ia sii totogi o pasi ma totogi o
taavale laiti. E fia avatu foi sa‟u talosaga i le aufai pasi
ma le aufai taavale laiti, se‟i silasila totoa i le tautuaina o
Samoa i le tulaga lea e pei ona matauina i le tele o nisi
taimi, o nisi pasi ua le talafeagai, o nisi foi o taavale laiti
ua le talafeagai. O le faamoemoe e talosaga atu ai i lau
Afioga i le Minisita ma lau Afioga i le Palemia ma le
Malo, faamolemole sii totogi o pasi, sii ma totogi o
taavale laiti. E talosaga atu foi i le aufai taavale laiti, ia
tatou tautua i le Malo o Samoa ma ona Upufai ma lona
Malo, ia faaleleia foi a tatou pasi ma a tatou taavale la‟u
pasese laiti.
O se isi vaega taua lau Afioga, ou te matauina lava i
lenei Matagaluega e pei lava ona laga e nisi sui aemaise
lava i mea nei tau pasi. O le tele o nisi o faalavelave o
loo tulai mai nei e mafua mai lava o pasi. E alu atu nei
lava tu faafuasei, tutu atu ai faapena ma isi taavale i tua.
O nisi vaega faigata o loo feagai pea i le tele o taimi o le
o atu o pasi tu faafuasei i le ogatotonu, ia e le faigofie lea
tulaga. Paga lea, lau Afioga i le Minisita, e oo foi i le
aufai pasi ua le iloa poo fea a tutu ai. A omai le aufai
pasi i isi taimi ua saunoa mai le mamalu o le atunuu, e
sau lava le isi pasi e sau lava tu i inei. O le a la le mea e
le mafai ai ona e tu i inei? E avatu ai la se manatu
faapea, e ui lava ina vaivai a tatou tupe i lenei vaitaimi.
Tatou taumafai ni mea foi nei o nofoaga e tutu ai pasi.
Ou te lagona ma ou te talitonu ua leva ona tatau ona fai
lea tulaga. Afai la e maea ona fai ni mea e tutu ai pasi, o
lea foi ua ou faamolemole atu i le aufai pasi e faaaoga la
tulaga nei o pasi e tutu ai i taimi uma. O lea foi ua ou
faamolemole atu i le atunuu, faamolemole a faapea e
faatino lea fuafuaga i le lumanai, ia faaaoga ia tulaga aua
ua le iloa e pasi poo fea a tutu ai.
O outou le aufai pasi, o lea ua outou faafofoga mai o
lea ua avatu le talosaga i le Malo ae taumafai foi le tatou
pito laau. Tatou taumafai foi ia faaleleia a tatou pasi ma
ia lava puipuia le soifua maloloina o le mamalu o le
atunuu femalagaai.
Ao ou iai lava i lenei Matagaluega. I totonu o le taulaga
i luma i tafatafa o le Faletupe o Samoa i Sisifo, sau ai
agai i luma o le maketi, sau agai i tafatafa o le Kamupani
Inisiua ma nai isi vaega lau Afioga, e matua momomo le
loto ma le alofa i Alii Leoleo. I latou foi nei o loo
faasinosinoina le mea e feafioai ai le mamalu o le
atunuu. O lea e avatu ai sa‟u talosaga, ua le o talafeagai
ea ona tatou taumafai e fai ni a tatou moli? Ua lava le
tolu pe fa ni nai magaala e tau ina faatino ai i lo‟u lava
talitonuga ua silafia e le atunuu le faaaogaina o ia moli.
Ae ou te avatu ni nai fautuaga vaivai e tuu i ou
tafatafa………….
Faafetai lava i lau Afioga. Talu ai o lea e le‟i i ai ni a
tatou moli faapea i inei i Samoa, o lea e pei ona maua
atu, ae pei o moli faasino taavale (traffic lights) lea ou te
tautala i ai lau Afioga. A‟o ou i ai lava i lenei
Matagaluega o lena ua avatu se talosaga i moli faasino
taavale poo (traffic lights). Ou te talosaga atu foi mo
faailoga poo signs e le o lelei ma lava. A i ai ni galuega
o loo fai i totonu o o tatou auala ae e le o lava tapena
tulaga ia, e agai ina tulai mai se faalavelave i le lumanai.
Ao ou iai i lenei vaega i faailoga poo faailoilo sign aua
ua leva ona ou tea mai ma le Atiina a‟e ma Turisi. Ou te
faamolemole atu e avatu se fautuaga faapea, taumafai ni
a tatou faailoilo poo mea nei e faailoilo e pei ona iai
Solosolo. E tatau ona faapena ona talosaga atu ia
faaleleia a tatou faailoilo poo faailoga.
I se isi vaega ou te le iloa sa faafesootai mai a‟u e se
vaa e le‟i mamao atu e faatatau lea mo le latou otaota
leaga e fia aveeseina, ou te leiloa i isi vaa talu ai pe na
faaalu lava i le tatou gataifale pe leai, ae na ona tuu atu i
tafatafa o lau Afioga ma le Ofisa mamalu, se‟i tagatagai
i lea tulaga mo le faaleleia atili. E momoli atu foi le
faafetai i le Matagaluega ona o le vaa lea ua faapea o le a
taunuu mai, ia talosia ia vave ona oo mai ma faamalieina
ai finagalo ma le manaoga o le mamalu o le atunuu o loo
femalagaai i le va o motu e lua.
E talosaga i lenei Matagaluega ia faamolemole se‟i tau
faanatinati le tatou vaa ma se‟i vaai faalelei lena vaa. Ae
ou te le‟i see ese ma lenei Matagaluega, ou te avea lenei
avanoa ou e momoli atu ai le faafetai ma le faamalo i le
Ulu o le Matagaluega ma le aufaigaluega.
Ona ou se mai ai lea i le Ofisa o Leoleo. O se tasi lenei
Ofisa taua o le atunuu. E faafetai faapitoa mo la outou
galuega muamua lea na faia i le Nafanua, atonu o se isi
lea fua vaaia o le taua o lea sao. Faafetai lava, o le a aoga
lea i le lumanai o le atunuu. E ui lava ina outou
faafofoga o lea ua aveese la outou $16,000, ae ou te
lagolagoina lava e a‟u i le lumanai le aumai pea o nisi a
outou uila afi se lua. Ae faamalulu atu i lo outou
faamoemoe. Ou te tatalo atu foi i lenei Oifsa ona a
fuafua atu i le faitau aofai o tagata i se fuainumera
puupuu, o lea lava ua ou manatua, e 119,000, a vaevae la
i le 340 o alii leoleo lea e i ai nei, atonu ai o a tatou Tu
ma Agaifanua lea e mafai ai ona faatino a latou galuega.
Ua i ai foi faafitauli i nei onapo i laau faasaina, ae na ona
tatalo atu i lau Afioga i le Palemia o vaaia lea Ofisa, ia
faaopoopo nisi tagata faigaluega i le Ofisa lenei. O lea
ou te iloa o le isi faafitauli o le leai o ni tupe, ae tau lava
ina tuu ane i ou tafatafa se‟i silasila totoa ane iai.
E talosaga atu foi ia tagai ane foi i le tulaga o i ai le
tatou falepuipui. O lea ua faafofoga mai lau Afioga i le
Palemia, se‟i tagai ane i ia tulaga.
Saunoaga Faataupou Sui USufono 19861-2011
Ona ou oo mai ai lea i le Ofisa o Galuega, le PWD.
Faafetai atu i le Minisita ona o galuega ua uma ona
taumafai i ai aua e le o po se lilo i le faafofogaaga a
Samoa. E le‟i leva atu ona tulai mai lenei Faigamalo, ae
ui i lea e le‟i faia Roma i se aso e tasi. O loo i ai foi ni
faafitauli o loo faafeagai ai i mea tau masini, ae na o se
talosaga vaivai lava a a lenei Itumalo, se‟i e silasila ane i
ai ia matou auala ua fia faataina. Auala ia i tua ane o
Letogo, Vailele, Fagalii ma Laulii. E le gata i lena o lo
matou auala galue e pei ona avatu ai se fautuaga i le
taimi ua tuanai. O lea la lau Afioga ona o le tóatele o
tagata tafafao maimoa mai isi o tatou atunuu, e fiafia
lava e o atu agai i Atua, ou te talosagaina ai se
fesoasoani. O le alu atu i tua o Solosolo ma le auala e alu
i Aleipata ua fai lava sina vaiti o alatetele. Ae e iai lava
le talitonuga o le tóatele o le tatou Malo e fiafia e o atu i
le itu lea.
E fia avatu foi se talosaga mo auala ia agai i le Itu o
Tane, ua lava ma totoe mafuaaga e pei ona saunoa i ai
nisi o sui usufono. Ae faamolemole se‟i tagai ane i le alu
atu lea i Puapua, Mauga ma Samalaeulu agai atu ai i
Salelologa. O se tasi lea o mataupu e taua tele.
Ou te fia tautala foi i lenei Faalapotopotoga o le Malosi
Faa-Eletise. Ua matauina le alu agai i luga o pili o moli,
na ona faapena atu lava ae pule lava lena itu ma ana
fuafuaga.
O le isi itu o le suavai. O se itu o loo tau popole i ai le
taofi ona a oo nei ina mita a tatou paipa, ia e le faigofie.
E tatau lava ona i ai se isi auala e fai ai, ia a le o lea
faamolemole aua le faataugataina pili o vai paipa. O lea
foi sa ou taua vai paipa mo Mapuifagalele. E le faapea
ua ou taua Mapuifagalele ona o lea e i Vailele poo
Vaimauga. Ae e le faigofie i nai Tamaitai Sa le galuega
o feagai ai ma le tausiga o nai tama ma tina matutua i le
faafitauli lea e iai o le suavai. Afai e i ai se mafuaaga e le
mafai ai ona foia le faafitauli i le suavai mo
Mapuifagalele, o loo i ai se vai i tua o matou atonu e
mafai ona faaaoga lena pe afai e mafai ona fai i ai se isi
fuafuaga. O le vai lea o lea e sau ai le suavai mo le
Falemoli o le Esetete Tausi. Atonu o le a mafai ona
faalelei ai ma vai i Letogo, Fagalii ma Laulii. O nai
vaega na e tuu atu i o outou tafatafa.
Ona oo mai ai lea i le Ofisa o le Tupe. Lau Afioga i le
Fofoga o le Maota, a‟o le‟i oo se faamatalaga i nisi
vaega o le Ofisa o le Tupe, o loo i ai se mitamitaga poo
se faalagiga, ae ou te manatu ua tatau lava ona avatu sa‟u
faafetai i lau Afioga i le Minisita o Tupe. I le usuia o le
Fono a le Faletupe o le Atiina ae o Asia i lo‟u lava
lagona faa Samoa, e matua lagona lo‟u mimita ma ou
faafetai i le Atua ona o lou faafoeina o lea Fono tele i
Manila. I lou tulai mai, e naunau lava pe ana se‟i silasila
i ai le atunuu. O le Faletupe lea o Atiina ae o le Lalolagi,
toetoe lava afa o le lalolagi e i ai, e oo foi i sui mai
Taipei ma isi atunuu, ae na matua maoae lou faafoeina o
le Fonotaga. Amuia lou Itumalo Tuilaepa ua i ai so latou
sui e ia te ia se tomai ua mafai ai ona faafoeina ni Fono
tetele faapea a le lalolagi.
I lenei Matagaluega lau Afioga i le Minisita, o lo‟u
manatu se e pei ua tóatele naua ea le aufaigaluega, ae o
outou lena o loo faafoeina a tatou tupe. E pei foi ona
tuuina atu se fautuaga i le Ofisa lea o le Komisi e Pulea
Galuega a le Malo. Afai lava ua i ai nisi o alo ma fanau o
le atunuu ua afifio atu i atunuu mamao, ae a la pe a
aumai totogi na na faamoemoe e totogi ai ina ia sii ai
totogi o tagata o loo iai pea i le Ofisa?. Ia e talosaga atu
ai ma le agaga vaivai sei silasila ane iai. O lea foi na
taua e nisi sui tikeri e fuafua iai totogi. E moni ae o tupe
lava mea uma.
Ona ou oo mai ai lea i le Matagaluega o Autalavou ma
Aganuu. Faafetai i lenei Ofisa. Pau lava lau talosaga ona
o lea e aofia ai ma mataupu tau autalavou, ia e le o po se
lilo ma lou silafia i lenei Matagaluega, o le talafatai i
Apia, ua tele ni faafitauli ua tulai mai ai. Ua tele fanau
ua tagofia laau faasaina. E iai se isi auala e mafai ai ona
faasaina? Ae a se polokalame e faaaoga iai le latou
taimi? E le gata i lea o le tóatele o fanau e fiafia i le
lakapi, atonu e mafai ona faaaoga lena mo se isi
polokalame. E ao foi ona faatauaina le aganuu.
O le Ofisa o Fuainumera Faamaumauina. Faafetai atu
foi ona e taua foi a outou galuega. Ae o le itu lea e fai
atu ai pepa fanau, ou te manatu ua tatau ona faaleleia lea
itu.
Lau Afioga i le Fofoga Fetalai ona ou see mai lea i le
Malosiaga Faa-Eletise. E tóatele nisi o sui ua maea ona
saunoa iai. O a lava ni faafitauli ia taumafai ia faalelei. O
mea e lelei ia faalelei atili. Talosaga atu foi afai lava e
alu ai, alu ai ae tutusa na fuafuaga ia e tatau foi ona fai
se isi Fale Moli i lo matou afioaga. Sa ou maua ua
faasalalau i le 2.A.P, e faapea o le a mafai ona totogi pili
o telefoni i Pesega faapea foi ma Matautu. O se fuafuaga
lelei lea fuafuaga. Aua o le tóatele o tagata e oo lava ia te
au ia e tuu lava mea uma i le aso mulimuli. Ia ae oo atu i
aso mulimuli ia ae o le la e fai mai le laina umi lava.
Faafetai ma faamalo le galulue maeaea. E tele nisi vaega
o le Fale Moli na ou fia tautala iai ae peitai ua maea ona
saunoa iai le tele o sui mamalu o le Palemene.
O le Ofisa o Lafoga. Faafetai atu i lea Ofisa, e pei ona
matauina i fuainumera e tele so outou sao ma e taua tele
foi lea sao i le lumanai o le atunuu. Ae o le taimi lenei e
fia avatu lava sina talosaga e faapea o mea foi nei o
lafoga, e faatatau i tagata foi nei e sili atu ma le $10,000
tala. O lea e totogi ai le lafoga e faapea e 50%. Ae a pe a
fai se isi auala, pe tuu atu i luga o le $15,000 le aofai? O
lou talitonu atonu o se isi foi lea faatosina ina ia mafai ai
ona tosina mai a tatou fanau ma ni o outou alo o loo i
fafo. E momoli atu foi ma lau talosaga lau Afioga i le
Minisita, o lafoga foi nei a le aufaipisinisi. Le
aufaipisinisi foi lenei e lei uma ona totogi a latou lafoga
ae o loo totogiina le 20%, ae a pe a faamolemole toe
liuliu le tofa aua o le tóatele lava o faipisinisi o loo aafia
ai i lea itu o faipisinisi vaivai. Totogi pea a latou lafoga,
ae ou te talosaga atu ina ia aveese le 20% lea. Ae o
galuega lelei ma galuega fita, e fia momoli atu ai se
faafetai ma le faaaloalo.
Saunoaga Faataupou Sui USufono 19861-2011
Ua maea ona ou tautala i le itu tau faatoaga. Peitai ua
ou toe manatunatu i nai tagata foi nei na fai a latou
faatoaga pasio. O le toatele o nei tagata ua matua lagona
lava le pagatia. E oo mai i le taimi nei o loo tau totogi
lava a latou nogatupe i le Faletupe o Atiina ae, ia ou te le
taua le fua, o le mafatiaga lea o iai nei ae na ona ou
talosaga atu ae faaitiitia le tului pe afai e le o mafai ona
aveeseina.
O le Ofisa o le Palemia. Ma e faasino tonu lava i le
Ofisa o Femalagaiga. O le tele o itu ua taua e sui o le a
ou le toe oo iai. Ae ou te fia tautala faapitoa i le pemita
foi lenei e tuua ai le Atunuu. O le toatele o tama ma tina
matutua o le atunuu e malaga mai Savaii ona malaga atu
lea i le tatou ofisa lea, ae toe faapea mai alu la ma le
pepa lea e fai mai ai kilia. Alu i le Ofisa o Leoleo, Ofisa
o Faamasinoga, Faletupe o Atiina ae ma isi mau Ofisa.
Ae a pe a fai se isi faiga e sui ai ae tuu lea faiga faapea?
Pau lava le mea, afai o iai ni au aitalafu, o le matafaioi
lava lea a lea Matagaluega e fai mai ai nogatupe. Ia a alu
atu loa le tagata e oomi lona tusi folau ona faapea mai
loa lea, faamalie atu alii Tafaese o lea e tele lau aitalafu.
Ia ona ou nofo lea ae aumai lenei pepa ou alu faataamilo.
Ia talofa i le pologa o le mamalu o le atunuu. E tusa lava
pe sii le totogi o le oomiina o le Tusifolau, ou te iloa e le
amanaiaina e tagata ae ia puupuu le taimi e alu ma le
tigaina e fealua‟i solo.
O le isi vaega ou te faafetai i le Alii Pule ma le Sui Pule
ma le Matagaluega, ona e leai lava foi se eseesega o a
outou tiute ma tiute o le Ofisa o Tiute. Ia o le tulaga o
loo iai, seiloga e oomi lou Tusifolau ona mafai lea ona e
malaga atu i fafo. O le tele o nisi malaga faafuasei ia e
tete‟i lava nisi o le Ofisa ua talosaga atu, “O le
faalavelavae lea faatoa logo mai i Tutuila poo Niu Sila,
ae faamolemole e manaomia le fesoasoani a le
Matagaluega”. O le mea e talosagaina ai, pe le alaga
tatau ona fai so tatou Ofisa i le Malae Vaalele ina ia
mafai ai ona oomi ai pemita e tuua ai le atunuu. E i ai
lava nisi o le mamalu o le atunuu e faafuasei ona malaga
i aso e le faigaluega ai le Malo ma e le mafai lava ona
alofia lea itu.
Ou te talosaga atu foi i lau Afioga i le Palemia, o le
mataupu lenei ua maea foi ona saunoa iai nisi o sui
mamalu. Ae ou te toe fia faaopoopo atu iai. Ae a pe a fai
ni fesootaiga ma fafo ina ia faateleina la tatou numera e
faatagaina e malaga atu ai i fafo i atunuu e pei o Niu
Sila? E le gata i lea o ni feutanaiga i le tulaga lea i
pemita mo Amerika Samoa. Ma ia aofia uma ai ma isi
atunuu, o Kanata, Initia ma Europa e oo i Saina.
O le Ofisa o Aoga ua faamalo fai o le faiva. Ua toatele
nisi sui ua avatu le faamalo ona o le toe tatalaina o
Avele. Ae pau o lea, faamolemole ia matua fai ia lelei
atili Avele. Pe le mafai ona faaopoopo atu iai ma le
aoaoina o matata eseese, le faa-Inisinia, faa-Palama,
Kamuta ma isi galuega faapena e faaopoopo i ai i Avele.
E le faapea foi e faaptio i Tumua nei ae faapea foi ma le
motu tele i Salafai. Afai foi e le lava tupe ia ae ia fai na o
se Matata Eseese e tasi. Ailoga e afaina pe a fuafua atu
se isi vaega i Vaipouli? Afai ua le lava faiaoga ma le tala
o le tupe ia ua lava le faa-Kamuta, ia poo na o le faaInisinia. E faapena lava ona fuafua i soo se mea e
manuia ai.
Lau Afioga i le Minisita o Aoga, e tele nisi itu ua maea
ona saunoa iai nisi sui, ae ona pau lava le vaega ou te fia
tautala iai o le vaega lea o Aoga Faataitai. O le isi lea
vaega lau Afioga e taua lava ia te au. Aua a lelei lava
ona amata mai alo ma fanau iti a le atunuu e agai ina
matutua ae ua tele le faaauupegaina mo le sauni atu i
Vasega matutua. E moni lava e taua ia te au le
Iunivesete, ma ou te matua lagolagoina le Iunivesete, ae
paga lea e pei o lea ou te manatu au ia. Agai muamua i
lalo e amata mai ai atonu e oo atu i luga i Iunivesete ae
ua lava tapena alo ma fanau iti mo le agai atu i luma, aua
ou te talitonu o le lumanai lava lenei o Samoa mo aso o i
luma. E tele lava foi nisi o itu sa ou fia tautala iai ae ua
maea foi ona saunoa iai nisi o sui.
O le Faletalimalo o le Royal Samoa. Lau afioga i le alii
Palemia ia te au lava aua o lea e fou lou tulai mai. Na
amata mai lava lenei mataupu e sese, ma o lenei lava e
sese. Ae ui lava i lena sese tatou te manatu i le tulaga
leaga o le sese lea ae ia tatou taumafai ina ia faasao le
sese. I lou lea talitonuga, tatou taumafai ina ia faasao le
sese. I lou lea talitonuga, tatou taumafai i ni auala e
mafai ai ona puiapuia aia tatau a lo tatou atunuu. So o se
mea lelei lava e le faigofie, e pei ona maua mai le fale
lea fogafaleono, na fai lava lena fale o ou faalogo o
tomumu tagata. Po o a nei mea o le a pologa ai, ia a‟o ai
foi o le a fai mo latou. Lau Afioga i le Fofoga o le Fono
ma le mamalu o le Kapeneta e le faigofie ona sailia so
tatou manuia. Ua tatau ona tatou pologa. O lea la le
tulaga lea ua tulai mai nei i le fogafale ono? Tulai mai le
faafitauli lea na feagai ma Fiti i ana Faigamalo, ua o mai
uma iinei i Samoa i Sisifo ia a tatou Fonotaga foi ia ua o
mai uma iinei i Samoa i Sisifo ia a tatou Fonotaga foi ia
faava-o-Malo sa masani ona faia i Fiti. Ia ae ana leai nei
la le fogafale ono lea o le a faapefea? O lea la lau Afioga
so o se mea lelei lava e le faigofie. E faigata e pologa, e
fita. A oo ina tino mai e ese le suamalie. O le mea la lea,
ia te au lava ia afai na amata sese ia fai loa ina ia faalelei
le sese lena.
Lau Afioga i le Fofoga o le Maota, ou te manatu ua
lava lea o le a umi naua foi lou taimi. O nai manatu lava
na, ma ua faafofoga mai foi o tatou Itumaoo, ia lou
itumalo e, e vaivai la outou auauna ma e fou foi, ae o le a
taumafai i le mea e gata mai ai. O nisi o vaega na ou fia
oo iai ua maea ona saunoa iai isi sui mamalu. Ae faauma
atu ai upu e faapea, pei lava o le sini na ou avatua ai ia
uluai fesili lava le faipule ia i sona sao. Ou te
faamamafaina lava e au le sao lena. E le faigofie ona
maua so tatou manuia. Aua tatou te toe vaai i tua. O
Samoa ua uma ona tofi ua silafia lelei lava e Samoa
Aiga, o Faleupolu, e leai se agaga e fulitua i se isi sui, ae
ia tatou galulue faatasi,e fau se Samoa fou. E faapea ua
fai atu e fau se Samoa fou ona faapea lea e faagalo a
tatou tu ma aganuu masani. Po o le a lava le taumafai lau
afioga i le Fofoga Fetalai, nisi faiga fou, ae tumau lava
lo tatou manatu a tatou tu ma agaifanua. Faafetai i le
Saunoaga Faataupou Sui USufono 19861-2011
alofa o le Atua ona o se atunuu e ola i ana tu ma aganuu,
nei matau mai ua ou fai atu e iai le agaga e fau se Samoa
fou ona faapea lea, o o lona uiga e manao le alii le la e
alu faapea na faapea. E leai, e pele ia te au le agaga ina
ia faatauaina a tatou tu ma agaifanua. Ae o le agaga lea e
taumafai atu iai, po o a ni fatia ua alu, o a ni feeseeseaiga
na iai, ia soia ia, tatou galulue mo le agai i luma o lo
tatou Malo. Pei ona ou taua i le aso ananafi, a le mautu
ma sologa lelei faiga upufai o Malo, o ni pologa? E
pologa lava le mamalu o le atunuu.
O le mea lea e talosaga atu ai ma le agaga vaivai, ina ia
tatou faafouina, e pei o se mau a se tasi o Ekalesia lea e
iai nei, fai mai ia tofa mamao. O le a le uiga o le tofa
mamao? Ia tatou fau faatasi, fau faatasi. O lea le mea ua
tatou taumafai e faatulai mai faiga faaonapo nei i le tatou
tamaoaiga? Ia e faatulai mai faiga faaonapo nei i le tatou
tamaoaiga? Ia e lelei ae ia aua nei galo ma ia pele ia i
tatou tagata a tatou tu ma aganuu. Samoa e o lea ua
outou faafofoga mai iai, e vaivai le sui ma la outou
auauna, ae o manatu lava o lenei sui, e pei ona ou taua le
tofa mamao, ae o manatu lava o leneio sui, e pei ona ou
taua le tofa mamao, ia fau faatasi. Samoa e, lau afioga i
le Fofoga o le Fono, le Palemia ma lau Kapeneta, le
mamalu o le Fono Aoao Faitulafono, tatou taumafai e
fau se Samoa fou, ia fai faaneionapo, e le gata i lea o
latou aganuu ia matua faaleleia ae aua nei galo le taua o
tu ma agaifanua. O le aganuu e pele i o outou tuaa ma o
matou matua. Amata mai lava i le faipule, ia muai fesili
lava le faipule ia i sona sao, faasolo mai ai i Ulu o
Matagaluega, aufaigaluega, agai mai ai i le mamalu o le
atunuu, o le a ea so tatou sao? O fea le tamaoaiga lea e i
le atunuu?
Amuia i tatou i le meaalofa lilo a le Atua lea ei iai. Ae
o le pogai o le lelei ona o tatou lava i lo tatou le galulue.
Lau Afioga i le Fofoga Fetalai ia ou te manatu ua umia
lava sou taimi ma atonu foi ua pa‟o papa si ou manatu
vaivai. Ae na o ni nai fesoasoani, atonu foi o le taimi
mulimuli lenei ou te tulai atu ai iinei ma avatu sou
manatu vaivai. Ae o le agaga moni e fia faauma atu ai au
upu, ia tatou taumafai e galulue ma fau faatasi. Soia ia
tatou te fetoa‟i, aua a tatou fevesia‟i, ua faapena foi ona
vevesi upu fai, vevesi loa ma le atunuu. Ia tofa mamao.
Samoa ia po o le a sa outou faafogafoga mai, pau o se
manatu ua maua i lenei taimi. Faafetai i la outou
tapuaiga. Ae ou te tatalo i le Atua ia mu sa tatou taulaga.
Tatou taufai ofo atu a tatou taulaga ma tau ina ia
faafofoga mai lo tatou Tama o i le lagi ma ia mu a tatou
taulaga.
Afioga TOOMATA AFESULU
Itumalo Faaalaalafaga:
Faasaleleaga Nu.1
Filifilia:
22 Mati 1988
Faatauto:
7 Aperila 1988
Lauga Faataupou:
15 Iuni 1988
Ou te muai ta le vai afei ma
ou
faatulou
aua
lau
faafofogaaga Samoa. I le afio o Lana Afioga Mamalu O
le Ao Mamalu o le Malo, Susuga Malietoa Tanumafili
II, e faapea foi le afio o le Sui o le Fono a Sui Tofia. O le
paia ia Samoa i Aiga ma a latou Tama, o Tama foi ma o
latou Aiga. Le mamalu maualuga ia Tumua ma Pule,
Ituau ma Alataua, Aiga i le Tai ma le Vaa o Fonoti. Ae
tainane foi le Paia o Taitai o Ekalesia taitasi o e o loo
nono manu ma faafetai i le Atua aua se manuia o Samoa
mo a taeao. Ulu o Matagaluega ma Kamupani, ia
aemaise foi le lautele o le atunuu o Samoa, se tasi vaega
o loo tapuai aua se tatou manuia. Atonu foi o loo
faafofoga mai o tatou uso mai fafo. Ia le afioga i le
Kovana Sili faapea foi le Sui Kovana, le mamalu o le
Senate i le tatou motu i Sasae. O le paia lava lea ia Sua
ma le Vaifanua, Fofo ma Aitulagi, ia ae faapea foi Tama
a le Manua ma Tootoo o le Faleula. Le paia o le Maota i
le afio o lau afioga i le Palemia, lau afioga i le Fofoga
Fetalai ma le Sui Fofoga Fetalai, le mamalu o lau
kapeneta, aiga a Minisita, faapea foi le paia o loo ee nei,
Sui Usufono o le Palemene, Sui tofia o itumalo taitasi o
lo tatou Malo Tutoatasi o Samoa i Sisifo.
O lea sei ou toe liliu ane la, aua le tapuaiga a lou
itumalo, o le Faasaleleaga Nu.1. O se itumalo tele, o le a
ou le seu tafilia le naa i lo outou paia ma lo outou
mamalu o lea ua ee paia o Samoa, ua ee Fata. Ua leai
lava se tasi e toe lagalagavale, ona ou faapea atu ai lea o
se upu, lou Itumalo e, Tupu na Tausi ma Tootoo o
Fuifatu, ae tainane foi le laaloa o Aiga e fia. Le mamalu
o Faleupolu ma ponaoo poo tulatoa o loo puipuia le tatou
itumalo. Ae sei faatino se tatou Sao ia Manuvao, aua
upufai o le Malo. Ou te faapea atu faamalo faafetai i lo
outou filifilia o lou nei tagata faatauvaa ma avea ma
outou sui ua mafai ai ona ou tulai i totonu o le Maota
Fono lenei, e faaalia ai so tatou Sao. Faamalo faafetai atu
i ia mea uma. Malo le tofa, malo le faautaga. Malo le
moe, tatou saili i le Atua i le va fealoai ma le va fatafata
ae lei saili i isi tulaga. Faamalo faafetai.
Lau Afioga i le Fofoga o le Fono ou te fia tautala
muamua i ni nai mea mo lou itumalo. Atonu pe
talafeagai pe le talafeagai foi, ae e ao lava ona ou avatu
muamua. Soo se mea e faafinagaloina e se Sui, e ao ona
faaali. O le mea muamua la ou te fia faaali atu i lau
afioga i le Fofoga o le Fono, o le tulaga lea a sui usufono
faaopoopo, mo le itumalo lenei ua afe tagata palota. O
lou lava talitonuga ma lou lagona, e le lava ni sui se
toalua. A fuafua i fuainumera faamaumauina, ia atonu ua
Saunoaga Faataupou Sui USufono 19861-2011
talafeagai, pe tolu pe fa foi. E avatu ai se fautuaga
faapena e faataatia atu i luma o le Maota, ia alofagia le
itumalo lenei ia faaopoopo so latou sui usufono, ua
tóatele naua le au palota a lenei itumalo e pei ona silasila
i ai.
O lona lua, o le mataupu lea i ala galue. Ua uma ona
talanoaina e pei ona saunoa ai nisi sui, ae le tuua foi o
tatou lava ona avatu i ai se leo. O le tasi lea mataupu e
fia avatu i lumamea, o le itu sili lea ona taua. Ua tele ni
itu taua ua taua e nisi sui, ae pau lava lea o le auala, a
mafai ai ona faatino le tautua a le Malo o Samoa, aua a
faaletonu auala galue, ia ua faapena foi ona faaletonu le
felauaiga o fua o faaeleeleaga, faigata i ala. Ae e avatu ai
foi se isi tulaga faapea, pe mafai ona finagalo malie le
Malo, ae fesoasoani le Malo i faifaatoaga a leai ni o
latou ala, ina ia mafai ona faataunuuina le faamoemoe i
le felauaiga o fua o faaeleelaga. Aua silasila, e le tofu
manuia. O isi faifaatoaga e tele a latou tupe, ae o isi e
faalelava le malosi, ae tatau ona fai i ai se tulaga e
faamama ni tau o taavale e felauai ai fua o faaeleeleaga,
ae ia maua pea se tulaga e sologa lelei ai le Malo o
Samoa mo le agai i luma i lona tamaoaiga.
O le isi mataupu, o le mataupu lava lea o Vaipaipa. O le
tasi lenei mataupu faafitauli. Ia o lena e faafofoga mai le
Minisita o loo feagai ma tulaga ia. O lou lava itumalo, e
ta le 9 ta le 10, vaeatu le paia o le Maota, ua mamate vai.
Ua leai se suavai o maua. Ona alu ai lea, faatoa maua i le
po. Ia pau lea o le agaga ou te fia fesoasoani atu ai ma
avatu ai se fautuaga, ia silasila totoa i le tulaga lea.
Lau afioga i le Minisita o loo faafeagai ma le Vai. O
loo tofu foi lenei itumalo i nuu taitasi ma vai taumafa
lelei, ae peitai e le lava so matou malosi e saili ai ni tupe
e faatino ai le faaleleia atili o vai ia. E a pe a maua se
fesoasoani mai i le Minisita o le Soifua Maloloina, pe
maua anea i ni nai tane sima e feoloolo le tau i lo le tau o
i ai nei. A ua faaletonu ni vaipaipa, ae tulai mai le tali, o
vai ua uma ona saunia e le Atua ma tuu i le laueleele aua
tagata soifua o le Malo o Samoa.
O le isi mataupu o Moli. Ia, ua taua e nisi, e sa‟o lava,
O moli o loo gata lava i le auala. Sa matou talosagaina
foi, o o matou aiga i tua atu o i ai auala lelei ua oo i ai, ia
alofagia e le Malo, sei fesoasoani atu faaoo atu le eletise.
Talofa, o loo pupula pea o latou fofoga i afi ma ipu, sei
vaeatu le paia o le Maota, ia atoa ma nisi togafiti o
taumafai i ai. E fai foi o le lē oo atu o moli ia, ae ua
taugata foi karasini latou faapea foi ma penisini. O le
fautuaga lava e tuu atu i tafatafa ane e faitau ane i ai poo
talafeagai ai.
Ia ona oo atu ai lea i le isi tulaga lea o matou moli ia i
le auala. Ia o upu ae le alo se tagi atu e faamumu moli ua
faaletonu ae fai mai faatali nei uma le palota. Aisea la le
mea na le mumu ai moli? E faanoanoa ana mumu moli
masalo ae leai se faaletonu. Ona ou vaai ai lea o se
fautuaga ma se talosaga sei alofagia o moli o aoga e
feoai ai ma feafioai ai ma feoai i luga o ala tetele o lenei
foi itumalo ae tainane foi Samoa atoa. Ia o mataupu na e
faatatau i lou itumalo, atonu foi e i ai se isi taimi e toe
feagai foi ma nisi lauga ia ona fai atu foi lea.
O le mataupu lea e tau i lau afioga i le alii Minisita o le
Soifua Maloloina e ala atu i le Fofoga o le Fono o le
mataupu lea ua leva ona ou faitau i ai ma ou tilotilo pea i
ai. Sa tupu ia te au le ootia o le agaga ma le faanoanoa, i
le alofa ona o le fale maliu lea o i le itumalo lea. O le
fale maliu faapea o le fale maliu o Savaii atoa ae silasila
lau afioga o loo i luga e e gasegase ae i lalo le fale maliu.
E le lava sou tomai faa-soifua maloloina, ae ou te
talitonu e afaina le sima lea e taooto ai gasegase ia i
luga. Aua e ui ina faapea e malu puipuia ia ae e silafia
lava le tulaga e i ai ou te talosaga atu ai e a pe a faapea, o
lea ua ou vaavaai i le vaegatupe lea ua faataatia. E a pe a
taumafai i lenei vaitaimi e ao ona tuu ese le fale maliu
mai le Maota e taooto ai gasegase i lenei motu i Salafai.
O lea e talosaga atu ai sei alofa e ao ina fuafua le tulaga
lea mo se taimi puupuu pe a talafeagai ai ma lou
finagalo.
Ia a o le isi manatu lea, o le tatou Falemeli. Lau afioga i
le Minisita e ala atu i le Fofoga o le Fono, e tumu lava au
i le faanoanoa i aso uma ona e tasi le aso e tala ai tupe a
Savaii, aemaise o itumalo o Faasaleleaga, o Palauli ma
Salega. Ae silasila oe e fia ma fia le aofai o tagata, o
tagata ua matutua o toeaiina, o tina, a ou vaavaai i le
taimi e tala ai tupe e lagona ai le faanoanoa. Aua silasila
foi e fai taimi o latou taavale. O lea ua ou talosagaina ai
lau afioga, alofagia faalua aso o Savaii, a le faalua aso o
Savaii faatu se falemeli i Salega, ou te tautala faapito i le
itu Faasaleleaga. I Salega faatu se falemeli faatatau mo
fuafuaga ia e faigofie ai ia i latou aua o isi aso o tama
matutua, o tina matutua ae a o ane e faaletonu e iu a ina
toe foi. A mea foi aua le tuu i le aso Faraile ae tuaoi ma
le aso Toonai e leai ni galuega. O le mea lea ou te tatalo
atu ai i lau afioga i le Minisita, faalua aso o Savaii ae
tainane foi tolu. Aua le manatu faatauvaa ia Savaii. Ia
alofa ma ia fesoasoani atu i lo matou motu e tusa i tulaga
ia.
Lau afioga i le Minisita o Galuega, o le auala, a ou oso
atu i le uafu i Salelologa ma ou tietie i le pasi ou te oo
atu i Iva ua lagona le vaivai o le tino i le taumalua o le
pasi i le leaga o le auala. Ae masalo la a ou alu i le Itu o
aneo u te pueia. E tatau ona ou pueia aua ua lava le
saalutu o lou tino o le taavale e oso ai le pueia. Sei alofa
lava, o lea ou te vaai o loo i ai le vaegatupe lea, ia pau a
lea o ala o Savaii, ma ala i tua, poo le taulaga, ia o le a
fonofono pea ia le taulaga. Sei alofa faalaulelei auala e le
gata i Faasaleleaga ae alu atu lava sei tau i Asau i le mea
lea e gata ai le galuega manaia ma le matagofie sa faia e
le SPDC. O le talosaga atu lena i lau afioga a le Minisita
o Galuega, ma e tatalo atu lava foi e le mafai ona tuua,
sei alofa i a matou moli ia faamumu moli i le aualatele
atoa ma moli i tua. Ia alofa ia avatu laina e tai i tua i o
matou aiga i eleele i tua. O le tasi lena o vaega o le a
aoga e tautua ai le Malo. O le vaega foi lena e sili atu le
tamaoaiga o loo i ai, ae peitai ane ua le maua se avanoa e
faatino ai, ona o le a? O le lē amanaia o le latou tautua e
ala lea i le avatu o moli ia te i latou faatasi ma vaipaipa.
O le tasi lena vaega lau afioga i le Minisita ia e alofa
fesoasoani atu i le matou motu i tulaga ia e pei ona ou
Saunoaga Faataupou Sui USufono 19861-2011
faaali atu, ma le mea lava lena e toe faaopoopo atu ai e
pitonuu o le itumalo lenei e tofu ma alagalue a o
pookalame ia ua i ai ua avatu tai faaopoopo faapena sei
alolofa ai le tatou Malo o loo tulai mai nei e talosaga atu
ia maua pea se gaoioiga i tulaga ia e faalotomalie ai,
faafinagalo malie ai le tatou atunuu. Aua nei i ai se latou
manatu e faaletonu ai le agai i luma e tautua mai i le
tatou Malo.
Lau afioga i le Minisita o Fuagafanua, ua faateia au i le
isi aso i lou alu atu i uta i lo matou nuu ae fai mai o le
vaega lea ua i ai le Malo ua uma ona fuaina. Afai na fua
i nisi aso ua tea atu a o lou tagata lea ua tulai mai, ou te
talosaga atu aisea? Ua toetoe a fua atu i tuafale atu o lo
matou tuamaota. Sei alofa tatala ese le fua lea ma pine ia
ua tu‟imau ai faapena fuafuaga a le Malo ae tuu atu le
laueleele e galulue ai le atunuu.
Afai ua faaletonu i fatia ua alu a o lou tulai mai ua ou
talosaga atu lau afioga a le Minisita, e ala atu i le Fofoga
o le Fono, alofagia le tulaga lea. Ia tatala ese fua ia, ae
faaavanoa pea le laueleele e tua i ai Salafai. O le motu
lea ua sili ona faamaopoopo mai aua le tautuaina o le
Malo i le tele o fua o faaeleeleaga. E le gata i lea, o le
latou malosi e tautua. O lea ua ou talosaga atu ai i lau
afioga i le Minisita tatala laueleele o Savaii, ae tuu i uta i
Tuasivi le fua lea ae faaavanoa le mea aua faatoaga a le
matou motu i Salafai.
E le faapitoa na o lou nuu aua o lea ou te tautala i
tuamaota o lou nuu, ua lata mai i ai tulaga ia, a o Savaii
atoa ua ou talosaga atu ia faapena ona fai. Ia o nai upu
ia, pei ona ou manatu ai ua ala ai ona ou tulai atu e avatu
se sao o lenei itumalo ina ua tau matau atu o le a
faaletonu foi le tatou aso i tulaga o le au usufono ua le
fetalai pe saunoa.
Ia alofa la le Atua e fesoasoani mai i le tatou
faamoemoe ma le atiae o le Malo. Ia faamanuiaina le
Malo, ia aumaia e le Atua lona finagalo e maua ai le
tatou toafilemu, fusia i tatou i le fealofani ae saili se
manuia o Samoa mo a taeao. Ia manuia lau afioga i le
Palemia faapea foi le Fofoga Fetalai ma le Sui Fofoga
Fetalai, le mamalu o le Kapeneta poo Minisita, aemaise
foi le au usufono ia tatou uia le agaga e tasi e tausi ai lo
tatou Malo. Soifua.
Afioga TUAOPEPE FILI
Itumalo Faaalaalafaga:
Lefaga & Faleaseela
Filifilia:
22 Mati 1988
Faatauto:
7 Aperila 1988
Lauga Faataupou:
23 Iuni 1988
Lau Afioga i le Fofoga
Fetalai, lau Afioga i le alii
Palemia, le paia i le Kapeneta, faapea foi le Palemene o
Samoa i Sisifo ae tainane le vasega o Ulu o Matagaluega
o loo tatou faatasi i lenei taeao.
Afio lau Afioga i le Ao Mamalu o le Malo o Samoa i
Sisifo, faapea le Sui Ao, le afio o le paia o Aiga ma a
latou Tama, o Tama fou ma Aiga. Le paia ia Pule ma
Tumua, Ituau ma Alataua, Aiga i le Tai ma le Vaa o
Fonoti.
I lou Itumalo, o Lefaga ma Faleaseela, le paia lea i le
Aiga Satuala, le matua ma le Taulagi, Faleaana ma
Tuivailuu, ae tainane foi le aufaigaluega paia e le Atua
ma faletua ma tausi ma lou Itumalo atoa, mai le auptio
matua seia oo lava i le aupito iti.
Ia Satuala auaia la outou faamanuiaga o le a ou
taumafai atu e avatu se tatou sao i le taumafaiga a le
tatou Malo.
Lau Afioga i le Fofoga Fetalai ua taua i totonu o le
Maota lenei, o le lauga muamua o le tiene muli. Ou te
faafetai atu i le agaga faa-Palemene o le tuuina mai lea o
le saolotoga e mafai ai ona ou faia se upu e aunoa ma le
faalaveleveina e se tasi. Ou te molimau atu i lau afioga
ma le paia o le Maota i le taeao lenei. E vagana ai le Aso
31 Me i le tausaga nei nao u faitauina ai lau tautoga i le
Maota lenei, e na o le tasi lava le upu ua ou saunia i ai i
le Maota lenei, na o le “Ioe”. O lea la ou te molimau atu
o le lauga lenei o le teine muli. O le tulaga foi e masani
ai e faatasi lava ona e teine muli.
Lau afioga i le Fofoga Fetalai e faigata foi ia te au i le
taeao lenei ona o le lauga mulimuli lenei a le tatou
paeaiga. Atonu e mafai ona ou faapenei atu, o le
taualuga lenei o lauga faalauaitele. Atonu foi o le toe
siva lenei, ma e pei lava ona masani ai taualuga uma e
taumafai ina ia maua taga uma lava.
O lea la o lenei taumafaiga o le a iai tagata tuai, o le a i
ai taga e lelei, masalo o le a iai foi ni taga e faale-lelei. O
le a iai ma ni tagata e malie i le faalogo, ia atonu e iai foi
ni taga e le malie tele i le faalogo.
O le autu o le t atou tauaofiaga lenei o le Tala Faatatau
o le Tupe 1988 lenei ma ou te faafetai atu i le Malo
aemaise le afioga i le Minisita o Tupe ua faapea ona
tuuina mai le Tala Faaopoopo o le Tupe lenei. Ua
alagatatau ona ou faailoa atu, i tulaga masani lava o le
Tala Faatatau o le Tupe e tatau ona tatou auiliilia faatasi
ma le Tala Autu.
O le Tala Autu na pasia i le tausaga e 1987 o loo faapea
mai o le aofaiga o le tupe o loo iai e $93,501,725.00, O
le tupe faaalu lea. I le Tala Faaopoopo o Tupe na tuuina
mai e $21,052,925 tupe faaopoopo. A tuufaatasi ona
maua ai lea o le 115,024,925 le Tala Faaopoopo. A
tuufaatasi ona maua ai lea o le 115,024,720 le tala o le
tupe faaalu lea.
O le tupe maua e $115,070,000.00, a toese mai le tupe
faaalu i le tupe maua o le tupe e totoe poo le tupe mama
e na o le $45,250.00.
Ou te faafetai atu i le Tala Faaopoopo o le Tupe o lea
ua tuuina mai i le Malo. Atonu ua manino mai ai i i ua
tatau ona tuuina mai se tupe faaopoopo aua galuega fai a
le tatou Malo i lenei tausaga. Ua taua foi faapea ua tatau
ona faia le Tala Faaopoopo o le Tupe ona o le tupe foi
lenei o le pasene e tasi e faaopoopo ua toeitiiti uma ona
faaaoga.
Saunoaga Faataupou Sui USufono 19861-2011
Ia lau afioga i le Fofoga o le Fono o le a ou taumafai e
avatu ni manatu faaalia e tusa ai ma le saunoaga a le
afioga i le alii Minisita o Tupe. O ea saunoag e faatatau
tonu lava i le Tala Faatatau o le Tupe.
O loo iai se faaupuga faapea a le afioga i le alii Minisita
i le faaupuga lautele o loo foliga mai o loo lelei le
tamaoaiga o le atunuu. E faaauau lana saunoaga o loo
faapea mai foi o se polokalamae o le faaleleia o le
tamaoaiga na faavaeina lea i le va o le 1983 ma le 1985.
O lona uiga, ua 5 nei tausaga o lelei le tamaoaiga o le
atunuu. Sa faamamafaina e le afioga i le alii Minisita i
lana saunoaga le faaupuga lava lea “Ua lelei le
tamaoaiga”.
Ona ou manatu lea lau Afioga i le Fofoga o le Fono sa
faia e le Afioga ia Katinale Pio i le sauniga lotu o le
faamanatuina o le tatou Tutoatasi. Sa iai se vaega sa
saunoa ai le susuga i le alii faifeau na faapea mai o le
natura o tatou i Samoa ua talafeagai iai le alagaupu foi
lea “O le Mata ae vave” aua a tau atu loa ua lelei, ua
malie, ua lava foi.
Ae faapea mai le Katinale, e le tasi se ituaiga lelei. E iai
le lelei, e iai le lelei sili ma le lelei Silisili. Ua saunoa
mai le Afioga i le alii Minisita, ua lelei le tamaoaiga ae
ou te toe faamanatu atu le saunoaga a le alii faifeau na
faapea mai o ia “O le lelei silim ma le lelei silisili”. Afai
o iai i le lelei silisili ae pau mai i lalo ona lelei sili lea. A
pau mai i le lelei sili ona sau lea i le lelei. Ae o le
faalavelave o le lelei o le pau mai lalo ma i le lelei o le
leaga. Sa faapea ai ona faailoa mai i le lelei, ona tatou
faapea lea ua atoatoa lea.
O loo i le Tala Faatatau o le Tupe o loo faapea mai o le
tupe maua poo le tupe totoe e $45,280. A fai i le tulaga
foi lenei i le faa-kamupani ae na o le pau lenei o le tupe
mama tatou te maua mai i le 115 miliona tala. Afai o le a
faia se tatou tufatuga i lenei tupe mama e ba o le tai
.28sene e maua e tagata nuu moni uma o Samoa. A tatou
faia foi i se iti itu e faaaoga faiga foi nei e fai e i latou e i
ai le tomai faapitoa i mea tau tupe, ona faapea mai lea, o
le pasene o le tupe ua toe maua mai i le tatou taumafaiga
(The rate of return) e le atoa se pasene e tasi.
Lau Afioga i le Fofoga o le Fono ma le mamalu o le
Palemene i lenei taeao, atonu e mafai ona ou faapea atu
nei lou sui, o le lelei lea ua iai le tamaoaiga e le o lava. O
lea lelei is not good enough ua le talafeagai ma le mea e
tatau ona iai.
I le faapea ona ou faailoa atu lea manatu ona atonu ua
alagatatau foi ona toe faaopoopo atu. O le tala o le tupe e
pei lava ona masani ai tala o tupe, e ba o se ata o tupe
faaalu ma tupe maua ae o le autu o le Tala o le Tupe poo
soo se Tala o le Tupe, o le auiliilia poo le a le tulaga lelei
ua oo iai le soifuaga o le olaga manuia o tagata nuu o
Samoa. O lona uiga ia aua nei galo ia i tatou i lau afioga
i le Fofoga Fetalai ma le mamalu o le Palemene lenei e
le o le faamoemoe po o le autu ina ia maua se tupe
mama i le Tala o le Tupe.
O le autu ma le fesili taua poo le a le itu ua siisii ai i
luga le lelei o le soifuaga poo le tulaga o loo ola ai tagata
Samoa. O le a le tulaga o iai e pei ona iai le faamoemoe
o le tatou taumafai e atiina aae le atunuu lenei. O le
faamoemoe autu o le autu o le atiina ae o le atunuu lenei
ma ia lelei le soifuaga ma ia ola manuia tagatanuu uma o
Samoa. O le olaga o le soifuaga ma ia ola manuia
tagatanuu uma o Samoa. O le olaga o le soifuaga lea o
loo tatou i ai i aso taitasi uma. E mafai ona tatou faapea,
o a uiga vaaia e te iloa ai ua siisii i luga le lelei o le olaga
poo le soifuaga o tagatanuu o Samoa. Ua saunoa ma
fetalai iai le Maota lenei i le tele o aso, ae lelei ona ou te
faamanatu atu pea.
O mea nei e tau amo le soifuaga i le olaga manuia o
tagatanuu o Samoa i aso taitasi. Vae ave lava le paia o le
Maota ma le faafofogaaga a Samoa. O le taumafa, ia
lelei, o lavalava, maota ma laoa ma fale e nonofo ai le
atunuu o le itu i le maua o le suavai, ia tatou maua le
malamalama e maua mai i le eletise, ia lelei le tulaga i le
soifua maloloina, ia lelei a tatou aoaoga. Ua tatou saunoa
soo ma ou faalogo soo i totonu o le Maota lenei i le
fasifuaiupu lava lenei o le tau o le soifuaga.
O se tasi o vaega taua lava o fua o le lelei o le soifuaga
o le tupe lea e maua e le tagatanuu i aso taitasi. Lea tatou
te taua i le faa-Peretania o le “income”. Aua foi o le tupe
maua e mafai ona faavasega poo le a le lelei o le fale e
nofo ai le tagatanuu o Samoa. O le tupe maua e iloa tonu
ai poo le le ituaiga ola e mafai ona oo iai alo ma fanau o
le atunuu.
O le tupe maua o iinei e iloa ai pe mafai ona totogi le
vai, pe mafai ona maua le eletise ma mea uma lava
faapea e aoga i le soifuaga lenei. Lau afioga i le Fofoga
Fetalai ma le mamalu o le Palemene o le soifuaga lea ou
te taua ua taua faa-Peretania faapea “The good life”.
A o le fesili ou te fia tuuina atu i le Maota i lenei taeao,
pe ua tatou maua ea le soifuaga lelei lea? Sa faapea mai
foi se tasi o vaega o le saunoaga i le alii Minisita faapea
ua ala ona manuia le polokalame o le faaleleia o le
tamaoaiga ona o le faia lelei e taofiofi poo le
Stablilization o loo faapea mai e taofiofi, e fai ia mausali
“Steady, make firm”. Fai ia mautu.
E na ona ou fesoasoani atu ose tasi foi o uiga o le upu
lenei o le Stabilization o le tumau i le mea e tasi. Afai ua
5 tausaga o faaauau le polokalame lenei ma ua lelei ai le
tamaoaiga ou te fia fesili atu lava poo ua lelei ua agai i
luma mai i le lelei i le lelei sili, i le lelei silisili poo tatou
tumau ai lava le lelei e tasi – Standstill.
O le tatou taumafai atu ina ia maua le olaga lelei lenei
“the good life” o loo iai lou talitonuga lau afioga i le
Fofoga Fetalai ma le mamalu o le Fono o le itute lea o le
tatou Malo. E tatau ona taumafai le tatou Malo ina ia
siisii i luga le soifuaga o tagata uma, ina ia tutusa. Ua
tatou faalogo soo i le faaupuga leneie o le fesoasoani o le
tamaoaiga o le atunuu, ona faasoasoa equal distribution
of the national wealth. O le fesili poo lelei poo tutusa
ona faasoasoa le tamaoaiga o le atunuu?
O le fesili lea e auptio sili ona taua ia te au e tusa ai ma
le Tala o le Tupe e le gata i le tala o le tupe ae faapena
foi i le Tala Autu o le Tupe. Poo mafai e le Tala o le
Tupe lenei ona tutusa le faasoasoaina o le tamaoaiga o le
atunu. Poo maua ea e lou itumalo se vaega a talafeagai
Saunoaga Faataupou Sui USufono 19861-2011
mo lou itumalo i lea faasoasoaina i le tufatufaina o le
tamaoaiga o le atunuu? Lau afioga i le Fofoga o le Fono
o le fesili lea ma o le fua lea ou te faaaogaina mo le Tala
o le Tupe.
O le faiga faavae o mea tau tupe a le Malo o i tonu lava
e mafai ona tatou iloa tino ai se itu pe mata e mafai ona
faatino le lelei o le soifuaga pe leai. Ua saunoa ma fetalai
i le tau o le soifuaga, saunoa mai le tele o sui o le tau o le
soifuaga, ua maualuga, ma atonu o lea lava foi e
malamalama lelei le Maota lenei.
O nisi nei o mea e aofia ai le maualauga o le tau o le
soifuaga, o le faiga faavae a le Malo i mea tau tupe
faaalu, o tupe nono, o tupe e ave faa-meaalofa. O mea
uma lava na e aafia ai le tau o le soifuaga.
Afai e maualuga le tiute lea, afai e maualuga lafoga, o
lona uiga ua maualuga foi le tau o le soifuaga. Afai e
maualalo ma tuutuu i lalo tiute ma afai e tuu i lalo o
lafoa o lona uiga e mafai foi ona tuutuu mai i lalo le tau
o le soifuaga. Ae afai e maualuga le tiute maualuga o
lafoga ae maualalo le tupe o totogi e maua e tagata, vae
atu lava le paia o le Maota i lenei taeao e mafai ona tatou
faaaogaina le fasifuaiupu lenei o le fasioti tagata i faiga
faavae a le Malo.
Ona ou oi atu lea i ni nai manatu e tusa ai ma le vaega
lenei i le tupe mama “personal income” aua o le tupe
maua e talafeagai ai ma le tau o le soifuaga. Ua ou
faalogo soo lava i totonu o le Maota lenei, e maualuga
tele le tay o le soifuaga ae o le fesili ou te tuu atu i le
Maota lenei afai ua silafia e le Maota lenei ua maualuga
le tau o le soifuaaga, aisea ua le tuu mai ai i lalo? O le
Maota lenei e pulea, o le Maota lenei e faia le faaiuga o
tiute, e faia e faaiuga i lafoga, e faia foi le faaiuga i
totogi o tagata faigaluega. E faia foi e le Maota lenei le
faaiuga e tusa ai ma tupe maua i le tau o faaeleeleaga a le
atunuu. Aisea ua le mafai ai ona tatou tuutuu ifo i lalo le
tau o le soifuaga.
E le o po se lilo i lau afioga ma le mamalu o le
Palemene lenei, o auala nei o loo maua mai ai le tupe
maua a tagata taitoatasi o le atunuu lenei, o loo i ai e e
faigaluega latou te maua ni galuega totofi ona maua ai
lea o le taui o latou galuega o le latou totogi. O se isi
alagatupe i totonu o le atunuu lenei o tupe mai i le
faatauina atu o fua o faatoaga. O se tasi o vaega o le tupe
lenei loo maua mai fafo. O le tupe lea o loo aumai faameaalofa mai i aiga ma alo ma fanau i atunuu mamao.
Ou te fia faatepa lava le mamalu o le Maota lenei i le
vaega tupe lenei, o loo iai se talitonuga o nisi foi e iai le
tomai i mea tau tupe o le tupe lenei e lau mai i atunuu i
fafo ma aumai faa-meaalofa o loo ua fai ma auala e
taofiofi ai le atiina aeina o le tamaoaiga o le atunuu, e
taua faa-Peretania o le disincentive. Ua avea le alofa mai
o e o loo i atunuu mamao ma mea ua le galulue ai le
atunuu lenei, i latou o loo i Samoa nei. Atonu i se isi itu
ua talafeagai lea manatu ae e le tutusa uma manatu.
O loo iai se talitonuga faapenei o le tupe lenei na aumai
mai i atunuu mamao mai tagatanuu o Samoa e tatau ma
alagatatau ona faapea o le totogi, o le tupe maua,
personal income oe take home pay. O le totogi o
tagatanuu o se taui o a latou galuega ua maea ona aveea
ai lafoga ma isi saoga faale-tulafono. Ua ala ona ou taua
lea manatu faapea ona afai tatou te talia le manatu lea
atonu o le a faavae mai i nisi mafaufauga fou e tusa ai i
faiga faavae o tupe maua a le atunuu lenei.
A mafai ona faaopoopo ma siisii i luga le tupe maua
lea, o le fesoasoami malosi foi lea i le tamaoaiga o le
atunuu. Ae le mafai ona maua le soifuaga lelei o i latou
tagata Samoa o loo aumai iai tupe nei, pe a maualuga
tiute mal afoga. Aua o le mea aua nei galo ia i tatou, o le
tupe lenei ua uma ona fai ai le lafoga a le tagata lenei i
atunuu mamao. Ao lea ua aumai le tupe lenei ae ua toe
maualuga le tiute o mea o loo faatauina i tupe nei, toe
maualuga le avega e ave e le Malo, ona mafai lea ona ou
faapea atu. O lenei faamanuiaga o loo aumai mai fafo o
loo aupito sili ona tele le vaega o lea faamanuiaga o loo
maua e le Malo, aemaise ai lava le aufaipisinisi. Aua a
maualuga le tiute, ua aumai tupe nei ona faatau ai lea o
mea o loo manaomiao e tagata-a-nuu o Samoa, ona ave
lea o le tiute i le malo ma faaopoopo iai ma le tului a le
aufaipisinisi. Ona matua laititi lava lea o se tupe e totoe
mo i lato una tuuina mai iai le tupe lenei.
O le mafuaaga lea e mafua ai ona maualuga le tau o le
soifuaga, ona e tele le vaega tupe o loo faapea ona taofia
e le Malo i le tulaga faa-lafoga ma le tulaga faatiute. Ou
te fesili atu la i le taimi lenei pe ua talafeagai lea, pe ua
sao ma tonu lea fuafua.
O le itu tau i galuega. Ua saunoa le tele o sui o le
Maota, e tatau ona faateleina galuega e galulue ai tagata
Samoa. E tatau ona ave e le Malo le faamuamua i le
faateleina lea o ni galuega i totonu o le atunuu. O le autu
e mafua ai lea manatu aua foi a maua le galuega a le
tagata ua maua foi le totogi. Ua maua le (income) tupe
maua, ona mafai lea ona maua le soifuaga lelei. E le o
pose lilo i lau afioga ma le mamalu o le Palemene lenei.
E le o lava galuega o iai i totonu o le atunuu lenei, e
mafai foi ona ou fesili atu pe aisea ua le lava ai galuega e
maua i totonu o le atunuu? Ae pe faapefea faifaatoaga?
O le meaalofa sili na tuuina mai e le Atua i le atunuu
lenei o Samoa lona laueleele ma lona laufanua. I aso ua
mavae sa faapea ona tele le tamaoaiga na maua mai i fua
o faaeleeleaga a le atunuu lenei i fua o faatoaga.
Ua saunoa nisi o sui e faapea: Ua fiu, ua tatou fiu, ua
tele tupe ma ua tele taumafaiga ae e le mafai lava ona
maua se faamanuiaga faaopoopo mai le itu tau faatoaga.
Aisea ua tatou fiu ai? Afai o tausaga ua mavae ma
augatupulaga ua mavae sa mafai ona oo i le 6000 tane o
le koko e maua i le tausaga, sa mafai ona oo i le 30,000
tane o le popo i le tausaga. Sa sili atu i le miliona tala le
tupe e maua mai i le fai i le tausaga. Aisea ua ala ai ona
tatou le mafaia i lenei tausaga poo lenei taimi?
Lau afioga a le Fofoga o le Fono e le mafai ona tatou
alo i le vaega lea. E moni tatou te taumafai atu i nisi
atiina ae e maua ai galuega, maua ai tupe maua ma maua
ai totogi. Ua tatou talanoa e tusa ai ma le atiina ae o tupe
maua ma maua ai totogi. Ua tatou talanoa e tusa ai ma le
atiina ae o tagata maimoa mai, ae o le mea tonu lava lau
afioga i le Fofoga o le Fono ma le Palemene lenei, e le
Saunoaga Faataupou Sui USufono 19861-2011
mafai ona tatou alo ma lo tatou laueleele ma le
tamaoaiga o loo iai ma le tamaoaiga na aumai mai le
Atua. O le fesili e taua; Aisea ua le mafai ai ona tali mai
le atiina ae lenei e tusa ai ma le manaoga o le atunuu?
Atonu e mafai ona ou fesili atu i le taeao lenei e le gata i
lau afioga i le Minisita o Faatoaga ae faapea foi le
mamalu o le Palemene lenei, sei sii mai lava aao o le
paia o le Maota lenei o loo fuafua latou poo uunai e alo
ma fanau o e e galulue i le faifaatoaga. E le gata ina
galue o le faifaatoaga ao le galue i le tele o le mau
matata e iai i totonu o le atiina ae lenei.
Le mamalu e, o le Fono ma le paia o le Palemene o lau
tali i lau lava lea fesili. O le taimi lenei ou te le o
fautuaina lau fanau e o e galulue i le faifaatoaga. Atonu e
mafai ona toe fesili ifo ia te au pe aisea? O le matata
lenei i le taimi lenei e auptio i sili faafitauli o loo iai. E le
gata ina aupito i pau le tupe maua, vae atu lava le paia o
le Palemene ma le faafofogaaga a Samoa. Fai ma
faataitaiga le popo, le niu. Na o le tagata valela vae atu o
lou gutu ma le afi, na o le tagata valea i le taimi lenei e
au o toto le niu, pe toe fai se faatoaga niu. E faapea foi i
le koko. Ae o atina ae nei sa maua mai ai le tamaoaiga o
le atunuu. Ou te le fautuaina lau fanau e fai ma
faifaatoaga aua o lea lava ou te faalogo i le Maota lenei o
saunoa ma fetalai o le faifaatoaga aua o lea lava ou te
faalogo i le Maota lenei e saunoa ma fetalai mo le
faifaatoaga o le atina ae o le lauelele, ae a oo i le taimi e
faatino ai, e le o faatinoina.
O le faataitaiga o le tausaga a tali mavae nei, na aumai
ai se talosaga ina ia fai atu se fesoasoani tau tupe a lo
tatou Malo i le au-faifaatoaga koko ma le au-faatoaga
niu. Sa tuuina mai se fautuaga ina ia faapau le tiute o
taavale afi e tuuina i le au faifaatoaga. O le a le mea nao
o iai? Ua le taliaina e le Palemene lenei. O lea ua toe
tuuina mai ai nei i le Tala o le Tupe le talosaga lava lenei
e tusa ai ma le ponesi mo le koko ma le popo. Ia ou te
talosaga atu o moomooga ina ia faapea ona taliaina e le
Maota lenei.
Ua saunoa nisi sui o le mea ua alagatatau. Ae ou te toe
fia fesili atu foi i le afioga i le alii Minisita ma le paia o
le Maota. Aisea ue le toe auina mai ai le fesoasoani lenei
i mea tau taavale afi? Aisea ua ala ai ona tatou le taliaina
i le tele o tausaga ua mavae le aveese o tiute ma mea
uma lava e faaaoa e le au-faifaatoaga.
A tatou le faia se faiga e fesoasoani ai i le tupe maua
poo le tupe mama poo le (income) a le faifaatoaga e leai
se isi e fia alu e faifaatoaga.
Sa saunoa foi se tasi o sui i le tupe lenei o le STABEX.
E pei ona ou taua i se taimi ua mavae e iai nis taga o loo
ou taumafai atu iai i le taeao lenei e le fou i la outou
faafofoga. Ao le fesili e tulai mai pea; aisea ua le tuuina
ai le tupe lenei e faapitoa lava mo le au faifaatoaga? Ua
savali atu nei i le lima poo le ono tausaga o aumai le
tupe lenei. Ua saunoa ma fetalai e tatau ona faaleleia le
tau o le popo, faaleleia le tau o le koko.
E pei ona silafia o le STABEX e aumai faameaalofa e
mo le Stabilization. O le mea lea e le o atoatoa ai lou
malamalamaga, o le polokalame o le faaleleia o le
tamaoaiga o le atunuu,e le faapea foi e na o lenei
faigamalo, sa fai foi o le faigamalo ua mavae ma isi
faigamalo ua tuanai. E faapea o le Stabilization.
Afai o taumafai e taofiofi ma faamautu le tamaoaiga, o
le a le mea ua le faapea ai ona fai le tau o le popo ma le
koko? A tatou fesili i tagata faifaatoaga o le latou mau a
oo ina lelei, ua faapea ona ano mai le atunuu. A manao
le Malo e taumafai se atina ae fou, ua faapea ona
talosaga atu i le faifaatoaga, ina ia alo mai le aufaifaatoaga e tali mai. Ae a oo loa ina le lelei, ona faatafa
loa lea o le Malo. Ua faatafa loa le Malo.
Sa saunoa se tasi sui, o le faataitaiga o le pasio. Ae lele
isa faapea ona taumafai atu le malo, tauanau e le Malo
au-faifaatoaga e oo lava i le Faletupe. Ao le a le mea nao
o iai? Na faaletonu loa lava le atu faatafa loa le Malo. O
la ua fau ma soli aitalafu. Sa saunoa lou uso a faipule ia
Tupuola i le taimi ua mavae i le Faletupe. O le tele o
aitalafu i totonu o le Faletupe o le Atina ae e lei totogia,
o le pasio. O fea o le a maua mai ai le au-faifaatoaga
tupe e toe totogi ai ae le o lelei se pasio?
Lau afioga i le Fofoga o le Fono ua ou taua nisi o mea e
tatau ona fai aua le fesoasoani atu i le au-faifaatoaga ina
ia faatosina mai ai le au-faifaatoaga, faatosina le lautele
o le atunuu, faatosina oe ma au ma o tatou alo ma fanau,
o le atina aeina o le laueleele e maua ai le tamaoaiga. E
maua ai tupe e tele. Ia vae atu lava le paia o le Maota. I
tausaga ua mavae o au ou te fiafia tele e faalogologo mai
i efelafolafoaiga a le Palemene o Samoa i Sisifo. Sao u
taua le tausaga ina a mavae nei ina ua aiaia e le Maota
lenei le polokalamae na tuuina mai o le tuuina atu o le
ponesi lenei i le au-faifaatoaga niu ma le koko, faapea ai
foi le faapau ifo o le tiute o taavale afi mo le aufaifaatoaga. I le vaiaso na sosoo ina ua le taliaina e le aufaifaatoaga. I le vaiaso na sosoo ina ua le taliaina e le
Maota lenei ia fautuaga ma talosaga, ae ta mai e se
Nusipepa ma faasalalau mai ai i faasalalauga foi nei e
masani ai le polokalame lenei o le incentive o le
fesoasoani o mea faamatuu a se kamupani faifaatoaga a
nisi o sui o le Maota lenei, na latou teena le fesoasoani
mo le au-faifaatoaga. Ae fai le kamupani, talosaga e
aumai fesoasoani ia mo le atina ae o le faatoaga ia e
talosaga e aumai fesoasoani mo le atina ae o faatoaga ia
e mananao ai. Aua i totonu o lea polokalame o le
incentive, e le o po se lilo i lau afioga i le Fofoga o le
Fono ma le Palemene lenei, e talosaga ai e faapau ai le
tiute, e faapau ai lafoga, e le faia ai foi ni lafoga i nisi
lava taimi. Afai la e mafai e le au-faipisinisi ma isi
ituaiga atina ae ona uia le auala e maua au le fesoasoani
lenei; O le fesili e fia tuuina atu.
E faapefea le tagata faifaatoaga e toatasi la o loo tuu
mai nei tua? E faapefea ona sau ia e uia le feuiaiga lava
lenei i totonu o le Malo ina ia maua fesoasoani nei? E fia
ni kamupani faatoaga? Atonu o lena e afifio mai nisi sui
i le Maota, le afioga i le tama matua ia Vaai. Pe mata o
se kamupani lana faatoaga e mafai ai ona talosaga i
fesoaosoani nei ina ia mafai ai ona maua incentives nei.
Tatou te takabia u ke atina aeina o Samoa. E faitau
miliona. E leai se atina ae o se faletalimalo poo se atina
Saunoaga Faataupou Sui USufono 19861-2011
ae faapisinisi a ou tau atu ai poo ua ou faalogo atu iai e
le faaaogaina ai le upu lea o le miliona. Ae ou te lei
faalogo atu lava i se talosaga poo se faaupuga i se
kamupani faifaatoaga e fai se faatoaga e manaomia se
miliona o ni tala.
O le atina ae fa isa fai i Tanumalala. E toeititi lava afa
miliona i lena 300 eka na fai, toeitiiti lava afa miliona le
tupe na faavae ai. Alu ai le afa miliona ae lei iai ma se
sene e tasi ua maua. Aisea la le mea e ala ai ona tatou
taofiofi ma fefefe e tuuina atu le fesoasoani? Aua o le
toatele o le atunuu e le o po se lilo o le a sili atu i le 60%
o le atunuu lenei, e maua, vagana ai le faatoaga, le galue
i le laueleele poo le tupe lea mai fafo.
O le vaega lea e mafua ai lau afioga e ala ai ona ou
faatauaina le tupe lenei e aumai faameaalofa mai fafo. O
el tupe maua mai i alo ma fanau a le toatele o le atunuu
na pau lava le isi avanoa la e iai e maua, o le galulue i
faatoaga. E iai lou talitonuga o le 90% poo le sili atu o le
tupe lenei e aumai i fafo le $77miliona lenei, e le o se
tupe maua mo le tiute o oloa, o le (Excise Tax) tiute
faaopoopo i luga o oloa faaulufale mai ma le mau tiute.
Lau afioga i le Fofoga Fetalai, faafetau atu i afioga i sui
faipule na faatuina lenei lafo ina ia tuuina mai le avanoa
e faaauaua ai se manatu i lenei taeao.
Lau afioga i le Fofoga o le Fono sa ou faalogo i le
saunoaga a se tasi o sui i totonu o le Maota lenei. O se
saunoaga e faasea poo ni faitioga i le taumafaiga o le
atina ae tau faatoaga. Sa faapea mai o le atina ae o le
koko, ua le iloa pe koko amelenado pe koko Samoa pe a.
Ia o le niu, ua aumai foi lenei poto fou, aumai le niu
faafusuai. Ua tele lava nei mau mea fou ua aumai ao
lenei lava e le lelei, aua e le o faia. Maumau lava si sui ia
pe ana faapea e saunoa ma fetalai i le Maota lenei. Afai e
le fiafia i le koko Solomona poo le koko amelenado, ia
toto pea le koko Samoa. Afai ua le talotonu i le niu fou
poo le niu faafeusuai, ia toto pea le niu Samoa e masani
ai.
Afai ua le talitonu i mea faalelei eleele, poo a lava nisi
fautuaga ma faiga fou faaonapo nei, ia fai pea i le faiga
na masani ai. Ao le mea lea ua tupu ua na ona tatou
faitio ma tatou faasea, ae le faia. O le faafitaulu sili lea o
loo tulai mai nei i le atiina aeina o le niu ma le koko ma
le tele o isi faatoaga, ona ua faaitiitia le tele o eka o loo
totoina o le koko, o loo totoina le niu, ua leai ni eka o loo
totoina na o le fai o a tatou finauga i le lelei ma le le lelei
o faiga fou poo faiga sa masani ai le atunuu, aua o liina e
aumai ai e le Atua le faamanuiaga e faalauolaola ai mea
toto o le atunuu lenei i faiga masani ai le atunuu. O loo
afio mai i le Maota lenei le faipule o se tasi o faifaatoaga sili i le atunuu lenei. Ioe, ana faapea o ia te au
se faatoaga, e faapea ona tele ma sili atu i se afe eka, ioe
ou te le faaaogaina ni faiga fou, ua lava a le afe eka lea
ma fai i ni faiga na masani ai ma maua mai ai ni au tupe
se tele, o faiga na masani ai ma o faiga fou foi ia e pei o
le faamamaina o se faatoaga, o le faiga e masani ai le
atunuu e vele ese poo le faiga fou o le faiga fou o le fana
i le vailaau. E teu lelei laau ma e faapea foi i le atiina ae
o lafu manu.
Lau afioga i le Fofoga o le Fono, ona oo mai lea o sau
faamatalaga i le atiina aeina o lafumanu. Na taua e se
tasi o sui o fai-faatoaga o le atiina ae o manu papalagi, o
ona tuaa foi sa faapea ona faatamaoaiga i le mea lava
lenei o atiina ae o manu papalagi. E le o po se lilo ma o
Samoa foi e ona le Maota lenei e le o taitai foi ona atiina
aeina le atiina ae lenei i totomnu o le atunuu. O loo taua
faapea, o le aofaia o manu papalagi o loo i totonu o le
atunuu lenei, e le atoa 20,000. Sei vave ane le paia o le
Maota, o povi e lua auala e mafai ai ona faatele, o le
fanafanau mai i le lafu o loo i ai nei poo le faatelevave
ona faaopoopo i le lau mai o ni manu fou mai fafo. Ia lau
afioga i le Fofoga o le Fono e avatu ai se manatu vaivai,
i le afioga i le Palemia ma le Kapeneta faapea foi i e e
maua mai ai le fesoasoani mai fafo, ou te faaluaina le
taofi lea na taua e se tasi o sui, a tatou le tatalaina le
avanoa e saili se fesoasoani e aumai ai mai fafo ia atonu
ua fai sina tele naua o le 100 afe. Ae e vave lena ona
faateleina. O le vaega tele o le tupe o le atunuu o loo
faaalu i le faatauina mai o ni taumafa mai fafo o aano o
manu fasi (protein) poo mea e aumai e aoga tele mo
tatou. Na taua e se tasi sui o le tupe maua o loo maua i le
taimi lenei mai faaeleeleaga o le tatou atunuu o loo auina
atu i fafo, e tusa ma le 23 miliona. Ona tai tutusa lelei
lava lea ma le 20 miliona le tupe a le atunuu lenei o loo
faaalu i le faatauina mai o taumafa mai fafo. Ao se vaega
tele o le 22 miliona lenei o le faatauina mai lea o aano o
manu fasi. O lea la ou te talosagaina ai ave le
faamuamua e faaleleia ai mea. E fai lava sina faanoanoa
i nisi o malo o loo faapea ona tatou faifai mea faatasi. E
naunau mai e fesoasoani mai ia tatou ma tuuina mai le
avanoa e fesoasoani mai ai se tatou talosaga atu e ave se
2 po o se 3 miliona e aumai ai manu papalagi mai fafo
ona faapea lava lea ona vave ona soso ese. Ae a lava lau
afioga ile Minisita o Galuega ma le paia o le Kapeneta,
ae a pe a faamisi se isi tausaga se tasi. Ae fai ai mo le
tausaga muamua, avatu se $2miliona e aumai ai nisi
manu papalagi mai Ausetalia ae faapea foi i Niu Sila.
Sei tuu lava se tausaga se tasi. Afai ua 15 tausaga o fai
le galuega i le Ofisa o Galuega i Vaitele ao lea ua tulaga
mai ua manaomia se fesoasoani, ailoga lava e afaina ai
se lisi tausaga e faatali ai ae avane le $2miliona muamua
e ave i le Ofisa o Faatoaga e aumai ai ni manu papalagi e
vavae ona faatele ai ni manu i totonu o le atunuu.
Lau afioga i le Fofoga o le Fono. Ona oo mai ai lea o
sau faamatalaga i le Esetete Tausi. E le o toe po se lilo i
le tulaga o loo iai le Esetete Tausi. Na ona ou faapea atu,
atonu o lea faaupuga e leai foi se e tetee iai, e leai foi se
faigamalo e tetee iai. O le tulaga o iai nei le Esetete
Tausi vae ane lava le paia o le Maota lenei ma le
faafofogaaga a Samoa, o le luma. O lo tatou luma ma lo
tatou masiasi. Aisea? O iina e faamaonia ai tatou te le
iloa fai se atiina ae.
E le o po se lilo i le taua tele o le Esetete Tausi i le
atiina aeina o le atunuu lenei. Ae o le tulaga o loo iai nei,
e na o le fesili. Aisea ua tulaga mai ai i le mea o loo ua
iai nei? Ua faatau eleele. O eleele o loo iai i totonu o le
Esetete Tausi, se o lo tatou tofi. O le tofi o oe ma au ma
Saunoaga Faataupou Sui USufono 19861-2011
tupulaga fa mai o le atunuu lenei. E isi se isi e nofo ma
faatau sona tofi? I le vaitaimi nao u faalogo ai e faapea o
le a faatau eleele o le Esetete Tausi, ana faapea e iai se
Loia na te taliaina, o au na ou alu e sue se Loia ou te alu
i le malo e taofi le faatauina o eleele. Aua ou te talitonu e
leai se paoa o le Malo e faatau ai. Ua tatou saunoa soo
ma tatou fetalai o le tatou aganuu, o le tatou aganuu
tatou te puipui iai. O le tofi o le matai e leai se pule leai
se paoa o iai na te faatau ai se eleele o lona aiga. Aisea?
E tuu atu na ona teu ma tausi, (Its entrusted to him). O le
Malo ma le Palemene lenei ua tuuina mai iai eleele o le
atunuu i totonu o le Esetete Tausi tatou te tausi ma tatou
puipui iai. (It is entrusted to us). Ao le a le mea ua tatou
fai? Ua le mafai ona totogi le aitalafu ona faatau lea o le
eleele.
E tele lava nisi o auala e mafai ona fai ai pe afai ua le
mafai ona totogi aitalafu. O lea lava ua oo ina faatau, ua
ave o tatou eleele i totonu o le Esetete Tausi e totogi ai
aitalafu mai nisi atunuu ma nisi Malo mai fafo. Ae a
faapefea tupulaga fai mai o le atunuu. Na o ni nai
mafaufauga. O loo iai se manatu vaivai e faapea, o le
tulaga ua iai le Esetete Tausi, e le o se mea fou. Atonu
savali i le sefulu tausaga ua faapea lava ona alu ifo i lalo
le lelei, atonu e mafai ona fesili faapea pe aisea? Ia o ni
ou nei mafaufauga iai. Ua ala ona faaletonu ona o le
polokiki, (Bad Leadership) leaga le taitaiga. O le
polokiki le leleim ma Taitai le manuia. Ia o ai se Taitai
na te faatau se tofi ua tuuina atu na te puipui lelei.
O le upu lea o le “polokiki”. O loo fapea mai le tusi foi
lenei e tau mai ai le uiga o le upu. O le a ou faaaogaiga
le upu faa-Peretania. O le upu “politic”, o le uiga o loo
iai i totonu o le tusi faamatala upu, (Having Practical
Wisdom) a faaliliuina i la tatou gagana e mafai ona ou
faapea atu, o le faautauta e galue ma faalelei ai se mea.
Ae pei ona ou taua, masalo o le mea ua tupu i le Esetete
Tausi ona o le bad politics, poo le polokiki leaga, vae atu
lava le paia o le Maota i le taeao lenei ma le faautauta e
galue ma faaleaga ai se mea.
Ua oo mai lea lagona atonu o le agaga lava lea sa iai i
le sui a faipule na maea nei lana saunoaga. O le tatou
fetuiai, o le tatou fevaavaai‟a‟i. O iina e maua ma ai le
polokiki o le lelei. That‟s where we get bad politics. Aua
foi a tatou fetuiai i lo tatou va faa-polokiki ona tatou fai
mai loa lea o ni faavae ma ni faiga faavae e le lelei. Ua
tatou fai maia ni Tulafono e le lelei. Ona tatou iloa lava
lea o ni Tulafono le leleli ma ni faiga faavae le lelei, ae e
leai se tatou mea e faia iai e toe faalelei atili ai.
Sa isi se vaitaimi ao faapenei ona malosi tele le fetuai
faa polokiki e tusa ai ma le Esetete Tausi. Ona tulai mai
ai lea o se Tulafono lenei na pasia e le Maota lenei ia aua
nei toe iai se faipule i totonu o se Komiti Faatonu poo se
pulega a se Matagaluega oii se Faalapotopotoga poo le
Esetete Tausi. Ao lea e faavae mai le Esetete Tausi i le
fetuiai lea na iai i faiga polokiki i aso ua mavae. O lea
Tulafono i lou iloa, e faavae mai i luga o se talitonuga,
that all politicians play bad politics. E faavae mai lea
Tulafono i lou iloa, i luga ose agaga faapea; O faipule
uma lava latou te polokiki i ni tulaga le lelei. O lea foi
Tulafono e faavae mai i luga o se manatu e faapea; e le
mafai ona alu se faipule e fai lelei se galuega e faalelei ai
se Matagaluega. Na nao u fesoasoani atu e faapea. Ua
tatou pasia i le Maota lenei le Tulafono e faapea e sa ona
iai ni faipule. O le a le mea ua tuu iai, ua tuu iai nisi e le
o ni faipule, ua tuu iai nisi o ni faipule tuai. Ua tuu atu
foi iai nisi ua iai le tomai i le faatinoina o se
Matagaluega.
E ui i lea poo ai lava le Taitai lelei, poo ai lava le tagata
e le o se faipule ae afai e faaaoga le polokiki le lelei, e le
mafai foi ona manuia le atina ae lena. Aua foi afai e le
faia ma le amiotonu ia ia faatino ia lelei, e le mafai laba
ona lelei. O lou talitonuga o le mea e tatau ona iai, o le
polokiki lelei (good politics). E leai se mea leaga i le
mea lena, le mea lelei. Politic is not a bad thing. A foi
lea e pei ona ou taua i le uiga o le upu lea o le Politic.
It‟s having pratical wisdom. O le faautauta e atina ae ai
ma faalelei se mea.
Ona faaiu atu lea o sau faamatala i le vaela o le Esetete
Tausi e faapenei. Ou te talitonu e mafai oan toe faaleleia.
Ou te fautuaina le tatou Malo ma le paia o le Palemene
lenei ia taofi nei i le aso ona toe faatauina ni eleele o le
Esetete Tausi. O le fautuaga muamua lea. Ou te talitonu
e mafai ona faaleleia le Esetete Tausi………
Malo lava faafetai. O lena ua faaali mai e le afioga i le
alii Palemia se moomooga na iai i lea vaega. E mafai ona
toe faaleleia le Esetete Tausi i le puleaina (good
Management with good Politics). O le agaga ia lelei ina
ia atina ae I luga. O se faataitaiga; Sa iai se vaitaimi na
matou asiasi ai ma le afioga i le alii Minisita o Faatoaga i
lea vaitaimi i ni faatoaga ua taua o le (United
Foundation) i o i Meleisia. O lea faatoaga e totoina ai le
niu, e totoina ai le koko, e totoina ai foi le palm oil. O
lea faatoaga e 40,000 eka. O lea faatoaga e tasi lava le
pule e iai. O lea faatoaga o le tupe e maua i le tausaga e
tasu e tusa e $20,000. O le tupe maua lena mai le
faatoaga lea, O lea faatoaga e faaaogaina uma ai faiga
nei e pei o lenei. O le niu faafeusuai. E toto le niu toto
ma le koko i lalo o niu. E faaaogaina le fetalaisa. O faiga
uma lava faaonapo nei o loo faia ai. E iai lava a latou
tagata faaputoa latou te faia suesuega e faaleleia ai atili
le atina aeaina o le faatoaga lenei. E 40,000 eka, ae maua
le $21,000,000 miliona i le tausaga. Ou te talitonu e
mafai ona iai lo tatou Esetete Tausi i le tulaga lea.
Ona ou oo mai lea lau afioga ile Fofoga o le Fono i itu
tau laueleele. Atonu o le mea e tatau ona faamamafaina,
o le faaaogaina o lo tatou laueelele. Aua o le eleele ua
tuuina mai o le meaalofa a le Atua, ae afai tatou te le
faaaogaina lelei, ia o lona uiga e leai se aoga tele ia
tatou. A o le mea e taua o le aoga o le eleele lenei i le
faaleleia atili o le soifuaga i le faaaogaina lea o le eleele.
Ou te faafetai atu lava i le uso a faipule ia Unasa, sa
saunoa e tusa ai ma le vaega lea. E pei ona ia taua e 4%
o le eleele o le atunuu lenei, e i le vaega foi lenei e pei
ona taua o le umia saoloto9 (freehold). O le isi 16% o la
e taofi e le Malo faatasi ma le Esetete Tausi. Ao le isi
80% o la e umia e le faale aganuu. E faapea foi ona
faailoa mai e le afioga Unasa, e 4% o loo umia saoloto,
Saunoaga Faataupou Sui USufono 19861-2011
ae tusa o le 80% o le (investment) poo le tupe faaaoga
poo le tupe faa-faigaluega, o la e faigaluega i totonu o le
4% lena, ma e o loo latou umia le 4% lena.
Masalo a tatou o i se faataitaigfa i se Faletupe, o latou o
loo latou faaaogaina le tele o tupe aitalafu o loo avanoa i
totonu o Faletupe na, o latou o la e iai le 4% lea. E le o le
80% lea latou te umia eleele faaleaganuu. Ou te talitonu
o le fesili e taua, pe aisea? Aisea ua maua ai e le 4% lea
le avanoa e faaaoga ai le 80%, o mea e atiina ae ai le
atunuu lenei. O loo iai se manatu vaivai e faapea ona o le
tulaga o loo iai le tatou eleele ua faaluaina ma ou te
faatoluina le taofi, e tatau ona tatou puipui i o tatou
eleele faaleaganuu. Tatou te puipui ina nei faoa lo tatou
tofi. Ae le faapea e le mafai ai ona tatou saili se auala e
mafai ona galue ai le eleele lea mo le atina aeina o le
tagata lava ia. O le isi vaega e lei oo iai se saunoaga a le
sui, o le lesitalaina lea o eleele faaleaganuu.
E le o se mea fou. Ua ou vaai i nisi o tusitusiga i aso ua
mavae, sa faapea foi ona oo mai i le Maota lenei. Na
faapea ona teena. O lea fuafuaga ia fuaina uma lava
fanua o le atunuu. Sa ou vaai foi i se fuafuaga faapea ua
malie mai le malo o Niu Sila latou te aumaia le
fesoasoani ina ia mafai ai ona fuaina uma eleele o le
atunuu. E tuuina atu lau talosaga i le Maota lenei, ou te
faapea atu ai i le faafofoga a le Maota lenei ma le
atunuu. O loo iai eleele nei. E le o po se lilo o eleele o le
malu ua faapea ona tuuina atu i se tuoaga faalisi i tagata
a nuu o Samoa, o le mea muamua lava e fai i eleele nei,
o loo ua fuaina ma vaevaeina. Ua fai se pepa e
faamauina ai, o le ½ eka lea poo le eka lea poo le tolu
eka lea, o le a tuuina atu i le tagata lea.
Lau afioga i le Fofoga O le Fono, ao lei alo atu lau
afioga ma le Palemene i le malologa, sao u avatu ni
manatu e tusa ai ma mea au eleele o le tatou atunuu. Sa
ou taua tulaga o aii e pei ona silafia o le taofiofia lea o
eleele o le atunuu. E 4% o loo taofia foi nei le tulaga o le
umia saoloto ma le isi 4% o loo taofia foi nei i le tulaga
o le umia saoloto, ma le isi 16% o loo i le malo, ao le
80% o loo iai lea i pulega faaleaganauu.
E pei la ona silafia o le 4% lea ma latou o loo latou
umia, e iai le talitonuga e pei foi ona molimauina e se
tasi sui a faipule i le aso ua mavae, o loo faapea ona
latoufaaaogaina le 80% o le malosiaga e atina ae ai le
atunuu, e taua faa Peretania o le (investment). Ona iai lea
o le agaga vaivai e faapea; pe mata e lei alagatatau ai i
lenei taimi ona fuafua e le Malo ni taumafaiga ina ia
resitaraina ai fanua uma faale aganuu. Ona o lea talitonu
atonu e avea le tesitaraina o eleele ma mea e mafai ai e i
latou o loo umia le 80% o eleele ona maua foi le avanoa
e faaaogaina ai le malosiaga lenei e atina aeina ai.
E iai le talitonuga o le atina aeina o lo tatou atunuu
aemaise le itu tau faatoaga e le mafai ona tatou oo atu i
se tulaga e mafai ai ona maoae le tamaoaiga ma le
faamanuiaga e maua mai ai pe a le aiaia ni tulaga e
faapea ai ona resitara o tatou eleele. Aua e le o pose lilo i
lau afioga ma le mamalu o le Palemene lenei, o faiga e
atina ae faaonapo nei aemaise ai lava i mea tau tupe.
Banking Phylosophy e latou te faia mafaufauga ma
fuafuaga e tusa ai ma mea faapenei. Afai lava e leai ni
mea e faamauina ai poo ni mea foi lea e faamaonia ai le
avanoa atu o tupe e mafai ona atina aeina ai, ia o le a
faapea lava ona le mafai aua o le eleele lava e mafai ona
maua ai le avanoa iinei i le malosiaga e atina aeina ai. O
le agaga vaivai lea e tuuina foi e pei ona taua e faapea foi
ona aiaiai e lenei Maota i ni tausaga ua mavae ae na ona
faataatia atu i luma o le Maota i lenei taeao.
Ona faaiu mai ai lea o se manatu i le vaega lava lea tau
eleele i le fesili e fia tuuina atu e ui atu i lau afioga le
Fofoga o le Fono i le Minisita o Eleele. O le fesili pe
mafai ona faailoaina mai pe aisea na taofia ai le avanoa e
faatauina ai, e le tuufaatasiga e iai le NPF, o le ACB, le
Public Trust ma isi o le atunuu le eleele foi lenei e iai le
tulaga o le fale o Pipi (Burns Philip). E iai le talitonuga
sa tatau ona aiaia malosi e lea Faalapotopotoga ma le
Malo foi, aua ua iai le lagona o lea eleele poo ia
meatotino e tau amo le atina aeina o le atunu. Sa tatau
ona iai i totonu o le Malo. O lea la e fia fefili atu ai ma le
faaaloalo lava, pe aisea na le faatino ai le malosiaga o le
Malo o loo iai i le NPF e tuuina atu ai le avanoa i lea
tuufaatasiga latou te faatauina ai le fanua ma le eleele
lea.
Ona oo mai ai lea o se faamatalaga i le itu tau i le
aoaoga. Lau afioga ma le paia o le Palemene, o mea lava
nei o aoga o se tasi lenei o autu i le sailia lea o le manuia
ma le soifuaga lelei i totonu o se atunuu. Aemaise ai lava
i totonu o se atunuu. E le o po se lilo i totonu o le atunuu
e pei ona tatou iai nei. E ui lava i le tele o ituaiga
taumafaiga a le itu tau le aoaoga o le itu lea ua talitonu
atoatoa i ai le atunuu. Talu lava ona faavae mai e leai
lava se tasi e manatu faatauvaa i mea nei o aoaoga.
O le tulaga na i ai le tatou agai mai i tausaga e tele ose
tasi e faityalia ai le tulaga tau le aoaoga i totonu o le
atunuu i le maoae lea o le tulaga o iai. E moni e i ai ni tiu
e mafai ai ona tatou faapea e vaivai ai le ituaiga aoaoga
na tuuina mai ia i tatou ma faavae mai ai le tatou aoaoga,
e pei ona tuuina mai e le Malo o Niu Sila o aoaoga faa
Niu Sil asa taua faapea i se faaupuga faaonaponei. E ui
lava la i se itu e vaivai ai ae o loo manino lava le tulage e
i ai le tatou aoga ma sa i ai le maualuga tele (College) le
aoaoga lea e maua ai le avanoa e saunia ai alo ma fanau
ina ia faapea ona latou maua le poto lautele ma le tomai
aua le atiina aeina o le atunuu.
O le aoaoga foi i lou talitonuga e saunia ai alo ma fanau
ma tatou uma lava e faapea ai ona tauave o tatou tofi ma
o tatoi tiute galue i totonu o Samoa nei. E le gata i lea o
loo i ai se manatu o le aoaoga o le tulaga o aoga i totonu
o le atunuu e le gata ina saunia ai alo ma fanau i le ola
galue i totonu o Samoa nei a ia saunia foi latou aua le ola
galue i fafo atu o Samoa aemaise ai lava i totonu o Niu
Sila o atunuu o loo faapea ona tatou vavalalata.
E i ai se manatu pei ua tulai mai ua ave le faamuamua i
le itu tau le aoaoga i totonu o le atunuu mo le sauniunia
lea o alo ma fanau mo se olaga i totonu o Samoa lava. E
le auai lou taofi i le manatu lea ona o le itu lenei ua tatou
ola nei i lenei vaitau ma e leai lava se tasi i se aoga i
totonu o Samoa nei e le o toe i ai so latou faiā po o se
Saunoaga Faataupou Sui USufono 19861-2011
aiga i fafo, ua oo i le tulaga ua i ai le atunuu ma ua
masani i le olaga i Niu Sil ama atunuu i fafo atu, toetoe
lava ina faimalaga atu le atunuu e o e Aso Sa i Niu Sil
ama toe o mai. E faapena foi ona i ai o tatou aiga ua i ai
o tatou toto ma e o tino ia i tatou o lo o ua nofo mau e
pei ona i ai i atunuu ia e i ai Niu Sila ma atunuu ia. Ona i
ai lea o lemanatu faapea o le tulaga tau aoaoga e le gata
ina ia saunia ai alo ma fanau mo leola galue i totonu o
Samoa nei ae faapea foi i fafo atu o Samoa. Ona i ai lea
o le taofi i luga o lea taluitonuga ua tatu ai lava i le tatou
tulaga faaaoaoga ona tatou pipii atu pea i le tulaga e i ai
aoaoga i Niu Sila e fai lea ma taiala mo i tatou aua le tau
atiina ae o le tulaga tau aoaoaga i totonu o le atunuu.
Lau afioga i le Fofoga o le Fono ona ua tulaa mai nei le
tulaga ta aoaoga i totonu o le atunuu i se tulaga ua
fesiligia ai le le lelei o le aoga. I tausaga ua mavae sa
faapea ona atiina ae aoga i totonu o Samoa ma sa faapea
ona agai i luma. Ou te talitonu na oo i se tulaga manuia
ma se tulaga lelei tele, ma o le faamaoniga o lea mau o
lau afioga faapea foi Ulu o Matagaluega o loo faapea
ona tatou faatasi i le Maota lenei i lenei taeao. E faapea
foi i le atunuu o loo galulue nei. O le auga la o lau
faamatalaga ou te fesiligia le Matagaluega o Aoga, i
fesuiaiga ia ua faatino nei i le itu tau aoaoga i totonu o le
atunuu. Aua i lau matau e pei o fesuiaiga fou ia ua fai nei
ua faavae mai luga o se manatu faapea ua le lelei le
tulaga sa i ai le aoaoga i totonu o Samoa. O lona uiga e
pei e aliali mai se manatu faapea e lelei ona talepe
muamua le faavae ma le mea na sau ai ae toe fau mai le
faiga o loo fai nei. Aua lau afioga i le Fofoga o le Fono
ma le mamalu o le Palemene lenei, ou te molimau atu ia
tulaga faaleltonu le tulaga tau aoaoga i totonu o le
atunuu lenei. Ou te molimai atu ona o au o se matua e i
ai lau fanau i totonu o le aoga lenei. Ua le o toe tusa ai
ma le fua faatatau o le lelei (quality) o aoga i totonu o
Samoa ma aoga sa i ai. E iai le manatu faapea o
fesuiaiga nei ua fai ua mafua mai ai lea. Ia o le pine
faamau, ua saunoa foi i ai le tele o sui o le Maota lenei.
E le gata ina le lava faiaoga a ua fesiligia le lelei o
faiaoga ia e i ai nei. Ua fesuiai nei i se faiga fou ua fai
Aoga Maualuga ia ona fai ai lea o Aoga Feololo ifo o le
(Senior Secondary School). E moni lava la le manatu
faapea o se faiga ina ia mafai e faamalosia ai ma faalelei
atili ai aoga o loo i tua Aoga Itumalo. I lea suiga ua i ai
nei, o loo i ai se talitonuga e lei lava tapena e lei lava ona
sailiilia e le i lava foi ona faataitai ma iloa manino ai pe
sili atu ona lelei le faiga lea ua agai atu iai nai lo le mea
sa sau ai.
Sa isi se faatasiga sa faia i le 1986, sa talanoaina ai le
autu o mea nei o (Senior Secondary School), e pei ona
iai le faiga fou ua faatulai mai. Sa faapea ona ou auai i
lenei faatasiga ma sa fesiligia ai sou manatu o au o se
tasi o matua e iai lau fanau i totonu o le aoga. I lea
faatasiga sa ou faaalia ai faapea, pe ua matua faamaonia i
ni sailiiliga ma ni taumafaiga a le Ofisa o Aoga fesuiaiga
lea o le a agai atu iai o le a faapea ona lelei atili ai nai lo
le tulaga na iai. Sa le mafai ona maua mai le tali o le
fesili lea. O le vaega e lua sa laga, pe ua lava se
vaegatupe mai le Malo, o lea vaegatupe e fai ai ni
faiaoga lelei, faatino ai le polokalame o le aoga ma
faapea ai ona maua mea e faatino ai le aoga poo le
polokalame lea. Sa aliali mai i lea faatasiga e le o maua
ai foi se tali maoti. O lea lava ua molimauina e le tele o
sui. E le gata ina le lava faiaoga, le lelei faiaoga, ae ua le
lelei foi ni mea e faatino ai le polokalame lea. Ae e lei
atoatoa foi ona fai le polokalame, le mea lava lea o le
(curriculum).
O le vaega e tolu sa laga i lea faatasiga, poo lea a le
talitonuga o le Malo e tusa ai ma le Iunivesete? Poo ua
ave iai le faamuamua ina tuuina atu iai le vaega tupe e
tatau ona faatino ai ma ia tulaga mai ai le Iunivesete e
tutusa le lelei i le tulaga foi la o le (quality) fua faatatau
o le lelei. Sa leai foi se tali o lea fesili. Ona iai lea o le
lagona i le taimi lenei, ua faaletonu fesili. Ona iai lea o le
lagona i le taimi lenei, ua faaletonu le tatou tulaga i mea
tau aoaoga, ona ua le maua tonu se tali e tusa ai ma fesili
nei. E talitonu foi ole mafuaaga lenei na ala ai ona tulai
mai le mataupu lenei e uiga ia Avele. Aua e le o po se
lilo na ala ona faataatia ese Avele ona ua iai le fuafuaga i
le faiga fou lenei e na o le Kolisi o Samoa ma Vaipouli e
fai ai le (Senior Secondary School), ona iai lea o le
talitonuga e faataatia Avele.
Masalo ua avea fuafuaga nei ma mea ua faatalale ai le
Ofisa o Aoga i le atiina aeina o Avele i le tulaga e tatau
ona iai. Ou te talitonu ma e tumau pea lou talitonuga i le
faaauauina lea o Avele. O lea talitonuga e lei faavae mai
ona o ni faiga faapolokiki poo ni faiga vaega i
faigamalo. E leai, o lou talitonuga i le tatalaina o Avele e
faavae mai lea i se talitonuga faaleaoaoga ma faale
faiaoga. Ou te talitonu e le gata i le Kolisi o Samoa ae
tatau ona faaauau Avele faapea foi isi Kolisi maualuluga
o le Malo. Aua o le tele o alo ma fanau o le atunuu o loo
faapea na maua lo latou avanoa e aoga ai i aoga
maualuluga a Ekalesia. O le mea ua tulai mai i le faiga
fou lenei e pei e matou atu o le a see ese le Malo mai
lona tiute. O le tiute o le Malo o le matua atiina ae lea o
aoga ina ia mafai ai ona aoaoina alo ma fanau uma a le
atunuu. E le gata i le Kolisi o Samoa, o Avele ma
Vaipouli ae toe faaopoopo foi ma nisi aoga maualuluga
iai. Ona iai lea o se talitonuga faapenei i ni nai fautuaga
e fia tuuina atu e tusa ai lava ma le tulaga ua iai a tatou
aoaoga. O loo iai le talitouga e faapenei; o aoa e pei ona
iai e tatau ona taofi le suiga o loo iai nei. Aua nei toe
faauauina.
O le faataitaiga o le (Junior Secondary School) lea i
Leififi. Sa amataina i le tausasga ua mavae nei ona fai le
Vaseha tolu (Form Three), i le tausaga lenei ua
faaopoopo iai le Vasega Fa (Form Four). O le fuafua e
faaopoopo iai le Vasega Lima (Form Five) i le tausaga
fou. Ua iai le manatu ia taofi ai i le Vasega Fa (Form
Four). Ia aua nei faatinoina le Vasega Lima (Form Five)
i le tausaga fou ae ia toe ave uma alo ma fanau ua tatau
ona o i le Vasega Lima (Form Five) i le Kolisi o Samoa.
O lea ou te lagolagoina ai le taofi lea ua faapea ona
faaalia i le Maota lenei e nisi o sui. Ia taofi ai i le mea lea
ua iai nei. E faapena uma foi nisi o mea e finagalo iai
Saunoaga Faataupou Sui USufono 19861-2011
nisi o syi ia taofi uma nisi (Junior Secondary Schools),
ae ia toe faaauau le Vasega Lima (Form Five) i le Kolisi
o Samoa ia faapea ona o uma iai ia e e pei ona sau ai. A
le o i le Kolisi o Samoa ona o lea i Avele ma ia faapea
foi i Vaipouli. Ona iai foi lea ma le talitonuga e le gata
ina taofi i le mea lea e iai nei ae ia faapea foi ona toe foi
le Kolisi o Samoa ia iai ma le Vasega Tolu (Form Three)
ma le Vasega Fa (Form Four).
O le mea lea ou te pitia ai se taofi sa faaalia e se tasi o
sui a faipule. O le faiga lenei o le vaeluaina o Aoga
maualuluga i ke (Junior Secondary School) ma le
(Senior Secondary School), masalo e na o Samoa lea ua
tulai mai ai se faiga faapea. Ua tatou masani o i tatou
uma lava na tatou ui mai ai, sa tatou aooga foi i aoga i
fafo. A tatou ooo lea i aoga maualuluga e amata mai i le
Vasega Tolu (Form Three) e oo i le Vasega Ono (Form
Six), e tatau ona atoa uma le faasologa lea. Ioe aua foi e
pei ona saunoa se tasi o sui, a faasolosolo atu ina oo i le
Vasega Tolu (Form Three), o le faasologa o le aoga e
faagasolo e faiaoga o loo iai lava i totonu o le aoga lea.
Latou te faapea ona aumai le tama ma le tiene i le taimi e
ulufale mai ai. E ulufale mai i le Vasega Tolu (Form
Three), o la e Vasega Tolu, Vasega Fa, Vasega Lima, e
tolu tausaga e faapea ai ona latou apo mai tau siisii i
luga. Ae a faapea e sau e sau mai luga o le Vasega Lima
ona sau ai loa lea i aoga faapea, ona faigata loa lea i
faiaoga ia ona latou iloa tonu poo le a le tulaga e iai. Ona
maua loa lea i le mea lea ua tulai mai ai nei le Kolisi.
Afai e sau nei le tiene ma le tama mai luga i le Vasega
Lima, e sau ua le tutusa ma le malosi e tatau ona iai faale
aoaoga ma isi tamaiti ia e iai i totonu o le aoga. O le mea
la lea ua fai, o la ua fai aoga foi nei e taumafai e
faamalosia ai. O lau molimau atu ia te outou i le taeao
lenei o le (remedial English) ma le (remedial classes) lea
ua fai nei i le Kolisi, e pei lava aua toe ave le (Form
Five) Vasega Lima lea e alu e toe fai le Vasega Tolu poo
le Vasega Fa, e faapena foi ma le (Science) faa-saienisi,
le mea sa tatau ona iai. O lea ou te piitia ai lava le taofi
lea i aoga ia maualuluga. Aua nei o tatou faatalale iai i
aoga ia, aua e amata mai i le tulaga maualalo i (Primary
School), ae oo mai loa i aoga maualuga (Secondary
Schools) e le tatau lava ona tatou faatalale i aoga ia aua
foi o aoga ia o le faaiuga o aoga maualuluga (High
Schools) e ulufale atu ai i le Iunivesete, O iina e sauni ai
le teine poo le tama e alu atu i le lautele o aoga faaIunivesete.
O Niu Sila ma le isi atunuu o le mea lava lena o la e iai,
o le toatele foi o le paia o le Maota lenei na tatou ui mai
ai i aoga ia. Se aua tatou te faitio i le faiga na iai aoga na
tatou ui mai ai. Oi a tatou faitio ma faapea e le lelei ae o
fea na lava saunia mai ai le paia o le Maota lenei faapea
le lautele o le atunuu. O le mea foi lea e iai le talitonuga
ia Avele, e le gata i le vasega o loo iai nei ae ia faapea
ona alu i le Vasega Tolu seia oo i le Vasega Ono. E le
faapea o se manatu faapito ina ia fai lelei na o se toaititi
o le atunuu. O lou talitonuga o le mea sa tatau ona iai ma
o le mea e tatau ona iai, avea aoga e iai Kolisi ma aoga
maualuluga e iloa ai le mea e siisii iai le tulaga o aoga a
Itumalo.
O le siitaga o se Aoga i le tulaga lelei o le Aoga, o le
faiaoga lava ma le faiga o le aoga. It is the quality of the
Teacher, o le quality o le faiga o le aoga. E tusa lava poo
le a le faapea; fai le faailoga lea ma lea, ae a le agaga le
faiaoga e fai lelei le aoga ona oo loa lea i se tulaga
faaletonu. Ua avea le fesuiaiga ua fai nei o le Aoga i
Leififi ma le Aoga i Malifa ma le tele o Aoga o ni
faiaoga ua lava lo latou tomai ma ua faamaonia i lo latou
agavaa i le tele o tausaga o faiaoga, o ni faiaoga lelei, ua
avea le fesuiaiga lenei ma mea ua faaloto vaivaia ao ma
le toe tinou ai e fai lelei ni aoga. Ua avea ;e faapea o le
fesuiaiga ua le maua ni fesoasoani i mea e fai ai le aoga,
ua le maua atu nisi lelei mo aoga lava nei. O lea la ua
tulai mai ai i se tulaga faaletonu.
E toe fia fai lava ma faataitaiga le Aoga lea i Leififi.
Masalo o le toatele o le Maota lenei ua tatou iloa ma ua
tatou masani i le alii pule o iai nei. Ua leva tausaga o iai.
Ae talanoa i le alii pule o iai nei e fai mai lava ia, Tuao
ave lou afafine e aoga i fafo, ua faaletonu le aoga ua sili
atu le malamalama o teine ma tama aoga nai lo le
malamalama o faiaoga fou ia e tele ina o atu i totonu o le
Aoga. E o atu e le lava saunia. E le faapea la ou te faitio
i faiaoga, ao le tulaga ua avea le fesuiaiga i na mea ua le
lava saunia ai le sauniaina o faiaoga.
O nai fautuaga ia e faaui atu i lau afioga i le Fofoga o le
Fono i le alii Minisita. E matua faamamafaina lava le
taumafai ina ia toe faamautuina a tatou aoaoga. Aua o le
poutu lea o le atiina aeina o le atunuu. Afai e faaletonu
aoga nei i totonu o Samoa nei, o le a faapea foi ona le
lava saunia tama ma teine mo le agai atu i aoga
maualuluga.
Faafetai atu i lau Afioga i le Fofoga o le Fono. E leai
afai e pei ona faauilavea mai le sui lea e faapea ua
manatu faatauvaa. E leai, ou te faamalulu atu i faiaoga e
leai o le agaga o loo taumafai e tuuina atu e lei atoatoa le
saunoa o nisi faiaoga ona o le faiga lea e fai ai nei. Aua o
le faiga lea e fai ai nei e pei ona silafia e le sui o loo
faapea foi ona faavae mai ai nei e pei ona silafia e le sui
o loo faapea foi ona faavae mai ai le Aoga mo Faiaoga
Maualuluga ma le Aoga mo Faiaoga maualalo. O le mea
sa faapea ona sau ai, sa ave faiaoga latou te aoaoina i le
(Diploma in Education) i le USP. E leai e le o se faitio i
le tomai o faiaoga, ae e le natía ai i lau afioga i le sui
faapea le mamalu ole Maota e le tutusa le lelei i le
(Diploma in Education) mai le Aoga Faafaiaoga i le
(Secondary Teachers College) iinei ma le (Diploma of
Education) lea sa o mai ai faiaoga na saunoa ai i le taimi
ua mavae. O le fesoasoani atu lea i le vaega lea.
O le vaega e lua e pei ona saunoa le sui e faapea e ave
le faamuamua i aoga e iai le Kolisi, Avele ma Vaipouli.
E le faapea o le a faagalo ai le faaleleia ai atili o aoga
faa-itumalo. O le manatu lea e iai a faapea o le maualuga
lea o le lelei lea tatou te talitonu e tatau ona iai a tatou
aoga le Kolisi o Samoa ma Avele ma isi lava aoga e iai
Kolisi a Ekalesia e faapea foi o le fua lea, sii ai iina le
lelei o aoga faale-itumalo. O lou lava talitonuga o le mea
Saunoaga Faataupou Sui USufono 19861-2011
lea ua tupu ua toso ai i lalo le lelei o i ina ia taumafai e
faalelei ai aoga faa-itumalo. Aua foi e pei lava ona
saunoa ma fetalai iai le tele o sui e manaomia le tuuina
atu o faiaoga lelei, o le polokalame lelei i aoga uma lava
a le atunuu. Ae e le faapea o le a maua le tulaga lea i le
aumai o nai faiaoga lelei toaitiiti ona tufa lea i tua. Leai
faaopoopo ni faiaoga lelei aua le siisii i luga o le tulaga o
aoga uma. Ia o le fesoasoani atu lea i le sui e tusa ai ma
le fesili.
Faafetai atu i lau afioga i le Fofoga o le Fono. E leai
ana sei onosai mai lava le sui meamanu e faapea lava
ona oo atu i le vaega lea ua saunoa mai iai. Ona oo mai
lea o lau faamatalaga i le Iunivesete. Ua alagatatau lau
afioga i le Fofoga o le Fono ona taumafai atu se
faamatalaga faapenei, aua ona o le tele foi o tausaga o
faapena ona gale ai mea nei o aoga. Ina ua tulai mai i le
1983 le talanoaina o le mataupu lenei i le faia o se
Iunivesete i totonu o Samoa. Sa faapea ona faaalia
manino sou taofi e mafai ona fai le Iunivesete i totonu o
Samoa. O le 1977 i le 1978, sa faapea ona tuuina mai ai
se fesili e tusa ma se Iunivesete i totonu o Samoa pe
mata e talafeagai ona fai. Ona ou tali atu lea i lea fesili,
ioe, e mafai ona fai ae e lei oo i le taimi e tatau ona fai
ai. I le 1977 sa ou fai atu, masalo o le 15 i le 20 tausaga
ua talafeagai ona fai se Iunivesete i totonu o le tatou
atunuu.
O le atina aeina o aoga e faapea lava ona alu e oo lava i
le Iunivesete e tatau lava ona iai. E le taua tele i lou
manatu e faapea e toaitiit le atunuu. E leai, e iai isi
atunuu e toaitiiti atu Samoa e fai o latou Iunivesete. Ao
le manatu sa iai ma e oo mai lava i le taimi lenei o le oo i
le taimi e faatino aua ua talafeagai le malosiaga o le
atunuu e fai ai.
O le talosaga a le Iunivesete lau afioga na amata mai i
le tala e tasi. E faapea foi i le Tala Faaopoopo ma le Tala
Autu ua sili i le $600,000 i le tausaga le tupe e tuuina atu
i le Iunivesete. Ou te le tetee i le tupe e ave i le
Iunivesete, ae na ona ou faapea atu, e le lava. Sao u
faaali i le 1977 se manatu e faapea ia aua nei i lalo ifo o
le $2miliona e mafai ona maua i le tausaga e faatino ai se
Iunivesete i totonu o le atunuu. O le Iunivesete e pei ona
silafia o le mea e taugata. Pe a faapea o se Iunivesete e
lelei ma e maoae sona tulaga. E pei ona ou taua i le taimi
ua mavae o tatou e lava lo tatou sootaga ma o i tatou foi
o isi tagata Niu Sila, e le mafai ona tatou faapea e leai e
le afaina pe a faapea foi lea e eseese i le itu tau i le
aoaoga. Aua a faapea o le teine poo le tama e aoga faaIunivesete poo le le lava saunia i le aoga maualuga ae
alu atu i le Iunivesetem a le tutusa le maualuga ma le
lelei e pei o Iunivesete i Niu Sila, ou te masalo o o tatou
moomooga lava ia tatou iai i se mea mautu ma se mea e
atoatoa. Aua o le mea ua masani ai ua ui mai ai le toatele
o le Maota lenei. We know the quality is, o le mea lea e
aupito i taua i soo se ituaiga aoaoga. O lea la e piitia ai
se manatu sa faaalia i le taimi ua mavae, o le agaga sa iai
ia faavae le Iunivesete ae ia faifai malie. O loo iai lou
lagona ua televave naua le naunau e faatino, o le mea foi
lea ua iai se matau ua avea le naunau ina ia oo atu i le
faiga o aoga faa-degree courses ma mea ua manao ai foi
e fai se (campus) e pei ona manaomia Avele.
O le mea aupito sili ona tau ama ou te manatu e pei o le
mea lea o le a tau faagalo o le taofi lea i le tulaga lelei o
aoaoga. O le mea e maua mai lea i faiaoga ma le tofia o
faiaoga e tatau ona iai, ma le polokalame e fai ai le aoga,
o le lelei o le faatinoina o le faiga o le aoga ma le tulaga
foi i mea tau lelei o suega e fai. E tatau foi ona iai le
(External Assessment) ina ia faapea ai ona tumau pea le
faatusatusa atu i atunuu i fafo aemaise ai Niu Sil ama isi
atunuu tau lalata mai. Ona iai lea o se fautuaga faaoebeu
e fua tuuina atu e tusa ai ma le Iunivesete lau afioga i le
alii Minisita faapea foi le mamalu o le Kapeneta, taofi ai
i le mea o loo iai nei. Fai ia lelei vasega o loo iai, ia alu
atu io le Foundation, le mea lea e iai le Form Six ma le
Form Seven. Taofi ai i lena, fai ia oo i le tulaga ia aua
nei toe fesiligia le lelei o alo ma fanau e o mai i le
Iunivesete ina iua uma le Foundation. E leai e le o pose
lilo i le taimi lenei o loo fesiligia le atoatoa o alim a
fanau i le o atu i le Foundation ona o lea i Iunivesete i
fafo. O loo fesiligia i le taimi lenei.
E faigata foi i alo ma fanau aua e o atu ua le o
talafeagai. O lea la e fia tuu atu ai le fautuaga lea ma le
agaga vaivai lava i lau afioga i le Minisita. Taofi ai i le
Foundation mo se isi tolu pe fa pe lima tausaga ao
taumafai e atiina ae taumafai e atiina aeina malie sei
faamalosia lelei.
Lau afioga i le Fofoga o le Fono ona oo mai ai lea o sau
faamatalaga poo se manatu foi i nisi o tele o mea ua
faapea ona saunoa iai le tele o sui. O tiute tauvae o le
tatou malo. O tiute tauvae o le Malo e iai lava matafaioi
a le Malo e faatino aua le soifuaga lelei ma le olaga siisii
i luga o tagata-a-nuu o Samoa. Ia ua uma ona taua e le
tele o sui le itu tau vau, le itu tau auala ma le itu tau
eletise. O loo iai se tasi talitonuga faale atiina ae, o le
atiina aeina o nuu ma alalafaga i lenei vaitaimi ma nei
auga-tupulag. Ua oo mai i tulaga nei ia faalelei ai ma
atina ae ai mea e nonofo ai ma faafiafia ai le atunuu. O le
mea la lea ou te talitonu e le gata i le vai ma le faaleleia
o auala ao le mea tau eletise.
I ni tausaga ua mavae e pei ona sau ai lo tatou Malo, o
mea nei sa faapea o se tautua poo se (service) a le Malo.
Sa faapea lava ona fai o le a lava le tau le totogi lava e le
malo ma tuuina atu lea i ona tagata. Sa isi lava i le tele o
na tausaga le talitonuga e faapea ao faagasolo lea
tausaga ma lea tausaga e faapea ai lava ona oo atu mea
nei i le nuu uma lava ma alalafaga o Samoa. Ua fai lava
sina popolega i le taimi lenei ona ua aliai mai ua le gata
ina faapea o le galuega fai poo le tiute o le Malo ae ua
faapea foi ona iai le manatu ia faia ina ia maua mai ai ni
tupe, ia maua se polofiti. Atonu o le itu tau vai e na ona
ou faatepa lava le Maota i totonu o le Tala o le Tupe i se
tupe e $420,000 toe faaopoopo iai le isi $20,000 mo le
faaleleia o le vai mo le itu atu lea i sisifo. O lea
polokalame o le fesoasoani mai Saina. O loo faapea foi
ona iai polokalame mo le taulaga i Apia e faitau miliona
lona tau.
Saunoaga Faataupou Sui USufono 19861-2011
Ona pau lava lau fesili ma se manatu e fia tuuina atu i
le taimi lenei; Pe ua talafeagai ea le ave o le faamamafa i
nisi alalafaga ao nisi lava itumalo o la lava e pagatia e lei
maua lava se vai? O lea ua 26 nei tausaga tali ona
tutoatasi nei le tatou Malo. O lea foi ua toe faaali le
faitau fia miliona i le vai i Apia, ao la lava e iai isi
itumalo e le o maua le suavai i taimi uma e pei ona
manaomia. Atonu o le itu lfoi lea o loo iai auala. O loo
faapea lava ona tagitagi mai sui o itumalo ia faapea ona
faaleleia atili.
O le itu tau eletise, lau afioga i le Fofoga o le Fono. Sa
iai se vaitaimi sa faapea ai o le eletise atonu o se mea foi
lea e taua faa-Peretania o le (luxury), o se mea taua tele e
faigata ona maua, ae matau atu e leai ua oo le tatou
taumafaiga i le tulaga ua talitonu ai e mafai ona faatino i
nuu uma lava. O le faataitaiga o le Tala Faaopoopo o le
Tupe o loo tusia mai ai se vaega faapea e tuuina atu se
$25,000 toe faaopoopo i le $135,000 e tausia ai moli i
aualatele. Vae atu lava le paia o le Maota o lenei tupe
tele ua toe tuuina atu e tausia ai moli i aualatele, ao si o
matou itumalo faapea foi le uso a faipule i Siumu, e leai
ma se moli a lea o le a toe ave lenei tupe tele e $150,000
e na ona tausi ai moli i le aualatele, ae mafai i le tupe lea
ona faatau ai se afi moli e tofi ai maua ma se afi moli. E
faapea foi lau afioga i le Fofoga o le Fono ma le mamalu
o le Palemene o loo faapea foi ona taua mai i le Tala o le
Tupe lea se tupe e $10,360,000 e tuuina atu i le EPEC.
Sao u fesilisili poo le a lava lenei tupe, ae o loo faapea
mai, ou te faamalulu atu foi i le Minisita o Tupe ma le
Ofisa o Tupe e faale atoa lou malamalama e faapea mai
o le tupe lenei e avatu e totogi ai tupe leiloa i le fesuiaiga
o tupe mai fafo.
Sa toe faapea mai foi o le tupe e avatu e toe faaopopo ai
sea o le Malo i totonu o le EPC. O le mea la ou te faa le
o malamalama ai, e pule le Malo i le kamupani e 100% e
umia e le Malo, ae toe avatu foi le isi $10miliona e toe
faaopoopo ai ona sea? O le mea lea ua faigata lava ia te
au ona ou taliaina. E pule tatou i le kamupani, o tatou e
100% e pule ai i le kamupani ae toe avatu le isi
$10miliona e faaopoopo ai ona sea, ae faapea mai e
totogi ai le feeseeseaiga o tupe mai fafo. Ma le faaaloalo
lava lau afioga afai e mafai ona tatou toe avatu iai se na
tupe e toe sii ai e o tatou sea, ae a pe a tatou faaopoopo
iai ma se faatonuga faapea: E.P.C., ia toso laia o le moli
o Lefaga ma Faleaseela ma Safata ma alu anea i i Siumu.
E le alu ai se miliona ma le afa.
Lau Afioga i le Fofoga o le Fono sa ou fesili foi pe fia
la le tau afoai o meatotino nei ua i totonu o le EPC? Ae
aumai le tali e $100,000,000. We own company, e pulea
e tatou se kamupani e $100,00,000 ona (assets)
meatotino, ae a la pe ave ane lena $100,000,000 e
aitalafu mai ai se lua miliona poo se miliona ma le afa e
fai ai o ma moli ma le afioga Tupuola? O le kamupani e
pule ai tatou, ao lea e toe nono atu e tatou le tupe e toe
faasikuea ai tupe le maua a le kamupani. E nao o sina
talosaga vaivai lea. E le logo malie i lou lava sui ona o
lea ua tatou iai i nei fuainumera tetele, ona ou te tuuina
atu ai lea o le fesili lenei; O fea le amiotonu i le tutusa o
le faasoasoa? Se tufatufa faatutusa lelei le tatou
tamaoaiga,. Fai so matou moli.
Ona faape foi lea o le faataitaiga e pei ona tuuina mai e
le afioga Tupuola o loo fai iai foi i le Tala o le Tupe le
tupe lenei e $1,075,000 e tuuina atu i le Falepia. Ma le
faaaloalo laba a tuufaatasi le aofai o le matou itumalo alu
atu ai i Salamumu i le itumalo o le sui faapea ai ma
Safata ma Siumu tuu iai ma Tanumalala, ua sili atu i le
20,000 tagata, ao lea o le a ave muamua le $1,075,000 e
faaopoopo ai o tatou sea i totonu o Falepia. O fea le
amiotonu i le tatou faasoasoa i le ave e toe faaopoopo o
tatou sea i le Falepia, o le a ou le taua foi le $10miliona e
ave i le faletalimalo ao lea matu te fia mu moli, e le gata
o se matou te fia maua ai se malamalama ao mea nei e
faaleleia atili ai le soifuaga o loo ola nei ai o matou
itumalo.
O lea la ou te piitia ai lava le manatu o si ou uso a
faipule, afai o le a ave lenei tupe tele, ave laia ma le
faaupuga foi lenei tatala le avanoa e faatau ai e le atunuu
sea i totonu o le kamupani lea ae ave ane le tupe lea e fai
ai o matou moli. Ao ou iai i le vaega lea lau afioga i le
Fofoga o le Fono ou te fia laga le mataupu lava lenei e
uiga i kamupani tumaoti. E pei la ona iai le kamupani
lenei o le Falepia ma le faiga foi lenei o le (prívatisation
umia saoloto. O le tele o nei taumafaiga e amata mai e le
malo, ma o le mea tatau aua o le Malo lava e iai lona
malosiaga e faavae mai ai. Ona faapea lea ona tuuina atu
e le Malo se fesoasoani iai ina ia faaleleia atili ai. Ao le
mea ua tulai mai, ua faavae e le Malo ona faapea lea ona
tuuina atu e le Malo umia saoloto ai (prívate), o le a oo
ina faailoga fesili ai poo ai o le a maua le faamanuiaga
lea pe a oo ina faamanatuina atu lava mea nei e fai e le
Malo? O le fesili lea e fia tuuina atu i le afioga i le alii
Minisita. Pe mafai lava ona tuuina mai sina faamatalaga
iai aua o nei faalapotopotoga e iai le Falepia, e iai le
NPF, e iai le EPC, o se isi foi itu e faapea foi le Faletupe
o Samoa i Sisifo aua o lena foi e iai o tatou sea, e faapea
foi le Faletupe o le Atiina ae. O nei Faalapotopotoga
uma o lena e iai le malosiaga o le Malo. E le o po se lilo
i le Palemia e tele nisi faamanuiaga e tuuina atu iai, e le
gata i taavale afi ao alauni, e faaoea foi i taimi e malaga
ai i fafo. Ao lenei lava e tagitagi mai le aufaigaluega a le
Malo aemaise lava i Matagalega e pei ona saunoa le tele
o sui ua avea le faaletonu ona o le le lelei o totogi. O le
mae ea e avea le (privatise) ma mea e maua ai le avanoa
e faaleleia ai tagata faigalyega i totogo lelei ma
faamanuiaga e faaopoopo iai, se faapefea Matagaluega
nei e iai o latou tiute e le mafai ona tuua. Ua saunoa se
tasi o sui e tusa ai ma le Matagaluega o le Soifua
Maloloina.
E le o po se lilo i lau afioga i le Fofoga Fetalai o le
Fono. O le faafitauli sili o loo iai i le Ofisa o le Soifua
Maloloina, o le itu tau i totogi o fomai. Tatou te le maua
lava ni fomai ma e le mafai foi ona toe foi mai alo o le
atunuu vagana ua sili i luga totogi. O lea la ou te piitia ai
ni manatu e pei ona faaalia o nisi sui, sili i luga. Afai
lava o le $40,000 e maua ai se fomai, totogi iai le
Saunoaga Faataupou Sui USufono 19861-2011
$40,000. O lena foi ua tatou faia i totoni o
Faalapotopotoga nei.
O loo iai i totonu o le Tala o le Tupe i le vaega lava lea
i lalo ifo o le Soifua Maloloina, o loo iai se vaegatupe
mo le totogi o le fomai mo se isi foi lea i le malaga atu i
fafo. E aliali mai lea tupe e faaaogaina lea mo se tagata e
toatasi. Ou te le tetee i fuafuaga oe ou te faitio i fuafuaga
faale-malo ua iai o le mea tatau. Ae na ona ou tuuina atu
faafesili faapenei. Afai ua taliaina e le Malo le tuuina atu
o le $28,000 e maua ai le fomai mo le tausaga atoa. O le
mea ea pe na o tatou galulue i totonu o le Malo, sei vae
atu le paia o le Maota pe na o tatou ea e faigaluega i le
Malo poo totonu o le Palemene o loo fia maua le soifua
lelei, ma tatou fia maua fomai lelei.
Ona ou oo mai ai lea o sau faamatalaga i le tulaga lenei
i le mafuaaga ua ala ai ona toe o ese atu alo ma fanau a
le atunuu i soo se Matagaluega lava. Ou te fia fesili atu i
lau afioga i le Minisita. E le o po se lilo o le toatele o alo
ma fanau a le atunuu o loo auina atu i fafo e faasikolasipi. O le fesili, pe aisea na ala ai ona aveele le
(bond) tuutuuga na faia ma le Malo ina ia foi mai alo
sikolasipi galulue mo le Malo. E leai se manatu e faapea
e taofiofia pe saisaitia ai le filifiliga saoloto a alo ma
fanau a le atunuu. Ae isi le talitonuga faapenei, aua o le
toatele o le paia o le Maota lenei na tatou ui mai uma
lava i le auala lenei. Sa tatou aooga faa-sikolasipi, sa fai
le (bond), e le faapea ina ia saisaitia ia toe maua mai nisi
tupe a le Malo. Ae aoga le iai o le (bond) lenei e
faamanatu atu pea e tatau ona toe foi mai sei fai se tautua
mo le atunuu i le poto lenei ua maua mai ona o le
fesoasoani atu o le Malo. E pei o le tulaga lea e iai nei, o
le isi tama poo le isi tiene e tu atu lava le sikolasipi ma
alu ai lava ona o lana filifiliga sa iai. Ona alu lava lea o
le tolu, fa, lima tausaga e totogi e le Malo ma faaaoga ao
la ua iloa e le toe foi mai.
Ona tatou oo mai ai lea i le tulaga pagatia ua fai nei le
atunuu i le taimi lenei. O le a foi mai se faamatalaga i
nisi o tiute tauvae o le Malo, e leai e na ona faapea lava
ona taua i lenei taimi e iai le Fale Meli. Lau Afioga i le
alii Minisita, atonu o se tasi lea o vaega e mafai ona ou
faapea atu ua o tutusa lava ma le Esetete Tausi. O le
maasiasi sei vae ane lava le paia o le Maota ma le
faafofogaaga a le atunuu i le tulaga o iai ma le mea na ui
mai ai. E faapea foi ona faitau atu i le lipoti a le Suetusi
o le 1987. E na o fesili fesili e tuuina mai e le Suetusi. O
le a sili ia ona faaaogaina upu faa-Peretania o loo tusia
mai i lea lipoti. O le tupe ua faaalu le aoga (over spent),
o fea o iai le Kapeneta, o le totogi o le Tusiata, o
feagaiga, (Deed of Novation) o au foi ou te le
malamalama lelei i le upu lenei. Ae ona pau lava le
lagona na oo mai ia te au ina ua ou faitau atu i le lipoti a
le Suetusi, vae atu lava le faafofogaaga a Samoa ma le
Maota nei, se aua tatou te aumaia ni upu faaonapo nei e
ufiufi ai le amiotonu. O lea e iai le talitonuga e tatau lava
ona faia se suesuega i le amataupu lenei e uiga i le Fale
Meli. Aua foi a le aumaia le amiotonu o iina e faavae
mai ai lo tatou agai i luma ma lo tatou taumafai e toe
faaleleia sa tatou atiina ae.
O le itu tau vaalele sivili. Ia lau afioga i le alii Minisita.
Faafetai atu i lau afioga i le Fofoga o le Fono ma le
mamalu o le Palemene. Atonu o lena ua manino i le
saunoaga a le sui, o se faamatalaga e pei ona tuuina atu e
aumai lava lea i luga o le lipotoi a le Suetusi. O au foi e
le o atoa lou malamalama iai. O lea foi ou te tuuina atu
faafesili i le afioga i le alii Minisita a le lava le alii
Minisita ia fai se Komisi Suesue ina ia aumai se
faamaoniga aua o lou lava talitonuga e le na o au lea ou
te faitau iai i le lipoti lea. O loo faitau uma iai le Maota
lenei faapea foi le lautele o le atunuu. Atonu o lagona
lava ia te au o la foi e silafia e le lautele o le atunuu.
Ua ou faaaogaina le upu lea o le faaaogaina o le
amiotonu, aua o loo aumaia i le lipoti na ona tau mai,
olea e le o se upu logo malie le (misuse) ma le
(misappropriation). E sili la ona faamanino mai aua e le
faapea e iai se agaga ina ia tumai ai pea i le le tonu. Afai
e le o tonu ma e le o sao, e sili ona auiliili ona tatou
malamalama ai lea. O le fesoasoani atu lea e tusa ai ma
le tulai mai o le sui lea lau afioga i le Fofoga o le Fono.
Faafetai atu foi i lau afioga i le alii Palemia ona o lena ua
taua mai ua alo atu le Malo ina ia faia se Komisi Suesue,
o lena e faafetai atu ai.
Ona oo mai lea o se manatu i Vaalele Sivili. E leai ua
una foi ona auiliili mai e le tele o sui, ae ona pau lava lea
o sina mea lea e fia faafesili atu ai i le alii Minisita pe
mafai ona fesoasoani mai ai i lou sui nei. Pe mafai lava
ona aumai sina faamatalaga i le feagaiga lenei i le va o le
Polenisia ma le Ansett. A mafai ona aumai le feagaiga
lenei ua lelei tele lava. E fia malamala iai lou sui. Ou te
fia maua se malamalamaaga pe iai ma se feagaiga
faaopoopo poo ni vaega e aiaia ai i le va ma le Faletupe
ogatotonu ma le Ansett ma le Polenisia i le tulaga lenei i
le aveeseina atu o tupe maua a le Ansett mai le Polenisia
i fafo. O lona uiga pe iai se vaega i le feagaiga ua faia
faapitoa i le va o le Ansett ma le Faletupe Tutotonu e
mafai ai ona aveese atu a latou tupe maua mai totonu o
le atunuu.
Ona oo mai ai lea i le vaega tau vaa. E leai e tasi lava
sina vaega lenei. Ua taua e nisi ui le vaa lenei o le
Palolo. Ou te fia fesili atu i lau afioga i le alii Minisita
ona ua le atoatoa i au tusitusiga ma faamaumauga ua
tuuina mai ma ua ou faitau iai, pe mafai ona e aumaia i
luma o le Maota lenei o ai tonu lava e latou te umia le
vaa lenei? E pei ua tulai mai o le a tauave e le Malo le
galuega e iai le $51,000 lea e i totonu o le Tala o le Tupe
e aveese ai le vaa lea ma le uafu o le atunuu. E fia maua
ai lava se fesoasoani mai i lau afioga i le alii Minisita ina
ia maua se faamatalaga sao ma atoatoa e tusa ai ma le
vaega lea.
Ona oo mai ai lea o se manatu i le vaega lenei tau le
Atiinae ae. O le vaega muamua ua tuuina mai i le Tala o
le Tupe se $50,000 o lea tupe e tuuina atu e toe faafoi
mai ai i Samoa nei nisi o le atunuu sa faapea ona malaga
atu e galulue ma auauna i le tatou taumafaiga lea i le
Expo 88 i Ausetalia.
Saunoaga Faataupou Sui USufono 19861-2011
E fia maua lava sina faamatalaga atoatoa i le tala o le
taumafaiga lenei. Ae pe aisea foi le mea ua ala ai ona toe
faafoi mai le isi vaega o e sa iai i lea faamoemoe.
Ona oo mai lea o lau faamatalaga ao tatou iai lava i le
Ofisa o le Atiina ae. O le mea lea o le fesoasoani atu i
kamupani i atiina ae taumafai (assistance Industry). E
pei ona taua i le ua mavae le tupe lenei e tuuina atu i le
Falepia, e faapea o lea vaegatupe e tuuina atu e toe
faaopoopo ai sea o le tatou Malo. Ou te fia fesiligia lava
lau afioga i le alii Minisita poo le a lava le faiga faavae e
faavae mai ai le iai o sea o le Malo e le gata i totonu o le
Kamupani lea ao isi Kamupani uma lava e iai ni sea o le
Malo. Aua i le maitau atu iai le tele o tusitusiga ua
tuuina mai e le kamupani lea o loo iai se tupe maua. E
maua a latou tupe mama ma ua faapea ona tuuina mai ai
se vaegatupe o se tufatufaga e tusa ma le $320,000 i le
Malo. A fuafua atu i tausaga e tele i tupe ua tuuina atu
iai e le Malo masalo e fia malamalama pe aisea e ala ai
ona maualalo le tupe maua lea e toe maua mai. E maitau
atu e i le va o le 8% ma le 10%. O lona uiga a faapea o
au o le Malo ao loo iai le miliona lenei afai ona pau lea o
le tufatufaga ou te maua e sili ona ave lau miliona tala
lea e teu i le Faletupe aua e maua ai lau 17% poo le 18%
poo le sili atu foi. Ae toe tuuina atu le miliona lenei i
totonu o le Falepia ae na o le 8% e maua mai ai, atonu ua
faailoga fesili poo se mea tatau.
O loo iai le manatu e faapea e ala ona tuuina atu iai sea
o le Malo ona ia puipuia sea o le Malo ua uma ona iai i
totonu. Sei vae atu lava lau afioga ma le paia o le Fono u
atoa nei le sefulu tausaga o puipui o tatou sea i totonu o
le kamupani lea,mea faamatuu (incentive) o a uma lava
mea uma, ao lea foi o le a toe fai foi le isi sefulu tausaga
poo le a lava le vaitaimi e toe puipui ai. Afai ua le mafai
e le kamupani lea ona tutoatasi i lenei sefulu tausaga,
faamata ua alagatatau ona toe faaopoopo o tatou sea?
Aua o le ma lea ua toe tulai mai ua toe talosaga mai e toe
tuuina atu nisi (incentives) mea faamatuu. Ia ona faapea
lava lea ona alu ai lava ae le o tutusa ni tupe e maua mai
ai.
O nai fesili la ia ae o nisi fesili e iai i le mea lava lea, e
le gata i le kamupani lenei ao isi kamupani e iai le Malo,
pe aisea ua ala ai ona le tatala atu e le Malo ona sea...
Le afio o lau afioga i le Fofoga Fetalai faapea foi alii
Palemia ma le Kapeneta, le mamalu o le Palemene o
Samoa i Sisifo, faapea foi le afio o le Ao Mamalu o le
Malo o Samoa i Sisifo, faapea foi le afio o le Ao
Mamalu o Samoa i Sisifo ma le Sui Ao, ae tainane le
faafofogaaga a Samoa. I lenei itula e momoli atu lau
faafetai ona o loo faapea ona maua pea le avanoa e oe
tuuina atu ai se manatu e pei ona maua ai le avanoa e toe
tuuina atu ai se manatu i le vaiaso ua mavae.
Avea ia lenei itula ou te toe moli alofa atu ai i lou
Itumalo o Lefaga ma Faleaseela. Lau afioga i le Fofoga
Fetalai o le autu o ni mafaufauga ua ou tuuina atu i le
aso ua mavae faavae mai lava lea i sou talitonuga, o le
tiute autu o le Palemene ma le Maota lenei latou te
fauina Tulafono. O le tatou Taumafai lava lea ina ia
maua le soifuaga lelei poo le olaga manuia mo tagata a
nuu uma o Samoa, ia tatou maua ela olaga lelei aua le la
manuia o le atunuu atoa. O le sini autu lea ma le
faamoemoe autu lea o le atiina ae o le tamaoaiga o le
tatou atunuu.
Ao tatou iai la i le vaiaso ua mavae, ua ou oo mai i le
Mataaluega lenei o le fuafuaina o Atiina ae. O loo iai se
talitonuga o le Matagaluega lenei e aupito sili ona taua,
aua o le Matagaluega lenei latou te fuafuaina le lumanai
o le atunuu. O i latou e iai lenei matata o le fuafuaina o
le atiina ae, e tatau foi ona latou maua i le vaai mamao
poo le a le ituaiga soifuaga ma le olaga o loo faapea ona
moomia e le atunuu. Sa ou taua i le vaiaso ua mavae ma
e faapea ona ou faataatia atu i le Maota Fono i lenei
taeao, o loo iai lava lou talitonuga vaivai vae atu lava le
paia o le Palemene, o le soifuaga manuia poo se olaga
lelei e tatau ona atoatoa ai ona maua e tagata Samoa le
taumafa lelei, lavalava leleim ia lelei le mea e nofo ai,
maua le avanoa aua le puipuiga o le soifua maloloina,
maua le avanoa tau le aoaoga.
O le tele nei o mea e tatau ona faatauaina i le fuafuaina
o le atunuu ma le atiina ae. O lenei la taeao ou te momoli
atu le faamalo i le afioga i le Minisita o le Atiina ae. Aua
e ui lava i le tele o matata ao le Minisita lava lenei e
masalo e tatau ona tatou faapea, o ia e tatau ona iai le
vaai mamao. E tatau foi ona iai lona talitonuga i le
ituaiga soifuaga lelei e tatau ona iai le atunuu. Atonu
mafai foi ona tatou faapea o le Minisita lenei e tatau ona
faapea o se Perofeta, e tatau foi ona ia te ia le loto toa
aua le lelei o le atunuu atoa.
Lau afioga i le Minisita, i le Tala o le Tupe Faaopoopo
e pei ona tuuina mai, o le vaegatupe lenei e $50,000 e
faapea mo le sauniuniga o le Expo 88 o Ausetalia. O
lenei tuope ua faaaogaina e toe faafoi mai ai nisi sa suai i
lea taumafaiga. O le fesili e fia tuuina atu i lau afioga pe
mafai ona tuuina mai ni faamatalaga auiliili pe aiasea ua
ala ai ona toe aumaia nisi o i lato usa auai i lea
taumafaiga? E fia maua foi sina faamatalaga atoatoa e
tusa ai ma lenei taumafai atu a le Malo i le faaaliga lenei
i Ausetalia.
Ona oo mai ai lea o lau faamatalaga i le vaega lea i
fesoasoani e tuuina atu e le Mali le atiina ae o kamupani
poo faiga faapisinisi. Ua taua e nisi sui i totonu o le
Maota lenei le fale lenei e gaosia ai le pia. Lau afioga i le
Fofoga o le Fono ma le paia o le Palemene ae faapea foi
le faafofogaaga a Samoa i lenei taeao, ou te toe
faaaogaina lava le kamipani lenei e fai ma faataitaiga ina
ia faapea ai ona toe faataatia atu i luma o le Maota i lenei
taeao nisi o itu ou te fesiligia ai faiga faavae e tusa ma le
alo atu o le Malo e lagolagosua ma fesoasoani ma tuuina
atu ni tupe faamatuu i mea lava nei o kamupani ma
faiga-pisinisi.
O loo iai i totonu o le Tala o le Tupe se tupe e
$1,075,000 e tuuina atu lea i le Falepia. E moni lava o
l.ea vaegatupe o loo faaui atu lea i lalo o le Ofisa o le
Tupe, ao lalo o lau afioga o le Minisita o le Atiina ae o
loo iai le taitaiga o le atiina ae lenei. O le fesili o loo
faapea ona tulai mai, poo le a lava le faiga faavae e
faavae ai le toe tuuina o ni sea faaopoopo o le Malo i
Saunoaga Faataupou Sui USufono 19861-2011
lenei kamupani. Na taua e se tasi o sui mamalu o le
Maota, ua fesiligia ai pe mata ua talafeagai tupe mama
poo ni pasene foi o maua mai i ni sea o le Malo o loo iai
i totonu o le kamupani lenei? O le fesili la e faaopoopo
iai i le fesili atu lenei, poo le a tonu lava le faiga faavae e
tumau ai pea le iai o le Malo i totonu o faiga kamupani
faapenei? Aisea le mea e ala ai ona taumafai pea ina ia
tumai le sili atu i le 50% le sea o le Malo i totonu o le
kamupani lenei? Pe aisea foi ua le mafai ai ona tatala atu
nisi sea faaopoopo i tagata a nuu lautele o le atunuu, ae
taofi le Malo ia, taofi le tupe a le Malo e faaaoga i nisi
atiina ae e pei ona faapea ona saunoa iai nisi sui.
E le o po se lilo o le atiina ae lenei ua atoa nei le sefulu
tausaga talu ona faavae mai. O lenei atiina ae na faavae
mai e le Malo. E ioe lava lou sui ou te talitonu o le tiute
fai o le Malo i le amataga, o le faavae o ni atiina ae
faapenei e le mafai e tagata a nuu faapenei ona latou
faatuina, ua alagatatau foi i le Malo e gata ina faavae ae
taumafai e fesoasoani atu ma puipui iai. Ou te talitonu
foi e tatau ona iai ni vaitaimi e faamuta ai le tumai ai pea
o le Malo i totonu o kamupani faapenei.O lea la ou te
fesiligia ai lau afioa i le alii Minisita, pe toa fia nei i
latou e fai sea o loo iai i totonu o le kamupani lea,
aemaise lava i latou i totonu o Samoa nei? Pe mata ua
alagatatau afai ua toaitiiti le avanoa, ave lenei
faaopoopoga o latou tupe o loo faapea ona maua i lenei
vaitaimi latou te faatauina ai ni sea.
O se tasi o fesili faaopoopo o le puleaina o le kamupani
lenei ma le faafoeina o le kamupani. O loo maua i
tusitusiga a se tasi o e fai sea i lenei kamupani, o le
kamupani mai Siamani o i latou ia e iai le faafoeina ma
le puleaina o le kamupani, le mea foi lea e taua i le faaPeretania o le (management Contract).
I tusitusiga ma faamaumauga a le kamupani lenei ou te
fia talosaga atu i lau afioga i le Minisita, e ui lava ona ua
aumai lenei tala i le tupe a le kamupani ma ua faapea ona
auiliili mai ai tupe maua mal afoga ua lafo i le Malo ma
faapea ona faailoa mai ai tufatufaga ma tupe mama e
maua, ae ou te fia maua lava sina faamatalaga pe fia sina
vaegatupe e tuuin atu i le kamupani lea a Grauhaaso
latou te faafoeina ai le atiina ae lenei o le falepia, e fia le
latou pili (foe ae pe faapefea foi ona totogi?) Pe aveese
mai i totonu o le tupe atoatoa ae lei aveeseina le tupe
mama, ona faapea ai lea ona tuuina atu i lea kamupani.
Ou te matau atu foi i tusitusiga o lenei kamupani e ba o
le toatolu lava e mai fafo o le kamupani lea latou te
faafoeina le falepia atoa. Ona oo mai lea o sau
faamatalaga lau afioga i le Fofoga o le Fono ma le paia o
le Palemene, e le o po se lilo ae atonu e le o manatu fou
foi lenei, e tusa ai lava ma le atiina ae o le ava i totonu o
le atunuu. I tausaga ua mavae ina ua i totonu o le atunuu
ona o le a faapea ona maua tele le ava i totonu o le
atunuu. O lenei ua tatou oo mai i le tausaga e 1988, le
fale e gaosia ai le ava i totonu o Samoa. I a latou
faamaumauga i le 1987, o loo faapea ona taua mai ai le
aofaiga o le ava o loo gaosia i totonu o le atunuu. O le
ava o loo faapea ona gaosia i totonu o le atunuu, i le
tausaga e 1987, a faapea tatou te vaevaeina le ava na
gaosia i ttonu o le falepia lenei, e tusa e maua mai ai e
sili laititi i le 6 kalone e taumafa e le tagata e toatasi i
totonu o Samoa i Sisifo, vae ane lava le paia o le Maota,
mai e lava e matutua seia oo i le fanau iti.
E na ona ou faafesili atu pe mata o se tulaga lea ua
talafeagai ai ma le agaga o loo iai i le atiina ae o le
atunuu? E leai e le faapea ona o au ou te le taumafa ava,
ae ou te tuuina atu faafesili i le tulaga lenei, pe ua
talafeagai ai ea ona tatou toe faatele le faleava lenei?
Aua o le latou mau ua tatau ona toe faatele aua ua tele e
latou te taumafa ava i totonu o le atunuu. O le a ou le oo
atu i le tele o nisi o faafitauli ua aliali mai e tusa le ma le
taatele o le ava i totonu o le atunuu. Ae na ona ou toe
faatepa le Maota lenei, o le taimi lenei ua leai lava se
faleoloa vae atu le paia o le faafofogaaga a Samoa e le
mafai ona faatauina ai le ava. Ua leai foi se tulaga faapea
o iai ni tulafono e puipuia ai le faaaogaina o le ava lenei.
Vae atu lava soo se tamaititi lava ua mafai ona ali e
faatau, ua faapea foi ona faatau i aso uma lava e fitu e oo
i le aso Sa. O le fesili pe iai ea ni a tatou Tulafono e
puipuia ai le faaaogaiga e pei o isi atunuu..
E leai, e na ona tuu atu pea i luma o le laulau a fono e
pei ona iai. Ou te le lagolagoina le toe faateleina o le
atiina ae lenei i le kamupani lava lea e tasi. E lelei foi
ona tatala atu i nisi kamupani latou te tauva ma le
kamupani lenei. Ona oo mai lea o lau faamatalaga ao ou
iai i le fesoasoani lenei a le Malo e tuuina atu i le atiina
ae i le fesoasoani lenei a le Malo e tuuina atu i le atiina
ae o kampani poo pisinisi i ttonu o le atunuu. O le a tonu
lava le faavae……………..
Faafetai atu i lau afioga i le Fofoga o le Fono ma le
paia o le Palemene. E na ona ou fesoasoani atu i lou uso
a faipule, ua faamaumauina i tusitusiga a le kamupani
lenei o le aofaiga o le pia e gaosi e le kamupani lenei i
tausaga taitasi e amata mai i le 1984 seia oo mai i le
1988, o loo vaevaeina i on avaega nei, o le pia e
faaaogaina i totonu o Samoa nei, o le pia e faaaogaiga e
auina atu i fafo, ae faapea foi ma faguinu nei o loo
gaosia e le falepia lenei.
O fuainumera o le 1987, o le pia lava o loo faaaogaina i
totonu o Samoa nei, e 48,8100 hectre litres, e oso mai ai
lea i le 4,415 hectre litres, e oso mai ai lea i le 4,415
hectre litres o loo auina atu i fafo. Sao u faaaogaina la le
fuainumera lenei o le ava o loo faaaogaina i totonu o le
atunuu. O lea 48,800 hectre litres e 1,073,600 kalone i le
lelei foi le afioga i le faipule i le vaevae. A vaevae le
1,073,600 kalone i le 160,000 tagata, atonu ona soso ane
lava lea i le fuainumera lea na ou taua.
Faafetai atu i lau afioga i le Fofoga o le Fono. O le
vaega la lenei i kamupani poo pisinisi e faavae i totonu o
le atunuu, e faapea ona auai le Malo.
Lau afioga i le Fofoga o le Fono e leai e le o po se lilo i
le taua o le auai o le Malo, mai lava i le tala faasolopito
o lenei atiina ae o le Malo lava e taulamua i le faavasega
o atiina aae faapenei. O loo iai le lagolagosua ma le
fesoasoani a le Malo ae faapea foi ona puipui e le Mali i
ni vaitaimi ina ia faapea ona faamautuina le atiina ae ma
le alualu i luma o nei kamupani. O loo iai foi se manatu
Saunoaga Faataupou Sui USufono 19861-2011
sa faapea ona taua ma sa ou faalogo foi iai i le tele o
tausaga ua mavae, o se tasi o manatu autu e ala ai oma
fai sea o le Malo i kamupani faapenei o le talitonuga lea
o le Malo o le a iai se vaitaimi o lumanai ona faapea lea
ona toe tatala atu e le Malo i le lautele o le atunuu. Sa
faapea i le tele o tausaga le faavaeina o se kamupani, se
kamupani lava a le Malo latou e maua ai le avanoa e
faatauina atu ai sea o le pisinisi lenei i le lautele o le
atunuu. O le tulaga masani lava sa masani ona ou
faalogo iai sa taua ai le faatuina lea o se (National
Investment Corporation), o le fesili ou te fia tuuina atu
pe aisea lava ua le mafai ai ona faatulai mai lenei
fuafuaga? Aisea foi a le faatinoina ai ina ia mafai ai ona
iai aiaiga ma le avanoa e tata atu ai i le lautele o le
atunuu ina ia fai ni o latou sea i kamupani nei.
O itu nei e ala ai ona ou fesiligia le vaega lenei lau
afioga i le Fofoga o le Fono ma le paia o le Palemene.
Aua ua ou matauina i nisi o kamupani o loo iai sea o le
Malo ua faapea lava ona taofiofi, o loo iai foi nisi
kamupani sa faavae mai e le Malo, sa umia e le Malo le
tele o sea i lea kamupani ae ua tulaga mai ua tei lava ua
mou atu o la ua umia e nisi toaititi le tele o sea i lea
kamupani, ae ua le iloa pe na faapefea ona faamatuu atu
sea sa taofi e le Malo. O nisi la o fesili e fia tuuina atu.
Aisiea le mea ua ala ai ona taofiofi e na o le aufai sea
lava na ai kamupani faapenei ona taofi ba o latou e umia
sea i kamupani nei? O le a le mea ua ala ai ona le mafai
e le Malo ona faatumauina e le Malo pasene o le tele o
sea e taofi e le Malo i nisi o kamupani nei. Ou te faia ma
faataitaiga le kamupani lenei o le Nationa Pacific
Insurance, le kamupani Inisiua i totonu ole tatou atunuu.
Na pasia e le Palemene lenei se Tulafono ina ia faatulai
mai ai le kamupani lenei ma ia puiapuia ai, e oo mai i le
taimi lenei o loo puipuia le kamupani lenei ao le
kamupani lenei ua le o toe sili ni sea o le Malo o loo iai
ae ua pulea nei e ni nai tagata toaitiiti lava. O nisi sa iai i
totonu o le atunuu lenei, ma nisi foi lava o le atunuu
lenei na latou iai i le faavaeina e le kamupani lenei, ao
lea ua tulai mai ua pulea e i latou le kamupani lenei ma
faasaina ai nisi kamupani Inisisiua ona o mai i totonu o
le atunuu.
O lea ou te faatalosagaina ai lau afioga i le Fofoga o le
Fono ma le paia o le Palemene, pe o se mea ua alaga
tatau le mea lea? Ua le o toe pulea e le Malo nei
kamupani e pei o le kamupani lea, e sili loa ona ia aua
nei toe puipuia i se Tulafono, e sili lea ona ina ia aua nei
toe puipuia i se Tulafono, e sili loa ona tatala. Aua o le
molimau uma lava a i tatou i le Maota lenei ua taugata
tele mea o Inisiua i lenei vaitaimi, ao mea e
faatulafonoina e tatau lava ona fai, e le gata i le inisiua o
le fale, ao le inisiua o le taavale ma le tele lava o le mau
ituaiga inisiua e tatau ona fai, ae ua na o le tasi lava le
kamupani lenei e faamalumnalu ma puipui iai le Malo. O
lea la lau afioga i le Fofoga o le Fono e faaui atu ai le
fesili lenei i le afioga i le alii Minisita e fitoi tonu iai, ou
te fesiligia lava poo lea a le faavae e faapea ona faavae
mai ai le tulaga o iai kamupani nei.
Ona oo mai ai lea o se tasi o fesili autu ou te fia tuuina
atu i le Maota lene. I le tele o tausaga sao u faalogo pea
o iai se faaupuga faapea o loo iai se tulafono, ma ua iai
tulafono e puipuia ai kamupani fou ua faatuina aemaise
lava kamupani e iai e fai sea mai fafo. Sao u talitonu
lava au ua iai se tulafono e faapea mai lea tulafono e le i
lalo ifo o le 50% sea e taofi e tagata a nuu o Samoa.
O au ua ou tei ina ua ou faaloho atu i se tasi o le Maota
lenei o fesili, pe aisea ua ala ai ona tulai mai le kamupani
lenei o le Fletcher, ao le kamupani e pulea mai fafo? Ona
faapea lea ona ou sailiili iai, e nba o se faiga e pei o se
(policy) faiga faavae e iai ae lei faia se tulafono, e faapea
mai ai o kamupani uma lava e iai ni sea o nisi mai i fafo
e tatau lava ona 50% e taofia e tagata Samoa. O le fesili
la afai o se mea lelei lea ma talafeagai mo le atunuu, pe
aisea ua ala ai ona le faia se tulafono i le tele o le mau
tausaga aua o le faataitaiga e pei ona saunoa iai nisi o le
lautele o le Maota lenei, o le pulea lea e nisi
faalapotopotoga mai fafo nisi kamupani tetee i le atunuu
lenei.
Ua tatou faalogo soo i le Malo o Nauru lea ua le gata
ina faatu mai ni kamupani tetele i totonu o le atunuu ae
ua faapea ona faatau eleele o le atunu ma latou puleaina.
Sao u laga i le vaiaso ua mavae le faatauina o laufanua
foi nei ma le fale o Pipi (Burn Philip). O loo maua i ni
faamatalaga e faapea o le tupe na faatau ai le fanua lenei
ma le fale lenei na nonoina mai i fafo. O le fesili la, a fai
fai ae faaletonu i latou o loo faafoeina le atiina ae lea o
lona uiga e sau le kamupani lea latou te toe avatu le
eleele lenei ma meatotino nei i totonu o le atunuu? O le
kamupani a Fletcher ua uma ona ou taua. Ou te toe fia
fesili atu e pei ona taua e se tasi o suo a faipule, aisea ua
tulaga mai ai faapea? Afai o iai ni kamupani Samoa o iai
i totonu o loo latou faifai mea faatasi ma lenei kamupani,
ae poo ai foi e aupito i tele sea i totonu o lenei
kamupani? U aou taua le National Pacific Insueance e
faapea foi i le Faletupe o le Pacific Commercial Bank. E
42% e taofia e le Fale mai Ausetalia, e 41% e taofia e se
Faletupe mai Hawaii ae na o le 18% o loo iai i tagata a
nuu o le atunuu lenei. E na ona ou faataatia atu faapena i
luma o lau afioga faapea le paia o le Maota i lenei taeao.
Ona oo mai lea o sau faamatalaga i le vaega lenei e pei
ona iai i le atiina ae o le atunuu i le fesoasoani i le atiina
ae o faletalimao. Lau afioga i le Fofoga o le Fono ma le
mamalu o le Palemene aemaise le faafofogaaga a
Samoa. O le atiina ae o tagata tafafao mai e le o se mea
fou. Atonu e leai foi se manatu e ese mai ai o le
talitonuga o le atiina ae o tagata tafafao mai e iai le
tamaoaiga e maua mai ai. E maua ai galuega, e maua ai
foi tupe nei e taua o tupe mai fafo. Ua talitonu lava o
tupe mai fafo e taua tele aua le atiina ae o le atunuu. Ou
te toe faatepa le Maota lenei taeao, o loo silafia lelei e le
Maota lenei ma le atunuu le fesiligia o le talafeagai o le
atiinae o e tafafao mai e pei ona iai. E le o se mea fou, a
tatou toe tepa i tua i le 26 tausaga ua mavae nei i le
vaitaimi muamua ina ua tulai mai le atiina ae lenei, sa
faapea ona tetee tele iai le Maota lenei, sa faapea foi ona
faailoga fesili i le atunuu. Aisea? Aua foi e iai ona
Saunoaga Faataupou Sui USufono 19861-2011
faafitauli ma ona itu e le lelei ai le ituaiga atiina ae lenei.
E leai o lena ua uma ona saunoa ma fetalai iai nisi sui o
le Maota lenei i le itu e aafia ai le tatou aganuu, o le itu i
uiga o tagata e faapea ona tafafao mai i totonu o samoa
nei.
O le tulaga tonu lava lau afioga ile Fofoga o le Fono, ua
iai lou lagona ua ala ona tatou talia le atiina ae o Turisi i
se tulaga maoae e pei ona tulai mai ai i le taimi lenei,
ona ua faaletonu isi a tatou atiina ae, i vaitaimi lava eo
tulaga lelei faatoaga a le atunuu, ma le vaitaimi o tulaga
lelei fua o faaeleeleaga a le atunuu, sa leai lava se isi o le
Maota lenei e faapea mai a mea la tatou taumafai e atiina
ae faletalimalo ma e o tafafao mai i se tulaga e pei ona
iai le vaitaimi lenei. O le mea e iai le popolega laua fioga
ona ua avaea le faaletonu o isi a tatou taumafaiga ma
mea ua tatou liliu atu ai e apo ma sii i luga le atiina ae o
e tafafao mai. O lea la ou te fia faafesili atu ai i le alii
Minisita; poo ua uma ona saunia se ata, poo se plan o le
atiina ae o le itu tau i faletalimalo ma e tafafao mai i
totonu o le atunuu lenei, afai e iai se ata ua faataatia, pe
mafai ona faataatia mai i le Maota. Aua o lou lava sui ou
te malamalama i se faavae poo se ata a uma ona faataatia
aua le agai luma o le atiina ae lenei i ni faiga e puipuia ai
le aganuu ma le lautele o le atunuu i itu tatou te talitonu
e le lelei tele ai le ituaiga atiina ae lenei.
Lau afioga i le Fofoga o le Fono e le o po se lilo, o le
atiina aeina o faletalimalo ma mea uma lava e faatino ai
e tafafao mai i totonu o Samoa nei, e faitau miliona tupe
e alu ai. Ae atonu e leai foi se tasi e tetee i se taofi faape
o nei tupe e faitau miliona e faaaogae atiina ai
faletalimalo ma mea uma lava e lagolago i le ituaiga
atiina ae lenei, e le maua uma i totonu o Samoa nei. Sa
saunoa lou uso a faipule ma taua ai se taumafai i lona
itumalo. Sa saunoa ai ma taua e faapea e leai lava se
penbe apa o talosaga mai ai lenei taumafaiga e avatu i le
malo, ao lea e $60 i le $70miliona le tupe e faaalu i lea
atiina ae. Atonu e tatau ona iai se lagona faapea poo le
faiga tonu e o mai lava latou mai fafo e fai le atiina ae
ma lau mai uma tupe e fai ai, ae alo atu le tatou Malo
tatou te lagolagosua e pei o mea nei e pei ona talosaga
mai ai le uso a faipule lea ina ia faaleleia auala, ina ia
faao atu iai le eletise, ina ia faaleleia le itu tau malae
vaalele. O lena e ona saunoa le tele o sui, e faitau fia
miliona a tatou tupe ua alu i le malae vaalele ma ua le
mafai ona tatou toe solomuli, ua tatau ona tatou agai i
luma.
Ou te talitonu lava lou nei sui o le matafaioi lava a le
Malo ia na ona fesoasoani atu i atiina ae lenei i auala, o
le vai, malae vaalele, ma le eletise. Ou te talitonu foi o le
fesoasoani sili e mafai ona fai e le Malo. Aua foi o le
fesoasoani atu o le Malo i atiina ae lenei e le gata ina ia
faaleleia ai ma maua ai vaega taua nei aua faletalimalo
ma le atiina ae o vaega uma lava o le itu tau tagata
tafafao maimoa mai, ao mea foi nei e faamanuiaina ai
alalafaga ma nuu. E iai lou talitonuga faavae e le tatau
ona tatou fesoasoani atu i le fauina o se faletalimalo ae ia
ave le faamuamua i le atiina ae o mea e manuia ai ma e o
loo iai i alalafaga nei. Aua a lelei le auala e manuia ai foi
le mea o iai faletalimalo, a alu foi le eletise, e faapena foi
ona manuia i matou o loo iai. O lou lea talitonuga e tusa
ai ma atiina ae faapenei.
Ana onosai mai lava lau uo lea, e fa laupepa o le
faletalimalo o le Royal Samoa lea o le a ou oo atu iai, ae
iai lava si vaega itiiti lea e totoe. Leai ou te lei fai atu ou
te tetee i se mea. O le agaga lava lea e avatu e lou sui o
au o le sui fou e na ona ou faaali atu sou manatu poo sou
taofi ma ou talosaga atu ma ou faufautua atu.
Ao lei oo atu la iai i le faletalimalo o le Royal Samoa,
faafetai lava i lau uo aua sa Minisita foi i le taimi lea. O
le matou itumalo i Lefaga ma Faleaseela, e tai oo atu
lava i le 300 ma le sili atu tagata tafafao maimoa mai, ae
paga lea e aupito leaga lava le matou auala. E leai se
matou eletise. O lena 300 tagata e o atu i aso uma e
tafafao atu i o, e fai lava a latou faamatalaga ma latou
saunoa faapea; manaia tele lava le itumalo lenei ae pe
aisea lava ua le alofagia ai e le latou Malo sei fai so latou
auala ta, sei too atu foi sina moli sei faapea atu le Malo,
ae fesoasoani atu i mea faapenei, sei vae atu lava le paia
o le Maota ma le faafofogaaga a Samoa, o le a o atu nei
Turisi e tafafao atu o tagata e maumea ae nofonofo mai
lo matou itumalo o la e moomoo i se tasimi e maua ai
sina auala ta e mafai ai ona matou savavali, sei fai ai sina
eletise sei maua ai sina vai aisa o lo matou itumalo. O
mafuaaga ia e faavae mai ai lou taofi lau afioga.
Ona ou oo mai lea i le faletalimalo o le Royal Samoa.
Ua 17 tausaga o faapea ona fai. Ou te talitonu ma e le
suia lou talitonuga o iai e pei ona saunoa le sui lea, o au
ou te i le Komiti o Tupe, tuuina atu le tupe e tuuina atu
faaunegatupe (loan). Afai e tuuina atu faasea, aua, tuu.
Vae atu lava le paia o le Maota lenei. Ou te faatulou atu
foi i le susuga Mr Hadley. Nei faapea lenei tamalii e iai
se agaga eleelea. Ao lou lava talitonuga e mafai ona ou
faapea atu nei faa Peretania. (Hadley must put up or get
out). O lou lava lea manatu. Ua 17 nei tausaga. O au o le
sui fou. Atonu e mafai ona ou faapea atu, Hadley ua
eleele atunuu o Samoa i Sisifo i faigamalo uma e oo mai
lava i le taimi lenei. Avatu le tupe avatu e nono.
O lea ua saunoa le Maota lenei e taumafai le Malo ia
soso ese ia aua nei auai. Ia a toe invest foi na tatou invest
foi i le faletalimalo o le Tusitala. O le a le mea oo iai?
Faafetai atu i lau afioga i le Fofoga o le Fono. E pei la
ona ou taua o le faavae o lou taofi ina ia tuuina atu i se
tupe nono poo se loan, ona o le fesili lava lenei e tulai
mai pea; pe aisea lava ua ala ai ona 17 tausaga ae ua le
mafai e le Susuga Harley ona tuufatasi ni tupe mai ni
kamupani eseese e mafai ai ona faatino le atiina ae lenei,
ao lea ua tuuina atu uma lava iai e le Malo, toetoe lava
ina faapea atu le Malo ia Hadley sau ia e ave uma Samoa
ma oe, o lea ua tatala atu iai le avanoa.
Ua matua tuu faasamasamanoa lava ua pule lava ia i le
mea e fai. Ao lea lava e tulaga mai ua le mafai lava ona
faatino le atiina ae lenei. O le tulaga la e iai o au lava ma
lou sui ou te fesili pe aisea ua le mafai ai e le Susuga
Hadley ona sue mai se tupe e faatino ai le faletalimalo.
Aisea ua le o mai ai ma nisi e iai i atiina ae faapenei
latou te faifai mea faatasi e ave ni a latou tupe e invest
Saunoaga Faataupou Sui USufono 19861-2011
ai. O loo iai lou talitonuga ua fesiligia pe o se atiina ae
lelei pe mafai ona toe maua mai tupe e tuuina atu iai. A
lea ua saunoa mai le sui le la. O lea ua o mai lea
kamupani $60 i le $70miliona. E le o fai mai a aitalafu
atu iinei se tupe o lea lava e o mai i latou e fai i luga o le
latou talitonuga o le tupe e toe maua mai. Ao lea ou te
fesiligia lava pe mata e maua se tupe mai luga o le atiina
ae lenei.
Ou te faamalulu atu i lou uso a faipule le afioa Asi e pei
ona saunoa e leai ele o se isi itu, ae ona pau laba lenei.
Ua umi tele le taimi o tatou faatalitali. I le matau atu foi
iai i le faasoasoaina o i latou e fai sea i le faletalimalo
lenei ma le agaga maualalo lava. Ia e faapefea ona ave
ane le $2miliona a Hadley o loo iai o le tau lea o le fanua
ona pulea ai lea e ia le mea atoa, ao lea o le a tuuina atu
le $5miliona Amerika a le tatou atunuu iai? O lea lava
ou te talitonu au afai e faatino le faletalimalo lenei i luga
o le tulaga e nono atu le tupe, e tatau ona pule ai lo tatou
Malo. E ala foi ona mafai ona tuu mai le tupe lea e
tuuina mai e le OPIC, i lou lava malamalama iai i le
faiga a le faalapotopopotoga lenei ana le o Samoa lea e
fai e le mafai ona ioe mai e aumai sa latou tupe iai. O si
ou le manatu vaivai e tusa ai ma le tulaga lea.
Ona faaiu atu lea o se manatu i le mea lava o le atiina
ae o le faletalimalo, lau afioga i le Minisita o le
faletalimalo o le Tusitala. O lea lava foi lea na ui mai ai
le faletalimalo lea. Ou te fia fesili atu, o ai se aufai sea o
iai i le taimi lenei ao a foi vaevaega o sea o i latou o loo
iai i le taimi lenei? Ou te fia iloa foi poo ai i latou o loo
faafoeina ma latou faatinoina le faletalimalo lenei, ae pe
fia le latou tupe maua?
Aua o le mea lea e aliali mai i le fuafuaga lea ma le
Royal Samoa o lea e tulai mai o le kamupani lea e taua o
le Moibl mai Ausetalia e aliali mai e na ona o mai aua o
latou lea e faapea latou te faafoe ma faatino le
faletalimalo ae tau mai le latou totofi (fee) oka, oka, 10%
toe faaopoopo ma le isi 3% fai i luga oe tusa lava pe gau
aua o le mea lea ua tatou iloa i le Tusitala Hotel. Sa iai
foi isi kamupani sa latou faafoeina, e le gau lava se
(Management Contract) pulega, aua foi e fai mai le latou
totofi (fee) i luga o le tupe aofai e maua. E f ai muamua
lava le latou tupe e ave, ia a avene lava ua leai se tupe
mama ia ona ua pau lava.
Ona oo atu ai lea o lau faamatalaga i le itu tau Tupe, lau
afioga i le Minisita o tupe. O le tele lava foi o nisi vaega
sao u laga e faapea foi ona talitonu o le a fesoasoani mai
lau afioga iai. O le vaega muamua, o le Faletupe o le
Atiina ae o Samoa i Sisifo. O loo taua mai i totonu o le
Tala Faatatau Faaopoopo o le Tupe se vaegatupe e
$831,260 e tuuina atu i le Faletupe o le Atiina ae oe toe
totogiina ai tupe ma le iloa i le 1985. O loo fape mai e
ala ona fai lea fuafuaga ona ua uma ona fai iai le aiaiga
ma le feagaiga ma le faletupe o Asia. O loo iai foi i
totonu o le Tala Faaopoopo lava lea o Tupe le $616,000
e tuiina atu mo le faatele ai o sea i totonu o le Faletupe o
le Atiina ae. O loo iai foi ma se $16,740 e faapea e totofi
ai tupe le iloa i le mea tau tupe faaagaga mo fefaatauaiga
ma fafo.
O le tuu aofaiga o lea tupe ua tuuina atu i le Faletupe o
Atiina ae e $1,464,000. O se tupe tele ela. Sa taua e se
tasi sui e faitau i le $6miliona le tupe lenei e le o maua.
O le tupe atonu e mafai ona faapea e faitau atu o le a le
iloa. O lenei ua tuuina atu lenei tupe, o le tupe e totogi ai
le tupe na le iloa poo le tupe pau a le Faletupe o le Atiina
ae. Lau afioga i le alii Minisita, afai ua fai faafeagaiga e
totofi e le Malo, o le a faaaoga lava a tatou upu
faaonaponei sei vae ane le faafofoga a le atunuu, le gau o
le Faletupe o le Atiina ae, pe tuu atu ea le tupe lenei a le
Malo ma se aiaiga pe leai. Ae a pe a tuu atu ia le tupe
lenei ma se aiaiga faapea; Matua soloia ese loa i latou
nei na aitalafu e fai ai le pasio, Aua o lea ua tatou iloa e
le toe mafai ona toe maua mai. Afai la o lea e iai le
feagaiga e faamalosia ai le Malo e toe faatumu ai tupe
pau a le Faletupe o le Atiina ae, ae a pe a tuuina atu ina
ia faapea ona faamalagalo ai ina ia toe maua le avanoa e
i latou le aufai-faatoaga e toe taumafai e atiina ae.
Ona oo mai lea o lau faamatalaga lau afioga i le alii
Minisita i tupe lava nei o le STABEX. Sa tautalagia foi
ma sa iai se faamatalaga i le taimi ua mavae. O ni nai
faafesili e fia tuuina atu i lau afioga. E fia ea se tupe ua
tuuina mai e oo mai i le taimi lenei e ui mai i le
STABEX talu lava ona amata? E fia se tupe na tuuina
mai i le 1987? Ae pe fia foi se tupe na tuuina mai mo le
1988? O loo ou matauina i le Tala Autu o le Tupe o loo
iai le $4.5miliona o loo iai e faapea o le tupe lea e aumai
i le STABEX. O le Tala Faaopoopo o le Tupe o loo
tuuina mai ai le $1,520,000 e faapea o le tupe foi mai le
STABEX.
O si au fesili lava ma le faaaloalo, O le a le mea na le
tuuina ai le tupe lea e $1,520,000 i totonu o le Tala Autu
o le Tupe pe afai sa isi iinei i le taimi le. Ana faapea e
leai se Tala Faaopoopo o le Tupe o fea e tuuina iai le
tupe lea? O fea e tuu ai ae pe faapefea foi ona faaaoga?
O le fesili mulimuli, pe sa aiaia e le Palemene i le
tausaga e 1987 le tupe atoa lenei a le STABEX ;e
$4.5miliona faatasi ai ma le $1.52miliona? Pe sa f ai iai
se finagalo o le Maota lenei i le vaevaega o le tupe lenei?
Ona oo mai ai lea o lau faamatalaga i le itu tau lafoga.
Ua faapea ona faaalia e se tasi o sui i totonu o le Maota
lenei, o loo iai se lipoti ua uma ona saunia e se Komisi sa
latou aiaia mea uma lava tau lafoga, e le gata i mea tau
lafoga ao mea tau tiute. O lea ou te fia talosagaina lau
afioga i le Minisita pe mafai ona faataatia i le Laulau a
Fono i le Maota lenei se kopi o le lipoti lenei ina ia
faapea ona tatou auiliilia. Ua tatou faaloho i totonu o le
Maota lenei ae saunoa sui mamalu i le maualuga tele o le
tau o le soifuaga. Ua faapea foi ona faaalia nisi taofi e
mafai ona tuu mai i lalo le tau o le soifuaga pe a tuutuu i
lalo mai i lao le tiute o totogi o mea e aumai ai i fafo. O
lou la naunauga ia vaai i le lipoti lenei, poo le a tonu lava
ni a latou fautuaga o iai ina ia faaitiitia ai lafoga pe iai
foi ni a latou fautuaga e tuu mai ai i lalo le tiute o oloa e
aumaia i totonu o le atunuu.
O loo iai lava lou talitonuga faasui, e iai lou lagona e
tatau ona toe tuu mai i lalo lafoga, toe tuu mai i lalo tiute
o oloa e faaulufale mai i totonu o le atunuu. Ou te tuuina
Saunoaga Faataupou Sui USufono 19861-2011
atu faafautuaga e tatau ona tuuese uma lava tiute mal
afoga o le aufaifaatoaga. Ia matua aveese uma lava, aua
nei oe faia ni tiute o a latou taavale afi, aua nei toe faia
ni tiute o mea e faaaoga i faatoaga. Aua o loo iai se
faamatalaga o le lipoti lea o loo toe aiaia ai pe tatau ona
toe faatuina mai le faiga o ni lafoga a le aufaifaatoaga. E
faavae lou taofi ma faaali atu e faapea; ia aveese uma
lava lafoga ma aveese tiute mo le aufaifaatoaga aua e iai
lou agaga a le atuuina atu e le Malo se faamama avega i
le aufaifaatoaga atonu o le a lava a tatou taumafaiga ina
ia atiina ae le laueleele o le a faigata lava.
Sa ma malaga atu ma se tasi Minisita o Faatoaga i se
tausaga ua mavae i le atunuu o Meleisia, e iai le latou
taumafaiga latou te fuafuaina ai ia aua nei iai se tupe
maua a le aufaifaatoaga ia aua nei pau ifo i le latou faitau
o se fuainumera ua uma ona latou fuafuaina e tutusa ai
ma le lautele o le atunuu. O Meleisia e $30 i le masina.
O iina i le fuafuaina o le tau o le popo, o le tau o le koko
ma mea uma laba tau i le atiina ae o mea tau faifaatoaga
e fia lava la ia maua e faifaatoaga uma lava e tusa lava la
o lona taui lea ia maua i masina uma. Ia aua nei i lalo ifo
ole $300 i le masina poo le $3,600 i le tausaga atoa.
Faafetai atu, e le o iai se manatu e faapea o le a le
totogia se lafoga a le atunuu atoa. Ua saunoa le alii
Minisita o tatou uma lava o faifaatoaga. E eseese ituaiga
faifaatoaga. O le isi faifaatoaga na o le tau lava ae leai ni
fua o maua mai i sana faatoaga. O le talitonua e ia te au e
leai e aveese le lafoga ma le tiute mo le aufaifaatoaga o
loo galulue mo le taimi atoa i le atiina ae o a latou
faatoaga ina ia aveeseina tiute o mea e fai ai faatoaga. E
pei ole agaga lea o le manatu.
Ona oo mai lea o sa faamatalaga e na o sina fesili
puupuu lava e tusa ai ma le Ofisa lenei o le Taui o
Faalavelave Faafuasei (ACB). Ua matau atu lau afioga
ua manuia lava lenei Faalapotopotoga e tele lava a latou
tupe faaputuputu, o lea e fia faafesili atu ai ai aua o lea
foi ua agai atu latou e pei foi o se isi NPF. Ua o foi latou
e faatau o latou fanua ma fai o latou fale tetele ma mea
faapea. O le fesili; pe o le mea ea lea na ala ai ona fai lea
Faalapotopotoga ina ia faaputuputu ni a latou tupe e ave
foi lea e toe teu ma ave e toe faatau ai nisi meatotino? Pe
le o le agaga ea na ala ai ona faatu le Faalapotopotoga
lea ina a fesoasoani atu i le atunuu i le taimi o ni o latou
mafatiaga i faalavelave faafuasei. O le faataitaiga o
matou o le aufaifaatoaga, ae a pe a sei fai ane se
fuafuaga a le Faalapotopotoga leleni pe le maua sina
fesoasoani mo le aufaifaatoaga poo le tagata faifaatoaga
i le taimi lea e lavea ai i le galuega ae ua le mafai ona toe
faaauau e galue ae ua leai se tupe e fesoasoani e tausi ai
le toalua ma le fanau.
Ona oo mai ai lea o sau faamatalaga i le mataupu ua
faapea ona taua soo i totonu o le Maota lenei, o atiina ae
tumaoti. O pisinisi poo kamupani a tagata taitoatasi. O le
upu faa-Peretania foi lenei ua fai ma agaga a le atunuu o
le (privatisation). Manaia tele a le upu lea. Aua o lenei
foi lava taimi e iai lava faiga fou ma upu fou e oo mai i
le gagana Peretania. O le isi la lea, ua iai nei i totonu o le
atunuu se talitonuga e faapea ona faamatuu atu nisi o
taumafaiga a le Malo i tagata taitoatasi e fai ai ni a latou
pisinisi ma ni fuafuaga e faafoe ma faatino. E ioe lou sui
i le talitonuaga afai e i ai ni tulaga faapisinisi e toe tulai e
i ai le Malo, e ave lava le iaia le taimi e oo ai ina tulaga
faaletonu. E ala ona tulaga faaletonu ona o le aafia i mea
tau polokiki.
E leai, ou te le tetee foi la i le tulaga ua tulai mai, ae ina
ia taumafai ona faatumaoti le tele o atiina ae nei. Na ona
ou faapea laa ona ou fesoasoani atu i lau afioga a le alii
Minisita e i ai le talitonuga o atiin ae tumaoti faapenei i
faiga faapisinisi i faiga faapisinisi faapenei e manuia, e
mafai ona maua le tupe maua, ae ou te fesiligia se tulaga
e tumaoti ai ae e tumatoi na o latou lava, e na o le tasi
lava.
O le upu faa-Peretania foi lenei o le fai o se
(monopolio). Aua foi o le taimi sa tulai mai a isa na o le
Malo, na puipuia i le Tulafono a le Malo. E i ai la le
lagona faapenei afai o le a tumaoti ma faatutoatasi,
aveese la puipuiga a le Malo. Tatala, aumai ma nisi
kamupani laltou te tauva. E pei ona i ai le talitonuga tonu
ma le faavae tonu o le mea lava lenei o le (privatisation).
E pei o le faataitaiga e pei ona ou taua i le taimi ua
mavae e i ai le kamupani Inisiua, e i ai le kamupani lenei
o le Falepia. O lou lava sui ou te talitonu lava au e lelei
ona (privatise) ae ia (privatise into a free market), ia
faapea ona tauva, e lelei foi lea tatou te maua ai le tau
lelei tatou te talitonu e talafeagai mo i tatou aua o tatou e
faatauina.
Ona oo mai ai lea o sau faamaalaga i se faataitaiga sili
lava o le faatinoina o le (privatisation) poo le taumafai
lea ina ia tumaoti. O le kamuopani lea o le SPDC. Atonu
o le kamupani muamua lea ua tino mai ai le taunuuga o
lea fuafuaga a le Malo i taimi ua mavae ina ia faataunuu
le mea lava lenei o le (privatisation). Aua i lou lava
malamalama i ai, ua ala ona muamua faatau ese atu ma
le Malo le kamupani lenei ona ua gau, vaeane lava le
paia o le Maota lenei ma le faafogafoga a Samoa. Ua ala
ona tuuina atu ona ua gau.
Faafetau lava i lau afioga i le Fofoga o le Fono, Ua ave
atu le faafetai ma le faamalo ua maua foi le isi uopu fou
mo au i lenei taeao, O le a faaauau atu lau faamatalaga,
atonu o ni manatu ou te faaalia masalo o le uiga lava lea
o le upu fou lea ua ou taua.
O le tulaga masani e pei ona ou taua, o le kamupani
lene isa faafoeina e nisi sa iai le tomai faapitoa mai fafo.
O le tele o tausaga o latou faafoeina le kamupani lenei.
E pei la ona ou taua o e sa latou faaoeina le kamupani
lenei, o i latou ua iai le tomai faapitoa, o le (expert). O le
feili la ou te fia tuuina atu; afai ua faaletonu le kamuoani
lenei o lona uiga ea ua le lelei ua faaletonu i latou ia na
aumai e faatinoina le kamupani lenei? Ae e le o po se
lilo i lau afioga i le Fofoga o le Fono, o i latou nei o ni
totofi maoae na tuuina atu iai, sa faapea foi ona tuuina
atu iai nisi o faamanuiaga mo galuega lava nei, ao lea ua
tulaga mai ua le manuia le kamupani. O le fesili la, o lea
ua faamatuu atu ae ua tuu atu i alo ma fanau a le atunuu i
luga o le talitonuga e mafai ona latou faia. O loo iai la
sou lagona faapea, ao lei oo atu ina faamatuu atu pe
Saunoaga Faataupou Sui USufono 19861-2011
privatise pe demolish le SPDC, pe aisea na le aiaia ai e
aumai alo nei o le atunuu latou te faafoeina le kamupani
lenei. O le a le mea na le privatise muamua ai lava ia
latou nei. Afai ua iai se tasi ua iai le tomai maoae i le
atunuu lenei, ave iai le totogi maoae, ave iai le taavale
afi, ave i ai le fale, totogi fua aoga a lana fanau, ava i fea
ma fea, tasi le tausaga ma o e malolo, aisea le mea na le
tuuina ai i latou nei iai?
Sa saunoa se tasi o sui i totonu o le Maota lenei i aso ua
mavae, o le faatauaina o alo o le atunuu e iai o latou
tomai. Ia o lea ua gau nei le kamupani, ua gau i lima o i
latou na o mai mai fafo.
Faafetai atu. E moni le sui lea sa faasalalau ma e na oo
lava iai le sui. Ao loo iai i totonu ole Tala o le Tupe lea
le tupe e $1,400,000 (overdraft) a le SPDC. A la lea lau
afioga a le Fofoga o le Fono, o le a la le mea na le avane
ai le tupe lea ae o mai Letiu ma isi o le atunuu e o e fai le
kamupani? Ao lea lava ua avatu iai e le Malo tupe iai. O
le tau aofai e pei ona ou faalogo iai e $1,400,000 ma le
isi $1.2miliona lea e fuafuaina e maua mai i le tau o mea
ia e faatauina atu i tua.
Ao le autu lava o lou taofi lau afioga i le Fofoga o le
Fono. O le laasaga muamua lava i le faatinoina o le
(privatisation) afai ua le lelei i latou ua latou faafoeina
ona toe aiaia lea o sui o le pulega (Management), e sui e
i latou e faatinoina le kamupani. O le tulaga masani lava
lea i soo se atunuu. Aua foi afai ua faaletonu o lona uiga
ua leaga le pulega. Aua la le faamalepeina muamua le
kamupani ae muamua sui le pulega sei vaai iai. Afai ua
le manuia ona o i latou ia mai fafo, ia saili atu nisi e lelei
latou te faia ae ia tuu atu iai le taui latou te taliaina ai.
Aua e iai lou talitonuga o i latou uma ia ua faatau atu iai
le SPDC ua ao ona latou alo atu e faatinoina nei atiina ae
aua ua talitonu i latou e maua ai le tupe maua, e maua ai
lo latou manuia, e maua ai le latou tupe mama.
O le a lea le mea a le aumai ai muamua tagata nei, e pei
ona iai le afioga i le Faatonu Sili o le Ofisa o Galuega, o
lena ou te faalogo o ia lena o loo iai i se kamupani ua
faapena ona faatau atu iai nisi o meatotino a le SPDC. O
le a le mea na le aumai ai ia e sau na te pulea le SPDC?
Poo nisi o alo ma fanau a le atunuu, ave iai se $50,000 e
pei o totogi o i latou ia mai fafo. Ave isi ma le taavale
afi. Vae atu lava le paia o le Maota masalo ai e lelei tele
lea totogi e le talafeagai ma e le masani ai alo ma fanau a
le atunuu. Ai ua felesi tele le taavale lea mo se alo o
Samoa e pulea le kamupani, ai o le mea lea ua aumai ai
ona faatau lea e aumai e fealuai ai le Minisita o Atiina
ae.
O nisi o fesili e tulai mai e tusa ai ma le atiina ae lenei
lau afioga i le Fofoga o le Fono. O loo i totonu o le Tala
o le Tupe lenei le tupe e $1,400,000 e totogi ai le aitalafu
i totonu o le Faletupe, ona faatauina atu lea o nisi o mea
nei. Ou te fia malamalama poo ai i latou ua faatauina atu
iai? Ae poo a foi tau na fai a i ae pe ua totogi foi? Ae
poo fea e aumai ai nisi o nei mea faigaluega ua faapea
ona faatauina atu. Leai e moni lava le sui sa faatauofo. O
le fesili pe ua uma ona totogi? Aua o la ua faaaoga. Afai
ua faaaoga ae lei totogiina, o le mea ea la o ai e pulea le
tupe maua lea aua lau afioga i lou lava sui o loo iai ni
mea ua ou vaaia ou te faailoga fesiliina ai le amiotonu i
le faiga o taumafaiga nei.
O le Ulu o le Matagaluega o Galuega, ao lea ua
solomuli atu ua tuuina iai i se kamupani ua iai nisi o mea
totino o lona uiga sa iai i totonu o le aiaiga o le mea atoa
lenei. O se ulu o se tasi Faalapotopotoga a le atunuu
lenei, e faapea foi ona malamalam e iai aiaiga o mea nei,
ua faailoga fesili poo le mea ua le feiligia i latou ona o la
ua iai i le (Private Sector) e tuuina atu iai mea nei.
Faafetai atu i le fesoasoani mai a le sui. E pei na ou
taua i le tulaga vaaia. A oo lava ina iai i le tulaga vaaia
ni mea e fesiligia ai, ou te ioe i le finagalo o le su. Ou te
le fesiligia le amiotonu a i latou nei, ae ia manino ma
malamalama aua le vaai mai a le lautele aua o le tatou
tiute lea ia tatou malamalama iai.
Faafetai atu. Atonu o lena ua faamaumau e le afioga i le
alii Minisita e pei ona fesili ai le sui. E pei la ona ou taua
o iai lava le talitonuga maualuga ia faapea ona manino i
le matau mai a le atunuu ona faapea ona tatou maua le
tulaga tonu ma le tulaga e iai mea faapenei.
O le isi mea ou te fia fesili ai lau afioga a le Minisita.
Ua faamautu atu meatotino, ae fia fesiligia foi poo ai ua
tuuina atu iai le laufanua ma le eleele o loo faapea ona
iai le SPDC. Ona iai lava lea o se lagona lau afioga i le
alii Minisita e le o po se lilo o le faatinoina o le suesuega
lenei ma le faataatiaina o le ata o le faatinona o le
faamatuuina atu o meatotino mai le Malo e atiina ae e
kamupani taitoatasi, o loo faia lea e se kamupani fafo. Sa
ou faalogo o le fuafuaga na iai e mafai ona faatino lea
taumafaiga ona ua uma ona aiaia le tuuina mai o se tupe
faanono mai fafo e mafai ona faatino ai le polokalame
lenei. O le isi lenei mea ua ala ai ona ou fesiligia ina ia
manino lelei lava, aua afai e iloa e isi ae le iloa e isi, ona
faapea lea ona faigata le tatou mataupu. Aua afai e iai
nisi o iai i aiaiga o mea nei a le Malo ua latou iloa ma
latou malamala lelei iai mai luga o le fautuaga a Arthur
Young & Associate e aumai i le Faletupe o Asia tupe e
tuu atu i le Faletupe o Atiina ae e nono atu e faatino ai
taumafaiga nei. O le fesili la, pe na iloa uma e le lautele
o le atunuu, pe na iloa e le Tofa Letiu i le taimi foi na
fesili ai ia e fia auai ma fai sana ofo i mea lava nei.
Ona faaiu atu lea o se lagona faapenei. O le taimi lenei
o loo matau atu o loo faauau pea e alii mai fafo ona
faatino lea atonu o le upu lea o le (demolish) o le
faamalepe, o loo iai pea lava alii nei i le faamalepeina,
poo le tufatufaina poo le (privatisation) o le SPDC. O le
fesili la ae oomai ia te au i le taimi lenei. Afai ua le lelei
ia latou le faafoeina o le kamupani ma ua gau ai le
kamupani, o le a saga tuu lava la iai ia i latou nei e faia
tonu ma faamalepeina le kamupani. Aua o le upu lea nao
u faaaogaina o le (dismental) aua ou te lei maua le upu
lea sa saunoa iai le Palemia.
Ona faaiu mai ai lea o le vaega lea lau afioga i le
Minisita o Tupe. O loo iai i totonu o le Tala o le Tupe se
vaegatupe ua taua o le (Chinese Comodity Aid), poo le
fesoasoani lea mai le Malo o Samoa. O loo taua ai le
$250,000 e tusa o se maua lea i totonu o le Tala Autu o
Saunoaga Faataupou Sui USufono 19861-2011
le Tupe, i lou lava sui ona o a foi e fou ou te le o maua le
faamatalaga atoatoa i nei mea. Ou te fia fesili atu ai poo
le a le aofaiga o le fesoasoani lea mai Saina. O lea ua iai
le kuata miliona lea ua taua o le tupe maua, ae pe fia le
aofaiga atoa? Ae poo añafea foi na aumai ai? A faapea o
lea fesoasoani na aumai i ni mea na aumai faameaalofa
toe faatau, ou te fia fesili atu la poo a mea na tuu mai? O
fea na faatau iai? Ae poo añafea na faatau ai? Ae pe fia
foi se tupe na maua ai? Aua i le matau atu o le tausaga e
1987 o loo iai le vaega lea.
Ona see mai ai lea o lau faamatalaga i le Ofisa o lau
afioga i le alii Palemia. O le a taumafai atu aua o loo
faapea ona tuufaatasi i le pulega a lau afioga nisi o
Matagaluega e pei ona iai i lau vaavaaiga i le taimi lenei.
Muamua ona ou fai atu sina faamatalaga. O le matau
atu iai o Matagaluega uma o loo i lalo o lau afioga, atonu
o Matagaluega uma ia o loo iai lo latou tiute tauvae, o le
latou tauaveina lea o le saolotoga poo le aia tatau o nisi o
saolotoga e tusa i totonu o le tatou atunuu.
Muamua, o le saolotoga foi lenei, o le faaaliga o
manatu, (freedom of speech). O lona lua, o le saolotoga
e tapuai ai tagata a nuu o Samoa i le tapuaiga e lagona e
fia auai ai (freedom of Religion). O loo i lalo foi o lau
afioga le aia tatau e tusa ai ma faamasinoga tonu. O le
upu lava lenei o le (Justice) ua tatou faalogo soo iai, o le
faamasinoga tonu. E matau atu foi o lalo foi o lau afioga
o loo iai le vaega lenei latou te puipuia aia tatau ma malu
puipuia ai le atunuu. O le saolotoga mulimuli i lau matau
atu o loo faapea ona iai i le puipuiga a lau afioga o le
(freedom of choice). O le filifiliga saoloto o le meaaalofa
sili lea na tuuinamai e le Atua mo i tatou tatou te filifili
ai i mea e ao ina fai ae tatou o iai i le olaga lenei. Ona ou
manatua ai lea o le upu a le fai samalo o loo faapea mail:
Amuia le nuu o loo Atua ia Ieova.
O le tagavai a le tatou atunuu o loo faapea mai e faavae
i le Atua Samoa. O le tatou fua foi o loo ua faapea ona
faamauina o le fua o le saolotoga. O lea ou te faafetai atu
ai i lau afioga a le alii Palemia. Ona ua ou taliotonu o le
mafuaaga lea ua ala ai ona e tauavea Matagaluega uma
ia e i lalo o lau vaaiga. Ona o lou talitonu i le puipuia o
le saolotoga. O lenei saolotoga ina ia puipuia e pei ona
iai le tatou faavae.
O le saolotoga muamua, o lau afioga o loo iai le
Matagaluega o le Faasalalauga. E leai e ba o se manatu
vaivai o lou nei tagata. Ua tatou talitonu i le saolotoga o
le fefaaaliai o o tatou manatu. O lou lava lagona e tatau
ona tatou tuu atu le avanoa i le Matagaluega o
Faasalalauga ia maua le avanoa e faasalalau ai manatu o
le atunuu. O le auala aupito sili foi lea e malamalama ai
le atunuu e le gata i galuega a le Malo, ae toe
femalamalamaai ai le lautele o le atunuu i mea e fai. O
loo iai lou talitonuga o le Matagaluega o Faasalalauga, o
se tasi lea o itute autu o le Malo o le avatu lea o le
avanoa ina ia faapea ai ona manatu ma faasalalauina i
soos e vaega o le atunuu.
Ou te talitonu foi e tatau ona totogi e le Malo. E le tatau
ona faapea seiloga o se tupe maua a le Matagaluega o le
Faasalalauga ona faapea lea ona faatino a latou galuega.
Afai lava e sili atu le tupe e alu ai e totogi e le Malo,
lelei. Aua foi afai e totogi e le Malo le faaauauina o le
Matagaluega lenei, ona tuuina atu loa lea ma le avanoa i
le lautele o le atunuu latou te faaaogaina ai le Ofisa lenei
ma le 2AP aua le faatinoina o le saolotoga lea. E iai le
talitonuga lau afioga o le 2AP, ia ave lava le faamuamua
i le atunuu. I le matau atu o loo ua faigaluega nei le 2AP
e 24 itula i le aso. Ailoga lava aisea e afaina ai i le tupe
maua ma tele se tupe e alu ai pe afai o le 50% o lena
taimi e faaaoga e le atunuu e fai ai faasalalauga poo le a
lava le mea ae le totogia. E maua ai le avanoa e faaaoga
ai e le atunuu e fai ai faasalalauga ma feau faauaealesi
ma mea faapena.
Lau afioga ma le mamalu o le Palemene e fia faaauau
atu la se manatu i le Ofisa lava lenei o le Faasalalauga e
pei ona taua se tasi o Faalupega e pei ona i ia i le tatou
Faavae o le saolotoga lea e maua ai le avanoa tatou te
faaali manatu ai ma faaali taofi. O le Matagaluega o le
2AP o loo faapenei ona galulue i le 24 itula, ma e le
taumate o loo faapenei lava ona tele se vaega tupe a le
Malo o loo faaaluina ai. Ona i ai lea o se taofi vaivai lava
lau afioga i le alii Minisita, e a pe a avane ia se isi 12
itula o na itula e faaaoga e fai ai feau faa-uaealesi poo le
a lava le tele o ni faasalalauga e faaaogaina ai e le atunuu
ae aua le totogiina, aua o lea lava o loo ola pea le 2AP ae
faaaoga e le lautele o le atunuu e fai ma auala autu e
faapea ai ona maua le sootaga i le lautele o le atunuu.
Ona oo mai ai lea o se faamatalaga i mea nei tau TV
poo televise. O se tasi o nei faiga faaonaponei. E pei ona
silafia e lau afioga e maua ai le sootaga vavalalata o se
Malo, se lautele o se atunuu. O le tausaga e 1977 ou te
manatua sa faapea ona auai i se talanoaga ma nisi mai le
Malo o Amerika sa faapea ona malaga mai iinei ma o le
autu o se latou malaga mai ole latou fia iloa lea poo a
nisi auala o loo moomia ai e le atunuu se fesoasoani. Sa
faapea ona ou faaali faatausua se manatu i ai o le mea
lava lea o le TV. Ia o lenei ua 11 nei tausaga o lena e
maua e se tasi vaega o le atunuu le TV e ui mai lea i
Amerika Samoa. O lou lava talitonuga o lenei atiina ae o
le mea lea o le TV o se tasi lea o pou autu faaonaponei i
le atiina ae o Malo e i ai Samoa i Sisifo aua o le auala lea
e maua ai se sootaga a se Malo ma le lautele o le atunuu.
O lea la ou te talosagaina ai lau afioga o lena ua faapea
ona faasilasila mai i le lautele o le Maota lenei faape le
lautele o le atunuu o se vaitaimi o i luma o le a faatuina
ai se Lala po o se Ofisa o le Malo Tele o Amerika i
Samoa nei. Ou te tuuina atu faa-talosaga pe a ae
faatalosagaina le Malo o Amwrika se latou fesoasoani
ina ia mafai ai ona faasopolia lo tatou atunuu atoa i le
avanoa tau TV. Aua ou te talitonu laba o lea avanoa o le
a mafai ai ona maua le vavalalata o le lautele o tagata ma
le Malo ma aiaiga uma ma taumafaiga uma a le Malo.
E le gata foi i lea itu o le TV o le a le gata ina
fesoasoani ae o le a faapea ai ona fesoasoani atu i le
lautele o le atunuu o nonofo i alalafaga i tua.
Ona oo mai lea o sau faamatalaga i se tasi o saolotoga
lenei e pei ona taua o le aia tatau lea a se Faamasinoga
tonu. O se tasi lenei o saolotoga ua puiapuia i lo tatou
Saunoaga Faataupou Sui USufono 19861-2011
Faavae ma e pei lava la ina ou taua o le upu lava lenei o
le Justice po o le Faamasinoga tonu. Ua faapea ona laga i
totonu o le Maota lenei i aso ua mavae nisi itu tau le
Faamasinoga, aemaise lava Faamasinoga e faatatau i
mea lava nei tau le Faiga Palota. Na ona ou toe faatepa
lava o le Maota lenei i nisi o vaega e 3 sa faapea ona
saunoa i ai lau afioga ma le paia o le Palemene o Samoa
i Sisifo, o loo i ai lau afioga ma le paia o le Palemene o
Samoa i Sisifo, o loo i ai ona vaega e 3, o le Palemia ma
lana Kapeneta o loo iai le paia o le Palemene o loo i ai
foi le paia o loo sasao nei, faapea foi ona vaega e 3 i le
itu lea i le Faamasinoga. I lou lava tootoo e faapea ona
ou te faaopoopo atu ma lagolago malosi i le talitonuga
ina ia faapea ona faamausaliina le aua ona feaiaa‟i vaega
nei e tolu. Aua foi o i e maua mai ai le puipuiga o lo
tatou saolotoga lenei tatou te faapea ona tatou tauave e
pei ona i ai le tatou faavae, o le feaiaa‟i o vaega nei e 3
po o ni itu foi o le a fesiligia ai le amiotonu i se vaega e
1. Masalo o le itu lea e fai ai lava sina popolega i le
faalogologo atu i aso ua mavae. O se tasi o mataupu ua
faapea onas aunoa i ai le toatele o le Maota lenei, ma i
lau faamaumauga masalo e toa 1 lava le sui i le la itu o le
tatou Maota sa lei saunoa i le tulaga o le faiga palota e
pei ona mavae nei. O nei saunoaga ma fetalaiga sa
faapea lava ona faamamafaina le Faiga Palota i le itu tau
i le Faamasinoga. Aemaise ai lava ia itumalo nei e 4 ua
tulai mai o le a toe faia ai ia Palota laiti. I lou
malamalma i ai lau afioga i le Fofoga o le Fono o loo i ai
le Tulafono o le mea tau i le Faiga Palota. O lea
Tulafono le Faiga Palota sa pasia i le 1963 e pei foi lava
ona silafia e le paia o le Maota lenei. O lea Tulafono sa
paia i le Maota lenei faatasi ai ma ona Teuteuga i se
vaitaimi lata mai. I lea Tulafono o loo auiliili manino
mai ai ia Tiute tauave i Vaega poo Matagaluega taitasi o
i ai o latou Tiute i totonu i le faatinoina o Faiga Palota. O
loo auiliilia mai ai ia Tiute i le itu tau i le Matagaluega
latou te tauaveia ma resitaraina ia Suafa Matai i totonu o
le atunuu. O loo manino mai ai ia tiute tauvae o le
Resitara o le Palota, o loo latou faatinoina le Lisi foi
lenei o e e tatau ona Palota. O lona vaega e 3, o le
Matagaluega a le Susuga a le alii Fai Palota ma i latou o
faatinoina le Faiga Palota. E matau atu o lou nei sui, ua
laga e le toatele o sui o le Maota lenei, pei ua fesiligia le
amiotonu o le Tulafono lenei. E leai na ona ou faapenei
atu o le Faavae o le tatou Malo ua manino lelei e Faavae
i le Atua. Ae fai lava sina faanoanoa, e pei ua i ai se
agaga o le isi sui, e faataatia ese le Tulafono pe a oo i le
taimi e fai ai le Palota. E le gata ina fesiligia le amiotonu
o le Tulafono, ae pei ua fesiligia o le Tulafono e le lelei.
O lou nei tootoo e fou mai i totonu o le Maota lenei e i ai
se agaga vaivai afai ua le lelei pe ua vaivai se Tulafono e
pei la o le Tulafono lenei, o le mea moni o le Maota
lenei ma le Palemene lenei e toe teuteuina ma toe
faaatoatoaina. Ae faigata i lou tootoo se tulaga faapea a
oo loa ina fai se Faiga Palota ona faataatia ese lea o le
Tulafono. Oi a faataatia ese le Tulafono ao le a le tulaga
o le a puipuia ai le saolotoga e pei ona i ai le tatou
Faavae. I saunoa ma fetalaiga sa faapitoa ma sa
faamamafaina….
Faafetai atu i le Fofoga o le Fono, o se taimi oo atu se
faamatalaga e pei ona tulai mai o le sui a faipule e pei o
le tulaga lea. Ia ao nai manatu lava ua oo mai i le lagona
i le taimi lenei. Ia afai o le Tulafono o le matafaioi tonu
lava lena a le Faamasinoga. O le Faiga Palota e pei ona
saunoa le sui, e fia faaali atu foi se manatu vaivai ma se
taofi i ai, o loo i ai se talitonuga ao lei oo atu foi se
manatu vaivai ma se taofi i ai, o loo i ai se talitonuga ao
lei oo atu ina ia fesiligia poo ua talafeagai le Tulafono
atonu e muamua ona fesili poo atoaotoa ma lelei ona
faatino le Tulafono ma vaega nei e 3 latou te faatinoina
le Tulafono. Atonu o le vaega muamua lea, e le o po se
lilo e pei foi ona saunoa le sui e pei ona tulai mai nei o
lou foi sui sa aafia i Faamasinoga i le itu tau Palota. E
leai o le a ou le auiliilia uma, afai ua agasala Tuaopepe e
fai e le Faamasinoga le faaiuga. Ae le faapea o le a fai le
tulaga lea e faataatia ese ai le Tulafono. Tatou
faaaogaina le Tulafono e pei ona i ai, o lou talitonuga o
le Faamasinoga tonu ma le sao lea. Aua nei o tatou
taumafai e seu le Tulafono, ma tatou aia fua vae atu le
paia o le Maota i le tiute a le Faamasinoga. Sa saunoa
nisi sui, e faatatau i nisi o vaega o le Tulafono lenei ia e
leai e le o au o se…
Faafetai atu i le Fofoga o le Fono ma le mamalu o le
Palemene e faaauau atu lau faamatalaga i sou
malamalama iai e pei ona ou faitau atu i le Tulafono i le
mea lea e pei foi ona saunoa i ai le tele o sui e aliali mai
e le o atoatoa le malamalamaaga i vaega eseese nei
aemaise lava i le itu lenei tau i le Solitulafono e pei ona
saunoa se tasi sui i le eseesega o le mea lenei o le
Corrupt practices, o le Bribery, ilegal practices, o loo
manino mai lava i le Tulafono lenei. O Corrupt Practices
o faiga tauvalea nei o loo aafia ai le faafoligaina o se tasi
tagata poo le personation ole faiga faatosina po o le
Bribery o le faiga sese e faatosina ai, poo le faatosina i
ala e le tatau ai undue influencies. O mea ia o loo
manino mai lava i le Tulafono o faiga tauvalea. O le isi
ona vaega o le Tulafono o faiga e le tusa ai ma le
Tulafono. Sa saunoa vaega o le Tulafono o faiga e le
tusa ai ma le Tulafono. Sa saunoa lou uso a faipule i le
taimi ua mavae o loo faapea o mea uma lava o loo i le
Tulafono o mea o faiga tauvalea. E leai o loo manino
lava le Tulafono ao le ma lea ma ala ai ona o ulaga le
vaega lea e fia fesoasoani atu ai i le uso a faipule.
Ou te faafetai atu i lau afioga i le Fofoga Fetalai, e
faafetai atu foi i le uso a faipule i ama o ona vaega uma
lava ia o le a tuuina atu i le alii Minisita ina ia faapea ona
fesoasoani mai i ai. O le uiga o lau faamatalaga na tuuina
atu aliali mai lava i le Tulafono e eseese vaega nei i ama
o lea e talosagaina ai le afioga i le Minisita mo se
fesoasoani ina ia faapea ona toe faamanino atili ina ia
tusa ai ma le taumafa ai foi ma fesoasoani i le Maota
lenei.
Ona oo mai ai lea o lau faamatalaga, atonu o lou lava
talitonuga, atonu o le Tulafono e tatau ona muamua ona
tatou agai i ai, tatou agai i ai, tatou muamua ona iloilo le
Saunoaga Faataupou Sui USufono 19861-2011
Tulafono i ona vaega nei e 3. Ia e leai, o le a ou le
auiliilia ao o loo manino mai lava e pei o le vaega foi lea
na ou taua o le Resitaraina lea o Suafa matai. O lea lava
ua malamalama lelei le Maota lenei, ma ua faapea foi
ona tuuina mai le Lipoti a le Ofisa o Faamasinoga o
Fanua ma Suafa, ma o loo manino mai ai mai ai lava le
tulaga i le Suafa matai ma le faapea ona faatinoina o
matai ona o mea lava nei o Palota. Ia e leai, o lena foi
lava sa aliali mai o lenei foi itu e le o atoatoa ai le vaega
lea. O le vaega e lua, o le faatinoina lea o le tiute o le
Resitara o le aufai Palota o le faiga ia o Lisi e fai agai i
ai le Palota. Ia sa molimauina foi i nisi atu i lumamea i
lau afioga e tatau foi ona aafia ai lou nei tagata. Ae ona
pau lava lea le mea ou te fesiligia ai o ui atu i lau afioga i
le Minisita i le tauaveina o le Tiute o le Fai Palota Sili. O
loo manino mai lava i le itulau 95 i lona vaega 4, i le
tiute tauave a le Fai Palota sili,e na Tiute. Aua ua avea
fesili faapea, ma mea e tulai mai ai, ma mea e fesiligia ai
faavae tonu ma i ai lava lou lagona, e tusa ai ma le
Mataupu lenei, o le faatinoina o le Tulafono e i latou o
loo i ai le tiute o le latou galuega fai lea. Ona o mai lea o
sau faamatalaga e pei o le vaega ua saunoa i ai se tasi o
sui e pei ona ou taua i le taimi ua mavae i ama ou faailoa
atu e fai lava sina ou faanoanoa ona o se manatu faapea e
faataatia ese le Tulafono po o le Tulafono ua le
talafeagai, na o si faanaunauga alofa ia Samoa ma lona
faavae lo tatou faavae i le Atua e leai e moni, e taua le
tausi o le filemu e taua lo tatou va fealoai. Ae e i ai lou
lagona o le tausi o le filemu ma le tatou va fealoai e tatau
ona tausi i luga o le amiotonu ma fai i luga o le
Faamasinoga tonu ae le o le faataatia ese o le Tulafono,
ona o se tatou faanaunauga ina ia manumalo. O le lagona
lea o loo i ai i le taimi lenei, o le a le toe oo i ai se
manatu ae faataatia atu i lumamea i luma o lau afioga ma
le paia o le Palemene e faapea ona saili agai i ai le tatou
agai atu i luma.
Lau Afioga i le Fofoga o le Fono, o lou sui o se sui fou
e pei ona taua i le tele o taimi. O se tasi vaega o loo
faapea ona ou faalogo pea i ai i totonu o le Maota lenei,
o nisi o saunoaga ma fetalaiga e tusa ai ma nisi o
taumafaiga nisi o fuafuaga ua le mafai ona faatinoina pe
ua le faatinoina. Ia o le faataitaiga muamua lava e pei o
le mataupu lava lenei i le Hotel foi lenei tatou te faapea
ona faaali manatu i ai. Ia ua 17 tausaga ia po o le a lava
le mea ua mafua ai ona umi ona tuu. Sa saunoa foi se tasi
sui ua leva i totonu o le Maota lenei e tusa ai ma tatou
Ofisa i fafo, e pei o le Ofisa i Niu Ioka sa faapea lava foi
ona taua ai se suafa o se tasi o loo iai. O le fesili aisea ua
leva ai tausaga ae le suia pe a faapea ua talitonu ma
lagona o le Maota lenei o le mea ua tatau ona fai. Na
saunoa foi nisi sui i mea tau aoaoga i le faiga e tatau ona
fai ai, ia na ona ou faafesili atu i luma o le Maota i lenei
taeao, afai e i ai nisi faiga lelei e mafai ona faatino ai ma
siisii ai i luga ia le itu tau i le aoaoga i totonu o le atunuu
pe aisea ua le mafai ai ona faatino. O le itu tau i le atiina
ae o Faatoaga ma le aufai faatoaga le tele o vaega ua
faapea ona fetalai ai ma saunoa ai, aisea ua le mafai ai
ona faatino aisea foi ua ala ai ona le faatinoina. O le itu
tau Sui Faaopoopo, ia o lena foi ua faapea ona toe laga i
totonu o le Maota lenei e leai na o si fesli lava e tuuina
atu i luma o le Maota pe aisea ua tele ai tausaga ae le
mafai lana ona faatino. Ona i ai lea o se lagona poo le
mea e fai mea tuulafoai le Maota lenei. Poo l;e mea ea e
avea lo tatou fai vaega ma mea ua faigata ai ona faatino
o tatou tiute e pei ona tatou o mai ai i le Maota lenei.
Ona oo mai lea o sau faamatalaga i le saolotoga lenei
ma le puipuiga o le aia tatau e maua ai le tatou puipuiga
mai i le itu tau i le Tulafono e pei ona i ai i le Ofisa o
Leoleo. Lau afioga i le Fofoga o le Fono a le Minisita e
fitoi tonu i ai lenei Vaega na o si fesili puupuu lava ma o
lenei fesili e faasino tonu i le tulaga na aafia ai foi lou
nei tagata i le Tulafono Na ona ou fesiligia lava poo fea
o i ai le taumafaiga e tusa ai ma lea Mataupu e i ai lenei
lea i le Ofisa o Leoleo. Na ona ou fesili lava poo fea lava
o iai i le taimi lenei le latou taumafaiga e pei ona i ai
lenei Mataupu.
Lau afioga i le Fofoga o le Fono, ona ou oo mai lea i se
saolotoga mulimuli o loo faapea ona ou taua i se taimi ua
mavae. O le saolotoga lea i le tatou faiga o le filifiliga
saoloto. E pei ona ou taua, o le filifiliga saoloto e pei ona
ou taua o le meaalofa lea na tuuina mai e le Atua. Na
taua i totonu o le Maota lenei le mataupu laba lenei i le
toe faaopoopoina o sui i itumalo. E faapea foi ona faaali
se taofi e faapea ole autu lava e tatau ona fai ai le toe
faaopoopoina o ni sui i totonu o ni itumalo o le
faaaogaina lea o ni fuainumera poo le aofai i totonu o se
itumalo. Atonu e le maua i lenei taeao poo lenei foi
nofoaiga a le Palemene i lenei vaitaimi se tasi e tusa ai
ma lenei mataupu. Ae na ona ou faaaopoopo atu pe
fesoasoani atu aua ua taatia i lumamea ni saunoaga foi i
ni aso ua mavae i le mataupu lava lenei, e le o se mea
faigofie e ui lava ina ua uma ona pasia i totonu o le
Maota lenei le faaopoopoina o sui i nisi itumalo ae ou te
talitonu foi oe le mafai ona uma ai i i. Aua e talitonu foi
le matou itumalo e tatau foi ona faaopoopo se matou sui
pe a faapea tatou te o i le faitau aofai o tagata. O le tasi
foi vaega o loo i ai i totonu o le Maota lenei o sui o le au
palota taitoatasi. Sa saunoa le afioga Joe Keil ma sa ia
taua le fasi fuaiupu lenei ma ou te faamalulu atu i lou
uso a faipule i lou toe faaaogaina. O lou pau e enaena o
lou igoa o Keil, ao au o le Samoa moni aua ua ou
talitonu lau afioga i le Fofoga o le Fono e le gata ina
tatou aiaia le talafeagai o le faaopoopoina o sui o itumalo
taitoatasi ae le taumate o le tatou aiaia foi le lumanai mo
nofoa ia e lua. Aua o le Faavae na sau ai na amata mai o
7, ai lea ua oo mai ua 2. E leai na ona ou faataatia atu i
lumamea le meaalofa a le Atua na aumai o le filifiliga
saoloto. Ia atonu o se aso o muamua o le a faapea ona
alo atu le atunuu i Pelepesite e toe maua ai ni fesoasoa e
tusa ai ma le Mataupu lenei ae o le a taatia atu pea i luma
o lau afioga ma le mamalu o le Palemene.
Ia lau Afioga i le Fofoga o le Fono, ona oo mai ai lea i
nai fesili puupuu o loo totoe i nisi o vaega nei, e pei ona
taumafai atu ai lou sui. O le vaega lea i fesoasoani o loo
tuuina mai i atunuu mai fafo, pe tuuinamai i mea tau
tupe poo a lava ituaiga fesoasoani e tuuina mai. Aua o
Saunoaga Faataupou Sui USufono 19861-2011
lou lava nei sui, e le taumate faapea foi i nisi sui, e i ai
nisi o fesoasoani na tuuina mai ona faapea lea ona
fesiligia pe o le mea e sili atu ona ave le faamuamua i le
ituaiga fesoaosoani lena, ao loo i ai nisi e sili atu ona
tatau ona faatauaina. O le itu lea ua mafua ai ona ou
fesiligia le vaega lea o le fuafuaina lelei ma le
faasoasoain ao nei fesoasoani o loo tuuina mai fafo. E le
gata foi i lea, e fia fesili atu foi pe i ai se taimi ua
alagatatau ai i le tatou Malo ona tatou le talia ni
fesoasoani mai fafo, ae pe mafai foi ona faailoa mai poo
a ni faiga ma manatu faavae, e faaaogaina i le taimi e
tatau ona tatou le taliaina ni ituaiga fesoasoani mai fafo.
Aua o lou lava sui, ou te faamalulu atu i le paia o le
Maota, e le o atoatoa ona ou taliaina le vaa foi lea ua
aumai, le vaa foi lea e leoleoina le tatou gataifale. Ou te
faaaogaina faapea le upu faa Peretania e moni lava e
faapea o le Patrol Boat, a‟o la‟u lava faitau i ai o le Gun
Boat. Ou te fesiligia lava pe ua sili atu ona taua loa nai lo
le fesoasoani mai o le Malo o Ausetalia e toe aumai vae
atu lava le mamalu ole Maota nisi o manu papalagi e
faaopoopo ai le atiina ae manu papalagi i totonu o le
atunuu. O lau lea fua ua ala ai ona ou fesiligia le itu lea
poo fea e ave i ai le faamuamua. O le vaega i mea tau
fesoasoani foi nei poo nonogatupe faaaitalafu e pei ona i
ai o le Faletupe o Asia poo le Faletupe o le Lalolagi. O
lea la nao u fia fesiligia ai poo a lava faiga Faavae e
faapea ai ona fuafua foi atiina ae ua le mafai ai ma
taliaina ai le nonoina mai o ni aitalafu mai fafo. O le
vaega lenei o Taaloga ma le atiina ae o le atunuu i mea
tau taaloga. E leai na o si toe faaopoopoga lava i le
Matagaluega lea ae a pe a outou tagai ane i le faaleleia o
Malae Taalo i le tele o alalafaga i tua ou te piitia se
finagalo o se tasi sui ua uma ona faaali atu, masalo e na
o Apia nei lava o loo ave i ai le tou faamuamua ma ave i
ai le faamamafa o lo outou taumafa. Ona oo mai ai lea o
se manatu fou, na ona toe faataatia i lumamea e lenei
Maota i lenei taeao i le itu lava lea i le totogi o tagata
faigaluega i lea Matagaluega. O loo i ai lava le
talitonuga ua tatau ona toe aiaia le faiga Faavae lenei o
le Komisi o Tagata Faigaluega a le Malo le faiga faavae
lenei ina ia tutusa uma ia totogi poo le faavasegaina o
totogi. Aua e pei lava ona saunoa ma fetalai i le taimi ua
mavae e i ai lava Matagaluega e tatau ona ave i ai le
faamuamua ina ia tatala le avanoa ina ia sii ai le totofi
ina ia mafai ona maua ai alo ma fanau o le atunuu latou
te tauaveina nei tiute. O le vaega e faatatau i le faia lea o
ni Konekarate foi nei mo i latou o Ulu o Matagaluega e
pei ona tulai mai ai. Ou te toe fesiligia ai lau afioga i le
Fofoga o le Fono, po o fea ua oo i ai le Tulafono lenei ua
faatuima mai ae pe mafai foi ona faatino ao pe aisea ua
ala ai ona le faatinoina. E i ai lava lou lagona toatasi
atonu ua alagatatau lea mea ma ua talafeagai ai le tuuina
atu o Ulu o Matagaluega ile faia o ni a latou feagaiga i le
faia o ni o latou tiute. Ona oo mai ai lea i le vaega
mulimuli lenei lau afioga i le Fofoga o le Fono e pei ona
tatou i ai i le tatou Maota lenei ia e le faapea foi e fou po
o se mea foi o loo atoatoa ona silafia e le lautele o le
Maota. E talosaga atu lava ma le agaga vaivai, i le alii
foi lea e pule le Matagaluega e tusa ai ma le tulaga o i ai
lona tausia o le tatou Fono ma mea e faapea ona oo ai le
Palemene o Samoa i Sisifo. E i ai lava lou lagona toatasi
o lo o atoatoa ma talafeagai le mea o loo faapea ona
malolo i ai le paia o le Palemene o Samoa i le taimi e fai
ana malologa. Ua matau atu o loo i ai le tatou potu foi
lenei i uta ao loo faapea foi ona tatou faatasi i fafo atu,
ma ou te talitonu pe lei oo i le taimi ua tatau ai ona faia
se potu lelei e faapea ona malolo atu i ai le Paia o le
Palemene lenei i traimi e fai ai ana malologa i aso taitasi.
Lau afioga i le Fofoga o le Fono i lenei itula, masalo ua
vevela foi le fala ua tele foi le taimi ua faapea ona
faaaogaina e lou sui. Ae avea ia lenei avanoa e momoli
atu ai lau faafetai.
Ou te faafetai i lau afioga ma le paia o le Palemene ona
o la outou faiga faavae, o le faiga faa Palemene, o le
tatou faavae o le tuuina mai lea o avanoa ia i matou o sui
fou i le matou taimi muamua matou te faaali ai ni
manatu i totonu o le Maota lenei. Leai e talitonu lava lou
nei tootoo o faiga faavae faapenei e tatau lava ona
faatauaina ma e faafetai atu ai ona o lo outou
lagolagosua i le avanoa na tuuina mai ia te au. Ou te
momoli foi ou alofaaga i lou itumalo o Lefaga ma
Faleaseela ma le faamoemoe o le a faapea ona talia e lau
afioga i le Palemia ma le Kapeneta nisi o faanaunauga o
lenei Itumalo, ia manuia lava lau afioga i le Fofoga o le
Fono, faapea le paia o le Palemene, le Ao o le Malo ma
le faafofogaaga a Samoa. Faafetai lava.
Tofa TUILAGI VAVAE
Itumalo Faaalaalafaga:
Faasaleleaga Nu.2
Filifilia:
22 Mati 1988
Faatauto:
7 Aperila 1988
Lauga Faataupou:
21 Iuni 1988
Lau Afioga i le Fofoga
Fetalai, lau Afioga i le Alii
Palemia, lau afioga i le Tootooalii faapea le mamalu o le
Kapeneta, le mamalu o le Palemene, o sui filifilia o
Samoa latou te faatautaia upufai o Malo ma o latou
lufilufiina lona tamaoaiga mo lenei tolu tausaga. E
faapea foi le mamalu o le tapuaiga a Ulu o Matagaluega
faapea foi alii ma tamaitai sinia o tatou faatasi i lenei
aso. E muamua ona ou faapai i le tapuaiga i le mamalu o
Samoa, aua le ee tapuai i lau Afioga i le Ao Mamalu o le
Malo o Samoa, lau Susuga Malietoa ma lou nofoa
vaevaeloloa, na faalogo ia te oe Samoa. Le tapuaiga i lau
Afioga i le Sui o Fono o Sui Tofia, lau Afioga i le Tamaaiga, Mataafa Faasuamaleaui Puela. Le paia o le
tapuaiga o Aiga ma a latou Tama, Tama ma o latou
Aiga, Tumua ma Pule, Ituatu ma Alataua, Aiga i le Tai
ma le Vaa o Fonoti, Faleupolu o Tofiga, e faapea foi le
tapuaiga Aufai tatalo, Auauna a le Atua i Fata Faitaulaga
e fia, o e o lo o noanoa manu aua se manuia o Samoa ma
Saunoaga Faataupou Sui USufono 19861-2011
lona Malo Tutoatasi, e faapea foi le faafofoga mai i lau
tapuaiga Tutuila ma Manua, e ui ina ua tatou vaelua i
Upufai o Malo, ae le mafai ona faagaloina lena Itu o le
tatou Atunuu. Lau Afioga i le Kovana, Lutena Kovana,
Fofoga Fetalai ma Maota e Lua, faapea foi le Faamasino
Sili ma le Vaega o Faamasinoga. O le paia lea aua Sua
ma le Vaifanua, Fofo ma Aitulagi, Ituau ma Alataua,
Saole ma Salaumua ma Launiu Saelua, Faatuiolemotu,
Nofo a Tootoo ma Tama a le Manua Tele.
Ao lei amataina se manatu, e muamua ona ou
faapitoaugafa ma ou faapai i le tapuaiga a lou Itumalo o
le Faasaleleaga Numera 2. Le paia o aiga o Sa Malietoa
faapea foi le nofo ma le susuga ia Tooa ma le paia i le
Usoalii. Le mamalu ia Mago ma Luasiufanua le nofo i
ituaiga ia Sapapalii e faapea foi u lou nuu i Safotulafai.
Le paia o Salelavalu, lau afioga Leilua ma le toalima,
Salalatoa ma le alo o Malietoa le mamalu ia te oulua
pule, Maopu Tufuga ma le na aimalae, le lauti na laulelei
o le pulea a Safotulafai. E ui lava foi in asa toa se ao
taulia ma ufitia ai le afioaga i se ao pogisa ona o le
gasetoto o le la ae pau le masina i le lagia o Oa ma le
Paepaetele, le lagia foi o Lotofusi ma Falesea, le lagia o
Maota e fia e afio ai Salevalasi, ona o le tuua o le Malo e
le Alii o le Au Fono, Le Afioga Tauiliili o le alo o
Leilua, o ia o se tasi o tama sa mafuta faatasi ma ua afu
le tautua i le atunuu, i le Malo ma le galuega a le Atua.
Ae tatou te le fai loto.
E leai foi se tasi e taui ma sila i le finagalo o le Atua, o
le u e fana i le vateatea ma o le tao e velo i le maninoa.
Lo outou soifua ma lo tatou ola. E tatalo tau ina ia pai
atu lona finagalo i le agaga o le faamafanafana le agaga
faamaisega i le agaga mafatia o le tina ma le fanau ma le
aiga faavauvau aemaise uo ma aiga faanoanoa. Tau ina
pau se toa ae tulai se toa.
Lau afioga i le Fofoga o le Fono, faafetai mo le avanoa
ua tuuina mai i lou Sui a Usufono e tuuina atu ai se sao o
lenei itumalo aua le lufilufia o le tofa saili i sui mamalu
o Samoa o loo ee nei, faapea foi le sailiga o le latou
faautaga oo.
Faafetai i le Tala o le Tupe i lau afioga i le Minisita o
Tupe, o lea ua faaalia manino lou finagalo e tusa ai ma
lau uluai saunoaga o lea ua i lumamea. Ou te manatu ua
matua malamalama fuafuaga e pei ona faaalia i lau uluai
saunoaga. E momoli atu le faafetai tele. O le a amata se
faamatalaga i lau afioga i le Minisita o Faatoaga. E ui
lava i le anoanoai o atina ae ma fuafuaga tau le
tamaoaiga o lea ua liuliu nei iai le tofa i totonu o le tatou
atunuu, ae a matau atu i tulaga faavae o le tamaoaiga o
Samoa, o le popo lava ma le koko. O lea foi la e tuuina
atu ai se manatu i lau afioga i le Minisita o Faatoaga sei
e silasila lelei ma e tagatagai i tulaga o loo i ai le tau o le
popo i le taimi nei. Afai o le a sologa lelei le tau o le
popo ma le koko o lona uiga ole a soifua lelei le atunuu.
O le a maua le fofoga taumafa, ae o le a faapea foi i itu
uma e moonia tau le soifuaga. Afai foi o le a lelei le tau
o le popo ma le komo o le a faapea foi ona manuia ai ma
e o loo faipisinisi. Afai o le a le lelei le tulaga o le popo
ma le tamaoaiga o le koko, ou te manatu o le a matua
pagatia ma le maua se tulaga soifua lelei o le toatele o le
atunuu.
O loo i totonu foi o le Tala Faaopoopo o le Tupe i lau
saunoaga lau afioga i le alii Minisita se fuafuaga o le a
toe iloilo lelei e le Komiti tulaga o le popo ma le koko. O
lea foi la e ono tatau ai ona tuuina atu ni fautuaga e
lagolagosua i le tofa i lau afioga i le alii Minisita aua lea
fuafuaga. O le tulaga o loo iai nei le Komiti e pei ona
silafia e lo tatou atunu ma le matau mai tua. O loo tele se
tulaga poo se tupe o le popo o loo loloma atu i nisi
tulaga e pei ona aliali mai i le tele o tausaga ua mavae. O
lea foi la e tuuina atu ai se fautuaga i lau afioga i le alii
Minisita pe e lei oo i se taimi e tatau ai ona toe iloilo le
tulaga o loo iai nei le Komiti lea o le popo. Ae talitonu e
lelei ona tuu sao le faatauga o le popo i le fale gaosi
suauu ma le au failoa nai lo le tulaga o loo i ai nei o loo
tuuina atu i totonu o le Komiti o le popo. E tele ni
mafuaaga e mafua ai lea iu. Muamua, o le a faasaoina ai
le tele o ni tupe pau ma ni tupe leiloa e pei ona sa aliali
mai i le taimi ua mavae. E faitau miliona ma miliona ni
tupe ua aliali mai o loo leiloa i tulaga o loo iai nei, i le
Komiti o le popo.
O lona lua, ou te manatu o le a faapitoa ai le galuega a
le Komiti o le popo ma le koko i le fuafuaina lelei o le
tau e faatauina atu ai le popo i fafo ma siitiaina ai le tau
o le popo i afioaga ma alalafaga i tua. O lona tolu, o le a
faafaigofie ai foi i le au fai popo ma koko ona tuuina atu
fua o a latou faaeleeleaga i totonu o faleoloa e sili atu i
lo le tulaga o loo i ai nei. E pei ona taua e se tasi o sui,
afai o se taga popo e tasi ae tau malaga mai i Salelologa
poo Apia e tuuina atu i ai. E tuuina atu le tau ina ua uma
ona tuuina atu lea taga popo ua toeitiiti sili atu tupe na
alu i pasese ma tau o felauaiga nai lo le tau ua tuuina
mai. O lea ua fautuaina ai lau afioga i le alii Minisita sei
e silasila ane pe le ua tatau ona tuusao atu le popo i le
kamupani suauu ina ia faigofie ai mo le au faifaatoaga.
Lau Afioga i le Minisita, ou te manatu o lea ua 26
tausaga talu ona tutoatasi lo tatou Malo, e lei i ai se faiga
maumaututu poo se faamanuiaga mo i latou o loo faia
lea tamaoaiga. Amuia e o loo faigaluega i le Malo,
faigaluega i kamupani aua afai ae oo atu iina ma ua
pulapula la goto aso o lo latou soifua ma o le a faamalolo
o loo maua a latou tupe o totogi atu i ai mo lo latou
soifuaga i lea taimi. Ao le o loo Sali popo a uma loa le
latou malosi ona faagalo lea o lo tatou Malo le tautua o
lea sa fai i aso e tele o le olaga.
Lau Afioga i le alii Minisita pe lei tatau nei ona oo i se
taimi e silasila totoa ai lau Afioga ma le Matagaluega i le
taimi ua oo atu ai i le 60 tausaga o lea tagata sa tautua ai
i le atinaeina o lea tamaoaiga ona tuuina atu i ai se
faamanuiaga. Pe $30 tala i le masina pe $50 tala foi a ua
lava lea. Aua ua oo i le taimi ue la toe maua ai sona
malosi aua ua afu lana tautua e ala i lenei tamaoaiha o
lepopo ma le koko. O le fautuaga lena e tuuina atu i lau
afioga i le alii Minisita ina ia maua se faamanuiaga e o
loo gapatia i le taumafaiga o lenei tamaoaiga. Ou te
manatua ai le tausaga ua mavae sa faasalalau ai le
tauvaga ina ua faasalalau atu. O le fuafuaga foi o totogi
Saunoaga Faataupou Sui USufono 19861-2011
poo faailoga e $50,000 lea o le a faamanuiaina poo le o
le a sili i lea tauvaga. E pei ona ou tau asa matua
talisapaia ae o le mae e faanoanoa ai sa matua fesilisili
mai ai le mamalu o le aufaifaatoaga niu poo fea ua oo iai
lea tauvaga. O lea ou te fesili atu ai i lau afioga i le alii
Minisita sei silasila ane pe o se tauvaga sa fai i se tulaga
faamaoni, pe o se tulaga na ona oleole ai o le
aufaifaatoaga, oleole ai le atunuu, faasese ai le atunuu
aua o lea ua aliali mai i le taimi nei e leai se fuafuaga o
iai faapea. O lea ua ou tuuina atu ai i lau afioga i le alii
Minisita aua ua tele le aufaifaatoaga aemaise lenei
itumalo sa matua alo atu i fuafuaga o le tauvaga.
Sa faaali mai e se tasi o faifaatoaga sa malaga atu le
Komiti ina ia faitauina le toganiu. Faitau mai le taeao e
oo i le aoauli e lei uma ona faitau. E oo atu i le afiafi ae
faaali mai e le Komiti ua matou le mafai ona faitau le
atina ae niu ma le faatoaga niu lenei. O le a matou foi ae
matou te tau atu o oe e te maua le faailoga muamua. E te
sili i le tauvaga lenei. O le mea ou te fesili atu ai i lau
afioga aua ua iloa ua leai se tulaga faapea. O le agaga ua
iai i lea faifaatoaga ma le tele o le atunuu e foliga mai ua
faavalea i latou. Aemaise o lea fuafuaga ma lea tauvaga
sa tulai mai ao loma le faiga palota ma ua aliali mai e na
o ni faiga e faatosina ai i tulaga o faiga palota. O lea ua
ou fautuaina ai lau afioga i le alii Minisita sei silasila ane
ona o loo iai ni popolega o le aufaifaatoaga e tusa o ni
faaupuga ma ni tuutuuga ua uma ona tuuina atu ia i
latou.
Lau afioga i le Minisita e ala atu i se fautuaga ona o le
tulaga i faaeleeleaga. I le tausaga ua mavae e tele ina
galulue le atunu e atinae lenei tamaoaiga o le talo ae
peitau ua leai ni maketi e aveina iai. O le tulaga ua aliali
mai ua oo ifo i loto o tagata, e tigaina e taumafai a latou
atinae ae leai se faamanuiaga e oo atu ia i latou. O le
mea la ua tulai mai ua tauau ina le toe fia galulue ma ua
tulai mai ai le oge i le atunuu. O lea ua outou silasila nei
i le maketi ua 3 talo i le $10. O lea e fautua atu ai i lau
afioga i le alii Minisita. E tele le aufaifaatoaga o le
atunuu ua faamaamulu ma ua le fiafia ona ua le
faaaogaina a latou faaeleeleaga talu ai le faatamala o le
Malo i le sailia o ni maketi mo le aufaifaatoaga. E le gata
i lea o e sa tuuina atu le tele o o latou taimi i faatoaga
pasio ae o lenei foi ua tulai mai ua leai ni maketi. Ua tele
ina faaleagaina nisi o fuafuaga ma tamaoaiga sa atiae e
nisi o le atunuu. Ua tuu i lalo niu sei vae atu le mamalu o
le Fono, o fai ae faalaolao mo le pasio. Ae peitau ua
aliali mai ua leai foi ni maketi e pei ona folafola mai e le
Malo. O lea foi ua faatauina e le Malo le fale sa
fuafuaina mo lea tamaoaiga i Alafua. O le tulaga la ua
aliali mai ua matua pagatia le aufaifaatoaga o e sa latou
atinae lea tamaoaiga ma lea tamaoaiga o le atunuu. O le
mea ua tulai mai ua tele a latou nogatupe sa taumafai ai
atinae nei ao lea ua leai se maketi e sailia e le Malo ma
ua faatau e le Malo le fale sa fuafuaina mo lea
tamaoaiga. O lona uiga ua faagata e le Malo lea
tamaoaiga. O le fesili la lau afioga, A faapefea nei la le
aufaifaatoaga o e sa galulue ona o folafolaga a le Malo o
le a tele le maketi ma o le a tele faamanuiaga o le a maua
mai i lenei tamaoaiga.
Ou te fautuaina lau afioga i le alii Minisita ma le
mamalu o le Matagaluega pe le tatau ona taofia…
Lau Afioga i le Fofoga Fetalai ma le faaaloaloo o le
tulaga sa saunoa iai le sui mamalu o le sa avea foi ma
Minisita i le taimi ua mavae. I le tulaga i le talo i le
tausaga ua mavae sa maua ai si ou avanoa e maua ai ni
au pusa e 200. E lei mafai ona ou faatinoina le afa o lea
tulaga ona o le talosaga mai o le aufaifaatoaga i totonu o
le nuu ma le itumalo ua tauau ina faaleaga fua o a latou
faaeleeleaga. O lea sao u vaevaeina iai lea tulaga ona ua
leai se faitotoa i fafo poo se maketi i fafo. E sao le afioga
i le Minisita aua ou te malaga mai i le taimi lea ae omai
loli pe fa pe lima a le alii Minisita ave o loo maua le
maketi. O lona uiga sa maua lava le maketi a le alii
Minisita ao lea ou te tautala atu o le aufaifaatoaga i tua e
matua leai se maketi. O le tulaga i le pasio, lau afioga i
le Fofoga Fetalai……….....
E faamalulu atu i le sui mamalu. E leai o lea ou te
tautala faale faifaatoaga i tua. E leai se avanoa, leai ni
taga talo, leai ni pusa talo. O le tulaga i le pasi e pei ona
faaalia e le sui mamalu, o le Faletupe ou te talitonu o se
lala o le malo ma o se vaega o le Malo. O lea sa matua
tuuina atu atoatoa le agaga o le aufaifaatoaga ina ia
galueaina lea tamaoaiga. Ae paga lea o se mea e
faanoanoa ai ua aliali mai o lea fale sa fai ai sea fuafuaga
o le fale sa faatupe mai fafo ma o se meaalofa mai fafo
aua le aufaifaatoaga. Ao se tulaga lava e lagona ai le
faanoanoa ona ua le toe maua nei lea avanoa e i latou na
feagai ma lea tamaoaiga.
Lau afioga i le alii Minisita ou te fia fesili atu foi i lau
afioga poo lea a le tulaga ao fea le faleia lea sa i
Salelologa. O le fale lea sa manuia ai le au tautai o le
motu lea o Salafai. O lea la ua aliali mai ua leai le faleia
lea ua uma foi ona faatau. Ou te faaalia lava ma le agaga
faanoanoa ona o nei tamaoaiga sa soifua lelei ai ma
maua ai le toomaga o le latou faatautaiga, o le fale lea sa
mapu iai, o le fale lea sa lelei ai, o le fale foi lea sa mafai
ai ona faasoasoa lenei taumafa i le motu o Salafai. Ao
lea la ua aliali mai ua aveese foi e le faigamalo ua mavae
atu nei. O lea ou te talosaga atu ai i lau afioga i le alii
Minisita ina ia faautagia ma ia tofa malie lau afioga sei e
silasila totoa i lenei mataupu ma lenei ala manuia aa le
motu i Salafai. O fautuaga ia i lau afioga i le alii
Minisita.
Lau Afioga i le Fofoga o le Fono, faafetai i le alofa ma
le agalelei o le Atua ona ua mafai ona toe taitaiina mai lo
outou soifua ma lo matou ola. E ui lava na o ni nai itula
na tala aao atu ai lau afioga i le ma le mamalu o le
Kapeneta mo se malologa, ae iai lava le talitonuga e le
asa lava mala ma faigata. Ia faafetai o lea ua toe tala aao
mai i le soifua lelei ma le lagi e mama lau afioga ma le
mamalu o le Fono Aoa.
Ia ae tapuai maia o le a sei taumafai atu se sao o lenei
Itumalo faapea i le faasausauga a le mamalu o Samoa i
lenei po. Lau afioga i le Fofoga Fetalai e tuuina atu se
fautuaga ma ni manatu i le afioga i le Minisita o Aoga,
Saunoaga Faataupou Sui USufono 19861-2011
faafetai o lea ua faataunuu le faamoemoe,. E pei ona sa
tauuina atu i le atunuu, ma ua toe tatala le aoga i Avele.
Ou te lagona o le a le faaumiumia se faamatalaga i lea
vaega aua o le mea sili ma faafetai ai ua taunuu le aoga
ua lava ona iai i totonu o le atunuu. E momoli atu ai le
faamalo. Aemaise ona ua matua faaitiitia avanoa o alo
ma fanau e ofi atu ai i kolisi maualuluga.
E le o taitai ona lava kolisi aua ua tele vave pea le
tuputupu ae o alo ma fanau a Samoa. O lea e faafetai i
lau afioga o lea ua taunuu ma tini le faamoemoe ia toe
tatala lea kolisi a le Malo. Ae e le o taitai ona lava e
faamalieina ai le tele o alo ma fanau o le atunuu, o fia
agai atu e saili aoga maualuluga aua o le lumanai lea o
Samoa. O se fautuaga i lau afioga e le gata ina ua toe
tatala lenei Kolisi, ae ua tatau ona i ai se isi fuafuaga ina
ia toe i ai Kolisi fou, ina ia mafai ai ona foia le faafitauli
i le tele o alo ma fanau o le atunuu e fia ulufale atu i
totonu o aoga maualuluga i le Kolisi o le Malo.
O fautuaga ia i lau afioga i le alii Minisita e le gata i
lea, o le Kolisi o Vaipouli e fautuaina lava lau afioga e
auala atu i le Nofoa ina ia faia ni fuafuaga ina ia siitia
atili lea Kolisi i le Motu ina ia tutusa lelei e le gata i
vasega ao faiaoga ae o le tulaga o aoaoga ma le Kolisi o
Samoa. O le tulaga e pei ona tulai mai nei, i le le lava o
Kolisi e ulufale atu i ai alo ma fanau a le atunuu, e fia
momoli atu ai le faafetai i Kolisi a Ekalesia, o Ekalesia e
fia i totonu o Samoa o i latou ia ua ave ama vaifofo e
foia ai le faafitauli lea o le le leai ni aoga ma le le lava o
aoga e ulufale atu i ai e ua oo atu i tulaga maualuluga,
ma ulufale ai i le Kolisi. O lea e momoli atu ai le
faamalo i la outou lagolagosua ma le talimanao aua le
lumanai o alo ma fanau a Samoa. Ae peitai lau afioga i
le Minisita, e le o taitai ona lava fesoasoani e tuuina atu i
Aoga ia a le Ekalesia poo Kolisi maualuluga a Ekalesia
lea o loo ofi a tu i ai alo ma fanau a Samoa.
Lau Afioga, o se tasi o fautuaga e fesoasoani atu ai o
tulaga i faiaoga. O i latou o e o auina atu i fafo ma maua
mai ai le tomai faapitoa i tulaga o le aoaoina ma le
faiaoga. E fautuaina lau afioga i le Minisita ona e foi mai
ma o atu uma i Kolisi a Ekalesia. E lei oo ea i se taimi e
tatau ai ona faasoasoa lelei faiaoga ia ua iu mai fafo.
Afai foi e tuuina atu lea fesoasoani i aoga a Ekalesia, ou
te iloa o le a matua talisapaia lea fesoasoani. Ae o le
tulaga i totoni ia o totogi pea e le Malo, ia totogi e le
Malo ia faiaoga ia ua iu mai fafo ae tuuina atu e
lagolagosua i le atiina ae o Aoga i totonu o Ekalesia pei
ona faatulai mai i le taimi nei.
E momoli atu le faafetai i le mamalu o le faigamalo ona
o tupe ua faasaoina mai le soona faaalu i fiafia poo Party
a le Malo. Ona e aliali mai o tupe sa faaali i ia
potopotoga a le Malo i tausaga ua mavae e silia ma le
½miliona aemaise o ava malosi. O le tupe la lea e
faatalosagaina ai le afioga i le Minisita ina ia aumai e
faamatuu atu i Aoga a Ekalesia e totogi ai faiaoga ua iu
mai fafo ma ua maua o latou tomai ma o latou faailoga,
ina ia lagolagosua ai i Aoga Ekalesia.
Lau afioga i le alii Minisita o Falemai, e fia tuuina atu
foi ni fautuaga i lau afioga e tusa ai ma le tulai o le
Matagaluega i lenei vaitaimi. I se vaitaimi laitiiti ua tulai
mai lenei faigamalo ae ua matauina ua maea ona e asiasi
falemai i le Motu i Upolu nei. E talosagaina foi lau
afioga ina ia faaauau le asiasiga lea i Falemai uma i le
Motu i Salafai. Ua manaia ma matagofie fuafuaga uma e
pei ona matauina i le tatou Falemai i Motootua ma
falemai i tua, e talosagaina a outou afioga ia faaauau atu
ia asiasiga i totonu o le Motu tele i Salafai.
O le falemai i Tuasivi, e talosaga atu lau afioga ina ia
outou silasila i ai, e manaomia fesoasoani i le Malo i nei
falemai ua fausia lava i aao ma lima lava o Faasaleleaga,
sa fausia lo latou afu maligi. O lenei la ua tapa e le Malo
ma ua tuuina atu i aao o le Malo, ma ua matauina o fale
tuai lava la na amata ma ua tuuina atu i aao o le Malo,
ma ua matauina o fale tuai lava la na amata mai ai fale o
lenei itumalo, e lei i ai ni fale foi o toe fausia. O le
falemai lenei ua fai ma ogatotonu o Faasaleleaga. Ae
paga lea lau afioga i le alii Minisita e le o taitai ona
faaleleia ma lava fuafuaga a le Malo e faaleleia atili ai
lenei Falemai ina ia talia ai manaoga i gasegase i totonu i
le Motu i Salafai. Ua matauina foi taavale e le ona lava.
E talosaga atu ina ia toe aumai ni taavale ia e i totonu o
Tuasivi. O le tulaga io fomai, e mataala tele lenei fomai
o loo galue i totonu o lenei Falemai, atoa foi ma tamaitai
fomai o loo i ai. O lea e talosaga atu ai ina ia faaleleia
atili lenei falemai i Tuasivi ina ia tua uma i ai le Motu i
Salafai. O fautuaga ia i lau afioga i le alii Minisita ma e
talitonu e lava lou agavaa ma lou silafia o le a mafai ai
ona faaleleia lenei Falemai o i totonu o lenei itumalo.
I lau afioga i le alii Minisita o Galuega, lau afioga
Leiataua, ia ou te talitonu lava o nei fautuaga e tuuina
atu e auala atu i le Nofoa, o la e a fai ma e sialsila totoa i
ai ma tuu atu foi i ou tafatafa, ina ia faaleleia o lenei
Motu i Salafai faapea foi totonu o lenei Itumalo. O le
tulaga i vaipaipa ma le eletise. O le tasi lenei atiina ae sa
fausia lava foi i lima o lenei itumalo o le vaipaipa. E
mulimuli ona tago atu nei le Malo ma latou faafoeina ma
maua ai tupe a le Malo, ao le amataga mai ma le fausia o
le vaipaipa i Faasaleleaga, sa fausia lava i lo latou afu
maligi. O lenei la ua tuuina atu i le Malo e galulue ai.
Ona o i lava le ogatotonu o loo i ai uma Ofisa o le Malo,
o lea e manaomia tele ai suavai, ina ia lava. O lea la e
talosaga atu ai i lau afioga o lenei vaitaimi i aiga taitasi,
faatoa mafai ona maua le suavai ina ua leva le po. O le
tulaga lea e i ai nei o le taitai ona talafeagai. Sa taua foi e
se tasi o sui e faapea i lona taimi sa tulai mai ai e faapea
sa tofutofusia alalafaga ma paipa. O lea ou te faaali atu
ai i lau afioga i le Minisita ina ia alofagia lea itu. O loo i
ai lava le vai i uta i Tapueleele ma ou te lagona e le taitai
ona atoa se 50 o ni paipa ona o lea faamanuiaga. E le
gata i nei nuu poo nei afioaga o lenei itumalo, ao le aoga
lea a le Ekalesia o le Mamona ma le Ekalesia Katoliko.
O lea ou te talosaga atu ai Leiataua afai o le a faautagia
ma faaleleia nei suavai o le a faapea ona faaleleia uma
ma manuia uma nei Aoga. O lea ua ou tau atu o loo i ai
vai, ma o loo ou maua o loo taua ni au asiasiga ma o le
avanoa lelea lea e te silasila totoa iai. O le talosaga atu
lea i lau afioga alii Minisita.
Saunoaga Faataupou Sui USufono 19861-2011
O nisi o fautuaga i lau afioga i le alii Minisita ona o
tulaga i fale o loo faaaogaina e Ofisa o le Malo o loo i
totonu o le Motu lenei o Salafai, ia e pei lava ona taua e
nisi o sui, amuia lo tatou Motu nei ua faimalaga mai
asiasi i totonu o Ofisa ua feilafi mea uma. Ua sui faafia,
ua fogafale lua sei oo i fogafale tolu, ae a e silasila i ai
lau afioga i le alii Minisita i fale ma Ofisa o loo galulue
ai ma avea ma Ofisa o le Malo i totonu o Salafai, ia ou te
tau atu i lau afioga, ou te fefe e vaai i ai. O le Ofisa o
Faamasinoga i Tuasivi, ia o lea sa taua e se tasi o sui, ua
matua le taitai ona tulaga talafeagai. Ua feololo mai i le
taimi nei ona o se faaopoopoga fou sa iai. Ae le taitai
ona tulaga lelei, ae fautua atu i lau afioga i le Minisita,
ona o le Ofisa o Leoleo o fale lava n asa i ai mai le
amataga o la e lava o loo galulue ma tautuaina e ala i
lenei Matagaluega o Leoleo. E le gata foi i lea ao le
asiasi atu i ai tatou atunuu e le taitai ona talafeagai ai. E
talosaga atu ai i lau afioga e te silasila totoa i ai. E le
gata i lea, ao taavale o loo faaaogaina e le Ofisa lea o le
Malo i le Motu i Salafai e talosaga atu e le taitai ona
talafeagai. Se meamanu le mataalia o i latou o loo feagai
ai ma nei tiute i le taumafaiga o taavale, ae ou te fai atu e
sili atu ma le 10 tausaga o loo taumafai pea taavale nei.
O taumafataga o Ofisa o le Malo i Salafai, i se taimi
sao ou faigaluega ai i se tasi o Ofisa o le Malo ou te tau
atu i lau afioga e tele lava ina tofafa i tua, ona o le tele o
tulaga faaletonu, e taumafai atu ae ua le mafai lava ona o
le tuai o togafitiga o nei taavale mo le togafitia, o nei
faafitauli. O lea e talosaga atu ai, ua tatau ona i ai se isi
taavale fou a le Matagaluega a le Malo mo le
faataunuuina o ana galuega. E le gata i lea ao se taavale
mo le Ofisa o Leoleo, aua le faataunuuina o nei tamalii.
E faatagisia ai foi ma auala o lenei Itumalo ina ia
faaleleia.
O se tasi itu, e fia fesiligia lau afioga i le Minisita, ma
le tulaga lea e pei ona faaalia e nisi sui usufono lea o le a
suia ai se vaaiga i totonu o eleele sa nei i Tiafau poo
Mulinuu, le eleele o loo faalagi nei ua taua o le eleele o
le faautugatagi a Aiga ma Tama, Tumua ma Pule, ma o
le eleele foi o loo faafailele ai upufai a le Malo, ao lea ua
aliali mai ai o le a suia mai ai se suiga tele i le fuafuaga
lea ua fai ai nei ia faletalimalo ia ua tanu ai ia e le ilititai
poo le sami. E fia fesiligia ai lau afioga pe fia se seleni
ua tuuina mai e le Malo o Nauru i le tatou Malo ua
tuuina atu ai se maliega ina ia faia ai lea tulaga. Ou te
talitonu talofa i se vaaiga matagofie sa i ai le tatou
atunuu o le a suia atoatoa. O le a le toe tulai mai i se
tulaga sa i ai le matagofie o lenei eleele ma le agai mai i
Tiafau nei ae o le a matua suia atoatoa. O lea e talosaga
atu ai i le afioga i le alii Minisita o le a se tulaga na avatu
ai lea maliega i lea Malo. Ia ae lagona foi o loo i ai foi se
tulafono i le Malo o le tuuina atu o tatou eleele i lenei
Malo.
Lau Afioga i le alii Palemia o loo tumai mai i le Tala o
le Tupe a le atunuu o tupe maua mai ia tatou
faaeleeleaga e lau atu e 26 miliona, ae 23 miliona i nisi
taimi. Ao tupe o loo faamanuiaina ai i tatou e ala mai i
alo ma fanau o le tatou atunuu o loo i atunuu mamao,
aemaise o Niu Sila e tusa e 77 i le 78 miliona. Toeitiiti
atoa le 80 miliona. O se matua tupe tele lenei o loo tatou
maua mai i ia faamanuiaga e ala mai ia tatou fanau o loo
malaga atu i Niu Sila, ma e matauina ma le faanoanoa pe
a matauina i lenei taimi i le tulai mai o le faigamalo ile
tulaga o loo iai le tauivi atu mo Niu Sila. I le tolu, fa
vaiaso talu ai, sa matauina ai le autovaa mai o le atunuu.
O ni molimau ua tuuina mai, e ta le 2 i le vaveao ua
amata ona tutulai e fai le laina i totonu o le Ofisa o Niu
Sila, ma le vaveao seia oo i le 9 i le taeao ina ua tatala le
Ofisa, o tu ai pea mai le malulu o le sau i le vaveao. E
aliali mai ai nisi tulaga faaletonu ona o le umi o le taimi
e faatali ai, ae ua le mafai foi ona alofia aua o lo o
naunau e fia saili manuia atu i fafo. O lea la o le a
faimalaga atu i Niu Sila, ae ua iloga ona tigaina. O le
mea lea lau afioga i le alii Palemia, pe le mafai ona toe
filoai ma le alii Palemia ma le Malo o Niu Sila e uiga i le
toe iloiloina o a tatou Faiga Faavae i le va o Niu Sila ma
Samoa ma ua uma ona sainia se fegaiga faauo i le va o le
tatou atunuu ma Niu Sila. Aua o Niu Sil ama Samoa sa
fuifui lua mai i le tele o tausaga ua tuanai, sa faifai mea
faatasi ao lea ua oo mai i lenei taimi ou te talosaga atu i
lau afioga sei toe silasila totoa i ni faiga e maua ai se
fesoasoani i le atunuu. E faafeta tele atu i le alii Palemia
ma le Kapeneta ona o se finagalo o le Malo tele o
Amerika o le a tatalaina lo latou nofoaga mo le
faigamalaga i totonu o le tatou atunuu nei. O lea la e
fautuaina ai lau afioga i le alii Palemia ina ia faia ni
fuafuaga ia maua ai le avanoa e tagata samoa e malaga
atu ai i le Malo tele o Amerika e pei ona sailiili manuia
atu ai i le Malo o Niu Sila. E le gata i totonu o le Malo o
Amerika ao totonu o le Malo o Ausetalia. O lea e
fautuaina ai le alii Palemia ina ia tatou faia nisi tulaga
lelei, aua o lea ua tatou maua lenei faamanuiaga ua tatala
le Ofisa o Amerika i totonu o le tato atunuu, ma o le a le
toe i ai se faafitauli e aliali mai i a tatou mataupu e pei o
Niu SIla, ae o lea o le a faia lava feutagaiga i totonu o si
o tatou Malo ina ia mafai ai ona maua se avanoa lelei e
faimalaga atu ai i Amerika ma Ausetalia e saili manuia
ai e pei ona faia i le taimi nei e le Malo o Niu Sila.
Lau afioga i le Palemia e momoli atu foi le faafetai tele
ona o le tulaga ua avea ai lau afioga ma alii Minisita o le
Faalapotopotoga lenei a le PSA. Aua ou te lagona o le a
mafai ona maua le fonotaga lelei ma o le a leai ai foi nisi
o faafitauli e pei ona sa i ai i le taimi ua mavae. Aa o le
ala lea nao o mai ai se toatuga ma nao o ai lava ina ia i ai
ni tulaga le manuia e pei ona sa silasila i ai le atunuu ona
sa fetaa‟i faalou le magā lena Faalapotopotoga. O le ala
lea sa tulai mai ai se faaletonu i totonu o le atunuu ao le
mea sili o lea ua aloaia lenei Faalapotopotoga. Lau
afioga sei e silasila i le aufaigaluega a le Malo, o le
aufaigaluega ua ofoina atu o latou soifua mo le atunuu, o
taimi uma ua tuuina atu o latou soifua e galulue ai mo le
Malo. E leai nisi taimi latou te faia ai nisi fuafuaga aua
ua amata mai i le 8:00 i le taeao seia oo i le afa o le 4 i le
afiafi, ua tuuina uma atu le latou malosi ma le latou taimi
e tautuaina ai le Malo. O lea ua aliali mai sa i si se 5
pasene na pasia mai i le tausaga ua mavae aae oo mai i le
Saunoaga Faataupou Sui USufono 19861-2011
taimi nei o loo tagitagi mai pea le aufaigaluega a le Malo
i le tele o nisi Matagaluega e lei maua lava lenei
faamanuiaga, ona e aliali mai e na o le pasia o le 5
pasene ae leai se tupe e totogi ai lea 5 pasene. O lea la e
talosaga atu ai i le alii Palemia ina ia silasila totoa i lea
tulaga. Ameaise i latou o loo galulue i galuega i le faiga
o auala, ma le galuega faa-kamuta. O le tau o le soifuaga
ma le tulaga o loo aliali mai nei e le taitai ona talafeagai
ma lava i le tausiga o le aiga. O lea e talosaga atu ai i le
afioga i le alii Palemia sei silasila totoa i lea vaega ma
alofagia totogi o le Malo. Lau afioga i le tulaga i le taui o
faalavelave faafuasei, o le tulai mai ia lea foi fesoasoani
o loo maua mai i le tatou atunuu, i nisi ua aliali mai ma
aafia i ni faalavelave faafuasei. O loo aliali mai e pei ona
i ai lea Matagaluega, pei o loo mafuli a latou fesoasoani
e tuuina atu i e o manunua i taavale ma totonu o fale
faigaluega. O lea e fia fesili atu ai i lau afioga pe o le a
se finagalo o lenei foi Faalapotopoptoga ia i latou o loo
maliliu mai i afioaga i tua, pe tei ua o i le faatoaga ae tei
ua lavea ua pau i ai se laau, ae le gata foi i lea ao i latou
o loo feagai ma le gataifale i tulaga o faiva o e e
malelemo, o isi e ia e pei o tulaga o loo aliali mai, o lona
uiga ea o lea faamanuiaga na o i latou lava o loo
manunua i taavale ma i latou o loo galulue i totonu o
Ofisa ae faapefea i latou o loo galulue i faatoaga. O loo
lamatia o latou soifuaga i tulaga o faalavelave le
maalofia. O lea ou te talosaga atu ai i lau afioga ina ia
silasila totoa ane ina ia fai se fuafuaga e aafia uma le
atunuu i taui o faalavelave faafuasei.
O le Ofisa o Faamasinoga, lau afioga e ui lava ina
lagona le faanoanoa ona o le tulaga faapae ua taatia i
totonu o lenei Maota e faapea e le faaopoopoina ia tulaga
i iuga o faamasinoga, ia ae ou te lagona lava o le tasi
lenei tulaga tumaoti i totonu o le tatou Malo. Ae afai o le
a le faaopoopoina se faaiuga o se faamasinoga e faia e le
Faamasino Sili, poo le Faamasinoga Maualalo po o le
Faamasinoga o Fanua ma Suafa, o lona uiga ua tatou toe
faatautalaina lava i tatou. Peitai, o le Matagaluega o se
tasi o galuega tumaoti i totonu o le tatou Atunuu. O lona
uiga la, e tatau ona tatou saili fofo atu i fafo i ni
faamasinoga e fia faia i totonu o le tatou atunuu. Ae o
lou lava lenaga lagona, o lenei Ofisa o Faamasinoga o
loo galulue ai nisi o tama matutua o le atunuu. Ia e le
gata foi i lea, ao tupu ma ona tamalii aemaise o ponaoo
aemaise o le mamalu o le atunuu o lo o galulue ai foi i
lenei matata.
O le faamasinoga o Fanua ma Suafa, e pei lava ona taua
o se tasi o le tiute ua iloga foi lana tautua e pei ona i
luma nei o le Laulau-a-Fono, e pei o le Lipoti na tuuina
mai i luma o lau afioga i le Fofoga Fetalai, faapea foi le
mamalu o le Palemene. Ua faaalia mai ai le tulaga o le
galuega e pei ona sa faafeagai ai. Ae o nai fautuaga ma
nai manatu e fia tuuina atu i lau afioga o nisi o mataupu
e ono maua le fesoasoani mo le atunuu.
O se tulaga lelei le matua aloaia ma tausia pulega
mamalu a alii ma faipule ma faamasinoga amiotonu i
totonu o afioaga ma alalafaga ma o le a tele ai foi ina
foia le tele o mataupu o le a tuuina atu i luma o le
Faamasinoga, aua o le tele o mataupu e faatuina mai e
tele ni taimi ma ni tausaga e ono faatali ai, ae ono foia
lava ma o le a faamalosia le tulaga o le faia o
faamasinoga i totonu o afioaga ma alalafaga o le a le
pine ona maua se saogalemu. E le gata i lea, ao le
finauga i tuaoi e faia e alii ma faipule ina ia maua ai le
toafilemu. O le tulaga lea ua tulai mai ai le totogi o
Faamasinoga poo totogi o tagi faaulu i Suafa matai i le
taimi nei, o lea e talosagaina ai lau afioga i le alii
Palemia mo se Tulafono e pei ona aliali mai i le
saunoaga a nisi o sui, i le Tala Faatatau o le Tupe i lau
afioga i le alii Minisita o Tupe. O le a toe lauiliuina ma
ia taumafai se Tulafono e fai ai se fetuunaiga. O le tulaga
lea i le totogiina o le 15.00 i le matai e tasi. O lau afioga
ua matua mamafa le avega ua faaopoopo atu i le atunuu
e ala i lea totogi ua tuuina atu e lea Ofisa o Fanua ma
Suafa. Ae ou te manatu e le mafai ona alofia i le taimi
nei. O loo faatino le tiute o le resitara ma le ma le Ofisa.
Ae sei vagana o se Tulafono e suia ai lea vaega ona
mafai ai lea ona faamama avega i le atunuu, aua o le
tulaga o iai nei ua tele ina faamalieina aiga ma faasalafa
o latou suafa matai e tolu pe o le mea la ua tulai mai nei,
afai ua le alu atu se tasi e faalavelave i le mea ua tulai
mai e totogi le 15 tala e le matai e tasi. O lea la e
talosaga ai lau afioga i le 15 tala e tasi e totogi e fai ai le
talosaga, ina ia fesoasoani atu ai i le atunuu. Aua ua
mamafa tele le latou avega, ou te manatu sei vagana a
outou afioga i alii faipule e mafaia ona faaofi mai lea
15.00 poo le 60.00. O le mea lea o le a oo i le tagata e
lima vaivai o le a le mafai ona puipuia ana measina ma
ana meatotino talu ai ona ua mamafa le tupe na te
totogiina. Ou te talosaga atu lau afioga i le alii Palemia
ina ia aveese lea avega mamafa ua faaee atu i le atunuu,
aua o le a aafia fua o nisi o e e le tatau ona aafia ai, ma
afai la o le ua totogi lana faasalaga lea poo le totogi o le
faamasinoga e $7.50 ao lei faia le faamasinoga ae uma
ane le faamasinoga o ia lena e manumalo, ia o le taimi la
lea o le a toe taumafai mai ai e tuu atu lana $7.50 lea.
Afai la e malaga mai Falealupo, ia o lona uiga e $3.00 e
malaga mai ai i lepasi i Salelologa, e $4.00 mai i le vaa i
Apia, ma le $1.00 mai iinei, o lona uiga e $8.00,
faaopoopo mai ai ma le $8.00 e toe malaga atu ai i
Savaii e sefulu ma le ono tala, ae nao le $7.50 le tupe
lenei ua toe taumafai e toe faafoiina atu. E le gata foi i
Savaii, ao Upolu nei, a faimalaga mai foi tuaa e seasea
ona faapea e malaga mai i lea lava aso ma maua ai. Ou te
talosaga atu i lau afioga i le alii Palemia ina ia aveese le
tulaga lea, o le lua i totogi o sala poo totogi o
faamasinoga ao leai faataunuuina ia faamaasinoga.
Lau afioga i le alii Minisita o Falemeli ma
Femalagaiga, ua aliali mai i faamaumauga ma le
faafogafoga mai a le atunuu i le tele o tupe o loo
faaletonu i pili o telefoni, ma o lea sa tausailia ma o le
tele o tausaga ua tuanai atu, pe fofo mo lea faafitauli ia
ou te manatu lava o lea lava o loo aliali mai lau afioga i
le Alii Faatonu Sili ia ae e le o le taimi lea aua e fou lou
tulai mai i le tofi pei ona e sui mai iai, ao le tulaga mai i
le taimi ua mavae i le faitau miliona o tupe a le atunuu o
Saunoaga Faataupou Sui USufono 19861-2011
loo leiloa mai i totonu o le Falemeli. E le gata o pili o
telefoni, ae o lea o loo silafia uma e le atunuu afai o le a
le totogia pili o le telefoni, o le a le mafai ona maua se
fesootaiga poo le a aveesea le telefoni. A leiloa ma le lē
malamalama pe faapefea ona tulai mai lenei faitau
miliona o tupe a le Malo ua leiloa mai i totonu i tulaga o
telefoni. O lona uiga, ua aliali mai o loo iai nisi o
telefoni o loo tuu iai se avanoa, o loo tuu iai se faatagana
poo se ioega mai i totonu lava o le Matagaluega e
faaauau ai pea seia oo lava ina maua ane pei ona maua
nei e sili atu i le sefulu ma ona tupe afe le telefoni e tasi
e lei totogiina, ao le telefoni a le mamalu lautele o le
atunuu e sefulu ma ona tupu tala e oo i le aso e faagata
ai, motusia loa ma le telefoni e le toe faaolaina. O lea la
lau afioga i le alii Minisita o Falemeli sei e silasila totoa
ane iai e le gata i lea o aualofa poo tupe o loo
faameaalofa mai fafo i alo ma fanau a le atunuu i e o loo
papa ma alala i fafo sei alofa o loo tele ona le maua. O
loo tele ina oi le atunuu ona o le tulaga ma le faafitauli e
pei ona tulai mai. Ua maua mai tusi ua tuuina mai nai
meaalofa e $10.00, $20.00 ae ua le maua, o lona uiga o
loo iai lava i totonu o le Matagaluega nisi o loo latou faia
lenei faga faalealofa. Lau afioga, e pei lava foi ona
tuuina mai le lipoti a le Suetusi, e lagona lava le
faanoanoa i le tulaga pei ona aliali mai i le Falemeli i
uiga o loo tulai mai nei. O lea ua aliali mai le tulaga i
mea tau Suesuega a le Suetusi i tulaga solitulafono,
tulaga le talafeagai sa faaauau ai le fausia o le falemeli
lenei. O lea lava ua manino mai sa sili ai lava ona fausia
se falemeli i le tulaga tuai lea sa mu ai le falemeli tuai na
i lo le tupe lenei ua tuuina atu e faauaua a le Fale Tupe o
Samoa i Sisifo, na i lo le tupe lea ua tuuina mai e
faaauauina ai le Falemeli ao lea ua aliali mai, ua na o se f
ale tuai ua tuu iai se foliga fou mai fafo, ao totonu o lea
fale ua matua le taitai ona talafeagai. Ua matua tutuli, ae
le gata i lea ua faaalia foi e le ai faigaluega o e ua
galulue ai i le taitai ona talafeagai ma le soifuaga. O le
ala foi lea ua le mafai ona faauauaina a latou galuega e
oo atu i le taimi manava ona ua le mafai ai ona
faauauaina a latou galuega e oo atu i le taimi manava
ona ua le mafai ona latou mapusaga i le vevela. E le gata
i lea ua maitauina le taugata ma le tele o miliona sa
tuuina atu e na ona toe faia ai se faiga ua foliga mai ua
faatu ai le fale tuai sa iai. Ua matua aliali mai le le
talafeagai o lea tupe tele a le Malo ua goto i i i le faiga o
le Falemeli ona o le le silasila totoa.
I le tulaga o galuega e pei ona tulai mai ai le
faatuatuaga a le tatou atunuu i ai tatou. Lau afioga i le
Minisita ae le gata i lea ao le tulaga i vaa feoai i le uafu.
E momoli atu le faafetai tele ona o le fuafuaga i le
saunoaga a le Minisita o Tupe, mo ni vaa fou ua
fuafuaina e faimalaga i le va o Mulifanua ma Salelologa
poo le va o motu e lua.
E fautuaina foi lau afioga ona o le vaa o le Puleono se
tasi o vaa aoga mo le femalagaiga i le va o motu nei e
lua. E le gata i femalagaiga ae o le felauaiga o taavale,
ua tele lona aoga i le atina ae o le tamaoaiga ma le
taumafaiga mai o fua o faaeleeleaga ma atiina ae i le va
o motu nei e lua. E ui lava foi ina lagona le faanoanoa
ona ua faataueseina atu se tasi o vaa sa ave ama toomaga
ma auala e maua ai le faamanuiaga o e femalagaai i
motu nei e lua ae ua tulai mai ua faatauina ese atu, le vaa
lenei o le Lady Samoa o lenei vaa i lona tulaga mai ma
lau matau iai, ou te matua lagona lava le agaga faafetai,
ou te faafetai i nisi sa tulai mai i le tofi Minisita ma le
faiga malo i lena vaitaimi ona ua maua le fesoasoani mo
tagata matutua. O lau lava matau o le vaa mo tama ma
tina matutua, o le vaa mo le fanau, le au vaivai, Sa maua
le agaga faafetai, faafetai i le maemae o le sogasoga o le
faigamalo i lena vaitaimi na mafai ai ona maua lena
faamama avega. Ae o se agaga faanoanoa ona ua tulai
mai ua toe faatauina atu lenei vaa. O lona uiga ea e le
manatu mamafa taitai o le Malo i o latou tagata? Afai
ona o le le lava i a tatou tupe sa tatau ona fai se sailiiliga,
ia tautino mai lea Matagaluega ma lea Matagaluega, e
moni o iai se gau. Sa tatau ona ave le faamuamua i le
femalagaai saogalemu o tagata, aemaise na tele foi tupe
a le atunuu sa maua mai ai. O le tasi lea mafuaaga na ala
ai ona filifilia i tatou ma aumai i ai le faatuatuaga o
tagata ma o tatou itumalo, ina ia tatou sailia mai ni tupe
aua le manuia o le atunuu.
O lea e tele tupe a le Malo lea e leiloa poo fea o iai. O
lea foi e taua se tupe mai le Fale Meli, o falemai, miliona
tupe ua leiloa, o lea foi e tulai mai i le lipoti a le Komiti
o Popo e faitau miliona le tupe na leiloa ai iina, ia o tupe
alu maimau na, ae o tupe na faatau ai le vaa aua
femalagaiga a le atunuu, o tupe ia o loo aoga tonu i le
atunuu ma ana femalagaiga. O i latou o loo faigaluega ai
i le uafu, ou te fautua atu i lau afioga, toetoe atoa le 24
itula o galulue pea na tamalii o le atunuu, sei silasila ane
i nai o latou totogi pe maua ni o latou ovataimi.
Lau Afioga i le alii Minisita e talosagaina foi lau afioga
ina ia e folasia mai luma o le Maota nei, le tulaga o iai le
feagaiga foi lea na osia i le va o le Polenisia ma le
kamupani o loo iai nei o le Ansett. Aua ua matua aliali
mai le mafatia o le atunuu ona o le taugata o le pasese.
Ua matua gugulu ai le atunuu, ma o le molimau a i latou
o loo femalagaai, o le va mua lenei le sili ona taugata o
le va lea o Samoa ma Niu Sila. O lea e talosaga atu ai i
lau afioga i le Minisita sei faamalamalama mai le tulaga
o iai nei lena feagaiga e faapea na osia i le va o le Malo
ma le Polenisia ma le Ansett. Pe le mafai ona maua se
fesoasoani i le mamalu o le atunuu ona ua tauagata tele
le pasese i le va o atunuu ia e lua, o Samoa ma Niu Sila.
I lau afioga i le Minisita o Eleele e pei ona saunoa iai
nisi o sui vaega eleele o le Esetete Tausi ua ave e umia
saoloto atoa ai ma eleele ua faamatuu atu i nisi o afioaga,
ae silasila lau afioga o lo matou itumalo le isi itumalo o
loo lavea tele i le faafitauli lea o le le lava o fanua e
galulue ai. Ua matua leai lava se isi vaega e mafai ona
agai i ai lenei itumalo ua galueaina e tagata mai fafo
tualaoa ma tuamaota o lenei itumalo o Faasaleleaga ona
o fuafua ia e pei ona sagai iai le Malo. O le mea lea lau
afioga i le Fofoga o le Maota, pe le i alagatatau ea ona
faamuta le umia e ia tagata mai fafo o eleele, ae pe afai
foi ua toe faafoi atu i le Malo ina ua tutoatasi lo tatou
Saunoaga Faataupou Sui USufono 19861-2011
Malo, ou te talitonu ua tatau nei ona toe faafoi mai eleele
o lo matou nuu ma lenei itumalo. O lau afioga o loo
matauina foi ni eleele fou ua amata ona faafoeina e lau
Matagaluega. O lea e tuuina atu ai ni fautuaga poo ni
talosaga foi a le mamalu o le atunuu e le o se mea tatau
ona faamatuu atu nisi o vaega lenei eleele i nisi tagata e
ese ai, ae ia faamatuu mai i tagata tonu o le nuu. Aua o
lea e matauina le lolofi mai o tagata fai pisinisi mai fafo
mo le fia maua o ni fanua e faia ai ni a latou foi atiina ae.
O le tatou atunuu o lea faatoa silafia e tagata ala ma
faiga e maua ai le tamaoaiga. Afai ua umia pea e le Malo
le tele o fanua ia alofa sei vaevae atu nisi vaega ina ia
mafai ai e nisi tagata vaivai ona tau atiina ae.
Ou te talosaga atu i le Alii Palemia ma le Kapeneta ona
ua maua atu i saunoaga a nisi sui le manaomia o ni sui
faaopoopo mo o latou Itumalo, ma o lea foi la e le mafai
ona tuu i tua ni talosaga a lenei Itumalo, lea foi na tuuina
mai e sui sa isi i tausaga ua mavae. Aua o la matou
matau mai tua e tolu Itumalo o le ua lagolagoina ma uma
ona pasia lelei o latou sui faatasi.
O le Itumalo lea o Salega ma le Itumalo o Safata ma le
Itumalo o Faasaleleaga Nu.2. O le mea la lea e toe
faamanatu atu i lau afioga, afai o le a oo atu i se taimi e
faatino ai lea faamoemoe, o lena ua ou toe faamanatu atu
i fuafuaga ma le tulaga sa maua mai ua uma ona ioeina e
le mamalu o le Palemene ua mavae atu, sui faatasi o
lenei Itumalo.
O tulaga i faiga palota, ia lau afioga i le alii Palemia ma
le Kapeneta e ala atu se manatu i le Fofoga Fetalai i
fautuaga ina ia mafai ona toe teuteuina ai i tulaga i faiga
o le Tulafono i faiga palota ina ia foia ai tulaga faafitauli
e pei onas a masani ona tulai mai pe a uma faiga palota.
Ao le tulaga ua tatau ona iai e tusa ai ma lau afioga ma
le kapeneta mo se Tulafono pei lava o le faitauga i le po
ina ua uma faiga palota e tatau lava i le faitauga lena ona
tatau ona aloaia. Ae ua le mafai ona toe malosi le tulaga
i vaega faaupufai o lo tatou malo e pei ona ua tulai mai i
le taimi ua mavae, o lea foi ua oo mai i lenei vaitau ma e
iai le lagona o le a faafoia lona faafitauli o loo iai lava le
itu o le a faasilasila mai na faasilasilaga ina ua uma mai
faiga palota, e tatau foi ona avea le itu lena ma malo o le
a foia ai le ono poo le fitu poo le valu vaiaso lea e ono
fai ai nisi tulaga e oo ai ni tulaga e le taitai talafeagai ma
le tulafono tonu lena. E fautua ai lau afioga mo se
Tulafono ina ia teuteu ai o ai lava le malo o le a
faasilasila mai o le malo lava lena. Ou te toe teuteuina
lava lea tulafono. Ae ou te toe talosagaina ai ina ia mafai
loa ona faauauaina ia fonotaga i totonu o le lua vaiaso
ina ia mafai ai ona foia lenei taimi tele ua taatia ai
galuega a le Malo e aunoa ma se toe iloiloina.
Ia ua faatali sei uma le fasefulu lima aso ona faatoa
gaoioi lea o le Malo. Ou te talosaga atu la afai la na
usuia le fono i totonu o le lua vaiaso lea, o le a tele lava
le fesoasoani ina ia vave ona iloa ia fuafuaga o le atiina
ae ma taualumaga o le malo.
Ou te manatu e oo mai i le taimi o i luma ua uma se
avanoa na tuuina mai e lau afioga. O le a le faaaloaiaina
foi se leo poo ni manatu o lenei Itumalo. Ao lena ua
laulau sasaa atu i luga o le Laulau a Pule ma Tumua, i le
mamalu o lau afioga i le alii Palemia faapea foi le
mamalu o le Kapeneta, i lau afioga i le alii Minisita ma
le mamalu o le Palemene i ni manatu ma fautuaga a lenei
Itumalo aua le tautua a le tatou Malo mo le lumanai. Lau
Afioga i le Fofoga o le Fono, faafetai mo le avanoa ua e
tuuina mai. Ia manuia le fonotaga i lenei po.
Afioga TUIMASEVE FUEA
Itumalo Faaalaalafaga:
Satupaitea
Filifilia
22 Mati 1988
Faatauto:
7 Aperila 1988
Lauga Faataupou:
15 Iuni 1988
Lau Afioga i le Fofoga o le
Fono, avea ia lenei avanoa ua
ou tulai atu ai e momoli atu ai se Sao o le itumalo o
Satupaitea aua foi le afio o le mamalu o le fonotaga o loo
tauaofia a le palemene i lenei aso.
E muamua ona ou faapai malu atu ma faatulou atu i le
paia i lau afioga a le Fofoga o le Fono, faapea foi le paia
i le Palemia, le paia i le Aiga Kapeneta, le mamalu i le
Sui Fofoga Fetalai faapea le mamalu o le Palemene o
Samoa i Sisifo, le mamalu i le tapuaiga ia Samoa ua
aofia nei.
E muamua foi ona ou faatulou i le afio o le Ao Mamalu
o le Malo o Samoa i Sisifo, le Susuga i le Malietoa
Tanumafili II, faapea le paia i le afioga i le Sui Ao le
Mataafa, le ee ma papa-aao o Tama ma Aiga, Aiga ma
Tama, le afio o Pule ma Tumua, Ituau ma Alataua, Aiga
i le Tai ma le Vaa o Fonoti, eetai le paia o le
aufaigaluega paia a le Atua o loo tala faauto i itu e fa o
Samoa o loo latou tauasaina le vai o le ola, timuia, laina,
sautia aua le finagalo paia o le Atua mo se manuia mo a
taeao. E tainane foi le maualuga i le afio o le mamalu o
vaega eseese o le Malo o Samoa i Sisifo.
E momoli foi lau faatulou aua le faafogafoga mai a o
tatou uso i Samoa i Sasae, le afio o le paia maualuga i le
Kovana faapea i Senate o Maota e lua. O le mamalu lava
lea ia Sua ma le Vaifanua, Fofo ma Aitulagi, Tama a le
Manua, Saole ma Saleaaumua ma le Launiu na Saelua.
Tulou, tulou lava. A o lenei lava taeao e tau avatu ai se
manatu e tusa ma le Tala Faatatau Autu o le Tupe ua i
luga nei o le Laulau a Fono, ma o mea uma lava e pei
ona taua i le Tala Autu o le Tupe, atonu ou te faapea atu
i so o se mea lelei ua tatau ona tuuina mai e fai, ua tatau
ona fai. I soo se mea foi e tuuina mai i totonu o le Maota
Fono i soo se mea lelei e tatau ona faia, ua tatau ona fai
ae afai foi e i ai se mea o le lelei ua tatau foi ona ou
faapea atu ou te tetee foi i ai, vae atu le paia o le Fono.
O lenei lava la taeao i finagalo o nisi foi o Sui Usufono
ua faaalia e momoli atu lau faafetai, ma o le mea moni e
lelei le tatou felafoai pe fesuasuatai e maua ai se mea
mautu ma se mea maopoopo ma e tino ai se Malo
Saunoaga Faataupou Sui USufono 19861-2011
fealofani ma le feoeoeai. O mea uma o i totonu o le Tala
o le Tupe, ou te talitonu au o le a ou le teena pe afai e
maea ona iloilo maea i ai lou sui ua tatau ma onomea. E
pei la o se vaegatupe ua faatuina mo le faletalimalo. O le
tele foi o nisi mataupu ua laga e nisi tootoo i lenei
mataupu, atonu ou te faapea atu faafetai le utaga maeaea.
Faafetai foi le suesue maeaea ae o lou talitonuga, afai
tatou te filifili ma tatou mafaufau i ai, o se atiina ae e
maua ai se manuia poo ni galuega poo ni tupe maua a le
atunuu. Ua ou taofi ai ua tatau foi ona talia lenei
vaegatupe a o lou lava sui faa-usufono, afai ou te iloa o
le a auala mai ai nisi uiga e aafia ai tu ma agaifanua a
Samoa, e mafai foi e lou tototoo ona ou teena lenei
vaegatupe, vae atu lo outou paia.
Lau afioga i le Fofoga o le Fono ma le mamalu o le
Fono, o le mea lea ou te faapea atu ai e tusa ma le Tala
ua taatia mai nei o le Tupe, e augofie foi lou taofi ma lou
tootoo e talia. Faafetai i le Komiti o le Tupe ma le latou
sailiiliga maea, ma o loo ou matamata ai foi i se
vaegatupe a le Ofisa o Leoleo e pei ua teena pe a. Afai e
sa‟o lou manatu ou te talitonu au ma ou te matua talia
atoatoa foi se vaegatupe ua tuuina mo le Ofisa o Leoleo.
O mafuaaga ona o se tasi lenei o Ofisa sao u matamata
ma ou faalogologo ai, o se ofisa e le manuia. E le manuia
i se a? e mafua ua vaivai le tupe e tuuina atu i ai, i se tasi
taeao sao u i ai i le Ofisa o Leoleo, sa tauanauina vae atu
le paia o le Fono e se tasi o Leoleo mai Salafai ni ona
ofu toniga. Fai mai le faaaliga a lea alii leoleo, malie le
Susuga a le alii faipule afai o le a sa outou silasila i laei o
leoleo i Savaii, e tasi lava le ofu toniga i le tausaga atoa.
O lau fesili, na mafua i se a?
Atonu ou te faaluaina le talanoaga a le Sui faipule i le
itula ua mavae, ua vaai maualalo faapea o le a le
fonotaga i le Ofisa o leoleo i Savaii, e taitasi ofu toniga i
le tausaga. Pe afai o le tonu lea pe sa‟o.
Lau afioga ma le mamalu o le Fono, ou te faapea atu
atonu ua vaivai le tupe ua tuuina atu i le Ofisa o Leoleo
mo o latou laei ma nisi mea. Lau afioga ma le mamalu o
le Fono, e le o se mea faaoleole, o le tasi lenei Ofisa o
lau vaai o le lima taumatau, o vae ma lima o le Malo o
Samoa i Sisifo i fafo ma totonu. Ua tatau foi ona faalelei
mea uma. Sa ou asiasi i le Ofisa o Leoleo i le vaiaso ua
mavae, o fale o loo faaaogaina e nei ofisa i Savaii ua le
taua o ni fale i lau matau vae atu le paia, o vali o laulau,
o meatotino o laupapa o le puipui o le fale. Ou te talitonu
ua leva tausaga e lei faafouina. Afai o talafeagai ma le
soifua maloloina o ni tagata galulue ua tatau ona aafia i
faamai eseese vae atu le paia o le Maota. Aisea? E le
lelei ona faatinoina ma faatulagaina ia Maota.
Lau afioga ma le mamalu o le Fono, pei ona taua e nisi
le tau o le soifuaga o se mea e ta‟u soo vae atu lo outou
paia ma o se mea na amata mai lava lenei fonotaga ma
ou faalogologo o le tau lava o le soifuaga. Ona ou
manatu lea e faapefea ona faatino, e faapefea ona
faataunuu, atonu e te faapea ane vae atu le paia o le
Fono, e mafai ona ou taumafa i le taeao, o le aoauli, o le
po. Po ua le mafai ona tuu mai nisi o tiute o mea e le
faaaoga soo ina ia tuu i ai le vaegatupe o loo mamafa nei
i ai le tau o mea e masani ona taumafa ai le atunuu. Pe le
mafai ona tuu atu le tiute o le sikareti e faaopoopo mai i
ai le tiute o le apa eleni. Pe ua le mafai ona tuu mai le
tiute o le fasimamoe faatietie i luga o le fagupia aua e
mafai ona e taofi le fagupia ae le mafai ona taofi
meataumafa a le atunuu i aso uma, vae atu lo outou paia.
Lau afioga ma le mamalu o le Fono, le mamalu o le
Kapeneta ma le Palemia i e o loo tauaveina le tiute o
mea faapea, po ua le mafai ona fetuutuunai mea e
faaaogaina soo e le atunuu i le taeao, aoauli ma le po.
Lau afioga ma le mamlau o le Fono, o lou lagona e
faapea ua tatau ona fetuutuunai ae sei fai ma toomaga e
faamamaina ai le tau o le soifuaga e tautalagia pea i lea
fonotaga ma lea fonotaga. Lau afioga ma le mamalu o le
Fono, atonu o le a ou tuutuuina atu se manatu o le a tele
sou talanoa i lou auala aua ua i luma o lau afioga i le alii
Minisita le talosaga tusitusia ae na ona ou faapea atu, o
lenei auala masalo ua ou faitau ua 20 faipule pe a o le
Itumalo nei sa tauina aua o lau masani o le faalogologo i
fonotaga i aso uma, e soifua mai le faipule o le Itumalo
faaalaalafaga o Satupaitea ua tofa mai i malae le tofa a
Asiata lagolago sa maua ai i lau faalogo sa pasia, a o tu
mai o ia i le Komiti o Tupe i lena faigamalo sao u lagona
sa pasia le Tala Faatatau o le Tupe mo lea auala.
Lau afioga atonu po ua 20 tausaga talu ona maliu vae
atu le fono ma ua maliu atu ai foi ma lea vaegatupe. O le
fesili, o fea ua alu agai i ai?
Lau afioga ma le mamalu ona o le a ou le fafagu se
tagata maliu vae atu le paia, ae o lau fesili e tuuina atu, o
lona uiga ea o mea faapea a le Malo a maliu lava lea sui
ma se mea ua pasia ua uma ai foi? Lau afioga ua alu atu
nei le aualata alu i uta ae taatia le aai. Pe sili ea le soifua
o le laau vae atu lo outou paia pe sili le soifua o le
tagata? Aua a ou manatu atu faapea ua faata nei i uta na
o laau o loo tutu ai, ae tuu le auala o loo alaala ai tagata e
soifua i le aso atoa o aiai pefu.
Lau afioga ma le mamlau o lenei fonotaga, e sili le
soifua o le laau pe sili le soifua o le tagata? Afai foi o se
fuafuaga a le Malo ona o le felauaiga o fua o faatoaga, o
lea ua ou fai atu a soifua le tagata e maua le faatoaga, a
ola maloloina le tagata e maua le fua o le faatoaga.
Lau afioga ma le mamalu o lenei fonotaga, sei fuafua
ma matau ane, e le na o le Itumalo o Satupaitea sa fai
lava o Satupaitea. Ua tuuina atu i luma ma aao o le
Malo. Lau afioga ma le mamalu o lenei fonotaga, ua
laiseneina nei e le Malo, ua maua tupe maua a le Malo e
fai ai mea e manao ai le Malo. O lau fesili, ua i ai ea se
fesoasoani ua fai i Vaipaipa o Satupaitea ae ua ou
faalogo ua aumai soo i totonu o le fonotaga, na fai i tupe
a Satupaitea, ae faaaoga e le Malo. Aisea ua le faia ai?
Aisea ua leai ai se fesoasoani a le Malo? Lau afioga ma
le mamalu o le fonotaga, ua 20 pe ua 40 tausaga pe ua
sili atu i le 50 e lei suia se ogapaipa vaeatu lo outou paia,
ae atonu o lau tau mate a laitiiti se mea o loo sao ai le vai
i totonu, ua na o se ¼ inisi pe ¾ inisi a o le ele o loo fau
ai i totonu ua tau le alu paipa ua mafiafia le ele.
Lau afioga ma le mamalu o le fonotaga, pe le o le ala
ma‟i ea lenei o lenei Itumalo? O le inu o mea palapala
Saunoaga Faataupou Sui USufono 19861-2011
vae atu lo outou paia a o lea ua maua tupe a le Malo i
paipa sa fai e le nuu lenei ma le Itumalo lenei. Lau
afioga ma le mamalu o le fonotaga, o le tiute e pei ona
taua e se tasi sui i lau fesili i le Minisita o loo faafeagai
nei ma tiute, o le a le fuafuaina o le tiute o oloa e maua
ai polofiti mo le Malo. A o le a se fuafuaina o tiute, o
mea e pei ona taua e le Sui? Sa fai mai se tasi alii ia te au
ma sa faapea mai, “Se Tuimaseve, se Tuimaseve, o lena
ua e papale atu i le tofi, se i alofa mai i lau TV ma le
video mai Amerika e $1,000+ le tiute o le TV, toe
$1,000+ ma ona tupu le tiute o le video, ou fai atu lea e
toe faafoi, e le mafai e au ona totogi. O lau tali ona o le
fonotaga e le avea i ai ni mea tau mate na o mea moni.
Ae ui o lea sei ou taumafai e faafesili i le Minisita o le a
vaaia ia mea. Lau afoga i le Minisita, sei aumai lava sau
faamatalaga i se aso fono pe sao ia mea. O se meatotino
na aumai i se alo ma se fanau aua le faaleleia, e le maua
ai se tupe, na o le matamata ai o si toeaina ma si
loomatua ma nai tamaiti, ae $1,000+ le tiute, ae le maua
mai ai se polofiti i ia mea, vae atu le paia o le Fono.
Lau afioga i le Minisita, ou te faafesili atu a maua se
tonu ona aumai lea o se tali i se taimi o i luma pe moni ia
mea, aua o lou lava talitonuga, o mea faapea a le tagata e
sau ma ia mo si ona aiga e a pe a ave fua? Afai foi o le a
tiute ae faamama le pasene pe leai foi se pasene vae atu
le paia. A o lenei tiute o le TV e $1,000+, video e
$1,000+, toe faafoi, ia talofa e, e fai mai le afioga a le
Atua ua nonofo lenei aualii i luga o le Nofoa o Mose toe
fai mai mulimuli Iesu ia te outou ia faia mea na fai atu
ai, ae aua le toe faataitai i amio a Faresaio. Le mamalu o
le fonotaga, ou te faapea atu, afai o le Maota o i ai mea
tonu uma, ia tonu mea uma.
Lau afioga ma le mamalu o le Fonotaga, o le vaega o
tiute o taavale, e pei ona tau maua atu i le talanoaga a se
tasi o sui o loo i ai lava sou talitonuga toe faafoi i leoleo.
Aua foi o leoleo o le latou matafaioi e toaga foi e vaai e
toaga foi e suesue. O le a le mea o loo i ai nei? Faitalia
lava leoleo a mumusu e fai aua foi ua latou le toe pasia
taavale. Sa fautua mai ia te au se tasi fai taavale ua le
manuia lenei vaega o taavale. A o a mai tagata e pasi a
latou taavale i uta i Tuasivi? O le tali, e lei omai o le la e
i Apia. O lona uiga ea le ofisa lea e nofomau i Apia, ae
alu ane le tavaale i Savaii e pasi lana taavale toe alu ane i
le isi vaiaso, ma le isi vaiaso e 10 vaiaso o fealuai ai i le
taavale lea. E fia sefulu tupe e alu ae nofonofo le pasitaavale i Apia? Ua tonu ea? Lau afioga ma le mamalu o
le Fono, o lou lava talitonuga faa-sui usufono, toe foi i le
Ofisa o Leoleo vae atu le paia o le Fono ona tinou foi lea
o le Ofisa o Leoleo e fai le latou tiute.
Lau afioga i le Fofoga o le Fono ma le mamalu o le
Palemene, afioga i le Palemia ma le Minisita, atonu ua
faateia foi lou tootoo i lenei itula e tulai atu ai e avatu se
manatu ina nei i ai se isi mea ua galo i lou manatu i lenei
taimi vae atu le paia o le Fono. Afai e sala le gagana pe
se ia e poto le tautai ae sese lana atu. Le mamalu o le
fonotaga, o nai manatu vaivai ia o le sui o le Itumalo faaalaalafaga o Satupaitea. I lenei lava itula, ma lou
faaaloalo lava, ia manuia le Fonotaga.
Afioga Hon TUPUA TAMASESE EFI
Itumalo Faaalaalafaga:
Anoamaa Sasae
Filifilia:
22 Mati 1988
Faatauto:
7 Aperila 1988
Lauga Faataupou:
31 Me 1988
Lau Afioga i le Fofoga
Fetalai ma le mamalu o le
Maota, e fia fai atu foi sina sao i le tulaga faalauaitele i
le Tulafono Tau Faaofi ua i luma nei o le Laulau a Fono.
Sa ma faatalatalanoa ma la‟u uo a‟o malolo la tatou
Fonotaga le Afioga i le Palemia. Ua ia saunoa mai foi pe
fautua mai ia te a‟u, e lelei ona ou lagolagoina le
Tulafono Tau Faaofi aua e le iloa foi se taimi oi luma pe
ou te toe pale i le Tofi Palemia, ae e aoga tele le
Tulafono Tau Faaofi ia te a‟u nei pe afai ou te toe pale i
lea tulaga ma ou te talitonu e sa‟o le mau lea.
Lau Afioga i le Fofoga Fetalai ma le mamalu o le
Maota, ua saunoa le Palemia o se tasi lea o Tulafono e
ao ona by-partisan. O lona uiga e ao ona tatou
felagolagomai ai. E i ai mea tatou te mau eseese ai, ae i
ai lava mea e sili atu ona taua e aafia ai le manuia o le
atunuu po‟o le Palemene, e ao ona tuu mai lou aao tuu
atu lo‟u lima, ona tatou si‟i faatasi lea. Ou te talitonu o le
tasi lea mataupu e ao ona tatou felagolagomai ai. Pau
lava le faalavelave e i ai nai mea e faailoga fesili.
A fua le mataupu lenei i ni Palemia, ou te talitonu e leai
lava se Palemia e le‟i loto i le Tulafono Tau Faaofi lenei
pe a fua lava i le tulaga faa-Palemia. Aua foi o le agaga
lea e faatumutumu i le Malo, ia apoapo mai le
fuainumera e taofia ai ma malu lana Faigamalo ma pasia
ai Tulafono. O le tiute autu lea o le Palemia. A fua la i ai
i lenei itu, ua tatau. E pei o le upu a le Failauga Savaii,
“A fua i le fetaui ua ova, lasi ma tele, ae a fua la i le
gaogaosa o le mataupu, e i ai lona gaogaosa.
Tatou te fua, na uluai fuafuaina Minisita e toavalu (8),
toaiva (9) i le Palemia. E le‟i soona faia lenei fuafuaga,
sa sua le aulapa uta ma le aulapa tai ma le loloto o le
mataupu e fuafua lelei po‟o le a le mea e talafeagai. Ou
te le faapea atu foi la o lenei Tulafono Tau Faaofi po‟o le
faaopoopoga o Minisita poo le a lava lona ta‟u, po‟o
Minisita Lagolago, po‟o le Permanent Under-Secretary.
Ua ou miga nei e avatu se faaliliuga faa-Samoa ne‟i
faapea foi nisi ai e uigā. O lea la o le a taatia i inei. Ae
pei o le agaga autu lava, atonu o le faaupuga faigofie o le
Minisita Lagolago.
E le o se mea leaga lea mea. E i ai ona itu lelei ma ou te
talitonu lava afai foi e le saofia i lenei Paeiaga, ae i ai
lava se taimi. Pau lava le mea lea e fuafua malie i ai, o le
fuafua i le aoga ma le tatau.
Aua la e pei ona saunoa le Palemia, a fuafua i Niu Sila
ma i tatou nei, o le mea moni lava ua ova sui usufono
Samoa. A fua i le fuainumera o tagata, a fua i le tupe e
aafia, a fua i galuega faatino, ua le gata ina ua ova sui
Saunoaga Faataupou Sui USufono 19861-2011
usufono ae ua ova Minisita. Ou te le faapea atu o se mea
leaga lea mea ua ova Minisita i tatou nei, ae pau lena o le
mea o lea sa saunoa le Palemia ma faatusatusa i atunuu
la, o lona uiga la tatou te nofo ma fuafua malie. Ou te
talitonu sa tau ane i se finagalo o Mataafa, sa tau ane i se
finagalo o Tamasese, sa tau ane foi i se finagalo o Vaai,
sa tau ane foi i se finagalo o Tofilau a‟o Palemia i le
taimi lea ua tuanai ia faapea ona faia. E oo foi ia te a‟u
nei. A o le fesili la, aisea na misi ai? Aisea na lauama
tootoo ai? E tele ni ona fita, aua ia silasila la i le
Tulafono Tau Faaofi lenei, e le o manino mai se toafia o
le aofai o Minisita Lagolago. Afai e leai sona tapulaa, ia
manatua o lea ua aumai i le Tulafono Faavae e valu (8)
Minisita. E le‟i soona faia foi le tofa ma le faautaga ina
ia faatapulaa i se fuainumera maoti. Peitai ane, o le mea
lea ua aumai nei e faapaganoa. O lona uiga la e mafai
ona sui Minisita uma ma o le faaupuga lea. E le gata i
lea, o le agaga faavae o le Palemene ia ese le matafaioi a
le Palemia ma le Kapeneta, ese le matafaioi a le
Palemene. E le faapea la ia aua ne‟i felagolagomai, ae ia
faapena ona siaki e le Palemene galuega a le Palemia ma
le Kapeneta, o le ala lena e fai ai Komiti. O i latou ua
lautogia aemaise lava le Komiti o Tupe ma le Komiti o
Tulafono Tau Faaofi, o lea foi e i ai Sui Minisita, ma ua
afaina le isi agaga autu lea o lo‟o i totonu i ina. O le uiga
la o la‟u faamatalaga, e le faapea e le mafai ona tali mai
le Palemia i mea ia ou te faatu atu, ma aumai foi se tali e
faamalie ai le aufaafogafoga ma le aufaalogologo. Pau
lava le mea, o lea e faailoga fesili, e le gata i mataupu ia
e tau avatu ae faailoga fesili foi le itu ua fai ai, pe aisea,
aua o se mea ua faafuaseia vaeatu le upu to ia te au, e pei
o se faama‟i oso. O se mea faapenei e taua aemaise o lea
o le a suia le Faavae i le 26 po‟o le 28 tausaga e le mafai
i le pule a le isi ona faapea e aumai i se taimi faatauvaa
faapea, “Tupua, e manaomia lau lagolago mai”. E leai, o
le mea e ao ona tuu i ai lo tatou malosi atoa e suesue
malie pe ua talafeagai i lenei taimi. E ao lava ona au i ai
ni suesuega mae‟ae‟a i le mea lea. Ae sa i ai lava le taofi
ia fuafua lelei, e mafai foi ona fai se Komiti a le
Palemene e silasila totoa i ai i le mataupu lenei ma ia
faapena ona laulau uma ni mea e ono tulai mai ai ni
faafitauli. Aua a topelau, e afaina i tatou nei i le faitau a
le au-manatunatu ma le aufai-tofa. Aisea? Aua o lea e
iloa uma, e tautala fuainumera. O lea foi tatou te iloa
uma, a fua i lea, ona pau lea ia Leota ma Tuataga, ma e
leai se isi o tatou e sao, e tuua‟i uma lava ia i tatou. Ina
ne‟i faitau mai le aufai-tofa ma le aufai-utaga, o se sui
faapipii po‟o le Minisita e mafua mai o le sailiga o le
fuainumera, pe e mafua mai ona o le naunau ia lagolago
mai ma e le maluelue le tofa ma le faautaga.
Lau Afioga i le Fofoga , o se tulaga mautinoa e le tasi.
O lona lua, o lea ou te fai atu ona ua faafuasei ona tulai
mai se mataupu taua i le taimi lenei, ae ao lava ona
masalosalo tagata. Ia silasila, afai o se mea lenei e taua,
aisea na le aumai ai i la outou polokalame lea a‟o lea na
faigofie ai pe afai lava o se mea taua ia te outou? Pe afai
e taua ia te outou, aisea na le faailoa mai ai lea tulaga i
taualumaga o le Fonotaga lea talu ai? A‟o le tulai
faafuasei mai ma le faaoso faafuaveta, e ono tupu ai le
lagona atonu e pei lava ona avatu se lagona.
Lau Afioga i le Fofoga Fetalai ma le mamalu o le
Maota, ou te le fia finau i le Palemia, ae pau lava le mea
lea ou te taumafai atu ai, ia lagona e i tatou uma e pei
lava ona saunoa mai nisi,o se mea e ao ona tatou
felagolagomai ai. O le agaga la ia te a‟u lea e taumafai
atu ai ina ia faasilasila i le faafogafoga a le atunuu ma le
Maota, o se mea e faigata, e le o se mea e faigofie. E
moomoo foi le taofi ina ia tatou felagolagomai ma ia i ai
le lagolago. Ana faapea o auala ma soalaupule i le taimi
na faalala mai ai i le atunuu, e ono mafai foi ona avatu
sina a matou fautuaga i lea itu, ona aumai lea i luma nei
ua faigofie ona soso atu se taofi. A‟o le tulai mai i le
taimi lea, ia o lea ua tolaulau atu, e i ai faafitauli ou te
talitonu e ui lava ia te outou na le HRPP e lagolago, ae
tou te lagona e i ai le sao o la‟u mau lea e fai atu i lo
outou loto fuatiaifo, e lagona gofie lava e i ai fita e ao
ona asiasi ai i tatou i ooooga, ona fai lea o le tonu lelei.
Lau Afioga i le Fofoga Fetalai ma le paia o le Maota,
ona o outou e fou mai, ae o a‟u ma la‟u uo o le uo
mafana. Ou te iloa foi o le tifaga lea e seu mai ai i la‟u
lauga ina ia faapena ona nunu ai lo‟u mafaufau i le mea
lea ou te tumafai e avatu. E le o se faatauga ata le mea
lea. E i ai taimi tatou te talasua ai ma taliē, ae i ai foi
taimi a lotea loa le ute o faigamea, e ao lava ona lauama
tootoo ma faifaimalie. Ou te le faapea atu nei foi ou te
tetee i le Tulafono Tau Faaofi, e leai. Ou te le o fai atu
nei leaga ou te lagona foi o se mea ua leva ona nonofo i
Faigamalo ma fuafua pe faamata ua tatau ona faaopoopo
Minisita, ae pe faamata ua tatau ona faaopoopo i ai ni
Minisita Lagolago. O manatu taua, ae i ai ona lavelave
ma o le ala lea e mafua ai ona fai atu, e lelei ona fai
mae‟ae‟a le tatou galuega. E sala talapipi ma talau se isi
mataupu, sala faapena ona talaleu i se isi mataupu, ae a
oo loa i le mea lenei o le ute o le Pulega a Malo, e le
faigofie. E pei la ona ou fai atu nei, e tatau ona
tuumavaevae le galuega a le Kapeneta ma le galuega a le
Palemene. E le‟i soona faia lena tofa. O le tofa foi lena o
lo‟o tausia ai le va o Palemene uma e tausisia le West
Minister Model. Aisea? Ona o i ina e fesiakia‟i ai le
galuega. E siaki mai e outou a matou mau e faaali atu i
lenei taimi, siaki e i matou nei a outou galuega. O le
agaga autu la lea. O mea uma la nei e aafia i le mea
lenei. Ou te tautala leaga foi o a‟u le isi tagata sa ou
momoo i ai i le mea lenei? Ou te le natía lea, ma o le ala
lea ou te fai atu ai, e ui ona e ao ona tatou..... atonu foi e
sa‟o e pei ona faaalia nei ua tele tupe, ua tele galuega. E
i ai lavelave ma felefele ia e i ai i totonu, e pei na ona ou
faamatogi atu i lenei taimi. Ou te faaeteete foi ou te toe
tautala i nisi mea leaga e le‟i maea la‟u suesuega leaga o
ananafi lea faatoa aumai ai. Pau o le mea lau Afioga i le
Palemia ma le Kapeneta, lafo mai le mataupu se‟i fuafua
malie i ai le taofi, aua e le o se mea e tele‟a‟i i ai se
tagata. Afai ua siliga i ia Faigamalo i ia Paeaiga ma ia
Nofoaiga, e ui lava ina lagona se manao e faaopoopo, ae
ao lava ona tulai mai ia i tatou se lagona atonu lava e i ai
se mafuaaga tatau sa fua ai ma le faaeteete le tofa ma le
Saunoaga Faataupou Sui USufono 19861-2011
faautaga i ia vaitaimi ua sola. Ou te le faapea atu la ia fai
loa ae tuu lea i lenei vaitaimi, ae e ao lava ona asiasi i ai
i ooooga o le mataupu lenei. Pau lava le mea ou te tima‟i
atu ai lau Afioga i le Fofoga Fetalai, e le gata i lena Itu o
le Maota atoa ma lenei, a‟o se mataupu lenei e ao ona
tatou lauama tootoo i ai. O se mataupu lea e ao ona tatou
fuafuaina ma le faaeteete.
O le tima‟i atu lea a le toeaina matua. Soifua.
Tofa TUPUOLA SOLA SIAOSI
Itumalo Faaalaalafaga:
Siumu
Filifilia:
22 Mati 1988
Faatauto:
7 Aperila 1988
Lauga Faataupou:
22 Iuni 1988
Faafetai atu i lau afioga i
le Fofoga Fetalai e tele lava
ni lagona ua maua i lenei taeao. Amuia foi tautai nei ua
masani i le Maota ae o le mea nei e tete i le maalili toe
maalili i le fefe. Atonu ona o le popole naua pe a, ae ui o
lea, o lea a taumafai atu se manatu o lenei itumalo.
Lau afioga i le Fofoga Fetalai, lau afioga i le Palemia,
afioga i alii Minisita o le Kapeneta, afioga i alii faipule o
sui mamalu o le Palemene, le paia i le tapuaiga a Samoa
aemaise o paia faataotooto o lou itumalo o Siumu. E paia
nei le vao Sa, ua paia foi vasa i vasā, ua paia Tamalelagi,
ua paia foi Tama a le Eleele. Ua lomaloma nei le tai ua
sua, ua fotu pule le tai o Tumua aua ua tuaau ma
fuamalu le tai o aau tetele. Ua lupepe foi le taumanu ula
aua le taafaanuu o lo ua malu mai luma ae ua tamalii foi
le igafo o le tuagalu.
Tulouna ia Samoa o le atunuu tofi aua ua tala tau toga a
ua tausi mavaega Samoa Popo ula ia malu o le Tapuitea,
le paia o le Malietoa na faalogo i ai Samoa lau Afioga i
le Ao Mamalu o le Malo o Samoa i Sisifo, Afio foi lau
Afioga Mataafa le Tama a Aiga, lau Afioga i le Sui o le
Fono a Sui Tofia. Le paia i a Tama ma o latou Aiga, o
Aiga foi ma a latou Tama. Patipati laia ua uma le lauga a
Tumua ma Pule aau i manu aua Ituau ma Alataua, ma le
tofa i Maota aua Aiga i le Tai ma le Vaa o Fonoti.
O paia o lo‟u Itumalo ou te le talaleu i ai aua o paia e
mamae ma meamanu i ai le tautua. O le paia i le
Faleagafulu e tumau aua o paia tauave uma Tama, tulou.
O le tofa e le faigofie pe a faamaloulou vave i se
mataupu. Ae o le tofa e faamalu i le suasusu ma afifio i
le Mau. Tulouna ia i lau fetalaiga i le Tuga, lau fetalaiga
Tuuu o oe na itufa i ai Atua ae falesefulu i ai Aana. O oe
o le Tootoo ao i Malie ma le Vaitoelau. Tulouna lau
Tofa Li‟o o le Fofoga o le Alataua, alalatai ia lo outou
falelua tulafale, mamalu maia Utaileuo ma le faletolu.
Tulou a le fale tele aua ou paia Atanoa ma lou Falefa, le
Matualii le Fanualii ma le tagata e tasi. Ua paia ma
faigata Tuumau o le Too-Aiga o Tumua aua lau afioga
Tofaeono ma lau falefa, le mamalu foi i le lauama ma le
laupata fetalai ua tagitagi ai faafetu o le taeao a lau lauga
Li‟o o oe o le Fofoga o le Alataua. Ua paia foi Matafala
aua lau Susuga Tapusalaia, Alo o Taleta o sui faatau e
tolu e fa ma Niulevaea, mamalu maia oulua Matoa o
Tagi ma Titiao, le paia foi i Palalaua aua lau Susuga
Talaepa, le Tuiloa ma ou alo tutusa o Afoa foi ma
Tiumalu. Mamalu maia Tutagalevao o le Sao o Lio. Ua
paia ma maualuga Mulivai ma Maota o tofiga o le malae
e le soona fonoa, sei vagana taimi o ni manino ma taimi
o le aava. O le malae e faaoo i ai Vaga-uta male Vaga-tai
e faaola ai le Falatutu ma le Falatoto a sulu i ai le pagota
e ola. O loo afio ai le paia ia Sa Asomua le paia i le
faletolu Masiasomua, Asuao ma Tupuola. Afio le matua
o Nonu ma Tonumailau o le Fofoga o le Vai ma le Aiga
Sa Matua. O le Malu foi aua lau fetalaiga Tuuu o oe o le
moa na vini mua i le Tuamasaga, o oe le ua na faalanu
maaveave, o oe o le Sila i matagi e te tiu i Matafalelua.
Le mamalu foi aua lo la falelua o Tulafale, o Mano ma
Faoagali.
Ua paia foi Siufaga ma Saumolia na afifio ai Tafilipepe
Tupuola ma Leatigaga le mamalu foi aua e fatufatu ai le
lauga. Utaileuo ma le faletolu o Talalegogu le au ma
Lemana, o ou paia na lou itumalo mai Sisifo seia oo i
Sasae. A oo ina oia ia paia ona tavelo lea o tao usoa o le
itumalo i le vateatea faaifoifo i so o se Malae.
Lau afioga ile Fofoga Fetalai ua ou lilia nei ma le
faaeteete aua ua mata malu ma aaugata le Vasa o Aiga o
Tupu, Aiga o Nofo ma Aiga o Papa; ua taili foi le matagi
Toga ma ua le tu-to‟a foi le Vasa tautai mua le Fetuao i
le sialsila mamao ua aave le tai. Laitiiti foi se aoga o le
Lafala ua amata foi ona solo ane le Matuasala le la afa
aua foi o Samoa e ese le fetu folau ese foi fetu o le lavea
a o fetu o foi o faamao ma lafo, e le faigofie la. Ona ou
fagufagu lea i tamaitai o loo tofafa i Matuatala aua e
faigata le taga-manu a Samoa i Tiafau nei. Aisea? Aua o
Tiafau o le Malae o le faautuga-tagi a Samoa, o Tiafau
foi ua faataoto ai le Faavae o outou tua‟a ma o tatou
tama ua mavae, e ua lago i Tia ma tofafa i Malae o le a
Faavae i le Atua Samoa.
Faafetai i o tatou tuaa loto totoa ma le loto tetele ina ua
latou faia se Faavae e malu ai i Tao o puapuaga o Samoa
ona o loo i ai se fua o loo tautai i le folauga a lea
tupulaga ma lea tupulaga. Talosia ia, ia molimolioo i
agaga o Samoa le mamalu uma o lenei Palemene ia tu
ma ataata ae taofi iu maea. O lo ta Faavae ua uma ona
fai. Aua ou te talitonu o le manu toamalie ma le le gase
atoa ma le mamao o mala ma puapuaga o lenei aso ua
matua ona o loo i ai se Atua alofa se Atua agalelei, Atua
tali manao ma le le taui ma sui o loo tatou feagai.
Lau afioga i le Fofoga Fetalai e Tama atu Siumu i lau
afioga, e tama atu Siumu i lau afioga i le Palemia, e tama
foi i le Kapeneta, e tama foi i le Maota o le Palemene o
Samoa i Sisifo. E faapea mai le Tusi Paia i le Mataio 7
ae ou te fia faanoi atu i lau afioga pe mafai ona ou
faitauina – “Ia outou ole atu ona foaina mai ai lea ia te
outou. Ia outou saili ona outou maua ai lea; ia outou
tuitui atu ona toina ai lea ia te outou. Aua ai se ole atu e
maua e ia. O le saili foi e iloa e ia, e toina foi i le tuitui
Saunoaga Faataupou Sui USufono 19861-2011
atu. O ai foi se tagata o outou na ole mai lona atalii i se
areto ae avatu i ai se maa? A ole mai foi i se ia na te
avane ia te ia se gata? O lenei o outou ua leaga, afai ua
iloa e outou ua avatu mea lelei ma outou o e ua ole atu ia
te ia o mea uma foi e loto i ai a outou fanau ia faapea
lava ona outou faia ia te i latou”. O le fasi fuaiupu
mulimuli lea o le afioga i le Fofoga Fetalai ou te fia
faitauina lava. E pei ona fai atu e Tama atu Siumu i lau
afioga, e tama atu foi i le Palemia, e tama i le Kapeneta,
e tama foi i le Palemene ma le Maota o Samoa. O mea
uma foi e loto i ai a outou fanau ua faapea lava ona
outou faia ia te i latou.
Lau afioga i le Fofoga Fetalai, lau afioga i le Palemia
ma le mamalu o le Kapeneta, afai e le fia tama atu isi
itumalo e le afaina, ua lava Siumu e tama atu ia outou
afioga. O le mea foi lea ou te iloa atonu e oo lava i outou
itumalo ia e le fia tama atu ia te outou ao Siumu lava ia
lena ua avatu se matou talatalaga. Ia o mea la nei o mea
laiti a nei e tatalo atu ai Siumu i lona tama.
O le Matagaluega o le Falemeli. O mea tau telefoni. E
le toe oo tele i ai se faamatalaga a Siumu. E tele ni
saunoaga ma ni fetalaiga a isi sui mamalu ua agai i lea
mataupu ma e le toe tau fesiligia i le mataupu lea ae
manaomia i aso uma. E faapena foi i lenei itumalo atonu
lava o silafia e fai lava si tele o le itumalo. A tonu lava e
3 i le 4 maila le sau mai i Sasae i Sisifo. A o le taimi
lenei e tasi lava le telefoni o loo i le ogatotonu o le nuu e
fai lava sina faigata i taimi o puapuaga ma faalavelave;
ona i ai lea o le talosaga a le sui mamalu aua o le mea e
pei o se mea foi lea manaia pe a i ai. A le i ai e le afaina.
E leai lau afioga a le Palemia ma le Kapeneta aemaise le
alii Minisita o se mea e matua tatau lava ona iai aisea?
Mo le manuia o tagata. Ona i ai lea o le talosaga a lenei
itumalo ia faia se telefoni i Saaga, fai se telefoni i
Maninoa ona manaia ma lelei ai lea aua foi le soifua o
tagata o lenei itumalo.
O lona lua e avatu le faafetai a lenei itumalo i le
Matagaluega lava lea. Lau Afioga i le Palemia ma le
Kapeneta aemaise le Minisita ma le Matagaluega ua ou
maua fuafuaga a le Malo mo le isi 3 tausaga. E pei lava
ona silafia o le falemeli autu o loo i Apia e i ai mea o
falemeli itumalo; a o le taimi lenei o loo i ai falemeli i
Matautu, Faleasiu, Pesega i Upolu; a o Salelologa,
Fagamalo, Tuasivi ma Asau i Savaii o le fuafuaga la a le
Malo mo le tausaga fou o le a faia le falemeli i Siumu
faapea ma Saleaula i Savaii. O se manatu la o lenei
itumalo i lenei taimi e momoli atu ai la matou faafetai
tele lava ona o ia fuafuaga lelei ua le faatali sei avatu se
talosaga, a ua fuafua lava e le Matagaluega ma le Malo i
mea e manuia ai le atunuu aemaise le matou talosaga atu
ai lea ia alofagia ia faataunuu ia fuafuaga lelei. Ua tele
tausaga o pologa Falealili, Siumu ma Safata. Aisea? Ua
tauasa mai lava i Apia e tele tupe e alu ai, tele foi ma
taimi e alu ai. Ana tuu na tupe ma na taimi e ave e aoga
ai i aiga ma le nuu i taimi e fai atiiina ae ma faaeleeleaga
e sili atu ona aoga. Ao le mea lea e fai nei e oo mai nei
lava ua 26 tausaga talu ona tutoatasi atoa ma luma atu o
lona uiga e tele tausaga o tauasa mai ai Siumu ma
Falealili.
O le mea la lea le Malo e, faamalo mo lea fuafuaga
lelei. O le talosaga a Siumu ia outou faamolemole sei
alofa faataunuu lena fuafuaga. O le a nofo sauni foi
Siumu o le a se fesoasoani e manaomia e le aufaigaluega
o le tausiga o le aufaigaluega poo so o se mea e ofo atu
ai Siumu e fesoasoani i so o se itu i le fausia o le
falemeli lea i le tausaga fou. O mea nei o pili o telefoni
foi ia e fai i atunuu i fafo, e fai lava sina faigata o le
mataupu lea – O le mea ua leva na i ai se taimi pe a ma
le 2 tausaga talu ai na aumai le pili o lau telefoni e i ai le
telefoni sa fai agai i Ausetalia. Ona ou alu atu loa lea i le
falemeli faamolemole i ai e leai sau telefoni na faia. O le
tali a le na ou tau atu i ai, ia e malie e le mafai ona suea
se mea seiloga e totogi muamua lau $5. Na ou totogiina
lea o le $5 ona saili mai lea ma fai mai ia o lea na fai i
Ausetalia. Ona ou fai atu lea i ai e leai se aoga e tau mai
ai Ausetalia ua uma ona ou iloa o Ausetalia ao le mea lea
ou te fia malamalama ai poo ai lea tagata? Ou te lei faia
se telefoni ao lea o le a ou totogia. Sa faamalie mai au
ma fai mai o le masini o le komepiuta e le taitai sese, o
le komepiuta e sao atoatoa le masini o lona uiga o oe
lena e sese. Ona ou fai atu lea e leai se aoga ou te talanoa
ai. Sa ou fesili atu po o ai e pulea la outou vaega ia ona
tau mai lea o le alii papalagi.
Sa ma talanoa ma le alii ona fai mai lea o le alii
Papalagi, ua lelei o le a ou telefoni i Ausetalia i le
numera lea, ina ia faamaonia lau faamatalaga. Na
telefoni mai lea o le alii Papalagi ae tali mai e le fafine.
Sa fesili atu le alii Papalagi sei faamolemole lava o iai
sou aiga i Samoa? O le tali e leai. E iai se tagata i Samoa
i Sisifo e te masani ai? O le tali e leai. Sa telefoni atu se
tagata Samoa ia te oe i le vaiaso lea ua tea? O le tali e
leai. E te iloa se tagata ona tau lea iai lou igoa? E leai. O
le tali a le fafine ou te leiloa foi poo fea le mea e i ai lena
mea o Samoa i Sisifo. Ona fai mai loa lea o le Palagi ia
te au, ua sese le masini. O le mea la lea ou te fia tau atu
na toe faafoi mai lau $5.00 ma le tupe lea sa totogi ai le
pili o le telefoni. O le mea lea ou te fia avatu e fia
fesoasoani ai i le Matagaluega, o le faamatalaga lea a
nisi i Matagaluega e sao lava le masini e le sese. O lea
ou te tautala atu ma le faamaoni e sese foi tagata lea
latou te faapolokalameina ia masini. Na maua mai foi le
isi au pili i le vaiaso talu ai ae ou vaai atu e iai foi le isi
foi telefoni na fai i Aferika i Saute ao lea ou te le o
mautinoa ae lei faia sau telefoni i Aferika i Saute. O lona
uiga, e i ai nai faaletonu lau afioga i le Minisita sei
silasila iai i nei tulaga aua ou te talitonu e tele le mamalu
o le atunuu o loo o atu a ma totogi ia tupe. A fesili atu e
saili ane seiloga e totogi muamua le $5.00. Soo se
pisinisi lava e aumai se pili e totogi e tatau ona ta
malamalama lelei. A totogi nei mea ae o lea e totogi
malamalama, a le totogiina le $5.00 e le mafaia ona
sueina. O lou talitonuga e le talafeagai. Pe a mafai ona
silasila iai lau afioga i le alii Minisita, ae faataatia ese lea
$5.00 e faapena ona manaomia ai le atunuu e totogi.
Saunoaga Faataupou Sui USufono 19861-2011
Ona ou see atu ai lea i le alii Minisita o Atina a‟e. I
lenei lava Itumalo e taumafai lava e fai sona sao i le
atunuu. E tautua malo, ona taumafai ai lea o lenei
Itumalo o le saili e tagata o sona manuia ao le manuia o
Samoa. Ona i ai lea o matou sailiiliga ma feutagaiga ma
ni kamupani mai fafo i Amerika aua se faletalimalo e
faia i lo matou nuu. Pe a ma le lua nei tausaga talu ona
fau ia nei feutagaiga, ma o se tulaga manaia ia te au. O
lea e faau le taimi lava lea e aumai ai Tala Faatatau
Faaopoopo o le Tupe mo le faletalimalo i Taumeasina. O
se tupe tele o le faamaoniga o le tautua malo ma le
faamaonia e lenei Itumalo e matou te le mananao lava i
se tupe e aumai e le Malo i le matou faletalimalo lea. E
aunoa ma se sene; a aumai foi se tupe matou te toe faafoi
atu lava. Aisea? Aua matou te taumafai lava matou te
tagi lava i o matou lima. Muamua, faatoa tapa ai le Malo
pe afai ua manaomia se fesoasoani. O le tau ole
faletalimalo lenei e lima sefulu miliona. Atonu a faataga
mai e le Fofoga Fetalai, o le a ou fofogaina atu le manuia
o Samoa e maua mai ai. (The Economic Contributions
Tanoa Gold Club is expected to require an investment of
fifty million tala as follows: Infrastructure, Buildings,
permanent fixtures and equipment, $10 million golf
course development and landscaping $6 million;
furnishing and initial supplies $3 million, reopening of
market and miscellaneous $1 million) O le aofaiga atoa e
50 miliona tala. Lua, (Local employment during the
constructions state estimated to reach 100 and generate
payroll of $10 million over a period of eighteen months).
Tolu, (Local purchases during constructions stage are
estimated to reach at five million depended on final
selections of architectural materials and their availability
to Western Samoa supplies); Fa, (Those local opening
payrolls are estimated million annually. Exclusive of the
costs employee benefit programmes). Lima, (Those
opening operating purchases through local suppliers are
estimated at a minimum of four million annually. After
the third year of operation, Tanoa Golf Club can be
expected to create some twelve million tala export
earnings annually to the benefit of Western Samoa). O
lona uiga lau afioga a le Fofoga o le Fono, e fitu sefulu
miliona tala e faaaoga ai mo le fausiaina o le faletalimalo
e faia e le Itumalo lenei i totonu o le lua tausaga. A uma
le tolu tausaga ona maua mai ai lea o le sefulu lua
miliona a le Malo. O tupe ia mai fafo e moni e nao
estímates (tala faatatau) a o estimates (tala faatatau) ua
fausia i luga o feasibility studies ia a maea ona faia lelei
e le kamupani e aloaia lelei. E le manaomia la e Siumu
se tupe e aumai e le Malo, o lea ua sue lava e Siumu tupe
e fai ai le faletalimalo, o tupe mai fafo. Tasi lava sina
mea laititi lea o loo manaomia e lou Itumalo, O le a? O
le esletise. Aua foi, e le mafai ona faataunuu le atiina ae
lea e faaalu ai le $70miliona i totonu o le lua tausaga
muamua, uma le tolu tausaga maua mai ai le $12miliona
a le atunuu o tupe mai fafo pe a leai se eletise. E le gata i
le eletise, ao tulaga i vaipaipa e pei ona silafia. Afai e le
lava le suavai ua le mafai ona faatino lenei fuafuaga o se
faletalimalo. Aua, e luasefulu, oi, e lua selau fale tai pei
o fale aupito sili ona manaia o Aggie Grey. O potu foi la
e lua selau, e fai ai ma le Golf Course e sefulu ma le valu
pu. E tele ma anoanoai nisi mau mea e fai ai, o se
faletalimalo i lou talitonuga e aupito sili ona manaia i le
Pasefika i Saute e oo i Fiti e leai se Hotel Resort o iai.
Afai e faatuina lenei faletalimalo i Samoa e le Itumalo
lenei i Siumu, ou te talitonu o lenei faletalimalo i Samoa
o le Itumalo lenei i Siumu, ou te talitonu o le sao tele lea
o le Itumalo e le gata mo ona tagata ao le sao lea i le
faigamalo o Samoa i Sisifo. O le tupe lea na tatou
manaomia e aumai mai fafo aua e tau o le faletalimalo.
O le matou talosaga la i lau afioga i le Palemia ma le
mamalu o le Kapeneta aemaise lau afioga i le Minisita o
Galuega, e tatau lava ona oo le eletise i Siumu i le
tausaga lenei, ma e tatau foi ona faaleleia le vai ina ia
lava le supply e fai ai le faletalimalo. O se popolega o le
agaga, afai e le faia le eletise o le Itumalo lenei i le
tausaga lenei ona iai lea o le popolega e toe mumusu
kamupani ia ua uma ona mausali a matou taupulega, le
taunuu le faletalimalo. O fea la o le a oo iai? Masalo o le
a ou faia le mea lea na fautua mai ai Tofi. Afai o le
tulaga lea ona faapea loa lea o Siumu, Savaii, Savaii,
Savaii, ioe afai e fai le mea lea e o Siumu e fai malo
tutoatasi i Savaii. Aua o Savaii o tuua o le Itumalo lenei,
e maua mai lona suafa i Savaii e silafia e lau afioga i le
Palemia. E le faigata la ia Siumu ona o e faimalo i
Savaii. Afai foi e le malaga le afioga i le alii Palemia,
leaga o lea e Palemia iinei ua lava Unasa matou te o e
Palemia ia matou i Savaii.
Lau afioga i le Fofoga Fetalai, e tatalo atu le Itumalo
lenei. O se talosaga vaivai ae iai lona faavae
maumaututu o le atiina ae o Samoa o lea e tau mai iinei.
O lea e tagi mai Vaimauga $10miliona e avatu ao le a le
tala a Siumu? Aua le aumaia se sene e tasi, ua lava a
matou tupe o loo iai saili a matou tupe pau lava le
fesoasoani a Siumu o lea e talosagaina ai iinei, o le
eletise i le tausaga lenei. Aua a siliga le tausaga lenei, ua
maumau le fuafuaga. Silasila i le tamaoaiga o Samoa e
maua ai le $10miliona i le tausaga (foreign exchange)
faafesuiaiga o tupe mai fafo, galuega a tagata o le a
maua ai, ioe, e fua faatoaga a Siumu, Safata ma Falealili
e tele ai talo, fai ma le popo. O meaituaolo, moa, ia, aua
o le Itumalo lenei o loo lava le tautua i le Malo. Le
afioga i le Ulu o le Matagaluega o Lafoga o loo tautua
iina, o le Tofa Tuuu Ieti Taulealo o le Faatonu Sili o
Falemeli o lena e tautua ai iina. O le Fetalaiga Fata
Randy, e pule lua i le Ofisa o le Suetusi oi o, o le Tofa
Tuuu Anasii o se tasi o pule sinia o le Faletupe o Samoa
i Sisifo ma le anoano o le tautua a le Itumalo lenei; e le
ose mea e manatu mama iai, ioe e lava ma totoe pau lava
le mea lea e tagi atu ai Siumu, lau afioga i le Palemia ma
le Kapeneta, lau afioga i le Minisita o Galuega, o le
eletise ma le vai ia faia lava i le tausaga nei ona o atiina
ae lenei. Ioe ana leai le atinae lenei ou te fai atu a mea a
siliga i le tausaga lenei ua maumau le manuia. Manuia
mo Siumu, manuia mo Samoa atoa na o se tamai mea
lava lea e faaletonu ou te fia talanoa ai i le alii Pule o le
malosi Faaeletise. O lau fesili atu pe fia le tau o le maila.
Saunoaga Faataupou Sui USufono 19861-2011
O le saunoaga a le alii pule e fitusefulu afe tala i le maila
e tasi. Masalo ua fua faafia sefulu le va o le mea lea e
gata ai le eletise i Tiavi ma le matou nuu e fitu maila, o
lona uiga e $525,00 e fai ai. E sili laitiiti lava i le afa
miliona si mea laititi pe a faatusa i le fitusefulu miliona
lea e sue e matou, e le atoa se miliona o le mea lea e tagi
atu ai, ao le a le mea e maua mai ai? E maua mai ai le
manuia o Samoa, e maua mai ai galuega a tagata e
toatele, e maua mai ai faafesuiaiga o tupe mai atunuu
mamao, e maua mai lafoga o oloa e gaosia i totonu o le
atunuu, e maua mai ai le lafoga o tupe maua a le Malo i
le fua o faatoaga ma faaeleeleaga, e manuia ai Siumu ma
manuia ai Samoa.
Lau Afioga i le Palemia, o lo outou ai lena; a outou faia
le eletise ma le vai i Siumu, o le lagolago a Siumu o le
afaafa. Ioe, e alu le 100% pe a fai le eletise i Siumu i le
tausaga lenei aua le faamoemoe; e popole lava le taofi ua
agai foi ina musua i le mea lenei ua tupu mai ai.
Ou te talosaga ai foi le Afioga i le Minisita o
Faamasinoga o la e manaomia e lou Itumalo le 500 eka
mo le faletalimalo. I se taimi lata mai atonu o le a iai se
fesootaiga ma le Afioga i le Minisita. Ou te manao ina ia
faatopetope le tulaga lea ina ia faaavanoa lelei le eleele
sei faagaoioi ai le galuega mo le faletalimalo.
Ou te talosaga atu ina ia faanatinati le tulaga i atiina a‟e
ona o le popole ina ia vave ona tuuina mai lenei eleele
sei faagaoioi ai nei fuafuaga.
E momoli atu lau faafetai i alii ma faipule na faatuina le
lafo ma le foi na ia faaluaina. Ona ou see mai ai lea lau
afioga i le Matagaluega o Galuega. Ia e momoli lau
faafetai i le Matagaluega i le alii Minisita. O le tele lava
o po pe a leva le po ou te sau ai i Apia, ou te faafetai
lava i nai tagata ia e galulue latou te salu le otaota i tala
ane o le auala tele. E malama ane le taeao, ua mama ma
matagofie, ou te faafetai e le o aafia ai i tatou, e le o
fomai, e le o faiaoga, ae o loo tofutofu uma Matagaluega
ma a latou matafaioi.
Ua tea atu le auala galue, ou te faafetai atu i le afioga i
le alii Minisita ua maua foi le faaaliga o le aso ananafi e
amata ai lea galuega aua le auala galue i lenei Itumalo. E
tele ni tausaga e lei toe oo atu ni fesoasoani i lea tulaga
ae e le o toe faamatalaina le taua o auala galue. Ae peitai
ua ou maua se faamatalaga e lei amataina le galuega
ananafi i le matou Itumalo. O lea ou te fia fesili atu ai lau
afioga i le alii Minisita i lea tulaga po o le a le tulaga ua
oo iai. Atonu o le a faaauaua i se taimi o lenei vaiaso. E
manaomia tele le fesoasoani aua fua o faatoaga ma
faaeleeleaga.
Ona ou see atu ai lea i le Taligalu. O au sa ou i tua i le
aso Toonai sa potpoto lou Itumalo ona ma talanoa lea ma
le toeaina matua o Lio o se tama foi sa fai ma sui o le
Itumalo. E fitu tausaga o loo i le Maota Fono nei, ona
musumusu mai lea o le toeaina ia te au, “Tupuola, o oe o
lou atalii ia e alofa lava faaauau le mea lea ua fitu
tausaga o ou pese pea, pese pea i le Maota e oo mai nei e
leai se mea e tasi ua faia i taligalu. Ua e vaai atu ua afa le
malae, o le malae e aupito taua i lo tatou Itumalo. O le
mea la ua aliali o lea ua tauau ina leai ma se tulaga
maota ma se tulaga laoa poo le faleaoga sa iai”. Ona ou
tatalo atu ai lea i lau afioga i le Minisita o Galuega i se
taimi faamolemole ou te tuu atu lenei talosaga i ou luma.
O le isi mea e taua tele lau afioga fai mai le alii ia te au
pe mafai le mea lenei Tupuola ou te le toe alu i le palota,
ua lava oe e te faipule. O le mea lea e aupito sili ona taua
ia te au. Ou te talosagaina la outou fesoasoani mai i lenei
Itumalo.
Ona ou see atu lea i mea tau Suavai. E pei ona ou taua
muamua lo matou faletalimalo e fia maua se suavai. Pe
mafai lava ona maua se faamatalaga mai le alii Minisita
po o le a le malosi o le suavai e fia ni kalone e mafai ona
faaalu i le aso? Faamolemole ma tulaga uma faapena.
Ona ou toe see atu ai lea i mea tau Eletise. Fai mai
tagata saienisi mai fafo o tagata Samoa e omai i le
atunuu foi lea o Asia. Ae fai mai isi saienisi leai e omai
mai Amerika i Saute. A fesili i toeaiina Samoa fai mai
toeaiina Samoa e lei sau lava se Samoa mai se isi mea.
Na ola mai lava Samoa i Samoa. Pe a ma le 2,000
tasuaga talu ona i ai Samoa. O lona uiga foi la ua faitau
afe tausaga o pologa pea lenei itumalo i mea tau vai. Lau
afioga i le Minisita, le Palemia ma le Kapeneta sei e
fesoasoani mai. E le gata i le tau o le faletalimalo ae ua
leva ona pologa. Ao se tasi lenei o itumalo e tautua lelei
ma e faaauau lava lana tautua.
Ona ou see mai ai lea i le Matagaluega o Aoaoga. Ou te
fia fesiligia lava le faamalamalamaga mai lau afioga i le
alii Minisita. Po o a ni aiaiga i le va o le Malo,
Matagaluega ma Aoga foi a Itumalo?. Afai e iai po o a ni
aiaiga, pe i ai ni fesoasoani a le Malo e avatu i Aoga ia a
Itumalo, a i ai, pe fia, pe i ai foi se fuafuaga a le Maloo e
faaleleia ai lea fesoasoani?
O le Matagaluega a le Soifua Maloloina. Ia e lei i ai foi
ni falemai ia i matou. Ou te fia fesiligia po o a gaoioiga i
le va o le Matagaluega o le Falemai ma lenei Itumalo?
Po o i ai ni fesoasoani e avatu e faateleina ai tulaga i le
aveina atu o se alii fomai i tulaga i vailaau ma fualaau?
Ia ona ou see mai ai lea i le afioga i le Minisita o Eleele
ma Fuagafanua. Ua le po se lilo i le tulaga o i ai faleoloa
foi nei o loo i ai i le Eleele fou, e le gata i le eleele fou a
o totonu o le maketi ma tafatafa ane; ae ou te fia fesili
atu lava au, aua o loo i ai le tatou fuafuaga e uunai le
apitagalu. E ao lava ona iai se fuafuaga a le Malo i lea
tulaga. E fia fesiligia ai le Malo i le alii Minisita ma le
Matagaluega. E fia fesiligia e lou sui se
faamalamalamaga e uiga i le Komisi Suesue i le Lafoga
ma a latou lipoti. Po o le mea ua oo i ai ae o le a se
fuafuaga a le Malo i lea tulaga. Aua e le o po se lilo i le
mamalu o le Maota ua matua maualuluga tele lafoga a
tagata faigaluega, ae laitiiti tele tuusaunoaga
(exemptions).
E maualuga le tupe e aveese ae laitiiti le tupe e aumai.
O le talitonuga foi, o loo ave i tagata faigaluega le
mamafa o le soifuaga, ae le faigaluega uma le atunuu na
o si vaega laitiiti. O le vaega laitiiti la lea e faigaluega
lea e amoina le mamafa. Ae faapefea le toatele o le
atunuu? E fautua atu ai la e ao ona sialsila totoa le Malo
i le lipoti lea po o a ni fautuaga lelei e aumai ai.
Saunoaga Faataupou Sui USufono 19861-2011
E tatau ona faasafua i le atunuu atoa ona mama ai lea o
le avega. Taumafai le atiina ae o lo tatou atunuu.
O le Matagaluega lea o Felauaiga i Vaalele. Ou te fia
fesili atu i le alii Minisita ona sa i ai le fuafuaga e lele
atu le vaalele lea a tatou i Hawaii i le masina lea o Iulai.
E manaomia se faamalamalamaga po o le a le tulaga ua
oo i ai lea fuafuaga lelei ae pe o i ai ni faafitauli. O le a
foi se finagalo o le Malo i lea fuafuaga aua le agai i luga
o le manuia o le atunuu. Aua e le o po se lilo o le tasi o
le vaalele o se tulaga le manuia. E le se tulaga e tau
faamatalaina lea itu ua lausilafia lava.
Ona ou toe foi tasi atu lava lea i le Matagaluega lea o
Aoga i le mataupu lea o le faamalosia o Aoaoga. E
fautuaina le Malo i lea tulaga aua le lumanai o Samoa. O
le toatele o le atunuu e lei vaai lava i totonu o se potu
aoga. E ola ae lava le isi i le faatoaga e le alu lava i se
aoga. Ou te talitonu e tele foi le fuainumera o le vaega
lea. E ao ona fai se fuafuaga a le Malo ina ia faamalosia
aoaoga. E le iloa po o ai lona vaega o tagata popoto e
mafai ona fausia lava e latou o latou vaalele. Ae o le
tulaga lea e i ai nei ua pule lava matua ia pe ave i le aoga
pe leai.
O le Ofisa o le Komisi o Galuega a le Malo. E momoli
atu le faafetai aua o se galuega fita e le faigofie foi. Ae
avatu foi se fautuaga ou te fautuaina foi le Malo ma
lagolagoina finagalo o sui ua uma ona saunoa, e ao lava
ona siisii atu i luga totogi o tagata faigaluega a le Malo i
se maualuga lelei. Ia e le gata ai iina ae ia siisii ai pea
lava. E le gata i lena e fautuaina foi ina ia faia pea ma
faaauauina pea o le iloiloina o galuega faasupavaisa ina
ia mautinoa ai o loo lelei pea le faasologa o galuega e le
gata ia lelei totogi ma le taui ae ia lelei foi le faiga o
galuega.
Ona oo mai ai lea i le Vaega lea o le Fale „Ava
(Western Samoa Breweries). Ua i luma o le Maota se
Lipoti a le Komiti o Tupe. Ia e eseese lava taofi o Sui ae
o lou lava talitonuga ou te matua tetee lava i le tupe lea e
ave i le Kamupani lea. E $1.1miliona lea e ave i le
Kamupani lea. O le tupe lea e i ai le Kamupani lea e
$4miliona e 52.3% Sea o le Malo o loo i ai o lona uiga e
sili atu i le $2.2miliona tupe a le Malo lea e i ai i le 4
tausaga. Na o le $320,000 le tupe a le Malo na maua mai
ai i le sili atu i le $2.2miliona lea. Ae o le a le mea lea e
taumafai nei? O lea ua manaomia mai se $1.1miliona lea
e faaopoopo i ai, o lona uiga o le a $3.31 pe sili atu foi
sea o le Malo. O le finagalo o le Kamupani o sui mai le
tupe a le Kamupani mai le $4 miliona i le $17 miliona e
sili atu i le $4 miliona le siitaga lea o le a sii ai. Ua
faateleina ai le pia i le atunuu sei tulou. Se‟i ou fesili atu
lava la i le afioga a le alii Palemia ma le Kapeneta o le
fea ea le mea e sili atu i le atunuu, e sili ea le pia pe sili
le eletise? O fea le mea e taua o nei mea e lua? E sili le
pia pe taua le eletise. Ua tele tausaga o pologa nisi o le
itumalo o i ai le itumalo lenei. O lenei mea o le pia ua
taua e nisi o le mea e le manaomia i le soifuaga
(luxuries).
E pei e manaia lava le i ai ae le manaomia i le olaga o
le tagata. Ae o le eletise o le mea e manaomia e
mautinoa e manaomia e tagata i le soifuaga. Ua leva ona
pologa lenei itumalo i le leai o se eletise, a o lenei ua toe
ave lenei miliona e toe faatele ai le ava. O lea e fautua ai
lenei itumalo o loo i ai se isi Kamupani lea o le Vailima
e toatele le mamalu o le atunuu e manaomia. O le
filifiliga saoloto o le tagata afai e leai se manaoga
(demand) o le a la le mea e le tuu ai i le Kamupai lea
latou te faia? Ia faataunuu le manaoga ae leai se sene a le
Malo o alu i ai. Ae aumai le miliona lea e fai ai le eletise
o Siumu ma isi itumalo. O lea e manaomia ai. E tele nisi
tupe a le Malo e maua ai e lelei foi le tele o Kamupani
aua e faigofie ai ona faatauvaga tau o oloa. Ae o le mea e
aupito sili ona taua e leai se sene a le Malo o alu ai. Afai
lava o le Kamupani Ava Malosi lava latou, ae aua le
afaina ai le Malo. Ae a aumai le tupe lea e fai ai le
eletise e maua mai ai Kamupani a le Malo i le tupe lea, e
maua ai le lafoga o oloa e gaosia i totonu o le atunuu ma
le lafoga o tupe maua aua o lea e faigaluega le tagata. A
fia silasila lau Afioga i oloa ua faatauina e le Kamupani
lea e faia fagu inu. A silasila lau Afioga o lea ua faatuina
le Kamupani lea e faia fagu inu. A o le Vailima latou te
faia le pia e fai foi lea o le fuafuaga a le Vailima. O lea
foi ua latou manao latou te faia fagu suamalie. E
faapefea ea le Kamupani lea? O lea o le afai foi e latou le
pia ua manao lava e fai aua e taugofie ai le tau i le
atunuu. O lea ua tagi mai le la Kamupani ona e manao
foi e gaosi le pia a o lea foi ua toe maua e tetee i ai le
Kamupani lenei o le Vailima. Aisea? E sili le manao i le
pia ae avatu pea tupe a le Malo e fai ai. A fuafua i le
eletise, o le vai ona avatu ai lava lea o se fautuaga a lenei
itumalo e ave le pia e fai e le isi Kamupani lena aua e
leai se tupe a le Malo e alu ai. Aumai le tupe a le Malo e
fai ai le eletise o Nuu aemaise le itumalo o Siumu.
Ona ou see atu ai lea i le Ofisa o Faasalalauga. Faafetai
atu i lea foi Matagaluega mo galuega ua faia. Ae faapena
sou manatu e le tatau ona tatou taofiofi mamau ae
faafetai o lea ua i ai se faatagana a le Malo i le isi
Kamupani. Ae fesili atu lava mo se faamalamalamaga po
o le a le mea ua oo i ai lea Kamupani? Ae po o i ai se
mea o faaletonu ua tuai ai? Ae ia faatino loa ma faatino
vave ina ia taugofie ai faasalalauga.
E fia faafesili atu foi i le alii Palemia pe aisea ua lua ai
vaega o Faatonu o Matagaluega. O lea e matau atu e i ai
Faatonu Muamua ma lona lua, ma e eseese foi totogi. Ia
e fia maua ai se faamalamalaga faamolemole. Ou te fia
talanoa foi i le tulaga lea o Pemita. Atonu foi ua pasia i
la outou faafofoga, a o lou lava sui ou te manatua
mafatiaga. A tapuni le Ofisa lena i le afiafi oi talofa i le
mamalu o le atunuu e feofeoai ai lava iina ma tofafa ai
lava i luga o maa. Na o le palapala ona o le fia maua o ni
pemita mo Niu Sila. E faapefea ona tupu lenei mea ae
tupu lava o Samoa? O tausaga ua mavae sa faaaoga
taifau e sue ai tatou ma e le o lo tatou atunuu. O lea e o
atu tagata ae momono solo i le alatele. Lau afioga i le
alii Palemia sei silasila i lea tulaga e le o se mea
taugamalie lea mea. O se mea matuia tele i le soifuaga
faale-tagata. Ou te tau atu e leai lava ma se tagata Niu
Sila e alu tu faapena i le po atoa, timuia ma laina ae tutu
Saunoaga Faataupou Sui USufono 19861-2011
lava nai tagata ina ia malama ae le taeao a o i ai lava i
lona tulaga i le laina. Pe atoa ea le vaiaso o fai lea mea.
E talosagaina lau afioga e tatau ona silasila i lea tulaga.
Ona oo mai ai lea i le Tulafono o Faiga Palota. O lou
lava talitonuga e i ai lava le Tulafono e lelei i ai foi
Tulafono o faale-lelei. O Tulafono lelei ia e tausia e
tagata, e moni lava foi e i ai lava tagata e solitulafono i
nisi taimi ae o le tele o tagata latou te tausia ia Tulafono.
Ae o Tulafono faale-lelei, ou te talitonu o Tulafono na e
soli e tagata ae le o tagata tonu ma, ou te iloa e leai lava
se itumalo e le maua ai e oo lava foi i le matou itumalo.
Ae ua tatau lava ona i ai se Komiti faapitoa latou te
suesueina lea tulaga. Aumai ni fautuaga mo le toe
teuteuina o le Tulafono o Faiga Palota, ina ia puiapuia ai
i le agai i luma. Lea foi na taua e nisi sui e tatau i tagata
e i ai suafa Matai ona faia ni pepa e iloa ai. A alu atu e
fai le palota, ia alu atu ma le pepa lea (identification
card) ona iloa tonu ai lava lea o oe tonu lea e tatau ona
palota ma le mafai ai ona palota le tagata ua maliu, e le
mafai ai ona palota le o loo i Niu Sila, Amerika po o
Ausetalia, ae sau le isi e sui momoe ai. E le gata e alu e
fai le soligatulafono lea aua o se Tulafono e le lava
tapena. E tatau ona faia se Komisi Filifilia lau afioga i le
alii Minisita ina ia faia ni suesuega ma aumai ni
fautuaga.
Silasila i le Tulafono e matua faasa lava ona avatu se
fasi falaoa po o se ipu vai i se tagata, ae e i ai tuaa ma
tama matutua e o atu e tapuai i le faiga palota. O lona
uiga o lea e fai mai le Tulafono, Tupuola tou te aai lava
outou ma lou aiga, ae o le la e tumu le mamalu o le
Itumalo. Sei silasila la i ai o le a faasa ae faapefea le
aganuu? E tatau lava ona fai sina ti, poo sina
taumafataga, ia o lona uiga e matapogia le isi loomatua
pe a le faia i ai se fuafuaga lau Afioga i le Fofoga o le
Fono, o le a soli lava lea Tulafono i taimi uma. O se
Tulafono leaga, e le o talafeagai. E feteenai ma le taua o
le aganuu. E oo foi i seleni ia e alu ia tatou faatosina
(Campaign) ou te talitonu e le talafeagai. E faapefea ona
fai se palota pe a le fesoasoani i tagata? E le tuli foi i ni
alu i ai i o avatu le $20 ma faapea atu, avatu le tupe lea
ae palota mai ia te au. Aua po o fea lava e te i ai e o atu
lava ma matou aiga e fia maua ai sina seleni.
Le Fofoga Fetalai ma le mamalu o le Maota e viia le
Atua ona o lona agalelei ma lana pule faasoa ua na
taitaiina mai ai lo outou soifua ma lo matou ola i fanuga
lelei. Ua maleifua mai lau afioga i le Fofoga Fetalai, le
afioga i le alii Palemia le mamalu o le Kapeneta, ae
tainane foi Sui mamalu o le Palemene aemaise
Faauluuluga o Matagaluega ua tatou faatasi i lenei taeao.
Ae lei agai se faamatalaga e faaauau se manatu o lenei
itumalo, e fia faia sina faamatalaga e faaauau ai se
manatu o lenei itumalo, e fia faia sina faamatalaga
puupuu e tusa o le faauilavea a lou uso-a-faipule le
afioga Asi. E leai se agaga o Siumu e tetee i le atiina ae i
le fale talimalo i Taumeamsina e pei ona ua le po se lilo i
le Maota. E lagolagosua foi Siumu i le finagalo o le
Malo aua se manuia auiluma o le atunuu. Atonu foi e le
o po se lilo ma e moni ai le upu e tele aa o le tagata i lo
le laau. Ia o ita nei foi ia o le Vaiala toe Moataa. Ia o lau
afioga foi o le Aoao, o le Siumu aiai foi. E le faapea la e
fai atu sau faamatalaga ona faapea lea o se faiga-nuu poo
se faiga-aiga, leai, e faamanino e lagolago Siumu i
fuafuaga a le Malo e pei ona i ai le fale talimalo i
Taumaeasina.
Na maea le tatou galuega i le aso ananafi lau afioga i le
Fofoga Fetalai.
Faafetai atu i lau afioga i le Fofoga Fetalai ia ona agai
loa lea o se faamatalaga i tulaga ia o le Electoral Act po
o le Tulafono o Faiga Palota. O tulaga ia o le faatosina
ua uma ni faamatalaga i nisi o vaega. A o tulaga lava ia o
le faatosina pei lava na i ai se faamatalaga ananafi, o le
tuliina o ita lenei e alu i le tausinioga e tufatufa ni nai
fesoasoani i le mamalu foi o le itumalo. Leai, poo fea
lava ta te nofo ai e tupu lava ni faalavelave o nisi o le
mamalu o le itumalo e lima vaivai e le tago lima. E
ausulusulu atu lava sei tulou. Afai la e sau o se maliu ae
talitonu ita nei o se faalavelave moni lava ao lea lava o le
malosi, ona ave lea i ai pe $10 pe a ona o le alofa ma le
fesoasoani i le faalavelave lea e sulu mai ai. O le isi mea
ta te lei alu i ai ia ave lea i ai le $10 ia ua soli le
Tulafono. Ia o le faaupuga “corrupt” lau afioga i le
Fofoga Fetalai o le faaupuga lea na ou vaai i ai i le
Lolomi Fefiloi ea poo le a le sao o le Dictionary. O le
upu “corrupt” ou te faitauina faapea – agasala i le le
faamaoni, amio le taupulea, uiga mataga, tau faaleaga,
agaleaga, faaleagaina ai le loto, talepeina taofiofia,
faamaulaloina, faamanuia i se tulaga matuia.
Ia silasila la i ai i le uiga o le upu lea e molía ai ae na o
le $10 lea na ave i le maliu lea na malaga mai ai le tagata
e fia maua se fesoasoani. O lona uiga la a tatou alu i le
faaupuga lea ia o lona uiga ua lau uma tatou i Tafaigata
aua foi e leai se isi e ese. E oo lava i le taimi e lei alu ai
ta ita la i le tofi faipule, aua o lea faatoa alu nei ananafi.
Na ona ou faaaogaina le maliu na o se faataitaiga a o
lea ou te iloa e faataga maliu e oo lava i le taimi foi lea e
45 aso o taga lava, ae sa uma isi ituaiga faalavelave. O le
mea lea lau afioga i le Fofoga Fetalai ma le mamalu o le
Maota e i ai lava Tulafono e lelei e i ai foi Tulafono e
leaga. O Tulafono e lelei e tausia e tagata, a o Tulafono e
leaga e le tausia e tagata. E i ai se Iunivesite tele lava pe
sili atu i le 20,000 tagata aooga i Amerika, manaia le
laufanua ma mea uma lava o le Iunivesite. E i ai foi ma
le Tulafono e sa ona soli le mutia ina ia tausia pea le
lelei ma le matagofie. Ua faia lava la e le Iunivesite mea
o auala foi ia sima faasima lelei ina ui ai tagata uma, ae
sa ona alu se isi e ui i le mutia e puipui le matagofie. E i
ai lava la se isi vaega o le Iunivesite e latalata i le Ofisa
Autu e ui lava tagata i le mutia tiga lava ona i ai le auala
sima e savavali ai ae le ui ai. Masalo o le 90% o tagata
pe a ui lava i le mutia. O le mea la na oo i ai na o le
faasala, faasala, faasala tamaiti aoga. O le Iunivesite e
amata atu lava i e foi ia faatoa amata ona aooga ma e ua
leba ona maua isi tikeri o tagata matutua ua fai aiga o
tagata nei o tagata lelei, e le o ni tagata leaga foi lea e
solitulafono ae ui ai lava. Ona oo lea i le isi aso ua fiu le
Iunivesite e faasala, faasala ae fai lava e tagata lea mea o
Saunoaga Faataupou Sui USufono 19861-2011
le faaleaga. Ona fai loa lea o le tonu a le Pule o le
Iunivesite e aveese le sima lea e i i ae avatu e tuu i o i le
mea lea e omai ai tagata. Ona faapena lea ona fai ua
lepeti ae fai le sima fou i le mea lea e ui ai tagata. E sao
le taatiaga. O se Tulafono lelei la lea ua i ai nei, a o le
mea lea sa i ai muamua o se Tulafono le talafeagai. O
lena la lau fautuaga i mea nei o Palota lea e lavea ai
tatou.
Masalo e tutusa lava le manatu o le itumalo lenei ma le
finagalo o le alii Palemia ua saunoa i ai. E le o faapea atu
foi Siumu a mea la sui atoa le Tulafono. Leai, ua na o ni
nai vaega ia e le talafeagai ona e feteenai ma le aganuu.
Pei ona ou taua ananafi fai mai le Tulafono e faasa lava
se mea faamalosi tino. Ia o le aso e usu mai i le taeao
tagata i lo ta fale e taputapuai ma palota ia ita i le aso o
le palota. E pogisa lava o la e i ai. A‟o le uiga o le
Tulafono lea e i ai fai mai le Tulafono, afai lava le tou
meaai Tupuola ma lau fanau sei tulou, fai a outou aua
lava nei avea se ipuvai poo se mea i nai tagata nei. Ia o
le a faapefea la ona palota mai tagata nei?
Lau Afioga i le Fofoga Fetalai ma le mamalu o le
Maota, ou te talitonu lava e le o eseese se manatu ia te au
ma le finagalo o le afioga i le alii Palemia. Aua o loo
faamatala mai o le Tulafono a mea la i le tulaga lea i le
tausia o le soifuaga, e leai. Ao le faauigaga lena e i ai, ou
te le iloa se isi faaupuga. Ou te talitonu foi e toatele nisi
o le mamalu o le atunuu latou te tausia faamaoni le
Tulafono. E ui lava ina faigata, ao le mea lea e tau avatu
nei, o se Tulafono lelei e tausia i le tele o taimi; a‟o se
Tulafono e i ai ni nai ila ou te talitonu e tausi e isi ae le
tausia e le toatele o tagata. E le gata la i le soli nei, soli
taeao ae soli ai pea, soli ai pea, o lou talitonuga, e soli
lava i tausaga uma lava. O taimi uma lava e soli ai lenei
mea i faiga palota uma, o lona uiga e uma lava le lalolagi
lenei sei tulou, e soli pea ona e le o se Tulafono lelei. E
le o le Tulafono atoa la, ae o vaega lava ia. E i ai le
fautuaga i le alii Palemia ma le Kapeneta e ao lava ona
silasila totoa i ai, pe faia se Komisi e sailiili i ai i ia
vaega ona faia lea o ni nai fautuaga e teuteu ai lea vaega
o le Tulafono e feteenai lava ma le aganuu.
Lau Afioga i le Fofoga Fetalai, afai e le solia e le afioga
i le alii Palemia le la foi faigamalo le Tulafono, o lona
uiga o le matua le alolofa lava o tagata ia. Ou te ofo, aua
faatoa ou alu i le palota lenei, ae ua fia sefulu tausaga ou
te fesoasoani lava au i tagata vaivai o lou aiga ma lou
itumalo. Afai la o lea, o lou talitonuga e matua leai se
alofa i le itu lea. Afai la e leai se alofa i le itu lena ou te
le alu atu foi iai.
Ona ou see mai lea lau afioga i le Fofoga Fetalai i le
Matagaluega……..
Taatia mai le finagalo o le alii Palemia ma te nofonofo
aua o le fesoasoani a le Atua o le a maua ai se tonu lelei.
O le a ou see atu i le Matagaluega o le (PWD) poo
galuega. O le mataupu lea o lologa foi nei. Sa seasea
tupu, ao le mea lea ua iai nei, ua tai tupu lava i tausaga
uma, o nisi tausaga ua tai tupu faalua. E le o po se lilo e
lolo atoa lava le talafatai o Apia, leaga ai fale o pisinisi,
leaga ai maota ma laoa o le atunuu, e leaga ai auala,
leaga ai meatoto, leaga falesa, leaga faleaoga ma leaga ai
taavale. E tele ma anoanoai mea e faaleaga i lologa. O le
a ea se mea poo se fuafuaga a le Malo e foia ai lenei
faafitauli? Aua o le mea o le a iai ole a tupu pea, tupu
pea. O tausaga uma lava ou te talitonu o taimi e mamafa
ai timuga, e tupu lava. E talosagaina ai lau afioga i le
Palemia ma le mamalu o le Kapeneta e tatau lava ona fai
se fuafuaga e foia ai lea mataupu ma lea faafitauli tuga.
O le isi mea atonu e le o po se lilo, o le Ofisa o au nei e
i le magafa lea i Saleufi, na amata lena Ofisa ia Oketopa
i le tausaga lea na tea nei. I le va o Oketopa ma Me i le
tausaga lenei pe a ma le 7 ea masina pe a. Ou te masalo e
le i lalo ane o le ono pe fitu taavale e lavevea ai i le
magafa lea. O masina uma lava e lavevea ai ae le lavea e
tasi le taavale e lua taavale e lavevea i le taimi e tasi.
Aisea? E tasi le faaaliga taofi taavale la e iai ae faasaga i
autafa, e sau uta alu i le atoa, sau isi itu tau fai alu i le
atoa. E fai sina popole o le loto ua toeitiiti lava oso atu se
isi taavale i totonu o le matou Ofisa. Ou te talitonu a fai
lelei faailoga nei ma fai mea patupatu i ala tetele ina ia
alu lemu ai lea o taavale, lea e omai i le isi itu agai i le
isi itu. Lau afioga pe mafai ona silasila i lena tulaga.
Ona ou see mai ai lea i le Faletupe o le Atiina ae. O le
Faletupe lenei i lou talitonuga na faatu e atiina ae ai le
atunuu, e faamoemoe iai mo se manuia. E lua
nonogatupe a lenei itumalo sa faia i le Faletupe lea, ae
ou te masalo e le mautinoa ae o lau taumate iai pe tai oo
atu i le $400,000 pe tai lata i se afa miliona ua alu a le
itumalo lenei i le Faletupe o le Atiina ae. Sa faia ai le
matou faleaoga. Ua leva le isi nogatupe, ma le isi
nogatue sa fai talu ai nei e fai ai le faleaoga o le Itumalo.
I le tausaga lea ua tea, na fai se fuafuaga a lenei itumalo
ua laititi le nogatupe tuai, ona matou talosaga lea i le
Matagaluega ae a pe a alolofa e aumai sina ono masina e
taatia ai le totogiina o le nogatupe fou, ae sei ave uma
lava le matou malosi e faamotu ai le nogatupe tuai. Ae ia
malilie la le Matagaluega pe mafai ona faataatia le tului
o le nogatupe fou, na o le ono lava masina. Ou te le
maitaulia pe faafia ona matou o e tuliloa pea lenei
talosaga ae ou te manatu e le i lalo ifo o le ono. Ae o le
mea na oo i ai, toe ititi a uma le ono masina lea na matou
mananao e faamotu ai ae faatoa maua mai le tali. Ae
maua mai le tali, ia outou malilie e le mafai, e leai lava
se mea faapea na faia muamua e le Ofisa lenei. E iai ea
se mea e oso atu ae oso i le lua, tolu, fa. E tatau lava ona
iai se amataga o se mea. E tatau ona iai se muamua.
O le atiina ae o tupulaga, o aoaoga a fanau. Ia te au lava
ia, o le atiina ae aupito i sili lea ona taua i le atunuu
lenei. Aua poo le a lava le atina ae e faia e tagata. O ai la
tagata nei e taumafai nei le itumalo lenei ma le anoanoai
o isi itumalo e aoao? O fanau. A le aoaoina fanau nei, e
leai nisi e omai e fai atinae nei. O tagata e faia; a le
aoaoina lelei e leai nisi e faia. E lei nofo nofo Fofoga
Fetalai le afioga i le Fofoga Fetalai. E lei nofo nofo
Palemia le afioga i le Tootooalii. E lei nofo nofo
Minisita a outou afioga. E lei nofo nofo faipule le Maota
nei, ulu o Matagaluega. E lei nofo nofo nofo tulai mai i
tulaga nei. O le a le mafuaaga? Sa aooga lelei ma
Saunoaga Faataupou Sui USufono 19861-2011
aoaoina. Ao lea e tagi atu i se fesoasoani mai le
Matagaluega, e le gata i le toeititi uma le taimi ae sau le
tali e leai; fai mai e lei faia se mea faapea muamua. O
lau talosaga i lau afioga i le alii Palemia, lau afioga i le
alii Minisita o le Matagaluega, o le a le mea e le aveese
ai tului mai nogatupe o faleaoga a itumalo? Silasila o le
tiute o le aoaoina o fanau a le atunuu o le tiute a le Malo,
ao ai lea e faia le galuega? O lea e fai e itumalo. O le a la
le fesoasoani a le Malo ae le aveese le tului lea? E le
alagatatau ea ae fai ma sao o le Malo le aveese o le tului
lea? E le alagatatau ea ae fai ma sao o le Malo le aveese
o le tului e 10% aua o lea e fai e itumalo mea uma,
vagana ai faiaoga. Ao le fausia o fale, o le faatupeina ma
mea uma lava o loo faia e itumalo ao le tiute o le Malo.
Ou te talosagaina ma ou te fautuaina le Malo ina ia
silasila totoa ou te talitonu o le sao lelei lea o le Malo i le
aoaoina o tupulaga a le atunuu. Afai e faigata ona aveese
motu faatopetope, ou te fautuaina ia tuu i lalo o le 5%
ona alu ai lea pe tolu pe lima tausaga ona faatoa motu
ese lea pe afai e faigata. Afai e faataunuu lea tulaga ou te
talitonu o se fesoasoani matua taua i le Atunuu mo le
aoaoina o o outou alo ma ni a matou fanau.
O le isi mea i le Matagaluega lea, ua ou maua e
$6.5miliona le tupe a le kamupani lenei e faagaoioi ai.
Ae ua maua foi e $6miliona aitalafu la e tau aoao mai. O
lona uiga ua toeitiiti lava leai se tupe e faaauau ai lenei
Matagaluega. Pe mafai ona silasila totoa le afioga i le
alii Minisita, $6.5miliona le tupe o loo iai (capital) ae
$6miliona le aitalafu (arreas) poo tupe o loo tau aoao
mai. Sei silasila totoa iai i ia tulaga aua le lumanai o le
atunuu.
Ona ou oo mai lea i le tulaga o le Maota lenei. Ou te
talitonu o le tumutumuga o Samoa ma soo se atunuu o
lona Palemene. O le alii Palemia, o le Kapeneta, o alii
faipule ma le afioga i le Fofoga Fetalai o le taitai o le
Maota. Na ma talanoa ma se tasi o sui mamalu o le
Maota, o se tagata ua loa lana tautua i le Maota lenei o le
atunuu. Fai mai lana faamatalaga ia te au, o au na amata
o milionea. E iva ou faleoloa i Savaii ma Upolu. E tele
au loli tetele, pasi ma tele au faatoaga. O le matua
mauoloa e matautia. Na ou alu loa i le tofi, ona o lou
manatu e tautua i le atunuu, ae silasila iai Tupuola ua fia
aai lau fanau. Ua fia ai si ou toalua. O le tele o isi taimi
ua leai se mea e ai. Aisea? E matautia le malosi lea e alu
e sue ai le tofi lenei. Ao le a le totogi lea e aumai i le
Maota lenei? E $11,500. Ae faatoa amata foi ananafi le
totogi lea, ae ou te le o fai atu ona e faapea o ananafi ae
lei leva ona amata, ae o le mea sa iai e $2,000, $3,000
$4,000. E faapefea la ona o mai ni tagata agavaa o le
Malo lenei e faia le Malo ina ia lelei mo le atunuu? E le
ola ai se atunuu, e tele ni tagata agavaa o le atunuu o loo
naunau e o mai e faia le malo.
Ou te faamalulu atu i le fetalaiga Toi, e leai e le o le
uiga lea o lau faamatalaga.E tele nisi sui, e sao lava le
fetalaiga ia Toi; e leai ou te le agavaa ae ou te taumafai.
O le uiga o lau faamatalaga e tele nisi tamalii ma
failauga o le atunuu o ni tagata agavaa e ono o mai i le
Maota lenei e fai ia lelei le Malo o Samoa. Ao le a le
mea e ala ai ona le o mai? E leai se mea e maua ai.
Vagana lava le tagata e manao e osi taulaga. Vagana
lava le tagata e manao e tautua faamaoni ia Samoa ma
lona itumalo. Aua o le mea e oo iai, ia o lena ua ou tau
atu le faamatalaga a lau uo. O lea e alala mai i le Maota.
Ua tele tausaga o lea lava e ositaulaga ia, o loo tautua i le
itumalo ma tautua i le atunuu. Aisea? O le alofa i le
itumalo ma le alofa i le Maota lenei ina ia mafai ona
tosina mai nisi tagata agavaa o le atunuu e o mai e faia le
Malo o Samoa. Aua ou te talitonu o iina e maua ai le
manuia. Ia silasila ane i mea tau alauni o Komiti aua e
aofia faatasi ai.
Ona ou see atu ai lea i le isi itu ma ou faaiu atu lea lau
afioga i le Fofoga Fetalai. O le naunautaiga mama ma le
faamaoni o lenei itumalo ia tatou galulue faatasi. O le
naunautaiga o lenei itumalo ia tatou galulue fealofani. O
lau maitau o au o se sui fou o le Maota, e iai lava itu e
lelei ai faiga vaega. Ae maitauina foi ma le faanoanoa e
iai foi itu e le lelei ai. Maimau pe ana leai ia tu e le lelei.
Ou te masani i le faiva lea o le faigau‟a, sei tulou le paia
o le Maota. O lea faiva e aupito sili ona lelei ma faigofie
pe a fai ina ua tai tutui, e faia i le toga togo. Aua a tai
tutui e lua i le tolu futu mai le taele o le togo e au iai le
vai. E sosola ese la u‟a mai lalo ina ia o ese mai le vai. E
feaei i luga o le togo. E tele toga togo na ona nonofo ai
lava lea. E te alu atu lava i le po ma si au apa karasini sei
tulou le paia o le Maota ma lau moli matagi. Pau lava lau
mea e fai, na o le ee lava o le u‟a i totonu o le apa. A
lava foi ona e malaga lea i le fale. Ou te maitauina lava
la le amio a lenei mea o le „u‟a sei tulou le paia o le
Maota. E taumafai foi lea e feaei mai i fafo o le apa
karasini. Ao le mea ua ou maitauina e ae atu isi ae toso i
lalo e isi. E fiu lava le isi e taumafai atu, seiloga lava e
tumu le apa karasini faatoa sao le ae a se „u‟a i fafo,
vaeaane le paia o le Maota. E le faatusaina lea vaega ae o
lau maitau vaivai e pei la e tai foliga faapena i nisi taimi.
O le talosaga a le itumalo lenei o Siumu, le paia o le
Maota o Samoa. Aua tatou te fetuia‟i. Aua tatou te
felamata‟i. Aua tatou te fefulitua‟a‟i. Ae a? Tatou
fealofani. Tatou galulue faatasi i le agaga moni, i le
faamaoni i luma o le Atua. E le o le Atua ea le Faavae o
Samoa? Ou te talitonu ana tatou tausi faamaoni i le
Faavae o Samoa, e vave le atiina ae o Samoa. E vave le
manuia o Samoa. E alofagia e le Atua le Maota lenei ma
le atunuu. O lona atiina ae e fita. Pe a tatou taumafai e
tausia o Ia o lo tatou Faavae. Tatou uunai o tatou uso i
luga ina ia i luga uma tagata. Aua tatou te tau faaleaga ae
tatou faalelei. E faanoanoa lava le agaga e talatalanoa
faasamasamanoa i fafo atu o le Maota. E i ai nisi sui
mamalu e tautino mai se o le mea lea e aumai e le Malo
o se mea matua lelei. E tatau lava ona fai. O se
Polokalame lelei. Ae a saunoa mai ma fetalai i totonu o
le Maota, o le matua leaga lava o le mea lea, se aua le
faia o le matua sese aua le faia. O silasila mai ea le Atua
o le Faavae o Samoa ia tatou taulaga pe a fai e faapea?
Ou te talitonu e vave le atiina ae o Samoa pe a tatou
latalata i lona Faavae pe a tatou fealofani. Tatou galulue
faatasi ma le faamaoni.
Saunoaga Faataupou Sui USufono 19861-2011
Ua tatou maua le faamanuiaga a le Atua i le tofa ma le
moe. Afai tatou te talitonu o se mea e lelei e manuia ai
Samoa, tatou lagolago i ai. Tatou o e talisapaia, tatou
galulue faatasi. O le tatou tiute lena. E le tauia i le
manuia o le Atua le le amiotonu. E tauia foi e le Atua i
ni mala le le amiotonu. Po o le a foi le poto, e
faavaleaina e le Atua. Tasi le tagata poto, le alii o
Aperaamo Linikone, “A house divided against itself
cannot stand. A vaeluaina se fale e le mafai ona tu. Fai
mai foi se tasi alii poto i Amerika, United we stand
divided we fall. A tatou galulue soosoo tauau ua manuia;
a tatou feaveaveai ua le manuia.
Lau afioga i le Fofoga Fetalai, fai mai le fai Salamo,
tatou o ia i le fale o Ieova. Toe fai mai foi le Tusi Paia e
lelei mea uma ua ia Iesu. Tatou fealofani ia, tatou
galulue faatasi ia, o iina e maua ai le manuia o Samoa. Ia
manuia lau afioga i le alii Palemia ma le Kapeneta. Ia
manuia foi le Maota ma Samoa atoa, ae ia ola ma maua
se aoga o lenei itumalo o Siumu. Soifua.
Afioga UNASA LIO
Itumalo Faaalaalafaga:
Faasaleleaga Nu.3
Filifilia:
22 Mati 1988
Faatauto:
7 Aperila 1988
Lauga Faataupou:
21 Iuni 1988
Faafetai i lau Afioga i le
Fofoga Fetalai ma le
mamalu o le Maota i ona tulaga faalupeina, aemaise foi
le faafofogaaga Samoa e aofia ai Tutuila, Manua ma
Samoa i Sisifo i o latou tulaga faalupelupeina, e pei lava
ona silafia e lau afioga ma le mamalu o le Maota, sa iai
lou mafaufau ou te le lauga, ae ona ua vaavaai atu ua leai
se isi sui mamalu e tulai mai, ia o le mafuaaga lea ua ala
ai ona ou tulai atu.
Muamua lau Afioga i le Fofoga Fetalai, e fia molimoli
atu le faafetai ona o le avanoa foi ua e tuuina mai ia te au
e fai atu ai se faamatalaga e tusa ai ma le Tala
Faaopoopo o le Tupe ua faataatia nei i luma o le laulau a
fono. Ma o lenei Tala Faaopoopo o le Tupe e pei lava
ona silafia e faaopoopo atu i le Tala Autu o le Tupe lea
na pasia e le Paelemene i le tausaga talu ai. O lea Tala
Autu o le Tupe e pei lava ona silafia e lau afioga ma le
mamalu o le Maota, na tuuina mai i luma o le Palemene
e le Faigamalo faatoa tulai ese atu nei, sa taitaia e le
Afioga i le Aloalii, le Afioga Vaai Kolone. O lenei la
taimi ua silasila i ai le afioga i le alii Palemia ma lana
Kapeneta, ua alagatatau ai foi ona faia se Tala Faatatau
Faaopoopo o le Tupe. O lenei mea o se mea lava e
masani ai e pei lava ona silafia e le Maota. O lenei la
Tala Faatatau Faaopoopo o le Tupe ma lau matau atu i
ai, ua matua lelei lenei sauniga ina ia mafai ai ona
faaauau galuega a le Malo, e faaiuina i le Aso 31 Tesema
seia oo atu i le faaiuga o le tausaga nei, e faaiuina i le
aso Aso 31 Tesema 1988. E i ai nai teuteuga e pei lava
ona silafia e le Maota o loo tuuina mai e le Komiti o
Tupe i lea taimi ma lea taimi. O le a i ai se taimi e
talanoa ai le Lipoti a le Komiti o Tupe ma fai ai le
lafolafoga ma fetuunaiga ona maua ai lea o se faaiuga
lelei a le Maota Fono lenei. O Ulu o Matagluega ina ia
faatasi mai i le tauaofiaga a le Maota. Ua silasila lava i ai
e aafia tele Ulu o Mataga;uega i le Tala Faatatau
Faaopoopo o le Tupe.
O le vaega muamua e 15½ miliona tala o le matafaioi
lava lea a Matagaluega o Tupe ia e fuafuaina ia maua
mai e Matagaluega ma ua uma ona faatulaga lelei. O le
matafaioi a Ulu o Matagaluega o le silasila totoa poo
mautu ma maea ona ao mai lea tupe, ina ia maea lelei
galuega a le Malo aua le manuia o galuega fai.
Ia ona ou oo mai lea i le vaega le na avaavau ai lau uo
lea o Misa, ia e sao lava Misa. O le vaega lea o le
Stabex, oi i se tyoe faaagaga mo le faaleleia o le tau o le
popo ma le koko. Ae paga lea o le mea lava e masani ai.
Afai ae le faaopoopo atu le vaegatupe lea i totonu o Tala
Faatatau o le Tupe ia o lona uiga o le a toe talosaga foi le
Malo mos e isi faaunega tupe. Ou te lagona e le manuia.
E lelei le faatulaga mai pea i le taimi nei aua o le mea ua
masani ai, o le stabex lea e faaleleia ai le Tala
Faaopoopo o le Tupe. Ona sosoo ai lea ma le
faaunegatupe e $12,000.000 e i ai se taimi e auililiina ai
e le Maota le Lipoti a le Komiti o Tulafono. Ia ona
faatoa mautu lea iina o galuega a le Malo aua se manuia
lautele o ona tagata nuu.
Lau afioga i le Fofoga Fetalai, o lau mataupu muamua
o faaeleeleaga, poo fua o faatoaga. E toatele nisi sui
mamalu sa saunoa ma fetalai i le tulaga ua i ai le
faaletonu o le faaeleeleaga a le atunuu. Ou te talitonu e
matua 100% ia finagalo faaalia, o le mea sa tatau ona
amata mai ai ina ia maua lo tatou Malo Tutoatasi. Sa ou
faalogologo i le po tala atu anapo i tala i Malo tetele o le
lalolagi. Sa i ai se isi fonotaga i Kanata e auai ai Malo e
7 ia e aupito sili ona lelei lo latou tamaoaiga. O nei Malo
e aofia ai Siamani i Sisifo, Amerika, Iapani, Italia,
Peretania ma ua galo ia te au isi Malo e atoa ai le 7. O le
iuga o ia fonotaga ia fulu uma i le atiina ae o le itu tau
faatoaga. O le mea ua leva ona tatau ma mafuli i ai tatou.
E faalogo lou nei tootoo vae atu le paia o le Maota, o
faapea mai Tupua e sese Tofilau, fai mai Tofilau e sese
Vaai. Ae o lou talitonuga e le o talafeagai ia saunoaga. O
iinei e amata atu ai, o le Kapeneta e i totonu o le
Palemene lenei.
E mafua uma le le lelei lea e i ai ona o tulafono o mea
tau atiina ae. O Tulafono na tuputupu ae ma le Palemene
i lea taimi ma lea taimi, aemaise o le Tulafono o le
Faletupe o atiina ae ma le Tulafono o Matagaluega o
ema tau atiina ae a le Malo, le Faaputuga Tupe moe
lumanai manuia o tagata, le Ofisa o Tupe ma isi
Matagaluega o feagai ma le itu tau atiina ae o le atunuu.
I aso ao loma le samiga o le faailogaina o le uluai
Tutoatasi o Samoa i Sisifo, 1962, ao ou aumau i se tasi o
alaalafaga i Faleata, na alu atu ai se tasi alii Sapani ia te
au, fai mai lea alii ia te au, ia e fesoasoani atu ia te au. Ia
Saunoaga Faataupou Sui USufono 19861-2011
fai se aso e tasi o le faailogaina o le Tutoatasi ae faaigoa
o le Aso o Iapani. Ae o mea nei e manao ai, e manao ia
talo uma faaili pu a Samoa, o Ulu o Aoga ma Aoga uma,
ona o lea i le Malae taalo i le Apia Park ona o lea e
faatamilo uma lea i le Malae ili le pu ma pepese ma
sisiva ae tafu se afi i le ogatotonu, se afi tele lava, ae o ia
o le a alu atu e lau uma lava tusi tulafono o le atiina ae i
le afi e susunu uma. Ona ou fai atu lea, aisea o le a fai
lena mea valea? O lou talitonuga i le taimi lea ai e leaga
lona mafaufau. Ae fai mai ia te au, ia o le a amata nei la
outou Faigamalo i le 1962, o le mea lava lea o le a fai, a
tusi, tusi Tulafono ona eu ese lea o lea upu, eu ese lea
upu, ae o le agaga lava e tasi. Silasila o Niu Sila e ese le
ea, ese uiga ma olaga o ona tagata, ese mea e tutupu mai
i lona laueleele. I lou atunuu e ese tagata, ese le tulaga o
eleele, ese mea e toto i le eleele, ese fou le ea. O le mea
la o lea a tupu o le a outou matitiva. Paga lea e leai se
aso e faaavanoa mo le Savaliga, ae ina ua uma le samiga
o le Tutoatasi na toe fetaui foi ma le Sapani lea i le
taulaga. A ou tilotilo atu i ai na o le lulu o le ulu ma
faapea mai ua tusi le faailoga sese i luma o lona muaulu.
E pei lava ona silafia o le atunuu lea o Iapani, o se
atunuu ua maoae tele lona tamaoaiga, a silasila i
meatotino a le tatou atunuu na o le lua meatotino, na o
ona tagata ma ona eleele. O lea e faatulaga mai i totonu
o lo tatou Faavae, i Samoa i Sisifo o eleele tau le aganuu,
o eleele umia saoloto, poo eleele o le Malo. Ona fai lea o
lau suesuega agai i le Matagaluega tumutumu o le
Fuagafanua, o nei fuainumera na aumai lava i le
tumutumu o le Matagaluega, ou te faitauina e faapea:- O
laueleele tau i le aganuu, o Eleele ia faa-Matai e 81%, o
laueleele ia atu o laueleele a le Malo, e 11%. A ou
faaliliua foi lea 11% e mafai ona ou faauigaina o Fanua
Samoa. Aisea? Ia silasila o le Ao o le Sui Tofia, ia o le
Palemene e 45 matai, ma sui e 2. Ona maua ai lea o le
92% o faamaumauga ia. Ao le 8% e fa le Esetete Tausi 4
(Freehold Land) e tele lenei laueleele i totonu o le
taulaga. E alu sao i ai le miliona ma miliona a le atunuu.
O le mea lena fai atu ai e le ni aga a se Faigamalo, e afua
mai mauga le manuia o le atunuu lenei o le mea la ao
ona fai, e le faapea foi la u asese le mau miliona lea, e
leai se sese e tasi. O latou uma o faafoeina Tulafono ma
pasi atu i le Maota lenei, o la e savalu uma i luga o Nota.
O Ulu o Matagaluega,. O la e alu uma latou i luga o
Tulafono, faaupuga o Tulafono. O la e mulimuli i ai, o
lea e mafua ai le alu uma o le Tupe i le 4% lea. Ae paga
lea, lau afioga silasila i totonu o le Maota lenei e 45 le
aofai o Tamalii ma Failauga. O tulaga Maota ma tulaga
Laoa ona agai lea i luga i Tuasivi.
Sei faalogo ia la i saunoa ma fetalaiga a le Maota e tagi
mai lava i ni faaunegatupe ae paga lea e faigata. Fai mai
le Faavae e le mafai ona faia ni faaunegatupe i le
laueleele lenei e 81% o loo moomia nei, ao lea e manuia
ai nei le 4% lea. O lau la fautuaga, le afioga ile Palemia
ma lana Kapeneta, e le fai ai, aua na ona faataatia i o
outou tafatafa e fai i ai o outou finagalo. Ae le faapea o
le a fai ai. E pei laba e sao le mea le sao u faalogo i ai i
le saunoaga ia Aualiitia. Ua le faatuatuaina tatou, o tatou
lava tagata. O ituaiga Komiti lava nei e moomia i lou
lava nei tagata, ave ifo uma nai o tatou uo Loia ia matai
e i ai le poto ma le malamalama e pei o Tupai Se Apa,
Tuala Karanita, Levaula Kamu ma lona faletua o Maiava
ma Saleimoa Vaai, e le faapea o le a aumai uma ai ia Ulu
o Matagaluega o Fanua ma Suafa ma Fuagafanua, poo ni
Loia e sue mai i le Ofisa o le Loia Sili e fai ma Failautusi
i lea Komiti latou te iloiloina Tulafono nei, ma logo atu i
le Loia Sili taualumaga o a latou Fonotaga aua sailiiliga i
Tulafono o le Faletupe Atiina ae. O le Faletupe mo
faaputuga tupe lautele mo le manuia o tagata ma le
Matagaluega lea o Atiina ae. Ia fefulisai, fefulisai, e sao
le Sapani sa tatau ona susunu Tulafono nei. O le
mafuaaga lea i lou talitonuga faale-tagata. A silasila i le
Development Act 197. E leai ni Tulafono faatonutonu, ia
silasila i le NPF Act 1972 e leai ni Tulafono faapena, ou
te lagona e fapena foi Tulafono nei o le Atiina ae. O
Tulafono Faatonutonu e faataatia i luma o le Maota, pe a
uma ona fai, aua o le Tulafono e fai i le va o le Kapeneta
ma le Ao Mamalu o le Malo. E lelei Tulafono
Faatonutonu e mafai ona faaali i ai finagalo na saunoa i
ai sui, pe a latou mananao e sui se isi faia. Ia silasila, o
se faataitaiga pe tasi, ina ua malolo mai i le Palemene i
le 1985, sao u nofoia ai le Nofoa o Gagaifomauga Nu.1
o lea e alala mai nei lau uo lea o se fetalaiga le toda ia
Timu, o se failauga agamalu tele aua o ia na te
faafaileleina upu o le Aiga Sa Lavea, na tofia ai au, e le
afioga i le aluu Palemia, le afioga Tofilau, e momoli atu
lau faafetai ona o lou faatuatuaina o au e avea na
Faatonu i le NPF. Ou te le o toe i ai nei, ma o se mea
sao, e tatau ona o ese aya a faipule loa se tamalii poo se
failauga sa i totonu o se Komiti faapea, Komiti Faatonu
o le Faletupe o le Atiina ae, poo le Development Bank
ua le tatau loa la ona toe i ai, ae o le a taatia la tausaga e
2 ia sao u i ai, ae o le a faamatala atu lava le tausaga
lenei aua o Iuni lenei. O lea e finau nei i le 10 miliona
lea na ave i le Royal Samoa ua uma lava i gaoioiga o
Tulafono ma Policy, e leai se mea o le a leaga ai. Poo le
a se mea e aliali mai o la e maua meatotino e mafai ona
toe faafoi i aao o le Malo e faagaoioi ai nisi mea. Ao le
taimi lea i le tausaga nei i le Komiti Faatino lea sa fai, e
leai se mea sese na latou faia e alu uma i luga o le
Tulafono ae na matou tuuina atu ai se tasi o Faletalimalo
sa lavea foi i se Faletalimalo e pulea e tagata Samoa,
tulou o le upu e to ia te au, ua afutoto le tautuaina o le
Malo o Samoa, i o latou lafoga, o sao a tagata
faigaluega, pe fia ni tagata faigaluega, ae le o le itu lena
na mafua ai ona fai, e i ai le faamanuiaga o a latou
meatotino uma, o eleele o fale, o tautinoga, ua mafua ai,
a tuu faatasi a latou meatotino ua ave i totonu o lenei
Faaputuga Tupe faitau atu i le 10 miliona e agai i luga i
le 15 miliona. Ao le mea na faatagisia na o le 5 miliona.
O le isi Kamupani tele, e faafoe foi e tagata Samoa, e
faapena foi ua afutoto, ave i ai e matou le lima miliona i
totonu lava o le 4% o eleele saoloto. E leai se mea e
sese, e i ai foi Kamupani na matou o ifo i ai, talu ai nei
lava e 6 miliona. Ia silasila o le mea la lea, lau afioga i le
Fofoga Fetalai o lena ua o avatu le fautuaga e tuu i
Saunoaga Faataupou Sui USufono 19861-2011
tafatafa o le Palemia ma lana Kapeneta e fai i ai a outou
fuafuaga. O lea e tagi mai ma aioi mai sui uma lava ia
moomia ni faaunegatupe tetele aua le manuia lautele o
tagata o le atunuu. O le tasi Mataupu na ala ai ona ou
fautuaina ai e fai mo Tulafono Faatonutonu nei i lalo ifo
o Acts o le Palemene, aua o la e lava e i ai le Tulafono e
mulimuli i ai e tatau ona fai ni Tulafono Faatonutonu.
Ona ou avatua lea o se isi vaega lava e tasi, mo le
Faletupe lea mo le manuia o le atunuu. E i ai le tasi
vaega na faapea mai, e tatau ona ave le Death Benefit, ia
na matou ioe ma pasia, o lea o le a maliu se tasi o sui, e
tatau ona ave i ai le $2,500. Ao le tulaga na e i lalo ifo o
le 55 tausaga. Ae i aso uma, E i ai le Taitaifono o le
Komisi i mea o tagata faigaluega a le Malo. Ua tatau ona
faatulaga lelei i mea o Tulafono Faatonutonu.
O le a isi au matupu lau afioga i le Fofoga Fetalai. O le
tatou Faavae. E pei laba ona silafia e lau afioga ma le
mamalu o le Maota. O le Malo lava e pulea mea uma. O
au e matua ootia lava lou loto ina ua aafia le
Matagaluega o Faamasinoga. O se sui na fetalai e
faapea: E sese le faamasino. Ou te iloa poo le a le
finagalo o le Hai Komisi o Niu Sila. Aua o nei
faamasino papalagi uma e o mai i Niu Sila faasao mai au
pe a ou sese lau afioga, e faatupe mai uma i Niu Sila. O
tagata foi ua lava ma totoe lo latou malamalama e
faagaoioi ai a latou galuega. Ua saunoa foi se tasi o sui o
lau lava vaega faapea e sese le faamasino o Fanua ma
Suafa. O a usa iinei i le taimi na fai ai felafolafoaiga, o la
e iai uma fuaiupu eseese. O le fuaiupu mulimuli foi o loo
faapea mai, o talosaga ma faagaoioiga uma mai le
tulafono tuai. E faaauau uma, o le e mafua ai ona faauau
tusa poo le talosaga ua 15 tausaga o taatia e faaauau lava
i lalo ifo o le tulafono.
Lau afioga, sa taua foi e se tasi sui e tatau ona fai se
Komisi Suesue i le Matagaluega lea o Fanua ma Suafa.
O se saunoaga tuulafoai, ou te fai atu le mea lenei lau
afioga ma le mamalu o le Maota ona o lea e aafia ai lou
toalua, e leai. A silasila i le lipoti a le Ofisa ua i o outou
luma nei, o le Ofisa e fai mea faalogo i le Maota.
E momoli atu le faamalo ma le faafetai i sui uma lava
na faatuina lafo ma faaluaina. E momoli atu foi lau
faaetai ma lau faamalo i le Palemia mo le toe teuteuina i
le 30 minute ou te manatu e le oo iai. Faamalo ma
faafetai lava.
Lau afioga i le Fofoga Fetalai ma le mamalu o le
Maota. O lea la ua ou taunuu mai ina ua uma ona taua le
itu lenei i le Komisi Suesue. Ou te fia tautala puupuu foi
i le itu lenei i Komisi Suesue. O le Komisi Suesue
faatatau i le Matagaluega o le Soifua Maloloina ou te fai
atu o le luma o le Malo o Samoa. Ua faitau afe ma afe
tupe a le Malo ua alu ai. Sao u iai iinnei. Sa matua lava
foi ni felafolafoaiga i lea mataupu. O le faitauga
muamua o le aso 9 o Fepuari 1981. Faitauga lona lua o
le aso 11 Fepuari 1981. Faitauga faatolu aso 26 Fepuari
1981. Ona faataatia ai lea o le aso o le Ao o le Malo e
faailoa ai lona malie i le aso 27 Fepuari le aso lea na
sosoo ai. Ae iai la le fuaiupu e taua o le fuaiupu lona lua
faapoloaiga. E tatau ona toe fai se poloaiga e fautuaina e
le Kapeneta le Ao Mamalu o le Malo e tofia aloaia se
aso e amata ai lea Tulafono. Ou te oo atu la i le Soifua
Maloloina ua taatia mai luga o le laulau le Tulafono lea
ma le tusi a le sa faafoeina le Matagaluega ma o ia foi
lea sa i totonu o le Komiti e faapea mai. Aua lava nei
faagaoioia lea Tulafono e taugata sei vagana ua lava se
tupe.
O le Falemai tele i Motootua o le meaalofa a Niu Sila ai
ua fesoasoani iai Peretanoia. O le Falemai i Lalomanu o
le meaalofa a Niu Sila, Falemai i Leulumoega o le
meaalofa a Sapani, Falemai i Sataua o le meaalofa foi a
Sapani. O lea lava ua faafofoga le mamalu ma le paia o
le Maota ua masaesae ieafu. Ua leaga taga aluga ma mea
uma.; O fea la le mea o le a aumai ai le tupe? O lena lava
tou te silafia ana leai le Malo o Ausetalia na faatotogaina
le Matagaluega lea, Malo Aufaatasi ma ona lala o loo
fesoasoani malosi mai iai, ua leva ona tapuni.
Ona ou te aumaia ai lea o le Tulafono leneiu e fai iai se
finagalo o le Maota, le Tulafono lea o le (Health
Services Board Act 1981). O le tali atu a le Maota ia
soloia; Ia soloia. Na soloia i le aso 20 Tesema 1984.
Silasila i galuega tetele, o le galuega a le Loia Sili a le
Malo o le tusitusi Tulafono, galuega a le Kapeneta o le
iloilo o le Tulafono, galuega a le Maota nei o le iloiloina
o le Tulafono, galuega a le Komiti o Tulafono Tau
Faaofi. E faitau afe ma afe tupe na alu ai. Ae faapefea e
na latou faafoeina le Komiti, alauni, totogi faatasi ma isi
mea?
Komisi Suesue o Fanua ma Fuaga Fanua, sa aafia ai le
afioga Patu. O lea ua outou silasila iai ua le iloa poo ffea
ua fai iai. Tulou lava le mamalu o outou le Kapeneta e le
aafia ai lau afioga i le alii Palemia. I lou lava talitonuga
na o au, soo se isi lava e ave ama Minisita o Aoga, o le
Minisita pito sili lea le poto. Aua o lou lea talitonuga aua
o ia e faafoeina uma aoga a le Atunuu. O le tali la lena o
le Komisi Suesue lea. O le isi Komisi Suesue, o fea le
mea o iai Salelologa ou te le iloa poo fea ua fai iai lena
lipoti. Leai se aoga. O le isi Komisi Suesue sa laga e le
Sui Taitaifono o le Komiti o Tulafono le Susuga Joe Keil
e le iloa le mea tau lafoga poo fea ua fai iai.
O lou talitonuga na o au aua le toe aliali mai nei mea o
Komisi Suesue. A iai se mea o faaletonu faafesootai le
Ulu o le Matagaluega aua e au tausaga o iai. E latou te
faatonutonu ma faasao mea uma. Aua e puupuu le taimi
e iai se Minisita i totonu o le Matagaluega ao ia lea e
lava lona silafia. E agai lelei ai se Malo. I lou lava
talitonuga na o au a iai se Komisi Suesue e toe fai i
totonu o le atunuu lenei amata atu iinei ia tatou, le
Palemene. Vaai mea uma poo lelei, uiga mulilua ma mea
faapena. Amata atu i luga.
Faafetai i le Tama Paia ua toe aofaga potopoto le
Maota, faapea foi le taligasua e lelei foi e faamalosi ai
foi tino. A o alu atu i le Malologa o loo ou i ai i le
Mataupu lava lea o Komisi Suesue. E tele isi Komisi
Suesue ae tele isi Komisi Suesue o le Komisi Suesue lea
i le Matagaluega o Leoleo lea sao u i ai e 30 ou tausaga.
O lea Komisi Suesue sa faia faalilolilo i le potu malolo i
le Maota o le Faatonu Sili i Alafua. E sili atu i le 56
Saunoaga Faataupou Sui USufono 19861-2011
molimau e 11 mai le motu i Savaii ma le 5 iinei. E oo
mai i le taimi nei ou te iloa igoa o molimai e le iloa e ai
se faamatalaga a molimau ae aafia ai tele lou nei tagata,
e pei ona silafia e le mamalu o le Maota, o lea ua outou
silasila ua i ai foi ma o mea lava faapena. E lei tupu se
mea faapena i le nofoaiga a le Malo o Niu Sila. Na
fasioti le leoleo e ni tagata ma molia ai leoleo i le
faaoolima i tino tumau mamafa le faasalaga. Ia e aliali
mai o le tali lena o lena faamasinoga ma o ela foi e toe
loma o le a toe ave foi i luma o le Faamasinoga Sili. O
leoleo o uo a tagata uma.
Ona ou see atu lea i le Tulafono tau le Popo. Ou te iloa
o lea e faigaluega nei le Copra Board ile faiga o le
Tulafono Autu ma le teuteuga lea o le Tulafono o le
Popo 1981, lea e faafofoga mai le alii Minisita aua e lava
ma totoe le atamai. I lou lava talitonuga faale-tagata i lau
vaavaai i ai tulou e aupito sili oba vale ama faavalevalea.
Lau afioga i le Fofoga Fetalai a silasila i le motu tele i
Salafai, o le fale popo o le Malo i Salelologa e ao mai
uma i ai popo a Savaii, ona aumai lea faamautu mai
Vaitele ma faamautu mai i Mataupu tai, taatia ia Manono
ma Apolima, ao popo uma a Upolu e ao mai ma faamutu
uma lava i fale popo ia e pei ona taua.
I lau susuga e 6 laisene o le tatou popo e tuuina atu i le
motu i Savaii ae 14 Upolu nei. O lau fesili la aisea le
mea ua eseese ai nei laisene i le faatauga o le popo. O
faamaumauga e 25% le popo e sau mai Savaii ae 75 le
popo e sau mai Upolu. A o lau fautuaga le mamalu o le
Palemia ma lau Kapeneta e sili ona toe tofia se Komiti e
toe iloilo lelei le Tulafono lea ae poo le a se auala e
manuia ai le atunuu. Aua o le Tulafono lenei e ao ina
matua pologa ai le atunuu, leaga ua ou vaai i ai aua o au
ma le matou aiga o iai faatoaga i tua o Asaga. A ou sau
mai uta ona oso lea agai i salelologa aemaise lava aso
Toonai ma aso Faraile o tutu atu le anoano o tagata i le
auala tele, o ato popo ma taga popo. Ia ua taofiofi mai au
o eal tagata ona ou fai atu lea i ai o e ave ile fale popo i
Salelologa. E taunuu mai i Salelologa tamomoe mai loa
ma tupe ia te a o isi e tai $30.00 o isi e tai $40.00 e totogi
ai lau taavale. Ae o te faafoia ma fai atu i ai ave a outou
tupe ia ae faalogo atu i le tala ua faapea mai ia ua tatou
laki ae semana e fasi foi tatou e le au ave pasi ma le au
ave loli. E tatau ona fai se fuafua lelei lava e lau afioga i
le alii Palemia ma lau Kapeneta e uiga i le Tulafono lea,
mo le faatauga o le popo poo le a le mea e ao ona fai aua
o le mea ua muamua ou te manatua lelei lava ou te iloa o
le Oloa lea a Nelesoni sa i ai lona va asa la‟u mai ai. Ia
ae ou te le iloa la i ai se fuafuaga a le Malo, a o lou lava
talitonuga ua matua pologa tele le atunuu.
O aso ia a o faatau i le faleoloa e leai ni tulaga faapea e
sii lava le ato popo faatau i le faleoloa ae mulimuli atu
tama ma tina ma le api aveese suka ma moa uma ae totoe
mai ni nai selenei. E leai ma se totogi mo ni taavale e
felauaia faapea le popo.
Lau afioga i le Fofoga Fetalai o le fautuaga lena e uiga i
le faatauga o le popo ae sei silasila totoa i ai lau afioga i
le alii Palemia ma le Kapeneta poo a ni fuafuaga lelei e
ao ona fai i ai. O le isi matupu lau afioga i le Fofoga
Fetalai ma e tatau ona faamalamalama, lea sa feteenai ai
le afioga i le Palemia ma lau uo lea le fetalaiga ia Letiu.
E faapea foi i le uafu lea e i Aleipata. Ou te iloa lava ma
ou manatua aua o a usa ou i ai i le vaitaimi lena. Sa fai ni
feteenaiga foi i le meaalofa lea na aumai i Ausetalia. E
tasi lava le ala e ulufale mai ai i Samoa na o Apia, faatoa
faaopoopo nei foi i ai le ala e ulufale mai ai i Samoa i le
Malae Vaalele. Sao u manaomia ma ou naunau e tatau
ona fai se Tulafono e faailoa aloia ai le ulufale mai i
Samoa faatoa f ai lona uafu. Ia saunia lelei ni Ofisa lelei
o leoleo, soifua maloloina ma le Ofisa o Tupe e tatau ona
lelei aua e tele mea o le a fuafuaina. E le gata i lea e tele
foi oloa e lau faalilolilo aemaise mea pei o fana ma isi
mea faapena ma e tatau ona i ai se popolega i se
vaitaimi, o le mea lena sao u tau toetee ai i lona itu, ae na
o se mea e faamalamalama ai.
O le isi itu na fetalai ai loa lau uo o Letiu ma faapea
mai fai mail aba Tofilau ia o Savaii, Savaii, Savaii, ae fai
mai foi Unasa Lio ia Savaii, Savaii, Savaii. E i ai le
auala, ina ua uma ona fai le sainiga o le Feagaiga ma
Malo tetele i tua atu o le tausaga e 1900 Peretania,
Ausetalia, Siamani ma Amerila ona ave loa lea e
Amerika ia Tutuila ma Manua. E lei toe suia ua 88 nei
tausaga. O Samoa i Sisifo ua sui faatolu, o Siamani o le
1914, Malo Tutoatasi 1962 maua le avanoa i lenei
vaitaimi ou te faapea atu ai faafetai i le Malo o Siamani
ma le Malo o Niu Sila i tuutuuga lelei ma ou te talitonu
ma lau mata una tulai ese ma le filemu Siamani e leai se
faigata ma o se tulaga sao ma le tatau aua o la e i le isi
itu o le lalolagi. Ae silasila i le manuia lea mai Niu Sila
ua sili atu nei i le 120,000 tagata, i lau susuga. Ua 70,000
tagata ua avea nei ma tagatanuu o Niu Sila, a o le isi
50,000 ua avea ma tagatanuu o Samoa.
O le a faauaua lau faamatalaga na mafua ai a faapea atu
matou Savaii, Savaii, Savaii. Ia silasila la o le mea tonu
lava lea lau afioga i le Fofoga Fetalai ma le mamalu o le
Maota ua ai e le poto le afu o le vale, sei tulou. O mea
uma na tutupu i Savaii ma ou te faamaoni e sao lelei le
tuleiga ma le saunoaga a le Palemia. Silasila o Tutuila e
numera muamua o le latou Kovana o le latou Sui
Kovana ma le latou TV o Ulu uma o Matagaluega ia o le
oa lea o lo o sau mai Tutuila. A o fea le sui na saunoa ma
fetalai i ai? Soia le toe tiuteina o mea ia e faameaalofa
mai Tutuila, ia faafofoga e tali sau lava i vaiaso uma i
luga o le 2AP, Pai ma Lafai faatali le tou tusi, paelo,
atigi pusa, ma le taga falaoamata. Ia fesili mai lo matou
aiga o le a ea lena teutusi o le tusi o loo fafao mai ai le
$500.00 poo le $100.00. Fai mai ia te au a o a na atigi
pusa o lea e tele fafie ona ou fai atu lea o le atigi pusa
lenei fai mai latou o le isi atigi pusa o le pusa lavalava, a
o le isi atigi pusa o pusa oloa. O ai la lea e manuia e
muamua lava Tutuila i le sao. Ia faafetai i le Atua ona o
le Malo i Tuasivi ua pala uma fale i le le valia.
O lona lua o Upolu nei. Silasila i le pologa a o Savaii e
ui mai i Salelologa oo mai i Mulifanua i le sau iinei, ae
lau atu oloa a Savaii lau atu i Mulifanua agai i o. O le
mea lena ua mafua ai ona taugata oloa a Savaii ia tatou.
A ta alu i Falealupo o lona uiga o le pisupo 12 aunese e
Saunoaga Faataupou Sui USufono 19861-2011
oo atu ua $12.00. Sei silasil ala i ai i le mea matautia. O
le isi tulaga na o le tasi lava le fomai i Tuasivi. O fale o
le Malo e tau o le taulaga o le Malo i Tuasivi ua pala
uma fale i le le valia.
E tutusa le laisene i le taavale e te fealuai ai i Mulinuu
agai i le fale o Aggie Grey toe alu i Motootua o le taxi,
pasi, loli ma le laisene o le taavale le la e fealuai i gaoa i
Savaii. Silasila la lau afioga i le Fofoga Fetalai o le mea
lea e manuia ai atunuu i fafo e pei o Amerika e tasi le
Faavae. E 51 Setete ae tofu ma le Tulafono, e faafoe ai
mea uma. O isi atunu e aupito sili ona malolosi a latou
aganuu, o le mea la lena ou te tautala ai i le sili ona
malolosi a latou aganuu, o le mea la lena ou te tautala ai
i le Tulafono. E pei o Great Britain le Malo o Peretania e
leai se Faavae. O lea la e 100% le tulei saunoa a le
afioga i le alii Palemia. Savaii, Savaii, Savaii, ae fai atu
foi Unasa ia Savaii, Savaii, Savaii. O lau fautuaga a o
faafofoga mai tupu ma tamalii, failauga o Savaii e le
faapea e faia i le 5 poo le 10 tausaga, ona oo lea i le
taimi ua tatau ona outou mafaufau i so outou Malo
Tutoatasi. Ua tatau, aua a le faia o lo outou pologa. Le
mamalu e i tupu ma tamalii ma failauga ma faletua ma
tausi, aumaga ma tamaitai ma tupulaga fai mai. O lo
outou pologa e tumau lava e faavavau, faavavau,
faavavau, Amene. O le mea la lea e sao ai lava saunoaga
a Tofilau, Savaii, Savaii, Savaii.
Faafetai lava i lau afioga. E tele naunau au Mataupu lea
ua outou silasila mai e faulalai i luga o lou kesi. Ae ou te
lagona o le a fai atu lau mataupu mulimuli. E sao ai le
alii Palemia ou te iloa e le oo i le 30 minute.
O lau Mataupu mulimuli o Tusi Tulafono. Silasila i
Tusi Tulafono ia e faatutu mai nei i luma. Lau afioga
Meleisea toe tasi le tusi, o le Volume 1 ma le Voluma 6.
Na amata mai le 1920, ae peitai o le 1977 ao le 1988
lenei ua tatou i ai. O le Tulafono e tatau ona faamautu
lelei ia amata i le 1978 seia oo i le 1988 lenei, tusi lelei.
Ia silasila lelei i le Ofisa o le Fono, e tasi lava le mea a
fesili i ai sei aumai se Tusi Tulafono ia aumai o le
cyclostyled e paepae solo. Sei silasila i ai aua e le
maopoopo ma e leai foi se tupe a le Malo e alu ai. Atonu
e al i le faatoa faiga ae ou te fautua ati aumai ni Loaia
lelei pe fautua i ni loia i le Ofisa o Niu Sila aua e le toe
mafai e le Loia Sili a tatpu i le tele o feau ma galuega.
Aumai ni loia latou te faia lelei Tusi Tulafono ia mautu
lelei. E tele e manano ai aua e faatau atu i tau
maualuluga o Ulu o Ekalesia, Ulu o Aoga, Ulu uma o le
Malo ma Malo mai fafo e moomia ni a latou seti o
Tulafono mo atunuu. E tatau ona silasila totoa i ai.
Ua ou oo atu i le Ofisa o le Loia Sili o le Malo. O lau
suesuega foi nao o atu i le Ofisa o le Loia Sili o le Malo,
e tatau ona vaavaai po o le a ituaiga Tulafono ua tatu ona
soloia. Silasila i lisi na tuuina mai, Bankruptcy Acts
1958 o lea lava e faamalosia iinei. Ona o le fuaiupu lena
e i totonu o le Faavae. O totonu o le Faavae lea e faapea
mai e le fesuiaia Tulafono.
Lua, Companies Act 1955, tolu, Property Law Act
1924, i ama le isi o le Samoa Act 1921 Fuaiupu 360,
362, 367. O la e faamalosia uma na Tulafono iinei. I lou
lava talitonuga na o au, e tasi lava le taimi e vaai ai le
tagata foi lea e i tua, ina ua mafatia, pe ua manao i sona
atiina ae, e uma loa na vaai tapuni. E pei o le Airport
Authority Act lea ua aumai, e faaoeba seiloga lava e
tilotilo i se mea la e o i tai, ona faatoa fai lea o ni
teuteuga ma nisi mea faapena. Ao le tulaga lava e tatau
ona iai, e tatau lava ona aumai uma Tulafono ma
faaleleia le tulaga aua le manuia o le lautele o le atunuu.
O le isi ou te vaai atu, lau afioga ma lau Kapeneta,
manatua o se Malo e lelei ma agai lelei, o le silasila lelei
i le tulaga o iai le atunuu atoa, aemaise lava o le
aufaigaluega a le Malo. A outou silasila atu a le mafai i
le tausaga nei poo le tausaga lea le tausaga mulimuli vaai
pe tatau ona sii totogi, o le matafaioi lava lena a lau
afioga ma le Kapeneta. Ua tatau ona outou silasila totoa i
ai. E le gata i aufaigaluega a le Malo o alii leoleo, leoleo
ole falepuipui ma Faamasino. O le mea lava e tatau ona
fai. Ua na o se Malo na te faia nei lelei ua le gata i le
aufaigaluega a o le atunuu. Ia e oo i le taimi o le Palota i
le 1991 foi mai le tatou vaega pe ua sili atu i le ⅔ repeal
loa le constitution.
Ou te fai atu lau afioga i le Fofoga Fetalai Malo ua ati
ae – e tasi lava le mea e silasila i ai o le manuia lautele o
le atunuu. O lea la lau afioga i le Fofoga Fetalai e
momoli atu le faafetai i lau afioga ona o le avanoa lea ua
tuuina mai ia te au, faamalo le fai o le faiva. E fou lau
afioga i le Nofoa ae o lou tulai mai i lau matau atu e
manaia tele le faafoeina. Ua ou maua tala sa e aoga i
Peretania e pei o le ala lea ua maua tele ai le tomai e lau
afioga o loo faafoe ai le tatou Maota nei.
Ia faapena foi i lau Afioga i le Palemia ma le Kapeneta,
faatasi pea le Atua ma outou aua le faafoeina o le tatou
Malo. Ia faapea foi i le Taitai o le Itu Agai, afai o iai ni
mea ua faaletonu, ia tofa malie. Tatou galulue faatasi,
aua au o le mea lea e fai ai e le tatou atunuu tuuga
fautasi, aua o le Malo e fau faatasi. E tatau ona tatou
tulimatai i se manuia o le tatou atunu. I lenei taimi ao
faafofoga mai lou Itumalo o Faasalalaega Numera 3, e
aofia ai Faga, Saasaai, Saipipi, i le nofo a Ekalesia
eseese uma i totonu o le Itumalo. E momoli atu lau
faafetai ma le faamalo i talosaga aemaise o le vaitaimi o
le faiga palota. Ou te talitonu e le i faapito tasi sa outou
talosaga, sa outou tatalo ina ia maua se sui ma se taitai o
lo tatou Malo, poo se ua fetaui mo lenei vaitaimi, o le
fuata lava ma lona lou, ia o lea la ua finagalo le Atua ou
te nofo atu i le nofoa o Faasaleleaga Numera 3. Ia
faaauauina pea a outou talosaga, ma tau ina ia alofa le
Atua e foai mai le poto ia te au aua le molimoliina o se
sao o le Itumalo i faiga upufai a le tatou Malo.
Lou Itumalo e, e momoli atu lava le faafetai i lo outou
lagolago mai ma le filifilia o au e avea ma o outou sui, E
pei lava ona silafia, ole fale palota i Faga e 164 Unasa
Lio, fale palota i Saasaai, 12. O lea la e faamalo atu lava
i lo outou Toaono, le paia lava lea o aiga Taulagi,
Vaafusuaga ma Toleafoa, le aumatutua e toafa, ia e
faamalo faafetai i lo outou faatuatuaina o au. E leai se
folafolaga ae o le a taumafai i se mea e mafai e lenei
tagata ina ia manuia ai lo tatou Itumalo atoa.
Saunoaga Faataupou Sui USufono 19861-2011
Lau Afioga i le Fofoga Fetalai, ua maua foi lenei
avanoa e molimoli atu ai le faafetai i le Itumalo o
Gagaifomauga Numera 1, ona o le vaitaimi sa ou nofo ai
i lo outou nofoa i tausaga e ono. Faafetai atu foi i le Afio
o Sao ma Aiga ma tulaga faalupeina uma o Manase, mo
lo outou faatuatuaina foi o au i lena vaitaimi. O lea la ua
tulai mai le Tofa Timu, ia o le a galulue faatasi lava ma
le Tofa Timu aua se manuia o lena itu o Savaii.
Ae o lenei taimi ou te faamalulu atu i lau Afioga i le
Fofoga Fetalai, pe afai ua iai se upu e sese pe pao papa,
ia alofa faamagalo mai ma ia toe faafoi mai ia te au. E
leiloa e le tagata lona sese. O le talosaga lea. Ae tau ina
ia faasoifuaina le Ao Mamalu o le Malo, faapea le Sui o
le Fono o Sui Tofia ma le paia lautele o le atunuu. Ia
soifua.
*******************

Ua foi le malaga a Lupematasila Nuusavili

O SE ISI AVANOA

failauga ataeao

Hei Hei Ho!

Faamamaluina ma alofaina e le Tupu Tamaitai

Lomia Tautua Printing Press—EFKAS Kanana Fou, Amerika Samoa

Informazioni di servizi

669 ASO LUA, 21 OKETOPA 2014 Na tauaofia le Fono Aoao