GUIDA SILLA GREINA So 23 - 8 - 2014 Program detagliau suonda suenter la reservaziun. Reservaziun obligatoria entochen ils 31 da fenadur tier: [email protected] ni 081 931 18 58 Du 24 - 8 - 2014 allas 14.00 Presentaziun dil film dil teater «Il cavalè della Greina»: Casa da scola a Vrin Ina tura guidada cun Guido Caviezel, giugadur dil teater «Il cavalè della Greina» daus a Vrin 2009. Cun ses raquents paleisa il guid dallas stads dil cavalè, da sia gronda enconuschientscha dalla Greina e dil misteri dil cavagl alv da Blengias. La tura prenda si’entschatta a Vella / Palius per lu serender culla posta enta Vrin tochen si Puzzatsch. Naven da leu a pei silla Greina cun pernottaziun ella camona dil Terri. L’auter di retuorn giu Vrin nua ch’il film dil teater «Il cavalè della Greina» vegn presentaus en halla plurivalenta. PRELECZIUN MUSICALA Du 14 - 9 - 2014 allas 14.00 Caffetaria dacasa val lumnezia a Vella Ma 16 - 9 - 2014 allas 20.00 Ustria dalla posta a Vrin Me 17 - 9 - 2014 allas 20.00 Casa da Luzi a Surcasti Ina serada da prelecziun musicala cun divers texts atraviers la vasta litteratura da Toni Halter. Cun accumpignament musical dad Astrid Alexandre prelegia Roman Weishaupt texts ord «Fein selvadi» ni «Il misteri da Caumastgira», texts meins enconuschents screts per ils cudischs da scola, parts ord las ovras classicas sco «Culan de Crestaulta» sco era passaschas ord ils dramas «Centenari da Porclas» e «General Demont» ed autras. Gi 18 - 9 - 2014 allas 20.00 Ustria dil Larisch a Cumbel ACT DA COMMEMORAZIUN So 25 - 10 - 2014 allas 13.30 Palius a Vella cun cuntinuaziun e stiva da caffè ella halla plurivalenta a Vella A Palius a Vella sesanfla ina fontauna creada digl artist indigen Mathias Derungs. Quella vegn inaugurada cun dedicaziun a Toni Halter. La fiastetta vegn enramada cun divers plaids, in omagi a Toni Halter (Nicolaus Caduff / Adolf Collenberg) e producziuns dil Chor viril Lumnezia e dalla Musica da Vignogn. Ultra da quei presenta la Chasa Editura Rumantscha ina reediziun da «Culan da Crestaulta», in classicher exaust da Toni Halter. TSCHEINA DA REMINISCENZA So 22 - 11 - 2014 allas 18.30 Halla plurivalenta a Degen La tscheina, survida dall’Ustria Trutg a Vella, cuosta 57.00 francs excl. bubrondas Duront la tscheina raquenta il historicher indigen Adolf Collenberg dall’ovra e persunalitad da Toni Halter. La serada vegn enramada dad in accumpignament musical da Selina Derungs. Reservaziun entochen ils 15 da november tier: [email protected] ni 081 931 19 30 Cun in grond e cordial engraziament alla VISCHNAUNCA LUMNEZIA per la realisaziun e finanziaziun dallas occurenzas en favur dalla commemoraziun Toni Halter 2014. Organisaziun COMITE 100 ONNS TONI HALTER Nicolaus Caduff, Ronnie Caminada, Tina Capeder, Pieder Antoni Halter, Roman Weishaupt (meinaproject) en collaboraziun cun la BIBLIOTECA LUMNEZIA BIOGRAFIA «Igl ei stau in basegns intern de mitschar dal stgir present, encurend la glisch e la ventira dell’affonza» Toni Halter Toni Halter ei naschius ils 20 da november 1914 a Valata e morts ils 26 da december 1986 a Vella. Sia giuventetgna ha el passentau a Surcuolm per lu frequentar la scola claustrala Mustér ed il seminari da scolasts a Cuera. Suenter entgins onns instrucziun sco scolast primar a Vella ha el fatg la scolaziun da scolast secundar a Friburg. 1954 entochen 1979 eis el staus scolast secundar a Vella. Toni Halter ei autur da prosa e dramatica. Suenter raquents per la giuventetgna («Nus ed il Schuob», 1954), giugs festivs («Il festival da Porclas», 1951) e dramas historics («General Demont», 1962) ha Halter publicau treis impurtonts romans: la fabla prehistorica «Culan da Crestaulta» (1955), la legenda historisonta «Il cavalè della Greina» (1960), e «Caumsura» (1967) in roman dil temps che tracta dad emigraziun e retuorn. Las rimnadas da raquents «Fein selvadi» (1973) e «Diari suenter messa» (1977) s’occupeschan cun tradiziun e modernitad. Toni Halter ei staus commember dil cussegl grond per il cumin dalla Lumnezia (1979–81) e president dall’Uniun grischuna da scolasts (1973–78). Pliras da sias ovras litteraras ein translatadas en divers lungatgs, denter auter en tudestg «Der Rosshirt am Greinapass» entras Thomas Häberle (1963), ed en rumen «Jurnal ecleziastic» entras M. Popescu-Marin (2011). Toni Halter ha retschiert divers premis da litteratura sco il premi dalla fundaziun Schiller (1949, 1962, 1968), il premi svizzer pil cudisch da giuventetgna SLV (1960). 1977 premi dalla Cuminonza romontscha da radio e televisiun. 1985 renconuscha il cantun Grischun l’ovra da Toni Halter cun il grond premi da cultura. Toni Halter ei undraus el curtgin d’honur dalla Cuort Ligia Grischa a Trun. L’ovra litterara da Toni Halter ei per la Lumnezia in scazi precius che schendra schientscha per igl origin e la tradiziun indigena e che nutrescha e tgira l’identitad lumneziana. CANZUN DALL’AUA Fundaziun da cultura Lumnezia COMMEMORAZIUN 100 ONNS TONI HALTER Aua pura, aua clara giuvintschala dalla tiara unda viva tschallatonta ord la buola abundonta. Ti bubrentas, ti frestgentas, ti leventas, ti carschentas quei che schai en nies terren mess lien d’in maun patern. Eis simbol da quei che nescha, eis simbol da quei che crescha pil beinstar dil tschep human ier ed oz ed el lontan. Eis sincera, eis reala en valur sisum la scala tei numnein cun legherment il pli niebel element. «Mo al sgol da patratg e fantasia eis ei mal metter tiarms.» ord FUMEGL BISTGAUN, Toni Halter, 1947 Aua pura, aua clara giuvintschala dalla tiara unda viva tschallatonta ord la buola abundonta. ord RETOROMANIA 2000 Toni Halter, 1985 UOST – NOVEMBER 2014
© Copyright 2024 Paperzz
