8 SCHONS MARDI, ILS 18 DA FAVRER 2014 Campiùns da l’US Tumpriv: Jonas Fravi a Floortje Koelman. Igls partizipànts da la «Cursa da Vals». Mintg’egn egn grànd victur. FOTOS D. DOLF/C. DOLF Cursa digl club da l’US Tumpriv Egn gi, duas cursas, massa emoziùns DA DARIO DOLF / ANR Fiona Sutter sen veia tier la medaglia d’or. Sch’ign bagliafa da «legendas» digl club, scha e igl Banadetg Clopath fetg davànt sen la glista. Naschieu igls 1950 e el ear oz ànc an partenza da mintga cursa a dumogna an moda suverana mintga parcur. ■ Jonas Fravi a Floortje Koelman ân stgieu prender a tgea igl pocal sco campiùns digl club – mo tut da l’antscheata. Vendargis sera en las preparaziùns par la fetg impurtànta cursa da skis da l’Uniùn da sport Tumpriv idas an la fasa dezesiva. Igls skis stuevan vagnir preparos, peia meter sei la dretga tschera a tut savund dar egna glimada agls urs. Tgi c’eara sglischieu or qua a tgi ca veva mancanto da vurdar la meteo par saver tge tschera c’igl dovri, ea, lez veva schon pears la cursa. Blears vessan leza sera bugent schon bòld samess sen l’ureglia par easser prunts la proxima damàn, mo igl program â confrunto igls sportists ànc cun egna leztga essenziala – meter igl curs par la «Cursa da Vals». L’impurtànza da leza cursa e dantànt aschi òlta ca pocs digls favurits laschan or la pussevladad da dar egn’iglieada segl curs a da forza schizùnd meter egna trapla agls rivals c’ân betga profito da quella caschùn, parquegl egna visitaziùn e betga previda. Stretgas dezisiùns ainta Spleia La sonda – igl gi dezesiv – ear’igl schon dad easser dasdo bagnmarvegl par prender egn vacer anzolver ad alura â’gl gieu num pacatar par ir ainta Spleia. Là anqualegn ca vazeva ànc or fetg stancel. «Igl favugn eara aschi fearm, ve strusch savieu durmir», eara la declaraziùn, mo igl eara cler ca la narvusadad veva visito quels la notg passada. Dalùnga ear’igl schi lientsch ad igls amprems ân safiers segl curs giou da la pista tocen agl final. Pintgs falos ân ign vieu quà a tschà, mo grànds sbagls â’gl betga do blears. Ascheia tut ca spitgeva sen la rangaziùn. Là en las dimensiùns vagnidas a la glisch, igl nava par tschientavels. Tres tschientavels trànter igl tearz ad igl quart, quater tschientavels trànter gl’amprem ad igl savund – guessas categoreias earan plagn tensiùn. Tier igls spearts digls spearts ear igl par guessa glieud nunspitgeadameing ear gnieu fri stretg. Finalmeing â igl grànd favurit Jonas Fravi gieu la lingia spearta ad â distanztgieu Curo Dolf par gnànc egna measa secunda. Ear egn plaz segl podest, peia plaz tres, â omas Dolf cuntanschieu. Tier las dunas â la giuvna Floortje Koelman musso sieus talent ad â distanztgieu tut tschellas segls proxims ràngs. Suainter la cursa e avànt la cursa Par anquals eara igl gi da cursa ussa fito, mo ple ca 20 d’els ân sacunfrunto cun la provocaziùn «Cursa da Vals», la cursa campestra ca parta a Vargistagn. «Crazy Canucks», blears ancanuschan ânc quella grupa da skiùnz anturn Ken Read a Jim Hunter cun egn stil fetg Ear pigls ple pintgs eara igl curs da dumagnear, sco qua par la Monja Häusermann. Igl sagl da Vals cun Remo Dolf. Qua dovr’igl egn sgol cumpact ad egn atearamaint fegn… … par betga stuer rimnar anzemel igls skis sco Tizian Cantieni. Igl podest digls umens giuvens: Da saniester Curo Dolf, Jonas Fravi a Thomas Dolf. speart, mo ear extrem riscànt ca dominava las cursas anturn igls 1980. Sabasànd sen quella expressiùn san ign numnar igls partizipànts da la cursa da Vals «Crazy Tumprivers». Quella cursa, jou pos sarepeter on par on, e semplameing egn unicat. Cun partenza a Vargistagn vean speart cuntànschieu egn òlt tempo par traversar «Prada». Curt avànt «Iers» l’amprema cumprova da curascha; la pista e malruassevla a sur igls bots astg’ign betga pearder la pesapaja. Suainter egna fasa ple ruassevla, noua ca las cuissas antschevan ad arder tier mintgegn, spetga igl «Dolf-S».Quegl e egna stierta dubla c’â survagnieu igl num suainter ca guess partizipànts levan egn on schar or là egna porta. Sen basa dad egn film c’e vagnieu fatg lez on ear’igl da ver c’igls Dolfs vevan traverso corectameing quella part, blears oters dantànt betga. Poc ple tard igl punct culminànt da la cursa: Igl sagl da Vals. Ear quest on nava quel tenor R. D. seglmains 40 meters. Par l’oter on e igl sagl forza da numnar «Sagl da Cantieni», parquegl ca lez â fatg là egna beala cupitgola, mo veva nign skis ple ved igls pes. Rivos giou en ear quest on tuts sainza sgrefel, mo cun egn plascher c’e betga da descriver. La glista da rangaziùn e da catar sen: www.ustumpriv.ch Daple maletgs sen: www.facebook.com/ustumpriv
© Copyright 2024 Paperzz
