Prusidimentus Kumun di
Piskiza: Izami di RMI
Purguntas pa fazi:
1.
Kuzé k-é Magnetic Resonance Imaging
(RMI)?
Magnetic resonance imaging (RMI) é un
prusidimentu kumun. Duranti un RMI bu ta
bai deta na un meza ki ta disliza pa dentu
di un mákina pikinóti ku formatu di un túnel.
Un izami di RMI ka ta uza ninhun tipu di
radiason, mas, en ves di kela é ta uza uns
imans forti, ondas di radiu, y análizi di
komputador pa kria futugrafias ditalhadu di
dentu di bu korpu. Izami di RMI podi da-bu
informason inpurtanti sobri bu séribru ô otus
òrgon y tisidu.
Kel RMI li sta fazedu so pa piskiza ô
é ta fazi parti tanbé di nha kuidadu
médiku rigular?
2. Undi ki-m ta bai pa fazi nha RMI?
3. Kantu izami k-é nisisáriu?
4. N mesti fazi algun kuza spisial pan
pripara pa izami?
5. N ta ba mesti fazi algun kuza duranti
izami?
6. Kenha ki ta ba analiza nha izami?
Un dotor ta ba analiza nha RMI?
7.
Kuzé ki ta kontisi si RMI rivela algun
prublema médiku?
8. N ta resébi rizultadus di izami?
9. Modi ki nha privasidadi ta ser
prutejidu?
10. Kuzé ki ta kontisi si-m disidi abandona
piskiza antis di tenpu?
Es disdobravel li teni informason jeral pa finalidadi
idukasional y el é ka fetu pa da konsedju médiku. Ter
di bu médiku ô ikipa di piskiza pa konsedju spisifiku
pa bu situason, antis di bu aji ku basi na kualker
informason ki sta li.
Izami di RMI
Pa piskiza
Pa mas purgunta?
Txoma:
version # (v1.0)
Modi ki-m debi pripara pa
un RMI?
Fala ku tékniku di piskiza pa bu podi intendi
modi ki bu ta pripara pa un RMI. Ora ki un
RMI é pa piskiza, podi ten nisisidadi di alguns
otus mididas. Ikipa di piskiza ta splika-bu kes
informasons li. Sertifika ma bu ta intendi kuze
ku debi spera antis, duranti y dispos di izami.
Ki riskus ki ten na un izami
di RMI?
Partisipa na piskiza é bu iskolha.
Sta informadu. Fazi purgunta. Resébi rispósta.
Kuzé ki ten di difirenti na un
izami di RMI pa piskiza?
Partisipa na piskiza é un
iskolha
Si bu fazi izami di RMI komu parti di bu
kuidadu médiku rigular, bu dotor normalmenti
sa ta djobi bu saúdi ô diagnostika un prublema.
Oras ki ta fazedu izami di RMI komu parti
di piskiza izami ta uzadu pa djuda rispondi
purgunta sientífiku. É ka fetu pa presta-bu
kuidadu médiku ô diteta problema di saúdi.
Ten pruteson pa djuda garanti siguransa
di vuluntárius di piskiza (tanbé txomadu di
“sujeitus di piskiza”) y garanti ki voluntárius ser
tratadu ku ruspetu. Ikipa di piskiza ta splikabu un Fixa di Konsentimentu Informadu. Es ta
bai splika objetivus di studu y pusível riskus
y binifísius. Pidi apoiu si bu ka sa ta intendi
algun kuza. Bu ka debi nunka xinti apresadu
ô prisionadu. Fazi parti di un piskiza un é
kuza konpletamenti vuluntáriu – é bu iskolha.
Bu podi muda di ideia, un kualker ora, pa un
kualker mutivu.
A kontrariu di un RMI normal undi ki bo ku bu
dotor ta ba fala sobri rizultadus, ikipa di piskiza
podi ka partilha rizultadus di RMI ku bo. Bus
izamis podi fazi parti di un grupu grandi ki ta
analizadu tudu djuntu y podi ka ser analizadu
individualmenti. Bu izami podi ka txiga a ser
analizadu pa un dotor.
RMI é konsideradu un izami siguru y sen
dor. Ka é konxedu grandis riskus sobri izami
di RMI. Riskus spisifiku ta ser splikadu ku
ditalhi na Fixa di Konsentimentu Informadu.
Sertifika ma bu ta intendi kes risku pamodi es
ten a ver ku RMI y tanbé ku piskiza en jeral.