Sau Tsoom Fwv Teb Chaw thiab Lub Xeev
Cov Cai rau Pej Xeem
NYOB RAU COV TSEV TU NEEG MUAJ COV KWS KHO
MOB SAIB XYUAS UAS SIV MEDICARE/MEDICAID
LOS YOG COV TSIS MUAJ
Tag nrho cov neeg mob nyob rau hauv cov tsev tu neeg muaj
cov cai nres rau lawv los ntawm Tsoom Fwv Teb Chaws thiab
Lub Xeev cov cai lij choj. Cov cai no muaj los ntawm Tsoom Fwv
Teb Chaws thiab Lub Xeev cov cai lij choj thiab siv tau rau cov
neeg mob nyob rau cov tsev tu neeg muaj pov thawj los ntawm
cov kev pab Medicaid los yog Medicare.
Tsis muaj ib lub tsev tu neeg twg1 muaj cai kom ib tug neeg
mob twg xuam txog tej cai no ua zwj ceeb kom nkag tau rau cov
tsev tu neeg los yog nyob ntxiv mus.
Tsuas muaj qee txoj cai nyob rau hauv Mesnisxaustas cov cai lij
choj. Cov cai no yog sau siv cov tsiaj ntawv qaij. Tag nrho lwm
cov cai muaj los ntawm Tsoom Fwv Teb Chaws cov cai lij choj
thiab siv tau rau cov neeg mob nyob rau cov tsev tu neeg muaj
pov thawj los ntawm cov kev pab Medicaid los yog Medicare.
Nyob rau daim ntawv no, lo lus “tsev tu neeg laus” yog hais
txog cov tsev tu neeg, tu neeg hauv tsev, cov tsev tu neeg muaj
cov kws muaj ntaub ntawv pov thawj los yog cov tsev tu neeg
muaj ntaub ntawv.
1
TSOOM FWV TEB CHAWS THIAB LUB XEEV COV CAI
Yog koj txoj cai nyob rau Mesnisxaustas cov cai lij choj nyob sib
nrawg li koj txoj cai nyob tsoom fwv teb chaws txoj cai tswj, ces
yuav siv koj txoj cai los ntawm tsoom fwv. Yog muaj cai ntxiv
tshiab tseem ceeb rau hauv lub xeev txoj cai, ces yuav muaj sau
ua ntawv qaij.
Neeg Mob Cov Cai
Tus neeg mob muaj txoj cai nyob muaj nqis, txiav txim siab tau
rau nws tus kheej, thiab txuas tau lus nrog thiab cuag tau rau
lwm tus thiab siv cov kev pab sab hauv thiab lwm lub tsev tu
neeg sab nraud. Ib lub tsev tu neeg yuav tsum tiv thaiv thiab
txhawb cov cai rau txhua tus neeg mob, suav txhua txoj cai
nram qab no:
Siv Cov Cai
1. Tus neeg mob muaj txoj cai los siv nws cov cai ua ib tug tib
neeg mob ntawm lub tsev tu neeg thiab ua ib tug pej xeem
los yog ib tug tib neeg nyob rau lub teb chaws Mes Kas.
2. Tus neeg mob muaj txoj cai tau kev ywj pheej los ntawm txoj
kev cuam tshuam, kev quab yuam, kev ntxub ntxaug, thiab
kev tawm tsam los ntawm lub tsev tu neeg vim nws ho siv
nws cov cai.
3. Yog muaj ib tug tib neeg mob twg raug txiav txim tias nws tsis
muaj peev xwm raws li cov cai lij choj hauv lub Xeev los
ntawm lub tsev txiav txim, cov cai ntawm tus tib neeg mob
ntawd yuav raug siv tau rau lwm tus neeg uas xaiv tau raws li
2
TSOOM FWV TEB CHAWS THIAB LUB XEEV COV CAI
lub Xeev txoj cai lij choj los nres rau tus neeg mob ntawd
qhov chaw.
4. Yog muaj ib tug tib neeg mob twg tsis tau raug txiav txim tias
nws tsis muaj peev xwm raws li lub Xeev tsev txiav txim, ces
tus neeg hloov chaw-raws txoj cai uas xaiv raws li lub Xeev
txoj cai lij choj yuav los siv tus neeg mob ntawd cov cai kom
kawg raws li muab los ntawm lub Xeev txoj cai lij choj.
Saib Xyuas Ntaub Ntawv
1. Tus neeg mob los yog nws tus sawv cev raws kev lij choj muaj
cai, thaum hais txog los yog sau ntawv thov, muab tau tag
nrho tej ntaub ntawv hais txog ntawm nws tus kheej xws li
cov ntaub ntawv niaj hnub kho mob nyob rau 24 teev (tsis
suav cov hnub so thiab hnub caiv hauj lwm); thiab
2. Tom qab tau txais nws cov ntaub ntawv los xyuas lawm, los
them tus nqi tsis tshaj li lub zej zos tus qauv nqi luam ntawv
yuav rau cov ntaub ntawv los yog ib feem ntawm cov ntaub
ntawv thaum qhia paub tas thiab muab lus ceeb toom ua ntej
li 2 hnub hauj lwm rau lub tsev tu neeg.
Paub txog Zwj Ceeb Kev Kho Mob
1. Tus tib neeg mob muaj txoj cai los paub txog txhua yam uas
siv cov lus nws nkag siab txog ntawm nws tus txheej txheem
kev noj haus huv txhua nrho, suav txog tab sis tsis tag rau,
nws tus txheej txheem mob.
3
TSOOM FWV TEB CHAWS THIAB LUB XEEV COV CAI
2. Tus tib neeg mob muaj txoj cai los paub txog txhua yam ua
ntej ntawm kev tu thiab kev kho mob thiab lwm yam uas
tau hloov nyob rau kev tu los yog kho uas yuav tsis zoo tau
rau tus neeg mob txoj kev noj qab nyobzoo.
3. Xov xwm txog kev tu. Cov neeg mob muaj tau lwm tus nrog
lawv xws li lawv tsev neeg ib leeg los yog tus lawv xaiv ua tus
sawv cev, los yog ob tug twb si. Qhov xov xwm no yuav tsum
suav tej yam xws li kev kho mob los yog mob loj rau lub hlwb
uas kawg tau kho thiab nrhiav lwm txoj kev. Nyob rau tej lub
sij hawm uas tsis ntxim kho, raws li ntawv sau tseg los ntawm
tus kws kho mob saib xyuas hauv tus neeg mob ntawd cov
ntaub ntawv kho mob, cov xov xwm no yuav tsum tau muab
rau tus neeg mob ntawd tus saib xyuas los yog tus uas xaiv
los ua tus neeg mob ntawd tus sawv cev. Txhua tus tib neeg
mob muaj txoj cai tsis lees txog tej xov xwm no.
4. Txhua tus tib neeg mob uas mob hom mob mis lwj (cancer)
twg los xij yuav tsum tau lus qhia paub kom tag, ua ntej los
yog thaum lub sij hawm tso npe nkag thiab thaum nws nyob
tsev tu neeg, hais txog kev kho lwm yam tag nrho uas tus kws
kho mob paub txog, xws li kev phais, kev siv hluav taws xob,
los yog tshuaj tua kab mob lwj los kho los yog muaj lwm yam
kev kho sib txuam thiab qhov yuav pheej txoj hmoo rau txhua
yam kev siv los kho.
Koom Tes nrog Txoj Kev Npaj Kho
1. Cov neeg mob yuav tsum muaj txoj cai los koom tes nyob rau
txoj kev npaj txog lawv kev kho mob. Txoj cai no suav txog
4
TSOOM FWV TEB CHAWS THIAB LUB XEEV COV CAI
kev sib tham txog kev kho mob thiab lwm yam nrog txhua
cov tib neeg tu mob, lub caij los thov thiab koom nyob rau
cov rooj sib tham txog kev tu zoo, thiab txoj cai cia muaj ib
tug neeg hauv tsev neeg los yog lwm tus neeg sawv cev, los
yog ob tug ua ke. Yog tus neeg mob los koom tsis tau, ib tug
ntawm nws tsev neeg los yog lwm tus sawv cev uas xaiv los
ntawm tus neeg mob ntawd tuaj koom tau nrog rau cov rooj
sib tham.
2. Yog tus tib neeg mob uas mus nyob rau lub tsev tu neeg los
yog tus neeg hauv tsev ho mob tsis nco qab lawm los yog
mob tsis xeev los yog tsis muaj peev xwm yuav txuas tau lus
lawm, lub tsev tu neeg yuav tsum ua txhij ua txhua kom tsim
nyog raws li txheej lus nqe 3 los mus ceeb toom rau ib tug
ntawm tsev neeg los yog ib tug uas xaiv raws li hauv ntaub
ntawv los ntawm tus neeg mob ua tus neeg nrog tham
thaum lub sij hawm muaj xwm kub tias tus neeg ntawd tau
mus tso npe nkag rau hauv lub tsev tu neeg los yog tu neeg
hauv tsev. Lub tsev tu neeg los yog tu neeg hauv tsev yuav
tsum tso cai rau ib tug ntawm tsev neeg los koom nrog rau
txoj kev npaj tu, tshwj tias ntshe lub tsev tu neeg ntawd yeej
paub txog los yog muaj laj thawj los ntseeg tau tias tus neeg
mob ntawd muaj ntaub ntawv qhia kev tu ua ntej uas yuav
cov nyom los yog paub tias tus neeg mob ntawd yeej tau qhia
kev tu rau hauv tej ntaub ntawv tias nws tsis yuav leej twg
hauv nws tsev neeg los nrog txiav txim tu nws. Tom qab ceeb
toom ib tug ntawm nws tsev neeg tab sis ua ntej yuav tso cai
rau tus neeg ntawd los koom nrog txoj kev txiav txim tu nws,
lub tsev tu neeg los yog tu neeg hauv tsev yuav tsum tau ua
5
TSOOM FWV TEB CHAWS THIAB LUB XEEV COV CAI
txhij ua txhua, kom raws li qhov hauj lwm kho mob ua tau,
los mus txiav txim seb tus neeg mob ntawd puas tau muaj tej
ntaub ntawv qhia kev tu ua ntej txog nws txoj kev xav rau
nws tus mob. Cov hom phiaj ntawm txheej lus, “ua txhij ua
txhua” yog:
A. tshuaj ntsuam tej ntaub ntawv teej tug ntawm tus neeg
mob;
B. tshuaj ntsuam tej ntaub ntawv kho mob txog tus neeg mob
uas tswj los ntawm lub tsev tu neeg;
C. nug seb puas muaj tus neeg yuav cuag tau thaum muaj
xwm kub los yog puas tau ib tug ntawm tsev neeg uas yuav
nug tau seb tus neeg mob ntawd puas muaj ntaub ntawv
qhia kev tu ua ntej thiab seb tus neeg mob ntawd puas
muaj tus kws kho mob uas nws niaj zaus mus kuaj; thiab
D. nug seb tus kws kho mob uas tus neeg mob ntawd niaj
zaus mus kuaj, yog paub, seb tus neeg mob ntawd puas
muaj ntaub ntawv qhia kev tu ua ntej. Yog lub tsev tu neeg
los yog tu neeg hauv tsev tau mus ceeb toom rau ib tug
ntawm tsev neeg los yog ib tug neeg xaiv los nres tej xwm
kub los yog tso ib tug ntawm tsev neeg los koom nrog kev
txiav txim tu ua raws li cov txheej lus no, ces lub tsev tu
neeg yuav tsis lees saib xyuas tus neeg mob ntawd cov kev
puas tsuaj vim rau qhov lawv twb tau ceeb toom rau nws
tsev neeg los yog tus uas nws xaiv los nres nws tej xwm
kub los yog txoj kev koom tes ntawm nws tsev neeg uas
yog tsis raug cai los yog txhaum txoj cai ywj pheej.
6
TSOOM FWV TEB CHAWS THIAB LUB XEEV COV CAI
3. Yog yuav ua txhij ua txhua los ceeb toom rau ib tug ntawm
tsev neeg los yog tus xaiv los nres tej xwm kub, lub tsev tu
neeg yuav tsum tau sim mus txheeb xyuas kom tau cov tsev
neeg los yog tus neeg uas xaiv ua tus nres tej xwm kub los
ntawm kev tshuaj ntsuam txog cov ntaub ntawv teej tug
thiab cov ntaub ntawv kho mob ntawm tus neeg mob ntawd
nyob rau hauv lub tsev tu neeg. Yog lub tsev tu neeg ceeb
toom tsis tau rau ib tug ntawm tsev neeg los yog tus neeg
xaiv ua tus nres tej xwm kub nyob rau 24 teev tom qab tso
npe nkag, lub tsev tu neeg yuav tsum tau ceeb toom rau cov
kws ua hauj lwm pab neeg hauv nras los yog cov tub ceev
xwm hauv zos tias tus neeg mob ntawd tau tuaj tso npe nkag
thiab lub tsev tu neeg ceeb toom tsis tau rau ib tug ntawm
tsev neeg los yog tus neeg xaiv los nres tej xwm kub. Cov kws
ua hauj lwm pab neeg hauv nras thiab cov tub ceev xwm
hauv zos yuav tsum pab lub tsev tu neeg los txheeb xyuas
thiab ceeb toom kom tau rau ib tug ntawm tsev neeg los yog
tus neeg xaiv los nres tej xwm kub. Cov kws ua hauj lwm pab
neeg hauv nras thiab cov tub ceev xwm hauv zos uas pab lub
tsev tu neeg yuav tsis lees saib xyuas tus neeg mob ntawd cov
kev puas tsuaj vim tias kev ceeb toom rau nws tsev neeg los
yog tus uas nws xaiv los nres nws tej xwm kub los yog txoj kev
koom los ntawm nws tsev neeg ntawd yog tsis raug cai los
yog txhaum tus neeg mob ntawd txoj cai ywj pheej.
Kev Cuam Tshuam nrog Lwm Cov Chaw Tu Neeg
Cov neeg mob twg tau txais kev pab los ntawm ib lub chaw tu
neeg sab nraud muaj cai, yog thov txog, kom qhia paub txog
7
TSOOM FWV TEB CHAWS THIAB LUB XEEV COV CAI
qhov chaw tu neeg. Yuav tsum qhia cov neeg mob, uas sau ua
ntaub ntawv, txog txhua yam kev pab tu mob rau cov neeg mob
ntawd los ntawm txhua tus tib neeg, cov tuam txhab, los yog cov
koom haum uas tsis yog lub tsev tu neeg. Cov xov xwm yuav
tsum muaj cov npe ntawm cov chaw tu neeg sab nraud, chaw
nyob, thiab piav qhia txog qhov hauj lwm uas tau ua muaj
ntawd. Nyob rau tej lub sij hawm uas tsis pom qab kho, raws li
sau tseg los ntawm tus kws kho mob saib xyuas hauv tus neeg
mob ntawd cov ntaub ntawv kho mob, cov xov xwm no yuav
tsum tau muab rau tus neeg mob ntawd tus saib xyuas los yog
tus uas xaiv los ua tus neeg mob ntawd tus sawv cev.
Kev Tu Mob Raug Kis
Cov neeg mob yuav tsum muaj txoj cai tau txais kev tu rau lawv
tus mob thiab lawv tus kheej kom raug kis raws li qhov lawv
yuav tsum tau. Kev tu raug kis txhais tau tias yog kev tu uas
tsim los pab cov neeg mob ntawd kom lawv tej tes tej taw thiab
hlwb ua hauj lwm zoo txog rau qhib siab tshaj plaws. Txoj cai no
muaj tsawg heev vim cov hauj lwm no tsis tau nyiaj txaus los
ntawm cov pej xeem thiab lag luam cov kev pab nyiaj txiag.
Kev Tu Txuas Ntxiv
Cov neeg mob yuav tsum muaj txoj cai tau txais kev tu kom
haum siab tsis tu ncua thiab muaj cov kws tu neeg mob kom
raws li lub tsev tu neeg cov txhooj cai pom zoo.
8
TSOOM FWV TEB CHAWS THIAB LUB XEEV COV CAI
Tsis Lees Txais Kev Kho Mob
1. Tus tib neeg mob muaj txoj cai tsis lees txais kev kho mob,
tsis lees koom tes nrog kev sim tshawb fawb, thiab los tsim
tej ntaub ntawv qhia kev tu npaj ua ntej.
2. Cov neeg mob muaj peev xwm yuav tsum muaj txoj cai tsis
lees txais kev kho mob xyuas raws cov xov xwm uas yuav
tsum muaj nyob rau ntu hais los saum toj “Paub txog Zwj
Ceeb Kev Kho Mob-3&4”. Cov neeg mob uas tsis lees txais kev
kho mob, tshuaj noj, los yog kev txwv txog zaub mov yuav
tsum tau paub txog qhov yuav tshwm sim tau los ntawm sab
kev mob nkeeg los yog mob hlwb loj vim tsis lees txais, uas
muaj ntaub ntawv teev tseg txog nyias tej ntaub ntawv kho
mob. Yog tus neeg mob tsis muaj peev xwm nkag siab txog
lub zwj ceeb tiam sis ho tsis tau raug txiav txim tias tsis muaj
peev xwm, los yog thaum tej yam tsim nyog raug cai ho txwv
txoj cai tsis lees txais kev kho mob, cov zwj ceeb no yuav tsum
tau muab teev cia rau ntaub ntawv tag nrho los ntawm tus
kws kho mob nyob hauv tus neeg mob ntawd cov ntaub
ntawv kho mob.
Ceeb Toom txog Cov Cai thiab Kev Lees Paub
Lub tsev tu neeg yuav tsum ceeb toom rau tus tib neeg mob uas
yog siv cov lus uas tus tib neeg mob nkag siab txog nws cov cai
thiab tag nrho cov kev cai los tswj kav tus neeg mob txoj kev coj
thiab dej num kom ua thaum tseem nyob hauv lub tsev tu neeg.
Cov lus ceeb toom no yuav tsum tau hais tawm ua ntej los yog
thaum tuaj tso npe nkag thiab thaum tseem nyob hauv lub tsev
9
TSOOM FWV TEB CHAWS THIAB LUB XEEV COV CAI
tu neeg. Thaum txais tau cov xov xwm lawm, yog ho xav hloov
kho dab tsi, yuav tsum tau muab sau tseg thiaj lees paub txog.
Xov Xwm txog Medicaid thiab Medicare
1. Lub tsev tu neeg yuav tsum qhia rau txhua tus neeg mob uas
muaj npe tau txais kev pab Medicaid, uas yog muab sau tseg,
thaum lub sij hawm tuaj tso npe hauv tsev tu neeg los yog,
thaum tus neeg mob ntawd muaj cai tau kev pab Medicaid
txog:
A. Cov khoom siv thiab cov tes hauj lwm pab uas muaj nyob
rau hauv lub tsev tu neeg raws li lub Xeev Kev Them
Medicaid uas tej zaum tus neeg mob yuav tsis tau them;
B. Lwm yam khoom siv thiab cov hauj lwm pab uas lub tsev
tu neeg muaj thiab qhov tus neeg mob yuav raug them cov
nqi, thiab tus nqi kom them rau cov hauj lwm ntawd; thiab
2. Qhia rau txhua tus neeg mob thaum muaj kev hloov rau lawv
cov khoom siv thiab cov tes hauj lwm pab.
Lub tsev tu neeg yuav tsum tau qhia rau txhua tus neeg mob
ua ntej, los yog thaum lub sij hawm tso npe, thiab ua ntu zus
qhia thaum tus neeg mob tseem nyob, txog cov tes hauj lwm
uas muaj nyob rau lub tsev tu neeg thiab txog cov nqi rau cov
hauj lwm ntawd, suav nrog lwm yam nqi rau cov tes hauj
lwm uas tsis duav los ntawm Medicare los yog los ntawm lub
tsev tu neeg tus nqi hnub dhau hnub.
10
TSOOM FWV TEB CHAWS THIAB LUB XEEV COV CAI
Ntaub Ntawv Teev Cov Cai Lij Choj
1. Lub tsev tu neeg yuav tsum tsim ib daim ntawv piav txog cov
cai lij choj kom muaj:
A. Ib qho piav txog kev tswj tiv thaiv tib neeg mob cov nyiaj.
B. Ib qho piav txog kev teev tseg kom muaj thiab cov kauj
ruam los mus tsim kom muaj npe tau Medicaid, suav nrog
txoj cai los thov kom tau kev ntsuam xyuas nyob rau ntu
1924C hais txog kev txiav txim qhov kawg ntawm ob niam
txiv cov nyiaj uas tsis zam txog rau lub sij hawm mus nyob
tsev tu neeg thiab taug qab rau tus txwj nkawm cov nyiaj
koom nrog uas siv tsis tau los xam ua nyiaj seem them rau
cov nqi rau tus txwj nkawm nyob hauv lub tsev tu neeg
mob cov nqi tu mob uas them kom nws tsawg txog qib
muaj npe tau Medicaid;
C. Ib qho tiv cov npe, chaw nyob, thiab xov tooj txog tag nrho
cov pawg pab neeg mob tau txais kev pab cuam hauv lub
Xeev tseem ceeb xws li lub Xeev kev soj ntsuam thiab
muab ntaub ntawv khiav haujlwm, lub Xeev cov chaw
muab ntawv tso cai, cov kev tshuaj ntsuam teeb meem
hauv Xeev, cov tiv thaiv thiab sib koom tes, thiab cov tswj
kev siv Medicaid txhaum; thiab
D. Ib sob lus qhia tias tus neeg mob muaj cai ua ntaub ntawv
tawm tsam nrog rau lub Xeev qhov kev soj ntsuam thiab
muab ntaub ntawv khiav haujlwm hais txog kev tsim txom
tus neeg mob, tsis tu zoo, thiab nyiag siv tus neeg mob cov
11
TSOOM FWV TEB CHAWS THIAB LUB XEEV COV CAI
khoom hauv tsev tu neeg, thiab tsis ua kom tau raws li cov
ntaub ntawv qhia kev tu ua ntej.
2. Lub tsev tu neeg yuav tsum tiv cov xov xwm sau tseg kom
thoob lub tsev tu neeg, thiab muab cov xov xwm ua lus hais
thiab sau cia rau cov neeg mob hauv lub tsev tu neeg thiab
cov tuaj tso npe tshiab hais txog kev yuav tso npe thov thiab
siv kev pab los ntawm Medicare los yog Medicaid, thiab yuav
ua li cas thiaj tau nyiaj rov qab rau cov nqi them tas ua ntej
rau cov kev pab ntawd.
Ntaub Ntawv Teev Kev Tu Ua Ntej
1. Tus neeg mob muaj txoj cai txais tau cov xov xwm sau tseg
hais txog cov lus teev kev tu ua ntej nrog rau lus sau piav qhia
txog lub tsev tu neeg cov txhooj cai uas yuav siv los tu kom
raws li hauv ntaub ntawv teev kev tu ua ntej thiab kom raws
lub xeev txoj cai li choj.
2. Tus neeg mob muaj txoj cai los tsim cov ntaub ntawv teev
kev tu ua ntej.
3. Thaum nkag rau lub tsev tu neeg los yog tu neeg hauv tsev,
tus neeg mob los yog ib tug saib xyuas raug cai los yog ib tug
tswj xyuas, yuav tsum muaj lub sij hawm los xaiv ib tug neeg
uas tsis txheeb los ua tus neeg mob tus txheeb hais txog kev
tuaj xyuas thiab txiav txim rau txoj kev tu mob. Tus neeg xaiv
no yuav tsum muaj npe nyob rau hauv cov ntaub ntawv kho
mob. Hais txog kev txiav txim rau txoj kev tu mob no, tus
neeg ua hauj lwm tu kev mob los yog tus raug xaiv raws li tus
kws ua hauj lwm saib xyuas kev kho mob hauv tshooj 145C
12
TSOOM FWV TEB CHAWS THIAB LUB XEEV COV CAI
yuav xub muaj cai dua tus muaj npe nyob rau txheej lus no.
Tus neeg mob los yog tus neeg mob tsev neeg yeej muaj cai
xaiv tus neeg tsis txheeb ntawd li hais.
Tus Kws Kho Mob Saib Xyuas
1. Tus neeg mob muaj txoj cai los xaiv tus kws kho mob saib
xyuas.
2. Lub tsev tu neeg yuav tsum qhia rau txhua tus neeg mob txog
lub npe, kis hauj lwm paub zoo, thiab kev yuav cuag tau tus
kws kho mob saib xyuas txog tus neeg mob.
3. Yog thaum tsis pom qab kho, raws li sau tseg los ntawm tus
kws kho mob saib xyuas hauv tus neeg mob cov ntaub ntawv,
cov xov xwm no yuav tsum tau muab rau tus neeg mob
ntawd tus saib xyuas los yog tus uas xaiv los ua tus neeg mob
ntawd tus sawv cev.
Ceeb Toom txog Kev Hloov
Lub tsev tu neeg yuav tsum tau qhia rau tus neeg mob ntawd
sai li sai tau; cuag kom tau nrog tus neeg mob tus kws kho mob;
thiab yog paub, ceeb toom rau tus neeg mob ntawd tus sawv
cev raug cai los yog ib tug ntawm tsev neeg uas muaj siab xav
paub txog thaum muaj:
1. Ib qho huam yuaj hais txog tus neeg mob ua rau raug mob
thiab yuav ntxim muaj feem siv ib tug kws kho mob los nrog
cuam tshuam;
13
TSOOM FWV TEB CHAWS THIAB LUB XEEV COV CAI
2. Ib qho hloov tseem ceeb ntawm tus neeg mob lub cev, lub
hlwb, los yog txheem txog kev xav;
3. Ib qho yuav tsum tau hloov kev kho tseem ceeb; los yog
4. Ib qho kev txiav txim hloov chaw los yog tso tus neeg mob
tawm lub tsev tu neeg.
Hloov Chav los yog Neeg Koom Chav
Tus neeg mob muaj cai txais tau ntaub ntawv ceeb toom ua ntej
yuav hloov chav los yog tus neeg koom chav nyob rau lub tsev
tu neeg.
Cov Nyiaj Ntiag Tug
1. Tus neeg mob muaj cai tswj tuav nws nyiaj txiag, thiab lub
tsev tu neeg yuav yuam tsis tau cov neeg mob muab lawv cov
nyiaj ntiag tug los tso nrog lub tsev tu neeg.
2. Thaum tau ntaub ntawv tso cai los ntawm tus neeg mob, lub
tsev tu neeg yuav tsum tuav, tiv thaiv, tswj, thiab lav paub
txog cov nyiaj ntiag tug uas cov neeg mob tau tso nrog lub
tsev tu neeg.
A. Lub tsev tu neeg yuav tsum tso tus neeg mob twg los xij
cov nyiaj ntiag tug uas muaj tshaj li $50 rau ib tug askhaus
(account) muaj paj los yog cov askhaus (accounts) uas tsis
txuam nrog rau lub tsev tu neeg nyiaj khiav hauj lwm,
thiab muab tas nrho cov paj khwv tau los ntawm cov neeg
mob cov nyiaj ntiag tug rov qab rau lawv cov askhaus.
B. Lub tsev tu neeg yuav tsum tuav cia kom tau cov neeg mob
cov nyiaj ntiag tug uas tsis pub tshaj li $50 tso rau tus
14
TSOOM FWV TEB CHAWS THIAB LUB XEEV COV CAI
askhaus (account) tsis muaj paj, tus askhaus (account)
muaj paj, los yog ib pob nyiaj ntsuab tuav ntawm tes.
3. Lub tsev tu neeg yuav tsum tsim thiab tswj kom tau ib qho
quag (system) los tswj xyuas txog kev nyiaj txiag kom txwm
thiab puv ntua, kom raws li cov cai tswj kev ceev nyiaj txiag
uas siv tau feem ntau, rau txhua tus neeg mob cov nyiaj ntiag
tug uas lawv tau muab cob rau lub tsev tu neeg ua tus tuav
rau lawv.
A. Tus quag (system) no yuav tsum txwv tsis txhob pub tus
neeg mob cov nyiaj ntiag tug sib xyaws nrog rau lub tsev tu
neeg cov nyiaj los yog nrog ib leeg twg uas tsis yog ib leej
neeg mob lwm tus cov nyiaj.
B. Tus tib neeg cov ntaub ntawv qhia nyiaj yuav tsum ua kom
muab tau yooj yim los ntawm ntaub ntawv qhia peb lub
hlis twg ib zaug thiab thaum thov txog los muab tau rau
tus neeg mob los sis nws tus sawv cev raug cai.
4. Thaum muaj kev tag sim neej ntawm tus neeg mob uas cov
nyiaj ntiag tug muab tso nrog rau lub tsev tu neeg, lub tsev tu
neeg yuav tsum qhia tsis pub dhau 30 hnub txog tus neeg
mob cov nyiaj ntiag tug, thiab sau ib daim ntawv qhia txog
ceev cov nyiaj ntawd, rau tus tib neeg los yog tus kws txiav
txim rau cov khoom ntiag tug los saib xyuas tus neeg mob tej
teej tug.
15
TSOOM FWV TEB CHAWS THIAB LUB XEEV COV CAI
Ceeb Toom txog Nyiaj Seem/Muaj Feem Poob
Tau Medicaid
Lub tsev tu neeg yuav tsum ceeb toom rau txhua tus neeg mob
tau txais kev pab los ntawm Medicaid:
1. Thaum qhov nyiaj nyob hauv tus neeg mob tus askhaus txog
$200 tsawg dua li qhov kev pab uas txwv rau ib tug neeg tau
SSI, thiab
2. Hais tias, yog tias qhov nyiaj nyob hauv tus askhaus, ntxiv rau
qhov nqi ntawm tus neeg mob cov nyiaj uas tsis zam, txog
qhov kev pab uas txwv rau ib tug neeg tau SSI, tej zaum tus
neeg mob yuav poob npe tsis tau Medicaid los yog SSI.
Tso Siab txog Ceev Nyiaj
Lub tsev tu neeg yuav tsum yuav ib daim ntawv cog lus them
(security bond), los yog muab kom tau ib yam tso siab uas siv
tau rau tus Kws Teev Ntaub Ntawv rau Kev Noj Haus Huv thiab
Lis Hauj Lwm rau Pej Xeem (Kws Teev Ntaub Ntawv), kom tso
siab txog kev ceev cov nyiaj ntiag tug rau cov neeg mob hauv
lub tsev tu neeg.
Txheem Nqi rau Cov Nyiaj Ntiag Tug
1. Lub tsev tu neeg tsis muaj cai siv ib tug neeg mob cov nyiaj
ntiag tug them rau ib yam khoom los yog kev pab tu dab tsi
uas Medicaid los yog Medicare twb them lawm (tsuas yog tej
yam nqi rho tsim nyog thiab nqi tuav pov hwm ntiag tug).
16
TSOOM FWV TEB CHAWS THIAB LUB XEEV COV CAI
A. Cov tes hauj lwm uas muaj them los ntawm Medicare los
yog Medicaid. Nyob rau lub sij hawm nyob tsev tu neeg
uas siv Medicare los yog Medicaid, cov tsev tu neeg tsis
muaj cai kom ib tug neeg mob them rau cov khoom siv
thiab cov tes hauj lwm raws li nram qab no:
a. Cov hauj lwm Kws Tu Mob
b. Cov hauj lwm Kws Soj Ntsuam Zaub Mov
c. Cov txheej xwm kev pab
d. Cov hauj lwm tu chav/chaw pw
e. Kev niaj hnub tu neeg ib ce kom du lug uas siv cov
khoom los yog cov hauj lwm kom raws li qhov yuav pab
tau cov neeg mob qhov kev xav, suav nrog, tiam sis tsis
tag rau:
• cov khoom tu phaub hau du lug, zuag ntsis plaub hau,
nplauv ntsis plaub hau
• tshuaj ntxuav cev, tshuaj ntxuav cev tua kab mob los
yog tej hom tshuaj ntxuav cev tshwj xeeb uas qhia tias
siv rau nqaij tawv thiab tua kab mob.
• tus chais, tshuaj chais hwj txwv
• pas txhuam hniav, tshuaj txhuam hniav, nplaum kaus
hniav, ntxuav kaus hniav, xov daws hniav
• tshuaj pleev tawg pleb
• ntaub so ntswg, cov paj rwb, cov pas rwb
17
TSOOM FWV TEB CHAWS THIAB LUB XEEV COV CAI
• tshuaj pleev kom txhob tsw phem
• khoom pab tu chaw mos, ntaub so tua kab mob thiab
lwm yam khoom txheeb
• phuam, phuam ntxuav muag, tsho ntev hnav hauv
tsev kho mob
• tshuaj noj tsis yog kws kho mob sau los
• hauj lwm tu plaub hau thiab rau tes kom du lug
• da dej, thiab
• khoom siv ntxhua khaub ncaws
f. Cov hauj lwm pab neeg txheeb-kev mob nkeeg.
B. Cov khoom siv thiab tes hauj lwm uas yuav rub rau cov
neeg mob cov nyiaj ntiag tug. Teev tseg hauv qab yog tej
yam thiab qauv txwv khoom thiab tes hauj lwm uas lub
tsev tu neeg yuav rub nqi rau cov neeg mob cov nyiaj ntiag
tug yog thov txog los ntawm tus neeg mob, yog lub tsev tu
neeg tau qhia rau tus neeg mob tias yuav muaj nqi rub,
thiab tias cov nqi ntawd tsis tau nyiaj los ntawm Tsoom
Fwv Them Nqi Mob rau cov Neeg Laus thiab Neeg Txom
Nyem:
• xov tooj
• this vis, los yog xov tooj cua rau kev siv ntawm tus
kheej
18
TSOOM FWV TEB CHAWS THIAB LUB XEEV COV CAI
• khoom siv kom nyab xeeb, xws li khoom haus luam
yeeb, xov xwm nyeem txog tswv yim zoo thiab tej
yam tawm tshiab, thiab khoom noj qab zib
• cov khoom pleev ua zoo nkauj thiab tu cev thiab cov
tes hauj lwm ua yog cov seem tsis tau nyiaj los ntawm
Medicaid los yog Medicare
• khaub ncaws rau tus kheej
• ntaub ntawv tau nyeem rau tus kheej
• khoom plig yuav los ntawm tus neeg mob
• ces paj thiab nroj tsuag
• chaw sib koom thiab chaw lom zem uas muaj sab
nraud tsis nkag kis rau cov hauj lwm pab
• cov hauj lwm tu mob tshwj xeeb tsis roos txog xws li
ntiav cov kws tu mob los yog cov kws pab
• chav rau tus kheej, tsuas yog thaum tsim nyob kho
mob (ua piv txwv li, muab cais mus tswj tua kab mob),
thiab
• npaj tau tshwj xeeb los yog tej zaub mov npaj tau
txawv vim thov txog uas tsis yog cov zaub mov niaj
zaus npaj raws li lub tsev tu neeg.
3. Thov txog cov khoom los yog tes hauj lwm.
19
TSOOM FWV TEB CHAWS THIAB LUB XEEV COV CAI
C. Lub tsev tu neeg yuav rub nqi tsis tau rau tus neeg mob
(los yog nws tus sawv cev) rau ib yam khoom twg los yog
tes hauj lwm twg uas tsis tau thov txog los ntawm tus neeg
mob.
D. Lub tsev tu neeg yuav yuam tsis tau tus neeg mob (los yog
nws tus sawv cev) kom thov siv ib yam khoom twg los yog
tes hauj lwm twg ua zwj ceeb kom tso tau npe nkag los yog
nyob mus ntxiv.
E. Lub tsev tu neeg yuav tsum tau qhia rau tus neeg mob (los
yog nws tus sawv cev) tias yog thov ib qho khoom siv los
yog tes hauj lwm uas yuav raug nqi ces yuav muaj nqi rub
rau qhov khoom siv los yog tes hauj lwm ntawd thiab qhov
nqi ntawd yuav yog li cas.
Kev Ywj Pheej thiab Tsis Pub Lwm Tus Paub
1. Tus neeg mob muaj txoj cai tau kev ywj pheej ntawm tus
kheej thiab tsis pub lwm tus paub txog lawv tus kheej thiab
lawv tej ntaub ntawv kho mob. Kev ywj pheej ntawm tus
kheej muaj chaw nyob thiab kev saib xyuas, kev kho mob, sau
ntawv thiab tham xov tooj txuas lus, tu tus kheej, kev tuaj
saib, thiab kev ntsib cov tsev neeg thiab cov neeg mob ua
pawg, uas tsis tsim nyog lub tsev tu neeg yuav nrhiav ib chav
ntiag tug rau tus neeg mob ntawd.
2. Tus kws ua hauj lwm rau lub tsev tu neeg yuav tsum fwm cov
cai muaj kev ywj pheej ntawm tus neeg mob uas yuav khob
lub qhov rooj thiab nug lawv ua ntej mam nkag chav, tshwj
tias ntshe ho muaj xwm kub los yog tsis pom zoo.
20
TSOOM FWV TEB CHAWS THIAB LUB XEEV COV CAI
3. Tsuas yog muaj raws li hauv txheej lus nqe (4) rau ntu no,
tus neeg mob yuav pom zoo los yog tsis pom zoo txog kev
tso tawm ntaub ntawv txog tus kheej thiab kev kho mob
rau lwm tus tawm ntawm lub tsev tu neeg mus.
4. Tus neeg mob txoj cai tsis pom zoo tso tawm ntaub
ntawv txog tus kheej los yog kev kho mob siv tsis tau
thaum:
A. Tus neeg mob raug xa tawm mus rau lwm lub tsev tu neeg
lawm; los yog
B. Kev tso tawm ntaub ntawv yog tau cai los ntawm txoj cai li
choj.
5. Cov neeg mob yuav tsum tau xov ceeb toom thaum cov
ntaub ntawv txog tus kheej tau raug thov los ntawm lwm tus
sab nraum lub tsev tu neeg thiab tej zaum yuav xaiv ib tug
neeg nrog thaum cov ntaub ntawv los yog xov xwm yuav
kom tus kheej raug mus sib tham. Cov tw luam txog cov
ntaub ntawv thiab cov xov xwm sau tseg los ntawm cov
ntaub ntawv yuav tsum muab ua kom muab tau yooj yim
raws li cov txheem ceg cai thiab ntu cai 144.291 txog rau
144.298 MN Cai Ceev Ntaub Ntawv Noj Haus Huv (MN
Health Records Act). Txoj cai no yuav tsis siv rau kev tsis
txaus siab thiab tshuaj ntsuam los ntawm Hauv Paus Kev Noj
Haus Huv, uas kom muaj los ntawm ntaub ntawv cog lus
them nqi thib peb, los yog lwm qhov chaw tau cai lij choj.
6. Thaum nkag tau rau ib lub tsev tu neeg uas tsoom fwv teb
chaws cov cai txwv tsis pub qhia tawm txog cov neeg mob
21
TSOOM FWV TEB CHAWS THIAB LUB XEEV COV CAI
tej xov xwm rau cov hu xov tooj tuaj thiab tuaj xyuas, tus
neeg mob, los yog tus saib xyuas tau kev tso cai los yog tus
saib xyuas kev raug mob ntawm tus neeg mob, yuav tsum
tau ib lub sij hawm los tso cai nthuav tawm txog tus neeg
mob cov kev noj haus hauv lub tsev tu neeg rau cov hu xov
tooj tuaj thiab cov tuaj xyuas uas muaj lus xav nrog tus neeg
mob tham. Raws li ua tau, tus neeg saib xyuas raug cai los
yog tus saib xyuas kev raug mob ntawm tus neeg mob yuav
tsum xyuas seb tus neeg mob xav li cas txog kev nthuav qhia
nws kev tuaj nyob rau lub tsev tu neeg. Txoj cai no siv tau
tsawg heev tus neeg mob tsis taus, raws li sau tseg los
ntawm tus kws kho mob saib xyuas hauv tus neeg mob cov
ntaub ntawv kho mob. Nyob rau qhov txheej txheem uas
txwv los ntawm cov tsev tu neeg cov tswv yim npaj tiv thaiv
kev tsim txom raws li hauv Txoj Cai Tiv Thaiv Cov Neeg
Ntxiav (Vulnerable Adults Protection Act), Ntu (Section)
626.557, Txheem Ceg (Subdivision) 14, Txheej Lus
(Paragraph)(b), txoj cai no los yuav tsum txwv ib yam.
Hauj Lwm Teb Sai
Cov neeg mob yuav tsum muaj txoj cai kom tau lus teb sai thiab
haum siab rau lawv cov lus nug thiab thov txog.
Ntsuam Xyuas txog Lus Soj Ntsuam Tau Pov Thawj
Tus neeg mob muaj txoj cai los ntsuam xyuas cov lus teb nug
tau ntawm kev soj ntsuam nyuam qhuav tag los txog lub tsev tu
neeg los ntawv Tsoom Fwv Teb Chaws los yog lub Xeev cov kws
22
TSOOM FWV TEB CHAWS THIAB LUB XEEV COV CAI
soj ntsuam thiab tej yam tswv yim tshiab uas yuav kho kom tau
ntsej muag rau lub tsev tu neeg. Lub tsev tu neeg yuav tsum ua
cov pov thawj no kom muaj tseeb rau txoj kev ntsuam xyuas
nyob rau tej qho muab yooj yim rau cov neeg mob thiab muab
tiv ceeb toom rau sawv daws paub txog lawv cov chaw seem.
Cov Pab Tswv Yim Rau Neeg Mob
Tus neeg mob muaj txoj cai tau txais cov xov xwm los ntawm
cov koom haum uas tam chaw pab rau cov neeg mob, thiab
muab tau sij hawm zoo los cuag cov koom haum no.
Hauj Lwm
Tus neeg mob muaj txoj cai:
1. Tsis lees lis hauj lwm rau lub tsev tu neeg.
2. Lis hauj lwm rau lub tsev tu neeg, yog nws yeem, thaum:
A. Lub tsev tu neeg teev tau ntawv qhia tias xav tau los yog
ntshaw hauj lwm nyob rau ntaub ntawv teev kev kho;
B. Cov ntaub ntawv teev kev kho qhia tseeb txog tej hauj lwm
tau ua thiab seb yog ua dawb los them nyiaj;
C. Cov nyiaj them rau cov hauj lwm no yuav tsum txog los
siab dua tus nqi zog uas yuav taus siv taus; thiab
D. Tus neeg mob yuav tsum pom zoo rau cov txheej txheem
hauj lwm raws li piav qhia nyob rau ntaub ntawv teev kev
kho.
23
TSOOM FWV TEB CHAWS THIAB LUB XEEV COV CAI
Xa Ntawv
Tus neeg mob muaj txoj cai ywj pheej hais txog tej ntaub ntawv
sau tseg, suav nrog txoj cai los:
1. Xa thiab txais ntaub ntawv sai ua ntej tsis tau qhib.
2. Muab tau ntaub ntawv sau, daim lo xa thiab khoom sau
ntawv uas yog tus neeg mob them nqi.
Cov Cai Mus Los Tau thiab Saib Xyuas
1. Tus neeg mob muaj txoj cai thiab lub tsev tu neeg yuav tsum
muab txoj cai nkag tam sid rau txhua tus neeg raws li nram
qab no:
A. Ib tug sawv cev ntawm tus Kws Teev Ntaub Ntawv
(Secretary);
B. Ib tug sawv ces los ntawm lub Xeev (State);
C. Tus neeg mob tus kws kho mob;
D. Lub Xeev tus kws saib xyuas kev raug mob rau cov neeg
mob nyob ntev;
E. Cov koom haum muaj feem xyuam rau txoj kev tiv thaiv
thiab pab kom muaj quag rau cov neeg mob uas puas tes
puas taws thaum yau thiab cov hlwb tsis meej pem;
F. Xyuas raws tus neeg mob txoj cai tsis lees los yog tso cai
rho tawm txhua lub sij hawm, cov tsev neeg txheeb ntiag
tug los yog lwm cov txheeb rau tus neeg mob, thiab
24
TSOOM FWV TEB CHAWS THIAB LUB XEEV COV CAI
G. Xyuas raws kev txwv kom haum siab thiab tus neeg mob
txoj cai tsis lees los yog tso cai rho tawm txhua lub sij
hawm, lwm cov neeg uas tuaj saib es muaj kev tso cai los
ntawm tus neeg mob.
2. Lub tsev tu neeg yuav tsum muab cai nkag kom haum siab
rau txhua tus neeg uas tuaj raws koom haum los yog cov
neeg uas tuaj muab kev pab rau txoj kev nyob zoo, kev raug
zoo, kev raug cai, los yog lwm yam hauj lwm rau tus neeg
mob, xyuas raws tus neeg mob txoj cai tsis lees los yog tso cai
rho tawm txhua lub sij hawm.
Kws Tshuaj Ntsuam Tshawb Cov Ntawv Kho Mob
Lub tsev tu neeg yuav tsum tso cai rau tus sawv cev hauv lub
Xeev tus Kws Saib Xyuas Kev Raug Mob tuaj ntsuam xyuas tus
neeg mob tej ntaub ntawv kho mob uas tau lus tso cai ntawm
tus neeg mob los yog tus neeg mob tus sawv cev raug cai, thiab
kom raws li lub Xeev cov cai lij choj.
Xov Tooj
Tus neeg mob muaj txoj cai tsim nyog siv tau lub xov tooj uas
hu tau tawm nrog lwm tus tham yam tsis muaj neeg hnov.
Teej Ntiag Tug
1. Tus neeg mob muaj txoj cai los tuav thiab siv nws cov khoom
teej ntiag tug, suav nrog tej khoom xws li rooj tog, thiab
khaub ncaws hnav kom raug ntsej muag, raws li ntawv tso cai
25
TSOOM FWV TEB CHAWS THIAB LUB XEEV COV CAI
siv chaw, tshwj tias yog ua los ho yuav txhaum rau lwm tus
cov cai thiab kev tso siab rau lwm cov neeg mob.
2. Lub tsev tu neeg los yog tu neeg hauv tsev yuav tsum muaj ib
qho cia khoom uas xauv tau los yog kom nyias muaj nyias
qhov chaw cia khoom thiab xauv tau uas cov neeg mob yuav
cia lawv tej khoom muaj nqis kom zoo. Lub tsev tu neeg los
yog tu neeg hauv tsev yuav tau, tiam sis kom, them nqi rau
los yog txauv qhov khoom uas poob los yog raug nyiag lawm.
Cov Txwj Nkawm Sib Yuav
Tus neeg mob muaj txoj cai koom chav nrog nws tus txwj
nkawm thaum nkawv nyob rau tib lub tsev tu neeg thiab thaum
ob tug txwj nkawm txaus siab los koom chav ua ke.
Kev Siv Tshuaj Ntawm Tus Kheej
Tus tib neeg mob muaj cai siv tshuaj rau nws tus kheej yog tias
cov kws muaj txuj ntau yam tau txiav txim tias ua li ntawd los
tso siab tau.
Tsis Kam Hloov Chaw
1. Tus tib neeg mob muaj txoj cai tsis kam hloov chaw rau lwm
chav nyob rau tib lub tsev tu neeg, yog tias lub hom phiaj
ntawm qhov hloov chaw yog rhais chaw:
A. Tus neeg mob ntawm lub tsev tu neeg muaj txuj tes zoo
(SNF), los txawv lwm qhov chaw hauv lub tsev tu neeg uas
26
TSOOM FWV TEB CHAWS THIAB LUB XEEV COV CAI
muaj SNF mus rau qhov chaw hauv lub tsev tu neeg uas
tsis muaj SNF, los yog
B. Tus neeg mob ntawm lub tsev tu neeg (NF), los txawv lwm
qhov chaw hauv lub tsev tu neeg uas yog NF mus txawv
chaw rau lwm lub tsev tu neeg uas yog SNF.
2. Tus neeg mob uas siv nws txoj cai tsis kam hloov chaw los
ntawm cov zwj ceeb no tsis cuam tshuam txog tus tib neeg
mob ntawd qhov kev muaj npe los yog tau txais kev pab
Medicare los yog Medicare.
Txais Nkag, Hloov Chaw thiab Rho Tawm
1. Lub tsev tu neeg yuav tsum muaj ntawv tso cai rau txhua tus
neeg mob kom nyob tau hauv lawv lub tsev tu neeg, thiab
tsis hloov chaw los yog rho tus neeg mob hauv tawm lub
tsev tu neeg tshwj tias:
A. Txoj kev hloov chaw los yog rho tawm yuav tsum pab tau
rau tus neeg mob kev noj haus thiab tus neeg mob cov kev
pab los yuav tsis muaj nyob rau lub tsev tu neeg lawm;
B. Txoj kev hloov chaw los yog rho tawm yeej haum lawm
vim tus neeg mob ntawd txoj kev noj haus tau zoo ntau
txaus siab es tus neeg mob ntawd yuav tsis siv cov kev pab
ntawm lub tsev tu neeg lawm;
C. Kev nyab xeeb ntawm txhua tus neeg mob hauv lub tsev tu
neeg tau raug kev tsis zoo;
27
TSOOM FWV TEB CHAWS THIAB LUB XEEV COV CAI
D. Txoj kev noj qab haus huv ntawm txhua tus neeg mob
hauv lub tsev tu neeg los yuav raug tsis zoo;
E. Tus neeg mob tau nyoo swb, tom qab tau ceeb toom tsim
nyog thiab siv tau, kom them nqi rau (los yog them los
ntawm Medicare los yog Medicare) thiaj tau nyob hauv
tsev tu neeg. Rau ib tug neeg mob uas muaj npe tau
Medicaid tom qab nkag nyob rau lub tsev tu neeg, lub tsev
tu neeg tsuas rub tau cov nqi rau tus neeg mob uas yog
cov nqi tso cai los ntawm Medicaid, los yog
F. Lub tsev tu neeg tau tso tseg tsis ua hauj lwm lawm.
2. Ua ntej lub tsev tu neeg yuav hloov tau chaw los yog rho
ib tug neeg mob tawm, lub tsev tu neeg yuav tsum:
A. Ceeb toom rau tus neeg mob thiab, yog paub, rau ib tug
ntawm tsev neeg los yog tus sawv cev raug cai ntawm tus
neeg mob txog kev hloov chaw los yog rho tawm thiab seb
yog vim li cas uas yog sau ua ib hom lus thiab yam uas lawv
to taub.
B. Teev cov laj thawj rau hauv tus neeg mob cov ntaub ntawv
kho mob.
3. Tsab ntawv sau ceeb toom yuav tsum muaj raws li nram qab
no:
A. Qhov laj thawj uas yuav hloov chaw los yog rho tawm;
B. Hnub tim uas yuav hloov chaw los yog rho tawm;
28
TSOOM FWV TEB CHAWS THIAB LUB XEEV COV CAI
C. Qhov chaw uas tus neeg mob yuav raug hloov mus nyob
los yog rho tawm;
D. Ib sob lus tias tus neeg mob muaj txoj cai los taug rooj
plaub xyuam phaj rau nram Xeev;
E. Lub npe, chaw nyob, thiab tus xov tooj rau lub Xeev tus
kws saib xyuas kev raug mob uas nyob ntev;
F. Cov neeg mob hauv lub tsev tu neeg uas puas tes puas taw
thaum yau, qhov chaw nyob xa ntawv thiab tus xov tooj
rau lub koom haum muaj feem xyuam txog qhov tiv thaiv
thiab pab rau cov neeg mob xws li cov tib neeg uas puas
tes puas taw thaum yau; thiab
G. Cov neeg mob hauv lus tsev tu neeg uas tsis tshua meej
pem, qhov chaw nyob xa ntawv thiab tus xov tooj rau lub
koom haum muaj feem xyuam txog qhov tiv thaiv thiab
pab rau cov neeg mob xws li cov tib neeg uas tsis tshua
meej pem.
4. Sij hawm ntawm tsab xov ceeb toom.
A. Tsab xov ceeb toom txog kev hloov chaw los yog rho tawm
yuav tsum tsim tau los ntawm lub tsev tu neeg kom muaj li
30 hnub ua ntej tus neeg mob yuav hloov los yog rho
tawm tau.
B. Tsab xov ceeb toom ntawd ua tau sai li qhov siv tau ua ntej
hloov chaw los yog rho tawm raws li hauv cov zwj ceeb
ntsiab lus 1 (A – F) thiab thaum tus neeg mob tsis nyob
hauv tsev tu neeg tshaj li 30 hnub.
29
TSOOM FWV TEB CHAWS THIAB LUB XEEV COV CAI
C. Lub tsev tu neeg yuav tsum muab sij hawm txaus los npaj
thiab taw qhia rau cov neeg mob kom muaj kev nyab xeeb
thiab kom hloov los yog rho tawm kom raws cai hauv lub
tsev tu neeg.
5. Cov neeg mob yuav tsum tsis raug hloov chaw los yog rho
tawm yam tsis saib ntsej muag. Cov neeg mob yuav tsum tau
xov ceeb toom, muab sau tseg, txog qhov yuav rho tawm los
yog hloov chaw thiab nws qhov laj thawj tsis pub dhau 30
hnub ua ntej raug rho tawm ntawm lub tsev tu neeg los yog
tu neeg hauv tsev thiab xya hnub ua ntej yuav raug hloov
chaw rau lwm chav nyob rau tib lub tsev tu neeg los yog tu
neeg hauv tsev. Tsab xov xwm ceeb toom no yuav tsum suav
tus neeg mob txoj cai los tawm tsam txog cov xyuam phaj no,
nrog rau qhov chaw nyob thiab tus xov tooj rau tus Kws saib
xyuas kev raug mob rau Cov Nyob Ntev (Long Term Care)
raws li hauv Txoj Cai Meskas Laus Zog (Older Americans Act),
ntu (section) 307(a) (12). Tus neeg mob, thaum tau paub txog
txoj cai no, muaj cai hloov chaw ua ntej lub sij hawm siv
ntawv ceeb toom tas. Tsab xov xwm ceeb toom lub sij hawm
kuj yuav raug txo kom luv tau vim muaj lwm yam uas lub tsev
tu neeg los yog tu neeg hauv tsev tswj tsis tau, xws li kev
txiav txim los ntawm kev ntsuam xyuas tu mob, qhov chaw
nyob rau cov neeg mob tuaj nkag tshiab, ib kev hloov nyob
rau tus neeg mob kev tu kho los yog kev pab cuam, tus neeg
mob li ntiag tug los yog lwm tus neeg mob kev noj nyob, los
yog nyob yam tsis them nqi es raug txwv los ntawm cov kev
pab rau pej xeem los yog cov kev pab them nqi rau cov neeg
mob tej kev tu, raws li sau tseg rau hauv ntaub ntawv kho
30
TSOOM FWV TEB CHAWS THIAB LUB XEEV COV CAI
mob. Cov tsev tu neeg los yog tu neeg hauv tsev yuav tsum
siv zog nrhiav kom tau chaw zoo rau cov neeg mob tshiab es
thiaj li tsis tau hloov tej chaw nyob.
Ceeb Toom txog Txhooj Cai Tuav Txaj thiab Rov Nkag
1. Ua ntej lub tsev tu neeg yuav hloov tus neeg mob mus rau
tom tsev kho mob loj los yog tso cai rau tus neeg mob mus
nrhiav kev kho tus kheej, lub tsev tu neeg yuav tsum muaj
ntaub ntawv sau qhia rau tus neeg mob thiab rau ib tug
ntawm tsev neeg los yog tus sawv cev raug cai raws li nram
no:
A. Txhooj cai ntawm lub sij hawm tuav txaj raws li lub Xeev
cov qauv, yog muaj, thaum tus neeg mob tau kev tso cai
rov los nkag rau hauv tsev tu neeg thiab los nyob rau hauv
tsev tu neeg; thiab
B. Lub tsev tu neeg cov txhooj cai hais txog cov sij hawm tuav
txaj, tso cai rau cov neeg mob rov qab los.
2. Thaum lub sij hawm hloov chaw rau tus neeg mob mus tom
tsev kho mob loj los yog nrhiav kev kho tus kheej, lub tsev tu
neeg yuav tsum tau muab ntawv sau ceeb toom rau tus neeg
mob thiab rau ib tug ntawm tsev neeg los yog tus sawv cev
raug cai hais txog lub sij hawm txhooj cai tuav txaj.
3. Lub tsev tu neeg yuav tsum tau tsim muaj thiab ua kom raws
li cov txhooj cai tswj yog tus neeg mob tau mus pw tom tsev
kho mob loj los yog mus kho tus kheej uas tshaj lub sij hawm
tuav txaj raws li tus qauv ntawm lub Xeev, rov qab nkag tau
31
TSOOM FWV TEB CHAWS THIAB LUB XEEV COV CAI
rau lub tsev tu neeg sai thaum muaj txaj qhib hauv chav nrab
rau tus neeg mob:
A. Yuav tsum siv cov hauj lwm muab los ntawm lub tsev tu
neeg; thiab
B. Muaj npe tau kev pab Medicaid uas siv tsev tu neeg cov
tes hauj lwm.
Nkag Sib Luag rau Kev Tu Zoo
Lub tsev tu neeg yuav tsum tsim muaj thiab tswj cov txhooj cai
uas zoo tib yam thiab kev haujlwm hloov chaw, rho tawm, thiab
cov hauj lwm kom pab cuam los ntawm lub Xeev tus qauv rau
tag nrho cov neeg mob tsis hais txog ntawm kev them nqi.
Txheem Cia
Tus neeg mob muaj txoj cai ywj pheej los ntawm tej yam uas
yuav siv dag zog los yog tshuaj los tuav cia vim xav rau txim los
yog kom yooj yim, thiab tsis yog pab rau tus neeg mob cov qauv
mob.
1. Cov neeg mob hauv tsev tu neeg, cov tsev neeg ntawm tus
neeg mob uas tsis muaj peev xwm, thiab cov xaiv los saib
xyuas kev raug mob raug cai, cov neeg saib xyuas, thiab cov
kws ua hauj lwm tu neeg mob raws li txhais los ntawm ntu
(section) 145C.01, muaj txoj cai los thov txog thiab siv tau cov
hlua tuav kom txhob nti es thiaj pab kho tau cov kev mob
nkeeg ntawm tus neeg mob.
32
TSOOM FWV TEB CHAWS THIAB LUB XEEV COV CAI
2. Thaum tau txais kev thov siv txoj hlua los tuav, lub tsev tu
neeg yuav tsum qhia rau tus neeg mob, tsev neeg, los yog tus
sawv cev raug cai ntawm lwm yam kev txheem thiab qhov
yuav phom sij thaum siv txoj hlua tuav neeg. Lub tsev tu neeg
tsuas muab tau txoj hlua tuav neeg rau tus neeg mob thaum
tau txais kev tso cai kos npe rau daim ntawv los siv txoj hlua
tuav neeg thiab ib daim ntawv tso cai los ntawm tus kws kho
mob saib xyuas uas muaj cov sob lus thiab txiav txim hais
txog cov qauv mob thiab qhia qhov zwj ceeb uas cov hlua
tuav neeg no yuav siv li cas.
3. Lub tsev tu neeg uas muab cov hlua tuav neeg los ntawm
txheej lus 2 yuav tsum:
A. Sau ntawv qhia tias cov txheej txheem nthuav tawm nyob
rau txheej lus yuav tsum ua kom raws;
B. Saib xyuas kev siv cov hlua tuav neeg no los ntawm tus
neeg mob; thiab
C. Ib sij ib zaug, thaum ntsib tham nrog tus neeg mob, cov
tsev neeg, thiab tus kws kho mob saib xyuas, los rov
ntsuam xyuas tus neeg mob seb puas tseem yuav tau siv
cov hlua tuav neeg lawm.
4. Ib lub tsev tu neeg yuav tsum tsis raug nqi nplua, raug nplua
nyiaj ib tug ua txhaum rau ib tug, los yog lwm lub xeev los
yog tsoom fwv teb chaws tswj kev nug xov los kho mus rau
kis txog kev siv txoj hlua tuav neeg raws li tso cai los ntawm
txhooj cai. Tsis muaj dab tsi nyob hauv txhooj cai no yuav
txwv tus kws coj ntawm tsoom fwv los tiv thaiv txoj kev noj
33
TSOOM FWV TEB CHAWS THIAB LUB XEEV COV CAI
qab haus huv thiab kev nyab xeeb rau ib tug neeg mob yog
tias:
A. Kev siv hlua tuav neeg tau ua teeb meem rau kev noj qab
haus huv thiab nyab xeeb ntawm tus neeg mob; thiab
B. Lub tsev tu neeg tau swb txog kev saib xyuas kom zoo los
tiv thaiv txoj kev noj qab haus huv thiab nyab xeeb ntawm
tus neeg mob.
5. Hais txog cov hom phiaj ntawm txhooj cai, "tej mob" kuj
muaj:
A. Kev txhawj xeeb txog kev nyab xeeb lub cev ntawm tus
neeg mob; thiab
B. Kev pab lub cev los yog kev siab ntsws uas ib tug neeg mob
tau hais qhia. Ib tug neeg mob kev ntshai tsam ho vau yog
ib qho hauv paus ntawm qhov qauv mob.
Ib daim ntawv yuam sau los ntawm tus kws kho mob saib
xyuas uas muaj cov sob lus thiab kev txiav txim ntawm cov
qauv mob yeej siv tau ua pov thawj txaus rau sab kev mob
uas tsim nyog siv txoj hlua tuav neeg mob.
6. Thaum txiav txim rau lub tsev tu neeg seb puas ua raws li cov
cai hauv lub xeev thiab tsoom fwv teb chaws cov qauv los siv
cov hlua tuav neeg, tus kws uas yog tus coj ntawm tsoom fwv
rau sab kev noj haus huv yog raug tswj los ntawm cov sob lus
thiab kev txiav txim nyob rau tus kws kho mob saib xyuas cov
ntaub ntawv hais txog cov qauv mob. Lub hom phiaj ntawm
txoj kev txib, cov "qauv mob" uas xam nrog qhov kev thov los
34
TSOOM FWV TEB CHAWS THIAB LUB XEEV COV CAI
ntawm tus neeg mob ua muaj peev xwm, tsev neeg rau tus
neeg mob uas tsis muaj peev xwm, los yog tus xaiv los saib
xyuas kev raug mob raug cai, tus saib xyuas raug cai, los yog
tus kws saib xyuas kev tu mob raws li txhais los ntawm ntu
(section) 145C.01, tias lub tsev tu neeg tsuas yog npaj txoj
hlua tuav neeg los tswj kev nyab xeeb rau cov neeg mob kom
muaj kev tso siab.
Kev Ua Neej Kaj Siab
Lub tsev tu neeg yuav tsum saib xyuas lawv cov neeg mob kom
coj nrog cai thiab nyob rau qhov chaw uas pab txhawb los yog
ua kom zoo rau txhua tus neeg mob lub neej kaj siab.
Muaj Koob Npe Zoo
Lub tsev tu neeg yuav tsum pab txhawb kev saib xyuas cov neeg
mob kom coj zoo thiab nyob rau qhov chaw coj tus los yog
txhawb txhua tus neeg mob lub meej mom thiab saib taus lawv
muaj nuj nqis rau lawv tus kheej.
Txiav Txim Tus Kheej thiab Koom Tes
Tus neeg mob muaj txoj cai los:
1. Xaiv cov hauj lwm ua, cov sij hawm, thiab kev tu mob kom
txwm yees mus raws li nws lub siab nyiam, kev ntsuam
xyuas, thiab cov qauv yuav npaj los tu nws;
2. Muaj kev raug zoo nrog lwm cov neeg hauv lub zej zog sab
hauv thiab lub tsev tu neeg sab nraud; thiab
35
TSOOM FWV TEB CHAWS THIAB LUB XEEV COV CAI
3. Muaj kev xaiv txog ntawm tej nws xam pom rau nws lub neej
hauv lub tsev tu neeg uas tseem ceeb rau nws.
Koom Tes nrog Pawg Neeg Mob thiab Tsev Neeg
Tus neeg mob muaj txoj cai los coj thiab koom tes nrog rau cov
pab pawg neeg hauv lawv lub tsev tu neeg.
Koom Tes ua Lwm Yam
Tus neeg mob muaj txoj cai los koom tes nrog kev ua pab ua
pawg, koom nrog kev ntseeg, thiab tes hauj lwm hauv lub zej
lub zos uas tsis muaj kev cov nyom rau lwm leej lwm tus neeg
mob tej cai hauv lub tsev tu neeg.
Pab Cuam txog Kev Xav Tau
Tus neeg mob muaj txoj cai los nyob thiab txais cov hauj lwm
kev pab nyob hauv lub tsev tu neeg uas muaj cov kev pab cuam
siv tau rau cov tib neeg txoj kev ntshaw thiab qhov lawv nyiam,
tsuas yog thaum txoj kev noj qab haus huv los yog kev nyab
xeeb rau tus tib neeg mob los yog lwm tus neeg mob yuav muaj
teeb meem.
Tsim Txom
1. Tus neeg mob muaj txoj caitxhob raug cem, raug quab yuam,
raug ntaus, raug tsim siab ntsws, raug tsim nqaij tawv, thiab
raug cais yam tsis tau tso cai.
36
TSOOM FWV TEB CHAWS THIAB LUB XEEV COV CAI
2. Cov neeg mob muaj txoj cai tsis raug ua phem rau raws li
txhais los ntawm Txoj Cai Tiv Thaiv Cov Neeg Ntxiav
(Vulnerable Adults Protection Act). “Tsim Txom” txhais tau
tias yog yam xeeb ceem raws li piav hauv Ntu (Section)
626.5572, txheem ceg cai (Subdivision) 15, los yog tej yam
txhob txwm ua los tsim kev mob nkeeg rau lub cev, los yog
txhob txwm ua tsim kev mob nkeeg rau lub hlwb thiab kev tu
siab yam tsis tu ncua.
Kev Tawm Tsam
1. Tus neeg mob muaj txoj cai los tawm suab tsis txaus siab yam
tsis muaj kev ntxub ntxaug los yog ua pauj tej yam yuav tsis
txaus siab muaj xws li kev saib tu dhau los thiab tsis tau tau
muaj; thiab
2. Kev rau siab ntawm lub tsev tu neeg los daws kev tsis txaus
siab uas tej zaum tus mob ho muaj, nrog rau tej uas muaj los
ntawm lwm cov neeg mob cwj pwm kev coj ua.
3. Ceeb toom txog ntawm cov txheej txheem tsis txaus siab
nyob rau hauv lub tsev tu neeg los yog cov kev pab, nrog rau
cov chaw nyob los yog cov xov tooj rau cov Chaw Hauj Lwm
txog Kev Nroo Noj Haus (Office of Health Facility Complaints)
thiab qhov chaw Tus Kws Saib Xyuas Kev Raug Mob rau cov
Nyob Ntev (Ombudsman for Long Term Care) kom raws li
Txoj Cai Meskas Laus Zog (Older Americans Act), Ntu
(Section) 307 (a)(12) yuav tsum muaj tiv nyob rau txhua txhia
qhov chaw.
37
TSOOM FWV TEB CHAWS THIAB LUB XEEV COV CAI
CHAW MUAJ KEV PAB
(CHAW HAUJ LWM TXOG KEV NROO NOJ HAUS)
OFFICE OF HEALTH FACILITY COMPLAINTS
PO Box 64970
St. Paul, MN 55164-0970
(800) 369-7994 los sis (651) 201-4200 (hauv zos)
(KWS SAIB XYUAS KEV RAUG MOB RAU COV NYOB NTEV)
OMBUDSMAN FOR LONG-TERM CARE
PO Box 64971
St. Paul, MN 55164-0971
(800) 657-3591 los sis (651) 431-2555 (hauv zos)
(MESNISXAUSTAS HAUV PAUS KEV NOJ HAUS HUV)
MINNESOTA DEPARTMENT OF HEALTH
(Kev Tswj Kev Noj Haus)
Health Regulation Division
PO Box 64900
St. Paul, MN 55164-0900
(651) 201-4101
38
TSOOM FWV TEB CHAWS THIAB LUB XEEV COV CAI
(HAUJ LWM PAB RAU COV PUAS TES PUAS TAW THAUM YAU)
THE DEVELOPMENTALLY DISABLED ADVOCACY PROJECT
(Hauj Lwm Cai Lij Choj Txog Mob Hlwb)
The Mental Health Law Project
430 First Avenue North, Suite 300
Minneapolis, MN 55401-1780
(800) 292-4150 los sis (612) 332-1441 (hauv zos)
(HAUJ LWM TSHUAJ NTSUAM XYUAS ZOO & TSEEM CEEB)
SURVEILLANCE & INTEGRITY REVIEW SERVICES
(Mesdiskhes Dag Txhaum Cai – Tsis Them Nqi)
(Medicaid Fraud and Abuse – payment issues)
(Mesnisxaustas Hauv Paus los Pab Pej Xeem)
Minnesota Department of Human Services
PO Box 64982
St. Paul, MN 55164-0982
(800) 657-3750 los sis (651) 431-2650 (hauv zos)
Minnesota Department of
Health
Licensing and Certification
PO Box 64900, St. Paul, MN
55164
651-201-4101
[email protected]
www.health.mn.us
39
HNUB TIM: December 4, 2015
Yog xav tau daim xov xwm no
nyob rau lwm teeb txheeb, hu:
651 201-4101