Pacific community
information
Pipisi le Fiva taifoi I Aukilani.
Talofa Samoa. Ose faatalanoaga lenei ua tapenaina e le Auckland Regional Public Health Services
ona ole tulai mai ole gasegase ole fiva taifoi I Aukilani
O feisli masani ma ona tali:
O mafai lava ona ou auai I sauniga lotu ile faaiuga ole vaiaso I Mt Rosskill?
E leai se afaina mo tagata oloo nonofo, galulue poo asiasi ane I Mt Rosskill. Faaauau pea mea masani
o aso taitasi.
E mafai la ona ou asiasi ise tagata/poo tagata ua aafia ile fiva taifoi? E ono
afaina ai lou tagata?
Ole fusi male sogi ise tagata ua aafia e le afaina lea. E pipisi siama ole fiva taifoi I meaai ma vai
taumafa pe afai e le mama le fufuluina o lima ile maea ona faaaogaina ele tagata ua mai ile fiva taifoi
le fale le taua.
E faapefea ona puipuia lou aiga mai le fiva taifoi pe afai ua aafia ai se tagata ole
matou aulotu?
Afai na e feiloai ise tagata ua aafia ile fiva taifoi, e leai sona afaina tele. Peitai, a iai se popolega, ona
valaau lea ole Healthline ile 0800 611 116.
Fufulu ou lima ile fasi moli mo le 20 sekone ona faamago lea ise solo pepa poo se solo mama pea
maea ona e agai ile fale le taua, gasesega o taumafa poo le suiga o napekini o pepe.
Ole faamamaina o ou lima ma nofoaga e tapena ai taumafa e taua mo lou soifua maloloina, aemaise
nofoaga faitele.
Tagai ane ile www.arphs.govt.nz e te malamalama ai I auala e puipuia ai lou soifua maloloina aemaise
faamatalaga e uiga ile fiva taifoi.
Afai o iai se isi o lou aiga o aafia I auga ole fiva taifoi, ole a le mea e tatau ona
fai?
Afai o iai se isi o lou aiga o aafia ia uga ole fiva taifoi, e tatau ona vaai vave le fomai pe valaau le
Healthline ile 0800 611 116.
E aoga lau tama ile Wesley Primary School ma o lea oute popole I lona soifua
maloloina. Oa ni aafiaga pea alu pea ile aoga?
O lea matou te galulue faatasi ma faiaoga male aoga ina ia mautinoa lo latou saogalemu. Ua maea foi
ona tuuina atu faamatalaga I lou alo e avatu ile fale.
Visit www.arphs.govt.nz | Call 09 623 4600 | Fax 09 623 4633 |
Auckland Regional Public Health Service |
@aklpublichealth
Pacific community information
Afai na ou feiloai ise tagata ua maua ile fiva tatifoi, e tatau ona faia ni ou siaki o
feau mamao?
Matou te iloa e faigata I nisi tagata ona faia ia ituaiga siaki. Peitai, e taua lou soifua maloloina
aemaise lou aiga. Afai ua fesootai atu le matou aufaigaluega e vaai se fomai, e tatau ona e amanaia
lea faaaliga. Ole a tatou galulue faatasi e faia suesuega e puipuia ai lou soifua maloloina, faapea le
pipisi atu o lenei faamai.
E iai le matou faamoemoe I Mt Rosskill ile faaiuga ole vaiaso nei. E tatau na
tolopo pe a?
Leai. E leai se afaina aua na ole tasi le ekalesia lea oloo aafia I lenei faamai.
E ono pipisi le fiava taifoi ile faasusuina o pepe?
Afai ua aafia se tina ile fiva taifoi, e mafai lava ona faasusu lana tama. Ole tu mama ile faataelega
male suiga o ona napekini e taua tele.
Olea e sauni lau malaga ise atunuu oloo pepesi ai le fiva taifoi. Oa ni auala e
puipuia ai au mai lea faamai?
Afai e te malaga I ia atunuu e tatau ona e faia mea nei:







Faatau au fagu vai
Aua le inumia vai paipa
Aua le faatauina meaai oloo faatau I autafa ole auala
Faavevela ma kuka lelei meaai ae lei taumafaina
Vaai se fomai a e te lei malaga
Tagai ane ile www.safetravel.govt.nz mo nisi faamatalaga
Afai o iai nisi o malaga mai I atunuu oloo pipisi ai le fiva taifoi ma o ono aumai siama o lea
faamai, e tatau ona ave e vaai se fomai.
Olea se tele ole aafiaga ole fiva taifoi I Aukilani nei?
Ile taimi nei, na ole ekalesia ole Samoan Assembly of God lea e faia a latou sauniga ile Wesley Primary
School ua aafia nisi I lenei faamai.
Ole matou matafaioi ole vaaia lea o I latou ua aafia. Ua maea ona faatalanoaina I latou ua aafia ma ua
faia foi auala e puipuia ai Ie pipisi atu o siama ole fiva taifoi.
O lea oute popole ile tulai mai ole fiva taifoi. O ai la e tatau ona fesootai
muamua iai?
E tatau ona valaau lau fomai poo le Healthline ile 0800 611 116. E mafai ona e talanoa iai ile 24 itula
ole aso i lau gagana.
O lenei polokalame ua auina atu e le Auckland Regional Public Health Services.
Visit www.arphs.govt.nz | Call 09 623 4600 | Fax 09 623 4633 |
Auckland Regional Public Health Service |
@aklpublichealth