M O L A E T S A WA B O E TA P E L E B A P E L E , T L H A K U B E L E 2 0 1 7 Moetapele Henry B.Eyring Moeletsi wa Pele Boetapeleng ba Pele Ho hlomela ka ho loka M oporofeta wa Modimo lefatsheng, Moetapele Thomas S. Monson, o se a ile a bolela, “Mehleng ena re tikanyeheditswe ke mefutahadi ya sebe, manyala mmoho le bokgopo boo re sokang re bo bona haesale.” 1 Na o ka makala ho tseba hore Moetapele Monson o buile mantswe ana dilemong tse 50 tse fitileng? Ebang re ne re tikanyeheditswe ke bokgopo bo senang tekano kgale kwa, ho hakakang ho phephetswa ha rona ke bokgopo mehleng ena? Ka baka le lokileng, Morena o phatlaladitse sena mabapi le mehla ya rona “ Bona, sera se hlwele mekwalaba” (DT&D 38:12). Ntwa eo ho yona “rona bohle re e bileditsweng” 2 e ne e qale pele re tswalwa lefatsheng. E qadile le pele lefatshe le thehwa. E qadile dilemong tse diketekete tse fitileng, sebakeng moo ho neng ho sena ho shwa, moo teng diabolosi a ileng a etsa tsa bojela-thoko mme a “tsitlallela ho fedisa tokelo ya batho ho ikgethela” (Moshe 4:3). Diabolosi o ile a hlolwa ntweng eo mme “a lelekelwa lefatsheng” (Tshenolo 12:9), moo a tswetsang ntwa ya hae pele mehleng ena. Mona lefatsheng “o lwantshana le bahalaledi ba Morena, mme o ba dikanyetsa (DT&D 76:29) ka mashano, tahlehiso mmoho le meleko. O lwana ntwa kgahlanong le baporofeta le baapostola. O lwana ntwa kgahlanong le molao wa bohlweki ba tsa thobalano mmoho le bohalaledi ba lenyalo. O lwana ntwa kgahlanong le lelapa mmoho le tempele. O lwana ntwa kgahlanong le se lokileng, se halalelang mmoho le bohalaledi Na re ka lwana jwang le sera se tje? Re ka lwana jwang kgahlano le bokgopo bo shebehalang bo aparela lefatshe la rona? Dihlomo tsa rona ke eng? Ke bo mang bao eleng batshihetsi ba rona? Matla a Konyana Moporofeta Joseph Smith o rutile hore diabolosi o ena le matla hodima rona feela ho ya ka tekano eo re mo nehang yona. 3 Tshenolong ya mehla ya rona, Nephi “a bona matla a Konyana ya Modimo, e theohetseng bahalaledi ba kereke ya Konyana, mmoho le hodimo ha batho ba selekane sa Modimo, bao ba neng ba phatlalletse ka bophara ba lefatshe, mme ba neng ba hlometse ka holoka le matla a Modimo kgalalelong e matla” (1 Nephi 14:14; hokelelleditswe toboketso). Na re ka itlhomisa jwang ka ho loka le matla? Re boloka letsatsi la Sabatha le halalela mme re hlompha boporista. Re etsa le ho boloka dilekane tse halalelang, re tswetsa pele mosebetsi wa nalane ya lelapa la rona, mmoho le ho ya tempeleng. Re tswela pele ho tsitlallela ho sokoloha le ho ipiletsa ho Modimo ho “re ama ka madi a Kreste a sokollang hore re tle re fumantshwe tshwarelo ya dibe tsa rona (Mosiah 4:2). Re a rapela, re sebeletsa ba bang, le ho paka mmoho le ho sebedisa tumelo ya rona ho Jesu Kreste. Re boela re itlhomisa ka ho loka le matla ka ho “boloka mantswe a bophelo jwalo ka letlolo dikellelong tsa [rona]” (DT&D 84:25). Re boloka jwalo ka letlolo mantswe ana ka ho tsepama mangolong a halalelang le mantsweng a bakgethwa ba Modimo, bao ba abelanang ka thato ya Hae, monahano wa Hae, mmoho le lentswe la Hae (bona DT&D 68:4) konferenseng ya kakaretso kgweding e latelang. 1 Twantshanong ya rona kgahalong le bokgopo, re lokela ho hopola ka mehla hore re ena le thuso e tswang mahlakoreng ka bobedi a lesira le arolang bophelo lefatsheng le mahodimo. Batshehetsi ba rona ba akaretsa Modimo Ntate wa Bosafeleng, Morena Jesu Kreste, mmoho le Moya o Halalelang. Batshehetsi ba rona ba kenyelletsa mabotho a sa bonweng a lehodimo. “Se tshabe,” Elisha o ile a bolella mohlankana ya neng a tletse tshabo ha bane ba shebane le lebotho la bakgopo, “hobane bao ba enang le rona ba bangata hofeta bao ba enang le bona” (bona 2 Marena 6:15-16). Re hloka ho se be le tshabo. Modimo O rata Bahalaledi ba Hae. A ke ke a re furalla. Ke a tseba hore Modimo, karabong ya thapelo, o phethahaditse kopo tsa ka tsa ho se iswe molekong. Ke paka hore ka thuso ya Modimo Ntate, Mopholosi wa lefatshe le ka Moya o Halalelang, re ka eba le tiisetso ya hore re tla nehwa matla a fetang tekano ho mamella bobe le ha ele bofe boo re tobaneng le bona. Eka re ka dula ka mehla re hlometse ka ho loka e tle e le hore re be le tshepo tlholong qetellong. bangata ba se dudisehe ditulong tsa bona. Ha ke hopole tsohle tseo ke ithutileng tsona letsatsing leo, empa ke hopola moetapele wa ka a bua ka enngwe ya dintlha –kemo tsa hae – e leng ho dula ka mehla a hlwekile ho tsa thobalano. Mantswe a hae a ile a dula ho nna, mme ka etsa qeto ya hore ke tla nkela sena honna ele se seng sa dikemiso tsa ka le nna. Ka le leng la matsatsi ke ne ke palame bese ke lebile hae lapeng, ke hlaha moketeng wa dipapadi, e mong wa batsamai mmoho beseng a qala papadi eo eneng ele ka ho phephetsa babapadi mmoho le wena ka seo eleng nnete kapa ho ba fa phepetso ho etse ntho eo ba sokang ba e etsa bophelong. Ka baka la budutu, ba bang ba bana mmoho le nna re ile ra nka karolo. Eitse ha hoba lekgehlo laka le fihle, ke ile ka phephetswa ho etsa ntho eo ke neng ke tseba hore ha e ya nepahala. Sena e ne e ka ba qeto e thata ho nna ho e etsa, empa mantswe a moetaple wa ka wa Barwetsana a ile a mphihlela kelellong, mme qeto ya eba e bonolo. Ke ile ka phakisa ka hana. Ke ne ke se ke qetile le maikutlo hore ke tla etsa eng seemong se sena. Ke tseba hore ka ho ya ha rona kerekeng le ho etsetsa dintho tseo re di rutwang moo sebaka , re tla hlohonolofatswa ka matla a semoya a matla mmoho le tshireletso melekong ya lefatshe. DINGOLWENG 1. Thomas S. Monson, “Ho kopanela Ho Tlisa Ditlhohonolofatso,” Makazine wa Mokgahlo wa Thekolokehlo, 1967, 247. 2. “Bohle Re Bileditswe” Difela, no. 250. 3. Bona Dithuto tsa Baetapele ba Kereke: Joseph Smith (2007), 214. Mongodi o dula Utah, USA. HA O RUTA HOTSWA MOLAETSENG ONA BANA Moetapele Eyring o re hopotsa hore re ntweng kgahlanong le bokgopo. Le ka qala ka ho bina “Bohle Re Apara Dihlomo tsa Hao Bileditswe” (Difela, no. 250) mmoho le bao o ba rutang. H o ena le dintho tse ngata tse mpe lefatsheng kajeno. Evangeni e tshwana le thebe e re sireletsang. Bala dintho tse 10 tseo Moetapele Eyring a re bolellang ho di etsa ho itshireletsa. Ebe o taka le ho neha thebe ya hao mebala! Ebe ke moo o ka ba memelang ho re ba abelane ka hore na ba sireleditswe jwang ka baka la ho loka mme le hlahise emong le emong ditsela tseo ho ka sireletswang lelapa kgahlanong le Diabolosi, tse jwalo ka ho kgetha mecha e lokileng, ho tshwara ha kopano ya lelapa, 1. Boloka letsatsi la Sabatha le halalela 2. Hlompha boporista 3. Etsa le ho boloka dilekane 4. Tswetsa pele mosebetsi wa nalane ya lelapa 5. E ya tempeleng 6. Baka 7. Rapela 8. Sebeletsa ba bang 9. Abelana ka bopaki ba hao 10. Bala mangolo a halalelang kapa ho eba le nako ya boitjhoriso ba lelapa hang ka beke lapeng. O ka ba nea phephetso ya hore ba tebise menahano ya bona ka thapelo, hore na ba ka aha jwang tshireletso ya lelapa mme ba kgothalletse ho etsa moralo wa ho kenya tshebetsong ditlhahiso tsa bona. BATJHA Ke Ne Ke Se Ke Kgethile Ka Madison Thompson N kile ka fumana thuto e bohlokwahadi sehlopheng sa Barwetsana eo e neng ele ka ha bohlweki ho tsa thobalano – tabahadi eo ileng ya etsa batjha ba © 2017 by Intellectual Reserve, Inc. All rights reserved. E hatisitswe USA Tumello ya Sekgowa: 6/16. Tumello ya phetolelo: 6/16. Phetolelo ya First Presidency Message, March 2017. Sotho. 97923 739 2 M O L A E T S A WA T H U T O YA K E T E L O , T L H A K U B E L E 2 0 1 7 Matla a re Kgontshang a Jesu Kreste mmoho le Topollo ya Hae Tumelo, Lelapa, Thekolohelo Ka thapedi bala sengolwa sena mme o batle tshusumetso ya ho ka tseba hore o ka abelana ka eng ho tswa ho sona. Ekaba ho utlwisisa morero wa Mokgahlo wa Thekolohelo ho ka lokisetsa baradi ba Modimo jwang bakeng sa dihlohonolofatso tsa bophelo bo safeleng? N “ ka etsa tsohle ka Kreste ya mmatlafatsang” (Bafilipi 4:13). “Leha bohle re ena le bofokodi, re ka kgona ho bo hlola,” ho bua Moetapele Dieter F. Uchtdof, Moeletsi wa Bobedi Boetapeleng ba Pele. “Efela hole jwalo hore ka mohau wa Modimo, ha re ikokobetsa mme re eba le tumelo, ntho tse fokolang di ka ebang matla” 1 Ka hara Dithuto tsa Tumelo le Dilekane Mopholosi wa rona a re, “Ke tla etella fahleho tsa lona pele. Ke tla ba ka letsohong la hao le letona le le letshehadi, mme Moya wa ka o tla ba dipelong tsa lona, mme mangeloi aka a tla le potapota, a le sikare” (DT&D 84:88). “Nephi ke mohlala wa e mong ya neng a tseba, a utlwisisa, mme a itshetlehile matleng a Mopholosi a kgontshang,” ho bolela Moholo David A. Bednar wa Kopano ya Baapostola ba Leshome le Metso e Mmedi. “Baholwane ba Nephi ba ile ba mo tlama ka dithapo mme ba rera ho mo timetsa. Ka kopo elellwa thapelo ya Nephi: ‘Oho Morena, ho ya ka tumelo yaka e ho wena, na o ka mpholosa diatleng tsa baholwane baka, ee, mme o mphe matla a ho kgaola ditlamo tsena tse ke bofuweng ka tsona’ (1 Nephi 7:17 ho kenyelleditswe toboketso ). “ . . . Nephi ha a a ka rapella hore maemo a hae a fetohe. Empa, o rapelletse hore a fumantshwe matla hore a kgone ho fetola maemo a hae. Ke dumela hore o rapetse ka tsela ena hobane a tseba, a utlwisisa, le hore o kile a ikutlwela matla a kgontshang a tlang ka Topollo. “Ha ke nahane hore ditlamo tseo Nephi a neng a tlanngwe ka tsona di ile tsa ikwela feela ka mohlolo matsohong a hae. Empa, ke belaela hore o ile a hlohonolofatswa ka mamello mmoho le matla a fetang a hae a tlhaho, le hore o ile ‘ka matla a Modimo’ (Mosiah 9:17) a sebetsa le ho tshikinya le ho hula dithapo, mme qetellong a kgontshwa feela jwalo ho kgaola ditlamo.” 2 Tlatsetso ya Mangolo a Halalelang le Tlhahiso leseding Esaiah 41:10; Ether 12:27; reliefsociety.lds.org DINGOLWENG 1. Dieter F. Uchdorf, “Mpho ya Mohau,” Liahona, Motsheanong 2015, 108. 2. David A. Bednar, “Matla a fetang a Rona,” New Era, Tlhakubele. 2015, 4. Nahana ka Sena Na matla a kgontshang a Jesu Kreste mmoho le sehlabelo sa topollo ya Hae di ka re thusa jwang ho etseng bofokodi ba rona ho ba matla? © 2017 by Intellectual Reserve, Inc. All rights reserved. e hatisitswe USA Tumello ya Sekgowa: 6/16. Tumello ya phetolelo: 6/16. Phetolelo ya Visiting Teaching Message, March 2017. Sotho. 97923 739
© Copyright 2024 Paperzz