SECZIUN PEZ AULT PROTOCOL DALLA RADUNONZA GENERALA DILS 25-01-2013 EL HOTEL PEZ TERRI A VRIN SECZIUN PEZ AULT Protocol dalla radunonza generala dils 25-01-2013 Tractandas 1. Beinvegni ed elecziun da dus dumbravuschs 2. Approbaziun dil protocol dalla radunonza generala ordinara dils 27-01-2012 e dalla radunonza generala extraordinaria dils 28-04-2012 3. Approbaziun dil rapport annual dil president 4. Approbaziun dil rapport annual dil cau da tgira 5. Approbaziun dil rapport annual dil cau dil stan da sittar 6. Rediment da quen dil cassier, rapport e proposta dils revisurs ed approbaziun dil quen annual 7. Fixaziun dalla contribuziun annuala 8. Prender conclus sur da propostas per mauns dalla radunonza da delegai dall’ uniun cantunala (BKPJV) 9. Approbaziun dil program annual 10. Elecziuns per ina perioda da dus onns: actuar, cau dil stan da sittar, in revisur da quen ed in substitut. Sco era la cumissiun da tgira. 11. Diversas orientaziuns 12. Honoraziuns / mutaziuns 13. Elecziun dils delegai dalla secziun per il cuoz dad in onn 14. Varia Avon la radunonza fa il guardia selvaschina Gieri Derungs in referat sur dalla muntada dalla tgira. 1. Beinvegni ed elecziun da dus dumbravuschs Allas 20.00 uras fa nies president Boris Caduff a tuts presents in cordial beinvegni tier nossa radunonza generala. In spezial beinvegni va a nies commember liber Albin Caminada che survegn in applaus. In spezial beinvegni van era als guardia selvaschina Arnold Caminada e Gieri Derungs ed al president dil district da tgira II, Marco Casanova. Nies president dat il plaid a Gieri Derungs per siu referat. Suenter il referat engrazia nies president a nies guardiaselvaschina Gieri Derungs per quellas interessantas informaziuns ed explicaziuns pertuccont la tgira. Gieri sa prender encunter in ferm applaus dils presents. La radunonza ei vegnida convocada ad uras, entras l’ invitaziun e la gliesta da tractandas, ch’ ein vegnidas tarmessas tier e publicadas duas gadas el Fegl Ufficial. Nies president fa aunc quella menziun enviers la gliesta da tractandas: La tractanda mutaziun avon la tractanda d' elecziun. (Ei va per ina eventuala elecziun d' ina persuna per in gremium, che sto igl emprem daventar commember A.) Ei dat neginas autras objecziuns ni cumpletaziuns enviers la gliesta da tractandas, aschia ch’ ella vegn approbada cun quella menziun. Nies president declara la radunonza per aviarta. 2 SECZIUN PEZ AULT Protocol dalla radunonza generala dils 25-01-2013 Nies president lai circular la gliesta da presenza e menziunescha d' indicar era l' adressa d' email per aschia el futur schar ir la correspondenza sur internet per spargnar cuosts. Presents ein questa sera 30 persunas. Perstgisas: Lucas Halter, Dario Caduff, Manuel Eicher, Marco Derungs, Gabriel Caminada, Albert Lombris, Tini Capaul, Simon Capaul, Martin Giusep Capaul, Mario Capaul Sagogn, Gioni Capaul, Maurus Arpagaus, Dario Arpagaus, Edvin Blumenthal, Gabriel Casanova, Camenisch Duri, Camenisch Andriu, Caduff Flurin, Casanova Giusep, Casanova Diego, Casanova Gian-Marco. Elecziun da dus dumbravuschs Sco dumbravuschs vegnan Patric Caduff e Marco Casanova proponi ed elegi unanim. 2. Approbaziun dil protocol dalla radunonza generala ordinaria dils 27-01-2012 e dalla radunonza da secziun dils 28-04-2012 Cunquei che omisdus protocols ein vegni publicai sin nossa pagina d' internet ni vegni tarmess tier als tals che han giavischau ei, ha mintga commember giu la pusseivladad da prender investa dils protocols, aschia ch’els vegnan buca pli prelegi, mo sch’ enzatgi giavischa ei. Tuts van d’accort cun la proposta da nies president. Approbaziun dils protocols: Nies president metta il protocol dils 27-01-2012 en discussiun. Negin fa objecziuns ni cumpletaziuns partenent il protocol. Il protocol vegn approbaus unanim. Era il protocol dils 28-04-2012 vegn mess en discussiun. Negin fa objecziuns ni cumpletaziuns partenent il protocol. Il protocol vegn approbaus unanim. Nies president engrazia a Maurus per sia lavur che vegn attestada cun in applaus. 3. Approbaziun dil rapport annual dil president Rapport dil president: Preziadas catschaduras, preziai catschadurs Igl onn 2012 ha entschiet per la secziun Pez Ault cun in post vacant ella suprastonza. Suenter la demissiun da Pascal Casanova havein nus dalla davosa radunonza generala anflau negin successur sco cassier. Aschia ei la tscherca d’in niev cassier stau igl emprem pass egl onn 2012. Suenter cuorta tscherca ed in per telefons ei Retus Blumenthal sedeclaraus prompts da surprender il post sco cassier. Aschia havein nus astgau cumpletar dalla radunonza generala extraordinaria ils 28-4-2012 puspei nossa suprastonza ed eleger Retus en siu niev post. Retus ein sevivius en spert en siu pensum e nus havein naven dil matg puspei astgau menar ils fatgs dalla secziun en 5. En suprostonza havein nus giu igl onn vargau 4 sesidas da suprastonza. Tier quellas sesidas dat ei adina bia da discutar ed aschia cuozzas ellas era adina in tec pli ditg che planisau. Nus empruein adina puspei da midar enqual caussa e da dar novs impuls a nossa secziun! Jeu cretg che nus tuts dalla suprastonza essan perquei era adina aviarts per novas idea ord las retschas dils catschadurs. Aschia lessel jeu puspei inaga appelar a tuts vus catschaduras e catschadurs da purtar era vossas ideas tier la suprastonza aschi che nus savein purtar vinavon nossa secziun. 3 SECZIUN PEZ AULT Protocol dalla radunonza generala dils 25-01-2013 Onn da Secziun 2012 Ina midada havein nus fatg tier il program da sittar. Nus havein entschiet culs exersezis da sittar gia il matg e fatg aschia pli biars exersezis ch’igl onn avon. Ei ha mussau ch’ei dat fetg bia catschadurs che han schau plascher quei. Ils exersezis ein adina stai frequentai fetg bein. Ils termanemts han giu liug tochen viaden egl october. In grond engraziament lessel jeu admetter a tut quels ch’ei segidai sco giadonters da Natali tiels trenaments. Sco mintg’onn havein nus menau atras ils 28-4-2012 nies gi da tgira da primavera. Il suentermiezdi da quei gi ha era sco usitau nossa radunonza extraordnaria giu liug el stan da sittar. Cheu havein nus priu las decisiuns tier 6 propostas per mauns dalla radunonza da delagai dil BKPJV. Quella radunonza ha giu liug igl onn 2012 a Schiers. Quei che fa surstar mei pli e pli fetg ei che fetg paucs commembers dalla secziun han il plascher da far part a quella radunonza. Aschia ei la secziun Pez Ault stada presenta mo cun dus delegai a Schiers. Cheu stuein nus segir ir inaga suls cudischs. Igl onn 2012 han 9 candidats da nossa secziun giu success tier igl examen da catscha. Suenter biars onns cun bunamein negins candidats fa quei naturalmein grond plascher. Per la tiarza gada havein nus era menau atras nies steh da trenament. Il victur da quei steh ei stau cun 492 puncts Bruno Solèr. Sco proxima occurenza igl onn 2012 ha nies tir intern ils 18-8-2012 giu liug. Las cefras dils quals che prendan part a quei tir ei ils davons onns adina s’augmentada. Aschia han igl onn 2012 64 catschadurs e catschaduras priu part a nies tir intern. Il premi prinzipal, la patenta da catsch’aulta, ei vegnius gudignaus a caschun da nossa sera faminliara da nies guardi selvaschina Arnold Caminada. Cunquei ch’el astga ir a catscha pervia da sia clamada eis el staus aschi generus e ha dau vinavon la patenta al proxim che ha giu il cletg. Quei ei stau Marcel Caduff da Morissen. Ad Arnold in grond engraziament per sia generusa gesta ed a Marcel bia plascher cun siu premi. Sco jeu hai gia fatgs attets vus pliras gadas, havein nus l’obligaziun visavi la vischnaunca da Vella da far mintg’onn min. 50 uras tgira sin lur terren. Igl onn 2012 havein nus saviu dar giu in rapport da 66.5 uras da persunas. Aschia havein nus era uonn prestau dapli uras che nezessari. In cordial engraziament a tut quels ch’ein segidai da contonscher las uras necessarias. Spezialmein a Maurus che tschenta adina ensemen las uras e dat giu il rapport allla vischnaunca. Ils 27-10-2012 ha gia per la tierza ga giu liug nies gi da tgira d’atun! Cun quei gi essan nus vegni da serar giu tut las lavurs da tgira planisadas. Detaglidas informaziuns sur da nos dus gis da tgira vegn Adria aunc a dar en siu rapport. In dils puncts culminonts digl onn da secziun ei per mei mintgamei nossa sera da catschadurs. Las historas ed ils discuors dalla davosa catscha stattan el center. Denton era ina buna tscheina ed il programm usitau astga segir buca muncar. En collaborazin cul chor da Suraua ha nossa sera da catschadurs giu liug sco usitau la davosa sonda da november uonn ad Uors. Nus havein astgau beneventar ca. 95 persunas a quella sera. Il chor ha embelliu la sera cun diversas canzuns e cun in excelent buffet. Per inagada ha ei dau negina carn salvadi. Deton manegiel jeu che quei ha disturbau negin quella sera. Nossa davosa occurenza ei stau il marcau da Daniev che ha giu liug a Morissen. Ils catschadurs da Morissen han menau atras ina bar, ch’ei stada frequentada fetg bein tochen viaden ella notg! A tut ils catschadurs da Morissen che han segidau en ina ni l’autra moda in cordial engraziament per vossa lavur! Sper la lavur ella secziun ha ei era dau lavurs sin palancau regiunal: Tier il project Parc Adula ha ina gruppa da luvar, che consista ord delagi dallas secziuns da catschadurs, dils guardia catscha pertucai e dad experts, priu si la lavur. Sco representat dalla Secziun Pez Ault ha Ronnie Caminada da Vrin priu part alla emprema sesida. A Ronnie in engraziament ch’el ei sedeclaraus prompts da surprender quella incarica. 4 SECZIUN PEZ AULT Protocol dalla radunonza generala dils 25-01-2013 Sco finiziun da miu rapport lessel jeu engraziar a tut quels che han segidau en ina l’autra fuorma duront igl onn ora. Spezialmein lessel jeu engraziar a mes consuprastonts, Natali, Retus, Adrian ed a Maurus per la lavur prestada. Era egl onn 2013 sperel jeu che jeu sai quintar cun vus catschaduras e catschadurs. Jeu giavischel a vus buna sanadat e naturalmein bia cletg ed fetg bia bialas uras sin nossa biala catscha Grischuna. Sursaissa, schaner 2013 il president Boris Caduff Suenter il rapport survegn Boris in applaus. Quei applaus prenda igl actuar Maurus sco approbaziun dil rapport ed engrazia aunc inagada al president e dat anavos ad el il plaid. 4. Approbaziun dil rapport annual dil cau da tgira Rapport dil cau da tgira Preziadas catschaduras, preziai catschadurs Egl onn 2012 ha nies gi da tgira dalla secziun giu liug ils 28 d' avrel. Quei gi havein prestau bunas 160 uras da lavur cun tener liber divers praus e pastiras da pascular per selvaschinas, tagliar ora caglias e tgira d' uaul (Waldrandpflege). El meins uost eis ei vegniu cultivau bien 3.0 ha praus sil terrotori da Lumbrein e Camuns. Ils 27 d' october havein menau atras il gi da tgira d' atun. A quei gi han 22 commembers priu part. Tgira havein fatg sil territori da Lumbrein, Vella e Morissen. Las lavurs ein stadas tagliar ora caglias e tener liber dutgs per che selvaschinas anflien vivonda pigl unviern. Lavurs da tgira culs candidats Pils candidats ha la tgira gia entschiet l' entschatt' avrel cun ina orientaziuns dil cau da tgira pertuccont las lavurs previdas il 2012. Els han prestau lavurs vid biotobs, tagliar ora caglias, tener liber sendas, lavurs da segirtad vias cantunalas Lumn. su e sut, segar e rischlar praus. Pigl onn 2013 ein 5 candidats novs sennunziai tier nossa secziun: Bundi Dumeni Cumbel, Capaul Dario Rampa/Degen, Hasler Martin Surrin/Turitg, Hendry Roger Vrin e Lombris Luca Vella. Ussa aunc entginas cefras per orientaziun: Quintau giu cul cantun per tgira 2012 Fr. 4315.00 Annunziau lavurs da tgira pigl onn 2013 Fr. 4200.00 Ils gis da tgira egl onn 2013 han liug ils 27 d' avrel ed il gi da tgira d' atun 19 d' october. Sco finiziun da miu rapport vulessel engraziar a vus tuts per las bunas lavurs da tgira pigl onn 2012. in engraziel fetg a mes collegas dalla cumissiun da tgira per lur lavur e sustegn. Era in engrazia fetg a tals che mettan a disposiziun lur maschina da segar privata a nossa secziun ed a Giacatin (Giachen Martin Arpagaus) in engrazia fetg per la reparatura gratuita. La tgira 5 SECZIUN PEZ AULT Protocol dalla radunonza generala dils 25-01-2013 sauda tier la catscha ed ei fetg impurtonta. Ei sauda a nus catschadurs e catschaduras da proteger ambient e selvaschina schi bein sco pusseivel. Engraziel fetg e sin bien seveser alla tgira 2013 il cau da tgira Adrian Casanova Suenter il rapport survegn Adrian in applaus. Quei applaus prenda il president sco approbaziu dil rapport ed engrazia ad Adrian per sia fetg gronda lavur ed era per sia reportascha dil gi da tgira el Catschadur Grischun. Adrian sa aunc ingada prender encunter in applaus dils presents. 5. Approbaziun dil rapport annual dil cau dil stan da sittar Rapport dil cau dil stan da sittar preziau president, preziai collegas da suprastonza, preziai presents Lavur cumina: Il meins d' avrel fatg las preparativas per meter en funcziun nies stabiliment da sittar a Bual. Preparau las schibas, stei per lenna e cumpletau il tschaffaballas. Fatg part han 18 catschadurs e prestau 54 uras da lavur. Duront la sesiun vargada havein fatg tuttas lavurs prevedidas, per il manteniment da nies stabiliment, seivs, segar e schubergiar la parzella che auda tier il stan. Per quellas lavurs han 50 commembers prestau enteifer igl onn 102 uras da lavur, jeu engraziel a tuts che han segidau. A caschun da nies tir intern han era dunnas prestau buna lavur en l' ustria a Bual, ad ellas engraziel jeu cordialmein. Exercezis ordinaris: Igl onn vargau havein dau caschun 18 gadas da sittar, a quels exercezis eis ei vegniu sittau buca meins che 309 gadas quei ei fetg pöascheivel. Era la disziplina duront ils exercezis ei stada fetg buna. Il setember, en l' jamna da interupziun dalla catscha han aunc 7 fatg part a quei exercezi, perquei haiel jeu era uonn priu avon da dar quella caschun. Campiunadi da trenament: Al campiunadi han 18 commembers fatg part e quels han sittau 65 passas. Ord il menaschi da tir aunc duas cefras cha vegnan buca menziunadas el quen final. Entradas per sittar Campiunadi 309 x 5.-fr 65 x 5.-fr In total entradas per sittar 1'545.-fr 325.-fr 1'870.-fr Inventari da muniziun ils 15 d' october 2012: GP 11 355 siets GR Spezial 80 siets Kegelspitz 73 siets Remington “Marlin” 43 siets Rotweil lieur 100 siets 6 SECZIUN PEZ AULT Protocol dalla radunonza generala dils 25-01-2013 La muniziun ordinaria sco numnau egl inventari saveis Vus era retrer uonn tier nus el stan, jeu postel denton la muniziun tenor vossas reservaziuns e Vus veis la muniziun per in prezi reduziu sco tochen da cheu. La muniziun GP 11 savein nus retrer uonn dalla secziun Mundaun per il prezi da 50 raps. Ei resta aunc a mi d' engraziar als consuprastonts per il sustegn, sco era a tuts che segidan e sustegnan mei. Vella, ils 22 da schaner 2013 Cau stan da sittar Natali Lombris Era Natali survegn suenter siu rapport in applaus dils presents. Quei applaus prenda nies president sco approbaziun dil rapport. Cunquei ch’ei dat neginas autras damondas pli engrazia nies president a Natali per sia fetg gronda lavur, Natali sa aunc inagada prender encunter in applaus. 6. Rediment da quen dil cassier, rapport e proposta dils revisurs ed approbaziun dil quen annual Nies cassier Retus Blumenthal presenta il quen annual. Il quen annual digl onn 2012 siara giu cun entradas da frs. 18'231.25 ed expensas da frs. 16'287.30 aschia seresulta in gudogn da frs. 1943.95 La hipoteca per il stan da sittar ils 31.12.2012 munta aunc a frs. 5'000.00. Tier il tir intern ha nossa secziun fatg in gudogn da frs. 2'110.00. Sur dalla ceffra dil marcau Daniev ha nies cassier aunc buca saviu dar sclariment. Pauli Riedi ha priu il plaid ed ha getg ch' el vegni ad assignar il recav schi spert sco pusseivel. Il revisur da quen Marcel Casanova menziunescha, che Maurus Arpagaus ed el hagien controllau il quen annual. Il quen ei vegnius menaus schuber ed en uorden e tut ils mussaments necessaris ein avon maun. Marcel engrazia a Retus per sia fetg buna lavur. Marcel Casanova propona, el num dils revisurs, d’approbar il quen. Sinquei vegn il quen digl onn 2012 approbaus unanim. Retus sa era prender encunter in applaus per sias breigias e fetg buna lavur prestada. 7. Fixaziun dalla contribuziun annuala Nies president metta cuort avon, co las contribuziuns annualas ein fixadas: La suprastonza fa la proposta da far ina midada d' alzament da 10 fr.- tier ils commembers passivs da 40 sin 50 francs. Commembers A Commembers B Commembers passivs 100.55.50.- Propostas ord las retschas dils commembers dat ei neginas. 7 SECZIUN PEZ AULT Protocol dalla radunonza generala dils 25-01-2013 Nies president metta cuort avon igl alzament dil preci per la gasetta da catscha „Catschadur Grischun“. Ella ei vegnida allzada naven da 25 sin 35 frs. Aschia survegn l' uniun 10 frs. pli pauc per commember en cassa. La suprastonza fa la proposta da buc’ alzar la contribuziunn per ils commembers A e commembers B. Las propostas vegnan approbadas unanim. 8. Prender conclus sur da propostas per mauns dalla radunonza da delegai dall’ uniun cantunala (BKPJV) Nies president declara che tenor statutas ston propostas vegnir dadas giu a scret alla suprastonza sil pli tard 10 gis avon la radunonza generala. Neginas propostas ein vegnidas inoltradas. Propostas specialas, ch' eran buca sin la gliesta da tractandas dalla radunonza generala, ein mo valeivlas, sch' ellas vegnan decididas da duas tiarzas dils presents cun dretg da votar. Mario Alig manegia ch' ei fuss schon d' inoltrar ina proposta per effectuar ina midada tier la catscha da camutschs. Da dar liber la catscha dallas cauras a schi biars gis sco il buc. Nies president vegn d' informar ch’ ina semeglionta proposta ei schon vegnida inoltrada d' in' autra secziun. Era Arnold Caminada manegia che la direcziun cantunala vegn schon ad ir en quella direcziun da dar liber dapli la caura. Mario Alig va daccort cun quei aschia. 9. Approbaziun dil program annual Program pigl onn 2013 25-01-2013 Radunonza generala 12-02-2013 2. radunonza da delegai dalla JSRS 23-02-2013 Radunonza dils presidents 23-04-2013 3. radunonza da dalegai dalla JSRS 27-04-2013 Gi da tgira dalla primavera e radunonza da secziun 25-05-2013 Radunonza da delegai dil BKPJV avrel-october: Trenament da sittar 17-08-2013 Tir intern 19-10-2013 Gi da tgira d'atun 30-11-2013 Sera familiara cun presentaziun da trofeas 10-12-2013 1. radunonza da delegai dalla JSRS Fin decem. Marcau Daniev program da sittar: La suprastonza fa suandonta proposta alla radunonza: Rangaziun supplementara, culs tiradurs che settan liber il ste da trenament. La suprastonza motivescha siu agir suandont: -porscher enzatgei niev sil stan -fa pli interessant il ste da trenament -spera che pli biars settan il ste da trenament. Pascal Casanova ei dil meini da schar sco quei ch' igl ei ord differents motivs 8 SECZIUN PEZ AULT Protocol dalla radunonza generala dils 25-01-2013 Nies president vegn tier la votaziun. Per la proposta dalla suprastonza: 9 per la proposta da Pascal: 6 Nies president fa attents ch' ils ste da trenament tschentau e liber, vegnan niev sittai mo pli cun cedel da mussament. Igl ei buca adina stau sempel per ils gidonters sil stan da sittar cu ei vegneva entschiet il ste ed ei dat era buca don da duvrar ils squitschaders. Sera familiara : -Ils commembers/As ein tier la votaziun cun grond pli dil meini dalla suprastonza, che mo commembers/As A e B han il dretg sin ils premis principals, las duas patentas. -per survegnir ina dallas duas patentas ston ins esser presents quella sera. La suprastonza vegn cun la proposta da sluccar empau quella tenuta cun la suandonta explicaziun: Tier ina absenza dalla sera familiara valan suandonts puncts sco dretg sin ils premis principals las duas patentas: - mortori en famiglia ni attest dil miedi. Igl attest dil miedi ei da dar giu avon la sera familiara ad in commember dalla suprastonza. Arthur Caduff fa la proposta da dar a tuts, semplamein tgi che vegn tratgs ora, survegn il premi, sch' ins ei presents ni buc. Pascal Casanova fa la proposta da schar sco igl ei, pia mo a quels ch' ein leu. Resultats dalla votaziun: Proposta dad Arthur:1. Proposta da Pascal: 9. Proposta dalla supr. 4. -Plinavon ei vegniu decidiu ch' ils premis principals (las duas patentas) ein convertiblas mo sch' ins va era sez a quella catscha. Marcau Daniev: 2013 ei Cumbel vidlunder cun il marcau Daniev. Demai ch' igl ei fetg paucs catschadurs vegn eventualmein la suprastonza a segidar cun l' organisaziun per la presenza da nossa secziun. Il program digl onn vegn approbaus unanim. 10. Honoraziuns / mutaziuns Las honoraziuns vegnan era getgas cursera -Commembers A , ch' appartegnan 25 onns nuninterutamein alla secziun, retscheivan la medaglia da veterans dalla secziun Péz Ault, quei ein: Lombris Gieri Vella. -Commembers, che cumpleneschan egl onn current 60 onns e ch' ein sil pli pauc nuninterutamein 25 onns commembers dall’uniun cantunala, daventan veterans, quei ein: Leopold Caviezel Vrin, Anton Derungs Surcasti, Tarcisi Derungs Küblis, Maurus Arpagaus Uors, Bruno Caduff Vella, Franz Caduff Morissen, Walter Caduff Schluein, Geli Casanova Vattiz, Pieder Derungs Surcasti. 9 SECZIUN PEZ AULT Protocol dalla radunonza generala dils 25-01-2013 -Commembers, che cumpleneschan egl onn current 70 onns e ch' ein sil pli pauc dapi 25 onns nuninterutamein commembers dall’ uniun cantunala, daventan commembers libers, quei ein: Meinrad Collenberg Morissen, Paul Flury Vattiz. Entradas: Alig Martin Vrin, Arpagaus Dario Uors, Blumenthal Livio Vella, Caduff Dario Degen, Camenisch Simon Morissen, Casanova Reto Vrin, Collenberg Beat Morissen, Laffer Philippe Basel, Capaul Simon Trin/Mulin e Casanova Josef Vrin. Cun grond pli vegnan ils novs commembers pri si. Extradas: negin Mortoris: negin Noss’ uniun dumbra ils 31-01-2013: 170 commembers/As Commembers A 161 Commembers B 7 Commembers passivs e fauturs 2 11. Elecziuns per ina perioda da dus onns: actuar, il cau dil stan da sittar, in revisur da quen ed in suppleant, sco era la cumissiun da tgira. Actuar Sco actuar vegn Maurus Demont reelegius cun applaus. Nies president engrazia a Maurus per sia lavur prestada. Cau dil stan da sittar Sco cau dil stan da sittar vegn Natali Lombris reelegius cun applaus. Nies president engrazia a Natali per sia fetg buna lavur prestada. Revisur da quen Sco revisur da quen vegn Maurus Arpagaus reelegius cun applaus. Suppleant revisur da quen Sco suppleant revisur da quen vegn Gioni Capaul reelegius cun applaus. La cumissiun da tgira vegn elegida mintgonn. Nies president prelegia las duas demissiuns a scret da Lucas Halter Vella e da Richard Lombris Vrin. Ad els admetta nies president in grond engraziel per la lavur prestada. Per Vella ei Livio Blumenthal promts da surprender. Ord quei motiv ei era vegniu midau all' entschatta la gliesta da tractandas. Livio ha stuiu vegnir prius si igl emprem ella secziun avon l' elecziun. Per Vrin vegnan Leopold Caviezel e Martin Alig proponi, Martin Alig ei promts da surprender quei pensum. Martin e Livio vegnan elegi cun applaus ed era ils ulteriurs commembers dalla cumissiun da tgira vegnan reelegi cun applaus. nies president engrazia a tut ils funcziunaris per la lavur prestada. 10 SECZIUN PEZ AULT Protocol dalla radunonza generala dils 25-01-2013 12. Diversas orientaziuns -Ronnie Caminada vegn mess avon alla radunonza sco representant dalla secziun Pez Ault pil Parc Adula. Ronnie vegn elegius cun grond pli ufficialmein sco representant dalla secziun Pez Ault. Arnold Caminada dat aunc entgin sclariment tgei ch' ei passau e curriu en caussa. - Pirmina Caminada ei vegnida elegida ella cumissiun da catscha e Boris gratulescha da cheu anora ad ella. -Dess la suprastonza s‘involvar public sur dil tema parc da vent? Nies president metta en discussiun quei tema. Adrian Casanova prenda il plaid e manegia da plitost buca s‘involvar. Marco Casanova ei era dil meini d' Adrian, negin auter prenda il plaid. -Nossa nova pagina d' intenet. Ils cuosts muntan a 400 frs. e suenter mintgamei ca. 20 frs. ad onn. -Adrian informescha sur dalla parcella sil territori da Lumbrein, per saver cultivar el num dalla secziun. El vegn a dumandar la nova vischnaunca Lumnezia sco quei vesa ora e con ch' il tscheins ei. Era tier la parcella sin Plauncas Seniastras a Morissen ha el mess avon. Quels da Morissen han buca pretendiu tscheins. 13. Elecziun dils delegai dalla secziun per il cuoz dad in onn Noss’ uniun sa tarmetter 4 delegai alla radunonza da delegai dil BKPJV (ina radunonza) e tier las radunonzas dallas uniuns unidas dalla surselva, 3 delegai (3 radunonzas). Nies president ei dil meini, ch' ei sudess schon alla radunonza generala, d' eleger ils delegai e dat liber per far propostas. Conrad Capeder vegn proponius ed ei sedeclaraus promts. Mihel Caduff vegn proponius, sa buca vegnir. Pascal Casanova e Roland Casanova vegnan proponi ed ein sedeclarai promts d' ir sco delegai. 14. Varia -Ei vegn a dar negina exposiziun da catscha e pesca giu Cuera. -Leopold Caviezel fa la damonda sch' ins sa survegnir ina copia dil cedel da resultats (Standblatt) dil tir intern. Nies president gi ch' el vegni a far quei per quels che vulan ei. -l' emprema runda vegn pagada dalla secziun. negin auter prenda il plaid. Sco davos engrazia nies president als consuprastonts per la buna collaboraziun. Allas 22.45 uras siara nies president la radunonza 11 SECZIUN PEZ AULT Protocol dalla radunonza generala dils 25-01-2013 Vella, ils 10 da fevrer 2013 il president: igl actuar: Boris Caduff Maurus Demont …..................................... …........................................ 12
© Copyright 2024 Paperzz
