O SE ISI AVANOA

Lesona 16
O SE ISI AVANOA
O le Fanau Fa’alua
O le atamai o se tagata, agalelei, ma lelei, e lē o ni uiga nei e manaomia ina ia
faafiafiaina ai se tagata, e lē faamausaliina ai le filemu. E miliona ma miliona
tagata e lē o fiafia ma o le mafuaaga o lenei tulaga, e lē o malamalama i ai i taimi
uma. Ua fanau mai se tamaitiiti, ma ola a’e, ona ia iloa lea mai i se olaga laititi faa
le talavou, faafitauli lava ia o loo fa’aauau ona i ai – o puapuaga ma fete’ena’iga i
itu uma. E toatele tagata latou te lē iloa le auga o lo latou ola ai i le olaga, latou te
lē iloa poo fea na latou o mai ai, poo fea foi o latou agai atu i ai – i totonu o le
taimi o o latou olaga poo le i’uga foi o o latou olaga. A mavae se olaga lē
mautinoa, mafatia ma le puapuagatia, ona oti lea o le tagata. O le a le mafuaaga na
ola ai? Ae e i ai ea, pe e mafai ea ona i ai se mafuaaga poo se sini mo le ola?
E tasi lava le mafuaaga mo lo tatou ola ai iinei, ma tatou te manaomia ina ia tatou
manatunatu loloto lelei i lenei fesili, auā o lo tatou saogalemu i le taimi lenei ma le
lumanai, e faalagolago lea i se malamalamaaga sa’o e faatatau i lenei autu. E
matuā telē lava lona taua. Afai ei totonu ia i tatou le filemu ma le faamoemoe o se
lalolagi sili atu ona lelei, o le a tatou fiafia foi ma tatou manatunatu i le olaga i se
manatu mautinoa.
I lo tatou tulaga o loo i ai nei, e lē mafai ona maua le malo oi lumanai o le mamalu.
E ui lava ina manatu le toatele o tagata o i latou o ni tagata lelei, peita’i o loo
tumau pea le mea moni “ua agasala tagata uma lava” Roma 3:23. Afai tatou te
faapea e leai sa tatou agasala, ua tatou faasese ia i tatou lava (1 Ioane 1:8). O le a
la se mea e tatau ona tatou faia, ina ia mafai ai ona avea i tatou ma suli o le lalolagi
a sau? O le tali, e matuā faigofie lava, e tatau ona tatou faataunuuina manaoga o le
Atua! E tatau ona tatou toe fanau, o le uiga o lenei faaupuga, e tatau ona tatou suia
o tatou olaga ina ia tasi atoatoa ai i tatou ma le finagalo o le Atua. O le autu lenei o
le a tatou su’esu’e i ai i lenei lesona.
AISEA TATOU TE MANAOMIA AI SE TOE FANAU FA’ALUA?
O le tele o ni tausaga ua mavae, na sau ai se tasi o le fono sili ona maualuga a
Iutaia. O Nikotemo, na sau ia Iesu i se tasi po e talanoa ma Ia. Na faalogo muamua
Nikotemo i a’oa’oga a Iesu ma sa matuā loloto ai lava lona aafiaga. Na tatalaina
lona loto, ma naunau ina ia malamalama i le upu moni ma na vave lava ona tuuina
atu e le Matai le tali i ana fesili uma lava.
“Ua tali atu Iesu, ua faapea atu ia te ia, E moni, e moni, ou te fai atu ia te oe, a
lē toe fanau le tagata, e lē mafai ona iloa e ia le malo o le Atua.” – Ioane 3:3.
Ona faamatalaina lea o le uiga o le fanau fouina: “Ua tali atu Iesu, E moni, e
moni, ou te fai atu ia te oe, Afai e le fanau se tasi i le vai ma le Agaga, e le mafai
1
ona sao o ia i le malo o le Atua. O le ua fanau mai i la le tino, o le tino lea; o le
ua fanau mai foi i la le Agaga, o le agaga lea. Aua e te ofo auā na ou fai atu ia
te oe, E ao ina toe fanau mai outou.” – Ioane 3:5-7.
O le toe fanau i le Agaga, o lona uiga, o le toe foafoaina lea. O le motusiaeseina
mai lea o lagona mai i faanaunauga tuai ma faapipi’i atu le loto ma lagona i le
Atua. Seivagana ua tupu lenei suiga i totonu o le olaga, e lē mafai e se tagata ona
ulufale atu i le malo o le Atua.
A lē tutusa loa a tatou fuafuaga ma a tatou faufauga ma le finagalo o le Atua, ua
tuua loa i tatou ina ia tatou savavali tautevateva i o tatou ala agasala, ma mulimuli
ane ai loa “…o le totogi o le agasala o le oti…” – Roma 6:23.
O le loto faalenatura o le tagata, e leaga, ma e naunau lava e filifili ituaiga agasala
uma lava. Ua faamatala mai e Paulo le tulaga o i latou o loo aunoa ma le Atua: “O
loo tutumu i latou i amio leaga uma lava, o le faitaaga, o le amio ulavale, o le
manumanu, o le loto leaga; o loo tumu saisai i le matau’a, o le fasioti tagata, o
le misa, o le ’ole’olega, ma le faatautala; O tuaupua i latou, o e fai tala leaga, o
ē inoino i le Atua, o ē faasiasia, o ē fa’asauā, o ē faafiasilisili, o ē fia fai togafiti i
mea leaga, o ē lē anaana i matua, O ē valelea, o ē tuumavaega, o ē lē lotoaiga, o
ē lē faamolemoleina, ma ē faalēalolofa:” – Roma 1:29-31.
O loo faamatala mai foi e le aposetolo o Paulo, e lē mafai ona i ai se sootaga i le va
o le tagata e faalelalolagi lona mafaufau ma le tagata e faaleagaga lona mafaufau:
“Auā o ē i la le tino e loto atu i latou i mea a le tino; a’o ē i la le Agaga e loto atu
i mea a le Agaga. Auā o le loto i la le tino o le oti lea; a’o le loto i la le Agaga o
le ola lea ma le manuia; Auā o le loto i la le tino o le ita lea i le Atua; auā e lē
usiusitai i le tulafono a le Atua, e lē mafai foi ona mafai ona usiusitai i ai. O i
latou foi oi la le tino, e lē mafai ona latou faamalieina le Atua.” – Roma 8:5-8.
I le silafaga a le Atua, o i latou e lē usitai i Lana Upu, ua faaigoaina i latou o ni
tagata ua feoti. Fai mai Paulo o loo latou galulue tete’e i le Atua ma o i latou o
fanau o le toasa, ma o le mea lea ua latou oti faaleagaga ai. E na o se olaga puupuu
lava faalelalolagi e faia i ai a latou fuafuaga, ma latou lē amanaia ai le fuafuaga a
le lagi mo le olaga lenei ma le olaga a sau.
“O outou foi lava o ē na oti i amio leaga ma agasala, na outou savavali ai
anamua, e tusa ma le tu a lenei lalolagi, e tusa ma le taita’i o le au faipule i le va
nimonimo, o le agaga lea o loo matua galue nei i ē ua faalogogata; O i tatou foi,
na amio faatasi i tatou uma lava ma i latou anamua, ina ua tatou nonofo i
tu’inanau o tatou tino, na faia foi e i tatou o mea na loto i ai le tino atoa ma le
mafaufau, na fanau mai foi i tatou o le fanauga a le toasa, faapei o isi atoa foi.”
– Efeso 2:1-3.
O i latou ua oti faaleagaga, ua latou lē iloa le tulaga faafanoina ua latou o’o i ai. Ua
susunuina lo latou malamalamaaga o le mafaufau, ua gase o latou mafaufau, ma, i
lenei tulaga, ua latou lē mafai ai ona malamalama i o latou manaoga faaleagaga, ua
leai foi so latou naunautaiga mo se ala sili atu ona lelei o le olaga. E tatau ona faia
2
se gaioiga ina ia toe faatuina mai ai nei tagata nai lo latou oti faaleagaga. O le tali,
o le tala lelei lea. E na o le tala lelei lava e mafai ona toe foa’iina mai le ola: “O le
mea foi lea na folafolaina atu ai le tala lelei i ē ua oti, ina ia faamasinoina e
tusa ai ma tagata i la le tino, ae ola ai i la le Atua i le agaga.” – 1 Peteru 4:6.
O le toe foafoaina e aoga lea, auā a aunoa ma lea, e lē mafai ona faamagaloina
agasala. Maitau mai le mafuaaga e tatau ai ona toe liua le tagata agasala: “Inā
salamo ia outou ma liliu, ina ia soloiesea a outou agasala,…” – Galuega 3:19.
E tatau ona iloa ma lagona e le tagata agasala lona manaoga, aioi atu mo le alofa
tunoa o le Atua, ma ia inoino i le agasala. O tagata taitasi e tatau ona ia iloa lona
tulaga agasala, salamo ma fa’ailoa mai se naunautaiga mo se liuaga maumaututu
ma o le a taliaina loa i latou e le Atua.
E FAAPEFEA ONA LIUA?
Na fetalai mai Iesu, o le Agaga Paia o le a Ia faailoaina i le tagata agasala lona ala
ma amioga sese. E fetalai le Agaga i se tagata i auala eseese: E ala i le Upu a le
Atua (tusia pe tautalagia foi), e ala i le Agaga Paia (e ala mai i le malamalamaaga
o le mafaufau, o mea e tutupu, poo le olaga i aso taitasi) ma e ala mai foi i galuega
o le natura. E faailoa mai e le Agaga i tagata a latou agasala ina ia iloa e tagata
taitoatasi le tulaga moni o o latou olaga.
“A maliu mai foi o ia, na te faailoa atu i le lalolagi le agasala, ma le amiotonu,
ma le faamasinoga. Ae a maliu mai o ia, o le Agaga lea o le Upu moni, e ta’ita’i
e ia ia te outou i upu moni uma; auā e lē tautala fua ia na o ia, a’o mea uma e
faalogo i ai o ia, e tautala a’i lava, ma faailoa mai ia te outou mea o le a o’o
mai.” – Ioane 16:8, 13.
A faatalitonuina loa le tagata agasala i sese ua ia faia, e mafai loa ona talia e le
tagata agasala le valaaulia a Keriso: “Ia outou o mai ia te a’u, o outou uma o
tigaina ma mafatia i avega, o le a Ou foa’i atu foi ia te outou le malologa.” –
Mataio 11:28.
“Lo’u atalii e, aumai ia lou loto ia te a’u, ma ia fiafia ou mata i o’u ala.” –
Faataoto 23:26.
E sau le tagata agasala ia Keriso, ona i ai lea o se isi mea e tatau ona faia. E tatau
ona filifili loa le loto ina ia tulai i le itu a le Atua; ona sosoo mai ai loa lea ma le
amataga o le faasologa o le liuaga o le olaga.
O gaioiga agasala ia sa faia muamua i le olaga, e tatau ona lafoa’ia. E lē lava le na
ona fa’aalia o agasala: e tatau ona salamo le tagata mai i amioga leaga ma ia
lafoa’ia.
“Ia outou saili ia Ieova manū o mafai ona maua o ia; ia outou valaau ia te ia
manu o latalata mai o ia; Ia lafoa’i e le ua amio leaga lona ala, ma le tagata
agasala ia lafoa’i e ia ona manatu; a ia fo’i mai ia Ieova, ona alofa mai lea o ia
3
ia te ia; ia fo’i mai i lo tatou Atua, auā na te matuā faamagaloina.” – Isaia 55:6,
7.
O le salamo moni, o lona uiga o le faanoanoa lea mo agasala ma le liliu ese mai i
le agasala. Maitau mai le faata’ita’iga o le fa’aaliga o le agasala a Tavita ma lona
salamo: “Le Atua e, ia e alofa mai ia te a’u, e tusa ma lou lava alofa; e tusa ma
le tele o lou alofa mutimutivale, ia e soloiesea o’u solitulafono. Ia matua fufulu
mai ia te a’u i la’u amio leaga, ma ia e faamama mai ia te a’u i la’u agasala.
Aua ua ou iloa e a’u lo’u solitulafono; e le aunoa foi ona i ai i o’u luma o la’u
agasala. Ua ou agasala atu ia te oe, na o oe lava; ua ou faia foi lenei mea leaga i
ou luma; e tonu ai oe i lau fetalaiga, e sao foi oe pe a e faamasino. Ia e
faamama ia te a’u i le isopo, ona mama ai lea o a’u; ia e fufulu mai ia te a’u,
ona sinasina ai lea o a’u e sili i lo le kiona.” – Salamo 51:1-4, 7.
O A UIGA O SE TAGATA UA TOE FANAUFOUINA?
O le toe fanaufouina poo le liuaga o le amio, o loo faatusaina i se tamaititi fa’ato’a
fanau mai. O mea uma lava, ua fou, tumu i le faamoemoe ma faaosofia ai le fiafia.
O le olaga tuai o le valea, ua matuā ese lava mai i lenei olaga ola. O se
faigamalaga fou ua amata nei i se itu e faafeagai ma le taula’iga o le ala tuai, o le
ala lea o le iloaina o loo ē faia le finagalo o le Atua. Na fai mai Paulo: “O lenei,
afai o ia Keriso se tasi, o le tagata fou ia; ua mavae mea tuai, faauta, ua
faafouina mea uma.” – 2 Korinito 5:17.
O se tagata ua liua, na te lē saili mo mea o le lalolagi, peitai na te sailia muamua
lava mea uma e faatatau i le malo o le Atua. “O lenei, afai ua toe faatuina outou
faatasi ma Keriso, ia outou saili i mea oi lugā, i le mea o i ai Keriso, o loo nofo i
le itu taumatau o le Atua. Ia outou loto lava i mea i lugā, ae lē o mea i le
lalolagi.” – Kolose 3:1,2.
O le i’uga e tasi o le liuaga moni, e faamaonia i galuega a se tane poo se tama’itai
ua toe fanaufouina. O gaioiga, upu, manatunatuga ma mea uma lava i o latou olaga,
o le a fa’aalia ai poo i latou o ni tagata fou moni, poo ola pea lava le tagata agasala
tuai. O le a faigofie lava ona iloaina o loo ta’ita’i e le Atua le ola fou. “Ina ua
outou faalogologo ia te ia, ma ua a’oa’oina i lana matāupu, e tusa ma le upu
moni o loo ia Iesu; Ina ia outou to ese le tagata tuai o loo ua leaga, e tusa ma le
amioga fa’aanamua, e tusa ma tuinanau e faasese ai; A ia toe fuata’iina
mana’o o outou loto, ma ia oofu outou i le tagata fou ua faia e foliga i le Atua, i
le amiotonu ma le amio lelei e faamaoni.” – Efeso 4:21-24.
“Afai e faafo’i e lē ua amio leaga le mea e tu’u fa’afaatau, ma toe avane le mea
na ia fao, ma ia savali i sauniga e ola ai, ma ua lē fai le amio leaga; e ola lava ia,
e le oti.” – Esekielu 33:15.
“Ua tatou iloa lenei mea, na faasatauroina faatasi ma ia lo tatou tagata tuai, ina
ia faaumatia ai le tino o le agasala, ina ia lē toe faapologaina i tatou i le
agasala.” – Roma 6:6, 7.
4
“Le au uso e, o le toe upu lenei; o mea uma ua moni, o mea uma ua ta’uleleia, o
mea uma ua tonu, o mea uma ua mamā, o mea uma ua matagofie, ma mea uma
ua logoleleia, afai foi o i ai se isi amio lelei, poo se tasi mea e viia, ia outou
manatunatu i ia lava mea.” – Filipi 4:8.
E matuā fiafia lava le tagata ua avea ma tagata fou i totonu ia Iesu Keriso. O se
tagata liua faapena, ua i ai o ia i lalo o le aafiaga o le Agaga Paia. O mafaufauga
fou ua fausiaina ai le faavae o lona mafaufau. O manatunatuga fou ua suitulaga i
manatunatuga tuai. Ua i ai i le tagata lagona ese ma uiga. Ua pulea le olaga e
tapulaa fou. O mea sa ia fiafia muamua i ai, o lenei ua ia inoino i ai. O le mālo o le
Atua, na pau lava lea o lona fiafiaga. I le taimi muamua, na ia fiafia e fai mea
leaga, a’o lenei ua ia inoino i ai. E le’i i ai se fiafiaga muamua ina ia faia mea lelei,
peitai o le taimi lenei, ua avea nei ma ona fiafiaga atoatoa lava. O le taimi sa
fa’aaogaina i fiafiaga, taaloga ma amioga valea; o lenei ua ia inoino i ai i le taimi e
faama’imauina i nei mea. A’o le’i liua o ia, sa le’i i ai se naunautaiga ina ia
faitauina le Tusi Paia, usuina se pese, tatalo, poo le alu foi i le lotu, a’o lenei ua
avea ma fiafiaga le faia o nei mea uma lava. O mea sa ia fiafia muamua i ai, o
lenei ua ia inosia, ma o mea sa ia inosia muamua, o lenei ua ia fiafia i ai. Ua suia
mea uma lava. O se tagata fou lenei. Ua avea o ia ma tagata fou, ona ua afio ma
nofo Keriso i totonu o le loto. Ua agamalu ma loto maulalo le loto faamaualuga, ua
manino le mafaufau o le tagata onā, ua faamamāina le loto o le tagata sauā, o le
loto femoumoua’i ua talitonuina, o le tagata pepelo ua faamaoni, o le tagata amio
faavalea, ua faautauta.
E mafai ona avea se tagata o se tagata sili ona leaga i tagata amioleaga, ua goto ifo
i le agasala, peitai e mafai pea ona lavea’iina i latou ma fa’aatoatoaina. O lenei le
folafolaga: “O a’u, o a’u lava lē soloiesea au solitulafono, ona o a’u lava; o au
agasala foi ou te lē manatua ia.” – Isaia 43:25.
“Ua ou soloia ou solitulafono e pei o se ao mafiafia, ma au agasala, e pei o se
ao; fo’i mai ia ia te a’u, auā ua ou faatauina oe.” – Isaia 44:22.
O LE A LE TAUI SILISILI LAVA O LE AVEA MA TAGATA
LIUA?
“A’o i latou uma o ē na talia o ia, ma talitonu i lona suafa, na ia avatu i ai o lea
mana, ia avea i latou ma fanau a le Atua:” – Ioane 1:12.
Se’i matuā manatunatu lava i ai. Se liuaga matuā matagofie tele! O se tagata ua
liua ua avea ma atalii ma afafine toe faatauina mai o le Atua. Se tulaga matuā
matagofie!. Mai i le avea ma atalii poo se afafine o le toasa, ua avea nei le tagata
ma atalii poo se afafine-fai o le Tamā faalelagi. O le avea ma atalii poo se afafine
o le Atua, o se mea matuā moni sili lenei ona taua. O le avea ma tagata o le aiga o
le Atua, o se mamalu silisili lenei e mafai ona tuuina mai i soo se tagata lava.
“O lenei, e lē toe tagata ese outou, po o ē ua aumau, a ua nuu faatasi ma le au
paia, o le aiga foi o le Atua;” – Efeso 2:19.
5
O le faamamaluina i le avea ma tagata o le aiga o le Atua, o se mamalu silisili
lenei ona maualuga e mafai ona maua e se tagata. E faia a’i i tatou ma suli i se
malo mamalu e faavavau.
“O atalii outou, o le mea lea ua auina mai ai e le Atua le Agaga o lona Alo i o
outou loto, o valaau, Ava, le Tamā e. O lea e te le se pologa ai i ona po nei, a’o
le atalii; ae afai o le atalii, o le suli foi o le Atua ia Keriso.” – Kalatia 4:6, 7.
O le tofi ua folafolaina mai i le fanau a le Atua, o le a foa’iina mai i le toe afio
mamalu mai o Iesu Keriso. O le a Ia valaauliaina suli ina ia fai mo i latou le
lalolagi fou: “O le a fai atu foi le tupu i ē oi lona itu taumatau, o mai ia, o outou
ua faamanuiaina e lo’u Tamā, ia fai mo outou tofi le malo na saunia mo outou
mai i le faavaeina o le lalolagi:” – Mataio 25:34.
O le tofi o le fanau a le Atua, o le lalolagi atoa lava lea i le taimi o le a faafouina ai.
O le a fai lea mo i latou i le olaga e faavavau.
“A’o ē agamalu, o le a fai mo i latou le laueleele; o le a faafiafia foi i latou ia i
latou ona o le filemu e tele.” “O loo silafia e Ieova aso o ē ua sao a latou amio; o
lo latou tofi o le a faavavau lea.” “O le a fai lava le laueleele mo tagata
amiotonu, o le a nonofo ai pea i latou e faavavau.” – Salamo 37:11, 18, 29
Lomia e le: Upu Moni Mo Le Taimi Lenei
PO Box 6458 Apia WESTERN SAMOA
6
O SE ISI AVANOA
O le Fanau Fa’alua
1.
O le toe fanaufouina o lona uiga o le: (Togi  le tali sa’o).
..... o le avea lea ma Kerisiano
..... o le papatisoina lea
..... o le avea lea ma tagata fou i totonu ia Keriso.
2. Faamatala le eseesega i le va o le tagata e mafaufau
faalelalolagi ma le tagata e faaleagaga lona mafaufau.
__________________________________________________________
__________________________________________________________
__________________________________________________________
__________________________________________________________
3.
Fa’auma lenei fuaiupu o le Tusi Paia.
“O lenei, inā salamo ia outou ma _____________, ina ia
___________ a outou __________.” – Galuega 3:19.
4.
Ta’u mai auala e tolu a le Atua na te fetalai mai ai ia i tatou.
i) _______________________________________________________
ii) _______________________________________________________
iii) ______________________________________________________
5.
Faatulaga sa’o mai nei laasaga o le liuaga. (Faanumera vaega
nei
mai i le 1-5)
.....
.....
.....
Ua toe fanaufouina i tatou
Ua tatou tuuina atu o tatou loto ia Iesu.
Ua tatou iloaina le Upu a le Atua ma ua tatou lagonaina lo
tatou
manaoga.
..... Ua tatou iloa a tatou agasala ma tatou salamo loa.
..... Ua tatou taliaina le valaaulia a le Atua ma ua tatou talia e ala
i le faatuatua Lana meaalofa o le faaolataga na folafolaina mai.
6. O le fea o uiga o loo mulimuli mai, e te manatu o ni uiga ia
o
se tagata ua liua moni lava? (Togi  le tali sa’o).
.....
O le tagata o loo vaaia o loo alu fa’alausoso’o i le lotu ma o loo
auai i faagaioiga a le ekalesia.
.....
O le tagata e su’esu’eina le Tusi Paia i aso taitasi ae na te lē
faatinoina nei suesuega i
lona olaga i aso taitasi.
..... O le tagata na te saili i taimi uma lava ina ia faamalieina le Atua ma isi i
mea uma lava latou te faia.
7
7.
O ē iloaina ea lou manaoga ina ia ē toe fanau i le Atua? O le a
ē filifili ea ina ia avea oe ma atalii poo se afafine o le Atua?
_________________________________________________________
_________________________________________________________
_________________________________________________________
_________________________________________________________
Auala & Numera
Nuu/Taulaga/Aai ________________________
Setete _________Numera Itumalō ________
Atunuu _______________________________
Faamolemole faafo’i lenei Ta’iala Toe Iloiloina i le Tuatusi lenei:
SU’ESU’EGA FETUSIA’I o le UPU MONI MO LE TAIMI LENEI
P O Box 6458, Apia, Western Samoa
TA’IALA TOE ILOILOINA - LESONA 16
8

Download Report