Comunicazione chiusura Scuole e Uffici

SEZIONE LOCALE
Primo classificato
SA CASTAGNA DE CURADORE
lstanca deo a bratzos in aeras
donnia die passo sa vida mia,
in s'istiu ischida e in s'ierru ormia
e tegno setteghentas primaveras,
in tonaresas terras, tantu fieras,
de Curadore, inue seo naschia.
Como sola che unu monumentu
cumbattinno ancora nie e bentu.
Mudo custu logu bene frugnia,
donni'annu daghi arribat eranu,
prus no intenno, su bellu sonu arcanu
de pittiolos, po mimi cumpagnia.
Cussa musìca allirga est finia,
e mudu, custu logu est fitianu.
Che unu monumentu seo sola
in pitzu meu mancu mimiola.
Cun-i su sole iscamio foeddu
cann'incarat, e issu mi faet s'ogu,
ddu faeus ognora custu giogu,
dae canno fia unu prantoneddu.
Issu su mannu e de adeie isteddu,
semper meletzat de mi ponner fogu.
Abba, nie cun bentu cumbattinno
a sa calura puru arresistinno.
A costaos meos, ite tristura!
Malaidu est su truncu, ite dolore!
Custu logu no tenet prus colore,
rispettu no ddu at po sa natura.
In s'oru meu est prenu de brutura
e a buca mi nn'arribat su sabore.
E chi sighit ancora custu crisu
acoitu mi calant in chinisu.
In terra sarda seo sa prus manna,
e dae punta amiro Gennargentu.
I naes mi ddas zannigat su 'entu
e sa luna mi cantat ninna nanna.
Una orta beniant Chicca e Giuanna
a 'oddire, cantanno cun talentu!
Bellas ottadas, mutos de amore,
no intenno innoge prus, ite dolore!
Fuit su tempus tirannu e fraitzu
dae nanti passada m'est s'istoria.
I figios meos mortos po sa gloria,
in tantas gherras chi porto in pitzu,
ddos arregodo a lumene e a ditzu
e mi nne leo in coro sa memoria.
Po servire su Re, o sa Reina
istratziaos dae cust'arraigina.
Benint sempere a mi bisitare
e Tonara de me si nne faet vantu
su turista mi cardiat cun ispantu
sutta meu si ponet a brincare
daghi benit s'ora 'e si nn'annare
a totucantos dd'is fuit su prantu.
Cussas lagrimas de sinceru amore
abbant sa castagna de Curadore.
Francesco Elio Sulis - Tonara
In questo componimento in ottave, connotato da alcune delicate ed efficaci figure
retoriche, il poeta esprime la preoccupazione per l'abbandono delle campagne e il
conseguente degrado ambientale.
Spettatore degli eventi e dei cambiamenti è il castagno plurisecolare che, nel tempo,
ha assistito al venir meno della melodia delle greggi e del canto delle donne intente
alla raccolta dei frutti del bosco e all'avanzare di abbandono e incuria.
Unico sostegno arriva dalle lacrime di gioia dei visitatori, lacrime che infondono alla
pianta linfa vitale per la sua sopravvivenza.
***
Chin sas paraulas de sa castanza ‘e Curadore, s’autore faghet unu ‘olu pindaricu
contandenos sa diferessia tra s’eris e s’oje, chin d-una punta de orgogliu po sa terra
nadia e un’atera de nostalgia po sos tempos chi non torran prus.
SEZIONE LOCALE
Secondo classificato
SU CANTAREDDU
Cala cala cantareddu,
cun sonos de melodia,
c'alligras sa fantasia;
fatu t'has a coffiggeddu
in sa perda, su signale,
in funnu 'e su laccheddu
parent toccos de marteddu
ma ses cosa naturale.
Calas da intro 'e su monte
calas da intro 'e s'intragna
e dd'alligras sa campagna
calas finas a s'orizonte.
Tue das ristoru e ghia
a ogni essere vivente
e m'inchino riverente
a sa tua abba pulia.
Deo frimu pogno pè
ti castio cun ammiru
ogni tantu unu suspiru,
chi m'agatto in Galusè,
inue tempos passaos
tantas bortas has intesu
cuddu vate tonaresu
cun sos canticos alaos.
Calas friscu in su cuzone
e formas un'errizolu,
e a tottus gias consolu.
E sidiu unu pigione,
iscutulanno is alas,
s'appagat e si nne olat,
a dognunu canno colat
non ddi furrias is palas.
Si frittit unu ezzone
e dda prenet sa uppada,
unu basu issu ddi hada
a s'umbra 'e su costone,
tottugantu est suerau,
ma cuss'abba cristallina
est che sa manu divina,
chi Deus dd'hat inviau.
Buffat unu pitzoccheddu
e giogat e ischizzat s'abba
non dda finit non d'accabbat
cala cala cantareddu.
Tanno passat s'animale
troppu carrigu e sidiu
issu arribat imarriu
e si nn'annat chentza male.
Pustis unu cadditteddu
s'accorziat ai cussu laccu
istancu fut e fiaccu,
cala cala cantareddu.
Ogni casta 'e animale
ogni essere vivente
est cun tue riverente
ca sanas onnia male.
E s'orroda 'e su molinu
giras po molet frumentu
e nne salvas prus de chentu
da un'amaru destinu.
Calas in samunadorgiu
tra colpittos de taeddas
e sorrisu de pitzoccheddas.
Calas in s'iscassadorgiu,
in su calu intras a s'ortu
de faiggedda e de patata,
cresches puru onnia matta,
gianno friscu e accunortu .
Ca gias vida e gias cuntentu
a su genere umanu,
po terrenu cristianu
ses licore e alimentu.
Po su munnu vegetale
chi t'ibettat in su situ
inue firmu has s'abitu
ses che frade coriale.
Cala bene preziosu
non ti frimes un'istante,
sempere cala costante
senza un'attimu 'e riposu.
E cun is tuos collegas
chi atobias in caminu,
formais unu trainu,
terras roccas tue segas.
E s'umanu geniale,
de idea e de talentu,
faet unu isbarramentu,
ma non perdes su signale.
Ti trasformat s'energia
e das forza a su motore
de ierru calmas su frittore
e de istade caloria.
Cresches onnia pastura,
massim'in su mese 'e Magiu
aggiudas onnia taggiu,
senza metro e ne misura.
T'ibettant in Campidanu
in ue tottu est arsura
faes onnia virdura,
e cuntentu est s'ortulanu.
Ca de abba est s'elementu,
tottus su chi vida tenet
e po cussu ti pretenet,
campen deghe o annos chentu.
T'istiman ti cunsiderant,
chi mancas tue est sa morte,
segura finis sa sorte,
ca in te tottus isperant.
E pustis intras in mare,
e a opera cumpria
ti torrat su sole in via
faennodi evaporare.
Tento unu cunsideriu,
e in ue has a naschire
e da ue has a benire,
ma est dificile misteriu.
Po me ses unu tesoro,
pagu importat tottugantu,
po me ses su megnus santu,
bales cantu e prus de s'oro.
Lino Sau - Tonara
Su cantareddu è un'ode dedicata all'acqua, che si snoda declinata in quartine
ottonarie, seguendo il suo percorso dalla montagna fino al mare, attraversando
innumerevoli siti e regalando altrettante numerose possibilità di utilizzo.
Nelle sue sorprendenti trasformazioni, l'acqua si manifesta in maniera multiforme:
è ristoro, vita ed energia, per l'ambiente, gli animali e l'uomo.
Il poeta dedica ad ogni attività nata intorno all'acqua una o più quartine e i quadretti
che ne conseguono danno vita ad una serie di immagini, alcune appartenenti ad un
passato ormai dimenticato, altre estremamente attuali.
***
Lino Sau nos pintat sa friscura de su cantareddu chi cantat una cantzone de ispera a
manu a manu chi pendet conca a mare. In s’andare suu cufortat pessones, animales
e arvores, dande vida a sa vida chi, grassias a s’umore suu, s’abiat de milli fainas.

Download Report