COMUN: I sać dal ciomënt vëgn indô partis fora de jenà por döt l´ann. Porchël é düć invià da passè te comun dai 13 ai 31 de jenà tratan les ores d'ofize (lönesc - vëndres dales 8.00 ales 12.30 y jöbia dales 14.00 ales 18.00) a tó i sać dal ciomënt ch'ai adorarà tratan l'ann 2014. Sce zacai ess da n'avëi massa püć, nen ciafi sambëgn inće plü tert. 12.1. - 19.1.2014 - nr. 7 termo por publiché: jöbia dales 20.00 de San Martin y Lungiarü PLOANIES SAN MARTIN, LUNGIARÜ Y ANTERMËIA Stimé siur Paul, indoman, ai 13 de jenà 2014, complise 70 agn. Al é na bela etè che Idî Ves à scinché sciöche laurant te süa vigna. De düć chisc agn y de Osc sorvisc a bëgn de nostes comunitês orunse dì dër bel dilan y Ves fà les mius audanzes de sanité, ligrëza, forza y motivaziun da gnì inant cun nos söl tru dla fede adincuntra a chël travert ch'i orun arjunje deboriada, che é pro Idî, olache i agn ne cunta plü nia, deache ći ch'i ùn ciafè y ciafarun da d'ël é scincunda. Porchël orunse recordè Osc compliann cun n dilan de cör a Idî, y por ći che Os ëis portè pro instës, perié che Idî Ves al paies. Ad multos annos! I geniturs che aspeta n pice o à n pice da batié, sciöche inće totes y tòć, é bel invià ala Preparaziun al Bato, en sabeda ai 18 de jenà, dales 15.00 ales 17.00, tl salf di stödafüch a San Martin. Prenotaziuns y informaziuns 0474 523 274. Söles tofles dan dlijia él publiché le program di peregrinaji dla Diozeja por l'ann 2014. La partezipaziun a n peregrinaje te santuars y te posć importanć tla storia dla dlijia porta pro a renforzè nosta fede y a tó motivaziun y forza da jì inant söl tru de nosta vita. SAN MARTIN Al vëgn chirì volontars da desparè y ingiarè i trus de cortina. Ma sc'al n'é de chi che dëida po chësc sorvisc gnì garantì. Por la ploania da San Martin él stè Rosmarie Crazzolara y Elsa Videsott che à fat le curs scrit dant dala Diozeja por acompagné i geniturs che arjigna ca i mituns y les mitans che va ala pröma comuniun. A d'ëres n bel dilan y bun laûr. siur Paul I rengraziun les mitans Christa, Natalie, Noemi, Giulia, Sara, Silvia, Tanja y Valentina dla Schira Jonila Catolica che à fat i Trëi Resc, l’Ostaria Posta da Picolin, chi che ti à paié la marëna y la pizza y düć chi che à daidé . Döta l’oferta de indöt € 5.039,34 (4.385,29 € tles ćiases + 654,05 € te dlijia) é bele gnüda metüda söl cunt dl “Bischöfliches Ordinariat”. I ùn inće tachè fora la comunicaziun sön tofla dan dlijia. Chi che oress ćiamò po menè instësc na oferta söl cunt: “Bischöfliches Ordinariat” IBAN IT 56 T 03493 11600 000300202908 SWIFT / BIC: RZSBIT2B Kennwort "Sternsingen 2014". Bel dilan de osta gran generosité! LUNGIARÜ Les domënies, ai 12 y ai 19 de jenà, vëgnel trat ite le contribut por le mone do mëssa te calonia. Al vëgn dër bel rengrazié chi che à fat i Trëi Resc y düć chi che à daidé pro por chësta aziun a bëgn dles Misciuns. Por la ploania da Lungiarü él stè Anita Verginer che à fat le curs scrit dant dala Diozeja por acompagné i geniturs che arjigna ca i mituns y les mitans che va ala pröma comuniun. Inće a d'ëra n bel dilan y bun laûr. siur Paul La Uniun Sport Amatoriala Lungiarü lascia al savëi che le ćiamp dla dlacia gnarà daurì en dedolönesc dales 19.30 ales 22.00, le dedemesaledma dales 14.00 ales 16.00 y le vëndres dales 19.30 ales 22.00 y implü saral le dedolönesc y le vëndres dales 19.30 ales 22.00 la poscibilité da s'arpizé son dlacia. Gnide tröc, i ves aspetun. Plata dla Cöra FESTA DL BATO DE GEJÙ - A Matî 3,13-17 Gejù gnü dala Galilea pormez al Iórdann, da Jan, a se lascè batié da d’ël. Mo Jan se parâ y ti à dit: Iö messess gnì batié da tè, y tö vëgnes da mè? Gejù ti à respognü: Lascia ch’al sozedes, deach’al alda ch’i adempliunse insciö deplëgn la iustizia de Dî. Dailò à Jan zedü. Gejù ê apëna batié y gnü fora d’ega, ch’al s’à daurì le cil, y al odô le Spirit de Dî sciöche na colomba gnon jö sön ël. Y na usc dal cil à dit: Chësc é mi Fi bunorü, te chël ch’i à ciafè plajëi. Canche le papa Francësch ê gnü damanè te na intervista, chê che Mario Jose Bergoglio é, àl respognü: "I sun n pićiadù, a chël che le Signur ti à ćiarè" Na resposta demorvëia, te chëra ch'i po m'odëi instës y te chëra che inće düć i cristians po s'odëi. I sun pićiadus, a chi che Idî ti ćiara! Chësta resposta à da fà cun le vangele dl bato de Gejù. Gejù s'arcuncia ite pormez al Iórdan tles lignes di pićiadus. Inće sce Jan Batista se para da batié Gejù, ô Gejù ciafè le bato de penitënza y de converjiun sciöche i atri. Y do le bato se deura le cil y Idî ti ćiara: "Chësc é mi Fi bunorü, te chël ch’i à ciafè plajëi." Le medemo é pö inće sozedü cun nos tl bato: Idî nes à ćiarè y nes à tut sö sciöche sü fis. Chël Bel Dî nes ćiara tres indô danü, propi a nos pićiadus. Al nes ćiara cun buntè, ch'i ne n'unse degöna tëma da se convertì y jì da d'ël. Inće sciöche pićiadus sunse importanć por ël. Scemia ch'i sun pićiadus, nes chërdel y ô ch'i ti junse do, tla vigna dl Signur, vignun y vignöna te chël post olach'al nes à metü, inće sc'i minun datrai ch'al n'ais nia debojëgn de nos. (M.T.) Siur Ploan: Paul Campei 0474 520 012 / 380 73 45 533 Redaziun: Tone Gasser 0474 523 194 e-mail: anton.gasser@ rolmail.net FUNZIUNS SACRES SAN MARTIN DOMËNIA BATO DE GEJÙ - A 12.1.14 8.00 Corona 8.30 Gran Mëssa LÖNESC 13.1.14 8.00 Mëssa por la comunité en onù de S. Ujöp Freinademetz aniv. Alfred Zingerle 9.30 Corona 8.30 Gran Mëssa 10.00 Gran Mëssa por la comunité en onù de San Michil y Agnui Custodi 2a de sopoltöra de Willi Clara + siur Heinrich Videsott aniv. Jan y Angelina Clara, Val aniv. Sepl Dejaco, Rü de Sot Incuntada di geniturs dles comunicantes 7.15 Mëssa + Pire Mischi + + da Miscì Romede, Maurus 8.00 Mëssa + Honnes Zingerle + Marianna Sottrovisch + Davide Agreiter di scolars DM MC di scolars + Nane Zingerle + Anastasia Schanung Corona por vocaziuns JÖ Sant Antone - Patronn d'Antermëia 17.1.14 9.00 Corona Antone abat 9.30 Mëssa solëna en onù de Sant Antone Benedisciun dla ćiaussa y dles munts dedô val' de ćialt dan calonia 14.00 Batadù y jüć tl hotel Pütia a bëgn dla dlijia Regina, Priska a 2 DOMËNIA - A Domënia dla Bibla DL MT 16.1.14 7.15 Mëssa Teobald SABEDA DO LÖ + + Sepl y Albert Fontanela + Rita Pezzei DEDEMESALEDEMA 15.1.14 MERCUI VËNDRES 8.00 Corona 19.30 Mëssa 14.1.14 Engelmar, Felix da Nola JÖBIA ANTERMËIA de rengraziamënt + + Sepl, Maria, Pire y Laurënz Campei + + siur Bertrand y Paula Vollmann Hilarius, Gottfried DEDOLÖNESC MERTESC LUNGIARÜ 18.1.14 18.00 Mëssa prefestia aniv. Vigile Moling aniv. Fonjo Verginer + + Rosa y Franz Frenner + + fam. Alfred Verginer 19.1.14 8.00 Corona 8.30 Gran Mëssa por la comunité families Vanzi families Hilda Sottara 20.00 Mëssa prefestia + Paul Daporta + + Mariangel y Iudita Clara 19.30 Mëssa prefestia + Anna Maria Clara + Jan y Angelina Clara, Val + + Heinrich y Maria Irsara + Guido Rindler 8.00 Corona 9.30 Corona 8.30 Gran Mëssa 10.00 Gran Mëssa por la comunité en onù de San Cristofer VË 3a de sopoltöra de Willi Clara fam. Frida Graffonara SA DO
© Copyright 2024 Paperzz
