Fegl parochial Breil Dardin Danis/Tavanasa settember-october 2014 CALENDER LITURGIC SETTEMBER 2014 23. dumengia ordinaria du, 07-09-2014 09.30 10.45 s.d. Plaid per famiglias a Breil Flurina s.d. Plaid per famiglias a Danis 24. dumengia ordinaria du, 14-09-2014 09.30 10.45 messa a Dardin messa a Danis sur Giusep 25. dumengia ordinaria, Rogaziun Federala du, 21-09-2014 09.30 10.45 messa a Dardin messa a Breil sur Sep Fidel Sievi messa a Danis messa a Dardin sur Giusep 26. dumengia ordinaria du, 28-09-2014 09.30 10.45 OCTOBER 2014 27. dumengia ordinaria, Dumengia dil Rusari a Danis du, 05-10-2014 09.00 10.15 messa a Breil sur Giusep messa a Danis cun processiun 28. dumengia ordinaria, Dumengia dil Rusari a Breil du, 12-10-2014 09.00 10.15 messa a Dardin messa a Breil cun processiun sur Giusep 29. dumengia ordinaria so, 18-10-2014 du, 19-10-2014 19.00 messa a Danis sur Giusep negina messa, pelegrinadi dallas pleivs ad Ittingen 30. dumengia ordinaria du, 26-10-2014 09.30 10.45 messa a Dardin messa a Breil sur Marcus Rusaris il meins d’october El meins d’october vulein nus dar in accent special all’oraziun dil rusari. Ils datums e temps dallas devoziuns anfleis Vus el Fegl ufficial dalla Surselva. FUTUR DALLAS PLEIVS Settember-stad 2015 Sur Marcus Flury ei promts da star vinavon a disposiziun sco plevon administratur da nossas treis pleivs. Cun siu agid e cun agid dad ulteriuras forzas vegn ei ad esser pusseivel da porscher vinavon en tuttas pleivs il survetsch pastoral sco entochen dacheu. Stad 2015 Cun plascher savein nus communicar che nossas pleivs han naven dalla stad 2015 puspei in plevon! Marcel Köhle ei naschius 1983 a Cuera ed ei carschius si a Domat sco fegl da geniturs romontschs. A Domat ha el era visitau la scola primara. Suenter la matura alla scola cantunala a Cuera ha el entschiet il studi da teologia a Friburg. Cul giavisch da daventar prer ei Marcel Köhle puspei turnaus a Cuera al seminari da spirituals nua ch’el ha frequentau igl onn da preparaziun per examinar sia clamada spirituala. Alla scol’ aulta da teologia a Cuera ha el finiu siu studi la stad 2010. Dapi la stad 2010 lavura Marcel Köhle a Turitg ella pastoraziun; gl’emprem sco absolvent digl onn pastoral e dapi sia ordinaziun sacerdotala sco vicari ellas pleivs da „St. Anton“ e „Maria Krönung“. Uffeci parochial e post pastoral Miez settember entscheiva Flurina Cavegn il studi da teologia a Cuera. Ord quei motiv reducescha ella siu pensum sco gidontra pastorala dallas pleivs dalla vischnaunca da Breil. Claudia Bundi da Schlans, che ha gia luvrau el team pastoral duront il temps dalla regiun pastorala Breil-Trun, vegn ad interim a collaborar cun Flurina e segidar ell’administraziun e pastoraziun. Nus giavischein ad ella bia satisfacziun en sia lavur. Igl uffeci parochial ei aviarts la mesjamna ed il venderdis. numera da telefon: adressa dad e-mail: 081 941 17 18 [email protected] Team da calustras a Breil Cun la fin fenadur ha il caluster Ervin Cavegn remess siu uffeci. Nus engraziein ad el per sia lavur fatga duront 4 onns. La cuntinuaziun dalla lavur da caluster surpren in team da 3 dunnas: Erna Cathomas (persuna da contact), Maria Cathomas e Marta Cathomas. La decoraziun-baselgia ed il quitau da paramenta vegn exequida sco tochen dacheu entras dunna Ida Berther. Nus engraziein ad ellas per lur promtadad da s’engaschar per nossa pleiv e giavischein ad ellas bia plascher en lur niev uffeci. Accents pils affons Survetsch divin da famiglia Dumengia, ils 07 da settember, Survetsch divin da scola Gievgia, ils 02 d’october Venderdis, ils 03 d’october 09.30 a Breil 10.45 a Danis 10.45 a Danis 08.15 a Breil Pelegrinadi dallas pleivs ella cartusiana Ittingen Ils Cussegl pastoral envida al pelegrinadi che ha liug dumengia, ils 19 d’october 2014 e che meina nus en in bellezia liug maneivel da Frauenfeld. L’anteriura claustra digl uorden cartusian ei oz in center da spiritualitad e cultura. Dapli informaziuns ein d’anflar naven da miez settember sin in flyer oradem las baselgias. Ei fagess plascher, sche biars parochians, giuvens e vegls, prendessen part da quei viadi. Adressas Plevon administratur: sur Marcus Flury, Glion en cass urgents 081 544 58 24 079 703 54 82 Uffeci parochial: Claudia Bundi e Flurina Cavegn Cadruvi 33, 7165 Breil 081 941 17 18 www.pleivs-breil.ch [email protected]
© Copyright 2024 Paperzz
