SURSELVA MESEMNA, ILS 22 DA SCHANER 2014 Il gin da Breil Pur– resultat da casualitads Cun Breil Pur ha la Surselva ina nova fatschenta che sviluppescha products exquisits DA SUSI ROTHMUND / ANR ■ «Gin svizzer natural – e dapli», scrivan ils possessurs dalla nova firma Breil Pur sut lur logo. Ier han Beat Sidler e Gustav Inglin, ils dus meinafatschenta, presentau lur emprems products exquisits; il Breil Pur London Dry Gin ed ina quadrofonia da truffes cun gin. Ins prendi geneivra, striaunas, menta da tschugalata e mischeidi quei cun in tschuat autras jarvas per surdar tut ad in bien brischavinars e prest sa in gin exquisit vegnir emplenius ellas butteglias. Pressapauc aschia pudess ins resumar alla sperta la historia dil gin da Breil Pur, mo aschi sempel eis ei buc, era sche la historia dil gin sursilvan sebasa sin in tschuat casualitads. L’emprema ei bein quella che dus meinafatschenta dalla Bassa emprendan d’enconuscher in l’auter a Breil nua ch’ei passentan dapi onns lur vacanzas. Omisdus umens eran en bunas posiziuns ella Bassa e tuttina giavischavan els ina midada en lur veta. «Sco quei ei tiels umens entuorn ils 50, ei vulan aunc ina gada mussar tgei ch’ei san e pon», ha Beat Sidler concediu cun in surrir a caschun d’ina informaziun per ils mieds da massa che ha giu liug ier en la destillaria Candinas a Surrein. Auters cuorien maratons, els dus seigien sedecidi da fundar in’atgna fatschenta. A Breil, lur secund domicil, han ei anflau ina basa per realisar lur empremas ideas. Gin exquisit «Nos products duein esser exclusivs ed exquisits, nus levan sviluppar enzatgei ch’ei dat aunc buc el Grischun», ha Gu- Beat Sidler, Annamaria e Gion Candinas e Gustav Inglin (da sen.) selegran da saver lantschar cul gin da Breil Pur in product exquisit. FOTO S. ROTHMUND stav Inglin declarau. Cun l’idea da far enzatgei ord jarvas seigien ei semess sin viadi tras il Grischun per mirar tgei ch’ei dat gia e vegnir sin l’idea tgei che maunca. Ei hagien anflau massa buns products, nuot parevi da muncar ed ei erien gia empau desillusiunai cu la casualitad hagi puspei giu ils mauns el giug. Ei havevien survegniu ina invitaziun per ina degustaziun da gin cun demonstraziun dalla producziun. Quei seigi stau igl impuls e ladinamein han ils umens sclariu sch’ei detti gia in gin biologic dil Grischun. «Quei era buc il cass e perquei havein nus entschiet avon biebein in onn a sviluppar nies gin dalla marca Breil Pur culla finamira da crear in product exquisit dalla megliera qualitad ‘London Dry Gin’, in gin biologic dallas Alps», ha Beat Sidler declarau. Igl ei schizun reussiu ad els da prender ella barca il renomau expert da gin dall’Engheltiara David Clutton. Cun sia enorma savida hagi quel accumpignau dall’entschatta il svilup dil product. Suenter numerusas emprovas da destillaziun, ch’ei han mintgamai tarmess vi sur mar agl expert, ei la cumposiziun digl exquisit gin grischun la fin finala gartegiada. «Nus stuein buca temer da cumparegliar cun gins da qualitad internaziunals», ein ils possessurs da Breil Pur perschuadi. Ils products culla tschitta La tschitta dad aur s’auda tier il logo da Breil Pur. La raupa da quella tschitta senutrescha dallas guilas dalla plonta da geneivra, la cumponenta la pli impurtonta che dat il gust al gin. La tschitta ei denton gia sgulada vinavon, dallas butteglias grossas da gin vi sin las scatlas che cuntegnan ils gustus truffes da gin. Era cheu han ils possessurs da Breil Pur anflau in partenari cun experientscha, numnadamein Marcus Hauser dalla casa cun tradiziun Hauser a Sogn Murezi. Sin basa dil gin da Breil Pur han ils confisiers da quella creau ina quadrofonia da truffes per gudiders. La mazlaria Schmed da Breil producescha schizun salsiz cun gin. Per Gion Candinas dalla destillaria a Surrein ei il gin da Breil Pur in niev product en sia paletta. Il pur ei leds da quella incarica e spera culs possessurs da Breil Pur ch’ei detti in success. Sco Beat Sidler ha tradiu ein las ideas per ulteriurs products ord la casa da Breil Pur gia avon maun ed era quels mondien en direcziun spirituosas. www.breilpur.ch Jamna da skis dalla scoletta Scola da skis Val Lumnezia ■ (mc) La jamna vargada ha la Scola da skis e snowboard Val Lumnezia realisau sia jamna da skis usitada per las scolettas ed ils affons pigns. Da quella purschida han ton las scolettas dalla Lumnezia (Vella e Lumbrein) sco era ils affonets da Duin/Pitasch e Riein/Sevgein/Castrisch priu part. Per l’emprema gada ei la jamna da skis vegnida dirigida dil niev menader dalla Scola da skis Val Lumnezia Martin Capeder (Duin), il successur da Sigis Cantieni (Rumein). Era per l’emprema gada han las participontas ed ils participonts saviu far diever dil runal da pony niev installaus alla staziun dallas sutgeras Val Lumnezia. L’instrucziun en gruppas ha giu liug mintgamai igl avonmiezdi. Sco mussaders/mussadras ein stai a disposiziun Marina Caduff, Gunnar Grünert, Nina Casanova, Flavia Riedi, Sigisberta Schmed, Arno Deplazes e Pascal Deplazes. Il punct culminont ein s’entelli il gentar communabel e la cuorsa finala dalla sonda stai. Cun quella caschun han ils affons saviu demonstrar en pre- Gruppa Gunnar Grünert 1. Decurtins Hadrian; 2. Cabalzar Lisa Maria; 3. Camenisch Florian; 4. Gebhard Andri; 5 Keller Emil; 6. Bandli Vivienne; 7. Simeon Naila; 8. Blumenthal Rian; 9. Caduff Silas; 10. Casanova Alyssa; 11. Bundi Leandro; 12. Caviezel Lucas; 13. Schnider Silvan Gruppa Nina Casanova 1. Keller Nino; 2. Dermon Annica; 3. Bundi Nino; 4. Casanova Riccarda; 5. Casanova Silas; 6. Derungs Rilana; 7. Caduff Mirco Gruppa Flavia Riedi 1. Bless Andrin; 2. Tanno Nevio; 3. Montalta Silja; 4. Cavegn Timo; 4. Jakob Jessica; 5. Bertogg Aaron; 6. Capeder Lara; 7. Blumenthal Larissa; 8. Cavegn Gian Loschs victurs e loschas victuras sin il podest. schientscha da numerus geniturs e parents tgei ch’els han empriu duront quella jamna. Denteren para ei d’haver veritabels campiuns, auters ein meins ambizius. Il principal ei denton ch’els hagien giu plascher, separticipar ei numnadamein stau pli impurtont che MAD gudignar. La finala ha lu era scadin participont survegniu ina medaglia. Gliesta da rangaziun Gruppa Marina Caduff 1. Capaul Lea; 2. Halter Simon; 3. Lofthouse Yann; 4. Derungs Laura; 5. Camenisch Tizian; 6.Heinze Lara Gruppa Sigisberta Schmed 1. Derungs Elia; 2. Alig Elea; 3. Caminada Svenia; 4. Huber Karin-Lotti; 5. Candrian Patric; 6. Caduff Laurin; 7. Wolf Noreen Gruppa Arno Deplazes 1. Andreoli Paul; 2. Casanova Luca; 3. Casanova Simona; 4. Cavegn Chiara Lorena; 5. Solèr Alessandro; 6. Jemmi Marino 5 ■ SKI ALPIN Semess en scena (anr/gv) Yannick Caduff da Falera ei semess en scena a caschun dallas cuorsas dalla Interregiun a Flumserberg. En dus slaloms gigants ha el occupau il quart ed il secund rang. Ella cuorsa dalla sonda ha el schau schluitar en in sbagl e schau nudar suenter l’emprema emprova il siatavel temps. Cun ina excellenta secunda emprova eis el allura semigliuraus sil quart plaz cul retard da sulet 69/100 sil victur Josua Elias Mettler dil Toggenburg. Ella medema cuorsa ein Tgasper Darms dil Mundaun e Denis Spescha d’Andiast daventai siatavel respectiv 12avel. Ella cuorsa dalla dumengia ha Yannick Caduff schau nudar duas ga il secund meglier temps. 63/100 pli sperta ch’el ei sulet Silvan Marxer dil Liechtenstein staus. Tgasper Darms ei daventaus la dumengia sisavel e siu camerat da club Didier Troels Cadonau 13avel. ■ DESERTINA BULLS Appenzell – Desertina Bulls (5:0) Igl emprem giug havein nus giu encunter quellas digl Appenzell. Il giug ha entschiet fetg hectic e las adversarias han schau circular bein la balla. Ils Bulls vegnan da tener bein lur adversarias ed ellas han paucas schanzas sin gol. Ella 18 avla minuta vegnan las adversarias da marcar igl emprem gol ed aschia statti da pausa 1:0. Da pausa motiveschan ils trenaders nus e fan curascha. Els ein cuntents cun nossa prestaziun e dian da cuntinuar aschia. Cuort suenter pausa vegnan las adversarias da marcar dus gols muort in pign sbagl davon il gol. Ils Bulls han fatg certas pintgas midadas els blocs ed emprovan aschia lur cletg. Ella 36 avla minuta marcan las adversarias il 5:0 e gudognan aschia il giug. Desertina Bulls – Wängi (2:0) Il secund giug encunter Wängi han las Sursilvanas entschiet bein. Gia ella emprema minuta vegn Flavia Schnoz da marcar igl emprem gol sin pass da Sonja Schmed. Las Sursilvanas laian circular bein la balla e tegnan bein lur posiziuns. Ils Bulls han entginas schanzas sin gol, mo la balla va semplamein buc ella reit. Da pausa motiveschan nos trenaders las giugaduras e cusseglian da tener aunc meglier las posiziuns e tener en egl las adversarias. Suenter pausa tegnan las Sursilvanas bein lur adversarias e laian aschia era circular bein la balla. Ella 36avla minuta egualisescha Claudia Flury il secund gol per las Sursilvanas sin pass da Bettina Giger. Duas minutas avon la fin prendan las adversarias ora lur gol e giogan aschia en sis. Aschia gudognan las Sursilvanas il secund giug cun 2:0. Bettina Giger reclama Gruppa Pascal Deplazes 1. Capeder Julian; 2. Jakob Julian, 3. Blumenthal Moreno; 4. Heinze Lena, 5. Montalta Laurin; 6. Rensch Enea ■ UNIUN DA LOURDES SURSELVA Recumandau fetg il pelegrinadi d’uonn (anr) Igl atun vargau ha ei dau ina midada alla testa dall’Uniun da pelegrins e pelegrinas da Lourdes en Surselva. Suenter 14 onns ei la meriteivla presidenta Ruth Good seretratga. Sco successura e nova presidenta ei Laetitia Cavegn-Kaiser, Glion, vegnida eligida. Ella era tochen dacheu actuara. Preses resta sur Peter Aregger, plevon a Vella. Reeligi ein era vegni: Toni Allenspach, Schluein, sco vi- cepresident, Isidor Bundi, Glion, sco cassier. Nova actuara ei Anna-Helena Cavelti, Sagogn ed assessurs restan Jeannette Camenisch-Cavelti, Glion, e Manuel Lombris, Sagogn. Pelegrinadi a Lourdes 2014 Il pelegrinadi interdiocesan per la Svizra tudestga e retoromontscha a Lourdes ha liug uonn dils 10–16 da matg. Il motto secloma: «Il plascher da semidar». Accumpignaus vegn quei pelegrinadi tras uestg Felix Gmür da Basilea (cun sedia a Soloturn). Recumandau fetg vegn era d’abonnar e leger la revista dall’Uniun da Lourdes svizra «AVE». Sco l’Uniun da pelegrins da Lourdes Surselva fa da saver eis ei la davosa ga ch’il pelegrinadi a Lourdes vegn organisaus entras il biro ad Uznach – sut la direcziun da frater Bernard Bisquolm dalla claustra – da leu anor. Quella ha organisau quels pelegrinadis dapi 1972. Ins vegni mo aunc a segidar intec. Ei vegni ussa luvrau intensiv vid ina reorganisaziun dalla logistica e structuras dils pelegrinadis. La finamira resti denton dad offerir era vinavon buns pelegrinadis a Lourdes – ton per sauns sco malsauns ed impedi. Silva Semadeni, Nationalrätin SP, Chur Am 9 . ar Febru NEIN s teu irchen Zur K iative Init «Damit die Landeskirchen ihre seelsorgerische Arbeit fortsetzen.» Komitee «NEIN zur Kirchensteuerinitiative» Postfach 381, 7001 Chur er